لسان حال الموالي
**********
ياحبيبـي ياحسين نـور عيني ياحسين

********

صعبه اليفـارگ خليله بسفره رايـح يـستـريـح

ومن يعاود يشكي همه أيگلـه بـغـيـابك جـريح

شحال المغيب حبيبه ابلحده عطشـان وذبـيح

ولو گصد گبره يـزوره يلگــه مسـدود الضريـح

******

لا زيـاره الخلـه يسـمع يـرجـع الـداره عــلـيـل

اتسنده آلامه وحسرتـه ودمعـته لـمـن يـمـيـل

شايل هـموم ومـآسـي عـالظهـر حمـله ثـجيـل

ولاقميص ايردله شوفه اليبچي لحسين الـقتيل

*********

حظره لحسين الموالي ابگلبه راسـم والطفوف

باني تله اعليهه زينب وطفله تركض كلهه خوف

تربه ماخذ من ظريحه اعليهه يسجد لو يطوف

ايلبي يحسين ويشاهد خنصره اليـرسم چفـوف

****

خلي نوصف حاله نگدر الشاهـد اجفوف الغيور

حـالـة الــردة سـبــيــه تشكي وخوتهـه بـقبـور

لـو رقيه اونهه ذاكــــه الباقي ويفسر الصخـور

هـم تـظن بطــل دمعهـن حـتـى بـلحود ويـفـور

********

فورت الطوفان جـفـنـه عـلسبـط عـبره الـدموع

عـلـوجـن گـام اتلاطـم روجـه وتـلمهه الظلـوع

الليـلـة الجمعه يـتانـي حـتى يـعـلگ للشـمـوع

يم ضريحك يقره ناعي الفاطمه أبـأنـه وخشوع

********

وسفــه فاطم لنهه تالي تبچـي يم گبـر الغريب

لا زياره ولا مجالس لا نواعـي اعـله الحبيب

يبني وين احبابي راحت أوينـه الينادي ابنحيب

ياذبيح وگلبـه ظـامي ياخضيب الـظـل سليـب

*******

صحنه يازهره الظليمه انعادت وعـظم المصاب

والشمـر رد وسيـاطـه والسبي وذاكـه العـذاب

بحجة اكرونا الجماعه غـلگـوا للرحـمـه بـــاب

وأمنعـوا شمة عبيره وكل عليل الشمهه طـاب

**********

صرنه مـن بُعـد وننادي ظـلمه يـازهـره الحـياة

من عگب شوفة ضريحه لا سـعـاده ولا نــجـاة

بس دعاء الباقي عـدنـه ربـي عـجـل بـالـممات

حتى يحظرنه النحبه حسيني والذل الفرات

********

لخادم خدمة الحسين ( ع )
ابو عمار الدراجي

@adoamar

الى الامام الجواد (ع)

جودك نبع صمتك دمع جرحك ضلع زجيه
حزنك دهر عمرك نحر نومك سهر سبيه

قصة حياتك هاي تبجي عله شاطي الماي
------------------------------------------------------
بحر الحميه وموجك عواطف روح
وبيك النوارس صورت الم وجروح
سنينك زغيره وخلصت فراق ونوح
كل وحده بيهن اطول عمر من نوح

دمعك رمز حجيك حرز صمتك لغز مصايب
جزعك صبر صمدك كسر بي تنتضر حبايب

بيك الكلام هواي تبجي عله شاطي الماي
------------------------------------------------------
بحر المحنه وبيك الحزن مديوف
همومك مجادف چنهن عليك سيوف
كلما تباوع يمك تشوف جروف
يدمع فؤادك يذكر نهر وچفوف

تذكر الم طيحة علم عين وسهم سويه
فوگ النهر ينزف گمر يمه تحضر منيه

منك يتيه الراي تيجي عله شاطي الماي
------------------------------------------------------------
صبره وي صبرك يصبح جزع ايوب
وقطره ابشواطي بدمعك دمع يعقوب
بليس بذنوبه لومره راد يتوب
بسمك ينادي ماتبقه عنده ذنوب

