#بندريه

آيا جسام ... عرسك مادم

ابچي الدمعه وتبچيني
رايح وين مخليني
باگو عرسك من عيني
وماترضه تنام

بدموع الحب ربيتك
تكفلني شگد تانيتك
وأكبر وآنه بفي بيتك
واحسب ايام

للباب عيوني ربيه.. مابيه اجي محنيه
واعله الحجر مابيه .. مسبيه .. منا للشام

يفت الصخر حالي .. هيج العرس تالي
يذبح ضوه الغالي .. بنار خيام
خنگة شمع بيه .. الياس وصوانيه
والحنه بيديه .. بس اوهام

يوليدي تروح ... وتعوف الروح
بالخيمه تدور... متروسه جروح

❉❉----------❉❉----------❉❉----------❉❉
يحسين ... يحسين ... يحسين ... يحسين
يحسين ... يحسين ... يحسين ... يحسين
❉❉----------❉❉----------❉❉----------❉❉

يبني اترجاك ... تاخذني وياك

ما احمل نار فراگك
امك واكبر عشاگك
كل لحضه تمر اشتاگك
واعشگ طرواك

جبت ثيابك تدريني
گوم البسها وراويني
طولك ياشمعة عيني
گوم اترجاك

نايم يسمعي وشوفي .. وعايف حنان چفوفي
تالي العمر ياخوفي.. بطفوفي.. مذبوح الگاك

فگد الابن ثاري.. يشعل جمر ناري
ويطفى ضوه داري.. هنا وهناك
فگدك اخذ حيلي.. وطول سهر ليلي
من عدها ياويلي.. نار جفاك

طيفك من شال... حالي اصعب حال
محروگه خيام... ومگلوبه دلال

❉❉----------❉❉----------❉❉----------❉❉
يحسين ... يحسين ... يحسين ... يحسين
يحسين ... يحسين ... يحسين ... يحسين
❉❉----------❉❉----------❉❉----------❉❉

لا وين اندار ... انظر تذكار

عطرك ضحكات عيونك
شعرك يبني على متونك
يبن الغالي ومن دونك
ماطب للدار

چانو بيك يحسدوني
رايح يابعد عيوني
وبيك اتحسر خلوني
عرسك ماصار

رايح يبعد انفاسي .. واهلي وعمامي وناسي
عگبك يشيلة راسي .. ونوماسي .. اتعب واحتار

گلبي ابتلى بظيمه .. عرسك صفه بهيمه
شمعك جمر خيمه .. شبت نار
نار شيطفيها .. هيمه ونمت بيها
ع الغبره تاليها .. عرسك صار

حسراتي بخور ... ودموعي نذور
وعريس الموت ... عرسه بعاشور

❉❉----------❉❉----------❉❉----------❉❉
يحسين ... يحسين ... يحسين ... يحسين
يحسين ... يحسين ... يحسين ... يحسين
❉❉----------❉❉----------❉❉----------❉❉

عگبك ياحيد ... سافرت بعيد

ع النوگ انه وعماتك
ننزف دمع قراياتك
تسلبنا وثارك فاتك
يادامي الجيد

ذن علويات الهادي
راحن من وادي لوادي
وملتفه حبال الحادي
من إيد لايد

ضل عمك بدم نحره .. ومايمه بس الزهره
تنظر لابنها وتقره .. بالحسره .. عريان وحيد

عمك گمر هاشم .. ضل ع النهر نايم
ودمعاتي يالقاسم .. حاشى تهيد
واخت الگمر صارت .. فوگ الهزل دارت
بدرب السبي احتارت .. دون عضيد

دمعات اعتاب ... وعيون اجناب
من بيت لبيت ... من باب لباب

❉❉----------❉❉----------❉❉----------❉❉
يحسين ... يحسين ... يحسين ... يحسين
يحسين ... يحسين ... يحسين ... يحسين
❉❉----------❉❉----------❉❉----------❉❉
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

حنينه دمعة الروح
امان وذخر
بچي عزاء الجروح
اصيلة عمر

كلمن اله بخته ونصيبه
من النعي وبچيي المصيبه
عله الغريبه اخو الغريبه
وعذاب اليسر

والخدمه جنه ماكو منها
بكفالة الزهره وابنها
اون عله المامر ضعنهه
گلب منكسر

گلب امامي
يعرف خدامه بالاسامي
هوه القاضي والمحامي
گلب امامي

گلب امامي
يسمع صفنتي وكلامي
خذه روحي وعشگته ضامي
گلب امامي

ـــــــــــــــــــــــ••°°❃°°••ـــــــــــــــــــــــ
دموع الحب حنين ... حبيبي ياحسين
حبيبي ياحسين ... حبيبي ياحسين
ـــــــــــــــــــــــ••°°❃°°••ـــــــــــــــــــــــ

خدمتي والعشگ سور
يحيط الگلب
وآنه مصيري عاشور
وعزاه ينصب

خلقني ربي احب امامي
وانزف عليه دمع غرامي
واهديله آهات وسلامي
ودمعة التصب

امشي وتعت بيه الموده
شما انكسر الگاني عنده
آخذ اله الدرب وارده
واحب الدرب

گلبي مواسي
شايل خدمته عله راسي
وادري النعمه مو قياسي
گلبي مواسي

گلبي مواسي
وتلهج باسمه كل حواسي
والگاه يمي وآنه ناسي
گلبي مواسي

ـــــــــــــــــــــــ••°°❃°°••ـــــــــــــــــــــــ
احب واعرفهه زين ... حبيبي ياحسين
حبيبي ياحسين ... حبيبي ياحسين
ـــــــــــــــــــــــ••°°❃°°••ـــــــــــــــــــــــ

عزيزه دمعة العين
على كل بشر
رخيصه بس للحسين
وترتب اثر

دمعي الهوه والخدمة غيره
والمالطم شله بضميره
والمابچه اعمه البصيره
وعديم البصر

عشگ الخيم دمعه محنه
وحب العطش عذابه جنه
نغار اعله خدمتنه وحزنه
وبواچي السهر

تمر ليالي
ولوعة كربله اعله بالي
غير الدمعه ماحلالي
تمر ليالي

تمر ليالي
حالي الماتو اهله حالي
شقدم والاحبه غالي
تمر ليالي

ـــــــــــــــــــــــ••°°❃°°••ـــــــــــــــــــــــ
اصيرن كلي عين ... حبيبي ياحسين
حبيبي ياحسين ... حبيبي ياحسين
ـــــــــــــــــــــــ••°°❃°°••ـــــــــــــــــــــــ

