من مهره طاح وكض الصفاح//لالا تذبحه عوفه يرتاح
عطش صيف . عله كيف . تحز كون . ركبته
بجه حسين . التفت وين. عالخيام. عله اخته
********************************
البسمار اخذ مني ظلع _ وجفني غرك بدموعه
جوه الحوافر عندي ابن _ نعمن حيل اظلوعه
من صدره شفت .. يطاير اعظام
دم ابني تره .. واصل للخيام
ثاري بلا نفس .. كلت الولد نام
خيل التسحكه كامت هواي // خلوني اشربه عالاقل ماي
يفز كام . من الاالام . رحت ليه . وحظنته
بجه حسين . التفت وين. عالخيام. عله اخته
********************************
ابني وكع وكعت شمس _ من المهر بسهامه
يعني سهم كابل سهم _ من جدمه ولحد هامه
من صوته نصه . هنا صار الوداع
طعنوه ابرمح . طب نصه بالكاع
كام وماكدر . عليه النفس ظاع
نص ساعه شايل ايده ليفوك // مايكدر ايصيح انه مخنوك
يأشر . الرمح حار . يجوي . بجبدته
بجه حسين . التفت وين. عالخيام. عله اخته
********************************
جروحه تحركه مفتحه _ والرمل كله ملوحه
الف وتسع ميه وكسر _ بله شيضمد اجروحه
من طاح الاسد . شو شاخ الاغراب
وخدوده وسف . ماكلهه التراب
من اخيامه وصل . لنفاسه عطاب
اعله اعيونه شفته يابس الدم // دخان خيمه احتركت اشتم
همس صوت . مشه الجان . متنمل . رفكته
بجه حسين . التفت وين. عالخيام. عله اخته
********************************
شفت الاجاه وسلبه _ زرار القميص ايكطعه
جلب قميصه بالظلع _ هداه بس جر ظلعه
لسلب كشخته . ماعنده حرص
عالمحبس ركض . بالخنصر يكص
بجفوفه بقه . ظل اصبع نقص
كطعو اصبعه وهدمه مسلوب // وفوك الترب ظل وجهه مكلوب
يسلبون . يطعنون . يخربون . كشخته
بجه حسين . التفت وين. عالخيام. عله اخته
********************************
كل خطوه تكطعلي نفس _ ما اشوف ابد من عيني
الراسه نام اعله الرمح _ نام شكثر بحظيني
حاركته الشمس . ظل جسمه عريان
شيلوح الرمح . ووليدي عطشان
محد غسله . ولا عنده دفان
ليدفن حبيبه بيده مبخوت // مايرهم لجسم ابني تابوت
تكسر . توذر . تطشر . نظرته
بجه حسين . التفت وين. عالخيام. عله اخته
********************************
كل ساع اروحن للنهر _ وراس الغيور يدخن
طايح كمر بس الكمر _ عالماي ظل متسرفن
شفتحه مستحي . جي طاح الحسين
كتله والنعم . يالمنطي جفين
انته وزينبك . طشركم البين
بشيلتهه زينب خظر الشيب // جرح الشماته ادري ميطيب
يعباس . يعباس . الاخو مات . ندهته
بجه حسين . التفت وين. عالخيام. عله اخته
********************************
تمت _ علاء الزيدي

فراق الاحباب

مسافرين
خلافكم ما ضگنه طعم الابتسامه
مسافرين
وداعة الله يا هلي وألف السلامـه

مسافريــن وذابـت الروح بجفاكم
روحي ماظنها بعــد تشتم هواكـم
تنچــوي بنـار الهجــر ظلت وراكم
تدعي كون يصيبها سهم الرماكـم

مسافرين
روحي صارت للحزن مرمى لسهامه
مسافرين
وداعة الله يا هلي وألف السلامـــه

مسافريـن وأدري سفرتكــم طويلـه
وأدري شوفتكـم بعينــي مستحيله
يمــر يومــي إعلَيَّــه ساعاته ثجيله
ودمعــي ليليــه على الوجنه أسيله

مسافرين
بعــد مــا ينفــع عتبنـــا والملامــه
مسافرين
وداعة الله يا هلي وألف السلامـه

