"Mard askarga sovg‘a" yig‘ma nashrlar to‘plami taqdimoti bo‘lib o‘tdi

Ahmad Farg‘oniy nomidagi Farg‘ona viloyat axborot-kutubxona markazida Milliy gvardiya Farg‘ona viloyati bo‘yicha boshqarmasi harbiy xizmatchilari ishtirokida vatanparvarlik ruhini yuksaltirish maqsadida O‘zbekiston Yozuvchilar uyushmasi tomonidan tayyorlangan "Mard askarga sovg‘a" nomli yig‘ma nashrlar to‘plamining taqdimoti bo‘lib o‘tdi.

Tadbirda viloyat targ‘ibotchilar guruhi rahbari Shavkatjon To‘ychiyev, O‘zbekiston Yozuvchilar uyushmasi a’zolari – yozuvchi Hamid Burxon, shoir Akramjon Azizov hamda harbiy xizmatchilar ishtirok etdilar.

Tadbir davomida buyuk adibimiz Said Ahmad tavalludining 105 yilligi munosabati bilan mehmonlar harbiy xizmatchilar va kitobxonlarga adibning hayoti, ijodi hamda asarlari haqida qiziqarli ma’lumotlar berdilar.

Shuningdek, adib ijodiga bag‘ishlangan rasmli kitob ko‘rgazmasi ham tashkil etildi.

Tadbir yakunida Said Ahmadga bag‘ishlab tayyorlangan videorolik namoyish etildi.

Gʻalaba muborak!

Futbolchilarimiz Qatarni yirik hisobda yengdi

O‘zbekiston milliy terma jamoasi Toshkentdagi "Bunyodkor" stadionida Qatar termasi bilan o‘zaro raqobatlashdi.

Futbolchilarimizning to‘liq ustunligida o‘tgan ushbu o‘yin 3:0 hisobida yakunlandi.

“Fikr – bilim maydonida” tanlovining g‘oliblari taqdirlandi! 🎉

Ahmad Farg‘oniy nomidagi Farg‘ona viloyat axborot-kutubxona markazi tomonidan 6-7 iyun kunlari onlayn o‘tkazilgan “Fikr – bilim maydonida” tanlovining g‘oliblari Tursunov Hikmatillo — “Alhamdulillah” profili egasi hamda Mahfuzaxon Usmonovalar taqdirlandi.

G‘oliblarimizni chin qalbdan tabriklaymiz! Sizlarning yutuqlaringiz bardavom, ilm va tafakkur yo‘lidagi har bir qadamingiz omadli bo‘lsin!
“Fikr – bilim maydonida” tanlovi yoshlarning bilimga bo‘lgan ishtiyoqini oshirish va tafakkur salohiyatini rivojlantirishga xizmat qiladi.

Kelgusidagi tanlovlarda ham faol ishtirokingizni kutib qolamiz!