ضلیت الوحدی الوحدی یافاطم
ضلیت الوحدی هیچ الله القاسم
رحتی فاطمه وکل واهسی مات
رحتی فاطمه وعاشرت  الاهات         ضلیت الوحدی
..........
دنیتی صارت مظلمه یام الحسن من بعدچ
یافاطمه افراگچ صعب مااگدر اعوفن قبرچ
یل عمرچ ابگد الورد یاوسفه خلص عمرچ
الله الی راید نفترگ هذه الامر من ربچ
امشی البیتی یازهرا اشلون اروح
بیتی ابدونچ حزنان وکله نوح
بگلیبی صارن چویات وجروح      چویات وجروح
موبس الحزن زادتنی  لچمات
رحتی فاطمه وعاشرت الاهات       ضلیت الوحدی
................
الوحدنی یافاطم صرت ،یم قبرچ گاعد وحدی
یازهرة اسنینی الطفت غیرچ ابد ماعندی
گعدیلی خل نرجع سوا بچتافی کضی وسندی
لویصعب اعلیچ المشی بعیونی گومی وگعدی
یازهرا الکضانی بس امر ابوچ
چاما وصلولچ حته یضربوچ
حته ابحلم مافکرو یوصلوچ          مافکرو یوصلوچ
قصبا لاسکتت عن الجرا وفات
رحتی فاطمه وعاشرت الاهات         ضلیت الوحدی
.......................
والدچ گلالی اب امر یاحیدر اگعد سمعه
عدوانک البابک تهد .متسلحه ومتجمعه
اللازم اعلیک الصبر من یضربون البضعه
بلسوط واحد یضربچ واحد الباب ایدفعه
یازهرا الهدو مابیهم زلم
من الرجوله ماخذه الاسم
بس شارب اعله اشفاهم منرسم
اذانی الهظم عن الجرا وفات
رحتی فاطمه وعاشرت الاهات          ضلیت الوحدی
................
من انظر الباب اذکرچ بگلیبی  احسّن یوگف
یاورده مثلچ تنعصر ومن الورد هم اترف
یاوصله  من چبد النبی امکسرت اضلاع وتنزف
انتی الی مامثلچ مرا  لا ابد ماکو اشرف
الارض وسمه سواها الخاطرچ
الله یعذبه الچان ایعذبچ
وعل لم حطب وابگوا یعصرچ             وابگوا یعصرچ
الله اعله الهجم مایرضه هیهات
رحتی فاطمه وعاشرت الاهات           ضلیت الوحدی

#فاروق  العیساوی#

ویلی من زینب شکت همها
شاهدت کلشی الجرا اعله امها
زغیره وتشاهد زغیره

سولفت من اعصرو فاطم
سوطه بیده ویضرب الظالم
زغیره وتشاهد زغیره

ابباب ....شفت امی معصوره
اصواب..اعله خد ویلی مصطوره...یبویه

الباب....ستر امی و الحایط
چان ...طفل منها هم ساقط.......یبویه

شسوی اشبدیه نحبت وبچیت
ردت تحضر انته یجد اندعیت
اشوف المصایب علیها نعیت....اعله امی نحت

طفله واشاهد مصیبه و مصاب
زقیره اشبدیه و اشوف العذاب
اشوف امی ویلی ضلع منها عاب....اعله امی نحت
لون منته غایب ..شفتها المصایب....ضلع منها عایب
.........
ویلی من شفته ضرب امی
تصرخ اعلیک ابصدر مدمی
یبابا تصایح یبابا

اتگله خلینی عله حالی
هدنا لاتگرب عله اعیالی
یبابا تصایح یبابا

روح ...دخلینه یاظالم
روح ...عله الذله مانسالم.....مصیبه

طاح ....عله امی یضربها
طاح ...صقط منها محسنها...مصیبه

کبار العصابه صحبتک تصیر
اعله حیدر یریدون ایخلون امیر
لون انته حاضر یبویه تحیر........اشفعل هلجمع

ولابیها زلمه ویرد الرجال
ضَربها الزچیه صبح من حلال
انچوت بلحریقا ابسبب هلنذال.......اشفعل هلجمع

لون منته غایب ..شفتها المصایب....ضلع منها عایب

.....................

