ياسعود ماعينت الي راحة البال
هي صدق والى كلبوكم سواتي

اسمع بطاريها لي اسنينن طوال
والاذكر اني شفتها في حياتي

دورتها في كثر الاصحاب والمال
وفي عمري الماضي وفي ذكرياتي

ودوجت في الدنيا من الجال للجال
وعجزت للقاها بكل الجهاتي

ماجد_النصيف

يامقلب قلوب الخلايـق والأبصـار
ياحاشرن خلقـك حفـاة عراتي

أسألك أنا خشيتك في سـر وجهـار
وعلى الهدى طالبك ربـي الثباتي


يارب ياكريم ..

الصاحب اللي جاك يشكي همومه
خــلـك لـهـا مـثـل الـطـبيب الـمـدرّب

اسـنـد لـهـا يـمـناك وارفــع عـزومه
لــولـى الـبـلاوي مـانـصاك وتـقّـرب

الـطـيـب يــذكـر والـمـواقـف بـيـومـه
خـلك عـلى الـهقوات واحـذر تـهرّب

خليف_الزريق

يا ما من صدوف .. الليالي لقينا
وياكم صديقٍ .. يختفي لا بغيناه

وكم خابت الهقوات في من هقينا
والبعض منهم .. ليتنا ما عرفناه

نحفظ جميل .. اللي تجمل علينا
واللي تردىَ موقفه .. ما حسبناه

النجم_العالي

مستعد اناطح صدوف بقعا لين اموت
ولا اتردّى فـ ابن عمي ولا فـ صاحبي ..

منهو غيرك لا تعب جسمي يقول :
" ألف بسم الله عليك من التعب "

لاصرت طيّب لاتهاب الضعيفين
لا بد ماتلقى ضعيفٍ ، يسبك ..

ليا تباغض واحدٍ لك او اثنين
يكفي مطاليق الجماعه تحبّك .

رفيق القسا ودك تراكا على مركاه
‏ورفيق الرخا ودك تراكا على كبده

أثر الرياجيل تفرق بـ المدا والعزوم
والطيب كايد وصكات المواقف محك
ٰ
احدٍ ع اتفه سبب م عاد يقدر يقوم
واحدٍ لو تسكر الدنيا بوجهه ضحك ..

انا تغيّرت ؛ وكبرت وتعاليت
واذا بغيت احب بـ احب ذاتي !

يالله بحظٍ يقوم ودعوةٍ لا دعيت
‏يفتح لها ربي أبواب السماء كلها

عشان تتفادى جروح و خسارات !
سطّح علاقاتك مع الناس .. تسلم

كبار الاحلام لو تعرف : كبار الفعول ؟
‏ما كان حلمي يعدّيني ، وأنا أطالعه !

الخلا عن زحمة الناس " بوابة نجاه "
يوم أشوف الذود ، والعين يبعد مدها

عاد شوف الذود حاجه توسع فالحياه
للصدور اللي من الوقت .. ماهو ودها

عيش فالدنيا كأنك " ضيف بيت "
إنتبه تطمع في زاده أو حريمه

خذ حقوقك من كرامه أو مبيت
وخل لك لارحت من ذا البيت قيمه

الملف التفاعلي القنوات برنامج البيت السعيد على تطبيق الواتساب والتلجرام

جميع القنوات دينية ما فيها اي مخالفات شرعية

ولا يخفى عليكم فضل نشر العلم احتسبوا الاجر على الله في نشركم لهذا الملف في اكثر من 150 قناة دينية كم من مستفيد من هذه القنوات الدينيه يكون لك أجره