يبو حسين روح لله بالسلامه
يبو حسين اني اسهر عاليتامه
ياشريچ اسنيني
ولدك بنص عيني
..................

ادري اليتم ماينحمل بس انته تعرف وضعه
ولجل اليتامه ياعلي عينك تصب الدمعه
انته صرت الهم ابو بكل بيت عندك شمعه
ماحسستهم باليتم هوه اليتم شيجرعه

يعيشون من يشوفونك تجيهم
يعيشون ضحك يتحول بجيهم
الليله من تجفيني
ولدك بنص عيني
....................

ام البنين آنه وإلي دور اليتامه اتحول
وبخدمتك يابه الحسن للموت ما اتململ
انته اليتامه ال عالارض بيهم جنت تتكفل
ولولادك انه ياعلي خليني خدامه اقبل

يضلون ساكنين بكلبي كلهم
يضلون ياعلي ولدك شملهم
روح لتوصيني
ولدك بنص عيني
.....................

هنيالي وكضي هالعمر وياهم ويوميه
اكعد بنصهم ياعلي وتعلم الحنيه
من الدنيه كلشي ماردت بس ننجمع ليليه
من حسين كلمه والحسن وبنيتك المرضيه

بالانفاس عندي صاير بس هواهم
بالانفاس الهوه ماريده بلاهم
وبالوفه تدريني
ولدك بنص عيني
.....................

مودع بالله ياعلي واطمئن من ناحيتي
خليني اخبرك فد امر ولدك تره عافيتي
وبالماي لو رشهم بشر رشيته انه بذريتي
من هسه وصيت الولد ونته تعرّف تربيتي

يكرار الدنيه لو جارت عليهم
يكرار ابو فاضل فدوه ليهم
وبني مايعصيني
ولدك بنص عيني
.....................

ماوالده منهم احد بس سكنو بدلالي
يابا الحسن صرت انه ام والحسن ابني الغالي
وحسين بيه اتعَلقّت روحي وجميع امالي
وزينب الكسرت خاطرك والله تضل ابالي

عهد هاك اخذه مني وللمنيه
عهد هاك وشيمتي شيمه اعربيه
ما أعوفن ديني
ولدك بنص عيني
....................

ادري بوداعك موسهل يكسرهم ويكسرني
ولفراكك ادموعي تصب هليله من تهجرني
يابو المحنه بغيبتك بس الله اليصبرني
الجرحك لون روحي دوه انطيهه بس خبرني

تره العين بعد مايكطع دمعهه
تره العين طفو الليله شمعهه
تروح وتخليني
ولدك بنص عيني


#محمد هادي العقابي

حلم دنياك وتفوت. وانته يالحظه تموت
گلبك بهلدنيا ذايب. ماتفكر بالعواقب
وانته يالحظه تموت

******
أم حنونه اتصورتها. بدون رايك رافگتها
وي عدوانك شفتها. ورغم هذا ماعفتها
ماتتوب وگلت تايب
ماتفكر بالعواقب. وانته يالحظه تموت

****
عبره يلماخذت منها. ماشفت چنك محنها
أم حنونه. يلتظنها. ليش ماتوفي لأبنها
للأبد ما إلها صاحب
ماتفكر بالعواقب. وانته يالحظه تموت

*******
ياغريب أگصدت ليها. شگد تطول بعد بيها
باچر اتعوفك اديها. اتذلك وترخص عليها
يلشفت منها العجايب
ماتفكر بالعواقب. وانته يالحظه تموت

********
اهواي غلطان بقرارك. يلتظن الدنيا دارك
ماتسر طلعت اخبارك. أطفي بالنيران نارك
صرت حاير ماتجاوب
ماتفكر بالعواقب. وانته يالحظه تموت

*********
فرتك ديره علديره. وعشت حيرة بأثر حيره
اتوهمت عندك أسيرة. خادم وهيه الاميره
وهذا عنك چان غايب
ماتفكر بالعواقب. وانته يالحظه تموت

********
هلوحيد بقيت تالي. موحشه عليك الليالي
بيها ودعت الغوالي. ومنها چفك رجع خالي
ماشفت غير النوايب
ماتفكر بالعواقب. وانته يالحظه تموت