انته الصحف انته العطف انته الجرف بحاره
ربك جعل بسمك زعل حيدر علي وفقاره

وونفس الوكت بهداي تبجي عله شاطي الماي
----------------------------------------------------------
كلحنه يونس والدنيه بعدك حوت
عشنه بوطنه غربه وبلايه بيوت
گالو نموته الدرب الولايه يفوت
ميهمنه صحنه وكلنه بطريقه نموت

الحبك سعه وگلبك دعه ويخسه الطغه وقصوره
وللمنتضر صحت بقهر عجل فخر ضهوره

للمنقذ الحماي تبجي عله شاطي الماي
--------------------------------------------------------------
خادم الجواد (ع)احمدعباس ملا احمد الكعبي

إلى مولاتنا ام البنين عليها السلام
*********
بـيـت أحــــــزان بــالــــدلال يـــبـــنـي
وكــتــي ولا يـبـي لــلـغـــيـر يــبـــنــي
آنــه مــن الـزغــــــر عــبـاس يــبــنـــي
نــاذرتـــك فــــده لــبــن الـــزجــــيـــــــه
****************
وحــك الـمـن ولــد اقـســـــــــم ولاولاد
يـــريــت الــفــيــن اجــيـبـــلــه والاولاد
فــديـــت الــكــمــر يــــازهــــره والاولاد
الــشـــبـلــج والـعـمـر لـو صـح بـــديـــــــه
****************
الـونـتـي جـبـال مـاتـحمـل والـيـعــــون
عـلـى الـمـذبــوح لا نـاصـر والـيـعــــون
فــده لـحـسـيـن عـبـدالـلـه والـيـعــــون
وجـعـفــر والــكـمـر بــالــغــاظـــريـــــــــه
************
وحـگ تـفـسـير هـل آتـى ولايــــــــــــــة
عـلي وهلروح ليه همـت ولايــــــــــــــة
أبموتي من صحت ولدي ولايــــــــــــــة
الـدفـنـي ولاحـظـر عـبــاس ألـــيــــــــــــه
*****************
بقلمي المتواضع
أعظم الله لكم الأجر والثواب في الدنيا والاخره

شلون لو هاي السنة ماكو عزاء
شلون لو مايرتفع هذا البلاء
=======================
شلون بينه بمجلسك منشم هوه
ولا نحس بالمدمع الخد انجوه
شلون ما نقرالك ونلطم سوه
احنه منك هالسنه نريد الدعاء
=======================
شلون لو ما لاحنه سخام الجدر
وما توسمنه بشرف لطم الصدر
باجر اويه الزهره شيكون العذر
احنه مرضه ومنك نريد الشفاء
=======================
اشلون بينه والدمع لازم سره
يابو الاكبر اي وحك ذاك الثره
البيه وكع عباس واخته محيره
نريد تدعي النه بحق ذيج الدماء
======================
شلون لو ماينكضي هذا الوضع
واحنه من العام نخزنلك دمع
شلون يوم العاشر نطفي الشمع
ومانواسي زينب بحر البكاء
======================
شلون بينه ياحسين المن نروح
قرب وكت الدمعه ومحرم يلوح
اويه امك الزهره منو يون وينوح
لو محرم حل واجه ذالك النداء
======================
تصير وحشه ارواحنه تضل مظلمه
لو لطم ما نلكه يا ابن فاطمه
شلون لو مانذكر اهوال الضمه
وتبجي ويانه الارض واهل السماء
=====================حسين المحامي

