#Yarim_yillik_sarhisob

Ahmad Farg‘oniy nomidagi Farg‘ona viloyat axborot-kutubxona markazi xizmat rahbarlari va xizmat rahbarlarining 2025-yilning birinchi yarmi davomida amalga oshirilgan ishlari sarhisob qilinmoqda.

Axborot-kutubxona fondlarini jamlash xizmati, axborot-kutubxona fondlarini saqlash xizmati, kataloglashtirish va fondlarga ishlov berish xizmati rahbarlari taqdimotlari bilan ishtirok etdilar.

Xizmatlar tomonidan amalga oshirilgan ishlar ko‘rib chiqildi, erishilgan yutuqlar va mavjud kamchiliklar muhokama qilindi. Shuningdek, 2025-yilning ikkinchi yarmida amalga oshirilishi lozim bo‘lgan ustuvor vazifalar belgilab olindi va ijrosi uchun tegishli topshiriqlar yuklatildi.

#Jarayon
#Yarim_yillik_sarhisob

Ahmad Farg‘oniy nomidagi Farg‘ona viloyat axborot-kutubxona markazida 2025-yilning birinchi yarmi yakunlariga bag‘ishlangan hisobot yig‘ilishi doirasida quyidagi bo‘lim va sektorlar faoliyati ham atroflicha ko‘rib chiqildi:

Umumiy o‘quv zali sektori;
Yig‘ma elektron katalog sektori;
Madaniy-ma’rifiy va yoshlar bilan ishlash sektori.

Mazkur sektorlarda 6 oy davomida olib borilgan ishlar, tashkil etilgan tadbirlar, xizmat ko‘rsatish sifati va jamoaviy faoliyat ko‘rsatkichlari yuzasidan hisobotlar tinglandi.

📈 Yig‘ilish jarayonida:
Har bir sektor bo‘yicha yutuqlar va dolzarb muammolar tahlil qilindi;
Yangi taklif va tashabbuslar muhokama qilindi;
2025-yilning ikkinchi yarmi uchun rejalar belgilandi.

#Jarayon
#Yarim_yillik_sarhisob

Ahmad Farg‘oniy nomidagi Farg‘ona viloyat axborot-kutubxona markazida 2025-yilning birinchi yarmi yakunlariga bag‘ishlab o‘tkazilgan hisobot yig‘ilishi davomida texnologik va axborot xizmatlariga ixtisoslashgan bo‘limlar faoliyati ham ko‘rib chiqildi.

Hisobotlar quyidagi bo‘lim va xizmatlar kesimida tinglandi:

Huquqiy axborotlar sektori;
Elektron o‘quv zali sektori;
Axborot-bibliografiya xizmati;
Elektron resurslardan foydalanish va o‘quv zallari xizmati;
Axborot-kommunikatsiya texnologiyalari va raqamlashtirish xizmati;
O‘lkashunoslik sektori.

Yig‘ilish jarayonida har bir xizmatning 6 oy davomida olib borgan ishlari, foydalanish statistikasi, texnologik yangilanishlar va foydalanuvchilarga ko‘rsatilgan xizmatlar tahlil qilindi.

📊 Muhokamalar davomida:
Amalga oshirilgan ishlar bo‘yicha ma’lumotlar taqdim etildi;
Texnologik jarayonlarda samaradorlikni oshirish yo‘llari ko‘rsatib o‘tildi;
Kelgusidagi ustuvor vazifalar belgilab olindi.

Ahmad Farg‘oniy nomidagi viloyat axborot-kutubxona markazida O‘zbekiston Respublikasining Davlat gerbi qabul qilinganligining 33 yilligi munosabati bilan “Istiqlolimiz va istiqbolimiz timsoli” mavzusida axborot daqiqasi o‘tkazildi hamda kitoblar ko‘rgazmasi tashkil etildi.

Tadbir davomida Davlat gerbida tasvirlangan ramzlar haqida ma’lumot berildi. Jumladan: Humo qushi, paxta va g‘alla boshoqlari, lotin yozuvida yozilgan mamlakat nomi, shuningdek, gerb tepasida joylashgan sakkiz qirrali yulduz, uning ichida tasvirlangan oq yulduz va yarim oy ramzlarining ma’nosi haqida so‘z yuritildi.