دعاء: خير عليمن تضحكين؟

مروة: وين المكياج وين القاط وين الكعب؟

دعاء: دولي

صعدت للغرفة وهو دخل للبيت دخلت وياي مروة قفلت باب الغرفة

مروة: شبيج ولج؟

دعاء: كلشي ما بيَّ

مروة: شنو صار؟ كلبج مو قابل على هل زواج ترا كلشي واضح؟

دعاء: لا تحجين كل شي مثل ما تتصورين

مروة: يعني شنو؟ صار شي؟

دعاء: ما صار شي بس مختنكة

مروة: شنو الي مضوجج

دعاء: كل شي مو مرتاحة

مروة: احجي اسمعج شكد تكتمين راح تنفجرين

دعاء: ما أعرف شسوي كلشي مختلط عندي

مروة: أحياناً الحياة تصير معقدة بس لازم تحاولين تطلعين من هل دوامة

ابتسمت الها طلعت هيَّ غيرت ملابسي ذبيتهن بالكاع باوعت للموبايل محروك حرك من مكالمات ود خابرتها بقلق ميتين مكالمة لم يتم الرد عليها فتحت الخط اجاني صوتها العالي غمضت عيوني هذا كسار شلون متحملها

ود: اذا تسوين ليلة الحنة سويها بيت علي مو بيت حامد
2

دعاء: اخذي نفس وهدي نفسج سلمي بالأول

ود: عيع شبيج معبسة

دعاء: هو انتِ وين شفتيني حتى معبسة

ود: صوتج مخنوك عبالك جلب محصور
10

دعاء: هسه شترين؟

ود: مثل ما كلتلج بيت حامد لا

دعاء: صار

ود: تعالي اكللج يمتى تصيرين محامية؟

دعاء: عن قريب أن شاء الله بس اكللهم انطوني المحامات واطلع شبيج اليوم شبيج

ود: مو اريد ارفع قضية على كسار دا يعنفني
4

دعاء: والله انتِ الي دا تعنفينة
3

ود: صدك تحجين؟

دعاء: لا اشاقة

ود: اكللج هاي فوفو شبيها قافلة الخط؟
2

دعاء: معرف والله ليش تريدين تحجين وياها

ود: يمعودة شصخم بيها بس خلي تفتح الخط هذا ختيبها يخابرها

دعاء: ختيبها؟

ود: اي ختيبها، خطبها رسمي قبل يومين وما ترد عليه، الولد ميت قهر

دعاء: فوفو انخطبت؟ وليش ما خبرتيني؟

ود: مدري بس شكلها مو مرتاحة قافلة الخط وما تحچي ويا أحد

دعاء: غريبة منو خطبها؟

ود: واحد من طرف أهلها ابن عمها أو شي هيج بس هي مو متحمسة أبد

دعاء: وهذا الولد شنو وضعة؟

ود: ما أعرفه بس سمعت أنو ثكيل وصارم، يمكن لهذا السبب فوفو مترددة

دعاء: لازم أحجي وياها

ود: أي خليها تفتح الخط قبل لا يجي خطيبها يدور عليها بنفسه

دعاء: عليج الله شنو السالفة أنا مو عايشة وياها اشو ما شفت احد خطبها

ود: وثول ولج هو اثير خطبيها اكو غيره

دعاء: طاح حظج أي والله

ود: يا حلوة بالج وين؟

دعاء: وانتِ شعليج

ود: شكد تكرهين فارس اخذتي ابنه العب

دعاء: وجع ولي

قفلت الخط بوجها من التفكير نسيت كلشي ما اذكر شي فركت راسي بوجع كعدت على جرباية شاشة الموبايل تضوي باوعتلة رقمة تنهدت بضيق قفلت الخط بوجه ما اريد اسمع شي راسي مشوش

ود.....
صفنت على موبايل معقولة اختي الي من لحمي ودمي تفصل الموبايل بوجهي شهل كارثة صدمتني
7

هزيت ايدي فجأة انضربت بالمخدة على راسي بدون مقدمات رفعت راسي اباوعلة بصدمة

ود: شبيك يل شايب

ضحك بخفة كعد يمي لزم الموبايل يقلب بي

كسار: حسيت تستاهلين هجوم مباغت

لزمت المخدة بيدي رفعت عيوني اله بطئ حتى ما يحس كمت من مكاني دفعتة من صدرة خنكتة بالمخدة ضحك بقوى دقدقني من خصري عضيتة من زندة رفعت المخدة اباوعلة ما مهتم يضحك
1

كسار: وحش وحش شبيج؟

ود: هسه عرفت قيمتي لو اعلمك درس ثاني

كسار: لا يا حلوة تعلمت يلا فكيها اريد اشوف ضحكتج

ود: أبد لا تحجي زعلانة منك

درت وجهي منه صارلي يومين زعلانة منه شلاتي ما يقبل اطلع للسوك

كسار: نروح هسه؟

ود: لااااا ولا تصدك اسامحك

كسار: شلون شغلة هاي

ود: شغلة تفيدك

كسار: وجه القرد كومي نولي

نداريتلة مبتسم

ود: لاااا والله ونوب انتَ الضايج؟

كسار: خلي احجيلج شي

ود: سوالفك الشلاتية بطلهن

جرني من ايدي فلتت ايدي منه سحلني سحل تمدد خلاني على بطنة

كسار: مو كافي زعل انتِ شلون عايشة حياتج يومين عاقلة وعشرة شاخطة؟

ود: نومين عاتلة وعجلة جاخطة

حجيتها اقلد عليه

ارتفع صدرة عرفتة يضحك بسبب كلامي باوعتلة بقى لازمني مسح على شعري

كسار: عمي سامحيني احسن ما استخدم اساليب ثانية؟

ود: اسامحك؟ صارلي يومين اركض وراك

كسار: افيدج؟

ود: لا

كسار: بيج كتلة

ود: جرب وشوف

ابتسم بخفة قلبني ع ظهري انحنى بسرعة دقدقني بطني صرخت بضحكة كلبي وكف

ود: كسسسسااااار لاااااا

كسار: ابقي زعلانة احسن

ود: لا والله سامحتك والله عفية كافييييي

تركني وهو مبتسم عيوني دمعن من الضحك

ود: راحت هيبة الزعل
1

كسار: شفتي؟ كل سوالفج تعبانة ليش ما تصيرين هادئة مثل باقي البنات؟

ود: واذا صرت هادئة؟

رفع حاجبة ما مقتنع بكلامي

كسار: راح تصرين نسخة مزيفة

ود: لعد صارلك ساعة صيري هادئة وهادئة تالي اصير مزيفة؟

كسار: لا ابقي هيج احسن

ود: ليش عبالك راح اغير طبعي؟

كسار: لا ابد

ود: زين ليش تريدني هادئة إذا يعجبك طبعي؟

كسار: أحب أضوجج شوي خلي أعرف قيمتي بحياتج

ود: آني ما أضوج، آني أنقهر

قرب وجه مني انفة لامس انفي

كسار: وإذا قهرتج؟

ود: راح شسمة

كسار: راح شنو؟

ود: راح أحاول ما أعطيك وجه

ضحك بخفة وهو يلزم ذقني

كسار: خوش عقاب حتى ورا كتلة مرتبة

ود: بعدين وياك كلش شاطر بالكلام

كسار: تستهزيين ولج؟

ود: لا يا عيوني صاير كلش كلش مزعج أقرر احبك
وافكر بالموضوع

لزمت ضحكتي جرني أكثر غطاني بالغطى حجه بخفوت عيونة ع موبايل

كسار: فكري زين لأن القرار مو بيدج أنا قررت من زمان

ود: صدك قررت؟ زين وشلون ما استأذنت مني؟

كسار: لأنج مالتي وماكو داعي أستأذن من نفسي

ود: هسه آني مالتك؟ عجيب

كسار: غريب الموضوع ام صماخ شنو الجديد؟ حتى تستغربين

كرصت خدودة جريتة من شعره

ود: كزكزت عليك احـ..

خلة ايده على شفتي غمزلي بحواجبة

كسار: لا تكملين أعرف شنو تريدين تكولين اريد اسمعها بعدين بطريقتي

بعدت ايده عني خزرتة بنتر وهو مبتسم اليوم معرف شبي

ود: شلاتي ادبسزز شتقصد؟

كسار: وين راح بالج ريحانة؟

ود: والله عند بالك يا ما تستحي يا قليل الأدب

دفعتة عني حضني ما يقبل اكوم

كسار: أنا ما اعيش بدون عنادج وياي

باوعتلة بأستغراب ملامحة جدية قبل لا اسألة شبي رن الموبايل راد يقفلة كمزت بسرعة اخذتة متعودة الزم موبايلة وشي عادي بس الصدمني من عاط بوجهي أول مرة يسويها

كسار: لاااااا تفتحييين الخط
11

ود: شبيك؟

تنهد بضجر اخذة من ايدي باوع للرقم مسح وجه بقوى قفل الموبايل خلاه ع ميز تقرب الي لزم ايدي حجه بهدوء

كسار: خفت لا واحد من ربعي وانتِ تردين عليه

ود: من يمتى اني ارد ع احد؟

باوعلي بقى ساكت فتح دكم قميصة أخذ نفس زفرة بعصبية عدل نفسة أخذ الموبايل وطلع بدون ما يجاوبني

كعدت على جرباية صفنت بحيرة نص ساعة ونزلت جوه دخلت للاستقبال كلهم كاعدين كعدت مع نيران باوعتلي ميس حجت بغرابة

ميس: شبيج؟

ود: مابيَّ شي

هدى: اكللج اخوية اخذتة اختج شلون ارجعة؟

ود: اريد اجمع راسين بالحلال تكللي ارجعة

نيران: الشيخة الروحانية ود

ود: لجلب الحبيب وَ رد المطلقات

نيران: طاح حظج

ود: رجاءً الا حظي لا تغلطين

بسملة: اكللج يمة كسار وينة

ود: طلع برا قبل شوية

باوعلها عمو جراح خزرها نزلت راسها بتوتر

جراح: تعالي هنا ريحانة

كعدت بصفة حجت ميس بضوجة

ميس: ترا نحنا بناتك كل ساعة صايحها

جراح: وهاي بنتي الصغيرة عندج اعتراض ست ميس

ميس: لا

جراح: لا

حجاها بضحكة وهي ضحكت غمزتلي هدى تأشرلي عليه تجاهلتها

ود: اكول عمو

جراح: كولي عمي

ود: تريد تزوج؟

باوعتلي عمة بسملة عاطت بيَّ وهي تعض اصبعها

بسملة: ولججج

ود: شبيج عمة طلكي وازوجج واحد احسن منه

جراح: محظر شيطان أنا احب بسبس

ود: بسبس؟

بسملة: أي

ود: عمة يخابر عليج بنات تحجين صدك

بسملة: شنو

ود: بالشركة مع ابوية كلهن يرعصن من جمالهن تريدينة ما يخونج؟

بسملة: طلكنييييي جراح
10

جراح: اهدي يا حرمة هاي جذابة كومي من يمي لا بارك الله بيج

ود: اعوذ بالله من الخبث والخبايث
12

جراح: انتِ اكبر خبيثة كوميييي

نيران: شبيك بابا ترا البارحة شفتك تخابر برا الغرفة بس بنت ولد ما اعرف والعلم عند الله بعد

اثير: صح كلامج بس يمكن يمكن ما مصادق

بسملة: لعد ولكم شني

اثير: مزوجها

جراح: تفو عليك يا نذل

ود: لالا خليك عمي تظهر على حقيقتك

جراح: خمسة وعشرين
2

ود: والله يا عمة ماكو احسن من عمو جراح رجال عيونة بالكاع ينام ويصحى على طاريج يتخبل عليج مهوس بيج
11

اثير: مشى الشغل بمعجونية؟

ود: ترا اقطك والله

ضحكو كلهم مديت ايدي اخذت الخمسة وعشرين من عمو جراح عبالة اشاقة تهي والله يا الله
3

خليتها عند نيران دخل هو باوعلنا بقى واكف ع باب الصالة

كسار: تعالي ريحانة خواتج يخابرنج

بسملة: تعال يمة ادخل

ما جاوبها هز راسة خزرني اشرلي اكوم كمت بسرعة ردنا نطلع حجه عمو جراح

جراح: كسار تعال هنا

ما جاوب احد لزم ايدي صعدنا للغرفة بعدنا ع درج
1

ود: منو خابرني؟

كسار: محد بس ردت تجين هنا

ود: أي كان بقيت جوه والله اطيب من حبسة الغرف

كسار: جؤ كافي صارلج ساعات وانتِ جوه

فتح باب الغرفة اخذت الموبايل من الشحن كعدت على جرباية اصفح بي خلة راسة على رجليَّ دفن وجه بطني استغربت منه ذبيت الموبايل ع ميز مسحت على شعره

ود: شبيك كساري؟

كسار: شبيَّ بوية

ود: مبين عليك تعبان

ما جاوبني غرز اصابعة بخصري عدل نفسة مال راسة يباوعلي جر فكي بأسني بقوى اسنانة نبتت بشفتي بجيت بخوف و وجع ما تركني حسيتة واحد ثاني غريب ولا اعرفة من قساوتة رفع ايده مسح دموعي فتح عيونة يباوعلي بندم خلة راسة على صدري
9

كسار: تعبان يا الله

ود: خـ خوفتني

كسار: اسف ريحانتي اسف يا روحة لكسار

حضني بقوى مسح على شعري لزمت شفتي حارة نار مسح على ذراعي باوعلي بقلق

كسار: لا ترجفين الصار عادي ريحانتي بوية وحك ربج اسف

ود: ليش هيج سويت

كسار: من تعبي وشوكي عليج

ود: بعد لا تبوسني

كرص حنكي ابتسم بتعب

كسار: تدللين

دفعتة عني تمددت بمكاني غمضت عيوني غطاني حضني بقوى حسيتة يريد يدخلني بين ضلوعة
طفى الضو معرف شكد مر الوقت بقيت كاعدة ما اجاني نوم لحد الآن مصدومة من تصرفة ابتعد عني رجع لمكانة يتنهد بصوت عالي اشتعلت جكارتة بس ضو الجمرة مبين بالغرفة مع الدخان رفع راسة للسقف اخذ نفس بلعة بصدرة رن الموبايل طفى بسرعة مد ايده على وجهي غمضت بسرعة تأكد مني نايمة خلة راسي ع مخدة بهدوء غطاني زين أخذ الموبايل وطلع

طول هواية ما رجع كمت بسرعة فتحت البردة عن الشباك شوية بدون ما اشغل الضو اباوعلة واكف بالحديقة يخابر يأشر بيده بعصبية رجعت لمكاني بسرعة من شفتة دخل للبيت انفتح الباب حسيت بخطواتة السريعة اتجاه الجرباية سويت نفسي نايمة مسح على شعري كام من مكانة فتح الكنتور شغلت الضو باوعلي

ود: وين تروح؟

كسار: عندي طلعة مهمة نامي ود

اشتغل ضو الموبايل بدون صوت على صامت اخذتة بسرعة راد يجره من ايدي صرخت بوجه

ود: منووووو هاااي

كسار: أششش هذا صديقي لا تخبصين

باوعت للرقم مكتوب نور سكتت بس ما مرتاحة
36

ـــــــــــــــــــــــــــــــــــــــــــــــــــــــــ
عَيناكَ بَطَلة الرِوايَة،عَينّاكَ الأَمرُ و مَا فِيهِ للنهاية
2

حــــــــور
13

الدنيا افترت بيَّ من هل كلام الدم نشف بعروكي كتل الدكتور الي كان يعالجة.؟ ضحكت بصدمة وخوف طلع من الحمام ينشف شعره بالخاولي باوعلي بأستغراب

أيهم: شبيج؟

حور: انتَ شنو من بشر؟

أيهم: حوري وليدي شبيج؟

خليت الورقة بيده رفعها فتح عيونة صرخ بوجهي

أيهم: شششجااابهااا عندج

حور: شنو شجابها عندي؟ لكيتها بالسترة وصل بيك الحقد تكتل الناس الله لا يوفقك

ابتعد عنه امسح وجهي بهت وجه حجه بهمس كأنما يهمس بحرارة انفاسة لنفسة

أيهم: الكل يدعي عليَّ بس محد ما كال شلون وصل لهل حال
5

حور: تكتتتتتتل العااااالم ايييهم

أيهم: جااااااااااااان يعذبنييييييي
11

سكتت بصدمة خلة الورقة بجيبة بلع ريك ايدة ترجف بشكل واضح ابتسم بوسع تقرب للمراية أخذ مشط يمشط شعره يغني بهدوء الابتسامة ما وصلت عيونة مبتسم بحقد الدنيا بعيونة كأنها الدنيا كلها معاديتة وهسه يريد يأخذ حقة منها

