عمي عطشان المخيم
وسفه وانه بعرگي الدم
حان يومي وهذا زومي
خل اراويهم اعلومي
اليوم ع الميدان اهوي

الحسن گلالي لعمك
بويه طش گباله دمك
انه جيتك عمي ريتك
نخوة العربي نخيتك
خل اطب ع العركه الوي

خل اخذ حصه من الغاره
هذا الجيش وكل اكباره
خل اخذ كتر من اكتاره
ويعجبك زود وليدك

احنه وليداتك نغاره
نطيك ابشاره اعله ابشاره
وتدري بجسام من اصياره
متربي حسين اعله ايدك

ياعمي انه وليدك
سويتني انته عله ايدك
وديني انته وجيبني
والصيد صيدي وصيدك

.................................
يجسام اليوم يوم اعلومك
يجسام اليوم يوم اعلومك
.................................

حسين كلاله توكل
طبها جسام المشجل
دون شگره وداك صدره
ورايته تخفگ الحمره
والسمر طراهه طر

من نزل شگك علمهه
وبخيلها ركضت زلمها
سرفن ايده ابن الصميده
لگه الباله اليريده
وبيهم اعله الشط عبر

ركضاهم لابو فاضل
عايل يشمره اعله عايل
طبها غاضب ع الشوراب
داسهه الليث المحارب
عاليه وحطها حدر

جسام وطب بعده بحيل‍ه
عمه العباس يحييله
حط الخيال بفج خيله
ياحي الله ابن الساده

عباس المنطيه جفيته
خضره وجسام محليته
متلثم بيها وحاميته
عن عيون الحساد

جسام هاي علومه
طكاهه حومه بحومه
والغاره ردها بغاره
يازوم يكسر زومه

.................................
يجسام اليوم يوم اعلومك
يجسام اليوم يوم اعلومك
.................................

عليها شد ابن ابو محمد
شاب بس الله ولحد
جنه عمه يفور دمه
صكها زلمه براس زلمه
وابن ابوه اليرد عدل

سوه بالوادم سوايه
الزلم رداهه نثايه
تكول حيدر من تبختر
ركضت وفوگاهه كور
باشط وطباهه صل

جاسم بصولاته هزبر
بيك ضحك علي الاكبر
كام ليها ارتاح بيها
وصاحله وصفگ عليها
ذلها يا بن عمي ذل

جومها وشيل وطگ بيها
دك الخيل وذب رحيها
وموازه الحمزه توازيها
راويهم يوم الاكشر

عمي العباس متانينه
ليه انجيب اخبار الزينه
ونرد الجيش مخلصينه
كدامه نرد نتبختر

جسام طبها بواهس
صفن حبيب وعابس
ردمها ردمة حيدر
ويه الكبار تنافس

.................................
يجسام اليوم يوم اعلومك
يجسام اليوم يوم اعلومك
.................................

وليد رمله اليوم غمگ
حمه سيفه وگام يعرگ
شوشگاهه وركضاهه
ودمها گام يخر وراهه
وفگره ذاك الما ركض

شالها ومدها ذبايح
طايح يسفطه اعله طايح
طك ضهرها وبيده فرها
ضل كترها يطك كترها
تربع وبيها عرض

وليد ابو محمد صفگهم
بيده وانشغت علگهم
من گردها بجفه ردها
الوالده ثكلت بولدها
المنه يشرد عنده حظ

محظوظ الرد طرگ اهدومه
گوم بيهم گاع الحومه
ويلم چومة وشمر چومه
ذوگهم طگت حيدر

گبرها تراب وتصفاله
ماضل شي ما سوه اباله
بيرغهم داساه بنعاله
والزلمه اعليه مكشر

بقانون جده يحارب
مالحگ وحد هارب
سواهه جاسم هوسه
مجالب يجر مجالب

.................................
يجسام اليوم يوم اعلومك
يجسام اليوم يوم اعلومك
.................................

بجفه جاسم عوراهم
يوم كامل ركضاهم
بدم رشگهه انطاهه حگهه
طگة العباس طگهه
كسر اعليها الزمور

تورطت يمه الصورام
توجع جفوف الهواشم
حيل كلفه وبيها وفه
عشره عشره يلوي جفه
ونطت اعروگه الخضر

عمته صاحتله حيهم
مالت الله اشسوه بيهم
دار بيها و كر عليهه
ولابو فاضل عبر بيها
وطرها ابن عم سكنه طر

ضلو هوسات يسمعونه
والواهس كبر بعيونه
عمه وهوس شيكضونه
دخن راسه ابن الزهره

طبلهم ريال سكينه
والصارم توه مفشلينه
باشط ويگص من كترينه
يعبر من ضهر المنشر

كره الجيش بيومه
راواهم الميشومه
ابن الحسن بعيونه
بين الروس غيومه

.................................
يجسام اليوم يوم اعلومك
يجسام اليوم يوم اعلومك
.................................
اداء:- محمد عامر الاسدي
الشاعر:- حسين الخيگاني
الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

يكتب....

محبوبي غريب ... ملكني وطن
سالفتي نحيب ... ودموعي ضعن
محبوبي غريب ... ملكني وطن

دلاني عليه .. ومدالي اديه
وامن لي حياة .. وخيامه ثمن

سواني جبير .. ولبسني حرير
و عالغبره يبات .. ماعنده جفن

ممنون اكون بخدمته وانوح
كلشي اعوفه ولعزائه اروح
انذرله حزني ودمعي والجروح

آهاتي اله .. حزني وعذابي كربله
آلامي اله .. ضيعة رقيه بالفله

❉❉----------❉❉----------❉❉----------❉❉
حسين حسين حسين مولاي حسين
حسين حسين حسين مولاي حسين
❉❉----------❉❉----------❉❉----------❉❉

دنيانه ضلام ... والخدمه ضوه
الما يبجي حرام ... يطب ريته هوه

الماعنده حسين .. آخرته لوين
تاليهه يصير .. والماكو سوه

من حقي اهيم .. محبوبي رحيم
المايرضه يجيه .. يمشيله هوه

محد مثل گلبه الحنين ورحمته
عس اله بخيام اخته تنزل دمعته
وانطانه خيمه وهوه طاحت خيمته