تحچيله حسرة الليل
سوالف دمع
ياويلي واللطم حيل
دوه المنفجع

لاتطفه ياجمر الرزيه
وجرح الرمح كسر رقيه
وطاري السبي يبچي الزچيه
وصواني الشمع

محد دره شبيهه الخرايب
وتفرگعت فوگ الترايب
بواچي ليل العدها غايب
غدت تنسمع

جرح زماني
اليعشگ كربلا يعاني
للخدمه استعد واتاني
جرح زماني

جرح زماني
شهر الغاضريه جاني
هوه نار العطش خذاني
جرح زماني

ـــــــــــــــــــــــ••°°❃°°••ـــــــــــــــــــــــ
اروح خلافه وين ... حبيبي ياحسين
حبيبي ياحسين ... حبيبي ياحسين
ـــــــــــــــــــــــ••°°❃°°••ـــــــــــــــــــــــ

يروحي كربله تريد
دمع مايشيح
دوانه لطمة الايد
عله المنذبح

غربة عزيز امه چبيره
وخواته من ديره لديره
فوگ الهزل ضعن العشيرة
جرح يم جرح

ماشافن الغربه بعمرهن
هيمه وسبي وضايع خدرهن
وعله النهر طايح گمرهن
وشمس ع الرمح

ويلاه رقيه
رحلة طفله هاشميه
من خيمتهه للمنيه
ويلاه رقيه

ويلاه رقيه
ابوهه تعوفه ع الوطيه
راحت ع الهزل سبيه
ويلاه رقيه
ـــــــــــــــــــــــ••°°❃°°••ـــــــــــــــــــــــ
حبيبي ياحسين ... حبيبي ياحسين
حبيبي ياحسين ... حبيبي ياحسين
ـــــــــــــــــــــــ••°°❃°°••ـــــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

ياهلي هذا ضعنكم .. هذي زينب
مو غريبة
هاشمي ماصاح منكم.. هذي زينب
مو غريبه

مو غريبة... كرهته هالاسم
مو غريبة... بعد كافي انلچم

ضعني راجع... خلص درب السبي
ضعني راجع... يحينه الطالبي
ضعني راجع... واصيحن ياهلي وين

يالشام ... هاي ابيوت اهالينه
مانام ... بخرايب بيها تسبينه
بالشام مانام ... بعد للوطن ردينه

❉❉----------❉❉----------❉❉----------❉❉
وين اهلنه ... وين اهلنه ... وين اهلنه
وين اهلنه ... وين اهلنه ... وين اهلنه
❉❉----------❉❉----------❉❉----------❉❉

راح اذب حبال اديه .. حبال المن
مو سبيه
ها ينسوان المدينه .. عني گولن
مو سبيه

مو سبيه... ادخلت دار الاهل
مو سبيه... انه خدري مثل

وصو جاري... ضلي ماشافه بشر
وصو جاري... لا يصدگ بالخبر
وصو جاري... يسد اسماعه والعين

ياجار ... خيالي الماشفت رسمه
بالنار ... احترگ ماوصفته الچلمه
يا جار بالنار... احترگ خدري وصواوينه

❉❉----------❉❉----------❉❉----------❉❉
وين اهلنه ... وين اهلنه ... وين اهلنه
وين اهلنه ... وين اهلنه ... وين اهلنه
❉❉----------❉❉----------❉❉----------❉❉

يالفضل وينك يعمه .. مدلي ايدك
زينب آنه
كافلي فارگت راسمه.. جيت اريدك
زينب آنه

زينب آنه... وشفت طولك نهر
زينب آنه... ردت وجهك گمر
زينب آنه

رايه گالو... خضرت بيد الفضل
رايه گالو... لعمتك شايلهه ضل
رايه گالو... هوت محتاجه چفين

وياي... يعمه الجود الك جبته
بالماي... ابوك الگه طعم بخته
وياي بالماي ... ابوك الگاهه چفينه

❉❉----------❉❉----------❉❉----------❉❉
وين اهلنه ... وين اهلنه ... وين اهلنه
وين اهلنه ... وين اهلنه ... وين اهلنه
❉❉----------❉❉----------❉❉----------❉❉

راجعه يادور اهلنه .. بضعن مسبي
وين اهلنه
بيه فزن من وصلنه.. جروح گلبي
وين اهلنه

وين اهلنه ... وضعن زينب اجه
وين اهلنه ... انگطع بيه الرجه
وين اهلنه

ياحسافه ... طفه موگد هلي
ياحسافه ... ولا فزاع الي
ياحسافه ... جفوهه دلال الحسين

خوان ... ماكو من اجت زينب
وليان ... تگابل ضعني وتنحب
خوان وليان ... محد دار الي عينه

❉❉----------❉❉----------❉❉----------❉❉
وين اهلنه ... وين اهلنه ... وين اهلنه
وين اهلنه ... وين اهلنه ... وين اهلنه
❉❉----------❉❉----------❉❉----------❉❉
۞اداء:- ملا محمد باقر الخاقاني
۞الشاعر:- احمد اللامي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

دمع انتضاري .. هذا انكساري
كله لغيابك
گلبي بنحيبه .. عافه حبيبه
ع البيه عذابه

بفگد الغالي ونيت
بوكت صبحيتي واليل
انه ام الحيل ضليت
بغيابه ماالي حيل

مو ابني اسميه .. سيدي ابن الزچيه
خدامته وليه .. افتدي والد رقية
يشفي جرح گلبي .. من اديه لو رد اليه

ـــــــــــــــــــ ❁❀❁❀❁ ــــــــــــــــــــ
واسيداه ياحسين ... واسيداه ياحسين
واسيداه ياحسين ... واسيداه ياحسين
ـــــــــــــــــــ ❁❀❁❀❁ ــــــــــــــــــــ

