🌿 Islomni yaxshilab o‘rganib chiqqan rohib Islomni qabul qilganidan keyin shunday deydi:

- Tabbat (ya’ni Masad) surasida juda g‘aroyib moʻjizaga guvoh bo‘ldim. Alloh taolo bu surada Abu Lahabning iymon keltirmasligini bildirgan edi. Bu sura nozil bo‘lganidan keyin yana 8 yil yashadi. Agar Abu Lahab xohlaganida yolg‘ondan bo‘lsa ham iymon keltirib, bu surani yolg‘onga chiqarishi mumkin edi. Lekin shunda ham Abu Lahab iymonsiz o‘lib ketdi. Agar Qur’oni Karimni Muhammad sollallohu alayhi vasallam o‘ylab topganida edi, bunday katta xavfga (Abu Lahabga tuhmat qilish xavfiga) yaqinlashmagan bo‘lardi.
Bu shuni anglatadiki, Alloh taolo qadimni ham, kelajakni ham kamchiliksiz, mukammal tarzda biladi. Mana shuning uchun ham men Islomni qabul qildim.

© Abdulloh Rahimboyev tarjimasi

@falsafasi_hayot 🍃

Qur'on kitobini ochdi va eri o'lganidan so'ng odatga aylanib qolgan yumushi - 'Yosin' ni o'qishga kirishdi. Erining haqqiga duo qildi, o'qigan surasining savobi unga yozilishini Allohdan so'radi. Hali ham esida: turmush o'rtog'i bilan ahdlashgan edi - kim avvalroq olamdan o'tsa, ikkinchisi albatta umrining so'ngiga qadar unga bag'ishlab Qur'on tilovat qiladi, uning haqqiga duolar qilishdan charchamaydi. Ayol va'dasiga vafodor qoldi.

— Ahmad Lutfiy Qozonchi
📚"Qaynona" asaridan

@falsafasi_hayot 🍃

🌿 Xayrli bo‘lganida edi, bo‘lardi...
Xayrli bo‘lganida edi, davom etardi...
Xayrli bo‘lganida edi, kelardi...
Xayrli bo‘lganida edi, qolardi....
Ammo unday bo‘lmadi.
Shunday ekan;

📿 -Alloh biladi, siz bilmaysiz.
(Baqara, 216-oyat.)

@falsafasi_hayot 🍃

Qorabog‘da shahid ketgan bir do‘stimning uyiga borgandim... Uning besh yoshli qizi tizzamga kelib o‘tirdi. Uning qo‘lida pufagi bor edi... 🎈

— Qizim, kel shu pufakni birga o‘ynaymiz...
—Yo‘q, yorilib ketadi...
— U yorilsa senga minglarcha pufak olib beraman.
— Yo‘q, amaki. U yorilsa men o‘laman. Bu pufakni dadam shishirgan. Uning ichida dadamning nafasi bor.... 😔😞

@falsafasi_hayot 🍃

🍃 ...Holsizlikdan ko‘zlaringni yumma, bolajon! «Keling, tarozida tortiling», deya ortiq yalinma! Boshingni, ovozingni ko‘tar! Atrofingdagilarga tik boqib:
- Ey maxluqot, orangizda odamlar bormi? Odamlar bo‘lsa, kelsin, bu tarozida insof tortaman, bu tarozida vijdon tortaman! Gʻaflatda qolmang, vijdoningizni, insofingizni o‘lchab ko‘ring! Suv tekinga tortaman, – de...

Bo‘yningni qisma, boshingni egma!
Bilasanmi, sen kimsan? Sen bizning tarozibonimizsan! Erta bir kun kelishi aniq bo‘lgan MAHKAMA KUNIda sening ahvolingga ko‘z yumgan qancha-qancha man-man deganlarning boqiy taqdiri shu mitti tarozing – toshi ko‘ngil siniqlaringdan bo‘lgan tarozing o‘lchovlarida hal bo‘ladi. Sen shunaqa KATTA ODAMsan...

- Dilfuza Komil

@falsafasi_hayot 🕊

🌿💚 Duolar ijobati...