حور: ليش تضحك الموضوع مابي شي يضحك؟

أيهم: لا اكو اشياء تجبرج تضحكين

حور: قتلتة؟

أيهم: أي

حور: ليش ؟

أيهم: ليش؟

حور: أي ليش؟

أيهم: اكرها

حور: شتحجي تكره بشر تروح تقتلة؟

أيهم: أي

حور: احجيلي أيهم

ندار يباوعلي تقرب للجرباية اخذ السترة باوعلي يضحك

أيهم: وفكرت اكمل وأنا مش معاه
15

حجاها بهمس صوتة يأخذ العقل عدل نفسة ع مراية حجه بتسلسل
2

أيهم: هذا الدكتور جان مسؤول عن حالتي بالمصح تعرفين هو ومنو مسؤولين عن حالتي؟

باوعلي بالمراية هزيت راسي لا

أيهم: هو وقيسر
1

حور: ليش اخوك يسوي بيك هيج؟

أيهم: الكره وراثة من شاهر
3

كعد ع جرباية يهز رجلة بتوتر كعدت كدامة بالكاع

حور: احجي راح اسمعلك

أيهم: جؤ راح تتركيني

حور: نحجي عن الماضي مو المستقبل

شبك اصابعة بعض لزمت ايده باوعلي بقلة حيلة الخوف بعيونة كلشي تغير نضراتة تصرفاتة كأنو دخل بعالمة المظلم وفصل عن حياتة الحالية

أيهم: جان عمري (...) أنا أنا جنت جنت بعمر صغير

ما قاطعتة ولا حتى حسستة بوجودي وياه حتى ما يتكسف من نفسة ولا يحس بنقص بروحة

أيهم: شـ شاهر اخذني للمصح بليلة مظلمة وتقمت الانفاس جانت الساعة 5:5 الفجر نزلت وياه من السيارة ا اكـ أكثر شي خلاني ا اموت هو غدر اخوية الي اخوية جان ينتظرني مع هل دكتور بالمصح ظليت بكبريائي ذبيت الجكارة بالكاع داس عليها
13

أيهم: غدرتوني.؟

شاهر: لمصلحتك
2

اووووف يا هل كلمة شكد خسرتني أول خسارة ابدية هي عقلي
3

تكرب عليَّ رجعت لورا

أيهم: أنا مابيَّ شي انتو الي لازم تدخلون لهنا

اشرلهم قيسر يلزموني جتفوني اربع دكاترة واخوية من ضمنهم ادفعهم بس جانو اقوى مني وأنا صاحب بُنية ضعيفة وجهي ما يجي بكد جفوف ايديهم باوعتلة تعبت من المقاومة وبهاي جيتي لهنا أنا اربع أيام بدون أكل بس نستلة اخذتها من قيسر ومي شربتة من شاهر بعد ما كفرني حتى بس اشرب انهد بتعب صرخت بأسمة من اعماق كلبي

أيهم: قييييسسسسر احجييييي وياهم

قيسر: لازم تسمع كلام ابوك
8

بهت وجهي من كلامة منو يصدك هذا اخوية الي جان يركض وراي ركض هسه بيدية يدخلني للمصح
1

أيهم: المصح باب الجحيم المفتوح

عصرت ايده معرف شصارلي من كلامة نزل من الجرباية كعد بالكاع ارتاج ع جرباية شبك ايدية بوهن كمل كلامة بهدوء كلمة كلمة يحجي كأنما هل شي هستوه صار وياه أخذ نفس زفرة بتعب

أيهم: دخلوني بالكوة لأن جنت اغلط واكفر وادفعهم حتى اخلص نفسي بس جنت وحيد بنص هلي ابوية مخلي ايديه بجيبة يباوعلي بوهن ما انسى نضراتة الوصخة بأتجاهي ولا نضرات اخوية الجان خايف و متردد بس ما وكفهم ساندهم ضدي!
6

دخلوني بجناح مظلم الاضوية مشتغلة بصف الجناح الأنا بي اكو غرف واصوات ناس تصيح كل واحد عنده قصة..بس أنا قصتي جانت مختلفة أنا ما بيَّ شي أنا مو مجنون بس تركوني هنا
دفنوني بالحياة
4

وكف عقلي من الصراخ صغير وشي عادي اخاف بسن المراهقة أكيد يصير عندي ردت فعل قوية بخوف وغضب شدوني بالسرير ارفع راسي واركعة على مخدة اقوى ما عندي حسيت انرج دماغي
4

قيسر واكف بمكانة ما تحرك نضراتة تردد وبرود مو نفسة الي جان يحميني من العالم كلة

دخل الدكتور شايب شعرة مليان شيب عالي جندلة لابس نضارات ابتسامتة تخلي أي واحد يدخل هنا يرتعب وجه قبيح وكف فوك راسي عدل نظاراتة خلة ايده باللابكوت يباوعلي فاتح عيونة على وسعهن خفت خفت منه من نضراتة

الدكتور: اهلاً أيهم اجيت بمكان الصح راح نبدأ بعلاجك ما تطلع منا لحد ما تسترجع عقلك
7

أيهم: طلعوني منا ما بيَّ شي أنا شششششااااااهرر

ضحك ضحكة جمدت الدم بعروكي أشر بيده على قيسر تكرب اله فتح الجرارة طلع منها ابرة خلاها بيده فقدت السيطرة على نفسي من الخوف الابرة اخترقت جسمي مادة دخلت بدمي عيوني ثكلت جسمي ثكل كلشي بيَّ سكن و هدأ بس عقلي صاح صاح بأعلى صوتي بس محد ما سمع!
2

أيهم: أول ليلة بالمصح جانت جحيم

صحيت بغرفة ضيكة ريحة وصخة انقذرت من المكان درت بعيوني شباك صغير صدى صوت قطرات المي تنزل من السما ع شباك بطئ توترت اريد الصوت يهمد شوية واسمع صوت شخص يصرخ يصرخ بقوى صوتة زادني خوف صوتة صوت واحد يتعذب بشع ما ينوصف هل شعور بس هو هل صوت صار كل املي بي هل شخص صار مسكني وهو هم بس أنا تعودت كل شخص أحبه افقدة!!

ردت احرك نفسي ما كدرت ايديني مربطات بحبل فوك راسي ع نسارات السرير رجليَّ بزناجيل

انفتح الباب دخل قيسر والدكتور نفسة!!

فك الزناجيل من رجلي ما اكدر اتحرك ولا احجي مبنج معرف شصارلي بس ساكت وعيوني تتنقل عليهم باوع لقيسر يحجي

الدكتور: اليوم راح نبدي وياه أول جلسة علاج خاصة بي..قيسر راح نصحح افكار اخوك وهل شي انتَ مسؤول عنة وياي حتى نكدر نعالجة بأسرع وكت يطلع منا

باوعلي قيسر بس ما شفت بعيونة أي رحمة عبالك شخص غريب جدامة أو جماد ما مهم مو بشر

أيهم: هنا بدأ عذابي حقنوني بمادة تخلي جسمي يرجف بلا توقف مو الدكتور حقني هل ابرة لا اخوية هو الي جان مسؤول عني..!
22

جتفو ايديني وأنا جثة بيديهم ما اكدر اتحرك لزمو سنارات السرير شدوني بيهن مثل الميت من يجفنونة ايديني عدلات مع رجلي راسي ثابت شغلو الجهاز ما اعرفة شنو بس اسمع صوتة بي زنين قوي مررو الصقعات على جسمي يحجون هذا علاج؟!!!! بس بالحقيقة جانو يريدوني انهار
21

اريد اتنفس مكدر اختنكت اريدهم يوكفون هل صقعات من جسمي الهزيل بطني بظهري ملزوكة معرف من الجوع من الخوف من الكره الحقد الوجع
كلهن اختلطن بجسمي وروحي الميتة
12

الأيام تمر بسرعة الوجع صار جزء مني كل يوم ينهشون جسمي بالصقعات وأنا اصرخ بعدها افقد اهدأ

أيهم: أنا ما راح ابقى هنا راح اطلع وبـيـدي راح اخـلـيـهم يـضـوكـون الكأس الـشـربـو الـي...!!!
2

الأيام صارت تشابة الليل والنهار معناهم العذاب ما جان الوجع جسدي لا جانو يلعبون بعقلي يحاولون يمسحون ذاكرتي يخضعوني غصب جانو يستخدمون كل الطرق حتى يخلوني أوصل لمرحلة اصدك بيها أنا مريض ولازم ابقى هنا للأبد..!!
10

جانو يخلوني وحدي بغرفة باردة بدون صوت بدون أي أحد بس ظلام وصدى انفاسي التعبانة

الأكل ما يوم مرة وحدة اذا رفضتة يخلوني أيام بلا أكل

التعذيب النفسي جانو يخلوني اشوف اشياء مو حقيقية اسمع اصوات مو موجودة كل هذا حتى اشك بنفسي أنا مريض

قيسر يدخل للغرفة بوكت الأنا انام يبقى وياي من اصحى واريد احجي يطلع بسرعة ويقفل الباب ورا

ما جنت اعرف شكد مر عليَّ
أسبوع؟ شهر؟ سنة؟
بس الي اعرفة أنا ما راح انتهي هنا حتى لو جانو يريدوني انكسر مرة الثانية جانت فكرة ابالي أنا راح اظل واكف حتى لو رجلي تنزف لازم اطلع منا تفكير مراهق انحبس بمصح يتعاملون وياه معاملة الحيوانات ما عشت الطفولة ولا المراهقة أنا كضيت سنيني بالمصح...!
2

دخلو دكاترة ثنين مشيت وياهم بدون كلام ولا صوت تعبان ما عندي طاقة الهم دخلوني للمكتب

المكان بارد الحياطين مليانة ملفات وتقارير طاولة خشبية قديمة فوكها مصباح اصفر ضغيف وكوب كهوة نصة فارغ الدكتور كاعد ع كرسي اصابعة تنقر ع طاولة بأيقاع هادئ باوعلي ابتسم ندارلي قيسر رجع راسة لورا مسح وجه عيونة حمر باوعلي من فوك لجوة دار وجه للدكتور

الدكتور: بدأ ينهار شفتة اليوم؟ جان كاعد بزاوية عيونة ضايعة ما جان يكدر يرفع حتى راسة

قيسر: وانتَ متأكد هذا علاج؟
4

الدكتور: تشكك بأساليبي؟ قيسر؟ انتَ بنفسك جبت اخوك عندي وابوك كال لازم نسيطر عليه كبل لا يفقد عقلة
8

قيسر: بس مو لهل درجة
4

الدكتور: لهل درجة وأكثر لازم ينكسر تماماً حتى هو بنفسة يطلب العلاج يصدك هو مريض هذا الحل الوحيد نكدر نسيطر عليه ونوعية
5

خزرة بحدة بقيت اباوعلهم حبلكم ع جرار

قيسر: وانتَ شلون متأكد هو مريض؟ ما بي شي اصحى مني ومنك

ابتسم بثقة انحى ع ميز شابك ايدية

الدكتور: هذا مو مهم الي يهمنا يصدك نفسة هو مريض واذا صدك راح يبقى هنا للأبد وانتَ راح ترتاح منه فكر بيها
5

هز رجلة بتوتر عض شفتة عيونة تروح للبعيد يحارب فكرة براسة كمل كلامة الدكتور بتسلسل

الدكتور: انتَ تدري شنو راح يصير لو طلع؟ مستحيل يسامحك أول شي راح يفكر بي هو الانتقام منك

قيسر: أنا ما اريد اذي...
2

قاطعة برود وهو يشرب الكهوة

الدكتور: هذا الحل الوحيد وانتَ تدري

نهض من مكانة طلع من المكتب بقينا أنا ودكاترة لازميني وقيسر تكرب الي حجه بحيرة

قيسر: راح تتعالج وترجع طبيعي ثق بكلامي

أيهم: تلعبون بالنار وانتو مو كدها ولد المراجيح
16

بقى ساكت يراقب كل حركة تصدر مني لا ارادي اميل براسي لركبتي دمي يحركني ويحكني احس بنفسي بس ما اكدر امنع روحي من هل شي

طلعنا خارج المكتب الضو دخل بعيوني انرج دماغي من الضو كملنا مشي كلشي ساكن وهادئ بس صوت خطواتي الثكيلة من الزناجيل الي مجلبينها برجليَّ تحك الكاع تصدر صوت يخترق الصمت مثل السجانين

دخلنا لغرفة الصقعات بقيت ساكت احس جسمي محتاج هل شي التفت الدكتور لقيسر ابتسم وهو يعدل المناظر

الدكتور: كلت الك العلاج يفيدة ساكن غير عن كل مرة ما عاند اطورت حالتة من أول خطوة

باوعلي قيسر تنفس بعمق يباوع بعيوني يحاول يقرأ أي أثر بس ما شاف شي غير الفراغ حجيت بصوت مبحوح من الصمت نسيت حتى شلون احجي

أيهم: جم مرة؟

الدكتور: نرفع المستوى يساعدك تتذكر حدودك

أيهم: انتو كسرتو كل حدودي والي ما عندة حدود يصرف بتهور والتهور يجرف المجزرى مثل الكتل والذبح أو اساليب ثانية راح اجربها بيكم

باوع لقيسر هز راسة

الدكتور: بعده على عنادة لا تلومني من اتصرف بطريقتي

باوعلي بلع ريك حجه بوهن وتوتر

قيسر: أيهم الي دا يصير لصالحك
7

ثبتت بمكاني على صوتة الاكرهة جروني للسرير بقوى وكفت جدامة بعدهم لازميني باوعت بعيونة

أيهم: تعرف شنو الفرق بينك وبينهم؟ هم اعدائي بس انتَ بيوم جنت اخوية الاستند عليه جنت سندي

الدكتور: ماااا بيدنااا وكت شدو لا تلتهون بالكلام مع واحد مريض
2

طلع قيسر انسد الباب صوت براسي ثكيل حكم نهائي صوت الجهاز يرن براسي كأنما يهمس بالموت بنص سرير من حديد فوكاي قيود مربوطة بسلاسل الجهاز بي شرارة حارة تغير حياة أي شخص للأبد حتى لو جان صاحي ومابي شي راح يتأذة وينجرف للجنون غصباً عنه
14

دخل قيسر باوع للدكتور

قيسر: هل مرة شكد؟

رفع السجل بيده يكلب الاوراق يقرأ وصفة طبية مو حكم للعذاب الأنا بي

الدكتور: اليوم راح نجرب عشر نبضات بجهد أعلى شوية نكسر جزء من عنادة

قيسر: صابر؟

الدكتور: اشاقة هههه
5

تكرب قيسر باوع للجهاز أخذ نفس زفرة بتعب أول مرة لزمني حتى يحميني وهسه بيديه يدفعني للموت

صرخت صرخة فززت الميتين من كبورهم وأنا احس بالكهرباء تمشي ع كل جسمي تحرك دمي حرك تركوني بعد عشر صقعات ويمكن أكثر ما اذكر بالظبط شكد بقيت ع سرير الحديد بارد ظهري يلامس المعدن القاسي البرودة تخترق جسمي بس ارحم من البرود الصار بداخلي
1

الدكتور: ثبتوه زين اليوم راح نرفع الجرعة شوية

الدكاترة يتحركون بسرعة كل واحد يعرف شغلة عبالك ما يتعاملون مع انسان يحسون بيديهم تجربة ميكانيكية لازم يسيطرون عليها وحوش على هيئة بشر
1

حسيت واحد منهم لزم معصم ايدي يلف احزام اسود على جلدي مشدود تقرب هو نفسة الدكتور خلة اقطاب الكهرباء على صدري أخذ روحي واخر نفس اتنفسة تنفست بطئ نظراتي ميتة بالدنيا كلها

جسمي يرتعش بقوى كل خلية بي تحترك مع دمي
الوجع صار اقوى واعمق عقلي تلف ذاكرتي اختفت
عيوني نصها انسدت من حالها صدري يعلى وينخفض بطئ روحي تنسلب مني على صوت الجهاز يرن براسي يضرب عقلي يرجة من مكانة

صرخ بصوت هز اركان الغرفة ركض عليَّ دفع الدكتور بقوى حتى يفصل الجهاز عيونة واضح بيهن الرعب اصابعة ترجف صدرة يصعد ويهبط بسرعة جان خايف عليَّ هه
3

قيسر: وكـــــــــف الجـهاز راااااااح يتوكـــف نبضة
18

تراجع الدكتور يعدل نظاراتة باوع لقيسر بنظرة باردة كأنة يشوف طفى فقد اعصابة تنهد اشر للدكاترة

الدكتور: افصلو الأقطاب
5

تحركو بسرعة طفو الجهاز الصعق وكف عن جسمي بس جسدي بعده يرتعش انفاسي ثكيلة عيوني مفتوحة ع نص بدون روح دنك عليَّ فتح الحزام من ايدية
10

قيسر: أيهم تسمعني؟
4

ما كدرت احجي اشم هوا بكل قوتي اسحب نفس اريد املي ريتي بهوا نضيف

قيسر: باوعلي أيهم
10

باوعتلة احس جفوني نزلن ع عيوني غوشنهن بلع ريكة يحاول يسيطر على رجفتة خلة ايده على جبيني يتحسس حرارتي عضلات جبيني متشنجة مسح على صدري بحركة خفيفة كأنو يحاول يعيد
نبضي للوضع الطبيعي
10

