https://chat.whatsapp.com/LbrE2kbsVZyLDxHsy8BuI1

*عايزين نفووووووووق*

احنا الوقتى فوق الارض شويه وهنبقى تحت التراب
احنا الوقتى فى بيت واسع شويه وهنبقى في قبر ضيق

انت الوقتى شكلك جميل وريحتك حلوه شويه والجسم هينفجر
والعين هتنفجر .....
*كلامي صعب شويه*

بس معلش عايزبن نفوق

*عايزين نفوق ياجماعه انت الوقتى فوق الارض*
طب شويه هنبقى تحت الارض

صدقني الاحزان الي تحت الارض أعظم مليون مرة من الي فوق الارض
والافراح الي تحت الارض اعظم مليون مره من الي فوق الارض

انت عارف فيه ناس من الف سنه في المقابر ناس بتتعذب وناس بتتنعم

ياشباب ياللي كل تفكيرك تكلم البنات افتكر ان فيه قبر
واللي بيشرب حشيش
ولا اللي بيتفرج على افلام اباحيه *افتكر ان فيه قبر*

يابنات يالي بتخرجي مش مظبطه حجابك ومش محافظة على صلاتك وبتكلمي الشباب وبتضحكي معاهم *افتكري ان فيه قبر*

شوف نفسك وشوفي نفسك انت الوقتي بتعمل ايه؟؟؟؟
بتعصي ربنا ولا بتطيعه

افتكر ان في ناس منعمة لما تخش القبر هتضمه الارض ضمة الام اللى ابنها رجعلها *بس ده عمل ايه؟؟*

ده اللي بيحافظ على الخمس فروض كل يوم
اللى راجع القرآن كان بيحفظه
واللى واهتمت بحجابها بما يرضي الله
واللى بيغض بصره عن الحرام
وبيمنع لسانه من الحرام
ده اللي بيخاف من ربنا طول الوقت
اللي بيحاسب نفسه طول الوقت

*ده لسه يوم القيامه*
والفزع لحظة القيامه
العاصي كل الناس هتتبرأ منه
حتى ابليس هيتبرأ منه
قال تعالى ’’وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ

تخيلو حتى الشيطان هيتبرأ منك

ده انت حتى اصحابك فى الشله اللي شربك السجاير
واللي خلتكِ تلبسى ضيق
والى خلتكِ تكلمى شباب هيتبروا منكم
’’ إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ . وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا ۗ كَذَٰلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ ‘‘

مش بس كده *نفسك هتتبرأ منك* ، ايديك ورجليك
’’  شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُم ‘‘

ايه ده ده جميع اعضاء جسمك
’’  *وَقَالُوا لِجُلُودِهِمْ لِمَ شَهِدتُّمْ عَلَيْنَا* ‘‘

كل ما نضج الجلد تاني

’’ قَالُوا أَنطَقَنَا اللَّهُ الَّذِي أَنطَقَ كُلَّ شَيْءٍ وَهُوَ خَلَقَكُمْ أَوَّلَ مَرَّةٍ وَإِلَيْهِ تُرْجَعُونَ . وَمَا كُنتُمْ تَسْتَتِرُونَ أَن يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَٰكِن ظَنَنتُمْ أَنَّ اللَّهَ لَا يَعْلَمُ كَثِيرًا مِّمَّا تَعْمَلُونَ . وَذَٰلِكُمْ ظَنُّكُمُ الَّذِي ظَنَنتُم بِرَبِّكُمْ أَرْدَاكُمْ فَأَصْبَحْتُم مِّنَ الْخَاسِرِينَ . ‘‘

*فكروا ياأحبه*

ايه اللي يستاهل ان الواحد يتعرض لكل ده

عشان ايه اغاني مشغلها طول الوقت
ولا مشاهد خليعه بتتفرج عليها
ولا فديوهات فيها بنات بترقص

_ولا عشان ولد تكلميه وتخرجي معاه ويمسك ايدك
ولا عشان مخدرات وخمور
ولا عشان شهوة نساء

