ضحى: ليش يُمة شبية اخيك

قيسر: كلشي ما بي يوم بس أنا ما مفكر ازوج هسه

جواهر: لا عمة طلع عنده سرطان بالدم وحالتة زادت
2

لطمت ع صدرها وقيسر خزر جواهر نزل راسة علاء يستغفر كامت من مكانها تتوجه ايدها ع رجلها تريد تصعد الدرج بس ما تكدر وعلاء يحجي وياها كامت تبجي وتنحب بصوت عالي صرخت عليهم ثنينهم

ضحى: ولكممم صيحو لا تصفنون عليَّ

علاء: يوم مابي شي هسه ينزل واحجي وياه خما نجذب عليج اهدي هسه السُكري يصعد

صعد قيسر بدون ما يسمع الها وهي كعدت بالكاع تحجي ولا سكتت وعلاء يهديها بس هيهات تهدا ولا سمعت الهم تباوع ع درج كامت باربي ضربت جواهر راجدي كدام الكل نامت فوكاها خلت صراخها سابع جار يسمعة علاء والبنات يريدنها بس تبتعد عنها ما كامت بقت تضربها آخر شي عضتها من زندها وعلاء شالها عنها وهي تحلف وتتوعد الها خلت ضمادها ينفتح بجت بصوت عالي لازمة رأسها
13

باربي: ابجي حية تبقين نذلة حرمة بكد امج ما كلتي تنصدم ولا يصيرلها شي وينشف لسانها من السُكري ما عندج رحمة بكلبج
1

جواهر: بس تحجون عليَّ وهاي حور محد بيكم يحجي وياها كلمة
1

حور: دروحي فاضية الج أني
1

جواهر: طبعاً ما فاضية الي بنت الزنا اذا اختج ركاصة بالملاهي انتِ شتطلعين امام جامع قابل
6

ما اذتني بكلامها بكد ما حجت ع شمس بعد ما حجه علاء باوعتلها وحجيت بهدوء

حور: يلا عادي شسوي مواهبج اخذتهن اختي بس معرف اصلج شنو وانتِ كاعده هنا بكم فلس اهلج وين هنا الحيرة ويا خوفي تطلعين مثل ما اني طلعت بس تتعودين كلبي

جواهر: قصدددددج اطلللع بنتتتتت زنااااا مثلج

علاء: والله العظيم لو حجيتي وياها كلمة وحدة بس لا اسحل بيج امت محمد وادزج مجفنة للخلفج الي ما عرف يربيج دايح بالخارج انطاج خبز بس ما انطاج تربية بنت زنا شنو تسواج وتسوا اهلج عليش حاقدة عليها وهي لا يمج ولا حولج وحواليج غصباً عليج تحترمينها ما عاجبج هذا الباب يوسع جمل الله ومحمد وعلي وياج هاي الي تكولين عليها بنت زنا هاي اشرف من الخلفج وديحج ع عالم عاشت بدون أهل بس تسوا الي عدهن أهل وما عرفو يربون بناتهم انعل ابوج لابو أيهم والساعة الي خلاج تدخلين لهنا

جواهر: ضجتتت عليييهااا كلشيي ولا احد يحجي وياها كلمة أنا بنت خالك...

علاء: ليش يابة انتِ منو؟ واذا بنت خالي هاي الجدامج بنيتنا واختي الصغيرة محد ما كاللج تجاوزين عليها ولازم نسكتلج والله انتِ بنت خالي انتِ حرمة ما محتشمة روحج شلون تحجين عليها هيج ترا كبل ما تدخلين لهل بيت هذا بيتها ومحد ما يرفع صوتة بوجها بكلمة وحدة غير أيهم غيره لا لا عبالج صرتي وحدة منا وبينا وتجاوزين براحتج ما لكيتي احد يوكفج عند حدج احشمي روحج والفاظج حلوة الحشيمة للحرمة
3

جواهر: ما تسمعها شتحجي

علاء: خوية من الأخير ما يعيب الا المعيوب طاري اختها لا تجيبينة ع لسانج واذا بنت حرام انتِ شني الغاثج

جواهر: لا مو هي تزعل من حقيقتها

علاء: لا ليش تزعل ما هي الصغير والجبير يحترمها من حشمتها واخلاقها بس بالأسم هي بنت حرام ما كدرتو توصلون الها سقطوها بحجة هي بنت حرام وينها وين الحرام هي بعدها هلكداتها وربت عدنا انتِ منو وشنو؟ حتى تقارنين روحج بيها ترا هاي جاهل تخلين عقلج بعقل طفلة صغيرة هستوها كامت تعرف معنى الحياة وانتِ بكد امها؟ والله زحمة

سكتت بغل تباوعلي خليت ايدي على خدي بالي مو وياهم شتات عنهم معرف افكر بمنو بشمس الي انكطعت اخبارها ولا بمرض أيهم ولا بأشتياق ولهفتي ع بنتي الراحت خلصت الاربعينية مالتها وابوها مريض وسالفتها شبه صارت منسية بس ما فاركت خيالي لحظة وحدة ولا أفكر بمرض امي واخواني الي راحو وانكطعت اخبارهم كذاب الي يكول ممكن نكدر نحقد ع اهالينا لأن نبذونا من الصغر نبقى نحن الهم و نحس ارواحنا بعدنا صغار يمهم بعدنا  نحن الهم صح عرفتهم بمدة صغيرة بس حنانهم كان شي غريب ومختلف عليَّ كل كلمة منهم والخوف بعيونهم من يشوفوني مريضة وحنيتهم عليَّ وعلى شمس خلتني اتعلق بيهم أكثر

صحيت من صفنتي وهو يحجي مع عمة ضحى وهي تبجي

أيهم: هسه شني متت لو تدرون العار ما يموت بالعكس يعيش

ضحى: ياااا مخبللللل رجعوووو للشماعية فتتتت كلبيييي هل ولدددد اكتل روووحي ولكك لو الله ياخذني وارتاح من ظيمك

أيهم: لا يمعودة شني هي فد نمونة هسه اطيب بس بشرط لازم اروح اسبح لأن عندي طلعة كافي دراما بروح اهلج

ضحى: يبووو

أيهم: ويييييييي
3

ضحك ليث بقوى كعد مع أيهم بالكاع وهي تبجي ما سكتت خلت فوطتها ع وجها وهو خلة شماغة ع وجه حجه بأستهزاء وهو ينحب بصوت عالي بس يتمسخر ما مهتم لشي

أيهم: يبوووو ع حظج يا ضحى راح العار اقصد الزين وخلاج يبووو ولج شكي زيجج والطمي حيل وشعر للكاع ردح ردح
16

لزمت نعالها ضربتة ع ظهره وليث يضحك دفع ايدها لازم ذراعة

أيهم: يُمة زحمة ابني كاعد شوية احترميني رحمة للعباس

ضحى: اكطعة ع رأسك يا ابو صماااخ

أيهم: ليث لا تضحك لا ادوس بطنك

ليث: اسف بابا بس جدة سحلتك سحل

أيهم: امك هم جانت تسحلك

ضحى: ولك قيسر تعال اخذه من يمي ولكم راح اموت أنا ما اعيش أكثر من هيج ما دام أيهم جدامي أنا ميتة ما اعيش اخذو من وجهي هل عار

أيهم: عار ولا بارد

كامت ع حيلها ضربتة بالنعال تكمخ بي رفع ايده لزمها من ايدها شالها وخلاها ع حايط عاط بوجها وهي تغلط عليه

أيهم: احترمينيييي ضحاوي واي واي
3

ضحى: نزلنييييي يا خبل

أيهم: كولي تاج راسي أيهم

ضحى: تاج نعالي نزلنييييي

أيهم: ع راسي

نزلها للقنفة كعد يمها باوع لجواهر عاط بينا

أيهم: منو حاجاها

علاء: أنا

أيهم: عاشت ايدك
8

ضحى: يُمة ما ناوي تتعالج

ضحك بأستهزاء باوعلي ما نزلت عيوني قابلتة برود الي يكرهة عض شفتة باوعلها طلع الباكيت من جيبة شغل الجكارة اخذ أول نفس زفرة للكاع

أيهم: يا مرض منهن ما ينعدن امراضي

سمر: ميخالف عالج روحك
7

أيهم: اووووف هاي سمر حجت

قيسر: أنا ما انتظر منه كلمة بس خلي كلشي يكمل ويصير خير اما كلامة ورفضة ينكعهن ويشرب ميهن
1

أيهم: هسه اتركونا من هاي السالفة عندي موضوع مهم

ضحى: شنو

أيهم: العصر راح يجونا خطار واريد منكم ضيافة مرتبة وتبيض الوجه

ضحى: ليش يُمة منو الي راح يجينا

أيهم: هن فرحتين ناس من الخارج وناس من الانبار
6

سمر: شنو السالفة؟

أيهم: شنو؟

سمر: منو هذولة ولك

أيهم: محد

بقينا كاعدين كل دقيقة يباوعلي واشتت انظاري عنه صارت الساعة ثلاثة ونص العصر اندك الباب وراح علاء يفتحة اشرلي اكوم وياه كمت من مكاني صعدت للغرفة فتح الباب اخذ ملابسة ودخل يسبح بقيت كاعده ع جرباية طلع هو رش عطر ولبس الساعة باوعلي حجه بسرعة وهو ينزل راسة للساعة البيده وبعدها يباوعلي

أيهم: شبيج

حور: مابي شي ليش صحتلي

أيهم: من شنو ضايجة؟

حور: ولا شي

أيهم: لج بابا احجي عدل

حور: أي هو دا احجي يعني شلون

أيهم: غردي بعد كلبي منو وياج

حور: محد

أيهم: طبكن الحار ع بارد احجي منو وياج

حور: كلت محد شبيك

أيهم: كبل شوية صار صوت عالي جوه

حور: أي

أيهم: وجعي احجي

حور: مابي حيل احجي شغل الكاميرات وباوع

جر الطبلة الصغير كعد كدامي لزم ايدي حرك اصبعة ع باطن ايدي ارتعش جسمي جريت ايدي منه اخذها مرة الثانية