الشاعر حسن لعيبي الحريشاوي

بين السيف الصوب حيدر .... والسيف الحز اقدس منحر
جرح المصحف دم يفور ....... خضب رمضان وعاشور
من منبع شريان الكوثر
..........................................................
اذا هل الليله راس المصحف اتطبر
بسيف اهل الضلاله وطبرة المنكر
باجر بالطفوف الصوره تتكرر
عله نحر الهدايه وراس ابو الاكبر
هالليله المصحف بالكوفه ..... ينزف بالمحراب حروفه
امواجه تواسي المنحور ..... خضب رمضان وعاشور
من منبع شريان الكوثر
.......................................................
واذا هالليله زينب شافت اغله الناس
ينزف بالدمه من طبرة الارجاس
تدير العين المن باجر اليا راس
الراس ابن النبي لو راس ابو النوماس
ابيا لوعه تصد ويا دمعه .... للكافل لو لبن البضعه
بدرين وتصدع بالنور .... خضب رمضان وعاشور
.......................................
من سيف المرادي اتهدمت اركان
دين المصطفى واهتزت الاكوان
وسيف الحز وريد المنذبح عطشان
تصدع منه عرش الخالق الرحمن
سيفين بلا رحمه وذمه .... صبن نيران عله الامه
للباطل رسمن دستور ..... خذب رمضان وعاشور
...............................................
بغضاً بالشطر مرحب عدو الدين
بلا ذمه ورحم ذبحو رضيع حسين
وجسام بغدر راسه انشطر نصين
مثل ما صوبوا هامة ابو الحسنين
بنفس الحيله ونفس الغدره ...... ينزف جسام عله الغبره
للحق هذا الدم منذور ..... خضب رمضان وعاشور
...............................
الحجاج شكثر ما يمتلك ناموس
بكل حقد وضغينه سيفه يخطف روس
ويحيدر بالعزم منك اخذنه ادروس
نحارب كل ضلم وعله المنايه ندوس
هيهات اعله الحق نساوم ...... وما نرضخ ابدن للظالم
نقسم بالراس المطبور ...... خضب رمضان وعاشور

محكمة ..

اسمع قرار المحكمه
عن هالعصابه المجرمه
من دون تمييز الحكم
اسمك و عمرك و الرقم
عن هالعصابه المجرمه ..

اوّل بدايه للحكم عن كل جرائم بكربله
عبد الله بگماطه انرمه وضّح اسباب المسأله
تغتاله باحضان السبط و الضمه ما يتحمّله
اعدام بحبال العدل هاذه القرار لحرمله
حرمله باجرامه اعترف
خالف قوانين الشرف
يتفاخر بهاذه الظلم
اسمك و عمرك و الرقم
عن هالعصابه المجرمه ..

مُرّه بن منقذ من برز غافَل الاكبر من طلع
ظامي و يقاتل عن عزم لهله بسلامه ما رجع
بسيوف كلها حاطِته لمّن علي الاكبر وگع
مُرّه بجرايم فعلته و بطشت من نار انوضع
فوگه انقره هالمستهل
لا مال ينفع لا اهل
و اليهضم يضوگ الهضم
اسمك و عمرك و الرقم
عن هالعصابه المجرمه ..

شبل الحسن لمّن طلع وجهه يشع مثل الگمر
من العده ظالم برز صوّبه بالهامه عمر
جابَوا عمر تالي سحل وجه العداله من ظهر
و المحكمه اهنا قررت مچتوف بالنار انشمر
ثار النبي و آل النبي
عالحرگو اطراف العبي
للناصبي طِحنوا العظم
اسمك و عمرك و الرقم
عن هالعصابه المجرمه ..

طاح الگمر يم النهر و بمقتله الكُل اشترك
آلاف ضدّه اتحشّمَت من خاض هاذه المعترك
نبلة العين و جربِته يسعي بحملها ما ترك
چفّينه من طاحن جره دمع السبط يَمّه بُرَك
يجرح حسين بمقتله
يَم الخيَم شيوصّله
صوت المُهُر يقره لطم
اسمك و عمرك و الرقم
عن هالعصابه المجرمه ..

اخر قرار المحكمه كلشي بقراره يستمر
منهو گطع نحر السبط ظامي و يشب گلبه جمر
نادى منادي المحكمه للمَقصَله جيبوا الشمر
بالعجل تنفيذ الحكم كل عظم منّه ينكسر
اسماء عن قتل السبط
بهاي الجريمه ترتبط
تدفع ثمن هاذه الجُرُم
اسمك و عمرك و الرقم
عن هالعصابه المجرمه ..

من بعد هاي المجزره من بعد طعنات و نبل
منهو بِدَه بحرگ الخيم منهو اللي فَرّط بالقتل
منهو مشه بسبي الحرم و اتفاخر بجر الحبل
اعلن قرار المحكمه ما يبقى اي واحد عدل
هاذه جزاء المنحرف
كلمن بذنبه يعترف
بحبل المنايا ينبرم
اسمك و عمرك و الرقم
عن هالعصابه المجرمه ..