ولا عشان يتقال دى بنت جميله واستايل

ولا عشان تبقى ولد مقطع السمكه وديلها والبنات كلها بتجري وراك

ولا عشان تبقى اجمل من فلانه تلبسي اضيق منها وتعملى شعرك عشان تغطى عليها

ولا عشان تبقى اجرأ من فلان وتشرب مخدرات اكتر منه

للاسف *عشان دقايق فى شهوة ولذة دنيوية تضيع نفسك وتضيعى نفسك. للابد*


*عايزين نفوق*

*ياحبايب ادعوا لي ولزوجي بالمعونة بالتوفيق والسداد*

تم بفضل الله وحده الكريم المتعال
بعد اجراءات ٨ شهور ولله الحمد

*اشهار الجمعية الخيرية*.

باسم ((*مؤسسة المصري للتنمية الشاملة* *والعمل الخيري*))

*مقيدة تحت رقم ٧٥٥٣ بتاريخ ٢١ ديسمبر ٢٠٢٣*


وده كان حلمي اللي كنت ادعوا الله به من ١٥ سنه ان ربنا يجعل لي نصيب في ترك اثر واني اساعد المسلمين جميعا
و ابني مستشفي تعالج الفقراء كلهم ومسجد يكون فيه دروس سيرة وعقيدة وتوحيد
ومدرسة تعلم البنات والاولاد قرآن واخلاق
وابني دار تحفيظ قرآن كبيرة
واعمل مركز استشارات اسرية وزوجيه وتربية اطفال
واعمل مشغل للفتيات
وابني مصنع مساعد كدخل للناس وفي نفس الوقت ينفق عل الجمعيه
وحضانه تعلم الاطفال القرآن والاخلاق
ونشتري سيارة لدفن الموتى واكفان
ونعمل كفالة ايتام واشغلهم وازوجهم واشتري لهم شقق تمليك كمان
وابني دار لاطفال الشوارع
وابني دار للمسنين والناس اللي بتنام في الشارع وليس لها مأوى

يارب حقق املي واجعل عملي خالص لوجهك الكريم ولاتجعل فيه لنفسي اي حظ من حظوظ الدنيا وارزقني القلب السليم الى ان القاك يارب ياكريم

فبدأت من شهرين واكثر بفضل الله وتوفيقه ومعايا مجموعه جميله كنت بديهم دروس اسبوعيه في مسجد اكتوبر لقيتهم عايشين معايا الحلم الجميل فبدأنا بفضل الله في عمل اطعام الطعام وتبرعت لنا اخت جميله بمكان نأسسه للاطعام في سبيل الله
وتبرعت لنا الاخوات من المسجد ومن خارج المسجد بافران وشعلات ومستلزمات الطبخ والاعداد
وتوافد علينا محبين الخير وبدانا في عمل وجبات للفقراء والمحتاجين وبدأت بالبحث والتحري الدقيق وادخل بنفسي وزوجي للشقق والبيوت واشوف احوال الناس وهل هم مستحقين بالفعل ام لا
وللاسف الشديد وجدت الكثير من الناس الكثير الشكوى بالفقر عندما دخلت بيوتهم انهم في حالة جيده ولكنه اسلوب للشحاته فقط
ولا حول ولاقوة الا بالله

وكان الاهم هو وضع نظام للاطعام دقيق يقوم على مخافة الله اولا واخرا

ووضحت ان احنا مجموعة شغاله في سبيل الله نتورع عن الحرام فطلبت من كل من يقوم بالاعداد الطعام معي الا يتذوق الطعام تماما وقت اعداده ونعامله كمعامله الصائم
لانها ليست امولنا لوحدنا بل من اموال المتبرعين وذكرتهم ان النبي صلى الله عليه وسلم قال الرجلَ يُطيلُ السفرَ أشعثَ أغبَرَ، يمُدُّ يديه إلى السماءِ: يا رب، يا رب، ومطعمُه حرامٌ، ومَشرَبُه حرامٌ، وملبسُه حرامٌ، وغُذي بالحرام، فأنى يُستجَابُ لذلك

