Farg‘ona tumanida yoshlar o‘rtasida sport va harbiy-vatanparvarlik tadbiri o‘tkazildi

Farg‘ona tumanidagi 36-sonli umumiy o‘rta ta’lim maktabida Farg‘ona tumani Yoshlar ishlari bo‘limi tashabbusi bilan sport va harbiy-vatanparvarlik yo‘nalishidagi tadbir tashkil etildi.

Mazkur tadbirning asosiy maqsadi — yoshlarni vatanga sadoqat, jasorat va irodalilik ruhida tarbiyalash, ularni harbiy soha va sog‘lom turmush tarziga qiziqtirishdan iboratdir.

Tadbir davomida ishtirokchilar turli sport musobaqalari va harbiy mashg‘ulotlarga o‘xshash sinovlar orqali o‘zlarining jismoniy tayyorgarligi, bilim va jamoaviy ishlash ko‘nikmalarini namoyish etdilar.

Tadbir so‘ngida g‘oliblar va faol yoshlar Yoshlar ishlari bo‘limi tomonidan qimmatbaho esdalik sovg‘alari bilan taqdirlandi.

🇺🇿 ••• | 📌 ••• | 📌 ••• | 📌 ••• | 📌 ••• | 📌 ••• | 📌 ••• | 💬 •••

“Ona tilim – faxrim” shiori ostidagi ma’naviy-ma’rifiy tadbir

Ixtisoslashtirilgan ta’lim muassasalari agentligi tizimidagi Farg‘ona tuman ixtisoslashtirilgan maktabida O‘zbek tiliga Davlat tili maqomi berilganligining 36 yilligi munosabati bilan “Ona tilim – faxrim” shiori ostida ma’naviy-ma’rifiy tadbir o‘tkazildi.

Tadbir davomida o‘quvchilar tomonidan sahna ko‘rinishlari, she’r va chiqishlar, milliy raqslar hamda go‘zal qo‘shiqlar namoyish etildi. Bayramona ruh, faxr va iftixor tuyg‘usi har bir ishtirokchi yuragida jo‘sh urdi.

Til – millatning hayoti, uning yuragi va kelajagi. Ona tilimiz barhayot ekan, millatimiz ham yashaydi.

🇺🇿 ••• | 📌 ••• | 📌 ••• | 📌 ••• | 📌 ••• | 📌 ••• | 📌 ••• | 💬 •••