حسين الحسيني

نزله للانصار 2021

راية الأنصـار رايه شيعية
صرخة الأيثار كـربـلائيــة
...........

صرخة اصحاب الحُسين بكل زمن نور
صرخه يتجدد صداها بيوم عاشور
صرخه ضد الباطل وكل ظلم مستور
صرخه كلّا يا يزيد العاش مخمور

كلمة الاحرار. كلمه صدگية
صرخة الأيثار  كـربـلائيــــة
...........

واحد وسبعين ثائر نصروا حسين
لاگو تلاثين الف امن الشياطين
بكربله ضد آل امية العين بالعين
گالوا ارواح ومناحر فدوه للدين

طالبوا بالثار صحبه مرضيّة
صرخة الأيثار كـربـلائيـــــــة
...........

لن حبيب ابن مظاهر صاحهم صوت
يالله يصحاب الولاية نزلوا للموت
انقاتل اصحاب الضلاله تريد طاغوت
اليتبع حسين وينصره والله مبخوت

ننصر الاطهار. دنيا وقتية
صرخة الأيثار كـربـلائيــة
...........

عابس وجون وزهير وكل الانصار
قاتلَوا دون الحسين بهمّه وايثار
ذلّوا جيوش آل امية وخذو الثار
ستشهدوا نالوا كرامه الصحبه والجار

عالعهد ابرار. صدقت النيّة
صرخة الأيثار كـربـلائيــــة
...........

فتية الايمان اصحاب الولايه
آمنوا بحسين وزدادوا هدايه
حدّدوا من كربله خط البدايه
ضحّوا وعاشوا مبادئ للنهايه

بالزمن تذكار. ثورة قدسية
صرخة الأيثار كـربـلائيــة
...........

احنه لازم عالعهد نصدق مثلهم
مو فقط اقوال نتئسّه بفعلهم
نيّة الانصار سبقت كل عملهم
خل نصفّي النيّة ونسير بركبهم.

نخدم الزوار. نقره لطميّة
صرخة الأيثار كـربـلائيــة

#سيد_زيد_الفحام
_____________________________________

 نزال الانصار            احمد العكيلي

انصارك  ..  كبل لا تنخانه
انصارك  ..  بالشدد تلكانه
ــــــــــــــــــــــــــــــــــ
عهد هذا اموقّعينه بالدمه
تشهد اعله اقوالنه ارض وسمه
والله منعوفك يبن حامي الحمه
وترخص الارواح فدوه لفاطمه

ندريها  .. كل وكت ترعانه
انصارك .. بالشدد تلكانه
ــــــــــــــــــــــــــــــــــــ
احنه الك للموت انصار وخدم
عن طريقك حاشه ما نحرف قدم
واليعوفك سيدي يعيش بندم
مو مهم ارواحنه وانت الاهم

نفديها .. الك يا مولانه
انصارك .. بالشدد تلكانه
ـــــــــــــــــــــــــــــــــــــ
شنهي عمره المايخدمك ياحسين
عاهدينه وعالعهد نحلف يمين
من نحارب هيه وحده من الثنين
لو نصر لو موت احنه امقررين

والفارس .. بالحرب عنوانه
انصارك .. بالشدد تلكانه
ــــــــــــــــــــــــــــــــ
عهد من جون وحبيب ومن زهير
من وهب من عابس وحر وبرير
كلوب طيبه وبالحرب تلكانه غير
ما يشوف الخصم لو كابلنه خير

واعدانه .. بلايه شك خسرانه
انصارك .. بالشدد تلكانه
ــــــــــــــــــــــــــــــــــــ
عهد ثاني للعقيله ام الخدر
ننطي كل اعمارنه ويبقه الستر
هالامر محسوم ما يقبل عذر
شكبر حظه اليفدي زينب بالعمر

ويّانه .. ماتظل حيرانه
انصارك .. بالشدد تلكانه
ــــــــــــــــــــــــــــــــــ
كلنه نتمنه الشهاده بين اديك
كبل لا تنخانه نتسابك نجيك
نموت كلنه ولا عدوك يدنه ليك
درع كدامك نصير ونفتديك

واخيامك .. سيدي بحمانه
انصارك .. بالشدد تلكانه

تهتف ....الوفايه
هذا صوت الرايه
........عاشك انه احسيني
معتني مشايه
***************************
يالله شد الرايه.....وعتني مكصودك
سبح بنفاسك........بالمشي مشهودك
معجزات تشاهد......هذا وافر جودك
كلشي لجل الزهره..قدمت مجهودك