*وكنت دايما اكرر ان احنا مش من العاملين عليها ابدا*
واني مش هعمل ابدا زي المتساهلين بالحلال والحرام اللي لما الدنيا تدخل قلوبهم يبدا ياخدوا الفلوس في جيوبهم والعياذ بالله

وذكرت الجميع ان رجل ايام النبي صلى الله عليه وسلم كان في المعركة ومات فذهب الناس مبشرين الرسول انه شهيد فالمفاجاة ان النبي صلى الله عليه سلم رفض انه شهيد عارفين ليه؟؟؟
قال النبي صلى الله عليه وسلم
كلا والذي نفسُ محمدٍ بيدِه، إن الشمْلَة لتلتَهِبُ عليه نارا (اخرجه البخاري)
يعني انه اخذ شمله في المعركة (كوفيه صغيره توضع على الكتف) بدون وجه حق
تخيلو كوفيه من حرام
هو في النار بسببها

فلاتتساهلو لاي امانه عندكم حتى لو كان طبق او كتاب رجعوه فورا لاصحابه وحافظوا على امانت غيركم
شوفو النبي صلى الله عليه وسلم قال ايه
إن رجالًا يتخوَّضون في مالِ الله بغيِر حقٍّ، فلهم النارُ يومَ القيامةِ" اخرجه البخاري

فاياكم والتساهل في الحلال والحرام
تخيلو ان اللي ياكل من حرام لاتقبل صدقته حتى لو بيعمل خير ويبني مستشفيات او جوامع
شوفو الرسول صلى الله عليه وسلم بيقول لا تُقبَلُ صلاةٌ بغيرِ طُهُورٍ، ولا صدقةٌ من غُلُولٍ (حرام) (مسلم )

واللي بيتعدى على ارض غيره وياخدها من غير وجه حق شوفو الرسول بيقول ايه
"من أخذَ من الأرضِ شيئًا بغير حقِّه، خُسِفَ به يومَ القيامةِ إلى سبعِ أرضِين" اخرجه البخاري.

وفي النهايه اي حاجه هتاخدها حرام فالنار هي المصير ولاحول ولاقوة الا بالله ونسأل الله العافيه
فقد قال النبي صلى الله عليه وسلم
لا يدخلُ الجنةَ من نبَتَ لحمُه من سُحْتٍ، النارُ أولَى به" رواه احمد.


المهم ديه تذكره واجبه وفي نفس الوقت حبيبت اشارككم حلمي اللي كنت بتمناه من الله وانا لن استطيع تحقيقه لوحدي ابدا
فرجائي منكم ان تتذكروني بدعوات ان يوفقني الله لخدمة الاسلام والمسلمين وان يعيني ويقويني على طاعته حيث اني ايضا مريضة وضعيفه ولله الحمد والمنه

واتمنى من الله ان يقويني على عمل الخير للمسلمين اجمعين وان لا يجعل الدنيا اكبر همي ولا مبلغ علمي ان لايجعل الدنيا في قلوبنا
وتكون هذه الجمعيه التي اشهرتها انا وزوجي من اكبر الجمعيات اللي تقدم خدمة حقيقة للناس الفقراء والمساكين وان يكون عملنا خالص لوجهه الكريم سليما من النفاق والرياء والعجب والسمعه يارب العالمين

#أحذر_حب_الدنيا

فاكرين دعاء نبينا محمد صلى الله عليه وسلم لما كان
بيقول اللهم لاتجعل الدنيا اكبر همنا

عارفين يعني ايه؟؟

👈 يعني اياك و التعلق بالدنيا وبشهواتها
واياك والانشغال بها اكثر من الآخرة

👈لما تحب الدنيا من كل قلبك وقتها مش هتهتم بلآخرة  وهتكون الدنيا اكبر همك، .