ذابحني هم .. خنصر يمينه والسهم
بعيونه الم .. ماوذرتها ع الخيم

❉❉----------❉❉----------❉❉----------❉❉
حسين حسين حسين مولاي حسين
حسين حسين حسين مولاي حسين
❉❉----------❉❉----------❉❉----------❉❉

ناذرله صباي ... اصبحله عبد
ياخذني هواي ... وللخدمه ارد

شگد امشي بعيد .. وما ادري شريد
والگاه عله طول .. ذاكرتي وارد

يجذبني هواه .. وابقه امشي وراه
يحرگني واگول .. نيرانه برد

يسكتني ذنبي وارجع احجي بيه
ابجي اعتذارات وندم واجيه
وانعه لمصابه وانفجع عليه

تارسني حب .. حنيه من گلب لگلب
تارسني حب .. هوه السليب ال عالترب

❉❉----------❉❉----------❉❉----------❉❉
حسين حسين حسين مولاي حسين
حسين حسين حسين مولاي حسين
❉❉----------❉❉----------❉❉----------❉❉

متوسد اديه ... والضامي گلب
والابچي عليه ... من يبچي صعب

دمعاته جروح .. ولجل اخته ينوح
ماعدها خيام .. والدنيا غروب

الدمعاته طفوف .. من يبچي يشوف
بالهيمه عفاف .. طلعونه غرب

جم والي ضلت جثته ع التراب
جم ضامي ضل بحسرة الشراب
وجم دنيا حرگت حسرة الرباب

وام الخدر .. تنعى وتنادي يخوتي
صار العصر .. محد نصبلي خيمتي

انادي ياهلي .. جتفو حرمكم بحبل
وحيده بت علي .. گوه خذوني ع الهزل
جدامي ينولي .. ياخويه لو بچه الطفل

❉❉----------❉❉----------❉❉----------❉❉
حسين حسين حسين مولاي حسين
حسين حسين حسين مولاي حسين
❉❉----------❉❉----------❉❉----------❉❉
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

زينب ويه اهله جانت حبيبه
دارت الليالي صارت غريبه
ع الهزل خذوها وهاي المصيبه

زينب
اخت ابو فاضل .. وغيرة الكافل .. اسيره
زينب
عافت الخيمه .. وطرت الهيمه .. جبيره

راحت
بيها ناگتها .. وعافت اخوتها .. ضحايه
راحت
والدمع بيها .. روس اهاليها .. سبايه

راس اخوها عالي وعاين عليها
تنعه يا دلالي ومجتوفه اديها

----✦----✦--🖤--✦----✦---
حسين يا خويه يا خويه يا خويه
حسين يا خويه يا خويه يا خويه
----✦----✦--🖤--✦----✦---

حادي من أميه تكفل سفرها
والكفيل اخوها كاسر ضهرها
وين ابو الكفاله ويسمع خبرها

شافت
من مشه الحادي .. ومر عله الوادي .. اخوها
شافت
سهم البصدره .. ودمه ع الغبره .. ابن ابوها

صاحت
من عله الناگه .. زيد افراگه .. عذابي
صاحت
محد يشيله .. ومن يفيليه .. بغيابي

ضامي والضهاري يكتل وكتها
والشمس حبيبي فوگاه شفتها
گگلبي عفته ضامي بالغاضريه

----✦----✦--🖤--✦----✦---
حسين يا خويه يا خويه يا خويه
حسين يا خويه يا خويه يا خويه
----✦----✦--🖤--✦----✦---

راحت بيتامه وي ناس اجانب
صارت الحبيبه ام المصايب
ضل اخوها دامي فوگ الترايب

وينه
الدلل اضعونه .. ونضرة اعيونه.. الحنيه
وينه
جوده والرايه .. ترتوي بمايه .. الضعينه

رحمه
ماكو بالوادم .. واحنه من هاشم .. نسبنه
رحمه
ويه اهالينه .. راحت وبينه .. عطشنه

كربله وعطشها ونار الچوتها
عذبن رقيه وحرگن خيمها
شفنا يا هضيمه بالغاضريه

----✦----✦--🖤--✦----✦---
حسين يا خويه يا خويه يا خويه
حسين يا خويه يا خويه يا خويه
----✦----✦--🖤--✦----✦---

النوگ اجت هزيله وين المحامل
دمعة الفواطم تجري اعله كافل
لا علم عشيرة صارن رواحل

ماتت
بالخلگ غيره .. مالگن غيره .. الحبايب
ماتت
كل امانيهن .. والحدو بيهن .. اجانب

شامت
سايگ الهزله .. والضعن حبله .. يجره
شامت
ما يسد عينه .. وبگلبه ابو سكينه .. يكسره

راس ابو رقيه ويه الضعينه
ع الحرم ونينه وحزنه وحنينه
ياجرح عذابه بالغاضريه

----✦----✦--🖤--✦----✦---
حسين يا خويه يا خويه يا خويه
حسين يا خويه يا خويه يا خويه
----✦----✦--🖤--✦----✦---

ودي عن گمرهن والحسره بيهن
والفگد خواته يبچي لبچيهن
ع النهر كفاله وهنه بسبيهن

عافه
رايه ملفوفة .. وكافلي جفوفه .. گطيعه
عافه
خيمه محروگه .. جربه مخنوگه .. بشريعه

بيهن
عطر المروه .. حسرة الخوه ..لكمرهن
بيهن
دمعه مذبوحه .. وحسره مجروحه .. لكمرهن

شافن الفواطم درب السبايه
زينب العزيزه ماعدها رايه
ودعت لواها بالغاضريه

----✦----✦--🖤--✦----✦---
حسين يا خويه يا خويه يا خويه
حسين يا خويه يا خويه يا خويه
----✦----✦--🖤--✦----✦---
۞اداء:- ملا حسين الحجامي
۞الشاعر:- ابو محمد الزبيدي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

ريشة العباس طبت ع الفرات
والحواجب غير غيره مكحلات
واليصد اعليه هذا اعتبره مات

غيرة حيدر عيونه ... طب الشيخ بلواهه
تردم من يلاگونه ... روس بروس خلاها
ماكدروا يعرفونه ... بس تراب خلاها