"Sen hech nimaning g'amini yema. Ro'zg'or, to'lovlar, bozor-o'charni o'ylama. Biror muammo, kamchilik bo'lsa, menga ayt. Bularni hal qilish mening zimmamda. Senga shundoq ham ayollik, onalik vazifalaring yetib ortadi..." Yigit barcha va'dalarining ustidan chiqdi. Endi uning ham go'zal bir oilasi bor. Ertalablari turmush o'rtog'i va farzandlari uchun nonushta tayyorlash, ularni ish-o'qishiga kuzatish, kechqurun totli bir taom bilan ularni kutib olish yoqimli yumushiga aylangan. Uning kundalik vazifalarini bekamu ko'st bajarishidan, pazanda, pokiza ekanligidan turmush o'rtog'ining boshi osmonda. U esa erining oilasi va farzandlari uchun qilayotgan yaxshilik va g'amxo'rligidan hayratlanadi. Shunaqa mehribon, pok insonni unga ro'para qilgan Yaratganga shukrona aytib charchamaydi. Eng katta orzulari amalga oshib, o'g'il farzandli ham bo'ldilar, uy oldilar, keksa onasini ham yoniga ko'chirib keldilar. Ikki yarim ko'ngil birlashib, bir butun insonga aylandilar....

@falsafasi_hayot 🍃

🍂 1998 yillar, 2-sinf o‘quvchisi edim. Onam bilan yolg‘iz yashardik. Otam necha kunlarda bir ko‘rinib turar, chunki yana bir oilasi bor edi. Yeb-ichishimiz onamning maoshlari hisobidan, onam maktabga dars berar edilar. Bir kuni onam tog‘amnikiga borishimizni aytib qoldilar. Sevindim, chunki tog‘amni uyi katta, puli ko‘p va judayam ko‘p mazali shirinliklar makoni edi. Avtobusga mindik, nogahon ko‘zim onamning hamyonlariga tushib qoldi. Bir dona 5 so‘mlik, oxirgi pul va shu pulni yo‘l kira uchun to‘ladi. Manzilga yetib keldik va ozgina piyoda yurib tog‘amning uyiga yaqinlashdik. Tog‘amning mashinasi ko‘rinmasdi, asosan tashqarida turardi. Uyni taqillatdik, eshikni tog‘amning xotini kelinoyim ochdi. Ichkariga kirdik va har doimgidek men katta hovliga yugurdim, chunki o‘zimiz bir xonali kvartirada yashardik.
O‘ynab-o‘ynab onam va kelinoyim turgan xona derazasi oldiga keldim va suhbatlarini eshitib qoldim. Kelinoyim tog‘amni cho‘ldaligini, hozir xech qanday yordam berolmasligini takrorlar edi. Onam esa yalinar, iltimos qilar edilar. Men onamni bunaqa ahvolda birinchi marta ko‘rib turardim. O‘yin, hovli esimdan ko‘tarildi. Sal turib onam xonadan chiqdilar va menga ketishimizni aytdilar. Bu holatdan men garangsirab qolgandim, chunki tog‘amnikidan bu ahvolda hech tez qaytmaganmiz. Hayrlashib turgan payt onam "Aqalli 5 so‘m berib turing, iltimos uyga qaytishga avtobusga pulim qolmadi" deb yana yolvorib so‘radilar. Kelinoyim esa yelka qisib, seyfni kaliti tog‘amdaligini, uyda umuman pul yo‘qligini aytdi. Xayrlashib, uydan uzoqlasha boshladik. Yo‘lda onamga bir necha savollar bermoqchi edim, lekin onam ko‘zlaridan yosh oqardi, judayam qayg‘uli yig‘lardilar...
Sal turib onam uyga piyoda ketishimizni, qaytishda yo‘l kiraga pul qolmaganini aytib qoldilar. Men buni sezgandim, onamga piyoda ketishimizga roziligimni, xafa emasligimni aytdim, onam yana yig‘lay boshladilar. Uyimiz 10 kilometrlar orasida edi.
Shunda ko‘zlarim osmonga boqardi, ichimda bir gap aylanardi, "Yo Alloh, hamma sendan qo‘rqadi, sen o‘zing tengi yo‘q kuch sohibisan, hamma narsaning egasisan. Menku piyoda ketaman, lekin onamni men uchun yig‘latma, onamni men uchun yig‘latma..."
Bu orada o‘zimning ham ichim to‘lib keldi, lekin sezdirmadim...
... Shu payt oldimizdan katta tezlikda ko‘k rangli "RAF" mikroavtobusi o‘tib qoldi. Ko‘cha oxirida tezlik bilan chapga, katta yo‘l tomon qaytdi. Hamma yoq chang bosib, atrofni arang ko‘rib bo‘lardi. Katta yo‘lgacha yana kamroq yo‘l qolgandi va noiloj shu changlar orqali borishimiz kerak edi. Noiloj arang changlar orasidan yura boshladik va ne ko‘z bilan qaramay, osmondan changlar orasidan pullar yog‘ilardi. Haqiqiy pullar...3, 5, 10 so‘mlik pullar. Quvonganimdan pullarni sakrab-sakrab terardim. Qo‘llarim pulga to‘lib onamni oldilariga kelganimda onam yerga o‘tirib, ro‘mollarini tishlab yig‘lardilar, goh menga goh osmonga qarab yig‘lardi. "Onajon, endi piyoda ketmaymiz, Alloh bizni eshitdi, Alloh yordam berdi" deb xursandligimdan baqirardim. Onam esa ko‘z yoshlarini to‘xtatolmasdilar. Uyga qaytdik va shu kuniyoq onam bayramlarda pishiradigan, mening sevimli qozonkabobimni pishirdilar, judayam xursand edik. Bu xodisadan keyin mening yagona tayanchim, qalqonim va sirdoshim Alloh edi. Allohga ming shukrlar bo‘lsinki, onam sababli oliy ma’lumotli, oilali va hozirda katta tadbirkorlik faoliyati sohibiman. Jajji qalbdan chiqib, Allohga yetib borgan murojaat sabab, yillar davomida Allohning marhamatiga, kuch qudratiga ishonch orqali qalbda iymon mustahkamlanib boraverdi.
Bu boshimdan o‘tgan "Hayotdagi qiyinchilarim" kitobimning bir bo‘lagi...
Bolaga yoshligidagi ishonch va mehrini so‘ndirmang, uning ulug‘lanishiga ishoning, yoshligidan Allohning borligiga ishontiring...