عارف لما يكون كل تفكيرك بحياتك الدنيا اكثر من التفكير في الموت والحساب والخوف من عدم قبول العمل ولما تكون الخاجات ديه مش من اولوياتك وقتها هتكون بتحب الدنيا اكتر

وكمان لما يكون كل همك الدنيا هتوصلك إلى فعل المحظورات والمنهيات، وكمان هتوصلك لترك الطاعات،

بس افهمني صح

انا مقصدش خالص ان تزهد في الدنيا وتسيبها خالص
لا طبعا
انا بس بقولك متخليش الدنيا في قلبك
خليها في ايدك واتحكم فيها
متخلهاش تتحكم فيك وتنسيك الاخرة


انت مفروض تسعى في الدنيا وتخليها كالمزرعة تحصد ثمارها في الآخرة،

يعني 👈الخلاصة خلي دنيتك في طاعة الله ، والعمل الصالح، وعمارتها بما ينفع الدين والدنيا.

☘(الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً﴾ [الكهف: 46].

👈ففي هذه الآيات
ربنا وضح لنا ان طلاب الدنيا يفتخرون بالمال والغنى والأبناء 👈 لكن كل ده زينة تفضل ساعة ولا ساعتين ولا  تنفع في الآخرة،

👈 لكن أعمال الخير زي الصلاة والصيام والنوافل والتسببح والقرآن أفضل ثواباً، وأكثر منفعة لأهلها من هذه الزينة المؤقتة اللي بتزول وبتتغير  .


علشان كده اقبل على الطاعات و الصالحات،
ومتركزش في متاع الدنيا كتير

☘بل هناك ماهو اشد من ذلك ☘

قال عز وجل: ﴿إِنَّمَا أَمْوَالُكُمْ وَأَوْلَادُكُمْ فِتْنَةٌ وَاللَّهُ عِندَهُ أَجْرٌ عَظِيمٌ﴾ [التغابن: 15]،

👈 فالأولاد والأموال بلاء واختبار ومحنة،...
فممكن يحملوا الشخص على كسب الحرام ومنع حق الله تعالى في الزكاة والصدقة،
وقد ينازعونكم في دينكم ودنياكم فيمنعونكم عن الخير، فكونوا على حذر
أي كونوا منهم على حذر أن تُطيعوهم في التخلف عن فعل الخير من هجرة وجهاد وغيرهما وحب التصدق وطلب العلم وغيره .

يااحبه درس النهارده من اهم الدروس
لان من يحمل منه مثقال ذرة .....
لايدخل الجنة ......⁉️

عارفين ايه هي؟؟

من كان في قلبه مثقال ذرة من كبر  (البخاري ومسلم)

👈كثير من الناس بيفتكر ان صفة الكبر هي صفة بعيدة عنه لكن هو مش عارف ان افعاله فيها كبر

  والكبر  عرّفه لنا رسولنا صلى الله علية وسلم بأنه :
 ⬅️" الكبرُ بَطَرُ الحق وغَمطٌ الناس "  

وبطر الحق معناه انه بيتكبر عن قبول الحق
فهو شايف نفسه هو الاحسن هو الافضل علميا او في النسب او في المال

علشان كده التواضع  أنك تقبل الحق من اي حد سواء كان صغير او فقير او حتى من حد مش بتحبه او حاجه ضد مصلحتك
فالحاله ديه انت 👈متواضع

⬅️ومعنى غمط الناس 👈يعني احتقارهم وازدراؤهم 
لانه شايف نفسه هو الاحسن والناس التانيه اقل منه

ولما الانسان يستعظم نفسه ويكون جواه كبر نلاقيه منفوخ كده ويبان عليه في كلامه وهيئته ومشيته
فدايما تلاقي كلمه انا على لسانه
انا انا انا

تلاقيه يستحقر غيره ويستقل منهم وميعملش لهم حساب
دايما تلاقيه يحب التصدر في اي مجلس يكون فيه
يحب تكون كل الانظار اليه

يحب الناس تعمل له الف حساب وتقدير ومفيش كلمه اعلى من كلمته

يزعل اوي لو حد رد كلامه حتى لو كان كلامه غلط
لانه مش شايف نفسه بيغلط ابدا

دايما مستهين بالفقراء يكلمهم بتعالي ومش بيعمل لهم حساب

وكل كلامه عن عيلته وفلوسه وابوه وامه

وطبعا النقطه اللي كلنا عارفينها الاختيال في المشي⤵️
قال صلى الله علية وسلم 

" ما من رجل يتعاظم في نفسه ويختال في مشيته الا لقى الله عز وجل وهو عليه غضبان
"السلسلة الصحيحة الالباني