كلهن سنيني .. وآنه وبنيني
فدوه لضعونك
دمعاتي تجري .. سلمته امري
وعيني بعيونك

ابد مااحمل جفاك
حسرتي ولهفتي اعليك
تمنيت امشي وياك
بس مابينت ليك

هذا نصيبي .. وقسمتي بيدك قراري
وي ونه اعيش و .. دمعتي ابقه دياري
بغيابه وني .. وحسرتي وبضلوعي ناري

ـــــــــــــــــــ ❁❀❁❀❁ ــــــــــــــــــــ
واسيداه ياحسين ... واسيداه ياحسين
واسيداه ياحسين ... واسيداه ياحسين
ـــــــــــــــــــ ❁❀❁❀❁ ــــــــــــــــــــ

ماعندي موعد .. وابابي اگعد
والجيته اتاني
وي حزني اناطر .. ليليه باجر
شو مااجاني

شال بليلة وبيوم
بالي وضوه العين
اون وگلبي مالوم
اجتني كربله منين

ماحسبت هذا .. العمر فگده يضملي
كل ليلة من .. ذيل الصبر زيدلي حملي
ابقى بدموعي .. انتضر بلكت يردلي

ـــــــــــــــــــ ❁❀❁❀❁ ــــــــــــــــــــ
واسيداه ياحسين ... واسيداه ياحسين
واسيداه ياحسين ... واسيداه ياحسين
ـــــــــــــــــــ ❁❀❁❀❁ ــــــــــــــــــــ

بنت الفحوله ... ادره اهل الحموله
تكرمه اليجيهه
گبلي يسائل ... يم ياقبائل
رايح عليهه

اخاف من الوطن ذاك
ودليلي الحيره تسبيه
خاف بكربله هناك
يضيعون العرف بيه

ما ادري يم يا .. طايفه ينصب خيامه
گدره يجهلوه .. خايفة اهل الضلاله
احساسي ماعدهم .. وفه لبيت الامامه

ـــــــــــــــــــ ❁❀❁❀❁ ــــــــــــــــــــ
واسيداه ياحسين ... واسيداه ياحسين
واسيداه ياحسين ... واسيداه ياحسين
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- سيد مرتضى الياسري
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

بويه الخرابة مو بعيده
ولگبرك تعنت حميده
شفت ضيم اليسر
واجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*

جيت.. اشتاگيت.. لعيونك ولونك وشلونج وشلونك
آآآه.. الله.. تذكرت يشوفونك شايلني اعله متونك
ماي.. عيناي.. مااگدر من دونك جا ليش يذبحونك

لا تسالني طولي من الضرب مال
جفاك وكربله ماخله الاحوال
الشامت بيه يتشمت والاطفال
يگلي والدج جروه بالاحبال

وسع الگبر ياضي العيون
يجروني عنك من يشوفون
وبعد مابيك امر
واجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*

هناك.. بجفاك.. ادعيلك وابچيلك واتذكر واشكيلك
وين.. واليل.. بالمدمع يگضيلك گاع الطف تحچيلك
ريت.. تمنيت.. توميلي وأوميلك واندلك وامشيلك

خبر موتك اجه لأذني بدمعته
من المحمل طحت لمن سمعته
گالو مسلم يسلم اعله بنته
ومن فوگ القصر صارت دفعته

طوعه اجتني بدمعة العين
وجابتلي من ثوبك وصلتين
وصلتين وحمر
واجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*

طفوف..وسيوف..حاطوني ورعبوني وضربوني وشتموني
وين.. حسين.. ليهه دمع عيوني وبضلوعه يعثروني
هناك.. جم ذاك.. الورملي امتوني وبرماح يدفعوني

حرت شركض بجيت الاعوجيه
زغيره وماندل بالغاضريه
ابهذاك الخوف ركضت جم سبيه
وتريد تگوم ماتكدر رقيه

ركضتنه جانت مستحيله
وكل وحده من الطف عليله
ولا يرحم زجر
واجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*

نوح.. وجروح.. ماتبره بكل حسره وجم خيمه المتوجره
نهار.. من نار.. بالگاع شجم جمره واليگزل شيعبره
عياي.. وحباب.. من التل والعثره عمتي شگد متغيره

اخوتي خافو وركضو شفتهم
ثكيله السلسله وماودعتهم
خطيه عمتي شگد دورتهم
عطشت من ركضهه ومالگتهم

ضلت دمعتي وهذا الاردان
لاضلي ابو لاضلي خوان
متت من الزغر
واجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*

وياك.. وارجاك.. تاليهه الطف بيها واحلامي مبچيها
نار.. واخطار.. وابنيتك حاديهه يسكتهه يبچيهه
حبال.. وشمال.. بيمني مچتفيهه ولا واحد يحميهه

العشاير من اجت يم الضعينه
خذت كل الحرم واحنه بقينه
بچت عمتي وسمعناهه وبچينه
ولا واحد اجه ويسأل علينه

وسط الخرابه نلطم الراس
نتحسر ونندب يعباس
تبچي ام الخدر
واجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*

الشام.. تحتام.. شماته ولوعاته ومنتضره حجاراته
راح.. يرتاح.. حادينه بضحكاته وننجر بركضاته
متون.. وجفون.. الضعني يهل دمعاته ويتجرع ويلاته

عله الشام انسبي باچر يوفاي
وحدي وحته راسك مايجي وياي
حميده لاتضن يحمدهه حداي
ابضمايه گبال عيني ينجفي الماي

اجاني الشمر مابيه اندبك
اخر حچاياتي احبك
لمح طولي الشمر
اجيتك للگبر
مو بعيده ... مو بعيده
*~.❥━──➸➽❥🖤❥━──➸➽❥.~*
۞اداء:- ملا حيدر البياتي
۞الشاعر:- ميثاق الحمداني
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

السلام عليكم
اخوتي/ اخواتي

محتاجين كاتب/ة اله هوايه بكتابة القصائد المقروئه الي يشوف نفسه بيه الهمه لخدمة ابن الزهراء (ع) وخدام الحسين (ع) يراسلني ع البوت...


