أخذني كل ما مرك حزن او ضيق
‏ترى أجمل شعور .. إني لك الملجأ

لا ينثني عزمك بقولت مايصير
‏دور على الي مايصير و عانده

خلك مع اللي شوفته مثل الأمطار
واطيب من التمر الحساوي مع الكيف
ٰ
و إبعد عن اللي للقريبين و الجار
ما يشبه إلا العج عصرية الصيف ،

لو ما خلقها الله على كوكب الأرض
‏ بتصير مع بيض السحايب سحابه

رغم امتداد التعب عيا يموت الطموح
وبابٍ وراه اعتزازي : طارقه طارقه
ٰ
عزيمتي ما يحطّمها ، الزمان الشحوح
والشمس بكره رغم انف الدجا شارقه

بعـض  البشـر خيره على المجتـع فاض
مثـل المطـر لامـن  وقـع  ينفـع  الارض
،
وبعض البشر مثل الوباء شـر وامـراض
ياما  شذب  غافل  و ياما  طعن عرض
،
متعب الوبير

‏يا البنا ادم ما تفيدك فزعة الفزاعه
العرب لو فزعت ما تنفعك. فزعتها

اطلب المولى ترى الايام فيها. ساعه
ساعةً لن وافقت ما رجعت. دعوتها

وعبر الدرب السليم وكب عنك الضاعه
الرجال. دروبها ما تمحي جرتها

حمود_الجداعي

من يخذلك في موقفه يوم تنصاه
وهو رفيق .. ولو بغىَ الطيب قادر

إقطع معه حبل العلاقه من اقصاه
مثله نقص .. عن رفقته تب وغادر

النجم_العالي

ترمي بنا الدنيا من الجال للجال
مثل السكارى في حياة النكايد
.
مابين كف وكف جمره لها اشعال
يجهل وجعها متعبين الوسايد
.
واحلامنا من دونها ابواب واقفال
وعزومنا مـنـهـا تـهـون الشدايــد
.
بيضٍ نوايانا على كل الاحوال
نفعل جميل ومرضي الناس كايد
.

عبدالله_المفضلي

احرص ع الطيب اليا اقبلت واقفيت
تلـقاه لامـن طـاب مـن طيـب ذاتـه

والا الردي لا طاب دور على الصيت
لازم يعـلمـنـا علـى .. سـنـاب شـاته

لاتحسبه طـيب مثـل مـا تهقويــت
يـومـيـن والـثـالـث يـبـيـن رداتـه

لان الردي راسه مثل راس كبريت
مـايـقـدح الا مــــرة فـي حـياتـه

تركي_بن_حصين

خلوني ارقـد ،،،،،دامهـا منعاجــه
عجزت ،،،اعدل واقعٍ ،،منعـاجي
،
مادامهـا،،،، قامت تثاغا، نعـاجـه
ابستـريح ،،،،وعارفن ،،منـهاجـي
،
ذاك الكريم،،، الي مطفي سراجه
انا بـعد مثـله ،،،بطفي سـراجـي
،
اصعب ماشفت بهالزمان الحـاجه
عنـد ،،النـذل لاجيتـله، محتـاجي
،
،
،
محمد اديهم

عليك الفرج ياحيّ ندعوك يا رباه
يا منشي سحابن لايحن فيه برّاقه

سجدنا لوجهك يا إلهي اتْخَضع جباه
قلوبن من الوجلة تناجيك خفاقة

طلبناك عفوك لا غدينا حفاه عراه
لا نصْبت موازين العمل مالنا طاقة
.
.
نايف_نقاء_الوسيدي

لـو فاتك اللي فـي حياتـك تمناه
ماهـوب مثل اللي اذا متّ فاتك

ساعـه تعيش بها على طاعة الله
تسوى جميع اللي جمعت بحياتك

خوفي من الله وإتكالي على الله
لا خايفٍ هذا.. ولا راجياً ذاك
'
يا خالقي .. يرجعلك الامر كله
المد مدك .. والعطايا عطاياك

فهيد_بن_رفّاس

شابت شواربنا وشابت لحانا
وبار الصديق اللي عرف سر مخباي
-
يقول عانو خالي الجيب جانا
مايدري ان الجيب تخليه يمناي

‏يارب والنفس بيدك وانت خالقها
محتاج عفوك وتوفيقك وإحسانك
.
يا كثر الاحلام لـٰكن ما يحقّقها
إلّا انت يا حي يا قيّوم سبحانك
.
ابو فهد

‏ياالله ياللي كل شين على يدك
عمري ورزقي والشقا والسعاده
.
يارب تسعدني بساعة مشاهدك
وتجعل ختام العمر نطق الشهاده

نايم لكن القلب صاحي ولا نام
الشايب اللي مصحفه في يدينه

وحنا يمر اليوم والشهر والعام
والبعض ماشاف المصاحف بعينه

رغم امتداد التعب عيا يموت الطموح
وبابٍ وراه اعتزازي : طارقه طارقه
ٰ
عزيمتي ما يحطّمها ، الزمان الشحوح
والشمس بكره رغم انف الدجا شارقه