قيسر: هدي هدي أيهم حاول تأخذ نفس شوية شوية
7

رفع راسي اخذت نفس بهدوء حسيت هستوني عشت واشتميت هوا
2

قيسر: راح تخلص واطلعك منا مو بسببي والله أنا مجبور لا يطلعني منا ويخليك بيديهم بس راح اخلصك
8

حجه اخر كلمة بتوتر بنفسه ما مصدك هل كلام

دخل الدكتور رجعني لمكاني قيسر بأهمال ولا عبالك هو نفسة الجان خايف عليَّ

باوعلي الدكتور انحنى الي كل كلمة حجاها دخلت للفراغ الي بعقلي

الدكتور: تحس بهل رجفة؟ هذا عقلك يحاول يقاوم بس ليش يقاوم

حركت عيوني بطئ كمل كلامة اهدأ يهمس الحقيقة بعقلي بس جنت رافضها واتجنب كلامة بس مو بيدي الصار اقوى مني وضعفت بس مو بسهولة

الدكتور: تحس بشي غلط صح؟ انتَ مو طبيعي تحس العالم كلها ضدك لأنك مريض لازم تتعالج
ليش ما تفكر شلون اخوك خلاك هنا؟ عقلك مشوش من المرض مغطي عليه

أيهم: أنا مو مو مر مريض

غمضت اقوى اطرد هل افكار وكلامة من راسي


اقنع نفسي أنا طبيعي بس ما مصدك روحي احس كلامة صح بس معاند

الدكتور: مو لازم تقاوم المرض مو عيب بس اذا رفضت العلاج؟ وكتها انتَ الي راح تأذي نفسك وناسك

طلع من الغرفة حضني قيسر خلة راسي ع صدرة طبطب على جتفي عصرة بيده

قيسر: اخذ حقك منهم راح يبجون دم

أيهم: طـ طلعني مـ منا

قيسر: مو بهل سهولة أنا لو بيدي من هل ساعة اطلعك منا ولا ابقيك بهل قذارة

أيهم: شاهر

قيسر: انتظر طلعتك وكتها يصير خير وياه

باوع للباب دنك عليَّ همس بسرعة

قيسر: راح نطلع منا بأسرع وكت لا تصدك كلامهم انتَ واعي كلشي ما بيك هم المريضين

أيهم: لا تخليني هنا وتروح
1

قيسر: لا أنا سويت كل هذا حتى ابقى يمك ما اتركك دخولك لهنا مو بكيفي لو ولا بيدي لا تضن بيوم أنا اذبكم بالهلاك بس اكو الاقوى مني توسلت بي ابقى بهذا المصح قنع لخاطر ضحى الي تمرضت
2

بعد كل هذا الصار ايام وليالي أنا اتعالج بهل شكل غير عن المرضى الي اشوفهم عادي مابيهم شي ولا يتعالجون وياي بهل طريقة

رجعوني للجناح الأنا بي مر الوكت ماكو أحد بس أنا قيسر اختفى ماهو باوعت للحيطان كمت من السرير غرزت اضافري بالحايط تشخطن الدم طلع منهن مسحت الدم بيدي تلطخت كلها انفتح الباب اندفع شخص للداخل طاح بالكاع قفلو الباب وراحو عيوني تثبتت على هل شخص يتلوة بمكانة لازم رجلة بقى لدقائق نهض باوعلي ضحك رجع شعره لورا

جواد: معاك خبل جديد بالساحة تستقبلني ضيف عندك لا
13

أيهم: لا
1

جواد: شني مصح الخلفك
14

أيهم: يمكن أي ليش لا
1

حك شعره بتوتر

أيهم: مكمل حتى بس تحك لعبت نفسي من قذارتك
1

جواد: شني هاي انتَ شبيك حامي عليَّ ما صارلي دقائق يمك
3

ما جاوبتة كعدت على سرير اباوع للحايط شلون مشخط من اضافري كعد بعيد عني
1

جواد: ايديك دم

أيهم: شكد تلغي؟
1

جواد: انتَ شسمك وليش محبوس هنا
1

أيهم: اسمي خرا لا تدخل
1

جواد: تشرفنا بيك يا خرا
13

ضحكت غصباً عني اشو هذا كمز يمي رفع حاجبة مسح ع ذقنة

جواد: بروح اهلك احجي ليش انتَ هنا

أيهم: ابوية جابني لهنا
3

جواد: دشوووووف الصدفة أنا عمامي جابوني لهنا

أيهم: ليش

جواد: طكيت الجيلات بكلب اربعة من عمامي

أيهم: انتَ هندي لو ستهندي؟

جواد: شني هندي أنا بصراوي عمي چا شني ما تعرفنا
3

أيهم: چا شجابك لهنا

جواد: شميعة بـ... عمامي هم ذبوني هنا

أيهم: شميعة شني

جواد: تركت الكلام كلة وركزت ع شميعة
2

أيهم: انلصم عزيزي

سكت يباوع للحايط

أيهم: بحلكك حجي؟

جواد: لا

أيهم: احجي شني سالفتك

جواد: سالفتي ما تسولف بين العربان ولجلها أنا هنا

أيهم: كمل

جواد: كتلت عمامي الاربعة بيدي

أيهم: ليش

باوعلي عيونة خبط بياضهن صارن حمر دم

جواد: ابوية شهيد عندي امي والمحروسة كاعدين بيت عمي الشيخ (...) كلنا هم ثمن عمام عندي وكلنا بهل بيت أنا اشتغل لباخ اطلع من الستة الصبح للعشرة بالليل سوالف النسوان الما تخلص صارت حزة بين المحروسة وبنات عمامي كلت اجمع جم فلس ونطلع بس عمي ما قبل وأنا اصريت لجل راحت اختي جنت اشوفها تشتغل هنا وهنا وحدها حتى للحاوي تطلع وحدها من الفجر واسكت اكول بقت أيام قليلة بيوم وليلة والكة أهل السلف واكفين يناطرون عمامي ادفع بيهم حتى اشوف شكو بهل زحمة

أيهم: أول صدمة بحياتك؟ تتعود كمل كلامك

جواد: نحرو اختي بحجة غسل العار راحت وعيونها بالكاع بدون ما افهم شني سالفتهم مرت أيام وانا اخذت حك دمها هدرت اربع زلم منهم تاهمينها أحد داخل عليها وهي بالحاوي وشايفينها هناك عذرهم اقبح من افعالهم
10

أيهم: وامك؟

جواد: ماتت

أيهم: ماتت؟ وهم بقو بديارهم؟

جواد: أي صبحت هي ميتة من القهر ورا دفنتها بأسبوع جابوني لهنا معرف منو مدليهم على هل مكان
6

أيهم: شكد صارلك هنا

جواد: سنة ونص جنت بالطابق الأعلى بس صارت مشكلة عدهم بالتعداد ونزلوني لهنا

أيهم: شلون تعرف الوكت

جواد: من المساعد بالسجلات

أيهم: اها

جواد: وجعا

أيهم: بكلب شاهر

جواد: منو شاهر

أيهم: ابوية

جواد: قدي

سكتت بس هو هيهات يسكت

جواد: اكللك انتَ شسمك

أيهم: أيهم

جواد: حلو عكس اخلاقك

أيهم: خوش

جواد: منو جابك هنا

أيهم: شاهر

جواد: يا طلابة شاهر الما تخلص وليش

أيهم: ما يريدني

جواد: سودة بوجه خلف أنا اريدك
5

أيهم: مني خلف؟

جواد: عمي عمت عينه وجت زردومة

أيهم: اسم عمك يذكرني بالـ...

جواد: ما عندك سطوب بالكلام
1

أيهم: لا

جواد: انتَ شكد عمرك

أيهم: هسه؟

جواد: لا كبل عمي شبيك

أيهم: .......
7

جواد: بعدك صغير وينك وين هل أماكن

أيهم: شكد تلغي خايب بس انجعم مرة وحده

جواد: أنا عمري اذا الله ومحمد وعلي والحسين ما جذبوني ستة وعشرين
16

أيهم: بقت على الحسن

جواد: حشاهم نمس اساميهم بقذارتنا

أيهم: المجانين برا ونحنا ندفع الضريبة
2

جواد: ومنو كاللك ما يجي يوم هم يدخلون هنا ونحنا برا؟ الا اكللك انتَ منو دكتورك

أيهم: صابر

جواد: عرضة دايح ابن الكلب مسوي روحة دكتور

أيهم: علاجك عندة؟

جواد: لا عند دكتور قيسر بس عندة ولد صغير يتعالج عنده مشوفة الـ... بعينة
1

أيهم: شلون تعامل دكتور قيسر وياك؟

جواد: ينطي طاقة إيجابية ما تشوف بعدني عاقل بس شخطت من الحبسة بهل مكان
20

أيهم: اها

جواد: شنو ناوي تسوي أول ما تطلع؟

أيهم: ليش منو كاللك راح اطلع؟

جواد: الدكتور قيسر كال محد ما راح يبقى هنا

أيهم: هه شني مسويلنا تحديد للكل

جواد: جؤ قصدة الدنيا ادور

أيهم: الدنيا ادور حتى ع طيور

جواد: شكد تافة
2

أيهم: اووو من زمان

جواد: بس والله كلامك مو كلام مخابيل

أيهم: أنا اعقل مجنون
19

جواد: صح

أيهم: هو اكو هنا مخابيل غيرنا

تربع جدامي حجه بسرعة وهو يعدل شعره

جواد: ول يا ربك فوك اكو جناح خاص بيهم هذولة حالتهم فرد مره ما يفيد وياهم حتى العلاج مرة دخلو علينا واحد يركض ورا الدكتور ما مكلبشينة يكمز عليهم يصفك معرف شيسوي يابة أنا خرطت سروالي برجليَّ من الخوف لزم الدكتور يخض بي ويصرخ فرحان
15

أيهم: دخلو يكمل فرحتة

جواد: شكلة بشع خطية

أيهم: من التعذيب

جواد: هنا سجن هذا المكان حتى الي براسة عقل يطير

قرب عليَّ حجه بخفوت صوتة اشبه بالهمس

جواد: اي شي يحجونة هنا لا تصدكهم اسمك وعمرك احفظهن على كلبك هل ثنين لا تفرط بيهن

كلماتة يرنن بأذني صار اخ مو صديق كلشي احجيلة وهو يسمعلي أكبر مني فاهمني حتى بكلامي تعودت عليه صار جزء مني اخفف من تعبي بكلامة بس شكلها الدنيا تريدني ابقى متعوب
2

بيوم حسيت بنفس حار بظهري وشة قوية صارت بأذني التفتت بخوف ماكو شي بس الحايط موجود والجرباية الصغيرة اندفع الباب دخلو مثل كل مرة يأخذوني بقوى تركتهم ما قاومت لأن ما يفيد شدوني بالسرير وبدأ عذابي جسمي نمل حيلي يرجف اشوف الوان بعيوني ما مفهومة ولا اعرفها شنو شالو القطاب مني احجي وياهم ما يردون عليَّ تعبت سكتت عن كلشي

اندفر الباب دخل هو مثل العاصفة يصرخ على الدكتور يصرخ بوجه احس بيهم واشوفهم بس ما اكدر احجي ولا احرك ايدي

قيسر: منووووو سمحللللك ادخلة لهناااا انااا كلت كاااافي بعد ما يدخل لهناااا هذااا تعذبيب مو علاج
3

الدكتور: انتَ راح تجبره ما يصحى خلي نكمل العلاج وصلنا للنهاية
2

قيسر: مو على كيييييفك اكوووو هناااا جهات عُلية ورقابة دامة بالمصح غصباً عندك توكف هل مهزلة

الدكتور: انتَ من دخلت اخوك لهنا تعرف الراح يصيرلة هذا علاج يخضع اله لا انتَ ولا أحد يكدر يوكفة

ترك ايدي ركض علية زنكة من اجتافة عيونة دم حجه بفحيح

قيسر: أنا لاحظت شي غريب الرقابة ما تتكرب يمك ولا تكول هذا الرطن شجاي يسوي ليش حالة أيهم تختلف عن بعض المرضى انتَ منو سأندك منين مسنود؟ احجي لا امددك بمكانة
1

بلع ريك الدكتور يتلفت بخوف حاول يهدي وهو يبعد ايدين قيسر عنه بس ما تركتة

الدكتور: دكتور قيسر اهدا الأمور ما تنحل بهل همجية اخوك حالتة صعبة أكيد محد ما راح يمنعني من علاجة أنا اقدملة شي يخلي يصحى ويوعة على عقلة
2

زنكة اقوى من الكبلها حجه بحده

قيسر: اروح ارجع ما شفت دكتور مشرف على حالتة غيرك تريد احاكمك باللتي هي احسن لو امددك بمكانة واخليك تفقد عقلك؟

ركضو عليه الدكاترة يفاككون بيناتهم دفعة قيسر ارتد صابر لورا ساعدني اكوم من مكاني فرك ظهري حتى يمشي الدم بجسمي اذا تركز الدم بموقع واحد راح انشل

قيسر: راااااح تدفع الثمن غااااالي انتَ والي مساندينك هذا وعد مني

باوعت للدكتور عرفت الي دازة عليَّ شاهر صفقت ربح اذا أنا متت بالمصح راح يخلص مني للأبد
....
9

خلة راسة على كتفي فاتحة عيوني ع وسعهن بدون طاقة معرف شلون اواسية ولا احجي كلمة وحده تخفف عن الي بكلبة ما جبرتة يكمل خلي على راحتة يحجي اختنك بحضني يريد يتنفس ما يكدر ضربتة ع ظهره ماكو لا حس ولا نفس فقد الوعي خليتة ع كاع انفة ينزف الدم ينزل على قميصة خليت جوه مخدة ذبيت الشال امسح الدم جسمة صار بارد حركت ايدية بيدي ما يفيد
7

اصيح بأسمة ما يرد كمت من مكاني نزلت بسرعة دخلت بهدوء للصالة انهد مسحت وجهي كلهم كاعدين

حور: قيسر أيهم يصيحك

قيسر: خلي يولي هسه هو ينزل

حور: معرف شعنده يحجي مع كاظم كال قيسر يكضيها

كام من مكانة هز ايده

قيسر: شوف شذب براسي انوب

طلع قَبلي ردت اطلع حجت عمة ضحى

ضحى: يمة صحيحي هل عار دا يجيبلي العلاج

حور: هسه اصيحة عمة

طلعت ورا قيسر بعدنا ع درج باوعلي هز راسة

حور: انغمى عليه وانفة نزف دم

صعد بسرعة صعدت ورا دخلنا للغرفة رفعة ع جرباية تنهد بضجر مسح الدم من وجه باوعلي حجه بخفوت ممزوج بعصبية

قيسر: حالتة ما تسوء لهل درجة الا اذا تذكر شي حجيتي وياه شي يخصة؟
2

حور: لا بس سألتة عن هل ورقة وحجالي عن المصح شوية واغمى عليه

قيسر: حجالج؟

حور: أي

قيسر: حور لا تضغطين عليه خلي براحتة

حور: لا والله...

