والله الحياة دي مُمشينها رجالة ..رجالة بس .

ككاتبة..
لا شئ يلمَسُني أكثر من الحروف
ولا شئ يفوق مُتعة أن أقرأ نصّاً جيّداً
وأعرف أنني المقصودة به تماماً، تماماً.
ـــــــ مريم الشيخ

at the end of the day..

ما ح اقول انو اليوم كان اسوأ يوم مرّ عليكِ
بس ح اقول انو كان شبيه بالعديد من الأيام السيئة المريتي بيها.

ما كان مختلف شديد
بس مؤلم اكتر.. شويتين

والدليل؟
أنِك قاعدة وقلبِك بيألمك و بتكتبي بآخر ذرة فِضلت عندك من شغف.
ياتو شغف ؟! الشغف البسيط انك تحكي اللي في قلبك .. أصلاً إنتي طولتي شديد وفضلتي قافلة على نفسك و حاسة انو مافضل شي أصلاً يستاهل يتحكي او حد يستاهل يسمع وجعك.

وجعِك وقصَتك الحاسة ومقتنعة بشكل سلبي وأناني أنها أثمن من أنها تنهدر ساي كدة وتتحكي بالبساطة دي .. بقيتي مقتنعة أنك الوحيدة الفضلَتي مُقدرة أحزانِك وآلامك، وشبعتي خذلان من الناس ..من كل الناس .

بس حتى لو في سبيل أنك ترتاحي او تخففي من العليك ؟ ولا يمكن إنتي شايفة انك ما مستاهلة ؟! هه ما يحتاج أسال ..أنا عارفة الجواب.

عايزا أذكرك بحاجة
انتي اليوم حاولتي تكوني مختلفة،حاولتي تكوني بطلة!
بس ما اول مرة ، عندك محاولات كتيرة بشهد ليك

خليتي اليوم يعدي ..
ومسكتي نفسك من الإنهيار بشكل كارثي
إتحاملتي وحاولتي تطلعي نفسك رجاالة من المود وتذكري نفسك انك عايشة في دنيا وكون أوسع شدييد من ضيق يوٓمك ده .

يااااما حبيتي البحر.. حبيتي السما ، حبيتي أي شي وااااسع وماليه حدود
لأنهم بيهبشوك في الحتة البتوجعك بالضبط ، بلمسو حاجة جوّاك ما قدرتي تعبري عنها..بفتحو قدامك آفاق وبذكروك كل مرة انه الحياة مليانة جمال..وتستاهل تتعاش .

الليلة رغم سوء اليوم وحالة قلبك ..وعقلك المُنهك بالمعارك الصامتة..
سَمحتي لنفسك تتسلفي الأمل رجالة
وتتفائلي في بكرة
حتى و انتي من جواك ما طايقة تعيشي يوم تاني زيادة .

اليوم خلصتي مهامِك ، او اغلبها..
أجلتي بعضها بكرة، هي شوية تفاصيل ممكن تكمليها بكرة .. طبطبتي على نفسِك وقلتي "ماحنك.. عادي ، الله كريم بكرة ."

وهيأتي نفسِك لجولة جديدة بكرة
من الحياة
وانتي مُتمنية تنومي ما تصحي
من شدة ما تعبتي.

ما بتقدري تقولي أي شي
ما بتقدري
هم ما فاهمين ولا حيفهمو
بس حيعرفو يعاتبو

لكن أنا عارفة حقيقتك
عارفة الوش الـ ما شايفه زول
كفاية عارفة أنا .

زي ما انتي عارفة انك لازم تواصلي وتكملي
بكرة يوم جديد .. تعتبريه فرصة جديدة

أصلاً العجلة لاااافة والدنيا أهو مدورة واحنا ندور معاها
يمكن .. ؟!
يمكن تظبط بكرة ؟
يمكن بكرة غير ..

طول عمرِك بتحبي الإحتمالات
حتنومي وانتي متخيلة بكرة أحسن
والشهر الجاي غير .. والسنة الجاية تكون مختلفة ، ما إختلاف ضخم
حاجة قريبة شووية من البتتمنيه ، عارفاكِ متواضعة في أحلامك.

قولي حتعدي .. حتعدي زي غيرها
ليلة وحتعدي يا تنزيل .

أحلام سعيدة ليك
للحزنانين
ولكل واحد كلّف نفسه أصلاً يقرا لحدي هنا ."

--

الخاطرة كتذكير لنفسي ليس أكثر.
فضفضة مني .. وإلي.
محاولات في الإنفتاح والعودة لتدوين المشاعر مجدداً كنوع من التفريغ النفسي ."

- على آخر الليل.
- تنزيل صابر.

