محرررم 1444 هـ ( رقية )

يابو حظن الدافي . من افراگك كافي . ميتة ابدونك تدري
ليش ايامي الحلوه . خِلصت يمك گوه . رحت وخلص عمري
مو كافي إمن الفراگ إمن الفراگ إمن الفراگ

آه يمرورة افراگك . گطعَتني . مرمرَتني . شيبَتني
كافي ما مشتاگ الية . بويه كافي . وين غافي . لا تجافي

ليش ردت افراگي مو كلي انتهيت
خَضَرت گاعي كثر ما لَك بچيت
هاي أول ساعة من دونك گضيت
بويه توك يمي شبساع اختفيت

خنگة انفاسي ابدونك . هو افراگ اعيونك . ابداع امك شيحملة
خلَص عطرك بيدي . ششتم ها يوحيدي . من اشتاگك ذلة
بالرية النفس ضاگ النفس ضاگ النفس ضاگ
__
توه يمي وخال إيدك . بين ادية . اهنا سوية . عود الية
لاعبتني كلمتني . اهنا بستني . اهنا شلتني . اهنا عفتني

دوريتك ما شفت منك خيال
گمت ادور آثار جدمك بالرمال
أذن ابجرحي مِن افراگك بلال
ابداعة امك بويه لبنيتك تعال

بس لحظات ارجعلي . اتحب ابنيتك گلي . خل اسمعها ابصوتك
ريت اسمعها او أغفة . ابحضنك بويه ابلهفة . ايعذب حيل اسكوتك
ما تعلم بالاشواگ بالاشواگ بالاشواگ
__
بويه ما عايشتة هجرك . چيف احملة . ماهي سهلة . العاف خلة
بويه سامحني ابعتابي . من اعذبك . من اتعبك . چيه أحبك

اوياك خِلصت يعني أيام الحنان
وكلمن ايروح ابطريقة من زمان
يعني أيس ما يلمنة أي مكان
لا خرابة ولا خيام وكلشي چان

يالناوي اتخليني . ليش اتعود عيني . اتشوفك تالي اتهاجر
يمكن بس هالليلة . أصبر ويه العيلة . ميته يمكن باچر
لعيونك انه اشتاگ انه اشتاگ انه اشتاگ
__
نومتي الحلوه اعله صدرك . اشگد ردتها . دورتها . ما شفتها
ابحضنك الگعدة اشحلاها . يمتى أرجع . ابحضنك اشبع . بويه تسمع

اشمحلة ذيچ اسوالفك قبل المنام
ابحضنك اتناغيلي وارتاح ابسلام
روحي ترفة ورادتك مثل الحمام
مدري ليش اشتاگلك وكت الضلام

من الدنيا اتظلم . چنت اعلية اتخيم . واتحط إيدي ابإيدك
هسه ابظلمة او ردتك . بويه اتنوم بنتك . ساعة اعيوني اتريدك
أحلامي الدهر باگ الدهر باگ الدهر باگ
_
بويه بحضانك جبتني . وهسه وحدي . ابناگة تحدي . ومنهو عندي
وين چانت هاي الية . امچتفيني . امسهريني . امعطشيني

چانت ايديك اعله ضهري لو مشيت
اسياط هسه اتلوح ضهري مادريت
يامة يامة اعليك يابويه انتچيت
هسه إلمن إيدي امدها لو هويت

الناگة اشگد طَيّحتني . كِسرت ضلعي ومتني . واتعذب خلوني
ابهالحظة اعتازيتك . ماعدهم حنيتك . طحت وما شالوني
الملگاك الگلب طاگ الگلب طاگ الگلب طاگ

حيدر الحلفي

(فزاعيه )لرقيه عليها السلام...

رقيه شلون بيه من تروحين
لو رحتي بعد شنكل للحسين
................................
منهو يساعدج لمن تنوحين
وأسهرلج ولولي حتى تغفين
اون وياج عمه من تونين

رقيه شلون بيه من تروحين
......................
متعلمه اعلا ايدي من تنامين
منهو اللي يسكتج من  تفزين
ويقرالج نعي وانتي تلطمين

رقيه شلون بيه من تروحين
............................
يالوجهج يشع من وجه الحسين
جا منهو اليكلج لا تخافين
ويشيلج إذا شافج تتعبين

رقيه شلون بيه من تروحين
.........................