📌 ومنها من يحب قيام الناس له إذا جاء اي مجلس 👈 قال صلى الله علية وسلم "

من أحب أن يتمثل الناس له قياماً فليتبوا مقعده من النار " صححه اﻷلباني


والمسكين ميعرفش انه بينازع الله تعالى في صفة لا تليق إلا به سبحانه

💧💧 يقول تعالى في الحديث القدسي
" العزة إزاري والكبرياء ردائي فمن نازعني شيئاً منهما عذبته "صحيح مسلم

فمن تكبر على عبد من عباد الله فقد نازع الله في حقه



 

https://chat.whatsapp.com/L3Dfw0iess2BRkmG0S7awe

*انتم عارفين ايه اللي يخلي القلب يمرض؟؟*

*في حاجات كتير اوي بنعملها بتؤدي لفساد القلب*

أولها : (الغفلة) عن ذكر الله انك بتنسى الذكر

وثانيها: ( التمني) طول الوقت قلبك عايش في الامنيات والاحلام نفسك تعمل كذا نفسك تشتري كذا
هو ده اللي شاغلك

وثالثها : المعاصي وكثرة الذنوب :
خدوا بالكم من الحقيقة ديه ( للحسنة نورا في القلب ، وقوة في البدن ، وضياء في الوجه ، وسعة في الرزق ومحبة في قلوب الخلق ، السيئة لظلمة في القلب ، وسوادا في الوجه ، ووهنا في البدن ، ونقصا في الرزق ، وبغضا في قلوب الخلق ) .

وكثرة المعاصي بتعمل الران على القلب بتخليه يصدي
( كلا بل ران على قلوبهم ما كانوا يكسبون) الران هو الذنب على الذنب حتى يصبح القلب اعمى ويبقى القلب مظلم ميشفش نور ربنا ولا يعرف الهداية
ابن المبارك قال:
* رأيت الذنوب تميت القلوب * وقد يـورث الذل إدمانها

ورابع حاجة تمرض القلب : الحسد :
الحسود كاره نعمة ربنا على عباده
تلاقيه بيتمنى زوال النعمة بقلبه عنك

والشخص الذي قال عليه النبي صلى الله عليه وسلم أنه من أهل الجنة
كان صفتة الرئيسية ان في نفسه مفيهاش حقد ولاحسد ابدا على أي حد

وخامسها : (اللغو والكلام الحرام) والكذب والغيبة والنميمة
قال رسول الله : ( لا تكثروا الحديث بغير ذكر الله فإن كثرة الكلام بغير ذكر الله قسوة للقلب وإن أبعد الناس عن الله القلب القاسي ) رواه الترمذي

سادسهما ،الشهوات الخفية زي الرياء وحب الظهور وحب المدح وحب الانتقام .....

https://whatsapp.com/channel/0029VaQXv34BFLgSJaM0Lv2p
ده رابط قناتي على الواتس اب
لحفظ احاديث قصيرة وصحيحة
د، مروه حنفي

https://chat.whatsapp.com/GSuvFCBL8Tt4BKxq5c9XTf


*عايزين نحفظ كل يوم حديث صحيح وقصير وسهل* *للنبي صلى الله عليه وسلم*

نستفيد منه ونطبقه كمان ونبلغه لغيرنا


*اقرئوا في صندوق الوصف فوق خالص.اللي جنب اسم الجروب ايه الهدف من حفظ احاديث النبي صلى الله عليه وسلم*

#قنوات_د_مروة_حنفي _على_التليجرام
👇👇

1️⃣ *قناة فنون التعامل مع الناس وفنون الدعوة إلى الله*
https://www.tg-me.com/FaferoDaeiat
🌺🌺🌺🌺🌺🌺

