هياام.... حب لحبيب وحبيبه
هياام.... بين العشگ والمصيبه
هياام.... حسين اليجرحه طبيبه

جرح الوجود وشمس ادماه
اسمه محنه ويا محلاه
فرض الخيام اليخشع ماي
حته الطيور تصلي وياه

───✤◐►✍◄◐✤─
مولا حسين.... مولا حسين.... مولا حسين
───✤◐►✍◄◐✤─

حبيب.... من الله وصفه جماله
حبيب.... ربه اعله كلشي حچاله
حبيب.... بعيونه احله رساله

رازونة الله بوجه الليل
صدره تلاگه حوافر خيل
عطره تبده وشاله الناس
وبضهرة كسرو خوه وحيل

───✤◐►✍◄◐✤─
مولا حسين.... مولا حسين.... مولا حسين
───✤◐►✍◄◐✤─

حسين.... عالي اعله رمحه منارة
حسين.... كون الله بسمه مداره
حسين.... فياي المحنه سماره

من نحره تاخذ گمره الناس
عطره سوالف كلها احساس
كل الرسايل تقره حسين
بس هوه يقرة بچف عباس

───✤◐►✍◄◐✤─
مولا حسين.... مولا حسين.... مولا حسين
───✤◐►✍◄◐✤─

صلاة.... هاي بجبينه علامه
صلاة.... جرحه تبده سلامه
صلاة.... والقبلة حيه خيامه

وجهت وجهي لنحر حسين
جروحه مسافه وتبدي منين
من قل هو انك ذبح الله
لو ابدي ذبحك من ياسين

───✤◐►✍◄◐✤─
مولا حسين.... مولا حسين.... مولا حسين
───✤◐►✍◄◐✤─

رحااب.... بعيونه موسم ضعينه
رحااب.... گلبه حنانه علينه
رحااب.... لو للمجالس اجينه

رحمة اليگصده وماسد باب
صدره مضيف وعطره الهاب
كل المواسم تبدي وياه
بحبه عذابي واحله عذاب

───✤◐►✍◄◐✤─
مولا حسين.... مولا حسين.... مولا حسين
───✤◐►✍◄◐✤─
۞اداء:- ميرزا حيدر الابراهيمي
۞الشاعر:- سيد محمود الموسوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

خيمه يم خيمه چنه بدلال
طبينه بهيمه وينك تعال
ياراعي الشيمه خدر الله شال
بختك جبير سالفه وشيخ المضيف
وعيوني بيك حالفه ومامرها طيف
عگبك مشيت طايفه وبالغربه حيف

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ……… يبو فاضل ……… يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

عيني وي عينك سالفتي شام
بيني مابينك حرگ الخيام
سلبو حسينك وبرمحه نام
اركض واطيح فاتحه وماعندي راي
زينب حرام طالعه وكلها وراي
جم طفله عطشانه نجيبلها ماي

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ……… يبو فاضل ……… يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

ياخيمة هاشم بيك استراح
تاليتك نايم فوگ الرماح
بعيون الوادم كل خدري راح
ترضه السنين طافيه وداسو ضواه
وحسين اخوك عافيه والله اشتهاه
زينب تره حافيه وتركض وراه

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ……… يبو فاضل ……… يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

عينك غاطيها دم وصهيل
وضلوعه اشبيها مسحوگه حيل
وحسين اعليها والحومه خيل
نام العزيز عينه وغمضها مات
عباس اخوي وينه اليحرس خوات
خدرك تره سكينه بالهيمه بات

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ……… يبو فاضل ……… يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

ليله جم ليله ويه الغريب
ياراسه دخيله تارسني شيب
يازلمه اشكيله وراسك خضيب
ياوجه ابوي شوفتك تترسني ماي
بس عيني هاي نومتك مو هيه هاي
مابيه حيل نومتك كسرت گفاي

★≈≈≈≈≈≈≈≈≈≈★≈≈≈≈≈≈≈≈≈★
يبو فاضل ……… يبو فاضل ……… يبو فاضل
★≈≈≈≈≈≈≈≈≈≈★≈≈≈≈≈≈≈≈≈★

اداء :- سيد فاقد الموسوي
الشاعر :-
الكاتب :- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

يا مولاي …… كلتلك عفوا ورجعت اعله ذنوبي
يا مولاي …… خذتني لغيرك يامولاي دروبي
يا مولاي …… ضعت من دونك وعيونك محبوبي
يا مولاي يامولاي

رحمتك ملاذ العالمين
مجلسك دليل الحائرين
ندبتك وادري انته المعين

ضيعتني دروبي ، وجيت اسدل ثوبي
جي عفت محبوبي ، للدنيا امشيت
دمعي جف بعيني ، گوه صار ونيني
يطلع اعله احسين ، وعنه جفيت