لو رحتي بعد شنكل للحسين
آنه شعايزه وهمي تكملين
المن ظاله كون انتو ماشين

رقيه شلون بيه من تروحين
..................... ......
من ينشد عليج انكله جاوين
ماشابع بعد من عدنا هل بين
يل ماخذ زلمنا والنساوين

رقيه شلون بيه من تروحين

       خادم الحسين
         عبدالكاظم الجابري

طفله وسبيه    ويلي رقيه
   يا رقيه      يا رقيه
.............................................................
راح اسولف عن رقيه العذبتها كربله
بحضن ابوها تنام چانت والبعد ماتحمله
الگمر عمها واخت الأكبر طفله حيل مدلله
تشبه الزهره الزچيه  وشمعه بين العائله
.....................
وبالغاضريه   ويلي رقيه
يا رقيه   يا رقيه
................................................................
ابكثر ماجانت عزيزه ردت يمي تندفن
تشبه امي وليها انضر  لمّي  لو گلبي يحن
طفله باتت بالخرايب وشكثر شافت حزن
اليل كله تريد ابوها  ابد ما غمضت جفن
......................
تصعب عليه    ويلي رقيه
يا رقيه يا رقيه
.................................................................
بالخيم تنشدني عمه  يمته يخلص هلعمر
عمه زينب وين ابويه گلبي ما يحمل صبر
تگلي رجليه زغيره  شلون امشي علجمر
صعبه عمه عگب ابونه نصبّح بوجه الشمر
......................
بذيچ المسيه  ويلي رقيه
يا رقيه يا رقيه
..................................................................
ومن عگب بدر العشيره يحدي بالناگه اجنبي
وراس ابوها برمح يمشي وراس ابو الغيره الأبي
الحادي ماعده حميه  بسوطه يضرب بت نبي
زغيره حيل وطفله هيه وتعبت بدرب السبي
.......................
بهم واذيه   ويلي رقيه
يا رقيه يا رقيه
...................................................................
للقصر لمن وصلنه رادت اتشوف الحسين
راس ابوها بطشت ويلي ابن أمير المؤمنين
شبگت الراس وشفتها  تقبله وسط الجبين
هيه باست راس ابوها ونگطع صوت الونين
.......................
ياهل الحميه    ويلي رقيه
يا رقيه يا رقيه
............................................................
محمد صادق الدراجي
🙏🙏🙏

قصيدة للسيدة رقية ( ع )
على طور -> يابو فاضل <- باسم الكربلائي

•••••••••••••>
يارقية _ نامي بحظاني يعمة
يارقية _ گلبي مو زودتي همة
يارقية _ ليل وحشة ودنيا ظلمة

•••••••••••••>
نامي بحظاني يعمة يارقية
اوسادة اخليلج يروحي اثنين ادية
ورمشي هو ايغطي جسمج هالمسية
كافي لا تبجين عمة وشبدية

بالخرابة _ فزت الطفلة او بچت
بالخرابة_ من الصراخ تغيرت
بالخرابة _ تريد والدهة تكلمة

•••••••••••••>


شافت الوالي ابحلم نادت اريدة
جاوبتهه احسين گطعولة وريدة
وگطعوا ياعمة حتى خنصر ايدة
ظل يروحي جسمة بديار البعيدة

بكربلاية _عفنة جسمة بس وذر
بكربلاية _ جسدت اعظم صور
بكربلاية _ الحجر صب بيهه دمة

••••••••••••••>

صرت اصبر باليتيمة وانة اونن
والحرم وياية هم كامن ينحبن
الفاجدات ابصوتهن كامن يعلن
احزان هاجت بالخرابة مايسكتن

والعقيلة _ اتوجهت صوب الغري
والعقيلة _ نادت الحگ ياعلي
والعقيلة _ اغتمت اعليهه السمة

••••••••••••••>

وصلت الصرخة اليزيد البل خرابة
اخذو راس حسين ردلهم جوابة
جابو الراس ابطشت نادت ييابة
عطر ابوهه شمتة_ من ليهه جابة

راس ابوهه _ شافتة وشهگت تراهه
راس ابوهة _ بالعجل والموت اجاهة
راس ابوهة _ عالحنان معلمة
•••••••••••••>