أيهم: آخر مرة اكول منو حجى وياج

حور: محد

أيهم: ما راح تحجين

حور: لا لأن مابي شي بس ضايجة

أيهم: أي بلا شنو الي مضوجج؟

حور: شمس وينها ليش اختفت؟

أيهم: ادك عليها ما ترد معرف وينها

كام من مكانة وصل باب الغرفة باوعلي ابتسم

أيهم: ما راح تنزلين؟

حور: لا

أيهم: مو ع كيفك وليدي تعالي

حور: ما اريد انزل

أيهم: اليوم شبيج؟

حور: انزل هسه أني انزل وراك

أيهم: تعالي حور

تنهدت بضيق لزمت ايده بعدنا ع درج حجه بهدوء

أيهم: تنزلين بوجهج للمطبخ

حور: ليش

أيهم: تدخلين وياي للصالة؟

حور: أي بس يمكن عدنا خطار

أيهم: أي صحيح وخطارنا غالين ع كلبي

ضحك ودخلنا للصالة باوعت أهل جواهر هنا سلم عليهم من بعيد كعد وخلاني وياه جريت ايدي منه خليتها بحضني بقى يحجي وياهم لحد ما كمل كلامة خلة جواهر تفتح عيونها بصدمة كأنها ما متوقعة منه هل شي

أيهم: أبو جواهر بنتك طاحت من الدرج وهاي جدام عينك تكسرت

::- حجتلي شلون طاحت بس هيه سبعة ما مهتمة

أيهم: المهم مو هذا موضوعنا أنا رايد اطلك بنتك مثل ما اخذتها بالمعروف انهيها اليوم
6

::- ليش مسوية شي حتى تريد اطلكها

أيهم: لا ما سوت شي

جواهر: چا عليمن اطلكني

أيهم: انتهى الانتفاق الي بيناتنا أنا من البداية كلت أخذج گ مُربية لجهالي بس ما تصيرين زوجتي بالكمال وانتِ واهلج وافقتو صح لو أنا متوهم؟

نزل راسة ابوها مبين علية ضاج وايهم كمل ما سكت

أيهم: جنت انطيكم راتب شهري مثل ما انتفقنا وهسه أريد افصخ العقد عدكم اعتراض؟

::- لا

أيهم: راح ادزلكم ورقة الطلاك الرسمية ما أريد اي تواصل بيناتنا بعد اليوم خوش يابة؟

::- أي خوش

كامت تبجي وامها تهديها صفنت بحيرة اذا هيج اهلها يحبونها عليمن متحملة كل هل ذل وهي ما عدها لا طفل ع ايدها ولا أحد جابرها تبقى عليمن متحملة گل هذا عدها شهادة واهلها خوش ناس وعايشين بالخارج كل بنية تحلم تعيش عيشتها براحة وهدوء خلتني اصفن بسالفتها من صدك
14

طلعو كلهم لبيت اهلها وقيسر وراهم ما رجعو لحد  العصر وهم دخلو
ارتجة لورا خلة ايديه ورا راسة مد رجلية ع ميز وحدة فوك الثانية ردت اكللة اخذني لشمس بس سكتت لا يفشلني

قيسر: أحسن شي سويتة الله البيت هدوء

باربي: حرامات

علاء: انلصمي انتِ

باربي: أي شسوي جنت مضيعة وكت وياها

باوعلها بطرف عينة نزلت رأسها تريد تضحك وليث خبصنا يفتر يفتر كل ساعة يباوع لـ أيهم

ليث: يلا يابة خلي نروح

أيهم: مو هسه بأجر

ليث: لااا عفية

أيهم: علاء اخذه للبيت الـ...

علاء: كوم وياي

ليث: باربي تجين

باربي: أي

علاء: لاااا انتَ وكافي مو لازم باربي

باربي: يظلموني ظالميني

أيهم: عمت عيني عليج الظلم طلع من عيونج

باربي: ما يريدني اخوك

أيهم: طلكي

باربي: جيب الشيخ
1

أيهم: طلكها وارتاح منها اقصد خليها ترتاح منك

علاء: لا غشيم أنا حتى اطلكها وبالتواسيل ابوها انطاها

ضحكت ولزمت ايده لطم ع وجه قيسر ينوح بمكانة

قيسر: يا بوية يا بوية هل هتلية تزوجو وأنا لا

أيهم: يلا بأجر نطلع مشاية لعفرا هاي اذا وافقت على واحد مثلك

قيسر: انتو بس احمدو بأخلاقي وكبرو راسي يمها وسوني مثل باتمان هي راح توافق حور تبقين مشكولة الذمة ألا ما لحيتي عليها

حور: لا انتَ خوش رجال توافق عليك

قيسر: طزززززز برجلج يروحلج فدوة هل عار
2

ضحى: خطية الله لا يبلاها يا يُمة مثل ما بلا اختها

باوعلي عقد حاجبة

أيهم: حور أنا بلوة؟

هزيت راسي لا

أيهم: تكول لا

ضحى: مخلوسة البنية

أيهم: وانتِ شعليج؟ شعليج بيها.؟

سمر: طبكن

باوع للساعة الي بيده وباوع لقيسر

أيهم: اكول اجوك خطابة

قيسر: أنا يخطبوني؟

أيهم: دكل قنـ...

باوعلي رفعت حاجبي ما يفيد اكللة لا تغلط ما يفيد حتى الكلام تحمحم وعدل كعدتة

أيهم: لا مو عليك على نجود

قيسر: لا يابة لا تحجي صدك وينها وين الزواج صغيرة

أيهم: خلي نسمع منها بالأول ونشوف رأيها يوم شتكولين انتِ

ضحى: الناس كريبين منا

أيهم: مازن طلب ايدها مني يوم هاي مو أول مرة كبل سنتين هم طلبها وكلتلة صغيرة والبارحة اجاني

ضحى: والله يُمة زينين هل ناس بس ديرتهم بعيده

أيهم: علاء سمعة كال اخذلها بيت وحدها مو مع اهلة لأن هم عيلتهم جبيرة وأنا كلتلة اذا توافق ما تكعد مع عيال

علاء: خوش ناس والقسمة الزينة ما تنرد بس خلي نسمع رأيها بالأول

أيهم: هي وينها هاي البنية مختفية ماكو لا بغرفتها ولا بالصالة صدفة اشوفها تدرس ومرات انساها نجوووووود

صاح عليها ماكو مالها نفس

أيهم: باربي اسحليها ونزليها

حور: دكي الباب عليها يمكن نايمة أو تسبح هي شوية تختفي

أيهم: اقصد دكي الباب عليها
1

كامت باربي ادردم وهي ع درج

باربي: اصغر زعاطيطكم أنا كل ساعة وكومي باربي

أيهم: انطيج ربع لا تبجين

باربي: صدك

أيهم: أي

باربي: بعد عيني تسلم

صعدت هي وحلا بيدها مبرد محتارة بأضافرها باوعلها أيهم عفس وجه وهي تغني ناسية الكُل كاعده بصفحة محد ما كاعد يمها

أيهم: وانتِ قردة؟

ما سمعتة كام من مكانة مشى الها بهدوء وقيسر لازم ضحكتة خلة ايديه ورا ظهره يباوعلها بحركة سريعة جر المبرد منها صرخت هي من شافتة سكتت عدلت نفسها

حلا: اخوية الغالي تعال اكعد يمي وين هل غيبة

أيهم: مو احجي وياج

حلا: فكري شريد....اقصد ما سمعتك
3

أيهم: بعد يومين للدوام

حلا: اها

أيهم: وجعا تجيني بنص السنة أو اخرها مصخمة وجهي مثل كُل مرة عضامج اطكطكهن بيدي شايفة شلون اخلي الملح ع سوط وامشي ع ظهرج؟ اخليج تكرهين نفسج

حلا: اذا ما طلعت الأولى ع عراق

أيهم: نشوف

نزلت نجود مع باربي أول ما شافت أيهم حجت بسرعة وحلا تغمها

نجود: ما راح اسجل أيهم

أيهم: امبلا أنا أخذج

صفكت بحماس وحلا تغم بيها

حلا: عيع

أيهم: كوليها لروحج

حلا: راسبة وافتخر

أيهم: ميخالف مخليلج حدج هل سنة ميخالف يا حلا

حلا: علاء أنا مو أدرس؟

علاء: أي صحيح من الدراسة عيونج راحن تأكلين الكتاب أكل مرة شفتج تبجين لأن ما درستي

حلا: يا روحي انتَ

قيسر: يا روحي من التسخيت كاعده تنضف اضافرها الوصخة

سكتت تخزره رجعو يحجون مع نجود دنكت راسها خجلانة وقيسر ما خلة كلمة ما حجاها

قيسر: لا تخجلين موافقة كولي أي ما موافقة كولي لا حتى نعرف نحجي مع الرجال

بعدهم يحجون والجرس اندك طلع علاء وايهم عيونة ع باب من سمع صوتهم كام باوع وضحك وجها صار احمر

أيهم: الجواب معروف شنو بس هم لازم رأيج

طلعو الهم وباربي صفكت وكابلت نجود

باربي: ولج وافقي هذا ابو المزن واجاج

ضحكت هي وعمة ضحى تباوعلها

نجود: أي

عمة سمر دخلت النسوان للصالة طلعت بصفحة بس ساعدتهن بالضيافة لأن الخطوبة رسمي مو مجرد كلام مثل كل مرة اخذت قمر من باربي خطية تعبت وياها همست وهي تخلي الشكر بالصينية

باربي: احس نفسي حامل

حور: اخذي فحص

باربي: من تفض الهوسة اخلي علاء يأخذني للمختبر

حور: لا تروحين لغير مختبر عذراء بالمُجمع ما اطول هواي وتطلع النتيجة

باربي: همزين كلتيلي بس أخاف مثل كل مرة سلبي وكلشي ماكو

حور: لا توكلي ع الله وان شاء الله حامل

كعدت نجود يمنا تفرك اصابعها بتوتر

حور: غيري ملابسج وانزلي هسه امه تكول خلي نشوفها

نجود: لا لا ما أدخل

حلا: هي بكيفج امشي عيني وفضينا

حور: ما يصير نجود عيب اصعدي غيري ملابسج واكعدي ويانا هسه شوية وعمة ضحى تصيحج

نجود: يعني هاي هيَّ والله دا احس كلشي حلم

حور: الله يتممها عليكم بالخير

باربي: امشي وياي كومي حور ويانا

حور: لا عفية ما اريد اصعد للدرج اختنك روحن انتن

باربي: والله حقج الدرج عالي ليش ما تنزلين جوه

حور: ما يقبل والله شكد حاجيتة

باربي: حاولي وياه

حور: اليوم هم احجي وياه اشوف يمكن يقبل

صعدن هن دخل علاء خطية بدون ما يحجي شي هو جهز الجاي خليت قمر بحضنة وصبيتلة بالصينية الثانية اخذت قمر وهو أخذ الصينية وراح دخل قيسر باوعلي أخذ الصينية حجه بهمس