مسافرين وچم عزيـز الفـارگ الدار
مـا بقت بس الصور والدمعه تذكار
حگهــا عينـي من تهل الدمع مدرار
وحگه گلبي من هجركم يستعر نار

مسافرين
أون وانحــب مثــل ونّات الحمامه
مسافرين
وداعة الله يا هلي وألف السلامــه

مسافريــن وطالت الغيبــه يلحبــاب
ريــت لـو تاخذني إلهم ياهوى الهاب
اگعــد ابسدهم وسولف عَـنِّ الغيـاب
شلون جرحه بالگلب ينزف ولاطاب

مسافرين
بعيني كل ليله الحزن يكشف لثامه
مسافرين
وداعة الله يا هلي وألـف السلامــه

مسافرين ولسه ذكراكم علــى البـال
والحــزن يرمــي دليلي بسهم چتال
يمتــه نتلاگـــه يغاليــن الهجر طـال
دمعي عالفرگه يظل عالوجنه هَمّال

مسافرين
بدونكــم ليــل الهجر يجرح ظلامه
مسافرين
وداعة الله يا هلي وألف السلامـه

مسافرين وگلبي خابت كل ظنونه
اتذَكـَّـر اليــوم الذي بــي ودعونــه
يـــا گلب بســك تراهـم مـا يجونه
لچــن يــا گلبي بدعاهـم مانسونـه

مسافرين
راحوا احبابي وصبح حزني علامه
مسافرين
وداعة الله يا هلي و ألف السلامـه


كلمات عمار الراشدي

الشاعر الحسيني ظاهر حبيب الهليجي

ما خاب الكصد عباس وتعنه
يرد فرحان ماخذ حاجته منه
*
اليتعنه ودمعته بعينه سجابه
عليه بحسين يقسم من يدك بابه
تره العباس أبد ما ينسه احبابه
وللحاجه العصيبه هو يتبنه
*
ادخل للضريح بعبره وبحسره
وحلفه أبداعت اخته زينب الحره
وحك عباس تكضي وأنته بالحضره
بس كون بيقين وتترك الظنه

من تنخاه وحكه الشده ما تصعب
بالصعبات هو السيف المجرب
زوره وشوف بيدك تاخذ المطلب
بالحضره اطلبه وكلشي اتمنه
*
مو صعبه عليه وهاي معروفه
الضحه بكربله لحسين بجفوفه
كريم وما يرد محتاج بظيوفه
مشهوده اله عباس بالمحنه
*
ابو فاضل اكصده لو ألك عازه
بفضل الله الكرامه تصير بعجازه
عطاي المراد ويذهل أنجازه
اليمه حاجته ياخذها ما يتنه

انه الاشبهك _ ماجاي اسلبك
باوعلي يحسين _ خل ماي اشربك
بصدرك موضوع /// شو ماكو اظلوع
///////////////////////////////////
يالتشبهني شو صاير _ ماتشبهني هالمره
هذا انه الحسن ياخوي _ شبيهه الشفه متفطره
اول مره اشوف اجفوف _ اصابع بيهه مو عشره
تخوصرت وصحت ياخيل _ اخذتن وين قفص صدره
جرحك يحركك _ من تبجي حكك
خايف الجمك _ لو ردت اشبك
صيحت مفجوع /// شو ماكو اظلوع
///////////////////////////////////
اجيتك اركض امفرفح _ من شفت الشمر جاسك
عد راسك اجيت اكعد _ لكيته يكطع ابراسك
اثنعش طبره طبر نحرك _ بمكان البي نبي باسك
شحه بالهوه حسيت _ تدور عالهوه انفاسك
تنزف لكيتك _ اركض اجيتك
شفت اليذبحك _ لازم لحيتك
ماخله ادموع/// شو ماكو اظلوع
///////////////////////////////////
الملامح كلهه متغيره _ يالمتغسل ابدمك
من كد السحك يحسين _ تساوه ويالارض جسمك
شفت فوكاك تل أحجار _ هظيمه ولا اخو يمك
وذر صرت اعله كبر الكاع _ بحصيره لازم انلمك
كلشي بجالك _ مترب جمالك
وطعنات السيوف _ حته بخيالك
ونك مسموع /// شو ماكو اظلوع
///////////////////////////////////
جبدي بالطشت من طاح _ وجبدك بي رمح واكف
وحك الزهره يبن امي _ هيجي اجروح ماشايف
من طول الرمح اطفال _ وجه يبجي وجه خايف
شصاير بالخيم يحسين _ اشوفك للخيم زاحف
خيامك متدري _ رماد ويذري
ذبحوني صايح _ بس عوفو خدري
وجفك مرفوع/// شو ماكو اظلوع
///////////////////////////////////
مثل الشجره جسمك صار _ لسهام البيك جنهه اغصان
بحيث النبله عالنبله _ من كد الثكل تعبان
الرمل يجوي الشمس فوكاك _ يحسين شكثر عطشان
يالجسمك خشب متروس _ راح يحير الدفان
مثلث دخيلك _ ثالم دليلك
ماتكدر ادريك _ تكوم اعله حيلك
بكلبك مزروع/// شو ماكو اظلوع
///////////////////////////////////
اله اوكف افيي الطف _ افيي اشلون متحير
منك كلشي ماباقي _ حسين مطشر اطشر
الناس السلبتك ياحيف _ ما بيهم ولا خير
الله يعين زينب ذيج _ شكلهه هوايه متغير
بدمعتهه تنظر _ تسال تدور
ياهوه ياناس _ الاكيله خنصر
خنصر مكطوع/// شو ماكو اظلوع
///////////////////////////////////
تمت____ علاء الزيدي

