Farg‘ona viloyatidan tashrif buyurgan ta’lim sohasidagi mutaxassislar delegatsiyasi Yaponiyada malaka oshirmoqda.

Belgilangan dasturga muvofiq, bugun delegatsiya a’zolari Tokio prefekturasi Suginami tumanidagi Momoi 2-sonli boshlang‘ich maktabida bo‘lib, maktabda maxsus ehtiyojli o‘quvchilar uchun yaratilgan shart-sharoitlar bilan tanishdi hamda dars jarayonlarini kuzatdi.

Shuningdek, nogironligi bo‘lgan bolalar bilan ishlashda amaliy mashg‘ulotlarning ahamiyati, bolalarning nutqi va harakatlarini rivojlantirishda musiqa va jismoniy tarbiya fanlarining o‘rni bo‘yicha olib borilgan mashg‘ulotlar orqali zarur ko‘nikmalar egallandi.

Kunning ikkinchi yarmida delegatsiya a’zolari Suginami tumani meri va tuman ta’lim kengashi rahbariyati bilan uchrashuv o‘tkazib, “Suginami tumani ta’lim tizimi”ning faoliyati, ta’lim sifati va samaradorligini oshirish borasidagi ishlar, shuningdek, odob-axloq masalalari bo‘yicha olib borilayotgan tadbirlar bilan tanishdi.

🇺🇿 ••• | 📌 ••• | 📌 ••• | 📌 ••• | 📌 ••• | 📌 ••• | 📌 ••• | 💬 •••

Profilaktik tadbir: jinoyatlarning oldini olish maqsadida tushuntirish ishlari olib borildi

Fargʻona tuman Ichki ishlar bo‘limi Probatsiya bo‘linmasi tomonidan nazorat ostidagi shaxslar bilan navbatdagi profilaktik tadbir o‘tkazildi.

Uchrashuv davomida jinsiy zo‘ravonlik bilan sudlangan, hozirda probatsiya nazoratida turgan shaxslar bilan kelgusida qayta jinoyat sodir etmaslik, qonunlarga qatʼiy rioya qilish va jamiyatda sogʻlom muhitni saqlash borasida tushuntirish ishlari olib borildi.

Suhbat chog‘ida jinoyat sodir etishning huquqiy oqibatlari, ijtimoiy hayotga qayta moslashish yo‘llari, mehnat bilan bandlik va ijtimoiy masʼuliyat haqida batafsil maʼlumotlar berildi.

Profilaktik suhbat yakunida nazorat ostidagi shaxslarga rasmiy ogohlantirishlar berilib, ular qonun doirasida yashash va jamiyatga foydali inson bo‘lishga chaqirildi.

🇺🇿 ••• | 📌 ••• | 📌 ••• | 📌 ••• | 📌 ••• | 📌 ••• | 📌 ••• | 💬 •••