Ўзбекистон Республикаси Президенти Шавкат Мирзиёев касаба уюшмалари фаоллари ва фахрийлари билан учрашув ўтказди.
—
Президент Республики Узбекистан Шавкат Мирзиёев провел встречу с активом и ветеранами профсоюзного движения.

#Mirziyoyev #uchrashuv #kasabauyushmalari #muloqot

Prezident.uz|Facebook|Instagram|YouTube|X

O‘zbekiston – Belarus ta’lim forumi: Farg‘ona tuman ta’lim muassasalari xalqaro hamkorlik sari dadil qadam tashladi

Farg‘ona viloyatida o‘tkazilgan “O‘zbekiston – Belarus professional va oliy ta’lim forumi” ikki mamlakat o‘rtasidagi ta’lim va ilm-fan sohalaridagi hamkorlikni mustahkamlashga xizmat qiluvchi muhim maydon bo‘ldi. Ikki kun davom etgan mazkur forum doirasida turli tadbirlar, ilmiy-amaliy anjumanlar va uchrashuvlar tashkil etildi.

Forumning ikkinchi kuni “O‘zbekiston va Belarusning ta’lim sohasidagi hamkorligi”, “Ilm-fan sohasidagi hamkorlik” hamda “Professional kadrlar tayyorlash tizimida o‘zaro hamkorlikni rivojlantirish” yo‘nalishlarida ishchi sessiyalar bo‘lib o‘tdi. Ularda ikki davlatning yetakchi oliy ta’lim muassasalari rektorlari, ilmiy tadqiqot institutlari rahbarlari, professor-o‘qituvchilar va mutaxassislar ishtirok etdilar.

Sessiyalar davomida ta’lim va ilm-fan sohalaridagi o‘zaro hamkorlikni kengaytirish, akademik almashinuv dasturlarini joriy etish, qo‘shma ilmiy loyihalar yaratish hamda innovatsion yondashuvlarni ta’lim jarayoniga tatbiq etish masalalari muhokama qilindi. Shuningdek, ta’lim sohasidagi eksport salohiyatini oshirish, seminar va tajriba almashuvlarini tizimli yo‘lga qo‘yish bo‘yicha kelishuvlarga erishildi.

Forum doirasida Farg‘ona tuman ta’lim muassasalari vakillari ham Belarus ta’lim tashkilotlari bilan o‘zaro hamkorlik memorandumlari va shartnomalar imzoladilar.

Jumladan:
— Farg‘ona tuman 1-son politexnikumi direktori Belarus Respublikasining Smilovich davlat agrar kolleji direktori bilan Asalarichilik yo‘nalishida hamkorlik memorandumi imzoladi.
— Farg‘ona tuman 2-son politexnikumi esa K.P.Orlovskiy nomidagi Mogilyov davlat agrar o‘rmon texnika kolleji bilan Traktorchi-mashinist va Asalarichilik kasblari bo‘yicha qo‘shma faoliyat olib borish bo‘yicha kelishuvga erishdi.
— Farg‘ona tuman xizmat ko‘rsatish va servis texnikumi direktori Nuriddin Davlatov esa Vitebsk davlat sanoat kolleji direktori R. Vinokurov bilan “Elektr stansiyalari, tarmoqlari va tizimlari” yo‘nalishida xalqaro ta’lim dasturini tashkil etish bo‘yicha shartnoma imzolash masalasini kelishib oldi.

Mazkur forum O‘zbekiston va Belarus o‘rtasidagi ta’lim aloqalarini yangi bosqichga olib chiqib, yosh mutaxassislarni xalqaro darajada tayyorlashga keng imkoniyatlar yaratmoqda.

Gov.uz | Sayt | Telegram | Facebook | Instagram | YouTube | X | Portal

Farg‘ona tumanida informatika fanidan olimpiada sinovlari boshlandi

Farg‘ona tumani 24-umumiy o‘rta ta’lim maktabida informatika fanidan o‘quvchilar o‘rtasida fan olimpiadasining tuman bosqichi o‘tkazilmoqda.

Tadbirni viloyat maktabgacha va maktab ta’limi boshqarmasi vakili ochib berib, ishtirokchilarga muvaffaqiyatlar tiladi. Test materiallari muhrlangan qutilarda keltirilib, o‘quvchilar ko‘z o‘ngida ochildi.

Olimpiada jarayoni ochiqlik va xolislik tamoyillariga asoslangan holda tashkil etilib, bilimli va iqtidorli yoshlarni aniqlash, ularning respublika bosqichiga munosib tayyorgarligini ta’minlash maqsadida o‘tkazilmoqda.

Mazkur tadbir o‘quvchilarda informatika faniga qiziqishni oshirish, raqamli tafakkurni rivojlantirish hamda ularni zamonaviy texnologiyalar olamiga yo‘naltirishda muhim ahamiyat kasb etadi.

Gov.uz | Sayt | Telegram | Facebook | Instagram | YouTube | X | Portal