قيسر: اعرف اعرف انتِ شنو بس أي شي تشوفي اسألي هو راح يجاوبج بس حاولي بنص الكلام تخلينة يسكت مو يندمج

حور: ليش

قيسر: لأن هو ما دا يتعالج هو يحجيلج عن الي مضوجة وراح تزيد حالتة لا نكدر نوكفة عن الكلام ولا نخلي يكمل كلامة بس الاحسن نقاطعة هو يكمل كلامة ع نص

حور: يعني اذا بقى يحجي راح تدهور حالتة؟

قيسر: مو شرط بس أكيد ما راح يرتاح من يذكر
جسمة يرد بطريقة اقوى لأن ما يعالج نفسة بس يفتح جروحة مثل كل مرة

حور: والله ما عبالي راح يطيح

قيسر: مو بسببج

باوعتلة هزيت راسي

قيسر: ابقي وياه أنا طالع هسه يصحى عادي تصرفي طبيعي ترا ماكو شي يخوف واذا ما تكدرين كولي حتى ابقى وياه بس ما اريده يشوفنا سوا حتى ما يحس بروحة ضعيف

حور: لا عادي أني ابقى وياه تكدر تأخذ راحتك متعودة ع حالتة

قيسر: حور أي شي يصير بس صيحيلي

حور: أن شاء الله

طلع هو كعدت بقربة كمت من مكاني غطيتة اخذت الورقة رجعتها بالسترة بالي راح بعيد من كلامة شلون تحمل كل هذا العذاب أبو اخو امة زوجتة عمة ابن عمة وابوية؟ ليش هيج صار وياه وبدون ذنب صدك بكلامة من كال وحوش على هيئة بشر

رفع راسة يضرب بيده ع فراش كعدت وياه لزمت ايده فكيت اصابعة العاوجهن بطريقة تقمت الكلب فتحت دكم قميصة رفعت راسة بالمخاد فتح عيونة غمض بسرعة طبطبت على خده بهدوء بقى يفتح ويغمض

حور: أيهم

فتح عيونة لوحتلة بيدي ضغط على عيونة مسدت على راسة تنهد بتعب حجه بتمتة

أيهم: هم طحت

حور: لا بس سمعت بيها اريد اروح للسوك وسويت نفسك طحت ودراما مالها معنى

أيهم: راح اموت

حور: لا أيهم عفية

أيهم: خايفة عليَّ؟

حور: لا بس منو يوديني للسوك؟

ضحك بخفة لزم جهة كلبة مبين ما يشاقة الوضع جدي بس حاولت اتلافة الصار شبكت ايدي بيده

حور: هسه نروح لو تنام لو تثولها عليَّ لو نتخارب ولا شلون؟

أيهم: ولج حور ولي من وجهي لا اكضي بيج التوبة انتِ والسوك

حور: اكللك أبو جلطة ليش ما انعوج حلكك؟
4

أيهم: راح انجلط لا تخافين على ايدج

حور: عود صدك أيهم وحلكك ينعوج وكذا عفية سويها اريد اشوف شلون تصير
9

باوعلي بوجع

أيهم: حور بابا تحجين صدك لو تشاقين؟

حور: لا والله أيهم دائماً اسمع الناس تنجلط بس ما اشوف حلكهم ينعوج عفية بس مرة وارجع كلشي ما بيك شكلت
7

أيهم: اللهم تجلطها و تخلصني منها

حور: توقعت الدعاء من الكل بس مو منك
17

أيهم: مو تريدين حلكج الاعوج ينعوج؟

حور: بصراحة يعني فكرت بيها بس ما عجبني الأمر لهذا لا تنجلط الأمر كُلش كُلش عادي

نهض من مكانة جرني من شعري بلعت ريك هزني بيده باوعتلة ابتسمت اريد احجي سبقني بالكلام
16

أيهم: فكرتي بيها؟
9

حور: أي وشسمة ما عجبني الأمر
6

أيهم: اللهي لا يعجبج

حضني جوه ايده فلتت نفسي منه جريت الكرسي بس ما كعدت سندت نفسي عليه باوعلي هز ايده ما يفيد
68

حور: باوع خلي احجيلك عن السوك مكان لو تموت من الجوع ما تدخلة زحمة حارة صوت البياعة يصيحون بكل الاتجاهات ماكو مجال تمشي متر بدون ما أحد ينضرب بيك
5

رفع حاجبة شبه ابتسامة انرسمت على وجه

أيهم: كبل شوية تريدين تروحين اله؟

حركت ايدي بلا مبالاة نفخت بملل

حور: أي بس مو معناتها احبه..تكدر تعتبرة عذاب
رسمي بس بنفس الوقت بي طاقة إيجابية غريبة وحلوة تحسة مكان عايش مليان ناس وحياة ثانية كل واحد راكض على رزقة بنفس الوقت لو تشتري شي وتنسى تفاصيلة تحس نفسك انسرقت رسمي

باوعلي كاتم ضحكتة

أيهم: الحمدلله والشكر تشكين منهم يبالغون بالأسعار؟

اخذني الواهس صفكت بيدي باوعتلة بسرعة

حور: مو اشك متأكدة اذكر من جنت صغيرة شمس تأخذني للسوك حتى اشتري وياها مخضر بس هل مرة طلعت وحدي عود اني مثلها احاسب واكاتب واني كلشي معرف أيهم صافنة بالوجوه تفشلت من نفسي انتظرها تجيني بس ما اجت قويت كلبي ورحت اشتري طماطة اريد كم كيلو حتى نسيت امي شكد وصتني حسبالي حساب بسيط طلع الرجال رايد يبيعلي سعر الكيلو يوصلني للقمر
11

تمدد بمكانة يضحك غمني بيده

أيهم: وليدي فاهي من يوم يومة

حور: عاد أني وكفت بمكاني وعليت راسي بشموخ وبكل ثقة كلت اله

سكتت قربة منه كأنما سر خطير من اذكر احس اتفشل حتى من نفسي همست اله بخفة

حور: والله عمو غالي بس يلا يلا عادي اخذت منه الطماطة خليت الفلوس هن الفلوس معرف شكد بس خمسة وعشرين واخذت عشرة من الكونتر خمطتهن اخاف احتاج شي بالسوك بس ما احتاجيت خليت كل فلوسي بيده مشيت وتركتة حسيت نفسي بطلة دخلت لمعركة وحررتها
7

حجه مثل نبرة صوتي بهمس

أيهم: عفية وليدي السبع كمل

حور: بيتنا قريب من السوك بس تفتح الباب شارع لكدام يدخلك للسوك بنص الطريق واشوف بزونة سودة تركض وراي فلتت العلاكة مني وطكيتها بركضة طحت بالسيان اريد امسح وجهي توصخن ملابسي كعدت ع رصيف ابجي طلعت شمس كانت خايفة عليَّ معرف شبيها بس تشوفني ابجي تحقق الف تحقيق وتالي؟ رجعت للبيت ايد ورا و ايد كدام لا فلوس ولا طماطة
6

أيهم: وانكتلتي؟

حور: لا

أيهم: وتالي شصار

حور: اشاورك

أيهم: أي

شاورتة احجي

حور: سبحتني شمس خلتني بفراشي راحت جابت طماطة بدون ما امي تعرف واجت ركض حتى بيدها حلويات الي بس محد ما عرف

أيهم: عفية لا أحد يسمعج

حور: لالا محد ما يعرف بس انتَ لا تحجي
12

أيهم: لا ما احجي

ابتعدت عنه لويت شعري

حور: يلا أيهم للسوك وبدون نقاش رجاءً رجاءً

أيهم: يلا كومي

حور: ولا اكللك لالا ما اروح

أيهم: مو راح اكوم اجيبج براجدي الا اوصلج للسوك

حور: أول شي اهدأ رجاءً بدون ازعاج ثاني شي الدنيا صارت ليل وبعد ما تسوا الطلعة خليها غير مرة

أيهم: بأجر عندي دوام ما ارجع لثاني يوم وشغل الا راسي اذا فكيتي حلكج وكلتي سوك وما سوك الا اسوك السوط على ظهرج

حور: سوك وما سوك

كمز عليَّ كمزت ورا القنفات حجيت بسرعة واني اشرلة

حور: خلي نحجي بهدوء هذا تصرف غير لايق بيك رجاءً

أيهم: .... عرضج احجي عدل لعبت نفسي من التمطك

حور: احتتتترم نفسك عيب عليك والله ما تستحي على روحك

أيهم: ولججج تعاليييي انتِ اذا ما تنضبين ما ترتاحين اناااااا اعرفج

حور: لا تعصبني ترا اشيل القنفات واخرب الدنيا من اتعصب اتعصب وما اشوف دربي

أيهم: ....... حتى بالحلم ما اكدر اتخيلج بهل شجاعة

حور: ابقى احجي هيج انسان مزعج متصلب غير منطقي

أيهم: والله من دنعل أبوج لابو الازعاج

راد يتقرب عطت بسرعة

حور: ابقى بمكانننك رجاءً لا تتقرب

أيهم: احجي عدل لا تتموعين تحجين بالمكلوب؟

حور: هووو شلون احجي وياك وتستوعب؟

أيهم: أنا ما استوعب؟

تقرب الي يمشي براحة ابتعدت لورا

أيهم: شبيج فزيتي بعدني ما مطيت السوط

حور: اذااااا تمد ايدك اشيييل القنفات واحذفهن عليك وحدة وحدة

أيهم: اسحلج؟

حور: ترا اشوفك نجوم الظهر افتهمت لا تعصبنييي

أيهم: عمي ما معصبينج جنج كملة تكمز بالشعر
13

لزمني ركضت من ايده خلة ايدية ع خصرة

أيهم: يابة بنت الحلو ما تعبتي؟

حور: يعني بابا حلو نسيت ملامحة؟

أيهم: تعالي تعالي

كمزت ع قنفة هزيت راسي لا

حور: لا تتقرب اجوك خلي عندك شرف الفرسان

أيهم: شرف الفرسان؟ لا يا حبيبي أنا صياد وحصلت فريستي
3

حور: صادوك بصندوك
1

أيهم: حوري وليدي تعرفين بهاي وكفتج ذكرتيني بشنو؟

حور: شنو؟

أيهم: البزون المحلي

حور: أيهم بزون شنو؟ أني نمر

أيهم: نمر؟

حور: تستهزء؟ حظرتك

أيهم: النمر شجاع

فتحت عيوني رفعت حاجبي

حور: لا تخليني افترسك

أيهم: والله علواه أنا كايل لا
2

حور: لا والله احسك تستهزء؟

أيهم: راح اطيحين بنت الكلب انزلي

حور: ماكو نمر يطيح و.....

ما كملت كلامي طحت من القنفة ع كاع كعدت ابجي راسي انفطر من طبت الكاع كعد يمي خلة ايده جوه حنكة
6

أيهم: طاح النمر
15

حور: كلها منك حسبي الله ونعم الوكيل عليك
1

أيهم: نصحتج لو لا؟ يا بربوك الزمي كاعج واكعدي راحة سوالف الشياطين عليمن اطبقيهن؟

حور: هي القنفة معرف شبيها اني شعلية
7

أيهم: دكومي من وجهي لا ادفرج دفرة اطلعج من الشباك

كمت من مكاني عدلت شعري بس راسي يوجعني طلعت الضحكة مني

حور: دروح أبو جلطة كل يوم يومين مجلوط

أيهم: دمشي امشي ام النمر

هز ايده غميت نفسي من الفشلة وين اكو نمر يطيح من القنفة
2

أخذ ملابسة دخل للحمام يسبح هزيت ايدي شكد يسبح لبست الصاية عدلت الجرباية اخذت الغطى بسرعة مليان دم خليتة بالكنتور من يطلع من الغرفة اغسلة ما اريده يحس على هل شي
4

غيرت فراش الجرباية فتحت الشباك اجاني صوتة

أيهم: لا تتكربين ع شباك ارجعي لمكانج

حور: بس فتحتة

أيهم: ميخالف مرة الثانية لا تتكربين عليه

حور: أي

أيهم: تنزلين جوه؟

حور: أي حتى اشوف ليث والبنات خطية تعبو باربي هواي

أيهم: لا تلبسين هذا الحجاب يلعب النفس عندج غيرة البسي

حور: لا عادي هذا احلى

أيهم: ول يابة اكللج يلعب النفس ما تصدكين بكلامي عبالج أنا اجذب

حور: لا ما تكذب بس احبه

أيهم: مو عندج هواي؟

حور: أي هسه اغيرة عليمن تنتر

فتحت الكنتور غيرتة ولو ارتاح بي والله حلو بس اعرفة كذاب وخبيث

أيهم: اكول حور

حور: ها

أيهم: شو تعالي

تقربت اله كعد ع جرباية اشرلي اكعد وياه كعدت شغل الجكارة لزم ايدي حجه بهدوء

أيهم: اسألج سؤال وأريد منج جواب صحيح ها وليدي

حور: تمام

أيهم: نجود

حور: شبيها

أيهم: دسمعي يا بوية..انتِ دائماً وياها هي أول مرة خابرت هل منبوش لو ثاني وثالث مرة؟

حور: أول مرة توعدني لا تعصب ولا تضربها

أيهم: هلا يابة هلا احتركت روحك شاه‍ر

حور: هسه شبيك؟ أي كانت تخابرة بس كلامهم شريف والله والله شريف حتى هو حباب هواي والله بس يطمن عليها

أيهم: كلامهم شريف؟

حور: الله شاهد عليَّ يخبل مازن كلامة يجنن هواي

جرني من ذراعي عضيت شفتي بتوتر

حور: كلامهم شريف وداعتك هي تحبة وهو يحبها

أيهم: منين جابت رقمة؟

حور: بطنننيييييي توجعنييي

أيهم: منين جابت رقمة؟

حور: والله والله

أيهم: وجع الله احجي؟

اخذت نفس زفرتة بخوف

حور: مو هي هو الي راسلها ع واتساب وبعدها انطاها رقمة وبس

أيهم: كملي؟ شنو جانو يحجون

حور: والله معرف بس مرة سمعتهم يطمن عليها ويحاول يقنعك تنطيها اله وبس والله

أيهم: وكاظم؟

حسيت كلبي انقمت شحجي شكول معرف

حور: شبي

أيهم: هم يخابر حلا؟

حور: لا أيهم أصلاً صديقك ما يستحي على نفسة بس حلا عاقلة ما عدها هل سوالف مرة خابرها وهي كسرت الشريحة ومن سألتها كالت خلطت ولازم اصلح هل غلط وتركت صاحبك أساساً هي ما معبرة أحد لا تشوفها بس لسان وتحجي هواي اما بالواقع تخاف من هاي السوالف ونجود طفلة وغلطت كلنا نغلط ونعترف بهل شي بس مو معناها توكف بوجها اعرف الي يدور ابالك هسه

ترك ايدي بحيرة

أيهم: والله كلت ما انطيها واخلي بنارة وحتى هل .... ثنينهم طكطكت ضلوعهم وما ارتاح كلبي خربت شغلهم واحس النار واجة بكلبي منهم وعليهم

حور: أيهم ما تسوا والله

قاطعني بصوتة الحاد

أيهم: لا حور خاصتاً هل شغلة تسوا سلف كامل مو مجرد كلام أنا معتبرهم اخواني وهم يروحون يخابرون خواتي اعرفهم يريدونهن بالحلال بس هذا مو مبرر هذا يسمونة الغدر هسه أنا شسوي وياهن احجي مع اخوهن الجبير ايده والضرب اعرفة احجي مع اخوهن الصغير راح يدمرهن تعلميني بيهم وأنا شحجي وياهن وهن مراهقات اذا اضربهن راح يعاندن ويحسن بنقص بروحهن من تكبرين راح تعرفين معنى كلامي شنو اقصد بي الشرف غالي مو ياهو الجان يقبل عرضة ينمس بقذارة
1

حور: لا بالعكس أني فاهمة كلامك بس مو كلشي ينحل بهل عصبية بس أيهم هم ثنينهم خطبوهن منك لأن الكل يعرف انتَ المسؤول عنهن ليش ما توافق

أيهم: خايف

حور: من شنو؟

أيهم: ما اريدهن يرجعن الي مكسورات الخاطر أنا خاطري مكسور وخاطر الاحبة مكسور ما اكدر اشوفهن يتعاقبن بذنبي

حور: والله ما فهمت شي أيهم شنو يتعاقبن؟

أيهم: بعدين افهمج

حور: وافق عليهم انتَ مو تكول أنا اعرفهم؟

أيهم: اعرفهم أي بس

حور: بس شنو؟

أيهم: بس هذا بالأنبار وهذا الثاني مشيطن

حور: أيهم

باوعلي نزل راسة نزلت راسي اله قلصت عيوني

حور: تغار عليهن؟

أيهم: لاااا يابة على شني اغار هذا نصيب كل بنية
4

حور: ممم حلو لعد وافق

أيهم: شنييييييييي اوافق هل هتلية يأخذون ورداتي
33

حور: ها شكلنا؟

أيهم: أنا ما اغار عليهن لا بس اكول يعني بعدهن صغار
3

حور: صغار؟ ترا ثنينهن بالجامعات لا توكف بمستقبلهن حرام عليك تصير اناني بس لأن تريدهن يمك تخرب عليهن كلشي ونوب تكللهن ورداتي وانتَ تذبل بيهن

أيهم: وهذاااااااا الثاللللث شبيهم نجلبو جلب

حور: منو؟

أيهم: عقيل
8

حور: شبي؟

أيهم: يريد عهد

حور: يا والله

أيهم: أي

حور: ما اضن عهد توافق

أيهم: بعد احسن بس هذا اخوج العار
11

حور: ياربي شبي؟

أيهم: يريد يأسمين
3

حور: رصار؟
2

أيهم: لا عسكر
7

حور: درا بيها ورايدها لو يضحك ع عالم خلي يكون كد كلامة

جرني من خصري ضحك بخفة

أيهم: جان هسه تكونين مع اخوج مو مع الغريبة

حور: جؤ هذن خواتي ما غريبات اما هذولة صحبانك هم الغريبين

أيهم: حياية تنسن السم بيناتجن

حور: يا يا دباوع يا ربي

أيهم: ابوسج ابوسج منين متعلمة هل جملة؟

حور: والله حجيتها على نيتي

أيهم: افديها للنية يابة

حور: شنو أيهم صرت ما تستحي؟

أيهم: لا خليها غير وكت اريد شرشر بحضني

حور: ليش شمس وقمر شبيهن

خلة راسة على كتفي

أيهم: اريدها نسخة منج بكلشي بكلشي من الاضفر للنبرة

حور: يعني تتمنى؟

أيهم: لا توازيني الشيطان شاطر

دفعتة من صدرة بخوف وهو يضحك

حور: الشيطان متبغي منك
4

أيهم: لا تعالي احجيلج شي قديم

حور: اتتتتتركنيييييي

أيهم: انكرصت البربوك يابة

كرصني من زندي دفعتة كمت من مكاني خزرتة افرك زندي

أيهم: بنت الكلب عليمن تخزرين

حور: مو عليك ع كاع

كام من مكانة عدل نفسة فتح باب كنتوري يدرو حجابات حتى اغير الثاني تنهدت بملل ذب الحجابات ع جرباية اشرلي بيده يحجي بجدية