ماتت الطفلة وبجت دم ليهه العيون
لاشهر لاليلة لاساعة اويرجعون
للمنية جنهم احبابي يريدون
تحمل اشلون المصايب زينب اشلون

امصايب هواي _ مرت اعلة ام الخدر
امصايب هواي _ وحيل اذاها اليسر
امصايب هواي _ خلفن بالگلب لجمة

_____
الشاعرة ام غيث الذبحاوي

قصيدة رثاء لرقية عليها السلام


تبجي بگلب مجروح
صدگني يالمذبوح.
رقية

فزت وهي تحاجيك
تگلك يبوية اشبيك
يالمذبوح رقية



فزت من حلمها تصيح يالوالي
ذابت مهجتي ياريع دلالي
رد لية يبوية اوشوفني اشحالي
من غيرك تراهو الموت اشوالي

ارجع الي اشوية
محتاجه حنية
يالمذبوح رقية




محتاجه الحنانك بوية صدگني
انام اعلة القهر واگعد علة وني
اتذكر يغالي اشلون تشبگني
يامظلوم صعبة غيبتك عني

اشكي الجرة اعلية
مشوني مسبية
يالمذبوح رقية



لشكيلك يروحي اليوم عن حالي
بعيوني دمعتي صارت اتلالي
نهبوها الخيم ياهيبتي اگبالي
الموت اهناك شو كام ايتراولي

اولاحيل ضل بية
من اخذوا الترچية
يالمذبوح رقية



اخذوها التراچي شوفها الإذني
مدمية صرت يلي ارحلت مني
اشبعت ضيم اومناحه من زغر سني
الوكت وجر دليلي ابنار والمني

عاين على ادية
الاثنين مچوية
يالمذبوح رقية



المر والضيم بخلافك تجرعته
المامر عالخلگ انه ترة شفته
هم تهون بس اتردلي بوية انته
ولا ابقة بخرابة اعليك اون سكته

نار الفراگية
تظل بية سعرية
يالمذبوح رقية

تمت الحمدلله •
الخادمة المقصرة•
ام غيث الذبحاوي•
جديد•

هذا تصور الشاعره •

استشهاد السيده رقيه عليها السلام


يزواري إسِمعوني ـــ أريدن من تزوروني
ــــــــ علگ جيبولــي مـــن گبـــره ــــــــ
ــــــــ أشِمـَّــن ريحِتـَــه وعطــــره ــــــــ
ـــــــــ أبو اليمـــه ضـــوى عيوني ــــــــ

يزايــر گبـــل لا تطلــع ــ إسمـــع منـــي هــالمـطلب
تــزور احسيـن واتسلم ــ على اللّـي بالدما اتخضب
انا بعيني شفت جسمه ــ مرمي اعله الثرى امسلب
شفــت بالنـار من ظلت ــ صواويـــن الحــرم تلهـب

يَمَن جيتوا وگصدتوني ـــ على مصابه تواسوني
ــــــــــ امَشّي اعليكم الزهره ــــــــــ
ــــــــــ اشمن ريحته و عطره ـــــــــ
ـــــــــ ابو اليمه ضوى عيوني ـــــــــ

لنـسيـــم الجنـــه لبگبــره ــ يزاير روحي مشغوفه
لشوفــة حضرته التـزهي ــ تظــل عيونـي ملهوفه
سلامي بالدمع مصحوب ــ لگبـــره لمـــن اتشوفـه
يزايــر گلـــه مشتـاگــــه ــ رقيــــه لمـــن اتطوفــه

سِبِيه عنه أخذوني ـــ يتيمه لن يسَموني
ــــــــــ يريت اموسّدَه ابكتـره ــــــــــ
ــــــــــ اشمن ريحته و عطـره ــــــــــ
ــــــــــ ابو اليمه ضوى عيوني ــــــــــ

بعــد يالزايــر ارد انخـــاك ــ تروح ابروح محزونـه
تسلملي اعله راعي الجود ــ ذاك الكافــل اظعونــه
عمّـي البالــوفــا موصوف ــ گمــر هاشــم يسمونـه
سلامــي اتگلــه عالچفين ــ وجَـرح الراس وعيونه