طشرها الزلم ع النهر صوبين
غيره من السمه شال ضهر حسين

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ... يبو فاضل ... يبو فاضل ... يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

ناس مو خياله ترجف بالصهيل
شاردين وللگمر صاحو دخيل
وابو فاضل شال سيفه وطگها حيل

خلي الزلم طشاره ... صگر حسين طب ليها
من الخوف خلاها ... تتعثر باساميها
حيهم شال فقاره ... والشاطي انجفه اعليها

محلات الگمر عالمهر غاير
عركة كربله تعبر لباجر

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ... يبو فاضل ... يبو فاضل ... يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

تايهين وروسهم مابيها راي
وابو فاضل جاب من الغيمه ماي
صاح يسكينه اشربي والجربه هاي

فوگ الخيمه بديها ... خل تفرح العلويه
لعبدالله جبت جربه ... للعريس صينيه
هذا انه گمر هاشم ... يحچون بطواريه

زودي من هلي لو صحت هاشم
من غيرة علي يبرج الصارم

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ... يبو فاضل ... يبو فاضل ... يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

هلا بشارب علي وشمرة حيدره
للسمه ويه الباب شامر گنطره
ودوم بالنص ما يحب الميسره

جفه واصل الغيمه ... محد يگدر يلوحه
من جاست متن عباس ... صارت بالسمه ملوحه
زلمه مخوف الگيعان ... والجن شارد بروحه

هيبه الهاشمي اسمر الغيره
خلاها الحرب تايهه وحيره

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ... يبو فاضل ... يبو فاضل ... يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

يا بساط العرش وسليمان اجاك
وصاح يا عباس من رخصة لواك
ع المهر خليني بس اگعد وراك

يسليمان لا تگرب ... هاي العركه مگضيه
اخذ بساطك وارجع ... خلي كربله اعليه
طوفان ارد اسويها ... واسأل نوح ع البيه

سليمان الخيم انه سموني
خيمة حيدره كلها بعيوني

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ... يبو فاضل ... يبو فاضل ... يبو فاضل
★≈≈≈≈≈≈≈≈≈≈★≈≈≈≈≈≈≈≈≈★
۞اداء:- ملا محمد عامر الاسدي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ



https://www.tg-me.com/facdy313

گرب محرم خلي نستقبله
نصيح ويه اليصيحون يا كربله
✺ ┄┉┉❈»̶̥🌹»̶̥❈┉┉┄ ✺

ربنا يبلغنا الشهر نرتجي
والوالده العطشان ابنها تجي
بدموعها الگاع الصبخ تنسجي
تبجي لمصاب الجانت مدللـه

✺ ┄┉┉❈»̶̥🌹»̶̥❈┉┉┄ ✺

گرب نهار البيه شوفي ينعدم
وصيوان اعز مخلوقه لله انهدم
ذب ثوبك المبراد والبس خيم
حضر دمع للشام والقافله

✺ ┄┉┉❈»̶̥🌹»̶̥❈┉┉┄ ✺

ما باقي هنه ايام ويهل شهر
بيه ضهر ابو اليمه بعضيده انكسر
ويغير الحر لون اجمل بشر
وانسلب جم مكفول ومكفله

✺ ┄┉┉❈»̶̥🌹»̶̥❈┉┉┄ ✺

گربت ليالي البجي ومشيي الغرب
طلعت الما لامس جدمها الترب
والستر مو من گمر ما ينطلب
والميله لو ما يجي تضل مايله

✺ ┄┉┉❈»̶̥🌹»̶̥❈┉┉┄ ✺

گرب اليوم البيه يشيل الضعن
بالدرب غيم اليسر يمطر محن
ضعن بنات اخدور ام الحسن
✺ ┄┉┉❈»̶̥🌹»̶̥❈┉┉┄ ✺
۞اداء:- ملا محمد باقر الخاقاني
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

خل زينب بسكته الرضيع تضمه
عبدالله ميت لحد يگل لامه
----✦----✦--🖤--✦----✦---

خلوها سكته ولحد يحاجيها
عبدالله ابنها وجان غالي اعليها
لمن تشوفه تموت وانه ادريها
كلش حنينه وضحكته تبجيها

وشلون لو شافت ابنها بدمه
عبدالله ميت لحد يگل لامه
----✦----✦--🖤--✦----✦---

جانت تكله حسين زايد حزني
لاجمني گلبي اعله الولد لاجمني
كلما اشوفه گبالي يهدل متني
يحسين خاف يضيع من عندي ابني

من حضني جا ليش الليالي تحرمه
عبدالله ميت لحد يگل لامه
----✦----✦--🖤--✦----✦---
علي الشبلي
ماريد انه افرح والفرح موش النه
هذا انه محد مثلي شايل حزنه
هذا انه كل اخواني راحوا عنه
جا ياهو مثله وليده مات بحضنه

الگلبه ابيض حته ناسه تضلمه
عبدالله ميت لحد يگل لامه
----✦----✦--🖤--✦----✦---

الناس عدها گلوب بس ماتهتم
جن عيد عدهم من يشوفون الدم
متعجب وحسبالي جاي اتحلم
حته الرضيع البالمهد مايسلم

شيصير گلبي وكلشي صار يهضمه
عبدالله ميت لحد يگل لامه
----✦----✦--🖤--✦----✦---

يازينب وليدي عزيز اعليه
واتصابح بوجهه الصبح يوميه
جا شنهو ذنبه وما نطوه اميه
هواي عدهم ماي واحنه شويه

بس الخبيث الماي عني يحرمه
عبدالله ميت لحد يگل لامه
----✦----✦--🖤--✦----✦---

لاحه السهم وانه ضحك حسبالي
مدوهن وماادري مات الغالي
رديت لامه ومايبشر حالي
مابيه حيل وگوه اجر بذيالي

بعز الضهر والدنيا صارت ضلمه
عبدالله ميت لحد يگل لامه
----✦----✦--🖤--✦----✦---
۞اداء:- ملا صادق الجابري
۞الشاعر:- علي الشبلي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