2⃣ *قناة الصوتيات*
https://www.tg-me.com/FaferoAudioLessons
🌺🌺🌺🌺🌺🌺

3⃣ *قناة ففروا إلى الله دروس المسجد*
https://www.tg-me.com/faferoelaallah
🌺🌺🌺🌺🌺🌺

4️⃣ *قناة دروسي للداعيات والدعاة*
https://www.tg-me.com/joinchat-AAAAAEbHpGXVeTnXrV8zLw
🌺🌺🌺🌺🌺

5⃣ *جروب الواتس اب* 1️⃣
https://chat.whatsapp.com/G5GCrE6vSLq7V2bCDujGeJ

*جروب الواتس اب,* 2️⃣

https://chat.whatsapp.com/L3Dfw0iess2BRkmG0S7awe

🌺🌺🌺🌺🌺🌺
جروب الواتس اب 3⃣

https://chat.whatsapp.com/LbrE2kbsVZyLDxHsy8BuI1

6⃣ *قناة حلقات للبنات والأولاد*

https://www.tg-me.com/DroosLelBanatWalAwlad


قنواتي وقف لله خذوا منها ماشئتم ولاتهتموا بوضع رابط قنواتي

*فضلا انشروها وجزاكم الله خيرا*

https://chat.whatsapp.com/LbrE2kbsVZyLDxHsy8BuI1

*صلوا على الحبيب*

*عليه افضل الصلاة والسلام*

*ولسه بنكمل ايه هي علامات حسن الخاتمة??*
نسأل الله ذلك

*[3] الموت برشح الجبين (بعرق الجبين):*
وسمعوا حديث النبي صلى الله عليه وسلم
*المؤمنَ يموتُ بعَرَقِ الجبينِ* صححه الألباني في صحيح الترمذي
أي أنه عندما يحضره الموت يعرق جبينه
وقيل معناها: أنها من البشرى بحسن الخاتمة.
وقيل أنها من الحياء لما رأى من كرم الله.
وقيل أنها علامة خاصة و لم يعرف معناها.


لما احتضر شيخ ابن الجوزي قيل له أوصنا، قال:
تقوى الله – مراقبته في الخلوة
وقال عشت 63 سنة ولم أشعر بأني عشت شيء
وقال لأصحابه هل جبيني يعرق قالو نعم ?
قال الحمد لله أنها علامة المؤمنين ثم بسط يده عند الموت

وقال: ها قد مددت يدي إليك فتقبلني بفضلك يا أرحم الراحمين
.

https://chat.whatsapp.com/LbrE2kbsVZyLDxHsy8BuI1

*انتبهوا يا سادة 2️⃣*


الناس اللي طالعة من تحت الأرض ديه وبتشكك في السنة النبوية
وتقولك احنا مؤمنين بالقرآن بس

طيب انتم فين من
قوله تعالى(*وَأَطِيعُوا اللَّهَ وَأَطِيعُوا الرَّسُولَ وَاحْذَرُوا فَإِنْ تَوَلَّيْتُمْ فَاعْلَمُوا أَنَّمَا عَلَى رَسُولِنَا الْبَلَاغُ الْمُبِينُ* ) المائدة /92.

هتقولو ان في معلومات في السنة مش موجوده في القرآن
طيب هو مش مكفيكم ان ربنا قال *(مَنْ يُطِعِ الرَّسُولَ فَقَدْ أَطَاعَ اللَّهَ")* النساء 80
والآية الثانية بتقول
(*"فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا")*

وده فيها تحذير واضح وصريح عن مخالفة أوامر النبي صلى الله عليه وسلم
*كل الآيات كلها تدل على حجية السنة وان مفهاش غش ولاتدليس*

*وكل حججهم واهيةو اضعف من البعوضة*

🔴 *وعلى ذكر البعوضة تعالو نستمتع شويه ونشوف ونستمتع بجمال القرآن الكريم*
ونشوف( صنع الله الذي اتقن كل شىء)النمل 88


🔴قال تعالى *( إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا﴾* (سورة البقرة الآية : 26)*