الشاعر ظاهر حبـيـب الهليجي

يدار اهلي --- ثگل حملي
اعز احبابي عافوني --- عليله الوحدي خلوني
-----
يا دار الاهل صعبه – اشوفج خاليه منهـــــم
احبابي مشو عني – ما ظل كلشي من عدهم
عليله والهموم اثكال – يداري من يخبرهـــــم
يكللهم عليله تنوح ـــ طارش مني يوصلهـــم
بعد هيهات --- يرد الفات
وحيده بدمعه خلوني --- اعز احبابي عافوني
---
غابت والمؤذن صاح – حيه اعله الصله و كبر
محرابج مسه خالي – شاهدت ودليلي انطــــر
اذكر والدي يصلي – ابوجه الزاهر اتذكــــــر
عمتي هنانه اذكرها – عگبها العلتي من يسهـــــــــر
أحن ونعي --- جمر دمعي
عليهم هامت اظنوني --- اعز احبابي عافوني
---

لا حول ولا قوه – بقيت وحيرتي بأمـــــــــــــري
اصد والظلمه تملي الدار – وحشه ودمعتي تجري
الاهي الرجعت يوسف – عليهم منشده فكـــــــري
ردهم يا عظيم الشان – جمر صار الهوه بصدري
اون ليلي --- انهدم حيلي
عليهم تسأل عيوني --- اعز احبابي عافوني
---
نشف ماي الجفن يا دار – ما ظل ماي بعيوني
عله الراحو بعد هيهات – بالجيه يفرحونــــــي
أصد الداخلج ونحب – واگول شلون عافونــــــي
اصيح بعبره يل ماشين – ردو اوياكم اخذونــي
ينار الهم --- فلا ترحم
يرجعولي اليودوني --- اعز احبابي عافوني
---
امس جانوا أخوتي هنا – وخواتي اكبالي اشوفنهـن
وسكنه من احس اباه – بجفها دموعي تمسحـــــــــن
انه العبداللـه مشتاكه – يريت اهدومه اشمنهـــــــــن
بجت جدرانج التسمع – جلماتي الارددهـــــــــــــــن
عليله اسمي --- ثگل همـي
ادور عاليداوني --- اعز احبابي عافوني

الحسين يحضر مجالس أمه الزهراء (عليها السلام )
...................................

تحضر بالمجالس فاطمة الزهره
تلطم ع الــوجه للمـنگطع نحـره
وتنوح .. ام الحسن بجروح .. ام الحسن

تحضر بالمجالس كل سنه بعاشور
محنية ضــلع مـنها الكلب مكـسور
تتلكه المعـزي بجلمة الـــ مأجــور
تحضـرلك يمـن للمجلس تحضره


مثل ما للحسين الزهره من تحضر
مــوجـــود بمجــالسـها ابو الاكــبر
يـون لـمه الـزجــية ودمعــه يتفجر
يتألــم لـــمن يذكــرها بالعصـره


مــعروفه الـزجـيه تكعد أعله الباب
مــن ينعه الخطيب تهل دمع سجاب
تكلك يا لـولد جـرح الكلب ما طاب
مـن اسـمع غريب ومـحد ينصـره


بمجلس فاطمة جن ونه مسموعة
مفجوع ويواسـي اللــيلة مفجوعة
حســين مـن اللطم تتألم ضـلوعه
لأن خيل العده داست على صدره


يريت الخيل داست صدري مو صدرك
ولا اشـــوفـك ييمـــه حـــاير بأمـــــرك
الله يعـين صـــبرك يا كـــبر صــــبرك
ضـــامي تــنذبح وبكــلبك الـــــجمره


حسين بمجلس الزهره حضـر محتار
يون ويصيح ريته بصدري هالبسمار
وكـون بعيني يمـه سـطرت الاشـرار
ولا محســـن اشــــوفـه ينطفي بدره


بسجلها فاطــمة تسجل معزيـــها
يا من للحسين الدمــعه تجريـــها
وبكل شـــده بـس انِخــاها تلكيها
يم الــزهره يتضــاعف اله اجره


وعـد مــني ابو الـــسجاد احضرله
وبعـين اللـطف بالمـحشر انظــرله
شـيـقدم للزجــيه اضعــاف اقــدمله
باجـــر ع الصــراط هـــناك انتظره


مهند المياحي

ما نسيتك وارتجيتك
يا بو فاضل يا بو فاضل

.................