شكرا ابا عبدالله
فضلك ابد ما انساه
ممنون منك .. ممنون منك
وياك اخدم شهرين
شكرا حسين عله حسين
ممنون منك .. ممنون منك
سنه شطول السنه .. وبديت اشتاگ انه
ـــــــــــــــــــ ❁❀❁❀❁ ــــــــــــــــــــ

يا حبيبي خلصن الشهرين ركضه
نقص عندي بخدمتك رايد اعوضه
شلون انسه ايامك ويا روح ترضه
انته هم شايف امام وينسه فرضه

ماريد كلمة مأجور
يحسين انته المشكور
خليتني اخدم .. خليتني اخدم

هذا الرزق يا مولاي
اتذكرك وكت الماي
خليتني اخدم .. خليتني اخدم

واذا ضهري انحنه .. بديت اشتاگ انه
ممنون منك .. ممنون منك

ـــــــــــــــــــ ❁❀❁❀❁ ــــــــــــــــــــ

انه عبدك وابن عبدك منك وليك
لا اراديه من ازورك بويه اناديك 💔😭
اي وحگ الوگفت عله التل تحاجيك
مقصر بگد شعر راسي وما اجازيك

يحسين ارزقني احساس
ورجعلي يوم العباس
بس رايد ابجي .. بس رايد ابجي

رجعلي عاشر عاشور
مو حلوه اضل مامطبور
بس رايد ابجي .. بس رايد ابجي

العمر ما أمنه .. بديت اشتاگ انه
ممنون منك .. ممنون منك

ـــــــــــــــــــ ❁❀❁❀❁ ــــــــــــــــــــ

محد تفضل عليه غير فضلك
مااضم شي عنك وكلشي اگلك
لو ادور الدنيا كلها ماكو مثلك
ارزقني يا مولاي اشم تراب رجلك

مولاي غيرك ماريد
دمعه الك تسوه العيد
ياعين زمزم .. ياعين زمزم

يمبچي حته القرآن
بس اليحبك انسان
ياعين زمزم .. ياعين زمزم

ولو عمري انفنه .. بديت اشتاگ انه
ممنون منك .. ممنون منك

ـــــــــــــــــــ ❁❀❁❀❁ ــــــــــــــــــــ

ريت الايام البدايه لصفر ترجع
لصوت تنصيب المواكب ابقه اسمع
عيني مو عيني اذا ماتبقه تدمع
طلع البدر علينا بحسره تطلع

عيشني جرحك كل يوم
يمك و منك محروم
آيا عشگنه .. آيا عشگنه

بدمعة فرح اتلگاك
والزهره ابد ما انساك
آيا عشگنه .. آيا عشگنه

الگلب مستوطنه .. بديت اشتاگ انه
ممنون منك .. ممنون منك

ـــــــــــــــــــ ❁❀❁❀❁ ــــــــــــــــــــ

ردلي ايام المشي يحسين اليه
بيتي ماينطب اذا مابيه عزيه
مو قصورن باليالي الفاطميه
بس شهر عاشور احسه يعيش بيه

مشاي لو ارجع كون
امشيلك انه الممنون
ورجلي اعله راسي .. ورجلي اعله راسي

عافيتي اسهر باليل
يعيوني ياعطر الهيل
رجلي اعله راسي .. رجلي اعله راسي

الوعد ماضامنه .. بديت اشتاگ انه
ممنون منك .. ممنون منك

ـــــــــــــــــــ ❁❀❁❀❁ ــــــــــــــــــــ
۞اداء:- ملا مصطفى السوداني
۞الشاعر:- حمزه السماوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

مسلم والدي مات
بعيونك علامات
دمعاتك عزيزات ... دمعاتك عزيزات
اريد اعطش واروي مدللاتك
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ

صدك مات الحنين بديرة الغربه
غريب وكل غريب المنكسر گلبه
الماعنده ابو يا عم صدك صعبه
وتضل اعله البنات عيونها تربه

بيدي انطيت العيون
بس سالم تضل كون
هيبه ورايه لو عون
يعمي حسين يالعندي شغلاتك
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ

يا شيخ الضعن يا مالح الچلمه
شتريد العدها زينب بالضعن عمه
خلي عيوني كون من البچي تعمه
وتضل سكنه اعله حجرك دوم مبتسمه

مسلم بس يهم بيك
وصاني شكثر بيك
خاف ابجي وااذيك ... خاف ابجي وااذيك
انه وخواني من فدوه لحياتك
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ

مسلم والدي مني شكثر بخته
صارت للمضايف سلوه سالفته
لرقيه تصير اصغر خادمه عنده
ابوي اول شهيد لعمي قدمته

اخاف انه انحسد عين
مثل هذا البخت وين
اخدم بنت الحسين ... اخدم بنت الحسين
وبديها فراش سجادة صلاته
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ

وحك طولك يهيبة كل محاملنه
من اول مايه عمي من السلف شلنه
عله الناگه واسولف بيها واتمنه
مو بت عم اصيرن خادمه لسكنه

جبيره المنزله هاي
الله انطاني منواي
من ايدج شرب ماي ... من ايدج شرب ماي
وكت النوم اغطيها بعباتك
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ

عسه نوم الهنه لعبدالله بيه نايم
وترد عمتي اميره وي گمر هاشم
انه اول بنيه تبشر الوادم
رجع عمي الحسين من السفر سالم

العليله اول الناس
وام الكمر عباس
احبنهن عله الراس ... احبنهن عله الراس
واحني لباب ياهيبة خواتك
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ

البگه بعمرك يعمي كل بشر راحل
يا شيخ الطوايف يا بخت شايل
عزيزه دمعتك حس دمعك السايل
شتريد من الله كون العمها ابو فاضل

ضواي بضلمة الليل
شمني بوجنتي حيل
كفال المداليل ... كفال المداليل
شايل غيرتك عمي وصفاتك
واعيش فراگ ابو لخاطر بناتك
دمعاتك عزيزات ... دمعاتك عزيزات
ـــــــــــــــــــــــ••❃••ـــــــــــــــــــــــ
۞اداء:- ملا عمار الكناني
۞الشاعر:- عبد الخالق الحريشاوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

يعلويات راح نبات
اليله بلا ستر وخيام
يعلويات اوصيجن
يم الاكبر وجسام
ادري التفگدلها وليد
تيب عيونها ومتنام
غريبه ومو عرف هالناس
والتمت علينا ازلام