أيهم: بأجر نراجع الدكتورة

حور: دكتورة شنو؟

أيهم: اريد أخذ فحوصات كاملة

حور: الك؟

أيهم: جؤ الج

حور: ليش شبي اني
3

أيهم: مابيج شي بس اريد اطمن

حور: ما اروح ما احب ريحة المستشفى اختنك منها

أيهم: همم براحتج بس تحظري بالثلاثة وربع نطلع

ذب الحجاب بوجهي لبستة بعصبية جر ايدي نزلنا جوه طلع ليث من المطبخ لزم صايتي يحجي بسرعة

ليث: ماما عو

أيهم: قيسر عضك؟

ليث: لا بابا لا

جر ايد أيهم دخلنا للمطبخ اباوع لقيسر مخلي طشت وبي بأجة استغفر الله العظيم لعبت نفسي وليث يفتر فوكاه يصيح عو زنكة من كتفة كمخة على راسة حجه بطلعان روح

قيسر: اكعد راحة ابن الكلب اكعد

ليث: بابا عو

قيسر: هذا رأس ابوك

أيهم: لا مال عمك

علاء: هيييييي يمعود

قيسر: شبيك تجوعر

علاء: الفاضكم مو وحدكم المطبخ مليان

قيسر: بارررررررربيييي وين صرتي يا قندرة هي سجينة نمتتي خمااا نمتي

دخلت باربي بيدها سجينة جبيرة كعدت كدام الطشت لزمت الباچة تنضفها وياه

باربي: اذا ما سكتت انيمها بكلبك لا تصيح خبصتنا

باوعلي حجه بخبث

قيسر: تعالي نضفي ويانه

حور: لا

قيسر: كللللت تعااالي

أيهم: امشي اخرطي سروالة
31

قيسر: الا شرفي
5

أيهم: هاي اذا عندك

قيسر: تحب تتأكد
3

ضحى: مو اجي واتأكد أنا بنفسي يا ..... كومووو مناااااا براااا انتَ وهذااااا الخبلللل براااا يلاااا
2

أيهم: شبيج يوم والله ما سويت شي

قيسر: سكتت بداعت معرف منو عندج لا تحجين

خزرتهم عمة ضحى بقو ساكتين بس واحد يخزر بالثاني

باربي: هسه تستوي وريحتها تطلع تجنن يابوية على حامض وشنينة
19

قيسر: ولج بس انتِ عندج ذوق أبوس رأس ابوج العار بس الدنيا باردة ثلج اذا نشرب شنينة ثلج راح نودع

باربي: هسه الا تجفص

قيسر: مو اتحمس

باربي: يلا يمعود فدوة الك
2

ليث: هذا عو
6

باربي: لا حبيبي هذا عم تأكلة من تستوي ريحتها تفرفح بكلبك تخلي عليها حااامض وتثرد بالخمسة وتشوف الطعم يابوية يا يمة
1

باوعلي علاء يريد يبجي ضحكت بخفة

قيسر: وياها شنينة باردة الثلج مجرش بيها ما تكوم لحد ما تشوف المنسف فرغ

ليث: تأتل عووو

فهيمة: عو الاكلتك وخلصتنا منك ومن لسانك الفالت هذا أكل تأكل وتشبع احسن ما مكابل امك ام النساتل

أيهم: شجابج على امه؟

فهيمة: هذا انتَ الدايح هنا لا هلا

أيهم: ولا مرحبا بيج

ليث: بابا كيشر
3

قيسر: ها

ليث: اتفل بوجها

قيسر: لا عيب عيب ابني هاي مو اخلاقنا بس ليش تتفل؟

ليث: تحجي ع حو

قيسر: ميخالف عديها هل مرة لخاطري

ليث: ميخالف بس اتفل

قيسر: كشم شيلتها عيب تتفل عليها

ليث: صار

باربي: حور تأكلين ويانة؟

حور: لا حياتي اكلي انتِ الف عافية

باربي: اهووو هاي شلون شغلة

قيسر: بعد احسن عساهم لا اكلو أنا أخذ حصصهم

باربي: اسمع عيني كلتلي حدي السجينة وتعالي نضفيها وياي الي النص بيها مو ربع افتهمت لو أحد السجينة على ركبتك؟

قيسر: عابت لهل وجه هذا لا بارك الله بيج

باربي: ديلا خوش

طلع أيهم كعدت اباوعلهم وعلاء يضحك

حور: تأكل وياهم

علاء: لا

حور: مثلي

علاء: أيهم وقيسر يأكلونها أنا ما اكلها

بعدنا نحجي وقيسر خلة رأس الباچة جدامي انتفضت بخوف كمت من مكاني قربة مني دفعتة عني وعمة ضحى تضحك

حور: يااا شبيك

قيسر: القي السلام على عمج
4

حور: ياااا ربي بعده عني

طلعت ركض لحكني وعلاء يضحك

علاء: اتركها ولك البنت تعلب نفسها منها

قيسر: لاااا هاي مثقفة زايد لازم تتعود ع بأچة

قربها الي أكثر صرخت بوجه

حور: بعدهااااا

قيسر: كولي اقسم باللة ابطل اصير مثقفة

حور: يا ثقافة شبيك وياي انتَ

قيسر: لا تكولين بعد عني كولي وخر لا تكولين تمام كولي أي افتهمت لا تكولين شكراً كولي هذا واجبكم وغصباً عنكم

باوعت للبأچة رجعت انضاري اله هزيت راسي بسرعة

حور: تمام اقصد أي افتهمت

قيسر: عفية بالشاطرة عفية

راح هو تنفست براحة

كملوها كعدو يأكلون اني والبنات سوينا أكل وحدنا أيهم ما رجع ورا الغدا غسلنا المواعين كل واحد اطشر على غرفتة اخذت البنات للغرفة نزلت مرة الثانية صعدت ليث وياي حيلي انهد من الدرج كل مرة علاء يصعدهم الي وباربي تساعدني بيهم قررت من يرجع افتح وياه الموضوع واخلي ينزلنا حتى لو للطابق الثاني شوية اهون و ارحم
7

صارت الدنيا ليل غيرت ملابسهم خليتهن بالغسالة غسلتهن شريتهن ودخلت للغرفة غسلت الغطى وشريتة نضفت الغرفة كلها رشيت بيها معطر الجو بارد ثلج سديت الشباك وباب الغرفة شغلت التدفئة
دخلت اسبح لفيت شعري مشطتة شديتة بالكتر دخلت بفراشي غطيت نفسي وسعت المكان الي غمضت عيوني براحة
1

حسيت بيده تمشي ع وجهي همس بخفة

أيهم: اكعدي حوري

حور: بيك شي

أيهم: لا بس اكعدي عليمن نايمة

حور: شنو عليمن نايمة غير الدنيا ليل والناس تنام

أيهم: لا اكعدي لا تنامين

حور: والله اريد انام شبيك انتَ

أيهم: حور اكعدي ما تنامين كلت ما تنامين

رفع الغطى عني شغل الضو عدلت نفسي خليت ايدي على راسي

حور: الساعة ثنتين شتريد

أيهم: اريدج تكعدين تسولفين شسوين سوي بس لاتنامين

حور: ليييش

أيهم: اشتاكيت لعيونج
6

حور: ميخالف عندك صوري شوفهن هسه خلي انام

جر المخدة ذبها بالكاع

حور: والله انام ما عليَّ منك

أيهم: بس تنامين انتلج

بيده جهاز صغير مثل الكف لونة أسود ابتعدت بخوف باوعلة حجه بعدم اهمية
13

أيهم: هذا ينتل وأنا انتظرج تنامين حتى انتلج

حور: ما أنام بس بعده منا

أيهم: ما تنامين؟

حور: أي أي كلتلك ما أنام بعده

أيهم: چا خلي يولي

ذبه ع ميز تنهدت براحة جرني من ايدي عض باطن خدة مبتسم دفعتة من صدرة ضحك بخفة

أيهم: وين؟

حور: اريد اكعد بمكاني بعد يلا

قبض على ايدي جرني جواه بهدوء عيونة تلمع بجراءة وخبث عضيت ايده حتى يتركني عض خدي دفعتة واني أصرخ

أيهم: حتى تبطلين تعضين

حور: بعد عني يلا خبيث

أيهم: والله يا حبيبي تعضين تصرخين تركعين روحج بالكاع لا اتركج ولا أمل منج خوش وليدي

حور: أيهم صاير ما تستحي والله جنت حباب

أيهم: منو كاللج أنا حباب؟ اريده يواجهني

حور: أني كلت

أيهم: يدلل الحلو اصير حباب لخاطرة

جريت الغطى اغطي نفسي دموعي ينزلن بصمت مسح على شعري حجه بهدوء
7

أيهم: الصار شي عادي حوري أنا زوجج مو غريب حتى ما اذيتج ليش تبجين
11

حور: اتركنيييي

أيهم: وتالي؟
1

حور: اتركنيييي مالي نفس حتى احجي

حضني بقوى بجيت بقهر نزل ايده مسح على بطني

أيهم: كافي بجي كلبتيها مناحة

نترت ايده مني كمت من مكاني باوعلي بقلة صبر

حور: حقير نذل

أيهم: ميخالف تعالي نامي

حور: ما انااام يمك

أيهم: چا وين تنخمدين

حور: ما عليك انتَ ولا تحجي كلمة وحده خبيث

أيهم: صار هسه تعالي نامي

حور: ما علللللييييييييك انتَ

خزرني بعصبية اخذت ملابسي دخلت اسبح طلعت بسرعة تمددت مع ليث خليت راسي ع ايده غفيت جرني من ايدي خلة ايده جوه رجليَّ رفعني من الكاع دنك يبوس حنكي دفعتة بس خفت لا اطيح مشى انفة على انفي ضحك بخفة
13

أيهم: زعلان وليدي

حور: ما عليك

أيهم: لا واضح ما زعلانة

خلاني بمكاني ردت اكوم كعد يمي هستوه طالع من الحمام صدرة مبلل حجه وهو يلبس القميص

أيهم: لا تنامين مع ليث هذا مكانج أنا خليتهم عندج ويمج من اطلع اكعدي وانطمري وياهم بس هسه لا

حور: مو على كيفك

أيهم: ليش تخليني ابجيج عليهم؟

سكتت عصرت اصابعي بتوتر كعد يمي رفع وجهي بيده حجه بهدوء

أيهم: ما امنعج منهم بس ممنوع تنامين يمهم هذا مكانج وأنا جاي اشوفج تعبانة منهم

حور: لا..

أيهم: اششششش لا تقاطعين كلامي خلي أكمل شنو اللا؟ علاجج شربتي لا تنامين بوكتج لا شربتي مي لا اكلتي لا هذا الي تريدين تبررين اله؟
انتِ بنية مريضة الصرع يهيج اذا ما اخذتي العلاج وتنشلين هيج احجيهااا الج؟ ترتاحين من احجي بالقلم العريض الف مرة كلتلج من اطلع أنا ولا اتأخر تشربين العلاج بوكتة هم ما طايرين يمج بكل وكت بس مال تهملين نفسج اطلع بروحج احرمج منهم والله يا حور اشوفج الهاروت والماروت بعيونج افتهمتي؟
2

نبتت اصابعي بيدي باوعتلة حجيت بتوتر

حور: التهي وياهم شوية ويروح الوقت وانسى العلاج

أيهم: وأنا اعرف شلون اخليج تذكرين العلاج وتعيدين نضامج

كام من مكانة بلعت ريكي حجيت بخفوت اعرف الي يفكر بي هسه

حور: لا والله من بأجر ارجع مثل قبل

كعد ع قنفة بأخر الغرفة هز راسة باوع للموبايل

أيهم: تعالي

رجلي تصلبت بمكاني علبة العلاج مليانة لحد الآن ما شربت منها شعري يطيح بكثرة لأن هملت العلاج حتى رجفتي زادت اعرف هل شي غلط بس اني اكره العلاج

تقربت اله لازمة ايدي بتوتر بس لا يأخذهم باوعلي حجه بحده

أيهم: انتِ تفهمين كلامي تعرفين شقصد لو تثولين بنفسج؟ اهمال بأهمال العلاج صارلة شهر مثل ما هو هاملة صحتج حضرتج ما تعرفين تحافظين عليها احجي أنا اعلمج ع كلشي

حور: ا اني معرف اوقاتة كل ساعة شكل واصلاً مو ضروري

فتح عيونة بصدمة رفع العلاج ذبه بالكاع اطشر من العلبة صرخ بعصبية

أيهم: لاااااا موووو ضروري صحتج مو ضرورية اناااااا الـ... منطيج على هواج من تنشلين ما اوصيج ابجي اروووح للـ.... اجيبة وارجع ركضض اشوف المدام ما شاربة منه ولا شوية ايدج ترجف بنت الكلب احجي مااااا احجيييي ما يفيد وياج أنا مو بكل وكت موجود حتى اشربج يمكننن اموووت يمكن ربج يلعن روحييي شلووون ويااااج بلا تصفنين ع علبة ولاااا شنووو
2

نزلن دموعي ما تحملت كلامة مسح وجه

أيهم: امسحي دموعج لا اكوملج قسماً بالله اكطع الحزام على جلدج

حور: لا تغلط عليَّ ولا تصيح بوجهي أني مو طفلة اعرف غلطت من تركت العلاج بس كنت التهي وياهم وضيعت وقتي

أيهم: بنت الكلب سوالفج مو عليَّ كولي اكره العلاج واتهرب منه لا تكولين وكتي ضايع وياهم تعلميني بسوالفج
24

حور: طعمة مُر

صفك بيده رجعت لورا شوية

أيهم: مااااااا يفيد لج بابا أنا...... واصنع العلاج اروح اكللهم خلو بالعلاج بقلاوة والله المدام تكول مُر وما تكدر تشربة
10

حور: هو ليش مُر؟

أيهم: علااااااااج چا شتردين

حور: أيهم ما يفيد تعبت من اني وصغيرة اشرب علاج الصرع والله ما اشرب خلي اموت ولا اشرب ولا اتقرب اله
1

جرني اله كعدني على رجلة مسح على ظهري أخذ نفس زفرة بتعب حجه بهدوء

أيهم: أنا لاكي علاج للأبد وما جبتة الج؟ هذا مجبورة تأخذينة حتى تضلين بصحتج

حور: كل يوم كل يوم ثلث مرات لازم اخذة خلي يولي ما عليَّ شي
2

رفع ايدي كدام وجهي

أيهم: والرجفة؟

حور: ميخالف متعودة

أيهم: وتالي حوري وتالي والكعبة خلص كلبي يابة بمحمد كرهتيني بعيشتي بس باوعي من أولي بمكان اشربي العلاج اشربي لو حتى تجبرين نفسج

حور: عيع

أيهم: حووووووووور

حور: ها

دنك راسة عصر حواجبة بغضب و وجع

حور: اذا عندك طلعة هسه جيبلي وياك حلويات وشحاطة للبيت البسها اريدها لون نيلي أحب هل لون واريد طوق لشمس وقمر ولعبة صغيرة حتى يلتهن بيها وجُكليت الأصفر لا تجيب غيرة عفية ترا ما طيبة حشا نعمة الله

أيهم: الشحاطة اكطعها على راسج

حور: شبيك وياي؟

أيهم: كومي جيبيلي كلاص مي وحب الضغط بالجرارة

حور: تريده بارد لو حار

أيهم: حار؟

حور: اخاف يكوي لسانك بارد احسن

أيهم: ميخالف كومي

كمت من رجلة فتحت الثلاجة طلعت بطل مي اخذت العلاج قربتة اله بلعة يفرك راسة بوجع

حور: راسك يوجعك؟

أيهم: أي شوية

حور: ليش

أيهم: هو من حالة

حور: تؤ تؤ

باوعلي بنضرات مطولة كمت من مكاني فركت راسة رجع راسة ع صدري ابتسم لزم ايدي باسها

أيهم: دفو وحنية اشتعلت روحك شاهر

حور: لا تغلط ينحسب عليك ذنب ولو اني هم صايرة اغلط

أيهم: جعل ذنوبج عليَّ ولا عليج

حور: لااا الا الذنب حرام

أيهم: وأنا اعشج بالحرام و الحلال

حور: أيهم صرت ادبسزز؟

أيهم: لا لا كملي راسي اخخخ

حور: سلامتك

أيهم: تعالي اكللج

ركضت ع جرباية تمددت بسرعة ضحك بقوى خلة المحفظة بجيبة تقرب الي مسح على شعري حجه بهدوء