مــن عــالـتل حـشـمت بالمــــــدامـــع عـاتبت
خويه چـــنك مسـمعت صـــــــــوت الــعـــتاب

اختك وگــلـبي انجـوه ما شفت جف ولـــــوه
ما يشم صدري الهوه مــــــــــــن المـصــاب

خـويه عــباس البُعد هـــد حيلي
مـا رجـــع مـنـك خـبـر احـجيلي
خـويه دخــــان الخـــيـم يرويـلي
اضلــم انهـــاري وتـسـاوه بليلي

عاتبيتك وارتجيتك يا بو فاضل

**

خــويه وين اشكي الالم من شفـــت حرگ الخيم
گلبي بالحـسره انـهضـم والدمـــــــــع ســــــــــال

واعترض دربـــي النذل رت اجيـك ومــــــــا قبل
گــلي مـذبـوحه الأهــــل فوگ الارمـــــــــــــــــال


من منعني اتعنه صــــوب الحومه
وگـلـي اخــوج مسلــبات هـدومــه
خـويـه ريت الاجــــل يـنزل يــومه
ولا تـظل روحـي بـقـهر ملـجـومه

حشميتك وارتجيتك يا بو فاضل

****

خويه وآنـه بـــهـالوضع كسرت ضلوع اســـــتمع
من شفـــت راس ارتـفع اتجــــــــــــه ويــــــــــن

امـشـــي وتــعــثر وون واصــرخ بصوت الحزن
وسفـــــه ينــدار الزمــن هـــــــــــــــا يطيــبــين

خويه طشت بالبراري اطــفالــكم
وحيــل أذانه الـيوصــف حــالــكم
ولله تــجـرح رافــگــت چـــتالكـم
يالغــياره المـــا تصـح امثــالـــكم

يالنخيتك وارتجيتك يابو فاضل

**

خويه واشــــكيلك بعد المـنـها دلالـــي انمرد
عالـصدر تدري گــعـد ثانـــــي قــــــــــــــابيل

حشمـت وبگلــبي هم يا بو فاضــل يا شهم
ثاري مصيوب بسهم والدمـه تســــــــــــيل

خــــويــه مـــا بيــن الـــحـســـين وبينك
اســعـــــي بالــــــدمــعــــة وارتــل وينك
اللــه لا يـــنــــطي الــگـــطـع جـــفــينـك
صـعـبــه مــن تطــفه شـــمــوع سنـينك

يالبچيتك وارتجيتك يا بو فاضل

**

تالـي مـــا تالـي الــقـهر امشي مكســـــورة ظهر
عيني يم صـــوب النهر بلكــــت اتــــگـــــــــوم

من تون طفله انجـرح وانت راسـك عالرمـح
خويه عـبد الله انـذبح هـــــــــــــــــا يجـدوم

خـــويه والعريس دامي اعله التراب
طـاح الاكـبر وانذبـح حـلــــم الشـباب
لــيش مرضــوضــات آيـات الـكــتاب
والحـجاب بحــيـره ويـدور حـــجـاب

ودعيتك وارتجيتك يا بو فاضل

*

خـويه والأكــــــلف تــره شـاهـــــــدونــي مـحـيره
هـا يـســــــــبع الـگـــنطره تقــــــــــبل بهـــــــــــــــــاي

وسفه بالســــــوط انضرب تحدي بضــعـــــوني الغرب
وانتو صرعـه أعله التـرب ضلــــــــمه دنــــياي

زحمه اطب الكوفه وادخــــــل شامها
يمـــــته زيـــنب تــــنتــــهي آلآمـهـــا
صعــبه تمــشي وراســـك الگدامـــها
والـــدهـــر قاســي وخطـــف ايــامها

رافگيتك وارتجيتك يا بو فاضل

**

خويه مرفــوض العذر ابقــــــــه ذيج ام الخدر
مـا يخـوفـني الــشــمر صـــوتي عــــــــــباس