دمعي بعتبتك هالندم
كل عمري المضه بس وهم
اجيت اركض جمر من خيم …… ياحسين

انه الماعنده غيرك عرف
اجيت اركض دمع ما يجف
ولا يوكف بجرحي النزف ………… ياحسين

ـــــــــــــــــــ ❁ ❁ ❁ ــــــــــــــــــــ
حبيبي ياحسين …… حبيبي ياحسين …… حبيبي ياحسين
ـــــــــــــــــــ ❁ ❁ ❁ ــــــــــــــــــــ

يامولاي …… ذنب كل يوم بلا دمعات مصابك
يامولاي …… الهوه مايسوه الماشم بيه اترابك
يامولاي …… نهاية عمري اتمنه اعله اعتابك

بچيتك وادري دمعك حياة
نخيتك وانته لگلبي نجاة
بدونك اهون عندي الممات

خادمك ممنونك ، ذوبني عيونك
انه والله بدونك ، لا ما اكون
رحمتك تنجيني ، مجلسك يحييني
اعطش وترويني ، حب وجنون

من حبي دمعتي نصيب
نذر عمري الك يالحبيب
جرح ماريده بيه يطيب …… ياحسين

حداد انثر حياتي ضلام
عله المامر عليهم سلام
واريد بگلبي بس الخيام …… ياحسين

ـــــــــــــــــــ ❁ ❁ ❁ ــــــــــــــــــــ
حبيبي ياحسين……حبيبي ياحسين…… حبيبي ياحسين
ـــــــــــــــــــ ❁ ❁ ❁ ــــــــــــــــــــ

يامولاي …… عرفت الدنيا مابيها كل راحه
يامولاي …… لان راسك شفته تعله بمصباحه
يامولاي …… احبن گلبي من تزيد اجراحه

اريد الراحه وهذا العجيب
التهيت بروحي وضعنك غريب
قسه دلالي ويه اجمل حبيب

لاتريح بـالــي ، همني واكسر حالي
وجــر بدلالــي ، نيران خيام
خل انوحن ليلي ، والنعي ترتيلي
والبچي يهد حيلي ، لدروب الشام

اريدن عمري لو عومحن
يشغل فكري بس بالضعن
حسرتي گلبي يصبح وطن …… ياحسين

دمعتي ماتكف هامله
وجرح دلالي بس كربله
ندائي بآخره واوله …… ياحسين

ـــــــــــــــــــ ❁ ❁ ❁ ــــــــــــــــــــ
حبيبي ياحسين……حبيبي ياحسين……حبيبي ياحسين
ـــــــــــــــــــ ❁ ❁ ❁ ــــــــــــــــــــ

يامولاي …… شتكفي ادموعي لو كل عمري اجريها
يامولاي …… بعدني اتحسر لو مرني طاريها
يامولاي …… هذيج ايامي الما باچيلك بيها

يريت ابجيلك ليل ونهار
الدمع لخيامك بخدودي حار
وشي لضعنك دلالي نار

بگلبي تربه آلامي ، اتمنه كل ايامي
بس دمع يالضامي ، كل السنين
اگضي عمري قرايه ، وبعزائي الغايه
وعمري احله احچايه ، حب الحسين

اعيش بجرحك ودمعي قوت
سوالف حبك يضيع بسكوت
نواعي امصيبتك ياله صوت …… ياحسين

عبد عندك اعيش بخضوع
تغسلني بمماتي بدموع
اروح الگبري محني الضلوع …… ياحسين

ـــــــــــــــــــ ❁ ❁ ❁ ــــــــــــــــــــ
حبيبي ياحسين……حبيبي ياحسين……حبيبي ياحسين
ـــــــــــــــــــ ❁ ❁ ❁ ــــــــــــــــــــ

اداء :- سيد سلام الحسيني و محمد باقر الخاقاني
الشاعر:-
الكاتب :- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

هالليله الولد... غافي بلا مهد
ام عذبها الفراگ... كلشي البيها يشتاگ
تغفه بلا وعد..... تغفه بلا وعد
----✦----✦--🖤--✦----✦---
يزغير اعله كد حضني
ضحكتك اكبر من البيت
من اشوفك حته ابوك
وياي يماشي وكلشي ماخليت
الاصفن بيها وتغثني
كبر كاروكك وضليت

يتمني الوكت.... وانته تمرغت
بعد شيرد شملنا
ضيعني الاجر....ودولبني الكبر
الدهر منك حرمني
----✦----✦--🖤--✦----✦---
احب كلشي الك بيه لون
واحب سهرك التعبني
واحبك من تفز بالليل
وبثديك تطالبني
الوياي امهات اولاد
اخاف اسمع حچي يغثني

من العدهن ولد.... انغث ياعبد
برباهن لو حجن لمك
واشتاگ الضحكتك....واذكر عشرتك
احير شلون اشمك
----✦----✦--🖤--✦----✦---
وعلي مسحوله روحي اعليك
سحلت عمتك ع التل
تفرفح صارلك يومين
العطش مدري شخذ وشخله
سمهم صار شربة ماي
بدمك ريجك تبلل