مو زلمه اليمد ايده عله مريه
عركة زلم هيه الحرمه شمسويه

❉❉----------❉❉----------❉❉----------❉❉
واويلاه واويلاه .... واويلاه واويلاه .... واويلاه واويلاه
❉❉----------❉❉----------❉❉----------❉❉

يعلويات يمتعوبات
الركض ماخله عدجن حيل
شدن حيلجن بيه
اخاف اتوازه ويه الليل
آيا عازة اخواني
گام الشيب بيه يعيل
متت سكته لمن شفته
فوگ حسين تركض خيل

كل حافر يسحگه تجلب ضلوعه
ماضل كتر بيه مو دوسه مطبوعه

❉❉----------❉❉----------❉❉----------❉❉
واويلاه واويلاه .... واويلاه واويلاه .... واويلاه واويلاه
❉❉----------❉❉----------❉❉----------❉❉احمد اللامي

يعلويات باجر ع المهازل
نمشي والعباس عايفته
يعلويات وحگ ضلوع
صدر حسين عاذرته
اهاف تكول شماتي
شعجب ما گام زت اخته
هوه بلا راس كام وطاح
نسيت وباسمه حشمته

بس گام اعله حيله نصه يمكن طاح
المذبوح شيگومه بگفاه ارماح

❉❉----------❉❉----------❉❉----------❉❉
واويلاه واويلاه .... واويلاه واويلاه .... واويلاه واويلاه
❉❉----------❉❉----------❉❉----------❉❉

كلها تگوم
بس عباس من يگوم يلجمني
جنت اتباهه بجفوفه
يعدل الشيله ويحبني
وكون يشوف اوخرله
عباتي وينضر لمتني
واكلله من اجيت اركاض
اعله وجهي الذابحك ذبني

بعباتي مجلبه ايدي وايد بالشيله
وطحت فوگك يكاسر ضهر الكحيله

❉❉----------❉❉----------❉❉----------❉❉
واويلاه واويلاه .... واويلاه واويلاه .... واويلاه واويلاه
❉❉----------❉❉----------❉❉----------❉❉

المچويه تكلي شلون
عمه امشي اعله رجليه
وانه من الركض فحطان
گلبي وحيل مابيه
الطريج بعيد خويه حسين
اخاف تطيح علويه
يحادي النوگ صحت ريض
تعطل بالمشي شويه

خل كل وحده يمها وليدها تودعه
وانه حسين ادور خنصره وضلعه

❉❉----------❉❉----------❉❉----------❉❉
واويلاه واويلاه .... واويلاه واويلاه .... واويلاه واويلاه
❉❉----------❉❉----------❉❉----------❉❉
۞اداء:- ملا بدر الخالدي
۞الشاعر:- احمد اللامي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

گلبي من الضياع اجاك
جرحه بمشرعة ضماك
يا شهگه بتوالي ليل
تفضح بيه سر هواك

جيت وغرامي سوالف من عيني يهل
صار العطش وي جمالك جن عيب وكحل
ارد ابچي للسبي چني ماباچي قبل
يبچي بهضيمه جبيره البچفوفه حبل

مسلوب مولاي .. وستر الله الناس يسمونه
ماشارب الماي .. وماكو اجمل من لون عيونه

❉❉----------❉❉----------❉❉----------❉❉
مولاي مولاي حسين ... مولاي مولاي حسين
مولاي مولاي حسين ... مولاي مولاي حسين
❉❉----------❉❉----------❉❉----------❉❉

اشتم عتبتك واصيح
شمحله الگبه والضريح
بينه يشاهدك مقام
بينه يشاهدك ذبيح

بينه اليجرحه جمالك ويفسره عشگ
بينه اليكسره مصابك وشوفه صدگ
اليفديها دمعه سوالف حب گلبه يدگ
اليفديها لطمه مصيره يشم بيده حرگ

آهات وآلام .. من اتحسر جلمة ياضامي
نيران خيام .. من الطم تصبح جدامي

❉❉----------❉❉----------❉❉----------❉❉
مولاي مولاي حسين ... مولاي مولاي حسين
مولاي مولاي حسين ... مولاي مولاي حسين
❉❉----------❉❉----------❉❉----------❉❉

بدمعه نزورك ونحيب
يا اغله واعز حبيب
ضل مايفرغ الضريح
بس يبقه الغريب غريب

حب المصيبه مصيبه مو راحه واجر
والقابض عله خدمتك بجفوفه جمر
عمري بغرامك احسبه والباقي هدر
بگماطي سيد احبك مو تالي عمر

ماضنها الناس .. يسدون خلة شوگ اطفالك
همزين عباس .. مدفون يمك عين يبرالك

❉❉----------❉❉----------❉❉----------❉❉
مولاي مولاي حسين ... مولاي مولاي حسين
مولاي مولاي حسين ... مولاي مولاي حسين
❉❉----------❉❉----------❉❉----------❉❉

شما ابجي واون قليل
جيل يمر يجيني جيل
حبل اهل العبر گصير
حبل اهل الدمع طويل

اليسئلني تقره عليمن ودموعي تصب
ع السلبو العده ثيابه وحرگوله گلب
الماعدها والي غريبه يماشوها غرب
مني تريد ضعونك والهيمه درب

حراس انذال .. يماشونها الماشايفه خيالها
شمات عذال .. يراونهه الما مار بالها

❉❉----------❉❉----------❉❉----------❉❉
مولاي مولاي حسين ... مولاي مولاي حسين
مولاي مولاي حسين ... مولاي مولاي حسين
❉❉----------❉❉----------❉❉----------❉❉

بينه يحن عله المصاب
وبينه يدور الثواب
اهم شي ننحسب عليه
ولا ننسه العله التراب

بلا مشي لكربله مالي بالدنيا نفس
يانفس والدنيا دارت بالحومه عكس
حزنك مصيبه عضيمه مو هسه وامس
يالنايم تلث ليالي والهيمه شمس

من هاي ونيت .. بالشام الخوان ملزومه
المانازله ابيت .. يم باب خربة شام مهضومه

❉❉----------❉❉----------❉❉----------❉❉
مولاي مولاي حسين ... مولاي مولاي حسين
مولاي مولاي حسين ... مولاي مولاي حسين
❉❉----------❉❉----------❉❉----------❉❉
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