بيها تلكه انفاسك
عابس ابحساسك
........والموالي ينادي
شيعتك عنايه
***************************
اعمه شفنه بدربك......مايشوف بعينه
بروحه لمن كاصد..بالمشي الله يعينه
كال اشوف بكلبي.....والبصيره بدينه
الوفي بيمانه...كلشي ينطي احسينه

بالمشي انتباها
فاطمه نلكاها
......تمشي والله ويانه
لو نسوي اقرايه
***************************
فاطمه اتلكينه.......شوفي هاي احبابج
ماتعوف احسينج....نجري دم بمصابج
فدوه لو شمينه............ذره من اترابج
دم نشوف اعيونج......مانشف بهدابج

بالمسيره انواصل
هيه بس تستاهل
........انتي كلشي بروحي
روحي يمج هايه
**************************
وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه

كاتب ابحساسي
حيدري عباسي
.......فاطمي دمعاتي
وانه منطي احچايه
****************************
كل مسيره انواصل ...بربعينك جينه
اتوزع الزوارك......ماي شفنه سكينه
يم حسن خطارج.......فاطمه تلكينه
والكمر شد واهس.....والعزم منطينه

ياعلي نادينه
ماتهم رجلينه
......كل تعب مابيها
هيه هاي الغايه
***************************
تمت بعون الله
خادمكم..... يوسف الفتلاوي

لا يدنيه شجاچ محزمه
اكسرتي گلبي. اوضلع من فاطمه
وخَـــافـيه أسهام إثنين. لبوفاضل واحسين
لايدنيه. . لايدنيه
@@@@@

شمالچ يادنيه بياذنب ،،،،، شيبتي شعر جفوني
وسليتي روحي من البچي،،،،والدم جمد بعيوني
مادامج انتي محزمه،،،،حتى اخوتي ايعوفوني
واسياط عندي بكربله،،، منتضره جيت امتوني

بطيحت الباب حچتلي فاطمه
بنيتي تگول. تعودي اعله الدمه
وضمي حزنچ بعدين....لبو فاضل وحسين
لايدنيه. . لايدنيه

@@@@@@@@@@@@@@@@@@@@
هم فاطمه يادنيتي.،،،،،هد حيلي اوشل حالي
وطلعته من بين الجمر.،،،،محسن اخوي الغالي
صبيت فوگه اويه الدمع،،،،دم مهجتي ودلالي
وبالي دارت كربله....وعبدالله صار اگبالي

جرح الاطفال اشد من القتل
ويبرد شلون مصاب البي طفل
وكافيه جروح البين....لبو فاضل وحسين
لايدنيه. . لايدنيه

@@@@@@@@@@@@@@@@@@@@

باجر مثل أمي أندفع..... والـگوم تشتم بيّه
وبصدر الحسين الرفس.... وعيونه تبچي اعليه
يچوي ،الارض من دمعته....عباس ابو الحنيه
و راسه يظل ينزف جمر ،،،،لو طگوا العلويه

بطلعت النوگ. يواعدني الدهر
وگلبي يشيب عله جروف النهر
ومنين اجيبن عمرين....لبوفاضل وحسين
لايدنيه. . لايدنيه

@@@@@@@@@@@@@@@@@@@

باجر ألم يــــادنيتي..... ينشف سواد اعيوني
ومن جدمي أشيب الهامتي....لوبالحبل جتفوني
باجر تعالي الخيمتي...وشوفي يدنيه امتوني
تلگينه حافر للعظم....سوط الي بيه ضربوني

وشوفي الاحبال. تحز ابركبتي
وتمشي وتميل قهر روس اخوتي
وتبچي عيني الرمحين....لبو فاضل وحسين
لايدنيه. . لايدنيه
@@@@@@@@@@@@@@@@@@@@
لحسين ابثاً شكوتي...واصرخ يراعي الرايه
وتنطرني اهموم اشگثر،،،،يم الفرات ومايه
وباجر اطلبچ دنيتي.،،،خيمه وتكولي هوايه
وابقى ادورلي غصن.،،،،،يستر رقيه فيايه


وعگب الاخوان يرافگني الشمر
وانسبي شلون. وإنَـه اربات الخدر
وحزني شگ كلبي اثنين ...لبو فاضل وحسين
لايدنيه. . لايدنيه

@@@@@@@@@@@@@@@@@@@@
خادم الزهراء ع ابو احمد الطائي

لا يدنيه شجاج محزمه

اكسرتي كلبي اوضلع من فاطمه

كلمات الشاعر ابو احمد الطائي

بصوت الرادود احمد العكيلي

اللحن الثاني

     
عندما اتو براس الحسين ع لمولاتي رقيه ع بالطشت ...