بیت الرساله ابقصب دخلوها
بنت النبی ابکل قسوه ضربوها
جریمه چبیره الجریمه

معصوره امی الزهرا بلحایط
قبل الولاده اولیدها صاقط
جریمه چبیره الجریمه

الصار.... ابد مثله ماصایر
الصار.....الیشوفا یضل حایر.....عجیبه

انذال....ولا بیهم الغیره
انذال....جریمتهم اچبیره....عجیبه

تگلهم ابویه محمد یصیر
ضربهم عله امی یزود ابکثیر
اشوفن تلوی ابعلی ماتجیر......شنو اهوا السبب

رفس امی شفته یبویه ابقواه
وحیده امی چانت علی مالگاه
اشاهد نفسها النفس کله آه.....شنو اهوا السبب

لون منته غایب ....شفتها المصایب...ضلع منها عایب

ک...فاروق العیساوی

عاده کلمن یفتهم یتکفل ایصیر الچبیر
مویصیر الماهو گدها وباچر ابروحه یحیر
حیدر انته احچایه الله والله لمخلیک امیر
امزوره الغیرک انته الاصل المامنسوخ
ک....فاروق العیساوی

الکوفا هدت وابوطاهر هم طلع
مثل عمه الباب من رزته شلع
الشاف مسلم گاعد ایعاین علیه
من خزرته ارکاض والبیته رجع

مسلم گام یرشگ زلم بطوف
الیصطره انجوم فوگه اتداور ایشوف
یرجع راسه بیده الحاشه بلسیف
مثل اولاد عمه ابطگا معروف

الگبل سیفه...ماتخطی ضربته الطلع من غمده
الگبل سیفه...للشرده یدور ابکان للبده
الگبل سیفه...متبرید تشوفا وحیل ماعنده

یامسلم...... یامسلم

.............
گامت اتحوطه العساکر مایهم
عیدعنده الحرب وزماط الزلم
چنه مالایگله هلجمع الحشود
ایگول چن نسوان مابیهم شهم

الزلمه احساب مرآه ایصرخ ایصیح
الیصطره اطراگ ایضل ایگوم ویطیح
الصار اگباله اول واخره الموت
یتمنه یموت ابسرعه ل ایریح

وصل موته....منیته واصله المسلم نظر صوبا
وصل موته....ابدا مایشاقی العدو بحروبا
وصل موته...ماتنفعله عفوا بعد والتوبا

یامسلم ....یامسلم
..............
احشدوهم خلصت وگامو ینتخون
گامو ایدورون ناس ایحشمون
الیسمع ابمسلم ایذب روحه علیل
شان ایعوفونه او منه ای ایسون

مسلم حط رعب بلکوفا والناس
السمع طاریه یَبّس وحده ماحاس
الما حوشله صطره ولزگ بطوف
تحت رجلین مسلم طاح وانداس

حصدبیهم ....زرعهم بل ارض رد وحصد بیهم
یخلیهم ....یموتون ابرعب منه یخلیهم
اثاریهم ....بس اثیاب مال ازلام اثاریم

یامسلم.....یامسلم

..................

العاشر السیف اویه الاگراب ابزقر
صعبا من اخمامه ناس الینکسر
مد اهوا وخذه بلروج الاخمام
خله تبعد منه مو یوم اب شهر

هنیال اهلک ال هل دنیا جابوک
ذخر لاولاد عمک انته کبروک
الصیده اترید حوم وانته صایود
وحدک عله الکوفا وگدها خلوک

ارض کوفه...امصیطر عله الکوفا وماتهم بیها
ارض کوفه...تشرد وین گلی الوین تالیها
ارض کوفه...هیه النصا وانته اعله اعله عالیها

یامسلم .....یامسلم

...........
ک.فاروق العیساوی

الماعنده خوه یصفگ ایضل حایر
ارجع لاخیک شاهد اشبی صایر
محنی الظهر من فرگاک
یابولفضل یتریاک
شاهد اشبی صایر

..........
مو وقته ومثل یعقوب یلعباس ینتظرک
ایریدک هسه توصل لیه وایحط ظهره ابظهرک
اجّل کلشی حته الموت اخر یل اخو امرک
بس الفاگد الخوان بس هذه الامر یدرک

شیسوی بلشده الی ماعنده اخوان
بلحیره یبقا ابهل امر کلمن چان

لمحاوطینه موناس
اصیار الزنه وکلها ارجاس
شاهد اشبی صایر

.............
گلی اشلون یاعباس بیک تگوم لو مابیک
حسین السفرته هذه کل الامل شده اعلیک
مافکر تروح ابساع وعل نهر تذب ایدیک
وحظن اعضیدک اتخلی وتضل علترب تالیک