أيهم: نامي من تصحين تريكي واشربي العلاج خوش

حور: مو اطشر

أيهم: بكنتورج علبة جديدة

حجاها بحدة هزيت راسي بأس خدي وطلع صبحت الدنيا وأني ما نمت سمعت صوت قمر تبجي ركضت الها فتحت الباب اباوع ليث مخليها بحضنة يهزها وهي تبجي ما سكتت ابتسمت اله كعدت يمه بستة بخده خليت قمر بحضني
13

حور: ليش مخليها بحضنك ثكيلة على رجليك لولو

ليث: اكللها تنام حو نايمة لا تكعد بس هي تبجي
16

حضنتة بقوى كرص خدها سكتت تباوعلة تضحك

ليث: ماما ضحكت ضحكت

حور: شلون ما تضحك هي تحبك بس لأن جوعانة جانت تبجي

صفك بيده كام من مكانة يباوع لشمس

ليث: اروح ع بابا كيشر

حور: الساعة هستوها ثمانية هسه نايم عيب تصحي

ليث: بابا علاء

حور: شوية وروح الهم بالثمانية ونص

ليث: اكول بابا قمر تضحك وياي

حور: عادي حياتي كللة

سويت ممة لقمر نامت كمت من مكاني نضفت الهوسة الصارت اخذت ليث سبحتة خليتلة عطر صليت صلاة الضحى وكف يمي يصلي بس ما يعرف ركعة يصليها وعشرة يتمدد ضحكت عليه

اخذتة ونزلنا جوه كلهم كاعدين بس قيسر نايم بالصالة اخذت غطى غطيتة سديت باب الصالة وطلعت للمطبخ سويت ريوك مع البنات كعدت باربي ع كرسي وجها احمر كعدت يمها وحلا تضحك ما فهمت شبيها

حور: شبيج ولج

باربي: سكتي حلا بروح اهلج

حلا: راح ينورنا بيبي جديد وصلو صلو ع نبي

حور: هههههه كولي والله

حلا: ولجن أنا حلا حلاوة توقعاتي كلها صح

باربي: ما تولين شبسرعة

حلا: تحجين الما يحجي اخواني رفعت راسي

كعدت كدام باربي رشت المي ع وجها فززتها ضربتها باربي

باربي: ترا مصختة بلا كذب

حور: بس وجهج باربي ما يوحي لمجرد صخونة

حلا: اتركيها يمعودة إن رضت أو لا هي حامل وأنا كلت كلامي وما اعيدة

عهد: منو حامل؟

حلا: باربي ام يزن

باربي: والله كذابة شبيكم

عهد: ليش كذب يمكن اجاج رزق من رب العالمين

يأسمين: الله وأخيراً علاء صار اب

نجود: باربي عفية خليها اذا بنت عيونها مثل عيون حور واذا ولد عيونه مثل عيونج حتى من يخزر يطلع يجننن ويكون ع أيهم وقيسر اسمر واذا بنت تطلع عليج حنطاوية

باربي: نسخ ولسق

جواهر: هسه تطلع حولة ومنغولية

باربي: يعني تشبهج؟
19

جواهر: وي وينها وين تشبهني

باربي: يايمة كون اكوم وانضدج بمكانج

جواهر: اوي دروحي
3

طلعت من المطبخ هزت ايدها باربي دخل قيسر ركض علية ليث شالة ع ظهره باوعلنا حجه بعجرفة

قيسر: جاي مي ريوك صخام لطام شبيجن وجه المطايا صافنات

حور: الريوك كدامك

باوع للريوك رجع انضارة ليث الي ساكت يباوع شلون ما قيسر يباوع

قيسر: زيتون؟ حشا النعمة

حور: هل صحن الي انتَ أكل الكدامك

قيسر: يابة مثقفين هي كوة

باربي: احميلك الفاصوليا؟

قيسر: أي بروح اهلج كومي

ولا كالت لا كامت حمت الفاصوليا وخلتة كدامة ثرد بيها وليث وياه كام يغسل

باربي: خلصتها قييسسسر

قيسر: مو انتِ كريمة وما يرد الكريم الا البخيل

اندك الباب الخارجي بقوى ترك ليث عندي طلع يركض باوعنا من الشباك المطبخ يحجي مع الحراس بعصبية رفعو الاسلحة لزمت كلبي بخوف رفع الموبايل يخابر بيده ورقة يباوعلها ويحجي مع الحراس خلة الموبايل بجيبة طلع برا

باربي: شكو

حلا: ملينا كل يوم مصيبة شكل

نجود: أن شاء الله ماكو شي بس اسكتن

كعدت على كرسي بلعت ريكي بخوف بس لا اخوية صارلة شي احس كلبي انقمت معرف شسوي أني مو ما اريدهم عليمن مفكرة بيهم هو آخر مرة وصى أيهم عليَّ محد ما يعرف بلوعت كلبي لا اريدهم ولا اريدهم يتأذون

دخل قيسر صعد فوك بسرعة وعمة ضحى تسألة شكو سحبت نفسي صعدت ورا تقربت للباب دكيتة فتحة بسرعة فركت ايدي معرف شكول بس اريد جواب يطمن كلبي باوعلي بقلق

قيسر: بيج شي

حور: لا بس اجيت اسألك سؤال واروح

قيسر: كولي

حور: هذولة جماعت أيهم أهل النظام صح؟

قيسر: شـ..

حور: والله ما اريد اقاطعك بالكلام بس أني عرفتهم حجالي عنهم علاء شوية بس طمني عسكر بخير؟

نزل راسة تنهد بضجر مسح وجه نغزني كلبي

حور: عفية قيسر احجي عسكر بي شي؟

قيسر: لا بس مواجهات بيناتهم بس ما بي شي

حور: عفية فهمني ليش يردونة

ابتسم بخفة

قيسر: شحجيلج؟ اذا عرف أيهم يسلمنا أنا وانتِ الهم

حور: لا تخليني تايهة بنصهم فهمني فدوة لكلبك

هز راسة سد الباب نزلنا جوه دخلنا للصالة سد الباب كاعده ويانة عهد مبينه تعرف كلشي عدل شعره استرسل بالكلام كان متوتر

قيسر: جماعة يريدونة يبطل من شغلة ويشتغل وياهم

حور: بشنو يشتغل؟

قيسر: بالأسلحة والاجرام يساندهم ويبقى وياهم بس هو رافض هل شغلة

حور: وعلمود ما يشتغل وياهم يهددونة؟ هو وعسكر؟
2

قيسر: عليج نور محمد

اندك الباب فتحتة عهد دخل علاء باوعلي رجع انضارة لقيسر حجه بسرعة

علاء: نروح؟

قيسر: أي

طلعو وسدو الباب تنهدت بضيق سالفة لا الها بداية ولا نهاية

علاء.....
طلع وياي بعدنا نحجي وصارت سيارتهم جدامنا مشينا للشارع العام بعيد عن البيوت نزل قيسر طفيت السيارة نزلت ورا اباوعلهم هذولة هم بشر

نزل عميدهم عبريد حجه بضحكة

عبريد: شلونك دكتورنا

قيسر: بشوفتكم بأفضل حال

عبريد: ههه واضح فرحان

قيسر: خلص شتريد؟

عبريد: الزعيم طالب الفهد انطيتة خبر و بعده على كلامة اقنع اخوك وخلي عقلة براسة نفيده

ضربة على صدرة براحة ايده تنهد قيسر حجه بخفوت

قيسر: الزعيم يريد يتفاوض؟ أيهم مو أي شخص حتى يتفاوض وياه وبهاي تهديداتكم جاي تعمون على نفسكم يمكن ينكلب ضدكم مرة الثانية أنا اكول ابتعدو عنه لأن دربكم صار قديم بالنسبة اله

عبريد: كلامنا مع الأكبر منك

قيسر: ههه روح خابرة يمكن يقنع يمر عليكم اذا نحنا مو كدكم عليمن كاطع طريقنا؟

صعدو بالسيارات بدون ما يجاوبونة

علاء: راح يرجع وياهم

قيسر: اخخخخ اذا صارت يخسر روحة مرة الثانية

علاء: حاجزين عسكر عدهم
1

قيسر: أي

نداريت للطريق كلشي رجع بذاكرتي كسرات الدنيا هواي شلون ما تريدك تمشيك تعليك وتنصيك للكاع براحتها ظروفها قاسية ما ترحم هل دنيا جانت حياتة اجرام ما ممكن بيوم يستباح لبشر نضيف بسبب ابوية الي جان يعذبة ودمر حياتة بأبشع الطرق لأن جان مريض نفسي وايهم اسهل وسيلة بيد هل يهودي شاهر...!!
6

حبس أيهم اربع سنوات بالمصح العقلي للأمراض النفسية بعد ما طلع أيهم من المصح ما جان انسان عادي لا جان مريض وأمراض الدنيا كلها بس يعشك شي اسمة الدم ما جان عنده طريق يسلي أو يهدي ويرضي امراضة هو مشى بطريق الدم.!
2

رجع للبيت مثل الغريب والديار مو دياره ما حصل بهل دار لا دفئ ولا امان ولا حنان بس حقد و اوامر شاهر الي يجبره على كلشي جان متحكم بكلشي يمشي أيهم على ايده مثل اللعبة شلون ما يريده يصير ما انتظر أيهم يستوعب طلعتة من المصح من أول أسبوع شغلة بهل شغل مع جماعتة أهل النظام أيهم جان انسان مشتت متحطم نفسياً و جسدياً وعقلياً شخص عدواني يكره الكل ما يحب أحد بس يصفن ويخلق مشاكل يحجي مع روحة يفضل الهدوء ويعزل روحة عن كلشي وعن العالم كلها شاف العالم جدامة جحيم لازم يفرض نفسة بي حتى ما ينحرك
4

شاهر جان ظابط واله مكانة العالي بين العالم بس هو شخص مريض نفسي ومرض أيهم وياه من دون الكل جان يكره أيهم ويحب يكون منه شخصية ثانية اتعرف على عصابة وهو جان مكلف حتى يلزمهم بالقانون بس صار العكس من خلة أيهم يشتغل وياهم بعمر صغير
5

أيهم تحمل اشياء محد ما تحملها انبنت منه شخصية من جماد لا حساس ولا ضمير أول ما اشتغل وياهم جان مُكلف بعدت مهمات من ضمنها
السلب

جان الذراع الي يرسلونة بتنفيذ العمليات القذرة
المهمات الي محد يكدر ينفذها غير واحد فاقد شي اسمه حرام حلال بلا انسانية صنديد

جان المحقق الصامت الهم أي خائن أو مشتبة بي
ينخطف ويطيح بيد الفهد الأسود طريقتة بالتعامل؟ أسلوب خاص تعذيب هادئ يخلي الضحية يعترف بكل سهولة وكلشي كبل لا تنتهي حياتة على ايد أيهم

للأسف جانو يعاملونة هل معاملة بالمصح وشاهر جان يعلمة ع اساليب ثانية ترعب أكثر وهو طبقهن ومشى وياهم جسد بلا روح

جلاد الميدان أي واحد يوكف ضد العصابة جان يلكي مصيرة بيد أيهم عمليات تصفية الي جان يسويها جانت مخيفة ومرعبة ينفذها بدون رحمة الموت صار لعبتة المفضلة والخاصة بي

جان اشبه بالظل ما جان منفذ ولا تابع لا شاهر جبره على اشياء اقوى واخطر عرف أيهم مشى بطريقتة ومثل ما يريد فصار يستغلة للعمليات الكبرى مثل سرقات خطيرة تخص العصابات الثانية الي تكون منافسة الهم جان يدخل ينفذ عملية السرقة ويختفي
كأنة ما جان موجود ولا صار شي!

أهل النظام ما جانو مجرد عصابة لا جانو شي أكبر واخطر منظمة سرية تتحكم بجزء جبير من عالم الجرايم تعتمد على القتل والتصفية بس مو بشكل عشوائي لا كلشي جان مدروس كل ضربة جانت محسومة وكل شخص ينشال لازم يكون عنده سبب مقنع بالنسبة الهم غير هل كلام مصيره الموت
7

جان أيهم ما عنده عقل يميزه صار مجرد ظل لشاهر ينفذ بدون نقاش يعاقب بلا رحمة ويقتل بلا احساس شاهر ما اكتفى بهذا لا عجبة يمزج أيهم مع الدم لأن صنع منه نسخة ثانية بس اخطر منه

جان يشتغل وياهم بعمليات صامتة جان ايدهم الي تتحرك بالظلام ما جان يقتل بطريقة عشوائية لا جان ينفذ عمليات اغتيال نضيفة اهداف محددة اشخاص مؤثرين الخونة رؤوس العصابات المنافسة كلهم طاحو بيده

أي شخص يشكون بي يخونهم يتم سحبة للمكان المُقنع وهناك يجي دور الفهد الأسود طريقتة بالتعذيب جانت عملية... يعرف شلون يخلي الضحية يحجي كلشي وبعدها يودع

بعد فترة أهل النظام ما صارو يعتبرونة منفذ لا صار جزء منهم عنده نظرة مختلفة دماغة صار مثل آله تشتغل على الدم والقتل يخطط العمليات بنفس وحشية شاهر وأحياناً اسوء!!

جانو يسمونهم أهل النظام لأنهم ما جانو مجرد للقتل لا جامو ينظفون الساحة من كل شخص ما ينفعهم جانو يفرضون قانونهم الخاص نظامهم الي يبقى فوك الكل وكل من يعترض طريقهم!!!
ينتهي بدمة على الأرض ويصير سالفة منسية..!!

اما أيهم جان مثل الشبح يشتغل بصمت محد يعرف شلون يدخل ولا شلون يطلع الكل يعرف عنه هو الموت الي يمشي على الكاع

صار يتعالى بتكبر مو على الناس العادية لا جان على منافسينهم بأسمة الملقب الفهد الأسود وهذا الأسم من جان صغير شاهر كال هذأ هو الفهد الأسود وبدون سبب جرفة للجنون الي بي
هذا اللقب مو أي واحد يستحقة ويكدر يتحملة أيهم ما جان رجل عادي بينأته‍م لا
صار أسطورة بين أهل النظام!

جانو يسمونة الفهد الأسود لأن جان سريع مثل الظل يدخل ينهي المهمة كبل لا أحد يحس بوجودة جانت عنده قدرة استثنائية على انهاء الأهداف بدون ترك أي أثر مثل الفهد الي ينقض على فريستة بحركة ما متوقعة

لهذا هو ما جان سهل ولا عادي حتى أحد يكدر يستغلة أو يلعب وياه حتى أهل النظام عدهم ردت فعل قوية منه يهددونة بس محد منهم يجرأء يمسة ولا يلزمة لأن هو تربات ايديهم ويعرفونة شنو من شي

جان يصيد فريستة بذكاء ودهاء مو مجرد كلام يدرس الضحية يعرف حركاتها نقاط ضعفها وحتى تفكيرها كبل لا ينهي على حياة هل شخص

اسمة رمز الرعب مجرد اسمة بين منافسينهم يعني الموت القادم ما جان يخلي أثر ولا صوت جان يترك جثث بدم بارد

شاهر جبره واستغلة كأي قاتل عادي لا عرف ابنه موهوب بشي اعظم فخلاه مسؤؤل عن اخطر المهام

يخطط ويرتب براحتة يغتال خونة داخل التنظيم أي شخص ما تابع الهم مجرد يعرف أهل النظام هو
مسؤؤل عن انهاء وجود نفسة بدون أي أثر

الفهد الأسود مو مجرد لقب صنعة شاهر لا جان
اداة الموت بيد أهل النظام والي ينحط على قائمتة
حياتة تنتهي كبل لا يعرف هو مطلوب الهم

أيهم انطة حق اللقب بما فية الكفاية جان السفاح
إذا شفت الفهد الأسود، اعرف انه آخر يوم بحياتك

هذا كلام الزعيم للزلم الي يشتغلون عنده لدرجة يقدس أيهم أكثر من شاهر وهل شي يعشكونة
9

أهل النظام ما يتركون وحش مثل أيهم يطلع عن سيطرتهم بسهولة أيهم جان بالنسبة الهم سلاح مثالي ايدهم اليمين بكلشي والظل الي يخلصهم من منافسينهم

بس شصار بعدها؟ أيهم خرب كلشي كأنو رجع عقلة لمكانة وهم انصدمو وخافو منه ومن بروده بأتجاهم كلب الطاولة عليهم وصار هو ضدهم بدون كلام دخل للسلك العسكري لا هم يكدرون يخبرون عليه ويفضحونة لأن شغلتهم شراكة ولا هم يريدونه يتركهم لأن راح كلشي يتفكك عنهم وراح يخسرون كلشي أول خسارة خسروها شاهر أيهم نهى حياة شاهر وطلع منهم مع مرور الأيام صعد رتبة مع رتبة وهم تركو صارو يعدلون النظام من جديد

بعد ما طلع منهم فقدو هو نفسة الشخص الي يكدر ينفذ اصعب المهمات بدون اخطأء ولا تردد أهل النظام يعرفون مستحيل يلكون شخص مثلة ولهذا لازم يرجع بأي ثمن

بدأ يرتب حياتة هو صح ما قتل ارواح ابرياء لا جان ما يقتل الا الي مضامن وياهم وقذارتهم قذارة تزوج بنت شيوخ وتالي انصدم منها من خانتة رجع مثل الشخص الحاقد قيسر جان يحب بنت فارس من جان أيهم بالمصح قيسر جان يتردد عليهم وكلنا نضحك عليه وشلون يركض ورا طفلة صغيرة بس بعد ما أيهم طلع من المصح وترك أهل النظام كلشي تغير يكره الكل جان يهدد قيسر اذا ما يطلع للخارج راح يخسرة حياتة وقيسر عانده وتركة ما اهتم بس ضحى وسمر جبرو يطلع للخارج وهو نفذ كلامهم حتى أيهم يهدأ لأن جان يريد ينتقم من الكل
1

سحب حور من فارس بس هاي البنت جانت مختلفة عاملها اجمل معاملة حبها هواي تعرف على اخوانها وكلشي يخصها عرف عنها بس الصار شي قديم وصدمنا من اخو حور رصار جان يشتغل مع الزعيم وهم صارو اصدقاء خاصتاً مع عسكر جانو مقررين ينهون حياة رصار لأن راد يطلع منهم ومن شغلهم بس هو ادخل وكلشي انحل بس جبرو رصار يبقى يشتغل وياهم وغصباً عنه ولحد الآن هو وياهم بس الزعيم استفحل وتكبر عليهم يريد أيهم يرجع الهم مرة الثانية
1

هسه رجعو من بعد سنين يهددونة يضغطون عليه بالماضي والذكريات الدم الذبح الموت الي جان يعيشهم بي يحاولون يرجعوه لحالتة القديمة

يعرفونة رغم وحشيتة بعده انسان وعنده نقطة ضعف ما راح يخلونة يعيش براحتة يخلونة يحس ما عنده حل ثاني غير يرجع وياهم..!