عمي ولو تنشدوني ـــ عگبه خابت اظنوني
ــــــــــ ظل وحده ابو العتره ــــــــــ
ــــــــــ أشمــن ريحته وعطره ــــــــــ
ــــــــــ ابو اليمه ضوى عيوني ــــــــــ

يزايـــر تــدري بالوالـد ــ منو الغافي على صدره ؟
مدفونه الطفوله هناك ــ غِصِن وانگطع من شجره
عبد الله الرضيــع وآه ــ مـن صــاب السهــم نحره
فاض الكون من ادماه ــ لســه مــا نشـــف بحــره

يزاير بيه فجعوني ـــ الطفل من عنده حرموني
ـــــــــــ للنايــم علـــى صــدره ــــــــــ
ـــــــــــ اشمــن ريحته وعطره ــــــــــ
ـــــــــــ ابو اليمه ضوى عيوني ـــــــــ

حاجاتي اصبحت كثره ــ لچن شوگ الگلب چن نار
اريدك تگصد الاصحاب ــ الصفــوه وخيـرة الانصار
سلامي عنــي اتوصلــه ــ لحبيـب الفــارس المغوار
ولِلّــي عاشــوا ابعِــــزَّه ــ وماتــوا موتـــة الاحــرار

يـلكلكم تعرفوني ــــ ماظنكم نسيتوني
ــــــــــ بنــت الطـاح عالغبـــره ــــــــــ
ــــــــــ اشمن ريحتـه وعطــره ــــــــــ
ــــــــــ ابو اليمه ضوى عيوني ــــــــــ

يالگاصــد لـَعـِد گبري ــ كــل حاجاتـــك اگضيها
اجيت اتزورني بعَبرَه ــ و الدمعــــات تجريهـــــا
مذخوره دمعتك هاي ــ حــور الجنــه تحصيـهــا
يــم الخالـــق القيــوم ــ نــور ورحمــــه تلگيهـــا

بليل الوحشه تلگوني ــ ازور اللّي يزوروني
ــــــــــ ألگـــه حسيــن ينتظره ــــــــــ
ــــــــــ اشمــن ريحتـه وعطره ــــــــــ
ــــــــــ ابو اليمه ضوى عيوني ــــــــــ


كلمات عمار الراشدي

#محرم_١٤٤٤_هـ
#للسان_حال_مولاتي_رقيه_ع

عطشانه اعله شوفك والگلب جمره
مر بيـــه ابحـــلم يحســــين لو مره

¢¢¢¢¢¢

ردلي يالحنيــن وســكت اشواگي
ورده انه عفتـني ويبست اوراگي
عمري اشرف رحيله الحگ الباگي
بانفاسي الاخــــيره الك منتظره

¢¢¢¢¢¢

هاي الناس غربه ومحد يحـــــــبني
يطگني بســوطه هذا وذاك يدفعني
ردلي ابساع بويه العالمك خـــــذني
اريد اشكي الجرالي الجدتي الزهره

¢¢¢¢¢¢

تعبانه ومحمد بعد ما اگــــــــــــدر
والتفگد ابوها بيش تتصــــــــــــبر
گبال عيوني صارت گطعت المنحر
المثلك هضمه خيل اترضرر ابصدره

¢¢¢¢¢¢¢

موقف بويه بالطف حـــــيل اذاني
من شفت السهام الماخذه امچاني
وما گتلي تعـاي ابنيــتي بحضاني
من عدها ومتت يابويه بالحســره

¢¢¢¢¢

الدنيه بلا وجودك كلشي ماتسوه
ابنار افراگ وجهك گلبــي يتچوه
طفك شيـــــــباني وبيه الف بلوه
بعدك ضلمه عنــدي العالم بأسره

¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه

الفاتحه الى روح والدي،ووالدتي 💔💔

رقيه ع
تمنيت اشوفك  وصلتني طيوفك  ابوي وانت غالي
يلماخذ حياتي    وياها امنياتي     ابوي وانت غالي
بحلمي من تجيني      تهز بيه حنيني
يبويه    #              يبويه