قيسر: اقنعي عفعف بروح اهلج حتى امشي عليها هيج مشاية مو على غيرها

حور: والله اذا ما اخذتك هي الي خسرانة

قيسر: ولججج ايييي

حور: عيب عليك والله العالم جوه

قيسر: عفية ام شرشر عفية

راح وأني اضحك ع سوالفة خليت قمر ع كاونتر عضيتها بخدها جرتني من الشال عضيت ايدها بستها تنكرط نزلن البنات وصوت النسوان جوه عالي شوية وطلعت عمة سمر اخذت نجود ودخلت كعدت حلا وباربي كعدت يمها

باربي: لعد وانتِ؟

حلا: أنا؟ شبية

باربي: كاظم مالة صوت؟ انتو سالفتكم ادوخ

حلا: ههه شسويلة

باربي: شبيج ولج

حلا: فكرت بيها بس خجلانة شلون احجي مع قيسر لأن أيهم يدوخ يبدأ يسأل سين وجيم

باربي: فكرتي بشنو؟

حلا: اريد اتركة

حور: تحجين صدك؟

حلا: أي والله احجي صدك ما اجذب

باربي: شغيرج؟ هو انتِ مو متي حتى بس يخطبج؟

حلا: راح وتركني وأنا ما جذبت علية بشي كلتلة يا أنا يا الشغل وهو ما اهتم وأنا ما اتنازل عن كلامي

حور: تفكيرج غلط شلون تساومينة هيج؟ ترا هذا شغلة مو بيده

حلا: ما رجع لحد الآن

نزلت رأسها ضايجة دخل أيهم للمطبخ باوع لباربي وهي راحتلة

أيهم: صيحي نجود بسرعة

راحت هي باوع لقمر خزرها بقت تباوعلة برطمت تريد تبجي عيونها دمعن رجفت شفتها حضنتها اسكتها لا تبجي خلت وجها بصدري ترفع رأسها تباوعلة وتنزل عيونها خلت ايدها بحلكها تباوعلي

حور: هذا عو يعضج لا تباوعيلة
1

أيهم: عو بأمج

حور: عيع ما تستحي ع روحك

أيهم: لا والله ما استحي اكللج شرأيج اجيبلج مشاية واخطبج واخذج من جديد

لا ارادي ضحكت لزمت نفسي اباوعلة

حور: عيع شكد عيب وليث يركض وراي الا ينيم الحجار براسي

أيهم: عادي واذا هل مشامير اذبهم وبعدين نرجعهم

حور: الله يهديك

أيهم: والله اسويها

حور: سويها مع غيري

أيهم: قدي
3

دخلت نجود وهو حضنها من كتفها تباوعلي عبالك تكللي خلي اختفي هاي لو حلا تكعد تشرب جاي وياهم وعادي عدها

أيهم: ما أكدر اردلهم الخبر بعدين وياهم ناس ولازم هسه أخذ رأيج هي كلمة وحدة موافقة لو لا؟ أنا ما اجبرج احجي الي بكلبج هاي حياتج وانتِ حرة بيها

نجود: الي تشوفة انتَ سوي

أيهم: يعني هاي هيَّ؟ عيب بعدين تتراجعين بكلامج

نجود: أي

راحت هي وهو تفل وراها وغمها
7

أيهم: الا توافقين كولي لااا

حور: انتَ كلتلها وافقي؟

أيهم: ومعناها توافق؟؟ عليمن توافق ليش

حور: لا اله الا الله هههههه

أيهم: لو بقن صغار ولا اكلان الـ..

حور: تريد تغلط؟

مسح ع حاجبة لا

أيهم: وانتِ عليمن كاعده هنا؟

حور: مالي خلك أدخل جوه هوسة

أيهم: چا اصعدي للغرفة

حور: لا خنكة خليني هنا أحسن

أيهم: هسه يروحون ونطلع

طلع هو ما طولو هواي وراحو بقيت بالمطبخ نامت بحضني قمر اخذتها للهول غطيتها ما أكدر اصعد للغرفة ثلث طوابق والدرج عالي يضيك عندي النفس

دخل هو لزم ايدي يباوعلي

أيهم: بيج شي اشو اليوم معرف شبيج

حور: خلي ننزل للطابق الثاني مو أحسن

أيهم: لا ولا تحجين بيها بعد جهزي نفسج خلي نطلع

حور: لا ما اطلع أني

أيهم: ليش

حور: ما اريد اطلع تعبانة

أيهم: شبيج وليدي شبيج

حور: ولا شي

رفع فكي بيده بأس طرف شفتي دفعتة عني لزم ايدي عصرها

أيهم: تردين شمس؟

حور: أي

أيهم: اخليها تجيج؟

حور: اي خليها تجي

أيهم: يعني كل هاي الضوجة علمود ضرتي شمس؟

حور: لا هو أني ما ضجت بـ...

أيهم: الجذب ما يلوكلج

نزلت راسي باوعت لـ ايدي رفعت راسي ع صوتة

أيهم: يلا اصعدي غيري ملابسج وتعالي حتى نطلع

حور: وين نروح

أيهم: بكيفج

حور: نروح للمول أريد ملابس

أيهم: چا امشي

حور: ما اطول بس البس ملابسي واجي

صعد وياي هو هم غير ملابسة لبست النقاب نزلت الطبقة الثانية قبل لا يحجي عليَّ رفعهن مني خلة كدامي العلاج ردت اخذه نفسي تلعب منه بس لا يصرخ شربتة غمضت عيوني فتحتهن طلعنا سوا سد الغرفة نزلت ادور ليث حتى اخذه

ضحى: شدورين ولج

حور: عمة أريد ليث حتى اخذه وياي

قيسر: جفلتيني خرب اهلج شلابسة

حور: احبهن

قيسر: اسم الله

طلع ليث من ورا قيسر باوعلي وضرب قيسر

ليث: أحلى منك

قيسر: فلا اخذك

ليث: ماما قيسر أحلى منج

قيسر: واخيراً كال قيسر مو كيشر

أيهم: انتَ بأجر الصبح اشوفك بالسيارة لا تطلع لمكان

قيسر: وين تاخذة

أيهم: للروضة كافي صار شايب

ليث: أنا امشي مع الزعاطيط؟ عمو قيسر احجي وياه

قيسر: لا صح كلام ابوك العار حتى من تدخل مدرسة تكون واعي الها أكثر

ليث: لا أنا ادرس بعدين بس ما اروح للروضة كلهم جهال

أيهم: و انتَ شنو؟

ليث: يابة بروح ابوك ما اروح ما اروح عود بعدين اسجل بالمدرسة أحسن روضة شنو جاهل أنا

أيهم: يطلع الصبح ويصير خير اشوف منو ينهزم

ضاج وجه ينطي الوان ما يقبل يروح كعد مع علاء
ينكث شعره وعلاء يحجي وياه

حور: تعال لولو

ليث: احجي مع بابا

أيهم: تضب لسانك بحلكك وما تفصة بكلمة وحدة

قيسر: هسه شبيك اتركة ما يريد يروح

أيهم: شنو ما يروح صغير هو حتى انطي عذر

علاء: مو بالصراخ بالتفاهم طفل وما يفهم شي عليمن تنتر بوجه انطيني هويتك بأجر أنا اروح اسجلة

ليث: لا عمي ما اسجل والله لو اموت ما اسجل ما اروح للروضة

أيهم: نشوف بأجر

خزره وراح دنك راسة يبجي كعد قيسر وياه وعلاء يحجي وهو قافل ما يقبل يروح

حور: ما تحب تكون اصدقاء هناك وتدرس وتتعلم الاحرف مو أحسن ما كاعد بالبيت

ليث: كلشي أعرف مو الا روضة روضة ما اطبها ديلا

قيسر: ولك هناك طيبة

ليث: كلهم زعاطيط بربك اكعد وياهم

علاء: ترا انتَ هم طفل وبعدك جاهل

ليث: احجو مع اخوكم ما اروح والله انهزم من هناك ولا اذب نفسي جوه السيارة ولا يكللي أدخل جوه
5

أيهم: مو اكوملك والله

ليث: لو مو تضرب لو تموتني ما اروح

أيهم: ابجي ابجي الطم هم يطبك مرض

ليث: ما اروووووووح والله ماااا اروووح مااا عليَّ
من يصير وكت الدراسة عود أدرس بمدرسة بس روضة ما ادخل لو اموت

حور: لا تعلي صوتك ليث وين مأخذك ع مصلخ حتى كل هاي الدموع والبجي احجي بهدوء بس صوتك لا تعلي وليش ما تريد تروح؟

ليث: يُمة ما أريد اروح والله ما أريد

فهيمة: وكفت كلب الطفل علمود دراسة عشتو هاي انتَ درست وشحصلنا منك غير طولت اللسان والغلط

أيهم: چا يبقى بلااا مستقبل والله يبجي؟؟

قيسر: هسه اتركو أنا وهو نصافى

ليث: لا ما اروح عمي احجي وياه

علاء: ما تروح لا تبجي كافي

مسح دموعة باوع لـ ايهم بقى ساكت

أيهم: يلا حور

حور: تجي ليث؟

ليث: لا ما اروح روحي انتِ

أيهم: هو الي شايل خشمة ع عالم

حور: لا اخذه وياي تعال

مسح خده تقرب الي اخذتة للمغسلة ذبيت الكف غسلت وجه ومسحتة لبست الكف باوعلي وجه أحمر محتقن

أيهم: كملتي؟

حور: أي

باوع لـ ليث خزره وليث ردلة الخزره اخذتة للسيارة
وياي خليتة بحضني وصلنا للسوك دخلنا للمول اخذت ملابس الي وليث ما قبل يشتري شي شفت قميص أسود بي دكم سود والياخة عليها علامة مثل السيف صغيرة عجبني اخذتة اله خليتة مع ملابسي طلعنا من المول وليث يريد يدخل لمحل الأحذية وايهم معاند تعاركو بالسوك عضيت شفتي بفشلة

ليث: دخلي نروح

أيهم: لا مو هسه ع غير مرة

ليث: لاااا هسه يابة

أيهم: وجع الله لا أنا ابوك ولا اعرفك

حور: أيهم اخذلة حذاء وخلي نطلع عيب كدام العالم تتعاركون

فتح باب السيارة صعدت وسده قفلها وراح مع ليث للمحل شوية ودخلو للسيارة بيده علاكة مشتري حذاء رياضي رجعنا للبيت مرن يومين وليث مغلس ع سالفة الروضة ساعة يسوي روحة مريض ومرة يختفي من البيت وقيسر يكول جان وياي بس هو يشرد من الباب الخلفي احتاريت وياه اركض ورا بس ما الحكلة يخليني اغفل عنه ويشرد تالي لزمة أيهم اخذه وياه سجلة بالروضة واخذ نجود للجامعة

