#قسم
. ومحمد من يجي القائم تشوف
صلب جبتينك المافوك اشجره
الهسه همه بسد محمد نايمين
المن ذكرهم انه ارجو المعذره
ابوبكر وعمر اولاد الزنات
راح ينحركون ويطشهم ذره
البيوت الألله كايل ترفع
امهبطيهه وصايره انصه أمن الثره
ذوي القربى همه لو غلط هاي
حشا لله الغلط بس هاذه الجره
الخالف الله يرفع كبره لفوك
ولويه الله ايصير كبره ويه الثره
#تحذير
شكو مرقد بلبقيع امهدميه
احنه من هسه نريد انحضره
وشكو واحد أسس لهدم القبور
خل يتحضر اليوم المجزره
كافي حق ال الرسول امضيعيه
وكافي حق ال الرسول اناخره
طائفيه طائفيه طائفيه اسكت يخوي
لا بعد وصلت الحدهه تره
الي مسكطله طفل ولهاجمله بيت
ولي كاسرله ضلع رأسه انكسره

ل_محمد الاسماعيلي

وماتوفيقي الا من الزهراء
وعلى مثل الحسين فلتذرف الدموع
بفضل من الله ومولاتي الزهراء ورعاية مولاي صاحب الزمان عجل الله فرجه الشريف
تم اكمال قصائد محرم
يا أبا عبدالله

اليلة الثانيه
حال مولاي صاحب الزمان

يالوعة المصاب
...........
ابيا مصيبه تبدي أنته ايعينك الله وتختم أنته أبيا مصيبه
يلي ابكللبك جمر يسعر وي دخان الخيم يصعد لهيبه
اليل يكضي ابألف حسره وتسعمية جرح من جثه سليبه
تغفه عود وتسد عينك وتفز من تسمع مشت زينب غريبه

تبدي جروحك من بيبان
وتكبر جروحك بلدخان
ولي ابمتنه ضل نيشان
تختم جروحك بلديوان
........
يالوعة المصاب
......
حزن روحك عبر حده الباب هاذه اول جرح هوه البدايه
وكل رزيه اتحدبه ضهرك المشكله حزنك ابد مابي نهايه
اكبال عينك كل صورهم ولتموتك اهلك الراحو سبايه
الروس ذيج المشت بلحر وكل رمح لله علت فوكاه ايه

كل غصه تكطعلك انفاس
عل الشاهدنهه اعيون الناس
وكل خطوه تكطع منهم ياس
اتنادي وتضنه ايرد عباس
...........
يالوعة المصاب
...........
من تشوف المهر يرجع خالي ضهره ولسرج فوكاه مكلوب
ولنساء البصاحري فرن وماعرفن ابذنيج الدروب
وعمتك ابكل خطوه تعثر ولدلال الصفه مثل الشمعه ويذوب
اشكبره كللبك اشكد تحمل يلي حزنك فرض صار اعليك مكتوب

اخيمك طفن بس نار البيك
ماتطفه واتنام اتخليك
وشجم مصيبه اتسير اعليك
وعبدالله نحره اشكد ياذيك
...........
يالوعة المصاب
...........
اطفالك اثنين الي ماتو واحد ابسمار والثاني اعل نبله
المايكمل سنه عمره حكك اعليه الدمع من دم تهمله
هذه حزنك من تعرضه عل الرواسي ابد ماتكدر تحمله
اشسوه عاشر بيك يومه خاف كبل الطلعه عمرك ماتكمله

امذبلك اشجم جفن وعين
رمح الطلع من ضهر حسين
وذاك جبده انطر نصين
رايدله واحد يبجي اسنين
.........
بفضل الزهراء عليها السلام
محمد الاسماعيلي

حال مولاتي عليلة الحسين عليهم السلام

اول شمعه اتذوب ابشوك
من شافتهه اتسير النوك
وتنادي ابكللب المحروك
وياكم خدامه اخذوني
.........
العله .. انه ابد لا موعليله .. ولانحيله .. العله هسه راح تبدي لو مشيتو
العله .. تبدي وي شيلت ضعنكم .. وي شملكم .. من تركني وعني كلكم سافريتو