خادمكم الاصغر /تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ ✨🌿

يا ليالي .. رحمي حالي
عندي غالي .. جفاني ورحل
دمعي جاري .. تبقه ناري
وانتضاري .. عذاب وأمل
الليله وينه .. بيا مدينه
والضعينه .. جروح الاهل

مكتوب آنه ابچيله
ومحتاره اضل
ضعنه اهلي بهاليله
للطف وصل
ياهو اليمه اشكيله
عله الحصل ... يويلي

بفراگ اهلي وناسي
گلبي ابتله
يگولون الطف قاسي
وحر الفله
وهذا الشيب الي براسي
من كربله ... يويلي

صحت يازماني .. شعاتب شتاني
ضعن والدي راح .. تركني وجفاني

ـــــــــــــــــــ ❁❀❁❀❁ ــــــــــــــــــــ
حسين بويه ... حسين بويه ... حسين بويه
حسين بويه ... حسين بويه ... حسين بويه
ـــــــــــــــــــ ❁❀❁❀❁ ــــــــــــــــــــ

شرد اتاني .. يازماني
والجفاني .. حبيب الگلب
مانخيته .. توسليته
حلفيته .. بدموعي التصب
گلبي ذايب .. للمصايب
بالخرايب .. خواتي تطب

باب الدار ابقه اسال
وجه الصبح
ليش من يمرني اذبل
طاري الرمح
طبع اليوگف ع التل
شايل جرح ... عجيبه

اول من يبچيهم
گلب النبي
وتبدل حاديهم
حادي اجنبي
يعميني ويعميهم
درب السبي ... عجيبه

الگلب بالمصيبه .. خلص من نحيبه
غريب العله الگاع .. وعله النوگ غريبه

ـــــــــــــــــــ ❁❀❁❀❁ ــــــــــــــــــــ
حسين بويه ... حسين بويه ... حسين بويه
حسين بويه ... حسين بويه ... حسين بويه
ـــــــــــــــــــ ❁❀❁❀❁ ــــــــــــــــــــ

گلبه حاير .. بالحراير
دربه عاثر .. يريته رجع
روحي حارت .. الدنيا دارت
وجنها صارت .. رجاي انگطع
عيوني دمعن .. والگلب حن
والدي جن .. يروحي وگع

ياروحي الطف هدد
ورد الشيم
گالولي انداس الحد
طاح العلم
والماي اليوم انسد
عن الخيم ... عطاشه

بالطف فگد الخوه
يكسر ضهر
بالطف تطلع گوه
اخت الگمر
من تعطش المروه
ويم النهر ... عطاشه

اناغيه بجروحي .. ويواسيني نوحي
يبويه ومصابك .. اخذ مني روحي

ـــــــــــــــــــ ❁❀❁❀❁ ــــــــــــــــــــ
حسين بويه ... حسين بويه ... حسين بويه
حسين بويه ... حسين بويه ... حسين بويه
ـــــــــــــــــــ ❁❀❁❀❁ ــــــــــــــــــــ

حزني دايم .. گلبي هايم
والله عالم .. بچيت اشكثر
كربلا هم .. دمعه من دم
والمحرم .. خيام وجمر
خوفي منه .. ضعن اهلنه
ليله چنه .. يضيع الضهر

وصلو والطف حاقد
لاخر امد
والماي اكبر شاهد
گطعوه بعد
والعطشان الوالد
وال بالمهد ... مصيبه

صعبه تطيح الخيمه
والطف غرب
يبقه يون من ضيمه
التاه بدرب
مشي الناگه بهيمه
زاد الگلب ... مصيبه

العتب ع الليالي .. يضل هذا حالي
يبويه وكسرني .. غيابك يغالي
ـــــــــــــــــــ ❁❀❁❀❁ ــــــــــــــــــــ
حسين بويه ... حسين بويه ... حسين بويه
حسين بويه ... حسين بويه ... حسين بويه
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

يمه بيتج خالي
وصورتج تبرالي
ياحسين .. ياحسين

ما اغمض عيني
وصوتج يناديني
ياحسين .. ياحسين

يايمه ردي عيوني مانامت تره
البيت البلا ام اوحش من المگبره

اگعد انحب واصيح
كل مسية اعله اعتابچ
اسمي صار الذبيح
ويه ماحرگو بابچ
گلبي ذايب.. صبري غايب.. والمصايب حاضره

ـــــــــــــــــــــــ••°°❃°°••ـــــــــــــــــــــــ
يايمه .. يايمه .. يايمه .. فاطمه
يايمه .. يايمه .. يايمه .. فاطمه
ـــــــــــــــــــــــ••°°❃°°••ـــــــــــــــــــــــ

بالچفن ناديتج
ابچي وترجيتج
راح اموت .. راح اموت

ماگطعت ونيني
يمه بس حاچيني
راح اموت .. راح اموت

حسرة يتيم الام مثل نار بشمع
مد ايدچ لگلبي گبل لا ينشلع

يمه فتحيلي عين
شاهدي دموعي بعينچ
ابنج آنه الحسين
يابعد گلب حسينج
گعدي واقري .. شمي نحري .. من گبل لا ينگطع

ـــــــــــــــــــــــ••°°❃°°••ـــــــــــــــــــــــ
يايمه .. يايمه .. يايمه .. فاطمه
يايمه .. يايمه .. يايمه .. فاطمه
ـــــــــــــــــــــــ••°°❃°°••ـــــــــــــــــــــــ

هذا صوت جروحي
انته اعز من روحي
يمه ليش .. يمه ليش

بابچ يدفعونه
وضلعچ يكسرونه
يمه ليش .. يمه ليش

بابج وثلث مية نذل دفعوه عليج
البسمار والرفسه برجل شمسويه بيج

وخدچ البيه حَمار
من ابوي انهد حيلي
ثوبج تحرگه نار
كله صار بفد ليله
شاهديته .. شگد بچيته .. شراسم السوط اعله اديج

ـــــــــــــــــــــــ••°°❃°°••ـــــــــــــــــــــــ
يايمه .. يايمه .. يايمه .. فاطمه
يايمه .. يايمه .. يايمه .. فاطمه
ـــــــــــــــــــــــ••°°❃°°••ـــــــــــــــــــــــ

انكسر بغيابچ
فراشي عتبة بابچ
اويلاه .. اويلاه

مانمت وعيونج
ياغربتي بدونج
اويلاه .. اويلاه

محسن عله اعتابچ وگع آيا القهر
ليش الدفع بابچ رجع داسه وعبر

العصره حزني الوحيد
وفاتحة باب دموعي
من يطيح العضيد
تسحگ الخيل اضلوعي
والمصيبه .. اختي الغريبه .. ضيعت درب النهر