لوفاة ام البنبن ع
.
.
.

خلصـت حـيـاتـي .. والمـوت اجـانــي
ومــن الـــزچــيــه .. خــجـــلانـه انــي
لا ازرگ امن الـســوط ظــهري
اولامنسحگ بالـخــيل صدري
خجلانه اني

____________

إي واربــــــع الأولاد .. وعيــون ابو السـجاد
دنـيه بلايــه حسين .. صــدگونــي مـاتــنراد
يمتـه امـوت ونـلتـگي احــنه سـويه
بس خوفي انه من عتب امه الزچيه
لامن عطش رويت .. ولامن شمس غطيت
وجروحه ماداويت .. اشـگد بالندم حسيت

فوگ الترايب .. ماتركــه نــايم
وافرشله لازم .. اربــع عــمــايم
ماقــدمـت لحسـيــن عمـري
اولامنسحگ بالخيل صدري
خجلانه اني

____________

متحــسفه يـاهــالنــاس .. مـارافــگــت عــبــاس
حتى افدي انه احسين .. عــن جـسمه لايـنداس
بالله شـجانــي ومارحت للـغاظــريه
حتى الخيول السحكته تسحگ عليه
وصدري العده ايرضوه .. وطحن الرحه ايطحنوه
وفوك الثــره ايطشروه .. بــس ابـــنــي مــيــأذوه

وأقبــل سبــيه .. مـــــو الـــه مـيــته
ابدرب السبايه .. امشي اويه اخيته
لابالحــبل مـشــدود نحـري
اولامنسحگ بالخيل صدري
خجلانه اني

____________

وجهي اوديه وين .. وبـاچـر اغـمــض العـــين
مستحيه ياهالناس .. شحچي اويه ام احسين
المفروض اروح الـكربله اشخلاني بالدار
زيـنب احاميـها واذب روحـي عـلى النار
شيرجعه وكتي الفات .. واصــرخ يعــلــويـات
الأيديـها محــروگــات .. اطــفــيها بالدمـعــات

اربــع بـــنيـني .. صح قدمتهم
اشبيه وشجاني .. مارافـگتـهم
مـن فاطـمه شيـكون عذري
اولامنسحگ بالخيل صدري
خجلانه اني

____________

مـن الالـــف للـــيــاء .. لـو تعــتـب الــزهـراء
من حقها ام احسين .. حــزنــانه عــالحـوراء
زينب امـانه المفترض عيـني عليها
ونمشي سويه بالسبي وايدي بديها
لاچف الي محروگ .. اولاركـبــونـي الــنـوگ
اولاطببوني ابسوگ .. الهـذي الصدر مخنوگ

لو ناشدتني .. اشراح انه اگلها
عـن السبـيه .. شـتــعـــذر الـها
وعـن حالـتي الزهـراء تدري
اولامنسحگ بالخيل صدري
خجلانه اني