©️ Azizjon (ijtimoiy tarmoqdan olindi )

@falsafasi_hayot 🍃

Er har kuni ishdan kelib xotiniga:
- Choy damla, bor, - derkan.
Bir kun xotinining jahli chiqib:
- Har kun shu ahvol. Bor choy damla, ovqating tayyormi, - deysiz. Qachon biz ham madaniyatli insonlarga o'xshab gaplashamiz, - debdi.
Bu gap erini o'yga solibdi. Ertasiga eri ishdan kelib xotiniga:
- Azizam, Sahobalar qissalarini o'qiganmisan?
- Yo'q.
- Abdulbasitning qiroatlarini eshitganmisan?
- Kim u?
- Muhammad (sollallohu alayhi va sallam) payg'ambarimizning birorta hadislarini yodlaganmisan?
- Yo'q yodlamaganman.
- Shariat ahkomlarini shariy hukmlari haqidachi?
- Yo'q, eshitmaganman.
- Tur, unda choy damla!

@falsafasi_hayot 🍃

✒️💔 Ziqna zaqqum...

(Bo‘lgan voqea)

Kiyimlarining oxori to‘kilib, eskirib ketgan ayol, eriga yolvordi: "Jon adasi, iltimos... Bozorga olib tushing. Ustimga u-bu narsa olib bering. Kiyimlarim eskirib, ilma-teshik bo‘lib ketdi. Kiygani uyaladi odam. Rosayam vilyur xalat kiygim kelyapti. Olib beraqoling iltimos, jon adasi..."
Necha oydan beri eriga yalinadi. Ziqna, qurumsoq eri o‘ziga olsa oladiyu ayoliga qaramaydi. Uning ayoliga qarab, aytadigan bir shiori bor: "Erkak ko‘chaniki... Doim o‘ziga qarab yurishi kerak. Ayol uyniki... Ayolga shart emas har xil qilib kiyinib...Boringni kiyib yuraver!"
Og‘ir ishlarni hammasini ayoliga qildiradi. Ayolning vazifasi deb biladi. Ayolning yuki yengillashsa, boshga chiqadi deb o‘ylaydi. Shundan qo‘rqib, ayolini tindirmaydi. Erning qo‘liga qaragan inson, uning hech mehnat qilmasligini yaxshi anglaydi. Qo‘li huddi go‘zallik salonidan chiqqan hurliqoning qo‘liga o‘xshaydi.