  هل راس المن  // عيونه ايدمعن
       وليش يباوع بيه اهواي
       ليش مشيب  // شكد متعذب
       ماواصل لشفافه الماي
**********************************
شادهني هالراس شكثر _ دم جامد اعله اعيونه
مابي ملامح بس جرح _ والنزف ماخذ لونه
شوباقي منه بس نحر _ ياعمه وين امتونه
شمسوي شفته مكطعه _ ومكسرات اسنونه
مبين عظمه // مخلص دمه
هذا الراس يريد افياي
ليش مشيب // شكد متعذب
ماواصل لشفافه الماي
****************************
سهم بلهاته شدخله _ وبخدوده طبع الحافر
كدمات اشوف بكصته _ شكم مره واكع عاثر
نحره جبير امن الرمح _ ومجانه ازرك صاير
شكم يوم ضل جوه الشمس _ وباليل باقي يناطر
     مجوينه اشكد // باقي بلاخد
     فوك ارماح ورايح جاي
     ليش مشيب // شكد متعذب
    ماواصل لشفافه الماي
**********************************
شكد مرمي ياعمه بحجر _ ومورمه اشوف اجبينه
نازل الدم الناظره _ وصاير زراك ابعينه
ميت عطش قبل الذبح _ واميه مامنطينه
شاهك تراب ويالنفس _ شمسوي ومتعبينه
      حافر داسه // ومارد راسه
    كعدي عمه وشوفي وياي
     ليش مشيب // شكد متعذب
     ماواصل لشفافه الماي
**********************************
كاسرلي كلبي وخاطري _ من شفته هيج معذب
واصل الشيب الحاجبه _ هستوه يمكن شيب
الله يساعد طفلته   _ متانيته هسه وتنحب
ماتدري ابوهه بياوضع _ مذبوح راسه مسلب
      بس تشوفه // تموت بخوفه
     مشدوهه تظل ابلا راي
     ليش مشيب // شكد متعذب
     ماواصل لشفافه الماي
**********************************
مألوف اشوفه هلوجه _ شابكته يمكن مره
بايسته اظن ابجبهته _ وتجمعني ويا عشره
ضاحكلي يمكن من قبل _ توني بديت اتذكره
كايلي يبنيتي شكثر  _ تشبهين امي الزهره
    هذا حسيني // الفارك عيني
    مشتاكتله شكد عيناي
   ليش مشيب // شكد متعذب
   ماواصل لشفافه الماي
**********************************
كل هذا صار بوالدي _ وانه اعرفت من تالي
جابولي راسه بالطشت _ مو والدي حسبالي
معذبين راسه بياذنب _ جان اعله رمح العالي
خلوني اودعكم بعد _ راح امشي ويه الغالي
      ساعة موتي // يسكت صوتي
     وتطلع روحي من مبجاي
     ليش مشيب // شكد متعذب
     ماواصل لشفافه الماي
**********************************
محمد خضير الزيدي

👇المستهل
ماخذونه
النامو بلحد الگبر
عذبونه
وانه ما احمل صبر
........
گلبي يشهك من جفاهم
وعيني تعمه من وراهم
....
عذبونه
..................................
النص👇

صعبه صارت عيشتي
گمت احس بغربتي
بفگد الاحباب
...
المغربيه لوعتي
يلنسيتو عشرتي
جوه التراب
...
طفوا بعيني الضوه
وخنگو بصدري الهوه
شاهدوا الحال
...
تخلص الدنيه اشوكت
لا فرحت ولا متت
انهدت جبال
..........
ما اجونه
صار المتانه دمع
ماخذونه
وعلگلهم بس شمع

امده الموت الخذاهم
گلبي يشهك من جفاهم
.......
‌عذبونه
..................................
الناس تجرح بلحجي
وانه گاظيه بجي
كله شمات
...
اه يجرحي الما طبت
عل الگبور وعاتبت
صبري مات
...
بلنجف روحي بقت
بلحبايب التقت
تهوه العزاز
...
شيعت اهل الوفه
وضرفلهم عاطفه
ومشي جناز
...
فارگونه
خايف الشامت يجي
لاحضونه
يلگه بعيوني البجي
......
تختنك روحي وراهم
گلبي يشهك من جفاهم
......
عذبونه
..............................
ابقه عاتب ونتضر
ويكبر بگلبي الفطر
كثرة جراح
...
يلنويتو فرگتي
يلنسيتو عشرتي
حيلي احس راح
...
مافهمت من العمر
بس اودع بليمر
وعلك شموع
...
يم علي اشكي الالم
ونخه شيال العلم
وسجد خشوع
...
لو يجونه
الگاع افرشه هله
مرمرونه
الروح تبقه معلعله
.....
بلحشر حيدر اجاهم
گلبي يشهك من جفاهم
........