____________

لابـاليـسر حســيت .. اولابالشماته ادريت
اتمنيته كون الموت .. گـبل السبي ياريت
لو ناشـدتـنـي فـاطـمه بعــد المـنيه
اشسويتي يم الاربعه ابموتت رقيه
راح انه انزل الهام .. چيه ماچنت بالـشام
ومن تعـتب ابـألام .. صـدگـوني ماتـنــلام

بلكـي الـوديعه .. ترضه اعتذاري
من ترضه هيه .. تطــفيلـي ناري
شيخـمــد النــيـران تــسري
اولامنسحگ بالخيل صدري
خجلانه اني
____________
حيدر تركي الكربلائي

(استشهاد الامام الهادي ع)


عمري كله اتاملت وصيتي يبني لو متت
تقره يم گبري ردت زيارة حسين
*
يالحسن كل عمري چنت انا انتظر
تقره يمي ازيارته من احتظر
باخر انفاسي تمنيت اشكثر
الفظ اسم حسين ونزل للگبر

هلله هلله اوصيتي شمحله تخلص دنيتي
يبني تدري بغايتي زيارة حسين
*
لا يهمك سمي بويه اتحمله
لا تشغلك يالحسن هل مساله
يبني جسمي لو بديت اتغسله
طش عليه يوليدي تربة كربله

يبني كلشي متضح تربته تهيد الجرح
هيچي موته ما تصح زيارة حسين
*
عالچفن يوليدي ارسم صورته
وكتب اسم حسين يبني وغربته
والسلام اعله العيال اوشيبته
وعل كفيل المنه طاحت رايته

دمعة عيونك حبر اكتب اسم ام الخدر
عمتي وصت باليسر زيارة حسين
*
بويه نعشي لو بديت اتشيعه
الحالي جفنك لا يهل كل مدمعه
سلم اعله حسين وذكر مصرعه
انا اريدن جسمي هيچ اتودعه

إبچي مكسور الضلع العترب ظل منصرع
يبني اقره اويه الدمع زيارة حسين
*
ألهج اسمه كل حياتي تعودت
نافله ابين الصلاة اقراء چنت
من يغطيني الترب وتأكدت
بويه لقني بحروفه لو گمت

بسمه يتلاله الگبر الشده تتحول يسر
بلحدي شمعه تستقر زيارة حسين
*

الشاعر اياد الديراوي

#جديد #شهادة #الامام #الهادي
عليه السلام.
……… بحر طويل……

.

حُسيناه .. آخر حروف ابشفّتك
حُسيناه .. ظلت تنـادي دمعتك
ليلة منيه .. هاي المسيه ..
ياعلي الهادي.

ـــــــــــــــــ ❁ ❁ ❁ ـــــــــــــــــ
.
يالهفه بگلب محـروم غـريب ولا أهـل عـنده
ياعبره بنفـس مظـلوم وحيد وطايح ابشدّه
اشوفك چن چبد ظامي مايه ابشفته وتبده
دخـل دارك رسـول المـوت عنّك منهو ايرده

سلامات .. بعـينـك وداع ابهالمـسه
سلامات .. جسمك يچوّي اليلمسه
چن غاضريه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ
.
على فراش المنيه اليوم الك يالهادي لطميه
ترد بالمسـتهل وتگول مشـت زينبـنه مسبيه
ابوي حسين عالـتربان يويـلي جثته مـرميه
علـى نحــره 12 طبـره جـروحه 1900
.

بالانفاس .. همـسة ونـينـك تنـسـمع
بالانفاس .. كل شهگه تكسرلك ظلع
نوح الزچيه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

سمهم من سره بدمك جرت بدموعك اللوعه
نزلت دمعه مظيـومه رقـيـه بيـها مصــدوعه
بين امراكض الايتام يويلي ابخدها مصفوعه
ماتدري ببوها حسين حوافر سحگت اضلوعه
.
والارماح .. تـركت على صـدره حفر
والارماح .. طلعت يويلي من الظهر
تحچي الرزيه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

اشد لوعه على گلبك مصاب الزهره يوم الدار
تموت وسالمه اضلوعك لامن رفـسه لابسمار
عشت حسـرة ابـو فاضـل ولهـفة چـفه للبتار
وانت الماتت أچفـوفك بعد بيمـن تـرد الثــار
.
حكيمه .. تقرا الحروف ابصفنتك
حكيمه .. حره وعليـمه وفهـمتك
تقره الوصيه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