هل صليت على محمد وال محمد

گبل عام يختلف طعم الهوه
گبل عام اذكر الگعده سوه
كلشي ماكو .. بلا حسين
انه وين .. واهلي وين
ـــــــــــــــــــــــ••❃••ـــــــــــــــــــــــ

انه زينب بت علي
ضايعه بديرة هلي
يا دموعي استقبلي
ايام الحسين

من گبل عام اذكره
من نضرت لمنحره
صحت باقي لعاشره
ياخويه شهرين

گبل لا ابدي بمصابك واقره مقتل
خويه شخبارك اسألك والدمع هل
هانت العشره عليك وشو متسال
تذكر آخر مره شفتك وانه ع التل

من زمان .. ما اجه منك خبر
من زمان .. وانعم الله ع النحر
ع الرمح فاتـ .. حلي عين
انه وين .. وهلي وين
گبل عام .. گبل عام
ـــــــــــــــــــــــ••❃••ـــــــــــــــــــــــ

جنت يوميه تمر
تصلي واقره بالفجر
الحمدلله والشكر
دام انته موجود

وجنت ما اعرف خطر
بزودك وزود الگمر
والله لا ينطي النهر
مني خذه زنود

شذكر وشنسه ولا يبرد حنيني
سنه مامحسوبه جانت من سنيني
جان كلش ويه ابو فاضل يجيني
زينب شمحتاجه كولي بعد عيني

تالي راح .. وعافني بنص كربله
تالي راح .. اجه بسوطه حرمله
شبيدي ع الما .. عنده ادين
انه وين .. وهلي وين
گبل عام .. گبل عام
ـــــــــــــــــــــــ••❃••ـــــــــــــــــــــــ

ليش مسبيه انكتب
حرمه ماعندي ذنب
الله يرضاهه انسلب
كدام العيون

ادري اله حوبه العمر
سنيني مو مالت يسر
ويني وين الشمر
واسمع يگولون

ماتو اهلج مايجيج اليوم موتج
ماكو بيدج غير يازينب سكوتج
شما بجيتي بعد ميگعدون اخوتج
عله عناد حسين يطلع راح صوتج

للفرات .. توجهت يابو الفضل
للفرات .. الصوت صعد للهزل
هوه يعرف .. وضعي زين
انه وين .. وهلي وين
گبل عام .. گبل عام
ـــــــــــــــــــــــ••❃••ـــــــــــــــــــــــ

ليش عايفني بهجر
ليش گاطع ماتمر
ليش موتني الصبر
ليش كم ليش

لا گلت وين التفت
لا گلت عندي اخت
والله خويه تدوهنت
حرمه بوسط جيش

اليسوه والمايسوه يم زينب تمرجل
ليش عفتوني يخوتي بنوگ هزل
هوه جم عباس عندي حته ترحل
هوه جم حسين عندي ويرضه ازعل

ماكو صوت .. اكتفي بدمع النضر
ماكو صوت .. نايمه بعيني الصور
كل سوالفـ .. نه ونين
انه وين .. وهلي وين
گبل عام .. گبل عام
ـــــــــــــــــــــــ••❃••ـــــــــــــــــــــــ

منيتي اگطع هالفله
وكوني هسه بكربله
وياي اجيب العايله
يا لمة احباب

ويرجع لغصنه الورد
كافي يخواني البعد
وارد اگابلكم واصد
شمسوي التراب

لهسه متني بصلاة ادمومه تنزف
فاتحه عيوني واشوف رموشي مترف
ارد اساله حسين نحرك بعده ينزف
بعده من يذكر رقيه گلبه يرجف

والختام .. يصير يم المشرعه
والختام .. اكو جفوف مگطعه
جروحهم تنــ .. ـزف انين
انه وين .. وهلي وين
گبل عام .. گبل عام
ـــــــــــــــــــــــ••❃••ـــــــــــــــــــــــ
۞اداء:- ملا محمد بوجباره
۞الشاعر:- حمزه السماوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

قناة تختص بال رباطات فقط
اشتركو تفيدكم ☺️🥰
https://www.tg-me.com/HussainAli_313

رايحات
مدري وين الدنيا ضلمه ورايحات
وحده منتجيه عله وحده وساكتات

حسين ترضه الليله يحرسنه الغريب
عطشانه وركض ماي منين اجيب

حسين صاحونه باسامينه الخذونه
الماتگوم يجرهه گوه وتعبونه

🕊๘✿ৡ┅┈┈‏•💔•┈┈┅๘✿ৡ🕊

وين هاي
راسك بحضني لگيته وين هاي
الليله ذباحك گبالي وين هاي

عمامتك ذبها الغريب اعله الرباب
ولمت الشيب التطشر ع التراب

ملثمين وخايفه الليله بناتك
حسين محترگه العبي اطينه عباتك

🕊๘✿ৡ┅┈┈‏•💔•┈┈┅๘✿ৡ🕊

كلشي راح
طولك وخدري وعباتي كلشي راح
اليله راسك يم خواتي كلشي راح

مانعرف السالفه ويتنادسون
حسين خاف اعله الخدر يتعاملون

تراب وجهك كمت امسحنه بأديه
شلون اغسل راسك ويمي رقيه

🕊๘✿ৡ┅┈┈‏•💔•┈┈┅๘✿ৡ🕊

مسلبات
هدوم جسمك ادري هسه مسلبات
الرمل يجوي وارد اوديلك عبات

الليله جسم حسين ع التربان عاري
حسين طاح وفحطت گلبه الصحاري

اليل كلشي يصير بيه جي ماكو عبايه
حسين بس ادعيلنه تضل العبايه

🕊๘✿ৡ┅┈┈‏•💔•┈┈┅๘✿ৡ🕊
۞اداء:- ملا فاضل الحريشاوي
۞الشاعر:- سيد محمود الموسوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

روحي
تعبانه وماتدري شغربكم هلي
روحي
ياروحي تفارگنه ومحد ضل الي
روحي
ياروحي الله يعينج ماتتحملي