كرضت اضافري بحيرة انفتح الباب دخل وهو يبجي ورا أيهم شايل جنطة ذبها ع قنفة وكعد فرك راسة وهو ليث يبجي ما سكت اخذتة من ايده نترها مني يمسح وجه يشهك حتى ما يقبل احد يلزمة باوعلة خزرة وصرخ بوجه

أيهم: وجعععع صرعت رااااسيييي اخذتتتتك للعدام

ليث: ما اروح بعد والله ما اروح

أيهم: اكسر راسك يوم يومين وتصير ادمي مثل البشر وتنلصم

ليث: والله لا اشرد عود أخذ نعالي للروضة
8

كام يريد يضربة خليتة وراي لزم ايدي يبجي

أيهم: دخلييي اسمعلك صوووت

ليث: ميخالف اروح اروح

دفعني وراح مسحت وجهي معرف شلون تصفى وياه

علاء: خلي يبطل ما يريد يروح ليش تضغط علية يمعود باوعلة لا يأكل ولا يشرب بس يبجي

أيهم: الأطفال بكده يضحكون فرحانين وهذاااا يصرخ بنصهم وخرووو وخرووو عبالك ابن الوزير يفشل حتى ما يطخهم
8

حور: أيهم عفية خلي يبطل ما يريدها مو كوة خطية

أيهم: لا خلي يولي يوم يومين وينجب

سكتت عنه طلعت لغرفتة فتحت الباب مديت راسي اباوعلة ماكو بس صوت شهكاتة من الجهة الثانية قربت منه كعدت وياه باوعلي نزل راسة مسح دموعة خلة راسة بين رجلية مسحت ع شعرة

حور: هسه اخلي يفصلك بعد لا تروح

ليث: بعد احسن

حور: عيب تصرخ بوجه

ليث: هو يلح

حور: بس عيب صح لو لا؟ واذا يلح ما اسمعلة بس مو معناها اصرخ بوجه

ليث: أي صحيح بعد ما اصرخ علية

حور: عفية حياتي كوم اسبح حتى تتغدا

ليث: انزلي هسه أنا انزل وراج

حور: تمام

نزلت وتركتة صبيت الغدا اباوعلة مغلس ما كال راح اداومين ولا حجه شي نزل ليث كعد مع قيسر وحلا باوعلة أيهم ودنك عفس وجه ليث خزرتة عدل نفسة غسلت المواعين نجود وحلا تنضف الهول صبيت الجاي وقدمتة الهم شربة وصعد صعدت ورا وكفت فوك راسة دار وجه كذاب حتى ما احجي واكللة أريد اروح للدوام

حور: اكول أيهم ما نسيت شي خلال هل فترة؟

أيهم: لا ابد أصلاً كلشي كامل ما نسيت شي أبد

حور: ابد ابد متأكد؟

أيهم: أي متأكد ومتأكد

حور: والدوام؟

أيهم: بعد اليوم ما راح انزل

حور: مو دوامك دوامي

أيهم: يا دوام؟ ليش حظرتج عندج شركات ولا دوامات مهمة؟

حور: لا والله عندي دراسة بعد ما كملتها خليت الشركات الك حبيبي

أيهم: يا روحي والله امشي نامي الزمي موبايل نضفي تمرني العبي الطمي براحتج

حور: اييهم أريد ارجع للدوام عليمن كاعده ومصفصفة

أيهم: لا ماكو لا دوام ولا شي اكعدي واسكتي

حور: تضحك عليَّ؟

أيهم: لا

طلع للصالة مشيت ورا اخذ الموبايل وتمدد ع قنفة يدخن استغفرت الله تقربت اله كعدت من جهتة

حور: أيهم

أيهم: ماكو دوام هاي هي اسكتي

حور: خلي تخلص سالفة البنات واشوف شلون ما ارجع

أيهم: الله كريم

حور: اييييهمممم

أيهم: عيونة

حور: أريد ارجع للدوام حباب

أيهم: لا

حور: شنو لا أيهم ترا انتَ وعدتني اداوم

باوعلي ضربني راجدي بخفة

أيهم: كلت لا

حور: يعني ضحكت عليَّ؟

أيهم: أي

كمت من عنده دمعن عيوني بقهر تركتة ونزلت جوه وياهم أحسن ما ابقى وياه بمكان واحد ونتعارك
ثاني يوم العصر اجو اهل كاظم وهو وياهم خلانا ما نندل مكانة جايب وياه الشيخ وصوت ضحكتة الا الصالة محد ما مستوعب شي وحلا صافنة
11

باربي: مو كلتلج راح يرجع

حلا: عود صدك سواها

باربي: أي

ضحكنا ع تعابير وجها صاحتها مي جرتها من بيناتنا

مي: شبيج مصدومة حبيبتي جهزي نفسج حتى تلزمون العقد
3

حلا: بس ما يصير هيج لا جهزت نفسي ولا عندي حتى خبر بشي ع غفلة يريد يلزم العقد

عقدت حواجبها بأستغراب

مي: بس هو كال أنا انطيتهم خبر؟

حلا: عزا شكد جذاب

مي: شنو؟

حلا: اقصد أي صح اجانا وانطانا خبر صحيح

مي: بس هو رجع البارحة المغرب يمتى لحك يجيكم؟

حلا: هسه يا روحي انتِ شلطشتي؟ اجانا بالليل حلف وقسم الا يأخذني يلا بعدي كلبي خلي اجهز حالي

حور: منو كالت بعد ما اريده؟

حلا: اتفلن بوجهي

صعدت وياها وهي تهز كتف ضربتها كدام البنية تهز اريدها تثكل لا يحجون عليها هسه يكولن ما صدكت

حلا: بعد كلبي أن شاء الله غيرك ما يضحك

حور: ولج عيب لا تهزين كدامها

حلا: لا وراها

درت وجهي اضحك مصيبة دفرت باب غرفتها ولبست فستان أبيض مال باربي لا غسلت ولا شي خلت الشال ع رأسها سبحت نفسها بالعطر خلت الشال ع خصرها تركص صعدت ع جرباية ما احس الا دخلت ياسمين سحلتها سحل خلتها تغسل وهي تكمخ بيها طلعتلها فستان جديد هي اشترتة بس ما لبستة دكيت الباب اخذتة ياسمين مني طلعت حلا بس وحده جديده وانضف رتبت وجها ونزلت ويانا

تذكرت عهد كانت ترجف بس حلا العكس ردت الموافقة بصوت ثابت بس فرحتها ما تنوصف الضحكة مرسومة ع وجها دخل قيسر خلاها توقع حجه بهمس حتى محد ما يسمع

قيسر: خلصنا منج عمي والعباس فرحان أكثر منج

حلا: باركلي كول اختي شي شيات مو حطمت مشاعري

قيسر: قدي هو أنا أريد اخلص منج اليوم كبل بأجر

بأسها وطلع خلت القران ع ميز مدت رأسها تسمع صوتة تم العقد وفرحتها جبيرة لدرجة ما كدرت تكتم ابتسامتها ما دخل كاظم ولا حتى لبسها حلقة صعدت ركض غيرت ملابسها تستحي من اخوانها لا يدخلون راحو أهل كاظم ودخل أيهم مصدوم وقيسر يضحك باوع لعمة ضحى حجه ما مصدك
5

أيهم: يكول بأجر الزفة؟
6

ضحى: بيها الخير

أيهم: بيهااا الخيير شنو احد كاللة ماخذ فصلية؟
عقد عليها ملأ وبس؟ لا يابة لا عقد محكمة وبعد سنة الزفة خلي تجهز حالها

قيسر: وانتَ عليمن ضايج؟

أيهم: مو ضايج بس شغلة ع غفلة حتى ما عرفت يمتى رجع من المهمة

علاء: نحنا انطينا كلمة بس يرجع كلشي يتم وهذا كلامك انتَ لا تتراجع وتفشلنا مادام حلاوة…

يتبع

  تصفح



الحلقة الاربعون 💫
40.5K 2.6K 2.2K

بواسطة al-Dulaim
﷽
3

كسار الود 5:5
24

.رحـمـة الدلـيـمـي.
20

ما اجمل مطاف النهايات حين ينتهي بك
8

ـــــــــــــــــــــــــــــــــــــــــــ

كعدت الصبح كسار ما موجود نزلت جوه اسحل بروحي من التعب الأيام الراحن كعدت بالمطبخ هيفاء محظرتلهم الريوك ومأكلين بس أني بقيت ما أكلت خليت الجاي ع نار انفتح الباب دخلت نيران ابتسمت الها ارتجيت بيدي ع كونتر وهي صبت الجاي
16

ود: اليوم عدنا خيرج

نيران: مو كلت اكو بذات ما تسأل أنا اروحلها
26

ود: هل أيام ملتهية مع ريمة كلبها خلص ع اخوها
15

نيران: الله يصبرها خطية

ود: هدى ليش ما اجت
9

نيران: عازلة روحها ما تطلع من البيت

كعدت اتريك بعدني ما كملت ودخلت عمة بسملة سلمت عليها رافعة خشمها سكتت عنها طلعت نيران وهي قفلت باب المطبخ استغربت منها كرصت ذراعي تباوعلي بعصبية روحي شاغت باوعت لـ ايدي صارت زركة ع شكل دائرة دفعت ايدها ما انطتني مجال احجي حجت بسرعة
14

بسملة: من يمتى حامل ليش ما حجيتي
13

ود: وانتِ شعليج؟
1

بسملة: شنو شعلية ادبسزز اشو ما تعرفين تحجين
12

ود: ترا لحيتي هواي كل يوم ينعاد هل كلام شبيج وياي
7

بسملة: شلون لسان طويل ترادد
1

ود: لعد شتردين تحجين عليَّ واسكت

بسملة: بعد شكد وتجيبين
15

ود: ما بقى هواي

بسملة: وليش أنا آخر من يعرف ليش يُمة مو أنا ردت افرح بي
12

ود: أني كلتلة ما يحجي لحد وهسه انتِ عرفتي عادي عمة
10

بسملة: شكد دايحة هلكداتج بعدج وهيج تفكرين لبين ما تكبرين شراح تسوين مثل الي امج سوتة
10

ود: احترمي نفسج شبيها امي حتى مدقوقة منها تعرفج تعرفينها عليمن حاقدة عليها وهي بكبرها

جرتني من شعري ايدها ثكيلة خليت ايدي على ايدها ابعدها مني جرت شعري بجيت بوجع وأني ادفع ايدها بس ثكيلة ما اكدرلها
21

قد يعجبك أيضاً

أنـتقام مِن بقايا الزُجاج
451K
24.7K
خلف الستار الموارب، أسرارٌ تتراقص في ظلمةٍ دامسة، تُغري الفضول وتُلهب الخيال. ماذا يخبئُ لنا ذلك المجهول؟ هل هي كنوزٌ ثمينةٌ تنتظرُ من يكتشفها، أم فخاخٌ مُميتةٌ تُتربصُ...