@@@@@@
زغيرة على اليتم ما احمل غيابك
واذاني الزمان الصابني وصابك
الضالم بالخرابه بطشت شو جابك
وناديتك ابد ما ردلي جوابك
اريدك ----تجيني وتمسح الامي
اريدك ---- تبدد شوفت اوهامي
اريدك --- ابوي وانته غالي
شخصك يعتنيني     تهز بيه حنيني
يبويه     #  يبويه
@@@@@@@
ششرحلك حرت عن الجرى وصاير
شبت خيمتي وكلبي انه  هم حاير
بالهيمه ركضنه ويركض  الجاير
مثل جسمك  اطفال داسهه الحافر
تنادي------ افزع يا علي لينه
تنادي ---- جمر الخيم ماذينه
تنادي ---- ابوي وانت غالي
ليه من تجيني -----تهز بيه حنيني
يبويه  #    يبويه
@@@@@@@
شفت ذيال عمتي النار شبتهه
تجمع باليتامه وحيل ما عدهه
وكل خيامها   الخيول حاطتهه
تسلب تاجهه ودوس حرمتهه
تناشد ----وين حسين والينه
تناشد ---- الكافل يفزع اعلينه
تناشد ---- ابوي وانت غالي
اذكرك وبونيني ----- تهز بيه حنيني
يبويه   #  يبويه
@@@@@@@@
مشينه على الهزل يابويه بين اغراب
من ديره خذونه الديره بين اجناب
بس عدوان ماكو ويانه اي اصحاب
وبعد البدر ضلمة علينه لمن غالب
ضوانه ---- ماضن ابد ناسينه
ضوانه --- مايرجع بعد لينه
ضوانه ---- ابوي وانت غالي
خلصت كل  سنيني --- تهز بيه حنيني
يبويه    #    يبويه
@@@@@
من نومي صحيت بكلبي الروعه
اه يشام صاحت عمتي بلوعه
ومن العيله كلمن نزلت دموعه
جابولي الطشت ومابيه كل جوعه
اشوفك ---راس بطشت غاطينه
اشوفك ---- حر الفركه ماذينه
اشوفك ---- ابوي وانت غالي
راسك من يجيني ---- تهز بيه حنيني
يبويه     #    يبويه
قاسم الجمالي

رُقَيَّه    عليها السلام


مَرقَد رُقيَّه جَنَّه  ...  مَرقَد رُقيَّه
مَرقَد رُقيَّه جَنَّه  ...  مَرقَد رُقيَّه





ارقيَّة  احسين  الأجت  للشام  اسيره
جنه  مرقدها  صفه  وهيَّ  الأميره
يا  عطر  شباچها  ونسمة  عبيره
چن  عطر  راعي  الڪفاله  الڪله  غيره

چن  غاضريه عطره   ...  چن غاضريه
چن  غاضريه عطره   ...  چن غاضريه






من  دمعها  المابرد  علوجنه  فاير
خضّرت  گبة  ذهب  الها  ومناير
الحاير  اليگصدها  ابد  مايبقه  حاير
وبالحوائج   يرجع  اشما  جاها  زاير

للـــــرافضيه ڪعبه  ...  للرافضيه
للـــــرافضيه ڪعبه  ...  للرافضيه






بت  علي  وبت  فاطمه  وياسين  جدها
يعني  سر  اهل  الكساء  الخمسه  عدها
هيَّ  صح  طفله  وذبل  بالهم  وردها
بس  مجدها  ايشابه  الزهره  ومجدها

چنها  الــــزچيه امها   ...  چنها الزچيه
چنها  الــــزچيه امها   ...  چنها الزچيه





الله  منطيها  اشكثر  جاه  وڪرامات
تنزل  ابمرقدها  أملاك  السمه  اتبات
هيَّ  نور  وتعشگ  النور  الفراشات
والأمان  الــ لاذت  ابـــ فيَّه  الحمامات

باب الله هيَّ صارت  ...  باب الله هيَّ
باب الله هيَّ صارت  ...  باب الله هيَّ





هاشميه  وللخدر  والعفه  آيه
وابفضلها  اليبدي  ما يلگه  النهايه
ابقافلة  زينب  اجت  محسوبه  رايه
دورهم  أعلامي  بس  هيئة  سبايه

تفضح ٱميه رادت  ...  تفضح ٱميه
تفضح ٱميه رادت  ...  تفضح ٱميه




ماتت  ارقيه  نعم  والقصه  اليمه
هم غريبه  وهم سبيه  وهم يتيمه
ماتت  اعله  الراس  ياعظم  الجريمه
لاچن  امصيبة  ابوها  اكثر  عظيمه