ذباحك عطش....وكاروكك نعش
السهر ضاع وتعبنه
ذابل ياغصن....ما لمك حضن
الرمل حاضن وردنه
----✦----✦--🖤--✦----✦---
عبد وانه الصدك كله
وحگ افراگك وطاريه
وصلت بمرحلة بفركاك
خلك ماعندي حته ابچيه
اكثر منهن بعمرين
الصار البيه مثل البيه

ست اشهر حزن....عونك ياوطن
العمره فدوه اعله طاريه
بهالساعه انقضن....الشمعات انطفن
مايلحك بجيه
----✦----✦--🖤--✦----✦---
راحت هيبتي بفرگاك
وحنيت ضهري الشاهد
عبد كلش حنينة امك
غريبه وفاجده الواحد
المتعبني مو فرگاك
بس مهدك عبد بارد

ياتالي الورد....بكاروكك برد
ولا ضحكه التمر صدفه
رايح يالولد....ومضيع المهد
راح بلا سبب
----✦----✦--🖤--✦----✦---
۞اداء:- سيد فاقد الموسوي
۞الشاعر:-
۞الكاتب :۔تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313

وين اروح …… وين اروح
ياضهر عاشوري مصابي كلف
وين اروح …… وين اروح
تروح الف خياله يجوني الف
وين اروح …… وين اروح
لا كفاله بعد لا رايه ترف
*~❥━──➸➽❥🖤❥━──➸➽❥.~*
منتضرته كفالي …… يدري باخته بلا والي
*~❥━──➸➽❥🖤❥━──➸➽❥.~*

اذكرك ياضهر عاشور
بگدري واستمع ليه
انه ام العفاف انه
واليلوذ الستر بيه
اخو عندي اذا اطلع
يلبس الدنيه بوشيه
تالي اسحگ جمر والخيل
تهد ميه وترد ميه

وين اروح …… وين اروح
من شطت واجدامي حدرها جمر
وين اروح …… وين اروح
لو حبل لو خيم طاحت لو قصر
وين اروح …… وين اروح
لا كفاله بعد لا عندي خدر

*~❥━──➸➽❥🖤❥━──➸➽❥.~*
منتضرته كفالي …… يدري بأخته بلا والي
*~❥━──➸➽❥🖤❥━──➸➽❥.~*

اخذ مني الدهر بالطف
اخو حته الله هايم بيه
اشوفن بيه وجه جدي
عطر الزهره اشم بيديه
عله وساده رمل نايم
وسمومك ياضهر يجوي
لهيبك خل يخف عليك

وين اروح …… وين اروح
وابن امي يون واشفافه زرگ
وين اروح …… وين اروح
اركض واشتم بثيابي حرگ
وين اروح …… وين اروح
لا كفاله بعد لا رايه ترف

*~❥━──➸➽❥🖤❥━──➸➽❥.~*
منتضرته كفالي …… يدري باخته بلا والي
*~❥━──➸➽❥🖤❥━──➸➽❥.~*

اصد لخيالي واتحسر
واگول شجابني هنانه
جنت من انوي ازور امي
يسد السلف بيبانه
وجفيلي يا ستر زينب
ورد صارت عله السانه
يطم عين الشمس لو بان
خيال الناگه مو انه

وين اروح …… وين اروح
من حچي الشامت ضهر حنه
وين اروح …… وين اروح
وكل حجايه تشيبني سنه
وين اروح …… وين اروح
لا كفاله بعد لا رايه ترف

*~❥━──➸➽❥🖤❥━──➸➽❥.~*
منتضرته كفالي …… يدري باخته بلا والي
*~❥━──➸➽❥🖤❥━──➸➽❥.~*

كمت اتمنه كون يدوم
الضهر لو حته ماكو خيام
طويل اعله البديها احبال
الدرب من كربله للشام
التگطعها موه يسلاب
تصير الخطوه عدها ابعاد
العقيله السيده الحوراء
تاليها بخرابه تنام

وين اروح …… وين اروح
سلابي الحادي وببدي الحبل
وين اروح …… وين اروح
وطفل يصيح اخ ويبچي طفل
وين اروح …… وين اروح
لا كفاله بعد لا رايه ترف

*~❥━──➸➽❥🖤❥━──➸➽❥.~*
منتضرته كفالي …… يدري باخته بلا والي
*~❥━──➸➽❥🖤❥━──➸➽❥.~*

السبي ماينوصف ضيمه
عله الناگه وطفت بلدان
المشي فوگ الهزيله اهون
علي من وگفتي بديوان
طويل المجلس وبيه ناس
دخيل الزهره مو عميان
مصيبه وين اضم روحي
وانه الماصد خيالي انسان

وين اروح …… وين اروح
وانه حيدر ابوي وجدي نبي
وين اروح …… وين اروح
وارماد اخيامي صفت والسبي
وين اروح …… وين اروح
لا كفاله بعد لا رايه ترف