Oylar o‘tib, erini bozorga ko‘ndirgan ayol, harxasha qila-qila muzqaymoqqa yetishgan boladek hursand...
Oldirdi...Vilyur ko‘ylak oldirdi. Hursand bo‘lib ketganidan: "Adasi Alloh rozi bo‘lsin. Pulingizni barakasini bersin," dedi quvonib. Er: "Afiristlik qilmasdan tez-tez yur. Yaxshi gapirib yana u-bu narsa oldirmoqchi bo‘lsang xomtama bo‘lma...", dedi qadamini tezlatib.
Erining orqasidan pildillagancha yurib ketar ekan, ko‘zi kabobga tushib, yutinib qo‘ydi. Uydan chiqarkan o‘zicha hayol qilgandi..."yaxshi gapirib, kabobgami, lavashgami ko‘ndiraman. Er-xotin gaplashiib mazza qilib, o‘tirib yeymiz", deb. Eriga hech narsa deyolmadi.
Uyga kelgach bir kun avvalgi moshxo‘rdasini isitarkan, eri oshxonaga mo‘ralab: "Menga ovqat tayyorlama. Bugun o‘rtoqlarim bilan kabobxo‘rlik qilamiz. Birozdan so‘ng ketaman", dedi ayoliga kiyim olib berib, katta ishni qoyillatgan erkakdek. Ayol yig‘lagudek bo‘ldiyu sekingina "xop", dedi. Bolalari bilan o‘tirib,
ovqatlanarkan o‘pkasi to‘ldiyu sabr bilan ko‘z yoshini ichiga yutdi...

@falsafasi_hayot 🍃

🌿...
... Bir tanishim aytib qoldi:
— Ertalab bomdoddan oldin aeroportda arab mehmonlarni kutib oldim...
Aeroportdan mashinada mehmonxona taraf yo‘l oldik... Arab shayx to‘satdan yo‘laklarni supurayotgan ayollarni ko‘rib, "Bular kimlar..?" deb savol berib qoldi...
Men ahamiyat bermasdan "Ha shu ko‘cha supuruvchilari...", dedim...
Shayx "Ular musulmonmi..?" dedi...
Men "Ha alhamdulillah..." desam, Shayx ho‘ngrab yig‘lab yubordi, "Nahot biz musulmonlar onalarimizni shu holatga solib qo‘ygan bo‘lsak..?! O‘z onalarini ko‘cha supuruvchilari qilib qo‘ygan qavm qaydan najot topsin..?!"

Uni yig‘laganini ko‘rib men terlab ketdim, shuncha vaqt o‘sha ayollarga ahamiyat bermagan ekanman, deydi...

@falsafasi_hayot 🍃

🌿 Payg‘ambar alayhissalomning qizlari hazrati Fotima bir kuni kasal bo‘lib qoldi. Negadir ko‘ngli anor tusadi. Buni eri - hazrati Aliga aytdi. Hazrati Ali bozorga chiqib, bir dona anor sotib oldilar. Chunki pullari faqat bittagina anorga yetdi.

Bozordan qaytayotsalar, yo‘lda tilanchi uchrab, qo‘llaridagi anorni so‘radi. Iymon va hayolari qo‘ymay, anorni ikkiga bo‘lib, yarmini gadoga berdilar. Tilanchi xursand bo‘ldi. Uyga kelib, hazrati Ali anorning yarmini ayollariga berdilar va uzr so‘radilar. Hazrati Fotima uzrni qabul qilib:

- Alloh sizdan rozi bo‘lsin, ajr-mukofot bersin, - dedi.
Oradan hech qancha fursat o‘tmagan ham ediki, eshik taqillab qoldi. Hazrati Ali ochib qarasalar, eshik oldida Salmon Forsiy turibdilar. Qo‘llaridagi idishda to‘qqiz dona anor.

- Bu anorlarni Rasululloh sollallohu alayhi va sallam berib yubordilar, - dedilar Salmon.

- Bo‘lishi mumkin emas, agar Rasululloh berib yuborganlarida o‘n dona bo‘lishi kerak edi. Chunki Alloh bir yaxshilikka o‘n yaxshilik beriladi, degan.

Shunda Salmon Forsiy cho‘ntaklaridan o‘ninchi anorni chiqarib:

- Barakot uchun olib qolgan edim, - dedilar.

@falsafasi_hayot 🍃

❗️❗️❗️“Farzand kuyib qolsa ota-onani haqqi qolmaydimi?”


Bu savol sizni ham o‘ylantirdimi?
Javobini bilib oling!!!

Buni hamma ota ona bilishi shart📌

🌿 Munisa betob bo‘lib qoldi.... Ikki qavatli uyini, hovli joylarini chinnidek qilib tozalab o‘tirar, ozoda uylarida ko‘ngli yozilardi...
Ayol hali kelin olmagan, o‘zi esa ellikni qoralab qolgandi.