علتي التبدي ابفكد احبابي اكبر هاي وبيهه اموتن
الدار التصفه ابلايه احسيني المن عود بيهه اعيشن
.........
جان الحيل وراح الحيل
وعليك الدمعات اتسيل
من اليل الحد آليل
سهرانه وماتغفه اعيوني
..........
العله .. اتزيد يوميه وجروحي .. ويعله نوحي .. عليّ ماعافولي واحد احجي ويا
العله .. ياكل ابكللبي هجرهم .. وين أرضهم .. وادري ابوي الغالي وجهي مانسا

مدري اشلون اليل ايخلص وانت ابعيد مو كدامي
ماريدن من عندك كلشي بس رجع اوياك ايامي
..........
اليوميه ابهجرك مذبوح
لو طولك كدامه ايلوح
لتضن يكفي بس النوح
وبس انتم بويه اتكفوني
.........
العله .. من اصد للدار وحشه .. افراش افرشه .. وبقه أتاني ها يجي هامايجي
العله .. تاكل ابروحي اليالي .. وأنه حالي .. خلص من كد المتانه ولبجي

اليل المااسمع بي صوتك لا مو ليل هاذه أحسبه
مشتاكتلك بس من ترجع حجي الشوك كله اسحبه
............
ابجيلك وانحب مادام
طولك ذاك اعليّ مادام
الدمعات اعل اعيوني اولام
يلفركاك امذبل اجفوني
..........
العله .. تدري بيه اشكد احبكم .. بس دربكم .. مااندله وماندل هسه وطنكم
العله .. كلبي شيب من ونيني .. ومن حنيني .. انتو غير اهلي وأنه محمل هجركم

كلبي ايفز لو يسمع بيكم لو ينجاب بس طاريكم
كتلي اشجم يوم ونرجعلج شنوه الصار بويه اعليكم
...........
ولاجيت أنته ولاخوان
وشافو كللبي اشكد تعبان
كلشي البيه أصبح ذبلان
اتغيرت ابيوم العفتوتي
.........
العله .. وحده انه من بناتك .. ابفي عباتك .. امشي بس كلشي ولاطاري الهجر
العله .. ماتمر بيه طيوفك .. ومااشوفك .. وخايفه حته ابمنامي ماتمر

الحسره التبقه ابكللب الفاكد توجع حيل لوماتطلع
الدمعه المانشفت بعيوني تنشف راح لمن ترجع
.........
دوم اذكركم مو مرات
وي روحي اتعيش الجمات
ابكدكم بيه اشكد حسرات
من اترجعون اترحموني
............
بفضل الزهراء عليها السلام
محمد الاسماعيلي

شجاعيه لمولاي قمر بني هاشم

قمر الله قمر الله
..........
انت ايد الله ولافوكاهه ايد وقوة الله بيك كلهه استكملت
بلحرب ماالك ند ولاشبيهه ولحرب مولاي بيك اتشيمت
سيفك الله امخلي بي سر وعضيم وكل عضمته بلركاب اتبينت
يجل قدرك والجيوش اشما تجؤك ابكل قدرتك عنهه انت اجللت
..........
قمر الله قمر الله
..........
الغضب رب العالمين أنته تلوك وكتمل بيك الغضب من نزلك
كله كالت زلزله ابئرض الطفوف وبلفزع لكبر ربك مثلك
خيل تردم خيل وحتارت الناس وليشارد شاف نفسه جاي الك
ماتحملك كاع يمرجف الكاع بس ضهر مهرك كدر يتحملك
............
قمر الله قمر الله
............
الماعرف قدرك مصيره ايجيبه ليك ولخطوته ولا اي حسبه حسب
المعرف لايعرف شي اكيد وخصوصاً وابنُ قتالِ العرب
يلمعلم السيف يأخذ بلرؤوس ومن دماهم يرد حيله لو شرب
مثل نار الاخره سيفك عذاب ممتله ويصيح زيدوني حطب
...........
قمر الله قمر الله
...........
اكبال عينك صار واحدهم سراب اشما تكربله ابمجانه مايضل
ادخيل صاحو يبن حماي الدخيل مثل هاذه الرعب بينه ماحصل
لانهايه لخزرة اعيونك يحيد يل رزعت الخوف بيهم للئزل
اشهد أن لك بطشٌ شديد وانتقام الله بجفينك نزل
............
بفضل الزهراء عليها السلام
محمد الاسماعيلي