علامات المنيه ابساع على وجهك غدت تطفح
وملك الموت بچـفوفك غده كل ساعه يتصفح
أشوف العسكري مخنوگ عليك أبدمعته فرفح
جبيـنك أشـرق ابمحياه ثـوب الجـنه تتوشح
.
والاملاك .. ناحت عليك من السمه
والاملاك .. گـامـت تـعـزي فـاطـمه
وحامي الحميه .. هاي المسيه
ياعلي الهادي

ـــــــــــــــــ ❁ ❁ ❁ ـــــــــــــــــ

آخـر كلـمه بشـفافـك گلـتـها والـدمـع يـدي
يبني يالحسن لابد تعيش الغربه من بعدي
يـبنـي والـوصيـه ديـن وآنه أمنيـه عـندي
ليلة منتصف شـعبان سلملي على المهدي
.
دعائي .. ياربي أحفظ شيعته
دعائي .. بالطف ترفرف رايته
تحمي الثنيه .. هاي المسيه
ياعلي الهادي
.
.
.
حسن الموالي الفاطمي
.

القصيدة محرمه على رواديد ال DJ ...
💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://www.tg-me.com/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://www.tg-me.com/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://www.tg-me.com/joinchat-CApOYURwqL2W_R_06oYO8w

يامحسن الوين. .لاتترك حسين
لو نيتك تروح. .اتركلي چفين
++++++++
خويه ادركني اسمع صوت
صوتك هذا مو وكته
زغير اعله الحني ضهري
ابخمس اسنيني وكسرته
اليطيح بعمرك اعله الگاع
شعجب مو امه لازمته
اگلّب جسمك ومحتار
المحسن انت مو انتي

اچفوفك ازغار. بيهن حرگ نار
وآثار الاسياط. .لبضهرك امنين
+++++++++
امنين اوگعت عالتربان
چنها وگعِتك كلفه
ليش اعله الوجه مچفي
امتربه اشفافك الترفه
طري وتتمايل بچفي
اشينزف بيك ماعرفه
يالطولك نحر مگطوع
جسمك كل كتر نزفه

خاف اطلبت ماي. .وشفت السهم جاي
من امي للگاع. .سلمت الامرين
++++++++++
انه واختك الحره
نسولف بيك يوميه
دورك بالطفوف انطيك
منك ننتظر جيه
عباس الخدر زينب
وانت تكفل ارقيه
حته امحضره الجيتك
دلاعتها ترچيه

حاسبلك احساب. خاب الامل خاب
مو وكته لوداع. .مستعجل البين
++++++
صحتني رايد اتلگاك
خويه منك اتعذر
حافي جِيتك ابلا سيف
خايف عنك اتاخر
ردتك توگع ابحضني
حته بدمك اتعفر
سبب تاخيري اسمع صوت
يمه حسين لا تعثر

اعرفته بالصوت . ضلع امي مفتوت
وابهيده لتطيح. .تحچها بونبين
+++++++++
سامحني القدر يحسين
عنك امشي خلاني
من طگ الضلع فزيت
صوت الكسِر آذاني
آه ال امي صاحتها
ثجيله هيجت احزاني
وينه اليحمي خدي تصيح
ابفزعتي والاجل جاني

ادركني ناديت. يم عتبت البيت
لا رايه لا ماي. لا فاتح العين
+++++++++
الله وياك يالرايح
رمح ماشافت عيونك
ارحملك رحت بالباب
لافزعو يسحگونك
لا مرّك عطش وايتام
بالخيمه يودعونك
لا لابس قديمه ثياب
من عدها يسلبونك

لا صوت الايتام..حرگوها لخيام
واگبالك اتصير .ركضة نساوين

ثائر الربيعي

استشها الكاظم
عليه السلام

سجين وذكرياتي عالحياطين
ناقشها بدموعي زيارة حسين
من اربع جهات
كاتب ذكريات
زيارة حسين
++++++++++
اقرا يا وارث وانادي
منك انه اشورثت
غير گيد امن العليل
وسطره من امي خذت
و اورثت عمتي ابهزلها
ونظره من شامت شفت