*~❥━──➸➽❥🖤❥━──➸➽❥.~*
منتضرته كفالي …… يدري باخته بلا والي
*~❥━──➸➽❥🖤❥━──➸➽❥.~*
اداء :- محمد باقر الخاقاني
الشاعر :-
الكاتب :- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

بكربله ذاك الضهر
طلع شاب من الخيام
مثله ماجابن وطلگن مانحط مثله بحجر

بالوغى يعرفونه حوك
يروگ بطن الجيش روگ
الگاع ماتكدر تشيله شلون شايلته المهر

ع الملاعب دربوه
زغير يم عمه وابوه
بالحرب مو بس جبير تعده مرحلة الكبر

الشمس تخجل من ضواه
وامه بيديها الصواني والورد والياس ضل يمشي وراه
وفوگ كل هاي الوسامه تجدح عيونه جمر

ع الشجاعه و ع الرعيع
ضاك كون الله الوسيع
شكد جبير الطف عليهم صار ازغر من كبر

عيون ابو فاضل عليه
يعاين لطوله واديه
شاف من يلزم الفارس مايهده الا يسمع صوت ضهره ينكسر

يميل وياه من يميل
شاف بيه شمرة كفيل
لا يهاب ولا يرد وبالحرب ماينعبر

بيده يرعد صارمه
وجر عله الگاع السمه
حرورة صوابه يخلي المات يرجع ينتحر
┅━━━℘⇣••●🖤●••⇣℘━━━┅
اداء:- ملا محمد باقر الخاقاني
الشاعر:- احمد الهلباوي
الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*

رايحه ودم المدامع سايله او ويلاه اصيح
عتاب من جدمي لراسي محمله واعثر واطيح
ليش مو وياه اخذني ورحم دلالي الجريح
ترضه تجفيني الليالي وهوه نايم مستريح

واحرگوها اخيمي
هنا يلحمي ودمي
ويمه اصيح احاه وانصب نايحه

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*

ارد اذكره ابيت اهلنه هناك من نلتم سوه
انه اخيته الما هضمها وشوفي لعيونه دوه
مغمضه عينه وعمت عيني وريت لاشافت ضوه
تغيرت ذيج المعاني وانحرم شم الهوه

وايست يسكينه
جمد دم بعينه
الحلوه ذيج الجنت بيه مصابحه

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*

عاينت ماشفت رايه ولا ذكر للحومه اشوف
ولنهه رايه بعيده عنه مشگكه ويمها الجفوف
جا اسهام اللفت ليك شكثر ياذخر الطفوف
حسبك الله اعله الجرالك من حقد هاي الالوف

ماكفاهم نومك
مثلو بارسومك
ودوس باجدام الخيول الجامحه

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*

ايست من المعاتب عتبي جنك ماتفيد
الطعن سداها المسامع بيش يسمعني الحيد
ودو للشام البشاره بهاي خل يفرح يزيد
مات كلوله ذخرها وزينب تطگها العبيد

وجدموها اضعوني
لليسر يردوني
بنوگ هزله وناس تشتم جابحه

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*

وحاوطوني ازلام غربه ويمي جابوها الجمال
هذا اليطگني ويسبني وايد مجتوفه بحبال
ماشفت مثلك واشوفن حال امر منك يحال
تجيبني اشموس الرساله وترد بضعوني الانذال

من الدمع رك شوفي
وشتصير اجفوفي
اشگف وبيهن من الدم ماسحه

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*

خويه مجبوره خذوني وياك هذا آخر وداع
انه ذباني زماني بين طيات الضياع
الجبان يهين زينب حگه عگبك ياشجاع
ويا مره الجابت شبيك خضعت حته السباع

والگلب مو جاسي
حگي اطگن راسي
حيل بالمحمل وبالدم سابحه

*~❥━──➸➽❥🖤❥━──➸➽❥.~*
رايحه لعباس اعاتب رايحه
بنار تلهب وبمدامع جارحه
ارد اجعده بوني
نايم ومتهني
هواي فرگ اليوم عن البارحه
*~❥━──➸➽❥🖤❥━──➸➽❥.~*
۞اداء:- سيد فاقد الموسوي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

★≈≈≈≈≈≈≈≈≈≈★≈≈≈≈≈≈≈≈≈★
يابو فاضل.....يابوفاضل.....يابو فاضل.....يابو فاضل
★≈≈≈≈≈≈≈≈≈★≈≈≈≈≈≈≈≈≈★

زلم صوبين وانه اركض طلعتي تكلف هوايه
ماخفت الزلم والنار عندي بطلعتي غايه
جبت من الزلم عامود گالوا كسروا الرايه

وجودك بيه تدوس الخيل
وبجفوفك ردايه تعيل

★≈≈≈≈≈≈≈≈≈≈★≈≈≈≈≈≈≈≈≈★
يابو فاضل.....يابوفاضل.....يابو فاضل.....يابو فاضل
★≈≈≈≈≈≈≈≈≈≈★≈≈≈≈≈≈≈≈≈★