حال خادم
الهيام بلحسين

يحبيبي ياحسين يحبيبي ياحسين
،،،،،،،،،،،
همت ابحروفك ولمن اعوفك يكثر عذابك
أنته حياتي وإلكه نجاتي كلهه ابمصابك

جرف ونته الي الماي غركني ابحنانك
ابخيرك عايش اسنين تحت رحمة امانك

يلعيشتني وعمرك انطيته هديه
كهفي أنته وبابك انه باسط اديه
وهاذه الشبهه ياسيدي زايد عليه
،،،،،،،،،،
طشرته شملك عطشته طفلك كلهه اعل مودي
كون اشعر انته كلشي تركته لخاطر وجودي

مااستاهل الصار كله ولجره اعليك
وانا اذنوبي إسهام يوميه وتأذيك

ارجع وأرد نادم الك وحجي انكساري
ماقدرت فضلك الي ابشمس الضهاري
امخلي اعل مودي ارقيتك تمشي ابصحاري
،،،،،،،،،،،،
ألزمهه ايدي وعيش ابوريدي أنته وضعونك
استوطن جروحي وعيش اوي نوحي فدوه لعيونك

تعيش اوي الاحاسيس وحبك زمن عابر
امعيش بيه الخيام وجرح من يوم عاشر

سالفتي نحرك ولذبح صاير هيامي
رويني من كاس الخدم وموتني ضامي
لاتكطع اويايه وصل عشكي وغرامي
،،،،،،،،،،،،
الدنيا عفتهه ابضهري اتركتهه شاغلني ذبحك
ساتر عيوبي انه ابذنوبي ماريد اجرحك

اترس ريتي مولاي من خالص هواكم
وموش ابكيفي امشي امشي ابشتهاكم

رايد حياتي ازيارتك عيشني مقتل
وجعل مصيري سيدي أمن الخيمه للتل
الكه انه روحي ابمجلسك وبدمعي اكمل
،،،،،،،،،،،،
وي روحي اكعد ولطفك ابعد ومااريدن ارجع
اتحل الاذيه وطاري السبيه ايخليني اجزع

اشما اللطم ودك حيل اضل امقصر اهواي
اذكرك وعد مولاي كلما اشرب الماي

نسيني اهلي ولخللك وصير انت ناسي
كون اكضي كل هذه العمر بدموعي اواسي
لين الكللب لمصيبتك لتعوفه قاسي
.......
بفضل الزهراء عليها السلام
محمد الاسماعيلي

لمولاي علي الاكبر ع

طلع شيب ابمشيتي وابد ماطيب اذا ماترجع أنته
يلي امخلي الفكد بين عليه وانته طايح
يل يمي جنت اكوفلي عني وين رايح
اذا ماترجع أنته
.........
اشيكومني اعثرت فوكك يئغلى امن الذي اشتمه
اجيت وضيعيت الشوف وصارت دينيتي ضلمه
هوه الي فكد مثلك حكه لو يصير اعمه
احتاريت اشيلم دمعي وجسمك بويه شيلمه
......
الجدم ليك انكله وطحت فوكاك يمكني لجمتك
شفت اجروحك ومصرعك بويه الكللبي جارح
اذا ماترجع أنته
..........
اعل طولك طولي مديته وردتك بس ترد وياي
الزم ايدي ابئيدك يوليدي ونضر عيناي
يئااخر واحد أمن اهلي ياهو أيضل الي ابمكفاي
كوم وكل ثنايه الكاع اترسهه الك بلماي
...........
ترد لو أئيس وكطعه الضن وكولن هاي هيه
ماترضاهه كدام العده بدموعي سابح
اذا ماترجع أنته
..........
الدنيا الماكو بيهه أنته بعد المن اعيشنهه
طحت فوكاك ودموعي على اجروحك اسيلنهه
احتضرت انه عل جسمك المنيه كمت اشوفنهه
ميت بس اجت عمتك وشفتهه ورحت ارجعنهه
.........
العمر شنهو نفعه للي زرعه ميت بين ادينه
الخيم ولبيهه وأنه وياهه نايح
اذا ماترجع أنته
........
كلشي هسه اتركه انته وفكر يلولد ابأمري
أشيل اشلون جسمك هاذ وعلي جسمك حنه ضهري
تموت إبلا ضناهه الام وانت البهاي أضن تدري
هسه اشلون اردن بيك ليهه وشنهو جا عذري
..........
يوردة حياتي ذبل عودك وعمري ذبل وياك
الدمع لجروح كللبي تره فاضح
اذا ماترجع انته
............
بفضل الزهراء عليها السلام
للشاعر محمد الاسماعيلي