الـهَـيْـمَـنـة
3.1M
146K
‏أتقبلني بما أشعُر ؟ ‏بأخطائي وما يصدُر ‏وما آتيك بالكلماتِ ‏عذرًا عندما أعثُر ! ‏أتقبلني بما فيَّ؟ ‏بدمعي فائض القطرات ‏ضعفي عندما أخسر ‏أتُمسك جيدًا بيدي ‏وحيداً عندما...

الغريب (الثقب الاسود)
1.4M
54.2K
بين جنة ونار ، بين ورده وصبار يولد الحب كترياق لروح بجسدين دقت القلوب تعلن عن شعور جديد ياخذكم لعالم خيالي ويسألكم هل اصبح هذا المكان ملك لشخص ام استأجار؟

البيبرس
1.7M
91K
ينتابني في أول الخريف إحساس غريب بالأمان والخطر أخاف أن تقتربي أخاف أن تبتعدي أخشى على حضارة الرخام من أظافري أخشى على منمنمات الصدف الشامي من مشاعري أخاف أن يجرفني موج...

كريات الدم السمراء
1.7M
109K
صرخات مكتومه دماء ليس لها لون. نضرات مرعوبه انين صامت بكاء ك بكاء الاخرس هل جربت يوما ان تخوض تجربة الخوف ؟ او تواجه الموت وانت عاجز ؟ لا محاله ان تجد نفسك في عال...

زوجة الكولونيل [ 2 ] COLONEL'S WIFE
883K
17.3K
[ الـتـكـمـلـة ] هو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود...
بسملة: على طولت لسانج هذا الا اربيج أنا جان ما عتبت عليج وحدة ابوها مديحها وامها ما ربتها شتطلع
18

ود: بعدي عني يلا لا تجيبين طاري امي ع لسانج مرة الثانية
7

دفعتني بيدها لزمت راسي عدلت حجابها وهي خازرتني حجت بحقد وعبرتني
12

بسملة: عايشة ع اهتمام ابني الا منو مقدرج شلون متحمل وحدة ما تعرف تحجي كلمتين وبس تتبجبج
14

ود: كملتي؟

باوعتلي من فوك لجوه حجت وهي تطلع بس اخذت روحي بكلامها
8

بسملة: ريح كلبي ما صابر ع وحدة طفلة مثلج والله عفية علية
11

طلعت وتركتني غسلت وجهي ع سنك طلعت للحديقة اهدي نفسي ما أريد اتهور مثل كل مرة واطلع أني الغلطانة انتظره يرجع واحجيلة كلشي هو يصرف وياها
11

دخلت لعلي نايم غطيتة فتح عيونة تحرك من مكانة
7

ود: لاااا مو زين عليك لا تتحرك
8

علي: كلشي ما بيَّ ريمة وينها
9

ود: هسه شبيك كول ريحانة وينها كول ريحانة حبيبتي شبيك
8

علي: هو أنا هم عندي كلام وياج سدي الباب وتعالي
7

وكف كلبي عبالي يشاقة بس يحجي بجدية لازم صدرة سديت الباب كعدت عنده خلة ايده المضمدة ع كتفي عقد حاجبة بوجع
8

ود: تمدد واحجي اسمعك بس لا صدرك يلتهب

علي: جؤ تعالي اكللج مرتاحة هنا؟ هم شلونهم وياج
8

ود: أي الحمدلله وكلهم زينين وياي

علي: ما يحتاج الجذب أنا ما اقصد كسار بكلامي اعرفة شنو بس قاصد أهلة
12

ود: زينين

علي: زينين ها؟
7

نزلت راسي عصر كتفي بيده

علي: احجي شبيهم وياج أنا احجي معاهم انتِ اطلعي منها
9

ود: ما بيهم شي صَدك لو أحد مضوجني برأيك راح اسكت الا اهرج الدنيا عليهم

باوعلي بشك بقيت احجي وياه الهي عن السالفة بس من سكوتة مبين ما مصدكني ولا حتى كلامي دخل بعقلة نهض من مكانة كمت وياه شلع الكانونة درت وجهي اخاف منها كام للمغسلة يغسل وجه توضى ودخل يصلي الضحى
9

كعدت مع هيفاء بيدها علاج علي

ود: ما ناوية تزوجين عنزتي
7

هيفاء: أي مو كاعده ع كلبج

ود: كلش والله خانكتني خنك
6

هيفاء: سلامتج من الخنكة راح أنا اخنكج بيدي

ود: ريمة وينها

هيفاء: تسبح
15

ود: ليش تسبح عدها شي؟

ضربتني ع راسي بيدها بعدت عنها ما تتحمل شقة
دكيت الباب ع مريم فتحتة لابسة ملابسها
11

ود: هاي شطالعة كلبي

مريم: مو ادوخ اسطر امرعد
19

ود: دولي زركة وجهج يتلاطم

مريم: احمدي بيَّ كولي شهل جمال يُمة
12

ود: عيع

غمتني وهي مبتسمة طلعت لعلي شوية وطلعو سوا دا يروحون لحيدر بقو عمر عندي شلتة من مكانة ابوسة يجنن كتكوت وناعم هواي
13

هيفاء: رجعي لمكانة الطفل

ود: عاد هو شلون طفل خبصتيني بي

هيفاء: ولج خطية خبلتي

ود: ديلا نام حبيبي
12

رجعته لمكانة اجه ابوية أخذ هيفاء من الباب وراحو صفى البيت بس أني و عمر سديت الباب علية خطية نايم صدرة يصعد وينزل بهدوء من ريحة دخان البيت طاح لو ما ستر رب العالمين جان مات وظهره انبرك
14

دخل كسار باوع للصالة بأستغراب وهو يذب الساعة

كسار: چا الجماعة وينهم

ود: علي أخذ ريمة لحيدر وهيفاء راحت مع ابوية بقى عموري نايم
10

كسار: جيبي هل شايب

ود: تغار منه؟ ترا انتَ الشايب

كعد ع كرسي خلة الموبايل ع طاولة الكدامة باوعلي بطرف عينة
12

كسار: ليش الشايب مو بعينج ما مالي حضنج

ود: غلطة عمر باكت لذت العشرين
22

كسار: ينبجي ع حالج

كعدت وياه صبيت المي شربت شوية وباوعتلة
12

ود: عليمن رجعت من وكت

كسار: بكيفي رايد ارجع من وكت وبعد ما اطلع منا عندج شي

ود: يُمة يُمة شبيك عيني لازم ميامين خلتك تنقهر وذبتك عليَّ ولا نوره مقصرة وياك ابو النسوان
8

عض باطن خدة مبتسم

كسار: ارجع من هناك برأسي الف حسبة اسكتي وخلي الواحد يرتاح لا اعلكج بالباب واخلص من شرج

ود: كلمة الحق تزعل

كسار: أي تزعل بأجر أول يوم دوام الج والله اليستر
9

ود: عيع عيع لا هلا بهل طاري

دفعتة بيدي نسيت محذرني منها بلعمت بتوتر

كسار: ترا اجوي ايدج واخليج اتوبين من هل حركة

لزم ايدي بيده يضحك من شاف تعابير وجهي اختفت ابتسامتة كمش مفصل ايدي باوع لمكان الكرصة دفعت ايده نزلت ارداني ع ايدي جرها بنتر خزرني
15

كسار: شنو هاي؟

ود: معرف صحيت وشفتها بيدي

كسار: هاي كرصة أو جوية منو كارصج؟

نتر بوجهي كلبي طاح برجليَّ ما متعلمة يحجي وياي بهل سلوب
8

كسار: ما تحجين شبيج مصنهرة بخلقتي

ود: عمة بسملة كرصتني

كسار: ليش امي اجت هنا؟

ود: أي قبل لا تجي انتَ اجت مع نيران وراحت ما طولت
16

كسار: وليش كرصتج؟ خير أن شاء الله شبيها هل مرة

ود: مو هي كالت ليش اني ما اعرف انتِ حامل
24

كسار: شلون سالفة هاي ما تخلص

سكتت كام من مكانة لزمت ايده

ود: وين

كسار: شنو وين أنا الف حذرتها يابة لا تجين عند ود لا تحجين وياها اتركيها رحمة للخلقج ما يفيد مو فرد مره بيتج و تجاوز عليج
8

ود: ميخالف حتى وان حجيت وياها ما راح تسمعلك خليها شسوي اسوي بس مرة الثانية راح ادفعها لأن ما اكدر اسكت أكثر من هيج

كسار: دافعي عن روحج لا تسكتين ابد لا تخلين أحد يمد ايده عليج غيري طلعي نفسج بالكلام وشتحجين أنا وياج لا عبالج اضوج بس لا تجاوزين
13

ود: هسه تعال اكعد تموت منين أجيب شايب مثلك

كسار: شكثرهم خلانج
6

ود: شنو يعني؟

كسار: ما اقصد شي
10

ابتسم ابتسامة خفيفة لزم المحفضة طلع منها صورة بنت خلاها بيدي باوعتلها بغرابة اجت عيوني بعيونة سألتة بنضراتي قبل ما لساني ينطق

ود: منو هاي؟

كسار: هاي الي امي اجتج محروك كلبها تضرب بيج علمود ما اخذتها وهجرتج
13

ود: يعني شنو؟

كسار: الله يهديها تريدني اتزوج

بلعت ريكي كعد ع كرسي باوعلي ضحك وهز راسة بأيس
11

كسار: احركي صورة البنية خلتها بيدي تكول شوفها يُمة تلمك هههه

ود: ومخلي صورتها بمحفظتك؟

كسار: چا شسوي اذبها بالشارع وهاي عرض العالم تخزينا يا الله
11

ود: وانتَ ناوي تزوج؟

كسار: لو اريد اسويها وبدون ما اخليج تحسين بس ما اكسرج واخليهم يشمتون بيج لو أعرف اغضب امي امشي احركي صورة البنية عيب لا اطيح بيد الوادم

