‏على كل ماقد فات جعل العوض بعدين
‏يسوق الله الغيث اللي يعدل اوضاعي .

‏يـالله بنوٍَّ .. من المنشـى غيومه
‏ملتحم والبرق فخشوم المناشي

‏ياخذ اسبوعين من ليله ويومه
‏يقدح البارق مثل قدح الفلاشي

‏لاتـحدّر وَابله .. وارخى كمومه
‏ترتوي منْه الأراضين العطاشي .

جعل ذعذاع الهبايب لاذعذع واستدار
‏يستدير بـ مقفيات المخايل و القنوف

‏تجتمع مثل المواليف عقب الانتظـار
‏وتنثني مثل المطاليق في وجيه الظروف

‏كن دجاهـا لا تناثر على وجـه النهار
‏الجديل اللي يتناثر على لبة هنوف

‏تاخذ اسبوعين نفس الغزاره والمسار
‏المطر مثل المطر والوبل كبر الكفوف .

خل الصبر مبداك لو خاطرك ضاق
دام المجامل ماله اضرار ، جآمل.