اذا رجع وياهم راح يخسر حياتة البناها هو مشترك بقتل الدكتور هو وصديقة جواد الي على غفلة اختفى وشكد أيهم دور عليه بس للأسف ما وصلة ولا عرفة وين صار وراح يخسر زوجتة الي رباها ويحبها وهي راح تتركة بسهولة اعرف هل انسانة شكد تخاف من هاي السوالف هي تأكل وتشرب بس ما تعرف عايشة مع واحد بيوم جان هوايتة الدم والذبح
11

هو ما خاف من عصابة بس يرجف من يسمع قيسر يكللة اذا عرفت راح تتركك

يزيد بناره ما ينقص ولحد الأن الطريق مجهول هو راح يرجع الهم أو يقضي عليهم محد ما يعرف بس الاعرفة هو يسايرهم أو يتعاقد وياهم حتى بس يتركون عسكر وعسكر محذره من هل خطوة كال يا أيهم اذا شفتني جدامك مهدور دمي لا ترجع وياهم ولا تساندهم بشي

بالنهاية أيهم بشر استخدمو اساليب ثانية اله غيرتة لشي اكبر منه ومن عمره

ضحاية الأهل أيهم وحور هذا الي احجي بيني وبين نفسي دائماً

قيسر: وين صفنت انتَ الثاني

علاء: ليش منو ابالك الأول حتى أنا الثاني؟

ضحك بخفة مسح على بتوتر

قيسر: لا تصير....

علاء: لا هاي تركناها الك بس چنة بالك مشغول بشي ثاني

قيسر: أي والله

علاء: احجي

قيسر: انجب ولا تصير ارعن

علاء: أنا اكول خابر اخوك وشوف شصار ما صار وياه

قيسر: چا هو مو اخوك

علاء: ادك عليه ما يفتح الخط

قيسر: ههه وتريده يفتح الخط بوجهي؟

علاء: دخلي نرجع للبيت اكول قيسر

قيسر: كول

علاء: عسكر يعرف كسار ويندل شمس چا ليش ما يخلون حور تشوف اختها

قيسر: الزعيم يريد أيهم يرجع وياهم وأيهم معاند وباقي على كلامة لهذا أيهم خايف لا يخلي حور تلتقي بأختها ويخطفوها أو حتى يمكن يأخذون شمس أي واحد يكرب لـ أيهم حتى يكسرون ظهره بيها وغصباً عنه راح يرجع وياهم وهو الممنون
2

علاء: وكسار يعرفهم

قيسر: لا بس هم يعرفونة هو ما يعرفهم ترا سأل على حور بكل مكان بس أيهم عنده هوية الها مستنسخة

علاء: قصدك مزورة مو حقيقية

قيسر: أي

علاء: هههه والله وأيهم لكة الي يكسر راسة

قيسر: خرب اهلة يموت من طاري هل بنية عاد هي لو ما مزوجة جان أنا تزوجتها وكسبت بيهن ثواب اجمعهن بيت واحد
7

علاء: انتَ أي وحدة تشوفها تريد تزوجها؟

قيسر: استغفر ربك أنا اسوي اعمال خيرية

علاء: واختها صبرية

قيسر: حتى امها فخرية وخالتها سعيدية هم استقبلهم
10

.....
كمت من مكاني فتحت الشباك اليوم ما رجع يمكن عنده نام بالمركز راح لا هو ولا الأغراض ضحك عليَّ شتريدين اجيبلج هذا اليوم الثاني وهو ماكو والله يا الله الهوا عالي الدنيا ليل الشجر بالحديقة تروح يمين مع الرياح
7

ارتجيت ع شباك اباوع للحراس ياربي هذولة ما يتعبون وهم منزلين راسهم الله يساعدهم على هل ملل راحت عيوني على واحد لابس أسود يخبل السلاح بخصرة والساعة بيده يأخذ العقل بدون شعور ابتسمت سندت راسي اباوعلة اريد ابعد انضاري عنه مكدر عبالك سحر
27

تذكرت يمكن اكو اغنية ومن الشباك ارميلك حالي
ضحكت بهدوء معرف شبية حسيت نفسي تخبلت

اختفت ضحكتي من دخلت سيارتة سديت الشباك خليت ايدي على كلبي اعوذ بالله منك ومن طاريك جفلني ركضت ع جرباية شغلت التلفزيون اباوع للفلم انفتح الباب باوعتلة ضحك ذب العلاكة على جرباية
1

أيهم: اخذتي علاجج؟

سكتت حسيت كلبي راح يوكف اختفت ضحكتة ذب القميص تنهد بضجر

أيهم: ول يابة انتِ تعاندين لو تشتغلين شغل خباثة ولو أنا اعرفج شنو

حور: والله والله

أيهم: كل يوم على هل موال والله والله نسيت مو صح؟

حور: أي والله نسيت والله مو قصة اخبث ولا شي

أيهم: وينهم؟

حور: نايمين

راد يروح الهم كمت من مكاني بسرعة لزمت ايده بلعت ريكي بتوتر خايفة منه هو حذرني بس اني ما اشرب عبالي ما راح يرجع اليوم
1

حور: لا تتقرب الهم عليك الله والله العظيم هم مالهم ذنب بشي أني ما شربتة

أيهم: وتااااااليييي ويييييااااج لا تكفريني عندج عداوة مع العلاج

حور: هـ هسه اشربة

أيهم: والصببببح والعصرررر راااح مع اهلة يطبه مرض مرة وحدة باليوم هم زحمة علييييج

نزلت راسي عصر فكي بقوى هو أساساً مو بسببي من دخل للغرفة كتلة من النار

أيهم: لاااااا تنزلين راسج من احجي وياج ابد

دفعت ايده عني حجيت بهدوء واني اعدل شعري

حور: ترا ما يستوجب كل هل عصبية هسه راح اشربة وكلشي ينحل

أيهم: امشي اشربي

باوعت للصالة اخاف اروح ويأخذهم مني ينزلهم جوه فززني صوتة

أيهم: ما ناوية تروحين؟

حور: لا ا اروح

أيهم: چا هزيزي خصرج وشرفي يا مدام

حور: بس ما تأخذهم

أيهم: هسه امشي اشربي لا تلحين

حور: عفية أيهم

أيهم: ميخالف امشي يلا

هزيت راسي فتحت الكنتور طلعت العلاج اخذتة بلعتة المرار بلساني غمضت عيوني بقوى لعبان نفس مسح على شعري حضني بهدوء

أيهم: ابقي محافظة على هل علاج أنا اوصي عليه واكطع محافظات حتى اجيبة وانتِ تتركينة؟

حور: طعمة مُر

أيهم: ميخالف ميخالف جبتلج شي يروح طعمة تعالي اشوفج

كعدت على جرباية وياه فتح العلاكة طلع شي مثل البخاخ بخة بوجهي عطت بي ضحك بخفة

أيهم: ها بربج ريحتة تخبل

حور: ريحة فراولة يخبل

أيهم: وليدي هذا علاج طبي بخاخ بعد ما تشربين العلاج تبخين مرتين مو يأخذج الواهس وتشربين العلبة

حور: يعني يأذي

مال راسة يباوعلي عض باطن خدة مبتسم

أيهم: يكتل

حور: لا مو فرد مره يمكن يوجع البطن شوية ويروح لأن رذاذ مثل المي

أيهم: هو أصلاً ما يطول اتركي الشغلة عليَّ
10

حور: شلون اترك الشغلة عليك هو مو الي انتَ شعليك

ضحك ضحكة قصيرة كرصني من زندي شاغت روحي دفعت ايده دفعني بيده

أيهم: كومي من وجهي وليدي اخذي اغراضج خليهن بالكنتور وتعالي

حور: حجيت عليك بكلبي كلت ضحك عليَّ ما راح يشتريلي

أيهم: مكرود أنا مالي حظ امشي شيلي الأغراض وتعالي اريد انام تعبان

حور: نام نام اني شعلية

أيهم: مو اريدك يمي وليدي

حور: واني ما اريدك

أيهم: بنت الفانوس

حور: اني؟

أيهم: نيالي

حور: اريد انزل للحديقة
14

أيهم: تريدين ادفنج بيها؟

حور: اعوذ بالله شبيك

أيهم: چا تعالي انطمري بمكانج

حور: اختنكت والله اختنكت حسسس بي عفية يا غرفة يا صالة راح اتخبل

أيهم: وأنا شايف ومخلص منج

حور: ايييهم

أيهم: ها يا عيونة
1

حور: حباب يلا خلي انزل جوه

أيهم: لا

حور: عفية

أيهم: لا

حور: الله ياااااااخذنييي

دنك لزم البسطال ابتعدت بسرعة اجة بالحايط عض اصبعة خازرني

أيهم: بنتتتتتت الللللككككلبببب تعاليي مو تريدين تموتين أنا الي راح اطلع بروحج

حور: شبيك اشاقة شبيك وياي انتَ

أيهم: حوووور تعالييييي بمكااانج

حور: أيهم طلكني

أيهم: اوكفي أنا اعرف شلون تريدين الطلاك

ردت اشرد جرني من شعري فتحت العلاكة طلعت الككو اكلت شوية قربتة اله تركني فتح الشباك أخذ نفس زفرة بعصبية تذكرت الحارس ابتسمت الككو ماع بيدي باوعلي بأستغراب بقيت مبتسمة رجع انضارة للشباك باوعلي رفع حاجبة
9

كتف ايديه ركع الشباك مسحت الككو درت وجهي اباوع للتلفزيون اريد ابلع ريكي مكدر تقرب الي خلة ايديه ورا ظهره ابتسم بأستهزاء دنك عليَّ حجه بهدوء

أيهم: اكو شي يستحق الضحك؟

حور: لا بس دخل هوا عالي من الشباك وابتسمت

أيهم: تدرين الجذب ما يلوكلج؟

نزلت الككو حجيت بتلعثم

حور: مو شي ثاني اني بس ضحكت

أيهم: حلو البسي نقابج وخلي ننزل للحديقة!!

حور: لا..

أيهم: انتظرج يلا

هزيت راسي كمت بسرعة غسلت لبست ملابسي لزم ايدي نزلنا سوا طلعنا للحديقة الحرأس من الجهة الثانية حسيت انضارة عليَّ
15

ما باوعت لحد كعدت على مسطبة كدامي الشجر عاليات احبهن طلعت عهد باوعتلي ابتسمت تقربت النا احب لبسها تلبس بدوي أبداً ما تلبس مثل ملابسنا شرحت عيونها تخبل

عهد: هاي انتو هنا شعجب

أيهم: تريد تنزل

عهد: والله حقها خنكة فوك هنا طيبة هوا

أيهم: اكعدي احجي وياج

باوعتلة هزت راسها كعدت يمي ع مسطبة جر الكرسي كعد كدامنا باوعلها حجه بهدوء

أيهم: تعرفين أخر فترة حجيت وياج وكلتلج عقيل طلبج مني مر ع سالفة هواي شنو قررتي؟

عهد: خوية انتَ تعرف أنا لاغية فكرت الزواج من راسي والولد ما ناقصة شي بس والنعم منه بس يا خوية ارفضة

أيهم: هاي هي مثل ما تريدين

حور: لحظة لحظة شنو مثل ما تريدين ولج هذا يغار عليجن ما يريدج تزوجين ازوجي معليج منه

راد يكمخني خلة ايدها كدامة وهي تضحك

عهد: يا شبيك وياها اتركها

حور: عليج الله وافقي المات الله يرحمة اللة لا يقدر لو انتِ ميتة كان ازوج عليج من زمان عليمة كاعده عند هذا المعقد تزوجي ولج عبالك غزالة بس عيونج يسون السلف وايهم واخوانج كلهم

أيهم: خليها بيدي عهد لا تدخلين

عهد: والله ولا تمد ايدك عليها وأنا كاعده

حور: ما تروح تزوج شبيك مكابلني

أيهم: والله لا ازوج واكسر شوكتج

حور: الف الف الف الف الف مبروك اللهم يسعدك وياها يارب تزوج والله لا اركص ديلا

أيهم: انعل ابوج فلا ازوج كاعد ع كلبج بنت فارس

حور: اهوو شكد تكذب هو غير تموت ع يجة

عهد: ولج اسمها ايجة

حور: شنو يعني ايجة؟

عهد: يعني معرف شلون

أيهم: طايحات الحظ والله لا اسحلج

عهد: شبيك وياها طفلة وحجت تصدكها؟ خليها تحجي براحتها

أيهم: وأنا اكول لازكة بيج

عهد: لا اله حور اياك وبالك

أيهم: انعل ابوج لابوها

حور: والله ما تستحي عيب عليك

أيهم: أي والله عيب عليَّ تعالي ابوسج

حور: شغيغ
9

عهد: يا ما تستحون كدامي

أيهم: ولج انطيني وليدي ابوسة شني مخليتها عندج منو سمحلج تلزمينها

جرني منها بأس خدي خجلت من نضرات عهد

عهد: يايا خلي اكوم الوضع زاد عن حده خلي أخذ البنت

أيهم: هي شني تأخذينها بكيفج اكسر ايدج

سيارات طبكن بالشارع الضو توجه ع بيتنا نزلو منها اخواني الحرأس رفعو الاسلحة بوجهم لزمت كلبي بخوف كامت عهد من مكانها عصرت ايدي بيدها مشى أيهم الهم اشر الهم ينزلون الأسلحة فتحو الباب دخلو

دخل عسكر يصرخ وجه محتقن دفع أيهم ارتد لورا يباوعلة رصار يريد يلزمة بس ما كدر زنك أيهم يحجي بعصبية طلعو على صوتهم قيسر وعلاء ما قبل أيهم أحد يدخل

قيسر: ولك شبيك عسكر

عسكر: هسسسسه اطلكهاااا جداااامييي
7

نتر ايده حجه بوهن

أيهم: تنطبك السما ع أرض ما اطلك

عسكر: غصباً عننننك هذاااااا انتتتفاااق وانتَ مو كد كلامك

علاء: غير نفتهم السالفة شنوووو

رصار: عسسسسكر اهدأ شبيك فززت العالم اخذة واطلع وياه

قيسر: شصاير يمعودين

باوعلي عسكر حجه بهدوء ينفض نفض من مكان خفت منهم خفت من كلشي حسيت كلبي دكاتة هدأت من الخوف احس رجليَّ ما عاد يحملني

عسكر: تعالييييي هناااا

أيهم: لااا تصرخ بوجهاا خليني محترمك

عسكر: وطززز بيك وبأحترامك تعاليييي لا اجيج أنا
5

دفعة أيهم وهو كأنو كان محمل عليه ضرب أيهم تركة أيهم ما دافع عن روحة دفعة قيسر من صدرة الدم ينزل من حاجب أيهم ورصار يغلط على عسكر
1

أيهم: كافي يمعود..