ماتو
محرومين الماي وع الغبره انتهو
ماتو
بين اجدم وبين الحر اتعذبو
ماتو
خلوني انه وروحي وكلهم غربو

ياروحي شكد صبرت وكابريت سنين عمري
ياروحي شكد تعبت ودوريت احباب گلبي

*~❥━──➸➽❥🖤❥━──➸➽❥.~*
ياروحي ياروحي .. ياروحي ياروحي
*~❥━──➸➽❥🖤❥━──➸➽❥.~*

وينك
عباس وينك مو وكت فراگ وهجر
وينك
زعلت عيون اختك ورضيت النهر
وينك
ساكت بعدك واختك خاطرها انكسر

گلبي
گلبي الموت براگه وينتضر الجفو
گلبي
يگلي اخوانج مامعقوله تغيرو
گلبي
گلبي آخر لحضاته ويلحگ بالمشو

ياگلبي شگد گلت بس مالي حظ وحجايتي تخون
ياگلبي هاي دنيا بلايه ناسك عوفها وموت

*~❥━──➸➽❥🖤❥━──➸➽❥.~*
ياروحي ياروحي .. ياروحي ياروحي
*~❥━──➸➽❥🖤❥━──➸➽❥.~*
۞اداء:- ملا حسن خريبط
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

ضعن الحسين ... كله هيبه ووقار
هاليله وين ... بايت بيا ديار
وكته يدور ... حاله يصبح غريب
ولا ليله ليل ... ولا نهاره نهار

ضعون الغوالي .. محله سفرها .. وكحلة نضرها.. حسين
بهاي الليالي .... حامل لواها .. يضوي بسماها.. حسين
لا ماتبالي .... بشر لو يجيها .. وياها وليها.. حسين

سلام عن الغوالي بسفرهم
هياهم واحد لواحد نضرهم
غرام عيون الزغار اعله عمهم

ـــــــــــــــــــ ❁❀❁❀❁ ــــــــــــــــــــ
للنازحين عن الاوطان سلام .. سلام .. سلام
للنازحين عن الاوطان سلام .. سلام .. سلام
ـــــــــــــــــــ ❁❀❁❀❁ ــــــــــــــــــــ

حر الشموس ماوصل للخدر
الهه النفوس ضل عليها تدور
ماكو ضلام مامر عليهم اكيد
شتلحگ يليل والهواشم بدور

ضعن القداسه .. يمشي بأمانه .. ويبث حنانه .. حسين
ماكو بقياسه .. ولا كو بمقامه .. غيره وشهامه .. حسين
والبيه حراسه .. كافل ضعينه .. حبه وحنينه .. حسين

الضعون بيها ابو فاضل جميله
يكون حب وأماني بدليله
عيون خطوات يربي كفيله

ـــــــــــــــــــ ❁❀❁❀❁ ــــــــــــــــــــ
للنازحين عن الاوطان سلام .. سلام .. سلام
للنازحين عن الاوطان سلام .. سلام .. سلام
ـــــــــــــــــــ ❁❀❁❀❁ ــــــــــــــــــــ

بوكت الوصول ياهو يستقبله
محد يگول لهل ضعن ياهله
لبيت الرسول هاي شارة عطش
ديرة عذال ويلي يا كربله

تبدي المصايب .. ويحل عذابه .. يبدي اغترابه .. حسين
تصير العجايب .. ماعنده ناصر .. بالهيمه حاير .. حسين
دلاله ذايب .. جرحه شيشده .. متفطره جبده .. حسين

غياب ع النهر طايح عضيده
عذاب صارت خيامه بعيده
مصاب غسله صار بدم وريده

ـــــــــــــــــــ ❁❀❁❀❁ ــــــــــــــــــــ
للنازحين عن الاوطان سلام .. سلام .. سلام
للنازحين عن الاوطان سلام .. سلام .. سلام
ـــــــــــــــــــ ❁❀❁❀❁ ــــــــــــــــــــ

كلشي يضيع من يروح العلم
حته الرضيع ويلي هم ماسلم
يدور الزمان ما يضل الكفيل
وتلفي الهزيل من تطيح الخيم

نار الرزيه .. تشب بالمخيم .. بيها يتألم .. حسين
والغاضريه .. بيها العقيله .. تصبح كفيله .. حسين
محد اليه .. يخواني ونت .. والونه طلعت .. حسين

غريب تنادي يخويه بألمها
نحيب والحسره بيها لعلمها
مجيب ماكو محامي لخيمها

ـــــــــــــــــــ ❁❀❁❀❁ ــــــــــــــــــــ
للنازحين عن الاوطان سلام .. سلام .. سلام
للنازحين عن الاوطان سلام .. سلام .. سلام
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- سيد مرتضى الياسري
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

اللهم صل على محمد وال محمد

دنيا من المشاعر بيها الك ماتنكتم
غالي وكل حواسي ترتلك يقضه وحلم
الماي اصفن عليه واتخيلك صوت ورسم

ياماي الحب مديونك
اعطش وانحب لضعونك
اسهر واشعر بعيونك
سهرانه وياي

كل آه بگلبي احچيها
وكل دمعة شوگ ابچيها
وكل صفنه اشوفك بيها
مو بس بالماي

شفتك ولكن ماشفت خيمه وعلم
بنحرك شفت شي واعرفت معناه الم
هميت اشمنك خفت الگاه سهم
جم شوغه الك من تلتفت صوب الخيم

ـــــــــــــــــــ ❁❀❁❀❁ ــــــــــــــــــــ
وانته اليريد افياي لازم يجيك
ماكو اكثر من الماي ويشح عليك
ـــــــــــــــــــ ❁❀❁❀❁ ــــــــــــــــــــ

ليل الحب مدينة كل جريح فاگد وطن
واليعشگ جمالك ينذبح لو گلبه حن
دمعات انكسارك ع الرمح كسرت ضعن

ليل الحب فزت نوحي
خلاني اسئل بجروحي
واقره مصيبة مذبوحي
والطم ع الراس

ليش اهل الله اكبر
ينسلبون بذاك البر
زرعو خير وماخضر
ويه ذيج الناس

تعطش واصدك مره اگول لا مو صدك
وانته العذب وي نبرتك مايفترگ
عيونك خلقها الله وقف بس للعشگ
وبس للطواف مخيمك مو للحرگ