عذبونه
..............................
من بجيت اشحصلت
لا اجوني ولا رحت
چني تابوت
...
ما اضن ارجع بعد
وانه منطيهم وعد
ابقه للموت
...
اليل اخلصه بس ندم
وتذرفلهم عيني دم
عمري احزان
...
بفگدتك روحي تلوع
وذكرياتي بس دموع
ودري عطشان
......
عطشونه
من السفر لازم يجون
جننونه
وعل الدرب تربى العيون


بلعطش دمعي رواهم
گلبي يشهك من جفاهم
......

عذبونه
.................................
كلمات
حسين الخفاجي

یـل تبـچي الـدهر ویاي وابدمعك تواسیني
تراني مو بعیده اعلیك حاجب بینك وبیني

●○●○●□■□●○●○●

تراني وین ما منصوب مجلس لیهه اتعنّه
وگبل لا یبدي ناعي احسین اسبگه و اجذب الونّه
آنه ام المصاب آنه و نوحي ما افترنه
ودمعك لوگطع دمعي ما یگطع عله احسیني

●○●○●□■□●○●○●

دمعك ینگطع مجراه و آنه ادموعي سچابه
و صیحن ویه صوت الصاح آیه حسین و مصابه
ابأید اویاك ادگ صدري وضلعي الچم اصوابه
و أید الطم عله الصطره واسچب دم دمع عیني

●○●○●□■□●○●○●

ادموع المجلس ابذمتي و باچر آنه اوّفي الدین
و آنه اتکفلت بحساب کل عین البچت لحسین
یل تنشد علي و اتگول اگعد بلمجالس وین
أنه بلباب اودع الراح و المجبل یلاگیني

●○●○●□■□●○●○●

هاذي سیرة المعروف حال البل مصیبه انصاب
یتلگه الیجي ایواسیهـ گاعد لو یگف بلباب
وآنه بلحطب و النار طبو ّداري الأجناب
کسرو خاطري وضلعي ومنّي صگطو اجنیني

●○●○●□■□●○●○●

للتفگد ابوها الناس لازم تعتني لیهه
هاذي السیرة المعروف بلواجب تسلیهه
ونه ماچن رسول الله ابوي و منتّه اعلیهه
هیچ ابدال معروفه بلمنکر تجازیني

●○●○●□■□●○●○●

ضلت هلعداوه اویاي وجّر اشما عَلي سادی
و مسمار الجرح صدري سیف الذبّح اولادی
گوم الطبت ابداري أبنّاتي ترست الوادی
و صوط الطگ متن زینب هوه الصاب متنیني

#عزيز_الفيصلي


قناة الشاعر الأستاذ أبو باقر #عزیز_الفيصلي

https://www.tg-me.com/azizalfesli

قصيده للوداع بعنوان(ليل الوداع)
اللهم صلِّ على محمد وآل محمد

ليل الوداع دريـّـض ليل الوداع
لايجي بساع يفجرك لايجي بساع

كون لا طر الفجر
يروح من عندي الگمر
ليل الوداع دريـّـض ليل الوداع
💠🔹💠🔹💠
عسن هاي الليله تِطْول كون ماعوف اخوتي
شلون بيه بظـهر باچـر تـنـذبـح كـل عـزوتـي
شلون لو هجمت اعداهم من يطفي خيمتي
اوچب اعله التل وانخّي ليه ترجـع نخـوتي
شلون لو رد المهر
يبجي ودمعه يخر
ليل الوداع دريّـــض ليل الوداع
💠🔹💠🔹💠

حسين باجر يبقه وحده ابلايه ناصر لامعين
لا حبيب وجون يمه انصاره كلها امـطـرّحين
تـلتـم الـعـدوان حـولـه ويذبحـونه الظالمـين
ادوسه عشر اخيول اخيي تخلي ظلوعه طحين

كون لا صار الصبح
او لا حسيني ينذبح
ليل الوداع دريض ليل الوداع
💠🔹💠🔹💠
باجر يروح الكفلني عينه تطـفـه بالسـهـم
جربته تنشگ واخيي يطيح من عنده العلم
تظلم الدنيا بعيوني عگبـه يـاراعـي الشـيـم
الف وسـفه يـروح منـي هـوه كـفّـال الحـرم