Bemor bo‘ldi, uylari bir hafta qarovsiz bo‘lib qoldi. O‘zi bir ishga yaramas, ammo atrofdagi tartibsizlikni ko‘rib bezovta bo‘layotgan edi. Ham davlat ishida ishlab, ham uyini orasta qilib qilib, yugurib yurgan odamning yotib qolishi yomon bo‘larkan.

Kechasi yaxshi uxlolmadi. Ertalab turmush o‘rtog‘idan mardikor bozordan bir kunga ikkita ayolni olib kelib berishini so‘radi.

Biri o‘zi tengi, biri ancha yosh ayollar kelib hovli-joyning kattaligini ko‘rib, "Ikki yuz ellik ming kam, bu yerda ish ko‘p ekan!" deb turib oldi. Munisa yana ellik ming qo‘shdi.
Ishlash uchun kelgan hasharchilar uch yuz mingga ham rozi bo‘lmay, ketib qoldilar.

Munisa o‘rniga behol cho‘zilar ekan, lablari bemajol pichirdadi.
"Bir kunlik uy tozalaganim haqi uch yuz mingdan qimmat ekan, yana Davlat ishida ham ishlab pul topdim, uchta o‘g‘il tug‘dim, o‘zimning narximni mana shu ayol aytmaguncha bilmabman-a?"

Siz-chi, qadrdonim, siz bilasizmi, o‘zbek ayolining bahosi qancha?

— Feruza Salxodjayeva

@falsafasi_hayot 🍃

🌿 Goʻzal gumon...

Bir ayol dedi:
“Xudo xohlasa, men albatta solih insonga turmushga chiqaman! U bilan baxtli hayot kechiraman”. Aytgani boʻldi.

Dedi:
“Men universitetda oʻqishga qabul qilinishimga ishonaman va shunga intilaman! Oʻzim istagan mutaxassislikga kiraman!” Aytgani boʻldi.

Unga dedilar:
“Yetar shuncha tuqqaning! Bolalar charchatishdan boshqasiga yarashmaydi”.
Dedi:
“Alloh yordam beradi. Farzandalarim qobil, koʻzimning quvonchi boʻlishadi”. Aytgani boʻldi.

Eri katta tuhmatga qolib qamaldi. Dedilar:
“Ering tuhmatga qolib qamaldi. Yaqin orada chiqmasa kerak. Uning faqat oʻligi chiqadi”.
Dedi:
“Yoʻq, Xudo xohlasa, albatta chiqadilar. Men ularni juda ham chiroyli kutib olaman”. Aytgani boʻldi. Erining qanday chiqqani hammani hayratda qoldirdi...!

Bir kishi dedi:
“Men ishdan haydalishdan qoʻrqaman. Shuning uchun ishsiz qoladigan kunlarimga ham pul yigʻmogʻim kerak!” Aytgani boʻldi. Ishdan boʻshatildi.

🌿 Nimaga bizning aytganlarimiz roʻyobga chiqadi?

Chunki Alloh taolo: “Bandam Meni qanday oʻylasa, shundayman!” deydi. Agar Alloh haqida chiroyli gumon qilsa, oʻziga yaxshi. Yomon oʻylasa, oʻziga yomon.

Shuning uchun ham Muso alayhissalom Nil daryosiga kelib, qochishga yoʻl qolmaganda ham Robbilari haqida chiroyli gumon qildilar. Qavmlari: “Endi qoʻlga tushdik” deyishsa ham, ular: “Yoʻq! Albatta, Robbim men bilan, U menga toʻgʻri yoʻlni koʻrsatur” dedilar. Alloh ularning aytganlarini roʻyobga chiqardi. Aql bovar qilmas holda daryo qoq ikkiga boʻlindi. Yoʻl ochildi...!

Hatto arzimas narsalar haqida gapirish, oʻylashda ham diqqat qiling!

Doim nekbin (optimist) boʻling! Alloh haqida chiroyli gumon qiling! U - Kariym, U Rohiym!

Yomonlik haqida oʻylamang! Agar qiyin vaziyatga tushib qolsangiz, Muso alayhissalom aytganlaridek:

U (Muso) “Yoʻq! Albatta, Robbim Albatta, Robbim men bilan, U menga toʻgʻri yoʻlni koʻrsatur”, dedi, deb ayting...!