صدگ نايم يذخر اختك فگدك روحي ماردها
گبالي تهوس الغمان اگعد ياشهم ردها
واحد يدفع الثاني ميل انه اسلبها

ماضل للخدر حوبه
وصلت للعبي نوبه

★≈≈≈≈≈≈≈≈≈≈★≈≈≈≈≈≈≈≈≈★
يابو فاضل.....يابوفاضل.....يابو فاضل.....يابو فاضل
★≈≈≈≈≈≈≈≈≈★≈≈≈≈≈≈≈≈≈★

وازانه الرعب والليل حرم كل احنه نبراله
ساعه ورايتك مره تحاشمنه وركضنالك
وصلنه الرايه بس شفنه يخي شايلها چتالك

ثگيله وتهتز بجفه
ردي وعين الردي صلفه

★≈≈≈≈≈≈≈≈≈≈★≈≈≈≈≈≈≈≈≈★
يابو فاضل..... يابو فاضل..... يابو فاضل..... يابو فاضل
★≈≈≈≈≈≈≈≈≈≈★≈≈≈≈≈≈≈≈≈★
۞اداء:- سيد فاقد الموسوي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy

حسين ذب عمامته...من طاح اخيه اعله النهر
♡♡°°°°°♡♡°°°°°♡♡

ياناس اسمعو الفاجعه
مفرع گصد للمشرعه
شاف الجفوف مگطعه
صاح الضهر خويه انكسر

♡♡°°°°°♡♡°°°°°♡♡
حسين ذب عمامته...من طاح اخيه اعله النهر
♡♡°°°°°♡♡°°°°°♡♡

دنگ عليه وقبله
حسين دمعه سايله
كله يراعي المرجله
حيلي هدمته يالگمر

♡♡°°°°°♡♡°°°°°♡♡
حسين ذب عمامته...من طاح اخيه اعله النهر
♡♡°°°°°♡♡°°°°°♡♡

فدوه اروح لشيمتك
گلبي گطعته بونتك
خليني اكلع نبلتك
گلبي يعباس انفطر

♡♡°°°°°♡♡°°°°°♡♡
حسين ذب عمامته...من طاح اخيه اعله النهر
♡♡°°°°°♡♡°°°°°♡♡

خويه يشيال العلم
خليني اوصلك للخيم
حيل اختك الحره انهدم

♡♡°°°°°♡♡°°°°°♡♡
حسين ذب عمامته...من طاح اخيه اعله النهر
♡♡°°°°°♡♡°°°°°♡♡
۞اداء:- ملا عباس العقابي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

من بعد عين الحبيبه …… الحبيبه
صبحت عيني غريبه …… غريبه
للبيت ماوي اله افوت
وبوراها امنيتي اموت
ـــــــــــــــــــ ❁ ❁ ❁ ــــــــــــــــــــ

فك ريجه باخباره الدهر
وبحالي مدري شسوه
جفي اعله خاصرتي انطبع
مـن كثر ما اتــلــوه
يالخذتي وصله من الگلب
شــملك بعد يا قــوه
مو ذاك حيلي يم حسن
يم حسن واگف گوه

والله من يوم المشيتي …… المشيتي
بين الشيب بلحيتي …… بلحيتي
عفتيني ضلمه بلا ضوه
ولابيه اشم حته الهوه ……… الحبيبه

ـــــــــــــــــــ ❁ ❁ ❁ ــــــــــــــــــــ

لا ضلي ملگه ولا امل
ياروحي اكلج هيدي
شفتج بالمغيسل ذهب
يهلال فرحي وعيدي
ماشيلج اكدر مو ثگل
يالزهره ماتت ايدي
مو ذاك قالع خيبره
يتجيلي هسه وليدي

حسن گل لحسين اخيه …… اخيه
يكسر الخــاطــر علـيـه …… عليه
عافو امهم يمي اجو
التمو اعليه وبچو ……… الحبيبه

ـــــــــــــــــــ ❁ ❁ ❁ ــــــــــــــــــــ

من يا وكت هيج اصبحت
مامفتهم موضوعي
طفتلي فص عيني ومشت
مو بس طفتلي شموعي
ماباچي عمري اتفاجئت
مابيه اكض ادموعي
من كمت اغسلها اسمعت
ميته وتكلي اضلوعي

مدري ساعتها شأگلها …… شأگلها
وهيه مو ذاكه شكلها …… شكلها
كلما اغسلها انـثلم
من الماي كامت تنلجم ……… الحبيبه

ـــــــــــــــــــ ❁ ❁ ❁ ــــــــــــــــــــ

فتحيلي عينج لو جذب
يالزهره شوفي حالي
مو بيتي خالي يم حسن
ضل وجهي بعدج خالي
ماعندي غيرج يالهوه
بس وحدج انتي ابالي
مو بس ولدنه تيتمو
حته انه ذاك الغالي

شنهو اليعوض حنانج …… حنانج
لهسه ضل دافي مكانج …… مكانج
اتلمس افراشج واكول
يابعد عمري البتول …… الحبيبه