طبعا مفيش مخلوق هين عندنا زي البعوضة
والمعنى ده اشار إليه النبي عليه الصلاة والسلام لما قال :*(( لَوْ كَانَتْ الدُّنْيَا تَعْدِلُ عِنْدَ اللَّهِ جَنَاحَ بَعُوضَةٍ مَا سَقَى كَافِرًا مِنْهَا شَرْبَةَ مَاءٍ )*)[ الترمذي ]


*صلوا على النبي محمد وركزوا معايا واستمتعوا*

وضعوا البعوضه تحت المجهر الإلكتروني اللي بيكبر الاشياء 400 الف مرة كده، شافوا ان في راسها 100عين، وفي صدرها 3 قلوب قلب مركزي وقلب لكل جناح .
وفي كل قلب أذينان وبطينان ، واكتشفوا أن البعوضة تملك جهاز لا تملكه الطائرات
تملك جهاز استقبال حراري ،بتشوف الأشياء بالحرارة اللي تطلع منها، وجهازها الحراري حساس جدا

ووجدوا أن البعوضة عندها جهاز لتحليل الدم ومش أي دم يناسبها بدليل أخوين يناموا على سرير واحد تقرص واحد وتسيب الثاني ،
*ليه بقى حضرتك*?
*صلوا على نبينا محمد علشان اقولكم المعلومة العجيبة ديه*?

،علشان عندها جهاز تحليل دم و جهاز تاني تمييع للدم ،
فلما تلاقي انسان دمه لزج وسمج مش هيمشي في خرطومها
فتعمل ايه?
تميع الدم علشان يقدر يمشي في خرطومها
لا ده كمان معاها جهاز تخدير تخدرك وانت نايم علشان متعرفش تموتها وهي بتمص دمك واحنا بنكتشف امتى بعد ماتكون خلاص وصلت لسماء الغرفة

ده كمان في خرطومها 6 سكاكين
4 سكاكين منهم لإحداث جرح مربع ، 2 سكين على شكل أنبوبة لامتصاص الدم ،

على فكرة كلامي ده بحث كامل اتقدم بالصور كمان وتقدر تشوفوه على النت عادي

والعجيب لما تقرأ قوله تعالى:﴿ إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا ﴾ *فَأَمَّا الَّذِينَ آمَنُوا فَيَعْلَمُونَ أَنَّهُ الْحَقُّ مِنْ رَبِّهِمْ وَأَمَّا الَّذِينَ كَفَرُوا فَيَقُولُونَ مَاذَا أَرَادَ اللَّهُ بِهَذَا مَثَلًا*﴾[ سورة البقرة الآية : 26]
فالله يعلم رد الفعل على هذه الآية القرآنية العجيبة .....وإن في مشككين

علشان كده قال في الآية أن المؤمنين هيعلموا أن ايه البعوضه ديه حق لأنها من كلام خالق البشر
لكن الكافرين هيقولو ماذا اراد الله بهذا مثلا

وبنقول للمشككين في السنة احنا عندنا علم مش كلام
ده احنا عندنا *علم الجرح والتعديل* الذي دون تاريخ رواة السنة جرحا وتعديلا ،
وعندنا *وعلم مصطلح الحديث* اللي وضع أصول واضحة لتميز الحديث الصحيح من الحديث الضعيف، مثل اشتراط عدالة الرواة واتصال السند وسلامته من الشذوذ ومن الاضطراب.

خدوا بالكم هدفي من الكتابة ان يزداد ايمانا بالله وناخد بالنا من أولادنا ونناقشهم في الامور ديه
علشان زي ماقلت لكم كثر دعاوي الالحاد وخصوصا بين الأولاد والبنات