اتعوف العلم والجربه وی کل ناسک
گلی العمد شیسوی داخل راسک

لم روح روحک وارجع لیه
اعضیدک ولحگ اعلیه
شاهد اشبی صایر
.............
صعبه الیوگع ابشده عایب ظهره ب اخوانه
ایداوی الظهر گلی اشلون واهوا ابوسط عدوان
لو راح الاخو امن الاید امنین اتجیب بمکانه
الاحسن یدعی عمره یصیر وی اخوانه خلصانه

یدعی یخلص عمره وی اعضیده
عمری بدون اعضیدی رب ماریده

مارید اضل الوحدی
الوحدی اضل ماودی
شاهد اشبی صایر
................
زینب آنه یاعباس لو تگدر دمر بیه
عگبکم کل مصیبه وظیم خویه تمطر اعلیه
تدری بعد اخوک حسین زینب تمشی مسبی
لاعدهم رحم واحساس لا ایعرفون علویه

باچر اشوف الغیری محد شافه
یاهو الیموت اعضیده خله وعافه

ایذبحونه حته البگماط
اتعازه ابضرب وی اسیاط
شاهد اشبی صایر

..............

باچر امشی وی اعداک قصبا یل اخو وگوا
ساعه ابساعه خویه السوط فوگ امتونی یتلوه
لابیهم ولا واحد صاحب غیره ومروه
لو موجود یاعباس صحت الویل ویهوا

اصعب درب ل امشیه وی اعداکم
اتمنیته یاخذ الله عمری اویاکم

اشلون امشی عنکم لاثنین
یاکافلی ویه حسین
شاهد اشبی صایر

‌.......
ک ..فاروق العیساوی

https://www.tg-me.com/faroqesavi

اللهم صل على محمد وال محمد

الی الامام الحسین علیه السلام

ام البنین سلام الله علیها

ی ام اربع وُلِد یاوَلد ضلالچ
یشیلچ من کبرتی ومتّی ینعالچ
نطیتیهم فده ولو بعد هم تفدین
ام لحسین صرتی ابفخر هنیالچ

فاروق العیساوی

موعشیره حسین النه حسین اکبر من وطنه
حسین ینطی الی یملکه ولو نطاه ابلایه منه
لوتدور الکون کله ماتحصل نسخه منه
عزب حته الرمح راسه.

فاروق العیساوی

السیدة رقيه تخاطب الحسين عليه السلام

وینک ...یاکل النظر
وینک....دلالی انفطر
وینک....هددنه الخطر
آ یلحسین           آ یلحسین
...........
حسین یاوسفه تطیح  واحنه هسه ابعازتک
مانصدگ طایح انته بویه ننطر جیتک
المایعطلک شی علینه هاذه مو من عادتک
ابلا چبیر الخیمه توگع ارجع الها خیمتک
ارجع ...یالب الگلب
ارجع ...مانحمل ضرب
ارجع ...یفراگک صعب
آ یلحسین      آیلحسین
............
شرد اسولف ع مصایب بویه واعلینه الجرا
اعلینه حرگو خیمه خیمه النار بینه اموجرا
بویه مو اسلام ذوله امنین مدری یاترا
گلی یاهو ایکضله اصبع میت یضل یبترا
شافک ...راد ایسلبک
شافک ...گام ایدورک
شافک ...خاتم بصبعک
آیلحسین         آیلحسین
............
امن الخیم کلنه شردنه وآنه من عمتی ضعت
بلدرب واحد دفعنی وعلوجه بویه طحت
طفله ثلث اسنین عمری اهوایه من عنده خفت
خمش ترچیه امن اذانی ومن دمه الذان اسبحت
بویه ...یحسین اصرخت
بویه ...چاوینک صحت
یویه....وین انته صرت
آیلحسین         آیلحسین
........
گاموا ایلمون بینه  حرمه وی طفله وطفل
صعدونه اعله المهازل شددو بینه الحبل
عمتی زینب بالله گلی اشلون تصعد علهزل
الچان حادیها ابوفاضل هسه یحدیه النذل
صعبه...وظیم ومشکله
صعبه ..الکله مدلله
صعبه..تمشی امهزله

آیلحسین          آیلحسین
.......
من مشه الحادی وطلعنه وعلرمح ویانه جیت
من شفتنه الحاله هایه اشکثر بویه اتعذبیت
اسمعت صطرو عین عمتی بویه لو لا مادریت
بویه عفت الخیمه لیش و ع الارض المن غفیت
نمشی ...وننظر صورتک
نمشی....اشصار ابهیبتک
نمشی....فدوه الشیبتک
آیلحسین         آیلحسین
.......
السلام علی من اعتنق راس ابیه

ک...فاروق العیساوی

عظم الله لکم الاجر

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0