Farg‘ona viloyat axborot-kutubxona markazi mas’ul mutaxassislari tomonidan Rishton tumani axborot-kutubxona markazi ish faoliyati o‘rganildi.

O‘rganish davomida quyidagilarga alohida e’tibor qaratildi:
▫️ kutubxona fondining saqlanishi va yangilanish holati;
▫️ o‘quv zallari va xizmat ko‘rsatish bo‘limlarining faoliyati;
▫️ foydalanuvchilarga yaratilgan shart-sharoitlar;
▫️ axborot texnologiyalardan foydalanish va elektron kutubxona xizmatlari;
▫️ kitobxonlar bilan ishlash bo‘yicha amaliy faoliyat.

📈 Shuningdek, kutubxona jamoasi tomonidan amalga oshirilayotgan innovatsion loyihalar, kitobxonlikni targ‘ib qilishga qaratilgan tadbirlar va hamkorlik yo‘nalishlari tahlil qilindi.

🟢 Tahlil yakunida tegishli tavsiyalar berildi, mavjud imkoniyatlar hamda rivojlanish ehtiyojlari muhokama qilindi.

📌 O‘rganishdan asosiy maqsad — hududiy kutubxonalar faoliyatini yanada takomillashtirish, xizmat sifati va kitobxonlar ehtiyojiga mos innovatsion yondashuvlarni kengaytirishdan iborat.

Farg‘ona viloyat axborot-kutubxona markazida viloyat Oila va xotin-qizlar boshqarmasi hamda tegishli hamkor tashkilot va boshqarma rahbarlari ishtirokida 2025-yilning birinchi yarmida amalga oshirilgan ishlar yuzasidan yig‘ilish bo‘lib o‘tdi.

Tadbirni viloyat hokimi o‘rinbosari, Oila va xotin-qizlar boshqarmasi boshlig‘i Komila Kavlonova ochib, o‘z nutqida joriy yilning o‘tgan davrida oilada sog‘lom turmush tarzini shakllantirish, xotin-qizlarni ijtimoiy hayotga faol jalb etish, ularning bandligini ta’minlash, tadbirkorlik va hunarmandchilikni rivojlantirish, eksport salohiyatini oshirish hamda ayollar salomatligi va farovonligi uchun yaratilgan imkoniyatlar xususida to‘xtaldi.

Yig‘ilishda Oila va xotin-qizlar qo‘mitasi raisining birinchi o‘rinbosari Umida Abdullayeva hamda Davlat muassasalari va jamoat xizmati xodimlari kasaba uyushmasi Respublika kengashi raisi o‘rinbosari Abdug‘affor Salixovlar tomonidan amalga oshirilgan ishlar tahlil qilinib, bajarilishi zarur bo‘lgan vazifalar belgilab olindi.

Aholining kibermadaniyatini yuksaltirishga qaratilgan targ‘ibot tadbirlari doirasida Farg‘ona viloyati axborot-kutubxona markazida kiberjinoyatchilikning oldini olishga qaratilgan profilaktik uchrashuv bo‘lib o‘tdi.

Tadbirda Farg‘ona viloyati IIB axborot texnologiyalari sohasidagi jinoyatlarga qarshi kurashish boshqarmasi boshlig‘i o‘rinbosari O.Yoqubov va mas’ul xodimlari, markaz rahbariyati hamda kitobxon yoshlar ishtirok etdilar.

Kiberxavfsizlik - har birimizning mas'uliyatimiz! Ushbu uchrashuv yoshlarning kibermadaniyatini oshirish, ularni onlayn firibgarliklardan himoya qilishga qaratilgan muhim qadamdir.

Oʻzingizni va yaqinlaringizni kiberjinoyatlardan himoya qilish uchun quyidagilarga e'tiborli bo'ling:

➡️ Shaxsiy ma'lumotlaringizni hech kimga bermang;
➡️ Shubhali havolalarga o'tmang;
➡️ Kuchli parol o'rnating va uni hech kimga aytmang;
➡️ Virusga qarshi dasturlardan foydalaning.

⚠️ Kiberxavfsiz hayot - har birimizning huquqimiz!