رغـــم نيران الضــمه الا اقــــود الــمـلحـمه
بت علي وبت فاطمه ذلت ارجــــــــــــــاس

خويه بــــــس عشرتكم شمحلاها
مـا تـهون وصــعـبه اني انســاها
ليــش عـباس الكــمـــر مـا جـاها
يصيح شامت اخته شـــــو خلاها

بهم نعيتك وارتجيتك يا بو فاضل

https://www.tg-me.com/joinchat-AAAAAEIvLXf6xYPWqvn04A

والحسين .. ماتضل كرونة
والحسين.. واهلة ماينسونة
والحسين .. كلكم تزورونة
..................
انتة بس صفيهه نيتك واستغيث هواية
بربك وصاحب زمانك مايقصر بهاية
وكلة لاتحرمني منهه خدمة المشاية
صعبة ما اشوفن مواكب لاترف الراية

يموعود .. نظرتك تكفينة
يموعود .. ونكصد لوالينة
والحسين .. بجاهك يفتحونة
...........................
حسين راس المال كلة واليزورة تاجر
لاجن بهذا وضعنة انة اكبر خاسر
وانتظر من عندة نظره حتة اعوض باجر
من اكل لهلي وداعا للطفوف مسافر

اتاني .. تنفتحلي دروبي
اتاني.. واكصد لمحبوبي
والحسين ..تربي لينة عيونة
.............. ............
كبل لا يوصل محرم ربي ردنة بشارة
مايضل هذا الوباء وتندثر اخبارة
وينفتح باب الحسين وكلنة نمشي زيارة
بيوت ملتنة وضريحة مايمل خطارة

عجيبة.. من بعيد نزورة
عجيبة .. واحنة نمشي بنورة
والحسين.. كوكب يشوفونة
... ...........................
اللي مشتاك لامامة خلة يدعي ويانة
بالقريب حسين ربي تنفتح بيبانة
كلشي مايروي ضماهه كلوبنة العطشانة
شمة من ريحة ضريحة تسوة كل دنيانة

الكلوب .. حيل الة مشتاكة
الكلوب .. ماتطيق فراكة
والحسين .. شيعتة يقدسونة
..... ........ .......
الوسيلة حسين هوة وهوة كل امالنة
ربي تدري بلا عزائة ينكلب كل حالنة
سالفة ماكو محرم حيل تشغل بالنة
هالمرض غير وضعنة وشل مسير اعمالنة

الهي .. لطفك احنة ناطر
الهي .. كمنة نكسر خاطر
والحسين.. مانعيش بدونة
.......................................... سعد الكناني

شلون دنيا

شلون دنيا المافهمت أيامها
بهظم ضدي نفذت أحكامها

نفذت أحكامها أرجع وحيد
والقريب يصير عن عيني بعيد
شماشكيت من الظلم أكثر تزيد
بالعناد اتزيد كلمن لامها

والله دنيا الماعرفت إلها وجه
وين اودي الروح منها واتجه
حلم هيه شوكت من عنده انتبه
شوكت افرغ من عذاب أحلامها

شلون دنيا غيوم سود اململمه
شگد مراحل من عذاب امقسمه
ظني صاحب من شفتها ملثمه
عدو طلعت من تفك لثامها

مني تقرب من اجافيها وصد
ولمن اقرب منها عني تبتعد
تميل وي الردي ميلان الورد
الطيب الحربه تشد حزامها

والله يادنيا صدگ حالج غريب
لا اهل لا ناس خليتي وحبيب
مثل صبر ايوب گولي منين اجيب
لوصبر زينب بحرگ خيامها

اه يدنيه الگلبه طيب مبتلي
گالت أنا ابحقد گلبي ممتلي
بالثلاثه بيوم طلگني علي
چلمه وبگلبي بعدها اسهامها

الشاعر حسن لعيبي الحربشاوي