شلون لو مني رحل
يچتفون ايدي بحبل
ليل الوداع دريض ليل الوداع
💠🔹💠🔹💠
ريـض شـويـه يليلي الفجـر مــاريـده يـطـر
هاي آخـر ليـلـه اويـلـي بعـد مـا عنـدي گـمر
حسين راح يروح منـي بعد شـلّـي بـهالعمر
صعب يانـاس المـوادع يريدله حيـل وصبر

خل اوادع اخوتي
همه عزي وهيبتي
ليل الوداع دريض ليل الوداع
💠🔹💠🔹💠
شلون لو حرگوا خيمنه شلون لو شبت النار
عالجمر نمشي احنه حافي والجمر ياناس حار
نفـر ويـن بـهالصـحـاري كـلـهـا دخـان وغبـار
ما نشوف الدرب والله وخاف يحرگنا الشرار

غبـّـر الكون وكدر
من دمه يصير المطر
ليل الوداع دريض ليل الوداع
💠🔹💠🔹💠
تمت بقلم المله والشاعره يقين الكربلائيه اهدي هذا العمل الى مولاي صاحب الزمان
غير مبري الذمه من يحذف الاسم وخصيمه الحسين من ينسب الكلام اليه

ضد الظلم صوتي يهتف
ومن هيبتي كلها ترجف
انه النذر دمه لحسين ابن عمه
******
مو مسلم الطبعه يذل والهم يمد جفه
وتدرون ميدان الحرب رايد زلم كلفه
انه الغيور الهاشمي وعندي الحرب حرفه
واكبالي اشجعهم شفت ذب سيفه وتحفه

لوحة مجد رايد ارسم
واعليها اخط انه مسلم
وما تقبل القسمه للحسين ابو اليمه
******
عسكرهم اعليه اجتمع والتمت اصفوفه
والجيش كالولي وصل بس انه ماشوفه
خليت بكلوب الزلم لمن صلت خوفه
سميت بسم الله وصحت راح اكلب الكوفه

احنه الحرب عدنه عاده
اشكد نفتخر بالشهاده
مسلم كبر عزمه لحسين ابو اليمه
*****





انه سفير المؤتمن والفارس القصور
كالولي خيبرهم رجع وقلع ردت خيبر
مسلم وريد بثورتي بالمعركه اتصدر
من كثر ما بيهم صلت كالو رجع حيدر

لا ما اذل واخضع الهم
وصارمي راح اذلهم
وشمحله هالكلمه لحسين ابو اليمه
****
يا طوعه كومي هلهلي وبعمي ذكريني
هاي الكتايب لو الف هم ما تكفيني
لمن افوت برايتي محد يلاكيني
والكوفه عاليها حدر اكلبها خليني

وميت هله اتنادي طوعه
مسلم ابد ماكو نوعه
بالغيره والهمه لحسين ابو اليمه
*******









اتمنيت انه بكربله وراية علي شايل
حته نطب للمشرعه انه وابو فاضل
نهرين نحفر للخيم ونعدل المايل
وثنينه اشمحله سوه بالمعركه انقاتل

ومن الخيم للشريعه
نزرع ورد للوديعه
والمنحر انقدمه لحسين ابو اليمه
******
قائد محنك وافتخر عالكوفه اضل قائد
غير الحسين بدنيتي يا ناس ما رايد
ما صافحت جف الظلم والدم يضل شاهد
قصر الاماره يندثر وانه اضل خالد

نحري كتب عالمناره
باب اصبحت للحياره
وبكل وكت نسمه لحسين ابو اليمه
*****
تمت
تحسين الخفاجي

هذا شيخ الطف حمل لو علي الاكبر نزل
من يدخل الحرايب تتراجف الكتايب
****
اتخيل المهره وتعنه وبكمر هاشم حلف
وذبت القاده رتبها وبكر ابن غانم رجف
عالنهر صارت خزرته والنهر ريجه نشف
والله لو راخصله يهجم بيها يوصل للنجف

براس ابن غانم رجع صوته بالحومه ارتفع
اجمل هديه جايب وتتراجف الكتايب
****
جرد السيف بيمينه وشكل اعليهم خطر
راد يمحي اجيوش اميه بكربله وربك ستر
من لبس لامت قتاله الجمع كدامه انكسر
ضيك الحومه عليها وعالزلم ضاع المفر