أعظم رزيه يومه  ...   أعظم رزيه
أعظم رزيه يومه  ...   أعظم رزيه
ـــــــــــــــــــــــــــــــــــــ
سيد علي عبدالزهره الناجي

مولاتي رقي ع

تشييع بخرابه.     مئسات غرابه
   الملبّي راس ابوها ايردد بصوت
   منو العدها متن يحملّه تابوت
تشييع بخرابه
       ****
گلي ياموت شقضيتك منهم ايدك ماشلت
ماملت عينك جثثها بكربله ماقصرت
بيش طالبها رقيه والحگتها عالطشت
يدري لو غفله خذتها الراس منه اترخصت
    سحبت الروح منها.   يمكن من اذنها
مو وكتك تجيهن هسّه ياموت
منو العدها متن يحملّه تابوت
تشييع بخرابه
     +++++++++++
ساعة ازمان وگضنه اجهاز ميتهن سهل
بالخرابه جهّزوها الجثةحنطوها بحبل
وچانت ادموع الرباب امكفيه للطفله غسل
ماكو تابوت اعله گدها فصّلو مهد الطفل
      شيلتها زغيره.   چفنوها بحصيره
بس الها ولبوها هيچ منعوت
منو العدها متن يحمله تابوت
     ++++++++++++
بس حرم ليشيّعنها خايفات ودنيه لليل
وحده تتچّه بالاخره بالمشي مابيها حيل
ياچتف مافوگه لچمه والنعش رايدله شيل
وراس ابوها ايكبر الها دمعه بخدوده يسيل
      اصعب من فگدها.   دفنتها الوحدها
وحدها بهل عمر للمگبره تفوت
منو العدها متن يحملّه تابوت
    +++++++++++
اتعود السجاد لازم صوت يسمع بالدفن
للگبر من نزلاها صاحت ارقيه بحزن
لا توسدني اعله خدي ينلچم جرح الاذن
بهيده لو هلت التراب املوحته تاذي المتن
ليه يبن الاحسين. صلي الوحشه مرتين
وحده الغربتي والاخره لاموت
منو العدها متن يحمله تابوت
     +++++++++++++
بالمدينه وناحت الها العليله چن درت
تلعب وفجئه امن اديها ليش لعابه هوت
البارحه بالطيف اشوف سكينه وحّدها اجت
عن رقيه امناسألتها اتصد لترچيتي وبچت
    حسّيت برقيه.     ماترجع اليه
الايموت بعمرها هواي مبخوات
منو العدها متن ويشيل تابوت
    +++++++
فاتحه زغيره اعله گدهن فرشن الماتم تراب
بالدموع استقبلتهن سكنه هيه ام المصاب
تجرح انواعي الزچيه بيهن ازداد العذاب
اموزره بگماط ابنها بنصهن اتدگ الرباب
    ورمله تبچي حنه   او ليله شلون ونه
وزينب ضاع حسها تبچي بسكوت
منو العدها متن وتشيل تابوت
     ++++++++++