ـــــــــــــــــــــــ••°°❃°°••ـــــــــــــــــــــــ
يايمه .. يايمه .. يايمه .. فاطمه
يايمه .. يايمه .. يايمه .. فاطمه
ـــــــــــــــــــــــ••°°❃°°••ـــــــــــــــــــــــ

بكل مكان ابيتج
بيه عطر حنيتج
وين اروح .. وين اروح

بكل كتر بيه صوره
صورة ام مكسوره
وين اروح .. وين اروح

راسي عله صدرچ عشت يم الحسن
من حضنچ لحضن الطشت تالي الزمن

واختي مشوها ليل
ابرالها وتبرالي
بيها ماخله حيل
راسي ع الرمح العالي
تمشي اسيره.. بلا عشيره.. واجنبي اليحدي الضعن

ـــــــــــــــــــــــ••°°❃°°••ـــــــــــــــــــــــ
يايمه .. يايمه .. يايمه .. فاطمه
يايمه .. يايمه .. يايمه .. فاطمه
ـــــــــــــــــــــــ••°°❃°°••ـــــــــــــــــــــــ

يمه واختي تريدچ
من يطيح وليدج
بالطفوف .. بالطفوف

يحترگ صيواني
وتنسلب نسواني
بالطفوف .. بالطفوف

تركض تلم العايله ومابيها حيل
تجاور اجانب بالفله والدنيا ليل

باتت بلا خيام
لا كفاله ولا كافل
الله ينطي الضلام
عنها ضل عين العابر
صدري وايدي.. وچف عضيدي.. عالترب داستهه خيل

ـــــــــــــــــــــــ••°°❃°°••ـــــــــــــــــــــــ
يايمه .. يايمه .. يايمه .. فاطمه
يايمه .. يايمه .. يايمه .. فاطمه
ـــــــــــــــــــــــ••°°❃°°••ـــــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

گلبي ضامي ... وابعثلك سلامي يالمحبوب
ياوجودي ... عطشان اعله مودي يالمتعوب
يغالي يغالي .. خليني بحزن عيونك
سؤالي سؤالي .. بشر يحسين شلونك
يغالي .... يغالي
ـــــــــــــــــــ ❁❀❁❀❁ ــــــــــــــــــــ

آنه اندل جروحك وين
بس آنه هايه احلامي
اتمنه اشوفنك زين
مو منذبح لو ضامي

مره وحده اتمنه ارسمك بيها
تشرب الماي وفرح گاضيهه
ردت احاول والقلم من ايدي طاح
ضحكتك حته الرسم ناسيها

ضحكتك ضحكتك .. محد يگدر يرسمهه
يغالي ولچمتك .. مو كل واحد يفهمهه
يغالي .... يغالي
ـــــــــــــــــــ ❁❀❁❀❁ ــــــــــــــــــــ

اسمك نهر بس عطشان
والعطش ترس حروفه
حزنك ضوه بصف عميان
جيب البگلبه يشوفه

انته حزنك مو لطم وقرايه
الهسه تمشي عليك المسنايه
حيرتنه ولا دمع يرهم عليك
ولا تطيب جروحك المشايه

چبيره چبيره .. واكبرهن جرح العاشر
حصيره حصيره .. تشيلك من جوه الحافر
يغالي .... يغالي
ـــــــــــــــــــ ❁❀❁❀❁ ــــــــــــــــــــ

لاجاي اعرف الياذيك
لاشفت گلبي ادموعي
كون الله يرزقني بخيل
اتدوس فوگ ضلوعي

احنه نبچي ومانعرف السالفه
وآنه اتخيل حدث ماشايفه
الخيل يمكن راحت وردت عليك
جا دخيلك جروحك شگد نازفه

لهسه لهسه .. تنزف يحسين جروحك
حبيبي حبيبي .. محد يستاهل روحك
يغالي .... يغالي
ـــــــــــــــــــ ❁❀❁❀❁ ــــــــــــــــــــ

تكدر چنت تلغي الموت
واعليك موش بعيده
بس الله من باب الشوگ
هالشال روحك بايده

كرم عندك ماكو واحد شايله
اليگدر يحبك صدگ هنياله
الله بس اشتهى يشوفك ذبيح
وشلت عبدالله وهديت چماله

لانك لانك .. مدري شگد تحب الله
هديته هديته .. بالطف ضحكة عبدالله
يغالي .... يغالي
ـــــــــــــــــــ ❁❀❁❀❁ ــــــــــــــــــــ

يالفشلت حته اعداك
ذبحوك بس احتارو
تنزف ضوه من مگفاك
وعليك كلهم دارو

ياحلم واتمنه عيني تضوگه
انته تاج الرمح شالك فوگه
يالمتت واگف نخل طالع عليك
واگف يضل من تموت عثوگه

يشبهك يشبهك .. بس عباس انته يشبهك
يعذبك يعذبك .. چي فراگه الغالي يعذبك
يغالي .... يغالي
ـــــــــــــــــــ ❁❀❁❀❁ ــــــــــــــــــــ
۞اداء:- ملا مسلم الوائلي
۞الشاعر:- سيد محمد الموسوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

قلت حيلتي بعدك شسوي
شافو دمعتي وشامت عدوي
يعباس يبوفاضل
يعباس يبو فاضل
🕊๘✿ৡ┅┈┈‏•💔•┈┈┅๘✿ৡ🕊

رقيه من رحت ضلت بلا روح
خاف تروح عنها وروحها تروح
وجودك يابدر
سور اعله الخدر
رقيه تنتضر … يعباس

حست بالعمد صابك يعمها
اجت عطشانه يتعثر جدمهه
شگلهه من ارد
وهي بعمر الورد ... يعباس

تركض مره فوگ الگاع تهوي
شافو دمعتي وشامت عدوي
يعباس يبو فاضل
يعباس يبو فاضل كريم التميمي
🕊๘✿ৡ┅┈┈‏•💔•┈┈┅๘✿ৡ🕊

خيل تروح اشوف وترجع الخيل
حوافر خيلهم من جسمك تشيل
الحافر ع السهم
يدوس بيا ألم
چم ضلع انهشم … يعباس

مدري بالدرب اگعد والمك
لو اسرع واشوف شبقه بجسمك
من فوگ المهر
وگع كل العمر … يعباس