انه من سجن السجن
اذكر ايتامك واون
اه ياضرب المتن..
والنياشين
تراوالي اعلرمحه راسك اوياي
عله شفافك بعدها لفظة الماي
ليش امفطرات
كاتب ذكريات
زياراة حسين
+++++++++++
هيه زنزانه زغيره
وبيها راسم كربله
وين ما اندار اشوفك
بيــدك ابنك شايله
اتغافل اعيوني وتجيله
آ ينبلــة حرمــله

وراسم اگبالي هزل
منها چن واگع طفل
يمشي وايعثره الحبل
يتجه وين
عايشها ابصحوتي مو بالاوهام
اتنفس صرت عطاب الاخيام
وركضات البنات
كاتب ذكريات
ازيارة حسين
+++++++++++
عايش بنص ذكرياتك
حته من أغفه أشوف
خيمه وطفال بظراها
ومشرعه يمها چفوف
ابطيفي وتفوت العقيله
تمشي مابين الصفوف

بالسلاسل ابقه اجر
رايد الطم عالصدر
للخدر آ يالخدر
والدواوين
مثل عمتي اعله خدي عندي نيشان
بحرورة جمر دمعات الاحزان
بخدي طابعات
كاتب ذكريات
زيارة حسين
++++++++++++
والعطش اظلم عيونك
وانه ماعندي ضوه
خيمة الوحشه حياتي
ليلي وانهاري سوه
سطرة السندي اعله عيني لو ردت اشتم هوه

لو ضربني اتذكرت
سطرت ارقيه ونحت
وعالتراجي اتحسرت
مرّه مرتين
أرد اكتب عباره بهذي تنقاس
اموت ومااشوف اطفالي تنجاس
لا سلبو خوات
كاتب ذكريات
زيارة حسين
+++++++++++
مرّه سجّاني سألني
ليش كل عمرك تنوح
كربله گتله صورهــا
من خيالي ماتــروح
اكظم الغيظ اعله همي
مو على ذيچ الجروح

لو شفتني ابچي دمه
للفطر چبده الضمه
سامع انت بخاتمه
وخنصر حسين
ابسجن واعمامتي براسي يسجان
امكشّف راسه جدي عالرمح چان
ثيابه مسلبات
كاتب ذكريات
زيارة حسين
++++++++++
آنه كاتبله وصيــه
ابن سويد ابهل امر
تذكر بنعشي قضيه
من تشوفه عالجسر
الجسمه عاري عالرمال اسهامه صارتله ستر

بنعشي من اتشيعون
اسمي لاينجاب كون
يا حسين اترددون.
برفع الايدين
تدفنوني اعلطولي راسي موجود
مو مثل الغريب الصدره ممرود
ضلوع مرضرضات
كاتب ذكريات

ثائر الربيعي

قصيدة ان شاء الله الى مولاي علي الاكبر عليه السلام
 

ذاع الخبر بيهم واختلت الناس
ياهو البرز ليهم ومعصب الراس
حي الله الاكبر     يا حي الله الاكبر
 


شبه الاسد طباهه   والحومة كلهه ذياب
طاردهم  بكل حيلة   سوة المعارة اتراب
زارع  رعب  بالوادم   ما  تندل   المشراد
ضنو  قيام الساعة   والليلة صار حساب

واختلت القادة صاباهه وهواس
ياهو البرز ليهم  ومعصب الراس
حي الله الاكبر     يا حي الله الاكبر



بنص الزلم متخوصر   وبكيفة كام ايصيد
صار   الشمر   متحير   يفركهه   ايد   بأيد
يا حالة  يكدر  بيهه   يسلم  عله  الفرسان
استعجل  كتب مكتوبة   دز  الخبر  ليزيد

بجه الزلم بيهم دوهنهه الارجاس
ياهو البرز  ليهم  ومعصب الراس
حي الله الاكبر     يا حي الله الاكبر



شاط   الغضب   بعيونة   من  مر عليه  خيال
صاح ارد  اسوي سواية   الما مرت  عله البال
من عالفرس كض راسة   كصة وهداء لحسين
ما يرجف   اصبع  ايدة   لو  ميت  الف  رجال