لاتنسوا الدعاء ان يعصم الله ابنائنا من الفتن ما ظهر منها ومابطن

https://chat.whatsapp.com/FNbpaxOKepr6YFzq4xQHPe


انتبهوا يا سادة 3️⃣

وعلشان الموضوع زاد عن حده عند الناس اللي ماتتسمى

واللي بيقولوا ان القرآن لا يصلح لزمنا ده

*طيب صلوا بينا على النبي محمد صلى الله عليه وسلم*
*وعلشان تشوفو معايا عظمة القرآن وأنه يتسع لكل التطورات*
هديكم مثال عجيب
*قال تعالى :﴿وَالسَّمَاءِ ذَاتِ الرَّجْعِ ( الطارق 11) ﴾*
في عصر قديم اتفهمت الآية ديه أن البحار تتبخر ويصعد بخار الماء ده إلى السماء ويرجع على شكل مطر *وده المعنى الآول(والسماء ذات الرجع)*

ولما تقدم العلم شويه اصبح كل البث التلفزيوني و الإذاعي أو الموجات الكهرطيسية لما تطلع إلى الفضاء والأثير الخارجي طبقة الأثير تردها وترجع تاني إلى الأرض *وده المعنى التاني: ﴿ وَالسَّمَاءِ ذَاتِ الرَّجْعِ ﴾*


وتقدم العلم اكتر ظهر أن الكون كله كواكب ونجوم متحركة ومش ثابتة، وعلشان في توازن حركي في الكون فكل نجم يدور حول نجم تاني بمسار مغلق ويرجع إلى مكان انطلاقه الأول ، *وده المعنى الثالث ،وكلهم يفسروا بالسماء ذات الرجع*

علشان كده صياغة القرآن لأنها من عند الواحد الديان فهي تستوعب كل الاحتمالات القادمة


وصدق الله تعالى لما قال (سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ ﴾[فصلت : 53 ]
واحنا بس الوقتي كل مانشوف اكتشاف علمي جديد نقول ايوه ده عندنا في القرآن لكن للاسف احنا مقصرين
لذلك مرة في عالم مصري حينما قرأ الآية الكريمة : *﴿ فَارْتَدَّ بَصِيرًا ))(96)* سورة يوسف ﴾

فجاء بقميص وحلله العرق اللي فيه و ظهر فيه 64 مادة
هذه المواد وضعها على عدسة مصابة بالبياض( يعني المياه الزرقاء )،
ففي مادة واحدة منها اسمها البولين أعادت الزرقه شفافة ،
وهم حاليا عايزين يصنعوا قطرة من هذا الاكتشاف المستنبط
من هذه الآية ،

لكن نحن قصرنا في كشف حقائق الكون من خلال آيات القرآن الكريم ،
*وفعلا كما يقول رب العالمين سنريهم آياتنا في الآفاق*
انت حاليا جالس في احدث طائرة ومقاعد فخمة واكل وشرب
ولما تفتح القرآن الكريم : *وتقرأ﴿ وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لَا تَعْلَمُونَ (8) النحل*

تقول سبحان الله ويخلق ما لا تعلمون اصبح الوقتي الطائرات وبكره هنشوف حاجات احدث تنقلنا من مكان لمكان
وسبحان الله ويخلق ما لاتعلمون

فكل الدلائل على عظمة الله لا تعد ولا تحصى ولو تفكرنا فيها لسجدنا لله سبحانه

*سبحان الله لو سافرنا إلى فنلندا، و الحرارة 76 درجة تحت الصفر*
طبعا كل حاجة هناك بتتجمد علشان كده لابسين معاطف صوف وقفازات *لكن هل هيقدروا يغطوا عيونهم عشان الماء اللي فيها ميتجمدش*
لا
*سبحان الله ربنا أودع في ماء العين مادة مضادة للتجمد،*
وانتم عارفين ان الماء بيتجمد عند درجة 4 تحت الصفر مثلا
لكن برغم 76 تحت الصفر ماء العين لاتتجمد

صنع من؟
حكمة من؟
قدرة من؟
يبقى الخلاصة اللي نزل القرآن هو خالق الأكوان

✅ خواطر قصيــرة، وصور راقيـــة
✅ مقاطع مؤثـــرة،
✅وصوتيات مُعبـرة 👇🏻👇🏻

https://www.tg-me.com/addlist/FqtfJcugQUMwNzRk

📌كيف يؤثر العلم في حياة النساء👇🏻👇🏻
https://www.tg-me.com/addlist/FqtfJcugQUMwNzRk