ـــــــــــــــــــ ❁ ❁ ❁ ــــــــــــــــــــ

چملني من لونه الحزن
فراكج حيل اذاني
مو طبعي ارد محني الضهر
لا ضل امل ونتاني
موقف ولدنه يم حسن
موقف صدك بچاني
من گلت ماتت فاطمه
واحد شبگ ع الثاني
بويه جا وين الحنينه …… الحنينه
بعد ماترجع علينه …… علينه
يتمتنه من الحضن
راح امنه يالحسن …… الحبيبه

ـــــــــــــــــــ ❁ ❁ ❁ ــــــــــــــــــــ

اداء :- سيد فاقد الموسوي
الشاعر :-
الكاتب :- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

يالماخذك ليل اهدعش كلساع گبلك مارده
يالوحدك شابع يتم لا صاحب ولا والده
والليل يخلص هايم
يا گاعد ويا گايم
★★~~•~~★★~~•~~★★
ليش قسمتكم غريب يحب غريب
★★~~•~~★★~~•~~★★

لا طيف شفتك لا صدك بس انه اكولن شايفه
ياخوف روحي لشوفتك يا محله عشگ الخايفه
ياصوت گلبي البس الك ما غنه ويه الطايفه
يامشتهاتي وياهلي ويامدري شنهي السالفه

بلكي الله اصير استاهلك
يالكلشي بيه اشتاگلك

★★~~•~~★★~~•~~★★
ليش قسمتكم غريب يحب غريب
★★~~•~~★★~~•~~★★

ياطيحتك مثل المطر والگاع تانت طيحتك
ياعود ياس ولو كسر تاخذني گوه لريحتك
يامگفه حيد والوجه حط الله روحه بهيبتك
يالمهدي جذاب الگمر ثاري البياض بشيبتك

يامشتهانه وشوكنه
نتوسلك بگلوبنه

★★~~•~~★★~~•~~★★
ليش قسمتكم غريب يحب غريب
★★~~•~~★★~~•~~★★

لا انته مرتاح وتهل لا صوت منك صاحلي
لا آنه عايش لا متت وارتاحلك وارتاحلي
نتگاسم وياك الحزنوالراح منك راحلي
طاحالك حسين واحس من طاح الاكبر طاحلي

ماساوم انه وخادمك
بالخيمه كلهم وادمك

★★~~•~~★★~~•~~★★
ليش قسمتكم غريب يحب غريب
★★~~•~~★★~~•~~★★

كل خطوه بيه تمر الك واشمر ماس
يالمهدي عشاگ شكثر بس ماكو لون بلوني
ماعندي ذكره وتنحجي للوادم يذكروني
بالطيب لو عرفك تجي جا مافتحت عيوني

وعيوني اشدها لطيفك
هذا انه وانته بكيفك
★★~~•~~★★~~•~~★★
ليش قسمتكم غريب يحب غريب
★★~~•~~★★~~•~~★★
۞اداء:- سيد فاقد الموسوي
۞الشاعر:-
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

تعيش بضميري نواعي مصيبه
قصة يتامه بالفله
صرخة محرم احسها قريبه
آيا مصايب كربله

روحي.....تنطر محرم من يهل
روحي.....ويه الخيم تطفه وتشتعل
روحي.....تحترگ من اسمع طفل

حاضن ابوه والنبله برگبته
ميت رضيعه يموت بحسرته
وامه تنادي تريده تگمطه
واعظم مصيبه مصيبة عمته

★★~~•~~★★~~•~~★★
يا كربله .... يا كربله .... يا كربله .... يا كربله
★★~~•~~★★~~•~~★★

هل يا محرم اتاني تجيني
احسب ليالي وانتضر
لضعن الفواطم اخذني ونيني
شفت الچفافي مو خضر

مابيه.....بضعن الهواشم هاشمي
مابيه.....ياروحي حيل اتألمي
مابيه.....كلهم صفو ع العلگمي

يذبح دليلي ونين الفاجده
فوگ الوطيه زلمها موسده
تنعه واخوها ذبيح بكربله
راحن خواته سبايه ويه العده

★★~~•~~★★~~•~~★★
يا كربله .... يا كربله .... يا كربله .... يا كربله
★★~~•~~★★~~•~~★★

اتمنه اعيشن حدر دوره خيمه
لو هل محرم تحترگ
دوه جروحي التحس بالهضيمه
الا بحوافر تنسحگ

طايح..... اثمنطعش حارس للخيم
طايح.....كافل خواته والعلم
طايح.....بيت وفرد ساعه انهجم

هل يامحرم اريد اشبع بجي
للماله اخو عله جتفه ينتجي
شبعت شماته خدر الله وعلي

★★~~•~~★★~~•~~★★
يا كربله .... يا كربله .... يا كربله .... يا كربله
★★~~•~~★★~~•~~★★