هذا الفراق
حال مولاي الحسين

اكعد وخل اكت دمعتي ابحضرتك
يمك ابجي امن ارد محد ابخيمتك
...........
جيتك اركض من سمعتك كلت خويه الحكلي وينك
هاي اول مره خويه اسمعهه منك فكلي عينك

كوم خل نرجع اثنينه لزينب تفرح امن اتشوف مامفاركني
ايدك ابأيدي لاتنام ارجوك يلا كوم اوياي لاتوادعني

اخ خويه كسرتي اخلافك جبيره
اخ خويه حيرتي مامنهه حيره
..........
من ارد للخيم اشلون ارد حلهه الي
لخيمتك من اطب عكبك اشبيهه الي
........
الدرب كله أكضيته اعثر وتيهت يمكن عبرتك
دنكت على الكاع اعاين وجفك اعرفته وصلتك

حكه من ايتيه الفاكد اعضيده ولمثل حالي حكه يتحير
بين صيواني وبين اخوي المات ابقه لو امشي لازم اتخير

اخ خويه طيحتك حيل المتني
اخ خويه ابدموعي ماشفتني
..........
رد اكوم وكمت واعل حيلي طحت
ابركضتي امن الخيم للنهر شيبت
..........
كلشي ينحل بس غربتي أبين هاي العده صعبه
انت شايف بشر يعمه وكبل ساعه ايشوف دربه

كوم ياحيلي خل يرد حيلي لا تأذيني ابسكتتك هايه
مانريد الماي شوفتك تكفي ياحزام حسين بيك الكفايه

اخ خويه خل اموت أوياك أحسن
اخ خويه إبلا طعم هل الدنيا احسن
..........
لاولد لااخو الوحدي امشي صفيت
امنين درب الخيم تيهيته ونسيت
..........
أرجعت خالي ابدون ضلي وكللبي ضل ايماشي همه
وبكسرتي إعدانه فرحت كله كالت ماهو يمه

كلشي هسه ايهون الخيمه مشكلتي اشلون بغيابك راح اطبهه
من يكلولوي اطفالي جا عمنه مارجع وياك ادموعي اصبهه

اخ خويه افاركك اشسوه ابخيمنه
اخ خويه ابنضرته الشامت هضمنه
...........
أنته اكبر جرح بيه عايش ابد
اليشبهك الي امنين اجيبن بعد
............
بفضل الزهراء عليها السلام
للشاعر محمد الاسماعيلي

باقي إحدى عشر يوم عل
استشهاد مولاتي زينب
الشوق لتلك القبه يكاد لايفارقني

اليشيل اجنازتي. لا ولد لا والد
عندي خمسه اخواني. وهسه ماكو واحد
اليعيش الغربه كون ابموته يرتاح
وكلبه يبرد لو سمع بجنازته اصياح
........
انه يااول غريبه اتعيش وتموت وغريبه أيضل اسمهه
وأنه اول مره ميته وبس جسد عاشت عل ذاك المهه
عشت بس ياعيشه هايه ابلايه اخوتي روحي صار الموت همهه

عمري انه خلصان ابوكت خلصو اخوتي
ابكل ذكره اموتن مو عجب لو جاني موتي
مو بس اخوتي الموتو ماتت نخوتي
........
الطف اسم ذاكرتي .. ماتفارك بالي
المفترض ماعيشن .. اعل هاذه حالي
وهم غربتي بكللبي ضل مايرضه ينزاح
..........
جان حزني بي بدايه ولبدايه جان اسمهه ابلا نهايه
عمري مر اتلث مراحل الحمايه ومره رايه ومره طلعت وي سبايه
الجان زينب مره اسمهه انوب اسمهه صار للعالم حكايه