حر ذيج السهام بگلبي يچوي
شافو دمعتي وشامت عدوي
يعباس يبو فاضل
يعباس يبو فاضل
🕊๘✿ৡ┅┈┈‏•💔•┈┈┅๘✿ৡ🕊

بنص عينك سهم طفه سنيني
اذا احركه احس توجعني عيني
ارفعت زندك الي
من چفه خلي
يضحك عاذلي ... يعباس

عفت حسين وحده بين هالناس
خذت عمري ونظر عيني يعباس
وزينب تنتظر
لجيتك يابدر ... يعباس

شگلهه غاب بدري اللي يضوي
شافو دمعتي وشامت عدوي
يعباس يبو فاضل
يعباس يبو فاضل
🕊๘✿ৡ┅┈┈‏•💔•┈┈┅๘✿ৡ🕊

اجيتك واسمعت خيل ورمي اسهام
تدافع يبو فاضل ع الخيام
اذا اعوف الجسد
يگطعونه بعد
ودلالي انمرد ... يعباس

اذا رديت من النزف تتعب
اضمك وين عن عيون زينب
هيه الربتك
تموت بموتتك ... يعباس

خبر موتك شلون لزينب ارويه
شافو دمعتي وشامت عدوي
يعباس يبو فاضل
يعباس يبو فاضل
🕊๘✿ৡ┅┈┈‏•💔•┈┈┅๘✿ৡ🕊

بچلمة مره خويه اول مره اسمعك
وجسمك ع الرماح شلون اجمعك
شيلم جثتك
وترد لعيلتك
ابعازة خوتك ... يعباس

راح ارجع وچفك آخذه وياي
عله التل راح اخليه شايل الواي
بچفك والعلم
تأمن هالحرم ... يعباس

صعب نار الفراگ بگلبي يچويه
شافو دمعتي وشامت عدوي
يعباس يبو فاضل
يعباس يبو فاضل
🕊๘✿ৡ┅┈┈‏•💔•┈┈┅๘✿ৡ🕊

يمك راح اخلي الروح والعين
واوصل للحرم للباقي بحسين
من اجيت اعله الحرم
بقميصي المله دم
شردن للخيم … يعباس

سمعن صوت صاحن هذا الحسين
رقيه وسكنه نشدني الگمر وين
حرت شحچي بعد
وگعت العمد ... يعباس

گلي ياحزن هالگلب يحويه
شافو دمعتي وشامت عدوي
يعباس يبو فاضل
يعباس يبو فاضل
🕊๘✿ৡ┅┈┈‏•💔•┈┈┅๘✿ৡ🕊
۞اداء:- ملا حيدر البياتي
۞الشاعر:- كريم التميمي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

حيهم يجرحي
لا تنسه حزني
لايغفه جفني ... ولاتمل
عيش بضميري
صاحب مصيبه
ضعن الغريبه ... اعله الهزل
دار الزمـــان
وصارت سبيه
من الغاضريه .. للحبل

لا تبرد يجرحي السالفه تريد
لطم ليل ونهار اعله الخرايب
خلص عاشور بس ماخلص النوح
اجاك الشام حفنه جروح جايب

ماريد اعله الخدمه انسبگ
وبس للبواچي ابقه انطلب
ياجرح احرگني واحترگ
اخت الگمر بين الغرب
مدري شلون وصارت صدگ
وعرفو اسمهه بالدرب

يالوعة المها .. والفرگه شيلمها
لو ماكربلا جان .. محد گال اسمها
ـــــــــــــــــــ ❁❀❁❀❁ ــــــــــــــــــــ

تعلم يجرحي
خاف انته ناسي
دين المواسي ... بفطرته
كلمن نصيبه
من المصيبه
لله وامامه ... ودمعته
ابچي لخواته
وخدر ونشامه
وطيحت خيامه ... وغربته

المامكن يجرحي بكربله شلون
الماي يصير غالي ويرخص حسين
ثلاث ايام بالبر واليمرون
محد گال هذا الطايح منين

كون الليله دموعي تهلي
اكثر من دموع الامس
روح الزهره ومهجة علي
بين الحوافر والشمس
وال ع الناگه يريدن ولي
يصيحن ولاچن ماكو حس

كلشي لخدمته يهون .. فده كل اهلي يرحون
بس مصاب الحسين .. يبقه بنص العيون
ـــــــــــــــــــ ❁❀❁❀❁ ــــــــــــــــــــ

كلفه المصيبه
ويادمعه تشفي
وياحسره تكفي ... ويا الم
شحال الغريبه
راحت لاخوهه
من طلعوهه ... من الخيم
ع الغربه عاري
ماگلها ضامي
ضل يشكي لاخته ... من السهم

اكسرني يا جرح ضعن الله مكسور
وخلص شوغات گلب ام المصايب
طلعت للسبي وثاري اليسر فات
وربيبات الشرف صارن غرايب

هذا الشام ودرب اليسر
ماارضه تبرد ياجرح
ناگه وشوغه اباب القصر
وراس الكفلهن ع الرمح
ومنين يجيبلهن ستر
واهل الستر خلصو ذبح

راحن والسبي بعيد ... خوفي يرجف الايد
الستر واهل الستر وين ... گلي الدمعه شتفيد
ـــــــــــــــــــ ❁❀❁❀❁ ــــــــــــــــــــ

حيهم يجرحي
والد رقيه
ضل ع الوطيه ... بلا چفن

بسبي طلگت الدنيا وجابت الشام
بوكت بي چان ابو النوماس غايب
يريت الدنيا كلها تصبح گبور
ولا تگعد رقيه اعله الترايب

موت وخوف ونار وجمر
الله اكبر كربلــه
تبات الليل لحد الفجر
فوكگ الهزل المدللــه
شلون يصير بهذا العمر
تحمل رقيه السلسله

طفله ومرمروهه ... لو ناحت ولوها
گضاها مناوب النوح ... هيه وراس ابوها
ـــــــــــــــــــ ❁❀❁❀❁ ــــــــــــــــــــ

كلشي تركته
وبضهري عفته
ع الخدمه وجهي ... مادرت
بالخدمه ديني
وعلمي ويقيني
لولا المجالس ... ماصرت
بدموعي ذني
اشعر كأني
عن حب أمامي ... تأخرت

