Farg‘ona tumanida Ichki ishlar bo‘limi boshlig‘i tomonidan fuqarolar qabuli o‘tkazildi

Fuqarolarning qonuniy huquq va manfaatlarini himoya qilish, shuningdek, hafta davomida mehnat faoliyati bilan band bo‘lgan aholiga qulaylik yaratish maqsadida Farg‘ona tumani Ichki ishlar bo‘limi boshlig‘i, podpolkovnik Murodjon Qunduzov tomonidan fuqarolar qabuli o‘tkazildi.

Mazkur qabulda Farg‘ona tumani hokimining birinchi o‘rinbosari Otabek Abduraximov ham ishtirok etdi.

Qabul davomida 16 nafar fuqarodan jami 18 ta murojaat kelib tushdi. Ularning 3 tasi joyida ijobiy hal etildi, 4 nafar murojaatchiga huquqiy tushuntirishlar berildi. Qolgan 11 ta murojaat bo‘yicha esa masalalar kompleks o‘rganishni talab etgani bois, ijrosini nazoratga olish va yechimini ta’minlash yuzasidan mas’ul rahbarlarga tegishli topshiriqlar berildi.

Shuningdek, probatsiya hisobida turgan 3 nafar fuqaroning murojaatlari ham ko‘rib chiqilib, ularning muammolari ijobiy hal etildi.

🇺🇿 ••• | 📌 ••• | 📌 ••• | 📌 ••• | 📌 ••• | 📌 ••• | 📌 ••• | 💬 •••

Fargʻona tumani hokimi Xitoylik investorlar bilan uchrashuv oʻtkazdi

Fargʻona tumani hokimi Xamidullo Inomov Xitoy Xalq Respublikasining Xubey provinsiyasi Uxan shahridan tashrif buyurgan bir guruh kompaniyalar vakillaridan iborat ishbilarmonlar delegatsiyasi bilan uchrashuv oʻtkazdi.

Uchrashuv avvalida mehmonlar Fargʻona tumani “Logʻon” mahalla fuqarolar yigʻini hududida joylashgan “Baxodir Logʻon Tekstil” MChJ qoʻshma korxonasi faoliyati bilan yaqindan tanishdilar.

Xitoylik investorlar korxonaning ishlab chiqarish jarayoni, ilgʻor texnologiyalar va eksport salohiyatini oʻrganish jarayonida katta qiziqish bildirishdi.

Uchrashuv davomida tomonlar sanoat kooperatsiyasini kengaytirish, yangi investitsiya loyihalarini amalga oshirish va o‘zaro hamkorlik istiqbollarini muhokama qildilar.

🇺🇿 ••• | 📌 ••• | 📌 ••• | 📌 ••• | 📌 ••• | 📌 ••• | 📌 ••• | 💬 •••