Inshaalloh hali hammasi yaxshi boʻladi 🙂

@falsafasi_hayot 🕊

ЗИНОДАН БЎЛГАН ҲОМИЛАНИ НИМА ҚИЛИШ КЕРАК??? 😳😳

САВОЛ: @ibrarlik🔍

Яқинда бир йигит таниш бўлган ёш қиз билан жинсий яқинлик қилиб қўйган, қиз эса ҳомиладор бўлиб қолибди. Ҳозирда ҳомила бир ойлик бўлган. Энди бу йигит ўша қизнинг уйига совчи юбориб тўйини қилиб никоҳдан ўтса бўладими? Ёки нима қилса ҳам қизнинг ичидаги бола зинодан бўлган бўлиб қолаверадими ?

👉🏻Ж А В О Б😰

🌿 Chori tog‘amni ko‘chada ko‘rib qolsam nuqul qitmirlik qilardim.

-Qidirib ke!-desalar,

-Garangmasman, adresingizni bilaman!-derdim...😃
-Choyga o‘t!-deb qolsalar,
-Go‘sht qovursangiz boraman, quruq choy ichishga o‘tmayman!-desam, rosa qotib kulib:
-Ha, endi borsang, majbur go‘sht ham qovuramizda?!-derdilar.

Hozir 94 yoshdan oshgan tog‘am!

Bir kuni onam:
-Chori tog‘angni mazasi yo‘q, oldiga o‘tib kel!-deb qoldilar.

Borsam bir ko‘rpa kasal, o‘lamanlab, hammani yig‘latib yotibdilar.

So‘rashgach, tog‘am:
-Ha, jiyan, mana manzilga yetgan ko‘rinaman! Otam, onam tushimga kirdi, endi ketsam kerak?!-dedilar xursinib...

Men esa:
-Qo‘ysangizchi tog‘a, hozir o‘lolmaysiz, bobom va momomga ayting chaqirmay turishsin!
Hovlingizni qarang, bolalaringiz eski uyingizni buzib, yangi uy solamiz deb beton qo‘yishgan!
Hamma joy chang, qurilish bo‘lib yotibdi!
Nima sizni azangizga kelganlar shu betonlarni ustiga o‘tirib, -Choriyam bechora bir xonagina uyda yashab ketgan ekanda, elda karillab yurardi!-deb ustingizdan kulib ketishini hoxlaysizmi?

Turingey, sharmanda qilmang, yotib olishini bu kishimni o‘lamanlab!
Qani go‘sht qovuraman deganlariz?-devdim, oriyati jo‘shib o‘tirib oldi!

Mazza qilib qovurilgan go‘shtni yeb, kulishib gaplashib o‘tirdik!

Uch oylardan so‘ng borsam, hovlisida hamma ustalarga aql o‘rgatib, uni bunday qilish kerak deb turgan ekan!

-E, tog‘a hormang, hormang! Assalomu-alaykum!-desam, alik olib:
-Seni gaping ta’sir qilib o‘lmadim! Mana qurilish qilib yotibman!-dedilar!

-Tag‘in uy bitdi, endi o‘lsam ham bo‘ladi deb qolmang, 100 yoshlik yubileyimni shu yangi uylarda qilaman deng tog‘a, Sherali Jo‘rayevni olib kelaman, jigitlik so‘zim!-desam qotib kulib,
-Sheraliyam mendan battardir! To‘ylarga jo‘rayappa!? - deydilar...😃😅

Yana go‘shtni qovurtirib, mehmon bo‘lib, qaytib keldim!

Yuz yoshni qoralayotgan tog‘amni umri uzun bo‘lsin iloyo...

Dildora Hasanova

@falsafasi_hayot 🍃

🌿 Mehr-muhabbat...

Bir yil avval internet tarmog‘ida tarqalgan chap tomondagi surat ijtimoiy tarmoq foydalanuvchilarining qalblarini larzaga solgan edi. Unda saratondan aziyat chekayotgan 2 yoshli bolakay va unga g‘amxo‘rlik qilayotgan opasi tasvirlangan.

O‘ng tomondagi suratga qarang.
Yaqinda e’lon qilingan videoda ularning onasi tomonidan dard ortda qolgani aytildi. Allohning mo‘jizasini ko‘ringki, kasalmand bolakay bir yil ichida kasallikni yengib, oyoqqa turib ketdi. Mehr-muhabbat har qanday dardga malham ekanini isbot qilgan opaning ko‘zlarida esa g‘alaba nashidasi barq urib turibdi.

@falsafasi_hayot 🍃