ـــــــــــــــــــ ❁❀❁❀❁ ــــــــــــــــــــ
اليهضمني يامولاي ويجرحني بيك
ماكو اكثر من الماي ويشح عليك
ـــــــــــــــــــ ❁❀❁❀❁ ــــــــــــــــــــ

يالوعة غربتك والدهر طبعه الغدر
ودمعاتك هضيمه تسايلن ع الخد جمر
واغصان امنياتك ذوبلن ذاك الضهر

جم شاطي البطف خانك
ذبلت بالخيمه اغصانك
يوم الهدمو صيوانك
صار الحب نار

عشگك ضامي وحبيتك
ذبحوك وحرگو بيتك
وتضل بالبر تاليتك
لا خيمه ودار

حبك يبو الاكبر جرح يجوي الگلب
مو گدرك تضل بالشمس فوك الترب
حيف الغرب ويه الضعن گطعو درب
صارو اهل دار وهلك صارو غرب

ـــــــــــــــــــ ❁❀❁❀❁ ــــــــــــــــــــ
دمع الحنين هواي لليرتجيك
ماكو اكثر من الماي ويشح عليك
ـــــــــــــــــــ ❁❀❁❀❁ ــــــــــــــــــــ

وين اليبچي روحه لفاطمة شهگة حزن
نار الخيمه لاحت چم جدم وشچم متن
ليش الينسلب ثوبه العليه مايندفن

عند اهل الحق والمنكر
ماكو جنازه التتأخر
بس حسين يضل بالبر
آيا زهراء

صار الماصار بغيره
واخته المظلومه بحيره
من ديره تروح لديره
آيا زهراء

ليش الدهر خان بضعن آل النبي
الحاكم دعي وابن الوحي صار اجنبي
صار الي ماصاير قبل بأي طالبي
دار الوكت وام الخدر تمشي بسبي

ـــــــــــــــــــ ❁❀❁❀❁ ــــــــــــــــــــ
هاي التصبر هاي من عگب اديك
ماكو اكثر من الماي ويشح عليك
ـــــــــــــــــــ ❁❀❁❀❁ ــــــــــــــــــــ

ليل الحب مصيبه تختلف عن كل الم
ودمع الماله غيرك من يجف يصبح عدم
وكل استجيرك واعترف وانزف ندم

يادمعة شوگي وليلي
جرحي وصوتي اليا ويلي
مقصر بس ينهد حيلي
عله طاري الشام

نار الخيمه بدلالي
وبعيوني الرمح العالي
يبقه الطف يتراوالي
حافر وايتام

بطف كربله دموع الزعل نزلن جمر
وشچم گلب مات وعدل
التگطع صحاري بلا اهل ويه الفجر
تريدلها بس لو ع الاقل هودج ستر

ـــــــــــــــــــ ❁❀❁❀❁ ــــــــــــــــــــ
خليني اضل وفاي وبدموعي اجيك
ماكو اكثر من الماي ويشح عليك
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

غريب علي ... غريبة فاطمة
غريب علي ... غريبة فاطمة
ـــــــــــــــــــ ❁❀❁❀❁ ــــــــــــــــــــ

ليل وغربه .. الدنيا وكلها جروح .. عگب الباب ويومه
من كل گلبه .. سيف الغيره ينوح .. ع الزهره المضلومه

ينوح ذو الفقار والحر يفتهم
يصير احمر لو زعل سيف الشهم
مات بگراب الصبر ثار الجنين
بحبل الگراب انجتف ايد الزلم

معدوده الخطوات احساب
بين السيف وبين الباب
وماگص ايد الحرگت نار
عد الله وحيدر الاسباب

ـــــــــــــــــــ ❁❀❁❀❁ ــــــــــــــــــــ
غريب علي ... غريبة فاطمة
غريب علي ... غريبة فاطمة
ـــــــــــــــــــ ❁❀❁❀❁ ــــــــــــــــــــ

حرگو داره .. والخلاه مهضوم .. خصمه گباله يشوفه
وضل فقاره .. يم الباب يحوم .. يرعد ويه جفوفه

الكله شيمه يكتله هضمه ويرتعد
وسيفه مثله يموت لو صل بالغمد
الشطر مرحب وابن ود شيصبره
من سمع كلمة وإن ومن عبد

جرحو غيرة ذو الفقار
من يوم الهجمو ع الدار
من ضل بگرابه شجم ايد
طالت مثل لسان النار

ـــــــــــــــــــ ❁❀❁❀❁ ــــــــــــــــــــ
غريب علي ... غريبة فاطمة
غريب علي ... غريبة فاطمة
ـــــــــــــــــــ ❁❀❁❀❁ ــــــــــــــــــــ

نار وعصره .. ودوسة عتبة دار .. وحيدر ما خذ حيفه
باب وحسره .. وسيفه ينگط نار .. ومجبور يضم سيفه

اتمنه ذو الفقار قبل ام الحسن
ينكسر بللعصره ويلفه بجفن
شاف جف راعيه يرجف بالهجوم
دين دين الباري والزهره امتحن

دفعو باب الما مدفوع
مكسور وام بيته تلوع
هوه وسيفه يون وينوح
ترسو ذاك البير دموع

ـــــــــــــــــــ ❁❀❁❀❁ ــــــــــــــــــــ
غريب علي ... غريبة فاطمة
غريب علي ... غريبة فاطمة
ـــــــــــــــــــ ❁❀❁❀❁ ــــــــــــــــــــ

الماگدروله.. حرگو بيته الگوم.. وضلع اهله يكسرونه
مامعقوله.. الخالسهم هاليوم.. بس يصد بعيونه

سيف يرجف غيض ويعاين عليه
يشوف راعيه الوصية مجتفه اديه
لون يهجم ماتضل ع الغبره ناس
ولون يسكت تنكسر جم روح بيه

فات الذل اعله الحيطان
من طب لبيته الدخان
عگب الطاحت خلف الباب
طاحت جم خيمه وصيوان

ـــــــــــــــــــ ❁❀❁❀❁ ــــــــــــــــــــ
غريب علي ... غريبة فاطمة
غريب علي ... غريبة فاطمة
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313