جنه سبع الكنطره سوه عالشط سيطره
وبيده لوه الوارب تتراجف الكتايب
****








اتوسط الميدان الاكبر والحرب مالمته
وكربله من كد قتاله اتعجبت من شافته
هوس بنص المعاره وكلها سمعت هوسه
يحرك اليابس والاخضر من يفوت برايته

وكلها صاحت الهوه من حمل بيده اللوه
يتحده اجه المصاعب تتراجف الكتايب
*****
تدخل انذار العساجر من يخوض الملحمه
بالحرب لو شد عليها اتخاف حته الموزمه
امن النهر للخيمه الاكبر سوه نهر امن الدمه
صاحت الفرسان اشردو نزل حماي الحمه

حيدر وليهم طلع بيده جم خيبر قلع
وبيهم بده يحاسب تتراجف الكتايب
*****











هذا ملك الموت اجاهم والسبع بيهم شرد
تنترس بيهم جهنم لو حمل حمله بعد
ونس حسين بقتاله وعزمه ما ينقاس ابد
من علي وارث صفاته والاسد خلف اسد

كاشخ بذاك اللبس جنه طالع للعرس
وبغيرته يحارب تتراجف الكتايب
*****
هذا الاكبر لو محمد كلها بمره تحيرت
وكربله من كد جماله اجفوف اديها اتشككت
انسحبت اجيوش ال اميه ومن خزرته اتراجعت
غيمت سوح الحرايب والطفوف اتزلزلت

بوجها عباس ابتسم من رجع صوب الخيم
بدين النبي يطالب تتراجف الكتايب
******
تمت
تحسين الخفاجي

تسعر بالروح نار الاحزان
مهجور البيت عكب الوليان
*****
فاركتوني وحيرتوني عفتوني وماظن نتلاكه
اتأملكم وشتاك الكم وعيون اتصد اعله الناكه

يايمه اشلون انساكم كلولي وانسه العشره
وانتم ما بين عيوني اصوركم ضلت والذكره
ما اتحمل فركتكم عفتوني وجرحي اشكبره
انه ام عباس الهيبه ويسطع عالعالم بدره

وجه العباس مثل القران
مهجور البيت عكب الوليان
*******
بالعاشر كون اهناك توافون للطف يمه انه امربيتكم
شديت الراس بسم العباس وتفاخر راح بشيمتكم

طلعت وياكم زينب كلكم كون اتباروها
لو صاحت منكم واحد ها يم عون اتنادوها
تتحزمون وخيمتها من كل جها اتحرسوها
امكم انه وبدويه والبدويه تعرفوها

اموديه ويحسين اربع شبان
مهجور البيت عكب الوليان
******


يهل الغيره انه بحيره ورده وبجفاكم ذبلانه
شبت ناري واظلم داري وشينوم عيني السهرانه

هاجت يحبابي اجروحي من يوم الفاركتوني
وابجي اعليكم وتحسر يالرحتو وماخذتوني
غير انتم يمه عيوني اشلون تعوفون عيوني
عالباب اكعد كل مغرب بلكت صدفه تمروني

ما يحمل ضيم كلبي الحيران
مهجور البيت عكب الوليان
*****
اشكبر جروحي وشتد نوحي اتمنيت اشكد امشي وياهم
عيني اعله الباب ورجه الغياب راحو وسأل وين الكاهم

مشتاكه اشتم ريحتهم وملي عيوني بشوفتهم
اعتب انه اعله الدنيه لجمت كلبي بفركتهم
راحت لمتنه الحلوه ودوم اتذكر كعدتهم
كلش غالين اعليه وانه امهم ومربيتهم

مرسومه جفوف فوك البيبان
مهجور البيت عكب الوليان
******





كلبي اتعذب امن الهم شيب ما يحمل ضيم تعرفونه
اهنا يالويلاد يالعني ابعاد كلولي حسين ابني اشلونه

راح الغالي وخلاني وعذبني افراكه اهوايه
كل ساع امن اخذ خيره اتخبرني بموته اهوايه
راح العباس امن ايده يايمه اطيح الرايه
وحسين ابني ايعطشونه والشط ما يشرب مايه

ويحني الكاع دم العطشان
مهجور البيت عكب الوليان
****
شيبي البلراس منهم يا ناس ودعني حسين وخوانه
وصهيل الخيل اسمع بليل واطفال ورضع عطشانه

ما يرحم ليل العاشر راح اشكد ياخذ مني
ونيت وحته الناكه ونت يايمه الوني
باجر لو رد الناعي كون اجدامي ايعينني
انه ام حسين الغالي كولو من ينشد عني

موش ام عباس ام عالي الشان
مهجور البيت عكب الوليان
*******
تمت
تحسين الخفاجي