الجانت يطفي الضوه بلضلمه تطلع
الكمر يمسح كل أثر الجدمي يرجع
ابصوتي اذا احجي همس ياهوه يسمع
.........
ذكرياتي ذني كلهن اياذني
احجي بيهن بلكت الكمر يسمعني
ويجي وعل اجنازتي ايقيم النياح
.........
كل حياتي الي عشتهه الراحه ماترضه تمرني ولو لحضه
ارد انام وابقه افكر بلكت اكعد بلكت ابشوفتهم احضه
ماكو هيج انسان مثلي ابعيشته مايرضه بس ابموته يرضه

ذني الشفتهن كلهن ومافاركني
عرضن ابوكت الموته وأكثر عذبني
الصارن اوياي ابكربله كلهن اجني
........
اعيوني مرتين الهه تنضر الجيتكم
مره من سئلوني وهسه هم عازتكم
طول واحدكم ابعيني ابد مالاح
........
اليشاهد موت أهله يطلب الموت ويصير أمن أمنياته
اليخلص ابضيم عمره كون راحه تخلص اخر شي حياته
وأنه خوفي نعشي يطلع نفس اول طبتي أبين الشماته

خاف النعش من يطلع ايلاكونه عداون
ايصيحون هاي الي اجت وياهه نسوان
طلعت غريبه وبلنعش هم ماكو خوان
.........
ايست من عدكم ولا اخو اليحصلي
كبري اذا مو يمكم ياهوه اليوصلي
ابين غربه كبري وعليه العرف شاح
.......
بفضلهم
محمد الاسماعيلي

هاي امنيتي .. كون ازياره لزينب امشي
هاي امنيتي .. ابابج دمعي ايبلل رمشي

اوكف يم بابج دمعات مااحجي كلمه
وتشوفين اشكد لجمات وبشوكي هضمه

ليمت جا يتحقق حلمي . ويم بابج ينفك كل همي . ويخلص حزن اسنين
اليغفه ايباوع بس بلصوره .. اينام وروحه ابهم مكدوره .. تخلص يمته أوين

كون ومن صبح الله ابابج اكعد ولكه الروح
وتتحقق امنيتي وكبتج بين اعيوني اتلوح

.........
اباب الكافل .. يوميه اكعد وزياره اطلب
اباب الكافل .. احجي ابشوكي ودمعاتي اتصب

اعليه اقسم بل طبت شام ايوديني الهه
وتدريني اشكد بيه الام انت التحلهه

بلكي اليوم وبلكت بأجر .. ويم شباجج روحي اتهاجر .. ابكللبي المحزون
خاف الموت ايمرني ومامر .. طيف لكبتج وابقه اتحسر .. مازرت انه ام اعون

شكدر اصبر واشكد اصبر وشيصبر المشتاك
اغفه واكعد بيه اسوالف كلهن مال افراك
.......
بس بليمتة .. وهاي اليمتة اتخلص يمتة
بس بليمتة .. امخلصهه ابجي ابسكته ابسكته

يمته اوياهم اتعناج وبروحي اعزب
من تكصد زوار انعاج بيهم أجلب

حزني ابروحي وميخليني .. اسكت لو بطلنه اونيني ... وبجي ابعالي الصوت
المشتاك ايريد ازياره .. حته ايهيد وتخمد ناره .. لو مازار ايموت

اشجم موته اتمر بيه لو جن اعلي ذاك الليل
وتباوع بلصوره ودمعاتي اعل الصوره اتسيل
........
من اوصلج .. رايد امشي ابشام الغربه
من اوصلج .. كون اعيش العيشه الصعبه

اباب الساعات اوكف كون واقره الرزيه
وتتباوعلي ذيج الناس وذكر سبيه

واجزع حيل وبلكي اموتن .. وبكل شارع ابقه افوتن .. وشمات الكه اهواي
وبحجاره ريت ايضربوني .. ويتغير كل شكلي ولوني .. ويمنعوني الماي

هيج وأكثر بيه كون ايصير من ادخل شام
وبسوك انمر كون واشبع من السوك الام
.......
بفضلهم
محمد الاسماعيلي

وليالٍ عشر
اذا هل المحرم نشرت الملائكه قميص العطشان اي واحسيناه
عضم الله لك الاجر مولاي ياصاحب الزمان
اللهم عجل لوليك المنتقم الفرج