الحاج ثائر الربيعي

بسم الله الرحمن الرحيم

تم نشر قصائد خاصه باستشهاد كريم ال محمد الامام الحسن المجتبى ع على الرابط التالي

https://www.tg-me.com/joinchat-AAAAAFQtLuCyrgSP8aVLdw

يرجى نشر الرابط لتصل القصائد لخدمه ولنصره الامام المظلوم

#الناشر_الحاج_فلاح_حسن

قصيدة حصرية نخوة وندبة لبنات الإمام الحُسين(عليه السلام)
❥━──➸➽❥❂❥━──➸➽❥❂
من بنات حسين اريدن حاجتي
جيت للمجلس وتهمل دمعتي
انخه ياخوله ورقية ... واندب بعبره صفية
وادري بيهن ما يردن دعوتي
جيت للمجلس وتهمل دمعتي
❥━──➸➽❥❂❥━──➸➽❥❂
جيت اسولف هضمي عدهن والألم
وارد احلفهن بشيال العلم
كثر همي وحزني واصل للعظم
وادري مندوبات ساعات الهمم
والنعم منهن صحت ... گومني من طحت
هنه تچايه اليه بعازتي
جيت للمجلس وتهمل دمعتي
❥━──➸➽❥❂❥━──➸➽❥❂
هنه وكت الضيج تچايه وسند
يگضن الحاجات ما ردن احد
جيت ادگن بابهن گلبي انمرد
اليجيهن دوم محزن مايرد
يرد مسرور النخاهن ... انه هالليله برجاهن
بيهن اترجه و اريدن طلبتي
جيت للمجلس وتهمل دمعتي
❥━──➸➽❥❂❥━──➸➽❥❂
بيهن اترجه ودمع عيني همل
يابنات حسين يالبيهن أمل
السند هنه وتچيتي والأهل
وهنه شيالات للهم والحمل
بيهن امروه وعداله ... ذني تربات الرساله
بس عليهن دوم لجهر ونتي
جيت للمجلس وتهمل دمعتي
❥━──➸➽❥❂❥━──➸➽❥❂
بس عليهن مدمع عيوني جره
يا مصيبتهن بگلبي موجره
شافن الوالي وگطعة خنصره
كلمن تموت بهظيمه اميسره
وحده موتهه القهر ... وحده عذبهه اليسر
وحده وكت الموت صاحت عمتي
جيت للمجلس وتهمل دمعتي
❥━──➸➽❥❂❥━──➸➽❥❂
كلمن تنادي يعمه من تموت
ويا حسين الحگني ما تسمعلي صوت
ياحسافه اجدامهن مجلس تفوت
مابگت وليان عدهن لابيوت
يامصيبتهن عظيمه ... ذني كل وحده كريمه
يسمعن لآهات گلبي وحسرتي
جيت للمجلس وتهمل دمعتي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه
_______________
عــمـه هاي انـي رقــيـه طـفــلـته المـسبــيه
رايـحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه

مـن السـفر كلمن يجـي ياعـمه تعبان
بالماي اريد استقبله ادريبه عطشان
وخاف ازيد انه ابعذابه
ارد اراويـه هــالـخـرابه
انه رقيه
_______________
عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسر انه الخاطر

ابحظنه غفيت انه اشكثر من چان موجود
اتـراب الـخرابـه ردت اگـله چـوه الخــدود
نومي صار اعله الترابه
ارد اراويــه هالــخرابه
انه رقيه
_______________
لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها

لا مـا اريـده ينفـجـع مـن بعـد الغـياب
ماراح اراويه اذني اغطيها بالحجاب
وخوفي ازيد انه ابمصابه
ارد اراويـــه هــــالخـــرابه
انه رقيه
_______________
مـن يــرد والـدي عــمه عـنــه لتــبعـدوني
رايـده ويــاه احچــي ابــراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفـه زيـن اعـيوني

بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه
_______________
انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اظم اچفوفي

ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
_______________
تمت والحمد لله في ٣٠/ ١٠ /٢٠١٦
حيدر تركي الكربلائي

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه
لحن2

مهما تعالت الاصوات
يبقى صوت الحسين
وأن أرادو أن يخرسو صوتك
فسوف تبقى ترانيم جروحك في ملحمة كربلاء التي ترجمتها على مدى تلك السنين خالدة

#ملا_باسم_الكربلائي_يمثلنا

#الناشر_الحاج_فلاح_حسن

السلام عليكم ورحمه الله وبركاته
تمت زياره الامام الحسين ع نيابه عن جميع اعضاء قنوات النشر الخاصه بنا نسال الله ان يحفظكم جميعا ويشافي مرضاكم ويمن عليكم بالخير واليمن والبركات ويدوم علينا وعليكم خدمه محمد وال محمد ولا يفرق بيننا وبينهم طرفه عين ابدا
خادمكم الاقل شاننا #الناشر_الحاج_فلاح_حسن

شكراً لك سيدي ياحسين ...


اللهم صل على محمد وآل محمد

شكراً لك مولاي شهرين قضيناها ضيوفك سيدي وفي رحابك الطاهر 

بسكب الدموع  ..بلبس السواد .. وإعلان الحداد ....