ماترجف جفوفة بالعركة نبراس
ياهو البرز ليهم  ومعصب الراس
حي الله الاكبر     يا حي الله الاكبر



كض  الرسن  بيسارة   و بيمنتة   الصمصام
كال  اذبح  وماسمي   سيفي الصبح محتام
ارد ابني تل بالعكسر   من  الجثث  والروس
من دمهم اكتب ذكرة   لو    جفت     الاقلام

صاحو  علي هذا  لو  هذا عباس
ياهو البرز ليهم  ومعصب الراس
حي الله الاكبر     يا حي الله الاكبر



صاح  و خطب  بالعسكر   اني  علي  الاكبر
عمي   الفحل    عباس   جدي   القلع  خيبر
ماخذ عزم وتبختر   من حضن ابوي حسين
وانضر شمر بعيوني   من خوفة صار اصفر

مكبل الاكيهم مو طبعي خناس
ياهو البرز ليهم ومعصب الراس
حي الله الاكبر     يا حي الله الاكبر



بجه  الزلم  بالحومة   رمل    نساء   الكوم
والزلمة  من  ايخزرة   ينشل   بعد  ميكوم
وزلمتهم من الخوفة   دك   بالهوه   ويطيح
سيفة انولد بالحومة   بس عالذبح مفطوم

ماينغلب طبعة بالحومة حساس
ياهو البرز ليهم  ومعصب الراس
حي الله الاكبر     يا حي الله الاكبر


خادم خدام زينب عليها السلام
حميد كاظم الشمري

قصيدة استشهاد الامام الصادق عليه السلام


ابجي العيون   مو عله الدار
لذيج  الخيام   الشبت   بنار
و السبو    عماتة
دم تصب دمعاتة     ابجي العيون   ابجي العيون


ساعة  الحركوهه  داري  بالحرم  ما مر خطر
ومن حرك نار المخيم جم طفل جدمة استعر
وصورة  الحرة  عله بالي  تمشي محنية ظهر
و ذيج  العيون  الوسيعة  سومرن  من  السهر
فاكدة الشوف   وطلعت بليل
عن   الحسين   تبعد    الخيل
كسرن  ضحكاتة
دم تصب دمعاتة     ابجي العيون   ابجي العيون


*************************


انعة يا ناعي المصيبة  وسولف الصار وجرة
خلهه تسمع بنتي مريم شنهي مر عالطاهرة
كلهه بين ازلام  غربة  شكثر  طاحت عالثرة
وانولت  عمتج  يمريم  عكب  سبع الكنطرة
صاحت الويل   واختفة الصوت
لعظم المصاب   خيم      الموت
وما تدك  نبضاتة
دم تصب دمعاتة     ابجي العيون   ابجي العيون


*************************


فدوة اروح اني وعيالي لخطوة من عمتي امس
ساعة   الهجمو  عليهه   و للخيم   طب   الرجس
وكفت عله التل تنادي حسين بس ماعدهه حس
ماجوه  خدهه   المخيم  و انجوت   من  الشمس
الزمن     صيف   والظهر  حار
تغطي الحسين   تغطي الزغار
تخضبن  شيباتة
دم تصب دمعاتة     ابجي العيون   ابجي العيون


**************************


الحرك  ماجه  اعتباطن  اكو  من سن الحرك
الكسر   ضلع   الزجية   هو  شيطانة  الصدك
بس اريد اعرف قضية ايجاوبون اهل العشك
هذا يا قانون يرضه  الضامي بالخيل انسحك
عطشت الخيل   وداست حسين
ما  لكت    ماي   حتة      بالعين
ذوبلن    و جناتة
دم تصب دمعاتة     ابجي العيون   ابجي العيون


**************************


مصابي والدار وعيالي  هينة وي طف كربلة
هنانه ما جتفولي حرمة هناك حبل وسنسلة
اليمي  خيمتهن   ابوهن   كل  عيالي   مدللة
هناك  ذبحوهم  خيمهن  وانسبن وي حرملة
طبت  بسوك   بنية     البيت
بعد الحسين   ضايع الصيت
العذبوه     شماتة
دم تصب دمعاتة     ابجي العيون   ابجي العيون


خادم خدام زينب عليها السلام
حميد كاظم الشمري