باقي ليالي عدد مو بعيده
تبدي مصايب النهر
يبقه حبيبي ينادي عضيده
ضهري يعباس انكسر

خويه.....شمته وبحسين العدو
خويه.....اليمطر عله خيامك منو
خويه.....يتمرمر الماعنده اخو

لخاطر غربتي منامك اجله
ترضه بناتي يضيعن بالفله
گوم اعله حيلك اخوك لوحده
وحرگو عليها خيام بكربله

★★~~•~~★★~~•~~★★
يا كربله .... يا كربله .... يا كربله .... يا كربله
★★~~•~~★★~~•~~★★
اداء:- محمد باقر الخاقاني
الشاعر:- احمد الهلباوي
الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

وين الگالوا شلون انسبيتي
حيهم حشمت ضربو بنيتي
لون بالحال تدرون
اشد من سوط المتون
اذا تدنـه عـدوان لثنيــتي
┅━━━℘⇣••●🖤●••⇣℘━━━┅
من زغري المصايب صارن وياي
ضلع امي انكسر بأول شبابي
وخيام الكبر وضلوع الحسين
نيران الخيم هسه اعله بابي
وداعا ذكريات العاشر الفات
امس واليوم تتلاهه بثيابي
وين الشيعو يا ليتنا وياك
اوجه آخر اشجاني وعتابي

عن وضعي شيگولون
جنهم مايسمعون
وحتما راحو يفلشون بيتي

┅━━━℘⇣••●🖤●••⇣℘━━━┅

تذكرت السطوح وذيج الايام
درب الجابني ودرب الخذاني
گعدت بنص خرابه ومحد وياي
نعيت اعله الولي ومحد نعاني
اتاني بموتت امي الي يعزون
گضن سنتين شو محد اجاني
ليالي الوحشه صارت مو مسه ويوم
وانه بغربتي و ع الباب اتاني

جا وين اليعزون
يزينب ماينشدون
ويگولون ليش تشتميتي

┅━━━℘⇣••●🖤●••⇣℘━━━┅

وگفت بنص شماته وناس عدوان
كلها تگول هاي الخارجيه
شفت بسمه بشفاه الما يحبون
شگلك زينب بمجلس سبيه
ومحد گام رد عن اليشتمون
ولهسه الما يصح ماصح بديه
اعله بابي وجوه مثل اوجوه عاشور
وشفتها بلا طشت ماتت رقيه

انترسن ماي العيون
وين الما يردون
يزيحون الخطر والبيه اذيه

┅━━━℘⇣••●🖤●••⇣℘━━━┅

الله يعين گلبج يخت الحسين
ولنتي اعله النهر مردو دليلج
خيم ماضلت تلم البقه وياج
وعدوانج حرس وشلون ليلج
ومشينه ومشت بس الروس والسوط
ويا مجلس الما گلج دخيلج
كفيلج بالدرب ما تيهج يوم
جا بالشام مايفزع دليلج

واخوتج واليحبون
عجب جي ما يفزعون
ويصيرونلج سد لو نخيتي

┅━━━℘⇣••●🖤●••⇣℘━━━┅

عفته اعله الثره اليم النهر نام
بين الداسته الخيل وتسلب
وعبدالله الرضيع وسهم الايام
قسمته الگطعته من الماي يشرب
وانه اليوم ياهو اليبجي وياي
منارات اعله ساعه الليل تنذب
زينب موش گبه وسمه الحيطان
دورو بكل گلب تلگون زينب

كبر الما تعرفون
كبر كل شيعي مدفون
خاف اعداي ماتدري بقضيتي
┅━━━℘⇣••●🖤●••⇣℘━━━┅
اداء:- سيد فاقد الموسوي
الشاعر:- عباس فالح المشرفاوي
الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

وينك يغايب گلبي ذايب والله صار سنين
وانته المجالس بيها تحضر تلطم اعله حسين
اتمنه اجيلك واشتكيلك من عذاب منين
يابو السوالف ارد اشوفك انته ساكن وين

تدري الها جر ذابح
مولاي ابو صالح

----✦----✦--🖤--✦----✦---
‍مولاي ابو صالح.....مولاي ابو صالح.....مولاي ابو صالح
----✦----✦--🖤--✦----✦---

دنيا وبدونك يابو صالح ماحلت للناس
عمتك تريدك عذبوها ومالگت عباس
تندب ولوها بلايه والي وانته رفعة راس
هدو عمرها وبكبرها بلا رحم واحساس

صحن الحرم طايح
مولاي ابو صالح

----✦----✦--🖤--✦----✦---
مولاي ابو صالح.....مولاي ابو صالح.....مولاي ابو صالح
----✦----✦--🖤--✦----✦---

كلمن يريده يرفع ايده المهدي من ننخاه
انه انتخيته بس يوادم مدري وين الگاه
بنص المجالس دوريته وگمت اصيح احاه
اشتمه كافي وصوته دافي من يكول الاه