كعدت بمكاني ابجي فتح عيونة مصدوم ذبيت المي بوجه مسح وجه يستغفر

ود: تضحكون عليَّ انتو كل يوم شي جديد مرة
نور مرة ميامين تخابرك وهسه هاي معرف منو خرب حظي هو هل شايب جمالة بس يكح وتعبان ما شايلاتة رجلينة وملاحكاتني علية خاب دخذو والله لا اكسر راسجن بالطاوة
9

شكيت الصورة باوعتلة وأني امسح دموعي خلة ايده جوه خده يباوعلي برود حرك كلبي

ود: وانتَ فرحاااان فرحاااان
6

كسار: هوووو أنا حجيت شي

ود: لا كسار فدوة احجي انتَ فرحان تريد تزوج؟

كسار: كررررهت الزواااج وطاري كرهتتتتة
9

ود: والله؟ احلف عليك الله

كسار: والله العظيم ما ازوج عليج لو فكرت بيها اذب روحي من الجسر ولا اسويها يلا ارتاحيتي؟
11

ود: عفية لا تباوع لوحدة غيري أن شاء الله تنفكس عيونك لو سويتها
6

كسار: امين

ود: أن شاء الله اطيح ع وجهك كدام الكل لو فكرت مجرد فكرة انك تسويها

كسار: امين

ود: لا اسم الله عليك بس لا تسويها

كمت من عنده هز ايده حجه بهمس بس لأن قريبة علية سمعتة
11

كسار: بالحرام شاخطة

ود: أني شاخطة؟

كسار: لا ع نيران

كلبت وجهي علية جرني اله كعدت ع رجلة بعد شعري من وجهي خلاه ورا اذني عض شفتة وهو يمسح ع خدي براحت ايده
15

كسار: كون العمر كلة تبقين كاعده جدام عيوني واتغزل بيج

ود: الشايب معرف شلون اتغزل بيك بس لا تهتم ما دام احبك

كسار: اشتعل گلبي بنار
چي ما أشوفك
أنعل أبو الينساك
لابو اليعوفك
12

حضنتة وأني اضحك مسح ع شعري مبتسم رفع راسي اله بأسني بأنفي حجه بهدوء عيونة تتنقل بين عيوني

كسار: تدرين شنو أريد منج؟

ود: شنو

كسار: شتسمعين عني وشيحجون تجين تتأكدين مني وبعدها سوي الي تردينة
14

ود: أن شاء الله

كسار: عفية بريحانتي

نقر ع انفي اندك الباب بهمجية بعدني من حضنة اشرلي البس الحجاب لبستة بسرعة فتح الباب ودخل علي وياه ريمة تبجي وترجف كلبي نغزني وروحي طارت مني أخذ كسار وقفل الباب من برا ارتمت بحضني تشهك وتصرخ تخبلت حضنتها اقوى خايفة عليها نطقت آخر كلماتها قبل لا تغيب عن الوعي واطيح بحضني

مريم: امانت امي وابوية ما حافضت عليها ر راحلهم و وخلاني وحـ وحدي
27

شمس....
دحكتلو مصدومة لا أخذ ولا انطي ما جنت أدري راح يسويها صدك ويكسرني هل كسره طلع وتركني وحدي لهواجيسي طلعت ورا صوت سيارتو شخطت بالشارع ما انطاني مجال حتى ابرر موقفي
ما سمع مني خلاني افهمو
17

دخلت للحوش الأوراق مطشرة مال الدكتورة بالكاع لميتهن بيدي
دشيت للحجرة اخذت جنسيتي والاوراق الي تخصني ما اخذت اي شي يخصو عليش كاعده هين  بعد كلشي انتهى صح طلاكنا باطل بس الكرامة ما  بالكاع وراحت خلي يأكل بروحو من يعرف الحقيقة شنو
19

طلعت من البيت اجرت تكسي وصعدت ما تلمني غير النجف مجرد ما وصلت خليت الكروة بيد السايق ونزلت دخلت بنص المقابر اتعثر بينهن وبين دموعي سمحت لشهكاتي تطلع لأن الصبر اله حدود وأنا تعديت الحدود بس فاض وانتهى دحكت لكبرو من بعيد ظل يرجف كلبي بصدري
8

كعدت كدام المسطبة معرف شحجي ششكيلو شلون اوصلو الوجع الي بكلبي وهو ما ينصتلي ولا يهجس بيَّ مديت ايدي مسحت على اسمو ابتسمت من بين دموعي.الشهيد ميثم حامد
9

شمس: روح اخـوها والله تـعـبـت هــل روح
1

هجست بس كعدتي وياه تشرح كلبي مسحت التراب من اسمو ارتجيت علية بجيت بصوت عالي طلعت قهر سنيني وجع كلبي الي انكبت بصدري من سنين قديمة لا يوم ولا يومين ما حجيت بس بجيت لحد ما ارتاحيت
10

يبست بمكاني من سمعت صوتو نداريت الو فاتحة عيوني ع وسعهن واكف بمكانو مخلي ايدينو بجيبو يدحكلي بنضرات فارغة

شمس: شجابك؟

ايمن: انتِ
15

شمس: شلون عرفتني أنا هنا؟

رفع اكتافو بعدم اهمية تحجى بخفوت

ايمن: شفتج طلعتي من البيت واجيت ع دربج
13

شمس: الك ايد بالصارلي جنت تنتظرني اطلع؟

ايمن: أي

شمس: كملت؟ راويني عرض اكتافك
14

ايمن: طلكج؟

شمس: لا تدخل بيناتنا خليك بعيد أحسن

ايمن: عليش؟ صارلي جثير وأنا بعيد
11

شمس: شكد عينك صلفة

ايمن: بصلافت عيونج

شمس: ايمن

ايمن: عندج خبر أنا الحجيتلو كلشي؟
8

شمس: توقعت أيهم بس عادي بكل الأحوال ما تهمني بس عليش جذبت علية؟ شنو مصلحتك من كل هذا

ايمن: برأيج نحجي بالمكابر؟

شمس: عجل تريدني أمن بواحد نذل مثلك؟

ايمن: عادي امني مرة وحدة ما راح تخسرين شي

شمس: اخسر؟

ايمن: نفسج

شمس: اخسرك روحك وما اخسر

ايمن: هو هذا الي جابني عليج.!

شمس: فضني شتريد؟

ايمن: خلي نطلع لمكان أحسن بجثير من وكفتنا هين

شمس: ما اندل مكان هين شلون تريدني اطلع وياك؟

ايمن: بسيارتي

شمس: الي عندك احجي هين ما راح العالم تأكلك ما عندك شي تحجي اتركني لحالي

ايمن: لا تعاندين بس مرة وحده اكسري عنادج

شمس: نمشي ونحجي اما اصعد وياك شيل هل فكرة من رأسك

ايمن: براحتج

كمت من مكاني نفضت ملابسي من التراب دحكت لكبرو تنهدت بضيق طلعنا من المكبرة ابتعدنا مسافة قليلة

ايمن: أنا حجيتلو كلشي جذب حتى اوصل وياج لهل مشية

شمس: نذالتك تعدت الحدود بس الي محيرني شلون صدك بيك؟ وهو يتخبل منك ومن طاريك

ايمن: خليتو ابالي
1

شمس: عليش سويت هيج؟

ايمن: انتِ جبرتيني اسوي هيج ما تنطيني مجال حتى احجي وياج كلمة وحده

شمس: احجي شعندك؟

وكف جدامي رجع شعرو لورا بتنهيدة خفيفة بقيت انتظرو يحجي لبين ما نطق بصوت هادئ

ايمن: احــــبـــج شمس ياريت تفهمين هل شي يولي والله من أول ما دشيتي للبيت دشيتي بكلبي اعرف الي سويتو غلط والي جاي أفكر بي غلط بس شقنع كلبي هو الي هواج وحبج ردت اشيل عيوني عنج بس ما كدرت اسيطر على نفسي والخلقج هويتج اجيتج بكل الطرق سديتي البيبان بوجهي مالي حل غير الي سويتو هساع
18

شمس: برأسك عقل؟

ايمن: ههه لا والله طيرتي من أول ما شفتج

شمس: لا تتمادة بكلامك وياي

ايمن: عليش مخلية نشهل بعكلج يولي تركتج وطلع حتى ما التفت عليج وكال شبيهااا وانتِ هساع مسقطة حتى ما كلف روحو وكال مريضة خليها هساع ما افاتحها بالموضوع

حجاها بعصبية وهو يجر شعره بحركة خقيفة يلزم شفتو بين اسنانو ويتركها لحد ما يدميها

شمس: وانتَ شعليك؟ لا تحجي علية أبد

ايمن: دحكي ع حالج تعبانة كلهم تخلو عنج حتى الي رجعتي لخاطرها ما كلفت روحها ترفع الموبايل وتسأل عليج

شمس: دسكت لا تجيب طاريها ع لسانك ولا تدخل بشي يخصني آخر مرة احجيها وكلامك لا تنطقو وياي مرة الثانية لحد الآن أنا زوجتو استحي على روحك شوية

مشيت منو ركض وراي كضب ايدي دارني الو مصدوم هزني من اكتافي يضغط ع روحة بكلامو

ايمن: شتقصدين؟ بعدج زوجتو؟ ما سقطتي؟

شمس: دوخر مني لا تكضبني مرة الثانية

ايمن: تحجييي يولي

شمس: أي ما سقطت يلا وخر

يبس بمكانو بعد عني يرجف بعصبية

ايمن: يعني جذبتي عليهم؟

شمس: ما يخصك

تركني وصعد بسيارتو عدلت روحي اهدي نفسي
وكفت السيارة جدامي نزل بسرعة فتح الباب رفعني من الكاع تخبلت من ضرباتي وجهو صار أحمر وحالو تخربط قفل الباب وصعد يسوق درت الستيرن وياه دفع ايدي مسيطر ع حركتو من شفتو بهل حالة تأكدت هل انسان مريض مستحيل يكون عاقل

كمت انهد وبطني وجعتني مليت منو كعدت بمكاني أعصر بطني بوجع مسح وجهو بقلق

ايمن: اشتعلت روحج عليش جذبتي؟ همزين دريت هساع ولا كبل فوات الاوان

شمس: مجنون مستحيل انتَ صاحي

ايمن: أي صح

ساق بسرعة كلت راح نندعم مابيها مجال الوجع يشتد أكثر صوت الموبايل بالجنطة طلعتو رقمو يدك اخذت نفس اعصر بطني ردت افتح الخط جر الموبايل مني قفلو وخلاه بجيبو الوجع سيطر عليَّ كسرني ما خلاني اتحرك من مكاني عجزت حتى عن الكلام اجى الوجع بوكت الغلط كسرني فوك كسرتي