لاتبرد يجرحي حسين عطشان
واعز مخلوقه لله بالسبي اليوم
الدمعه التصنع من الطين انسان
الغيره من الله ماينراد تعلوم

ياجرحي الماطالع طلع
ذاك الضهر من دون اخو
طاف شجم ولايه ورجع
ضعن الغريبه ويه العدو
ياوسفه الماشاهد سمع
اليحدي بخدر هاشم منو
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

عباس الخيل اجتنه .. ولگتنه .. بلا والي
واحترگنه وركضنه .. يخويه .. وانشده بالي
تبجي تتحسر والمدمع هامل
والخدر ماتگدر من دون ابو فاضل
❉❉----------❉❉----------❉❉----------❉❉
ياعباس .... ياعباس .... ياعباس
ياعباس .... ياعباس .... ياعباس
❉❉----------❉❉----------❉❉----------❉❉

جينه بحماك لكربله وچفوفك التحرگنه
وعيونك تباري الضعن عن الهوه تحجبنه
يالتارس عيوني ضوه عباس يمشيمنه
تراضهه نمشي بلا ولي مترب علي رايتنه

حرمه بلا والي تمشي وتتعثر
يضربوهه يشتموهه وتضل تتحسر

❉❉----------❉❉----------❉❉----------❉❉
ياعباس .... ياعباس .... ياعباس
ياعباس .... ياعباس .... ياعباس
❉❉----------❉❉----------❉❉----------❉❉

تدري التضل بين الغرب تحتار صدگ حيره
والناس ماعدهم شيم وشلت گصصهم غيره
هذا اليسب حيدر علي ذاك اليگلي يسيره
ذاك اليشگ حبله ويشد بچفوف مال زغيره

عباس الخيل اجتنه .. ولگتنه .. بلا والي
واحترگنه وركضنه .. يخويه .. وانشده بالي
تبچي تتحسر والمدمع هامل
والخدر ماتگدر من دون ابوفاضل

❉❉----------❉❉----------❉❉----------❉❉
ياعباس .... ياعباس .... ياعباس
ياعباس .... ياعباس .... ياعباس
❉❉----------❉❉----------❉❉----------❉❉

انه العقيله ام الخدر چانو هلي يسموني
وينه التفت الگه اخوتي والتارسين عيوني
شلون ابگه تالي بكربله عدوان الي يحرسوني
فزعت خيم ذاك الضهر والسوط فوگ متوني

عباس الخيل اجتنه .. ولگتنه .. بلا والي
واحترگنه وركضنه .. يخويه .. وانشده بالي
تبچي تتحسر والمدمع هامل
والخدر ماتگدر من دون ابوفاضل

❉❉----------❉❉----------❉❉----------❉❉
ياعباس .... ياعباس .... ياعباس
ياعباس .... ياعباس .... ياعباس
❉❉----------❉❉----------❉❉----------❉❉

يخويه من گالو متت عباس شيب راسي
وين انطي وجهي ليا كتر وانه فگدت عباسي
يالعايش بروحي وصرت اتنفسك بانفاسي
ياحارس خيامي افه صار العدو حراسي

عباس الخيل اجتنه .. ولگتنه .. بلا والي
واحترگنه وركضنه .. يخويه .. وانشده بالي
تبچي تتحسر والمدمع هامل
والخدر ماتگدر من دون ابوفاضل

❉❉----------❉❉----------❉❉----------❉❉
ياعباس .... ياعباس .... ياعباس
ياعباس .... ياعباس .... ياعباس
❉❉----------❉❉----------❉❉----------❉❉
۞اداء:- ملا سجاد المحمداوي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

غيرة الحب عذاب وحنين
وانه بأسم الرضا مستعين

سلطاني ... وباب دمعة ليلي
سلطاني ... هوه اليشد حيلي
سلطاني
حبيته ... وادري بالحب غيره
حبيته ... خير ادي من خيره
حبيته

غير الحب مايكسر گلب انسان ابد
وي اول دمعة حب للضامن ولد
هيبتنه وغيرتنه من عم الرضا
دمعتنه من الضامن ياضامن مدد

ـــــــــــــــــــ ❁❀❁❀❁ ــــــــــــــــــــ
ياعلي بن موسى الرضا
ياعلي بن موسى الرضا
ـــــــــــــــــــ ❁❀❁❀❁ ــــــــــــــــــــ

سيدي وحبه حب فاطمه
مفزعي وبابه باب السمه

اشتاگك … حته وانه ابابك
اشتاگك ... واسجد اعله اعتابك
اشتاگك
احچيها ... عن يقين ومو شك
احچيها ... الجنه بين رموشك
احچيها

من عطر الحضره يجن ويغار الورد
گلب يحله اعتابك ويروح ويرد
هنياله اليمشيلك يبچيلك عمر
هنياله اليتسجل للضامن عبد

ـــــــــــــــــــ ❁❀❁❀❁ ــــــــــــــــــــ
ياعلي بن موسى الرضا
ياعلي بن موسى الرضا
ـــــــــــــــــــ ❁❀❁❀❁ ــــــــــــــــــــ

رحمته ورحمة اخته الطاهره
ابچي واقره وأون بمحضره

ضامني ... والعطف موضوعه
ضامني ... لغيرة الله دموعه
ضامني
يم بابه ... تحله دمعة روحي
يم بابه ... امنيت اجروحي
يم بابه

الكون اضلم وعيون السلطان الضوه
جنة خير چفوفه تلم اهل الهوه
كل خادم ممنون يبايع غيرته
من يمه الحب يبدي ويوصل نينوه

ـــــــــــــــــــ ❁❀❁❀❁ ــــــــــــــــــــ
ياعلي بن موسى الرضا
ياعلي بن موسى الرضا
ـــــــــــــــــــ ❁❀❁❀❁ ــــــــــــــــــــ

گلبي ذاب بهواه وبغيرته
خادمه ومالي بس رحمته

من چفوفه ... عندي والماعندي
من چفوفه ... دمعتي اللي بخدي
من چفوفه
معشوگي ... حزني اله ومن عنده
معشوگي ... ماكو قبله وبعده
معشوگي