شكراً لكَ سيدي ياأبا عبد الله أنت دللتنا عليك ففتحت لنا باب خدمتك وأعنتنا 

بالبكاء عليك .. لعلنا أقتربنا بدموعنا وأحتراق قلوبنا ..فقد نغفل فنذنب 

ونعصي ونعصي .. ولكنك الكريم ويقيننا بك أن لاتردنا ..

مولانا بجودك جد علينا وأقبلنا وأمنن علينا برضاك ..

سيدي ياحسين كيف الخروج الآن والوداع ؟؟؟

لكن لن نقول وداعاً بل سنصرخ اللهم لاتجعله آخر العهد ..

سنظل ننتظر شهرك الحزين في كل عام ..

سنظل ننتظر الحداد عليك سيدي مادامت انفاسنا باقية ..

فلحظة نقضيها في مجلسك الشريف أحب الينا من  سنين العمر بأجمعها ..

فما أسعد القلوب التي تعلقت بك ياسيد القلوب بل أنت سيد العقول والأفكار ..

(( إن للحسين عليه السلام حرارة في قلوب المؤمنين لن تبرد أبداً ))

نعاهدك ياسيدي بحبنا لك وبعشقنا إليك أن لانرضى إلا أن نبقى من خدامك 

فأقبلنا وسددنا فليس عابس فقط بل كلنا جننا بحبك سيدي 

(( أبد والله يازهراء ماننسى حسيناه ))😥

نسال من الله قبول خدمتنا لخدام العتره على مدى اكثر من اربعه شهور ولقد نشرنا اكثر من ٨٠٠٠قصيده لهذا الشهرين
القصائد بالرساله المثبته
https://www.tg-me.com/alnasherfalahhasnn/28421
اللهم تقبل منا هذا القليل ببركه الصلاه على محمد وال محمد

اللهم صل على محمد وال محمد وعجل فرجهم

#الناشر_الحاج_فلاح_حسن

(رقيه)
عمه هاي الروس يمكن روس اهلنه
                               جنه راس حسين ذاك يباوع انه
وين الضعن ما يتجه    عالمحمل يدير الوجهه
يباوع انه    يباوع انه
****
جنه راس حسين هذا يدير الانضار
وهو من فوك الرمح ينضر للزغار
وين ما دار الضعن ويانه يندار
ليش هذا الراس احساً يحمل اسرار
ليش وي كل سوط اشوفاٍ دمعه يجري  
عمه هذا الراس يمكن بينه يدري
بيه امن ابوي شكد شبهه         عالمحمل يدير الوجهه
يباوع انه      يباوع انه  
****
عمه هذا الراس حيرني يعمه
نفس عطر حسين من عنده اشمه
الملامح ضايعه مخضب بدمه
عمه بس جيبيهه الي خليني اشمه
جنه راس حسين هذا فوك الرماح
من اظربونه من النحر صوت اسمعت صاح
الراس احس جنه اندهه    عالمحل ايدير الوجهه
يباوع انه        يباوع انه
*****
عمه هذا الراس اشوفاً بيه اثر خيل
رغم ما راس واشوفاً مدمعه يسيل
ويظل يفتر عالضعن لو جلجل لليل
ويظل يهتز لو علينه عايل يعيل
يظل يهتز والرمح وياه يهزه      عمه هذا الراس احس انه اعزه
طول الدرب ظل منتبهه      عالمحمل يدير الوجهه
يباوع انه       يباوع انه
***
عمه ذاك الراس اشكد بيه غيره
وين ما نمشي النضر لينه يد يره
اشما اصدله اشاهد ادموعه غزيره
يشبهه لعمي الكمر بدر العشيره
عمه ذاك الراس يا غيره لعنده    يجي علينه وحامله علينه يبعده
براس الكمر ما اشتبهه     عالمحمل يدير الوجهه
يباوع انه       يباوع انه
**
عمه هاي الناس وين تريد بينه
مركبينه على الهزل ومجتفينه                                            والعليل بيا سبب مكيد ينه
حنت الناكه يعمه من بجينه
حنت الناكه اشوفاً من ركبنه    تبجي ضلت لمن الضالم ضربنه
الناكه بينه تنشدهه    عالمحمل يدير الوجهه
يباوع انه         يباوع انه
***
خادم الحسين عباس الصالحي
20\3\2020
(يهدا ثواب هذا العمل الى روح والدي )