وصلنا لمكان مظلم بس عرفت بنفسي بعدني بالنجف فتح الباب نزل يركض فتح الباب من جهتي
كضب ايدي نترتها منو لو بيدي افلش وجهو بس ما كدرت كل حيلي مهدود وباد من الوجع ضربت ايدي على دشبول من هجست بشي بطني مثل السجاجين تكطع احشائي رجعت راسي لورا بتعب غسل وجهي حتى ما كدرت اعين روحي واكوم من مكاني نزلت وياه دفعتو عني أريد امشي لوحدي خلة ايدو ع حلكي ضربتو برجليَّ ما اهتم شالني لداخل البيت من فتح الباب عرفت هو مو مجرد صدفة سوا كل هذا بس مخطط ومأخذ احتياطو لكلشي

ذبني بالغرفة مقيد حركتي معرف ادافع عن نفسي أو اصبر نفسي ع وجع الي ينهش بيَّ من الداخل استغل ضعفي جرني للتخت عضيتو من ايدو اضربو بكل قوتي بس حيل ما عندي أنا جاي اهجس بروحي صرت هشه من الرخى مابيَّ حيل احرك ايدي

جر ايدو مني عصرت بطني بيديني الوب بمكاني عركت جسمي يصب مي حسيت نفسي راح اموت دخت وروحي راحت رفع ايديني شدهن بالحزام كبس عليهن بالتاج تخبلت تخبلت عقل ما بقى بيَّ دحكتلو بس حيلي غدرني

شمس: اياك اياك تسوي الي برأسك

ايمن: لا تخافين ما اسويها بس اخلصج من الوجع

طلع من الحجره شوية ودخل بيدو توثية حركت ايدي ما انحل الحزام صرخت بوجهو مسح على خدي نزل راسو حجه بهدوء

ايمن: سامحيني يولي مو لأن جرحتج لا لأن جبرتيني اسويها بيدي بس صدكي تخلصين من هل وجع

شمس: والله لا اذبحك بيدي واخلي ع وجهك كارتونة بأسم المجهول من زمان كارهتك بس هساع زاد الكره بكلبي عليك

ضربني راجدي راسي انسطر رفعت راسي ليفوك من انهال بالضرب ع بطني طلعت روحي من الوجع دمعة وحدة ما نزلت مني رجليَّ يرجفن وجسمي نحل حسيت بشي ينزل بين رجليَّ فتحت عيوني بتعب لا صرخة لا صوت لا دمعة لا خوف معرف شجاني لا ردت فعل لا قهر بس انفاسي عالية وصوتي متحشرج يطلع مني بتعب و وجع

كعد يمي فك ايديه فركهن بيدو ليش اكعد احرك نفسي ولا ادافع عن روحي ما كدرت اسوي شي سيطر عليَّ الوجع والتعب وبس

حجه بهدوء وهو يدحك عليَّ يمسح العرق من جبيني بيدو ويحجي متسرسل بكلامو

ايمن: هيج أحسن هساع لا روح بطنج ولا طابع اسم نشهل بأسمج

ما جاوبتو شفايفي متلاسقة بعضهن يبسن من التعب اختنكت والنزيف اخذني جسمي برد جمدت بمكاني ايدي ترجف وجسمي يهتز مثل السعفة

ايمن: هساع اخلي ام مختار تنضفج وتتغذين زين ارتاحي شوية لا تهتمين لشي

عاينتلو ابتسم سحبت نفس بوجع حسيت بطني نزلت جريت ايدي منو خليتها ع بطني نزلت وخفت بس بيها وجع يذبح حجيت بسرعة كلمة انطقها اجر نفس وارد احجي حتى النفس يوجع صدري

شمس: اوعدك وعد راح اخليك ترتاح راحة ابدية

ايمن: هههههه أعرف

كام من مكانو فركت ايدي من قذارتو دشت حرمة جبيرة بيدها جنطة سودة سدت الباب وكعدت عند رجليَّ

شمس: شسمج انتِ؟

::- ام مختار

شمس: ما سألتج عن ابنج سألتج عن اسمج

::- صيري مثلي لا تسألين حتى ما تظرين روحج

شمس: ما تسألين؟

::- ما اسأل بس انفذ

بدت تنضفني شكيت بيها دكتورة لأن ما اذتني جنطتها ادوات كاملة مو مال بيت من شفتها متلثمة وعيونها ما خلتها بعيني تأكدت منها دكتورة
ما حجت كلمة وحده بس ونيني سطر الحياطين من التعب والوجع مجرد ما كملت دخلت تغسل شوية وطلعت ساعدتني اكوم من مكاني غيرت ملابسي بملابس خفيفة بس ساترة خلت الجرجف بكيس أسود جبير رشت معطر بالغرفة كضبت تاج التخت سانده نفسي علية لا اطيح رجليَّ يرجفن بشكل مبالغ فرشت فراش خلتني اتمدد كضبت ايدها بقوى فتحت عيونها من النقاب مصدومة جريتها عليَّ عصرت فكها بيدي دفعت ايدي خايفة رادت تعيط اشرتلها تسكت ما عاندت سكتت
3

شمس: ممرضة؟ أو دكتورة منين انتِ؟ ياهو الي دازج عليَّ شعرفج بأيمن؟

::- ا اتركيني لا وعلي اصيح هسه

شمس: دا افرك شفتج بحلكج احجي منين انتِ؟

::- مـ منا أنا

شمس: وشنو شغلج؟

::- دكتورة نسائية اجيت هنا كال زوجتي سقطت وجابني وياه من الصبح أنا هنا

شمس: وما خفتي يخبر عليج ويخرب مكانج بالمستشفى اذا اشتكيت عليج أنا طرحتي ابني؟ انتِ وهو واخلي الوزارة تشيلج من كاعج؟ ما خفتي ع روحج مخلية اسم مستعار ام مختار؟

كامت تبجي تجر بيدي تريد تبوسها دفعتها عني لعبة نفسي من كلشي

شمس: اطلعي برا

شالت اغراضها حتى ما غسلتهن خلتهن بالجنطة طلعت تركض دخل هو بيدو صينية خلاها جدامي كعد قريب مني ما اكلت ولا تحركت عدلت نفسي بسرعة رغم الوجع بس هيج نماذج ما أمن بيهم وهذا مريض نفسي تأكدت من شفتو بهل حالة جر وجهي بيدو قرب اللكمة مني دفعت ايدو طاحت اللكمة بالكاع غمض عيونو شوية وفتحهن عصر فكي بيدو

ايمن: عليش ضجتي؟ تريدين ابنج يظل بنطج؟ تريدين ابن نشهل؟ حتى يظل من ريحتو بروحج؟ عليش حبيتي هيج؟ شقدملج هو ما اهتملج ولا يريدج
8

شمس: أي احبو واريدو ولا انتَ ولا عدالو مية يجون بغلاتو بكلبي ارتاحيت؟

ضربني راجدي وجرني من شعري همس بثكل كلامو مثل الطلقة ولا سهام وشك كلبي من الغدر

ايمن: تدرين هساع لو اخليج برا؟ واخليج تروحين لوين ما تريدين اذا شافج وحجيتيلو كلشي عبالج راح يصدكج وأنا موجود؟ غلطانة أكدر اكللو
يمكن هي الي طرحت ابنك لأن طلكتها و انتَ تعرف برنو ما يهمها شي اهم شي عدها هساع تقهرك

ضحك بخفة وأنا جمدت بمكاني قرب أكثر لحد ما انفاسو لفحت أذني

ايمن: ما دريتي شصار من طلعتي؟

شمس: ا احجي

ايمن: راح يرجع ام الحسن ونسى غاليتو الي حارب اهلو لخاطرها وراح ترجع ام الحسن لبيتها وانتِ؟
صفيتي الي
7

دفعتو وأنا اهجس كلبي راح يوكف جريت السراحية كزاز صبيت مي بالكلاص رجع لمكانو شربت المي وهو يضحك

شمس: شسويت؟ شجابك عليَّ؟

ايمن: معرف بس الي اعرفو الصوج منج دشيتي للبيت وكاونتيني من أول يوم عجبتيني

من حركت روحي وقهري رفعت ايدي ضربتو بالسراحية تكسرت علية الدم ينزل من راسو خلة ايدو ع راسو طلعت من البيت ركض اركض واباوع وراي طلع وراي ما متوازنة حركتو الدنيا ليل ظلمة وسراب بس الاضوية بالشارع خفيفة من البيوت الي مشتغلة بيهن الكهرباء

وكفت بمكاني انهد و اون من وجعي رجعت الو دفعتو ع بوري الكهرباء طاح بالكاع ما تحرك مديت ايدي بجيبو طلعت موبايلي خليتو ع صفحة بالكاع سحلتو سحل دخلتو للحوش اخذت الموبايل ودخلت للبيت سديت الباب وكفت ع صفحة دنكت ارجف جسمي فارغ من الدم لساني يبس وريكي نشف رفعت راسي اتنفس بسرعة وانهد صدري يصعد وينزل شغلت الموبايل دحكت لرقمو ما أكدر اخابرو اهجس كلبي ور منو اذا سواها صدك ما ارجعلو لو يغدي تراب لرجليَّ

دكيت علية مجرد ما دست ع رقمو فتح الخط مثل ما واحد جان ينتظر شي بقى يحجي بعدت الموبايل مني اسحب نفس بسرعة وازفرة تعبت رجليَّ صارن خيوط من كد ما رجفن وحيلي يرجف ما قاومت أكثر طحت بالكاع خليت الموبايل ع اذني سطرني بصوتو غمضت عيوني وفتحتهن ما جاوبتو اباوع لـ ايمن الي متمدد بالكاع مالة حس ولا نفس دفرتو برجلي محروك كلبي منو ما اريدو يموت بعد ما تصافينا

نشهل: تحجيييي يولييييي عليييش قفلتي الخط وينننج

شمس: بالنجف

نشهل: شوداج للنجف يوليييييي شبلاج شبلا صوتج يولي الله يأخذج وين انتِ شبيج بس احجي سبيتي كلبي بسكوتج

شمس: صدك رجعت ام الحسن؟

نشهل: شـ..