ياخ أنا من قريت لي شانق وووك انا مودي اتعدل .. الحماس وrush of adrenaline 😂😂❤️❤️ الله ..ده أنا بسيطة خالص

مسلسل جديد يمثل فيه ممثل عسوول وكتكوت أنا بحب تمثيله خلاص .. يبسطني.

والله أنا عسل ✨

أنا جد الممثل ده بستمتع بمسلاته وحضرت ليه اخر شي العودة إلى سامدال المسلسل التحففففة العسل ، وقبله كان العميل كي 2، وطريقة حب أهل المدينة .

بس ابدع شديد في العودة سامدال
يعني جد المسلسل ده من المسلسلات البحب ادرجها مع الاعمال البتناسب الاجواء الخريفية والشتوية ، لطافته حكااية ❤️.

كانت كتبتو في السيرش العودة إلى سامدال حتلقوني منزلة رڤيهو وصور عنه.

كمان بقيت الفترة دي واقعة في الافلام الاكشن والغموض اكتر.. فدوره المرة دي مختلف 180درجة من آخر مسلسل وجاي على هواي😔.

+ شكراً لـ" بيسنت دينار " وget ready with me وونستها البتديني إحساس أنا معاها.
ياخ بحب طاقتها في فيدويهاتها بغض النظر عن شخصها،بس بستمد منها طاقة وشخصية بتوحي بالقوة والثقة بالنفس جد.
...

يلا ختام اليوم مش كان سيء للغاية في النهاية
وعدت فعلاً زي ما قلت لروحي قبيل❤️ الحمد لله على كل حاجة بتهون بتفاصيل بسيطة ربنا زاتو البسخرها لي عشان عارفني بسيطة بأقل حاجة ممكن انبسط.

تنزيل صابر.

..
🥺❤️❤️❤️

بدون عنوان.

أمس كنت أسمع أغنية تغني فيها الفتاة عن أنها تريد أن تعود كما كانت، بأنها اشتاقت لنفسها القديمة، ثم تردف ذلك كله بأن تتسائل من هي أصلًا.

في مرة من المرات في مكتبي، مع صديقة عزيزة، كنت أدافع الغصة وأنا أقولها بأن ثمةَ شيءٌ داخلي انطفأ، بأني أبحث عني ولا أجدني، بأني أريد أن أعود كما كنت. ردت عليّ وقالت أن ذلك لن يحصل. بأنها هي ليست أنتِ، وبأن الطريق من الآن نحو الأمام.

أملك ذاكرة زمنية جيدة وأعرف على أقل تقدير بأي شهرٍ وسنة حصلت الأشياء، لكن هذه الذكرى تطفو برأسي خارج خط الزمن. أتذكر مكان جلوسي، وأتذكر مكانها، وأتذكر الكلمة. لا خط رجعة. أنت هنا الآن؛ شئت أم أبيت.

٤ يوليو، ٢٠٢٣م، ٤:١٣م.

"‏تحتضنُك الأشياء الصغيرة وتجد ذلك كافيًا، فأنت تعرف الآن وبعد كل ما عانيته أننا لا نحتاج المعجزات لننجو"❤️.

‏"أحب أن أُفكر دائماً بأن الحياة شاسعة ومُلونة، وأننا نملك طرق لا نهائية وخيارات عديدة لفعل ما نحب، وأن لا توجد طريقة واحدة تختزل الصواب
وأن الاختلاف ثراء🤍."

-
"يا رب.. كُفّ عنا ألسنة أهل الأذى من خلقك.. واشغلهم بأنفسهم عنا، واجعل بيننا وبينهم حجابًا
من قوتك.. وجُندًا من سُلطانك.. وادفع عنا شر الأشرار.. من الماكرين بنا في الليل والنهار.."

اللهم صل وسلم على نبينا محمد وعلى اله
وصحبه اجمعين❤️.

لا تنسى قراءة سورة الكهف ♡゙

" أحب شكل الإنسان وهو مفرط في المحبة ،كيف لو كان في محبته لي أنا ؟في العجز عن التعبير بالقول والمجازفة بكل فعل ،في الإبتسامة في حضوري والتغاضي عن التعب لأجل يطيب حالي ،في منحي الحفاوة كل ما أقبلت في الوداع بحرارة كل ما أقفيت ،مدهش أن يحبك أحدهم في كل لحظة في كل وقت في ظل كل شيء ،وأن تمضي أنت بمعرفتك هذا دائماً وأبداً هذا بمثابة ذخيرة❤️."

" في المكان الخطأ ،حتى لو قدمت أفضل ما لديك ،فلن يكون ذلك كافياً ،أما في المكان الصحيح ،فمجرد وجودك سيكون موضع إحتفاء🤎."