واسمع صده صايح
مولاي ابو صالح

----✦----✦--🖤--✦----✦---
مولاي ابو صالح.....مولاي ابو صالح.....مولاي ابو صالح
----✦----✦--🖤--✦----✦---

ارد ابجي يمه انه ارد اشمه وانتشب عطره
الي يحبه خل يندبه ويبجي للزهره
واحنه المجالس نبجي بيها بحرگه وبحسره
نندب يمهدي وفاطمة ابنج منگطع نحره

حسين بدمه سابح
مولاي ابو صالح

----✦----✦--🖤--✦----✦---
مولاي ابو صالح.....مولاي ابو صالح.....مولاي ابو صالح
----✦----✦--🖤--✦----✦---

مولاي احبك وادري گلبك مانساني بيوم
اندب يغالي وهذا حالي شيباني هموم
هاي المجالس مااريدن بس اذب اهدوم
لا يابوصالح كون اطبر حد هوه الزردوم

واندب الك رايح
مولاي ابو صالح

----✦----✦--🖤--✦----✦---
مولاي ابو صالح.....مولاي ابو صالح.....مولاي ابو صالح
----✦----✦--🖤--✦----✦---

يالمهدي فدوه شويه اريدك بس اشمن بيك
هوه انه شنهي گبالك انته وشآخذ وشنطيك
بس هيه لحضه تمرني طيف بعيني وتحاجيك
منها واشوفك حته اگلك روحي بيها شريك

جفن الحسن شابح
مولاي ابو صالح

----✦----✦--🖤--✦----✦---
مولاي ابو صالح.....مولاي ابو صالح.....مولاي ابو صالح
----✦----✦--🖤--✦----✦---
۞اداء:- سيد فاقد الموسوي
۞الشاعر:- سيد محمود الموسوي
۞الكاتب:- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ

https://www.tg-me.com/facdy313

مشيناك … يادرب اليسر غربه
مشيناك … كلمن عبرته بگلبه
مشيناك … واخذنه من الخيم تربه

وين اهلنه يادرب دلينه
وحشه لو طاح الضلام اعلينه
من عگب ليل الهواشم ذاكه
ماكو خيمه تلمنه وتغطينه
خذينه …… ذكره من افياي الخيمه
ولينه …… عفناه مطروح بهيمه

┄┉❈❥❀❥❈┉┄┉❈❥❀❥❈┉┄┉❈❥❀❥
غريبه الضعون … غريبه الضعون … غريبه الضعون
┄┉❈❥❀❥❈┉┄┉❈❥❀❥❈┉┄┉❈❥❀❥

عله النوگ … زينب مستحه اتبدت
عله النوگ … شلون بلا گمر ركبت
عله النوگ … بشوگ اعله الرمح صدت

من عله الناگه ودمعها بعينها
رايتك صاحت يكافل وينه
من عگب مابارحنها عيونك
اطشرت بالغاضريه سنينها
غريبه …… الناس خلافك سموني
مصيبه …… حزن الدنيا عله عيوني

┄┉❈❥❀❥❈┉┄┉❈❥❀❥❈┉┄┉❈❥❀❥
غريبه الضعون … غريبه الضعون … غريبه الضعون
┄┉❈❥❀❥❈┉┄┉❈❥❀❥❈┉┄┉❈❥❀❥

نياشين … عله امتون الحرم ضلت
نياشين … ودموع اليسر صلت
نياشين … روس اعله السمه اتعلت

يكسر الخاطر حزن ممشاهن
عكب الخيام الصحاري غطاهن
ديره ديره يباتن بلا خيمه
والهضيمه الغربه تمشي وياهن
يروحن …… تغطيهن وحشه وغيره
ينوحن …… ويكسرن گلب الديره

┄┉❈❥❀❥❈┉┄┉❈❥❀❥❈┉┄┉❈❥❀❥
غريبه الضعون … غريبه الضعون … غريبه الضعون
┄┉❈❥❀❥❈┉┄┉❈❥❀❥❈┉┄┉❈❥❀❥

عل رماح … جم شوگ الذبل لونه
عل رماح … وغابت گمرت عيونه
عل رماح … راس بشوغه يروونه

تربه الرماح لضعنهن خيمه
وصارت الروس بشمسهن غيمه
شما يمر ليل الحزن ومصابه
تجلجل اعليهن جروح الهيمه
حرايم …… جانن بخيمهن خدر
هواشم …… من طاحو ضعني تيسر

┄┉❈❥❀❥❈┉┄┉❈❥❀❥❈┉┄┉❈❥❀❥
غريبه الضعون … غريبه الضعون … غريبه الضعون
┄┉❈❥❀❥❈┉┄┉❈❥❀❥❈┉┄┉❈❥❀❥

اداء :- ميرزا حيدر الابراهيمي
الشاعر :-
الكاتب :- تہﹻٰ۪۫ﹻراتہﹻٰ۪۫يہﹻٰ۪۫ﹻل ﺂﺂلخہﹻٰ۪۫ﹻيامہ


https://www.tg-me.com/facdy313