يريد يدفع قيسر بس ما كدر لأن هو وبأسل كدامة عصرت بطني وجعتني

عسكر: عااااار والله عااار رجعتتتت ويااااهم أنا كلتلك تررررجع ويااااهم لاااا اعرفك ولا تعرفني انعل ابو بساطك

دفعهم عنه وكف أيهم بصفحة يمسح ع شعره الدم اخذ مسارة لركبتة وصدرة تقرب الي عسكر لزم ايدي جرني من نصهم نزلن دموعي بخوف ايدي تكسرت ضربني راجدي وشة قوية صارت بأذني عاط بوجهي جسمي يرجف حسيت النوبة راح تجيني حسيت برودت جسمي
15

عسكر: لاااااا تبجييين لا والله ادفنج هناا
5

أيهم: قسماً بالله اذا ما تركتها انعل والديك

عسكر: تهديداتك والقندرة حلكك ما تفصة بكلمة وحده ركعة وجها ما تشوفة بحياتك كلها عار مو مال تقدير كلب اقذر خلق الله
3

عصر ايدي أكثر راد نطلع دفعة قيسر يحجي وياه يتؤسل وهو قافل اخواني الباقين وكفو على صفحة رصار يباوع لـ أيهم

باوعلي أيهم مسح الدم من وجه حجه بصوت عالي احس تخبلت لا اريده ولا اريدهم بس اريد اهدأ وما تجيني النوبة جسمي صار ثلج
3

قيسر: كلامك وياه ناركم تأكل حطبكم بس البنت اتركها راح تموت بمكانها

عسكر: اتركها لواحد عار شبينا نحنا ما عدنا مكان الها لو متشردة اخليها مع الميت ولا واحد مثل اخوك
6

عهد: خوية اترك البنت اتصافو سوا

مارد عليها ايدي انشلت من لزمتة القوية ركض الي جرني من ايده دفعة عسكر خنك عسكر بيديه رجعت لورا خايفة منهم دخلو بنصهم قيسر وعلاء ورصار وأئل وبأسل والحراس بس ما فاككوهم واحد يضرب الثاني صراخهم العالي ملأ المكان
16

جرتني عهد وكفت بمكاني ما اكدر اتحرك احس رجليَّ طاحن عضيت ايدي أسناني انكبسن على ايدي صرخت عهد بخوف ما تعرف لحالتي دفعهم تقرب الي خلة الشال بحلكي بسرعة غمضت عيوني جسمي يرجف سكنت مكاني ما كدرت افتح عيوني اسمع اصواتهم
34

شوية وهديت مسح على وجهي فتحت عيوني لزمت راسي بوجع جرني من ايدي عسكر خزرة أيهم
5

أيهم: خليها هسه تهدأ لا يصيرلها شي

عسكر: كلشي ما عليها تموت من المرض ولا من الخوف

أيهم: قسسسسسماً بالله خللللص صبري عليييك وابو فاضل اسحلك هنا والكفل زينب
4

عسكر: دربك وما يسر

رصار: هاي هي أيهم هذا الانتفاق وخلص كد كلامك لو لا؟
4

سكت أيهم دنك يمسح وجه

أيهم: اتنازل عن الشغل عسكر لا ترجعني للطريق التركتة

عسكر: طلكها ما اريدها تظل على ذمتك اطفالك وعندك اختي يمي ما أمن عليها بيدك
10

كام من مكانة خلة ايديه بجيبة

أيهم: ما اطلك شيصير خلي يصير راويني عرض اجتافك
13

عسكر: بيناتنا المحاكم
6

جرني من ايدي بعد ما طلعنا حجه برجفة
4

أيهم: اطلكها بس تكون بحمايتك وكدها يا عسكر
49

باوعلة حجه بعدم اهمية احس كلبي انقبض
7

عسكر: خلصنا يابة
7

باوعلي بلع ريكة باوعت للبيت تاركة وراي اطفالي الي تحملت كلشي لخاطرهم هم الربحو بهاي اللعبة وأني الخسرت كلشي انهضمت من الدنيا كلها اثاري العوض ما يجي على شكل أهل روحي ادمرت وصارت رماد


أيهم: حور انتِ......


يتبع

  تصفح



الحلقة الثالثة والثلاثون 💫
58.6K 3.2K 4.2K

بواسطة al-Dulaim
﷽

كسار الود 5:5
6

.رحمة الدليمي.

زعلتكم صح؟ آسفة الكم يا كلبي بس مصخنة وما لحكت أكمل البارت بسرعة التمسو العذر 🤍
13

تفاعلكم حتى استمر وياكم كلبي وشكراً على تفاعلكم بالبارت السابق 🫂
4

وهكـذا يأتيك العوض من حيث لا تحتسب
•.................................................•
5

خليت الموبايل بيده الغصة خنكتني خنك

كسار: ريحانة وين رايحة حبيبتي
12

ود: اريد انزل جوة

كسار: تعالي احجي وياج وبعدها روحي

ود: عفية كسار مو وقت كلام وتبريرات خلي اطلع من تهدأ نحجي

كسار: شلون تطلعين وانتِ زعلانة؟

ود: ما زعلانة هسه اكدر اروح؟

كسار: لا ما تروحين

جرني من ايدي حضني بقوى دفعتة عني شالني بحضنة دفعتة من كتفة واني ابجي تغير هواي كلبي ناغزني من تصرفاتة
7

ود: نزلي شهل تصرفات كسار

كسار: ما تطلعين لحد ما افهمج كلشي بعدها سوي الي تريدينة

ود: ما اريد اسمع شي اتركني خلي اطلع منا لا اطك وانفجر

كسار: هو ما يفيد وياج الكلام شو تعالي

خلاني على جرباية دفعتة جر الشال من ركبتي شد ايدي تخبلت هذا شبي دفرتة لزم رجليَّ بيده خلة اصبعة ع شفتي خزرني سكتت

كسار: ما يصير تزعلين وانتِ ما فاهمة الموضوع ما يصير ابوية انتِ خلي افهمج

ود: والله اذا ما فكيت ايدي اعضك والله انجلب عليك بهل ليل أبو نوره عيون نوره والله لا اهدم البيت على راسك ياااا شاايب

كسار: ولج خـ...

ود: افتتتتتتح ايدي اليوم افتتتتح عليكم باب جهنم عبالك ابجي والزم زاوية ازعل بيها اييييييي والله لا اطشر التيبلام براااااسسسسك افتتتح ايدي ولك شااايب أني تخوني مع نوره انعل ابوها لابوك افتتتتح الخرااااا
16

قد يعجبك أيضاً

وقاد الاصهب
717K
24.9K
تائهه لا تعرف معنى الحياه تنضج وسط انهيار دموع , الم , فقدان , استنكار تضرب بأقسى شيء تحرم من الامان تراودها افكار ضجيجه , ترغب لنجاتها منهم لتعجز وعندما تغضع يصادف...

زوجة الكولونيل [ 2 ] COLONEL'S WIFE
864K
17K
[ الـتـكـمـلـة ] هو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود...

رهينة يناير
461K
12K
لا أحد يقرأ المُقدمات ، ولم أحظَ بمقدمة لكل ما حصل في الرواية ، لأن كُل شي يأتي دون علم مسبق أو أنذار ، حتى خاتمة لا أثق بأنها ستكون لائقة بها ... ـ زينة أحمد تم تغير ا...

«أذنابُ الماضي» الجزء الثاني من أنا لها شمس
1.1M
46.5K
المقدمة «أنا التائهُ بظُلمة الماضي ووحشية الحاضر وغشاوة مستقبلي، أتطلعُ على حالي فأتيقنُ أن لا سبيل لانقشاع غُمتي، أتيتُ إلى الحياة ولم يكُن الأمر بخياري،منذُ نشأتي أُقح...

هوس ذياب
6.3M
258K
طلعت من البيت بسرعه بألاول رحت اركض حته أبتعد عن البيت من شفت روحي بعدت بقيت امشي مشيت هووواي تقريباً ساعه كامله واني امشي احس رجليه صارت توجعني طلعت الجهاز واتصلت علئ...

شظايا قلوب محترقة
2.4M
74.6K
هو المغرور نصف وزنه كبرياء والنصف الآخر قصة لايفهمها العقول الصغيره،بحر متلاطم من الأفكار لا يبحر فيه السطحيون ، متمرد ولا يعجبه شى ،.بل متفرد مختلف لايرضيه اى ذوووق هي...
بأس شفتي يضحك مسحت دموعي بكتفي
3

ود: قرب عليَّ اريد ابوسك

كسار: شجاني تخبلت

ود: كللللت قررررب ما اسوي شي بس ابوووسك

كسار: جؤ لا يابة ما عندي عقل

ود: عليك الله قرب

ضحك بقوى قرب وجه مني يضحك نبتت اسناني بزنده خليتة يفرفح بمكانة كرصني من بطني قلصت على نفسي تركتة عقد حواجبة بوجع رفع البلوزه يباوع لزنده

كسار: الجلب يدرب عندج

ود: يلا احجي منو هاي نوره معرف نور صديقك اسمه نور؟ شايفني مطي كدامك

كسار: حشا المطي

ود: كسسسسسسااااااار

كسار: ها يا عشك سنينه الراحن
4

ود: هل كلام يفيدك حبيبي تفضل احجي ما دام بعدني ساكتة

قرب وجه مني حجه بهدوء وهو يمشي ايده على طول زندي

كسار: كلشي احجيلج بعدها أخذ حق كلامج

ود: حق شنو؟ كلام شنو؟

كسار: انعل ابوك ها؟

ود: شسوي انتَ حركت اعصابي شعرفني اني

كسار: بكلشي مسموحلج الا الغلط تحصلين على عقابج وبعدها وين ما تروحين روحي

توترت من كلامة يحجي بجدية ولا يشاقة احس انحصرت بزاوية ضيكة ردت اختفي

ود: عقاب شنو؟

كسار: هاي اتركيها عليَّ خلي افهمج السالفة

من صدك خفت نسيت حتى السالفة شنو حجه بهدوء وهو يشغل الجكارة

كسار: من تزوجتج وأنا اعرف الكل ضد هل زواج حتى امي بس الوالد جان موافق على هل زواج
مر على زواجنا ثلث سنوات وبكل يوم يمر علينا سوا امي تلح عليَّ اريد اشوف اطفالك هل قوانة ما خلصت منها بكل وكت اكللها يمه مو هسه واسكتها حتى انتِ ما تحسين وأنا من اخذتج حلفت وقسمت يمين ما اخذج بنفس السنة الي تزوجنا بيها كبل شهرين امي زعلت من اخذتج لبيت علي صارت مشكلة بيني وبينها أنا فهمتها ما اريد اطفال هسه وهي تكول ليش خايف عليها انتَ كبرت اريد اشوف ابنك يحمل اسمك تلح تلح كل يوم

صرت اتهرب منها بس هي زعلت سبوع وكالت يمه أنا خطبتلك بنت خالتك ومكملة الشغلة كلها أنا تخبلت حتى اعصابي استهترت عليها عليت صوتي بوجها بس هي جانت مصرة تمشي السالفة وما اهتمت لشي رحت أنا لـ أبو البنية وفهمتة كلشي بس هي اجت وراي وبلسانها كالت اذا ما تزوج اتبرا منك سايرتها وهديتها خليتها تقتنع تفسخ الخطوبة هي امي ما اكدر على زعلها بس ما مشيت كلامها ولا مشيت وراها تركتها فسخت كلشي ترا ما عقدت عليها بس جان مجرد كلام وحجزوها الي أنا فسخت كلشي والسالفة مرت عليها أيام بس هاي معرف منين ماخذة رقمي وخبصتني خبص انتو ما تعرفون حق الله وانتو وانتو تحجي كلام ما ينكال سجلت اسمها بالموبايل حتى اعرفها لأن أرقام ربعي اختلطن بيها احظرها وتجيني تالي البارحة رزلتها وخليتها تكطع نفسها للأبد حتى من جانت تخابر ما ارد عليها احظرها بس يابوية ود الصار أنا ما اعرفلة الله شاهد بس أنا اسمي ما خليتة مع اسمها ردت احجيلج بس اعرف فيوزاتج اطك وتتخبلين عليَّ حتى اذا فهمتج اطلع أنا الغلطان ولو هاي نضراتج هسه تحجي كلشي والأدب واضح بعيونج
19

هزيت راسي مسحت دموعي بكتفي دمي يغلي حجيت بهدوء

ود: احلف على قرآن تقسم قسم يمين الله كلامك صحيح

كسار: تجذبيني

ود: والله بعد كلامك؟ ما اصدك بروحي مو بس بيك

هز راسة دخل يتوضى شوية وطلع مسح المي لزم القرآن الكريم باسة وقسم عليه ارتاح كلبي أني اعرفة شنو بس معرف شبية ضجت من الكل رجع القرآن على مكانة باوعلي حجه بخفوت

كسار: لو صاير غير هل كلام ما تلكيني احجي وياج ولا الزم كتاب الله ولا الي وجه اباوعلج بي

ود: فك ايديني

تنهد بضجر فتح الشال من ايديني فركت ايدي باوعتلة يباوعلي بتركيز

ود: وصلني لبيت علي

كسار: شنو يابة؟

ود: مثل ما سمعت

كسار: نجوم السما اكربلج

ود: أي عادي أني اروح شبيه لعد بس فالحة بالدموع والبجي والدراما

كمت من مكاني كمش ذراعي حجه بحده

كسار: ارجعي لمكانج لا تتخبلين ما ردت احجيلج شي اعرف سوالفج

ود: لا عليمن حجيتلي كان خلفت منها وشوفتني ابنك وقتها اعرف

كسار: يابة انتِ تفهمين كلامي لو لا أنا بروحي معرف الصار إلا من امي وحك الله وعبادة نهيت السالفة بأسبوع البنت شفتها مرة وحده وبس

نداريت اله ضحكت بقهر

ود: أي حقك ازعجناك انتَ والست نور كسار توصلني انتَ لو اخابر علي؟

كسار: تخبلتي ريحانة بوية والكعبة ومحمد والخلقج هاي كل السالفة ومابيها ول يابة أنا اريدج انتِ لو ما اريدج ترا اكو كبلج هواي

ود: أي صح اكو غيري هواي روحلهن عليمن باقي يمي

فتحت الكنتور طلعت الحجاب والجبة لبست البوت ما احس بنفسي شكاعده اسوي ولا شلون دا اصرف بس كلبي محروك كام من مكانة تقرب الي لزم وجهي بيده مسح دموعي
17

كسار: اخذج الهم خلي ترتاحين وتفكرين زين وعقلج يرجع براسج وارجعج الصبح

ود: تمام

رجع لورا مسح وجه يصبر روحة طلعنا من الغرفة نزلنا جوه طلع اثير من المطبخ باوعلنا حجه بأستغراب

اثير: ولكم هسه وكت طلعة الوكت متأخر

كسار: لعلي هسه نرجع

اثير: الله وياكم

طلعنا برا صعدنا بالسيارة باوعتلة حجيت بهدوء

ود: لا تحجي لحد مو شرط الكل يعرف

كسار: هسه اتركيج منهم خلي نطلع لمكان ترا السالفة ما تسوا وحك ربج ما تسوا

ود: صح كلامك بس وصلني اريد اروح لمريم

كسار: هسه عليمن زعلانة أنا غلطت بشي كولي خلي اعرف الصخام التورطت بي

ود: لا قابل شعليك انتَ انطيني موبايلك

كسار: يا ساتر استر علينا

خلة الموبايل بحضني قلبت بالمحادثة ماراد عليها بس مرتين دخلت القائمة الحظر شكد حاظرها بس انقهرت من الدنيا كلها رجعتلة الموبايل حرك السيارة ما حجه شي طلعنا من غير طريق بقى يفتر طلعت روحي باوعتلة بأستغراب

ود: شنو السالفة وين صار البيت صارلنا ساعة نفتر

كسار: مو اكو هنا حظر تجول

ود: معقولة؟ لعد شلون دا نفتر ما شفت سيطرات

كسار: اكو حظر تجول من بيت علي مو منا

ود: سبحان الله اني اكول وصلني احسن لا اذب نفسي من الجام

كسار: شنو اليسوا تزعلين منه؟ يغارون منج بوية ود أنا لا ازوج عليج ولا اريد وحدة غيرج امي
ما مشيت بكلامها حتى ما اقهرج

ود: يعنييييي عاااادي عندددك تزوووج لو ما أني موجودة

كسار: والله معرف شجاوب دخيل ربج ع هل حيرة

ود: يعني شفتها هاي الحقيرة نور

كسار: بس مرة معرف مرتين وداعتتتج غيرها ماكو

ود: لو قبل ما تعرفني ولا تزوجتني كان تزوجتها؟

صفن عليَّ بلع ريك هز راسة لا

كسار: لا أكيد

ود: بس انتَ ما تعرفني يعني راح تزوجها؟
3

كسار: لالا ما ازوجها ابقى انتظرج

ود: طلكني

كسار: ميخالف بعد شهر اطلكج

كتفت ايديني بضوجة وصلني لبيت علي نزلنا سوا دك الباب فتحتة ريمة سلم عليها وراح دخلت للغرفة وهي اكلت راسي شبيج وما شبيج كعدت على جرباية ذبيت الموبايل بوهن كعدت يمي

مريم: شبيج ولج ليش عيونج حمر

ود: علي هنا

مريم: لا بالدوام

ود: يقين وينها

مريم: الله يذكرها بالخير اجه اخوها واخذها

ود: يا صدك والله

مريم: والله صارلها يومين

ود: خطية الله يريح كلبها