مولاي اسمه الضامن دمعة كربله
كل مجلس اشعر بيه نضره وايد اله
متوكل بجروحي اعله جروح الرضا
قرآن الطف دارو بابه البسمله

ـــــــــــــــــــ ❁❀❁❀❁ ــــــــــــــــــــ
ياعلي بن موسى الرضا
ياعلي بن موسى الرضا
ـــــــــــــــــــ ❁❀❁❀❁ ــــــــــــــــــــ
۞اداء:- ملا محمد باقر الخاقاني
۞الشاعر:- احمد الهلباوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

نيراني خيام .. فزعت خياله علينه
صيوان ايتام .. ولا نغار اليحمينه
وعيون سهام .. عگب الكافل ترمينه

تفر من العده الخدر
الماراكض يضل يعثر
المامجوي الجمر من حر

زينب شتصير
تشاهد ع التراب حسين
بعد المن ادير العين
لا رايه ولا چفين

ـــــــــــــــــــــــ••°°❃°°••ـــــــــــــــــــــــ
حسين آآه ... حسين آآه ... حسين آآه
حسين آآه ... حسين آآه ... حسين آآه
ـــــــــــــــــــــــ••°°❃°°••ـــــــــــــــــــــــ

حچايات ثگال .. مامتنگال وسمعتهه
والجاب حبال.. الذابح بالسيف اخوتهه
تشوف الچتال.. وتهل من دم دمعتها

يگلهه انسي المضه زينب
القادم بت علي اصعب
سياط اعله المتن تلعب
ويلاه

شوفيها الخيل
نفسها السحگت اخوانج
تجول اباب صيوانج
تفتر عگب وليانچ
ويلاه

ـــــــــــــــــــــــ••°°❃°°••ـــــــــــــــــــــــ
حسين آآه ... حسين آآه ... حسين آآه
حسين آآه ... حسين آآه ... حسين آآه
ـــــــــــــــــــــــ••°°❃°°••ـــــــــــــــــــــــ

بنيات زغار .. وجدام الخيل اثجيله
يعثر يحتار .. المچتوف شلون يشيله
المحروگ بنار .. مايلگه اليتجيله

قصهتن تفت الروح
غربتهن الم وجروح
نخوتهن بقه مذبوح
ويلاه

ونياگ حسين
ماضي الوضحه طاريها
هزله الركبن اعليها
الاميره الغربه تسبيها
ويلاه

ـــــــــــــــــــــــ••°°❃°°••ـــــــــــــــــــــــ
حسين آآه ... حسين آآه ... حسين آآه
حسين آآه ... حسين آآه ... حسين آآه
ـــــــــــــــــــــــ••°°❃°°••ـــــــــــــــــــــــ

ليليه جروح .. تتراكم فوگ جروحي
ليليه ننوح.. من عيني يطلع روحي
ماضلت روح.. راحت عگب مذبوحي

ضلت روحي ع الغبره
يم الضامي والزهره
جبت وياي بس جمره
ويلاه

تچويني بليل
من انظر غرب تحرس
اكابر بالدمع واحبس
اخافن غرب بيه تحس
ويلاه

ـــــــــــــــــــــــ••°°❃°°••ـــــــــــــــــــــــ
حسين آآه ... حسين آآه ... حسين آآه
حسين آآه ... حسين آآه ... حسين آآه
ـــــــــــــــــــــــ••°°❃°°••ـــــــــــــــــــــــ

من تغفه العين.. احلم بالشام وضيمه
واصرخ يحسين.. وينك ياراعي الشيمه
بحبال البين.. لديوان اكلف من هيمه

راسك رغم غربتنه
فوگ الرمح هيبتنه
لچن بالشام كسرتنه
ويلاه

وابقصر الآه
من طبينه بنص ديوان
نزلت روسهه الوليان
وتتشمت بقت عدوان
ويلاه

ـــــــــــــــــــــــ••°°❃°°••ـــــــــــــــــــــــ
حسين آآه ... حسين آآه ... حسين آآه
حسين آآه ... حسين آآه ... حسين آآه
ـــــــــــــــــــــــ••°°❃°°••ـــــــــــــــــــــــ
۞اداء:- ملا يحيى الاسدي
۞الشاعر:- حيدر الرويمي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

ايها السقاء مدد 🙏

تصيح بت عقد الوله
شيبتني كربله
ـــــــــــــــــــ ❁❀❁❀❁ ــــــــــــــــــــ
خدري بس هالليله يمي باچر يروح الخدر
عشرتي اليله ويه اخوتي تروح وي طرت الفجر
خدري بس هالليله يمي باچر يروح الخدر
خاف اروحن گوه منهم وامشي بدروب اليسر

ريتني لااصبحت
وبموتت اخواني متت
بصبح باچر لا هله
شيبتني كربله
ـــــــــــــــــــ ❁❀❁❀❁ ــــــــــــــــــــ

هاي ليله من الليالي ليلة نياح ودمع
حسين بس هالليله يمي بعد ماضن ننجمع
والله وسفه ويه اخوتي العشره باچر تنگطع
الليله بس نوح الفواطم بالمخيم ينسمع

منين اجيبن لي صبر
صبح باچر لو يطر
تضل دمعتي هامله
شيبتني كربله
ـــــــــــــــــــ ❁❀❁❀❁ ــــــــــــــــــــ

جيت يم حسين اخوي گلبي خالفني ورجف
احضنته لاچن من حضنته دمي بالشريان جف
گمت اشم عطر الاخوه دمعي هل دم ونزف
گلي خويه من اطيحن ديري وجهج للنجف

صيحي بويه ياعلي
بعد ماضلّي ولي
تسمع الصوت العله
شيبتني كربله
ـــــــــــــــــــ ❁❀❁❀❁ ــــــــــــــــــــ

رحت يم عباس اخوي كمت احلفه بخوتي
مو گلت يوم الطلعنه زينب اختي بذمتي
وياك اجيت من المدينه انته تحدي بناگتي
شلون عني تروح باچر انته خدري وهيبتي

شلون ياحامي الضعن
لون نسوان انسبن
ضعني ياهو يكفله
شيبتني كربله
ـــــــــــــــــــ ❁❀❁❀❁ ــــــــــــــــــــ
۞اداء:- سيد صفاء الكربلائي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

ضائع من دونـك 🥀😔🌤️

يا يوسف فاطمه 💔