شمس: جاوبني ع كد السؤال لا تلح وتلف ودور بكلامك

سكت ما حجه شي حسيت نفسي راح اغيب عن الوعي بس صمتة صحاني عن هواي اشياء
48

ــــــــــــــــــــــــــــــــــــــــــــــــــــــــــ
هكذا تبدو الدنيا من الخارج راحة ليس لها مثيل
ولكن.!؟ عندما تتعمق في تفاصيلها تجد كل ماهو ليس براحة

حـــــــور
4

ضمني لصدرة باوعتلهم ارتاح كلبي من شفتة موجود شوية وبعدني عنه لزم ايدي من شافو سكتو حتى سمر سكتت تقرب الهم حجه بصوت عالي
3

رصار: ست سمر تريدين أوراق؟ تعالي تعالي
2

ما جاوبتة دخلت للبيت اخذني جوه وياه هرجهم هرج بصوتة خلاهم يكومون من الصالة عمام أيهم ضاجو منه وكامو علية دخل للصالة رفع ايده اشرلهم ع باب وهو يجلي صوتة

رصار: ماااا عدكم حشيمة اله بغيابة براااا بيتة يلاا

صفوان: مو بكيفك هذا بيت اخوية

ضحى: عمتتتت عينك وعين اخوك هذاااا بيت ابني
وبيت جنتي بيييت اخوك تندلة روحولة انتو

صفوان: وأنا كاااعد هناااا ما اطلع لحد ما أخذ الأوراق

اسهم: استحي على روحك ولك هذا بكد ابنك تحجي صدك

صفوان: كتللللل ابنييييي بالسجن كتللللة

رصار: وهو شعلي ابنك عار ومات لا تخبصني ابني وابني اذا تريد تلحك ابنك احجي ما عندي مانع هسه اخليك بحضن ابنك

اسهم: يابة تعوذ من الشيطان ولا تسمعلة يلا صفوان مشينا

صفوان: اريد الأوراق

رصار: دمشي برا بيتة لا العب بيك هسه

طلعو للشارع وصفوان يهدد وعمامة وكفو ع صفحة وجه بهت من وكفت سيارة سودة عالية هواي بيها علامة زركة من جهة الباب نزلو
م

نها جنود رجعت لورا خايفة صاح واحد منهم وهو يباوع لرصار

::- شصاير هنااااا

يُمة بعد محد ما حجة وسمر صرخت صرخة وكفت كلبي بيها

سمر: زوجتة باكت أوراق ابني يُمة بستر خواتك خلي ترجعهن تراه مريض والاوراق مهمة والعباس

كعدت بالكاع تبجي فكيت عيوني بصدمة اجت عيونة عليَّ خرطت العافية وكلبي يدك حيل حيل اجى يوكف من الخوف ما نزلت عيوني منه تركت ايدي من الصاية ما اريد اعصرها وابين متوترة

::- ياهي زوجتة

راد يتقرب دفعة رصار وهو دفع رصار رجعلة الدفعة من صدرة نتر بوجه خفت لا يتهور مو وقتة ابد

رصار: تحترم روحك وتبتعد منا لا اهفيك ورا الشمس

::- تهفيي منوووو حجية الاوراق تخص شنو

سمر: يُمة تخص ابني مريض نفسي جان بالمصح وكاتل الدكتـ...

صرخت صرخة رجت الشارع لزمت بطني أصرخ باوعلي هو  وهم انخبصو بيَّ حسيت انمحى الخجل كلة عضيت ايدي وأني اصرخ حسيت التمثيل صار صحيح
12

حور: يُمة رااااح اولد اخخخ بطني

ليث لازم ضحكتة واكف بأخر الشارع يباوعلي ورصار انخبص بيَّ وسمر صارت حنينة تلزمني نبتت اضافري بيدها وأني اجرها للداخل وياي وهي ع الأساس ساندتني بس أريد ادخلها جوه ورصار ضاج ما يريدني أصرخ بالشارع بس خفت خفت لا تحجي شي أريد بس الزمها دخلني جوه خزرني وطلع رادت تطلع سمر ركضت وراها لزمت ايدها حجيت بسرعة وأني أنهد
1

حور: وحق الله اذا ما طلعتي هسه ونكرتي كلامج راح اكللهم هاي الحرمة مريضة نفسياً واخلي الكُل يشهد ع كلامي ويأخذونج للمصح وحق الله اطلع هسه أصرخ وافضحج اكللهم رادت تتهجم عليَّ واشوفهم الكاميرات واخلي قيسر يحفرلج كبرج بيده واخلي شمس تسحلج واطلعج للخارج لحد ما يرجع أيهم اكلب الكُل ضدج واشوفج الوجوه شلون تتغير
19

لطمت ع صدرها ضربتني بنص بطني رجعت لورا خليت ايدي على بطني عضيت شفتي بس ما نزلت عيوني منها طلعت تركض وكفت ورا الباب خفت لا ما اهتمت طلعت فهيمة تمشي ع راحتها جرتني وطلعت وراها باوعت لرصار وهو يحجي وياهم خزرني يريدني ادخل جوه بس هي ما قبلت

فهيمة: اخيتك راح تجيب شني تخليها تجيب بالشارع

باوعت لسمر وعقدت حاجبها حادبة ظهرها

فهيمة: ولكم مني طلع هاي المجنونة دخلوها جوه لا تطلع تضرب بيوت العالم
10

::- ليش شبيها

فهيمة: چا يا ابني انتَ ما تعرف هل حرمة مات ابنها وظلت مختلة بعقلها من هي وصغيرة
15

تقرب الها حسيتة صدك بكلامها وهي لزمت ايده تتوجه علية انصدمت هي مابيها شي شلون هيج انحنت ظهرها اشرت ع سمر وسمر واكفة مصدومة

::- حجية فهميني وحدة وحدة
1

فهيمة: ولك يا يمة هاي بنيتي سمر مات ابنها بالمصح وفكدت عكلها
5

حجتها وبجت خلت فوطتها ع وجها سمر ما لابسة حذاء دشداشتها شوية قصيرة وهي اشرت عليها وكملت كلامها
1

فهيمة: من مات هي ما تحس بروحها تطلع للشوارع ادك الباب وتصيح اريد ابني وهاي الجوارين جدامك اسألهم كلهم وكللهم مني سمر عمت عيني عليج يمة تطلع بدون نعال ولا شي ما تحس بروحها بس تريد ابنها
18

باوع لسمر هز راسة بحسافة وهي تخبلت طلعت حلا اخذتها وهي تصرخ وتصيح مابي شي ولكم كملت كلامها فهيمة ورصار لازم ضحكتة وليث يضحك وسنونه مبينه اشرلة يدخل للبيت هز راسة رصار مخليني ورا ظهره وفهيمة تحجي وهذا مصدك يهز راسة يسمعلها وهي تبجي وتحجي من كثر المشهد حزين ردت ابجي وصدكت كلامها
13

فهيمة: يا بوية ضربتين ع رأس توجع هسه اخذو حفيدي للمستشفى مريض بسرطان الدم وهذا الثاني ابنها وهي ما تحس يا يمة ما تحس

نزلت رأسها تبجي وحادبة ضهرها بأسها براسها باوعلي رصار لازم ضحكتة وجه محتقن وأني دمعن عيوني المشهد يقهر وليث يضحك يضحك ما سكت واكف بأخر الشارع

::- الله يشافي حجية بس اجانا تبليغ عليكم

رصار: منو الي بلغ؟

::- ما اكدر اكول منو لحماية البالغ بس نعتذر منكم

كام من مكانة وأني لطشت اباوعلهم وعيوني مدمعة أريد ابجي وفهيمة تباوعلي وتريدني أدخل جوه بقت كاعده بالكاع ما كامت

فهيمة: عمت عيني عليك يمه أيهم

::- منو أيهم حجية

رفعت رأسها تباوعلة

فهيمة: چا يمه انتَ ما تعرف منو أيهم

::- لا ما اعرفة

فهيمة: يا يا شلون ما تعرفة منو تحجي صدك ولك هذا أيهم شاهر ما تعرفة

سكت شوية باوع للكاع عقد حاجبة باوعلها واحد من ربعة حجه بحذر

::- سيدي يمكن تقصد المقدم أيهم شاهر
21

فتح عيونة مصدوم باوع للبيت وباوع لفهيمة ما انطتهم مجال لزمت الولد تبوس بي ورصار ضاج دفعني للبيت حجه بضوجة

رصار: فضحتنا فهيمة فضحتنا فوتي انتِ الثانية

سد الباب والبنات وجهن ينطي الوان دخلت جوه
الأوراق بصدري عهد كاعده وياسمين تغسل وجها كعدت بالكاع لازمة كلبي من الهبطة ارجف حجت وهي تنتر نتر

عهد: والله دخلي يرجع الا احجيلة كلشي لحد ما اخلي يخلي النعالات بحلوكهم الكـ... كدامة طليان مابيهم خير ورا صارو وحوش حتى امي اخلي يذبها بـ ايران عند اخوها البيت بيت ابونا والغربة حاربونا والله لا اخلي يخلي نعالة بحلك صفوان هيج يذلونة وبعد هذا أول يوم وهو ما موجود ميخالف يا قنادر يجيكم السرا

ياسمين: ولج اسكتي راح كلبج

دخلت سمر ما مهتمة لشي ولا عبالك سوت كل هاي الهوسة باوعتلي كعدت كدامي جرتني من شعري اتعت بيَّ شلعت شعري شلع

سمر: انطيني الأوراق لا بمحمد هسه ارتكب بيج جريمة

حور: تحلمين حتى بالحلم ما تحصليهن

عهد: تـ..

حور: لحد لا يدخل أني وهي دا نحجي لا تدخلن انتن

سمر: تحجي براحة بنت الزنا

حور: والله لو ما يضوج عليج كان عرفت شلون اردج ع هذا كلامج

عتتني من شعري وجها ما يتفسر

سمر: ولج منيلج هل لسان

حور: ضميتة من زمان وهسه استخدمة وياج
11

دفعتها من ايدها مدت ايدها على صدري تريد الأوراق لا ارادي دفعتها خليتها اطيح كمت من مكاني وهي تصرخ وتلطم تخبلت شلون دفعتها سدت باب المطبخ حلا تعض ايدها خجلانة لا صوتها يطلع لبرا

سمر: بنتتتتت زنااااا ولججج ساقطة امج
جانتتتت..... واختج ام الملاهي محد ما لفاج غيرنا وغير هل رطن كبر رأسج علينا

حور: عادي كلبي تعودي مادام ما يقبل عليَّ لا تحاجيني لا هسه اروحلة واخلي يرجع يهدم البيت عليج وبعدين عليمن ضايجة من امي واختي؟ عادي حبيبتي لا تأخذين بأطباعهن مادام ما يعجبنج هل نوع

كعدت ع كرسي صح احجي بس أخاف لا تهجم عليَّ وتأخذ الأوراق

سمر: عوووع اخذ من اطباع الـ....

حور: والله مشتاقة لختي هسه اخابرها واخليها تجي تبقى يمي احس راح اموت من الشوك عليها

سمر: شحدهاااا تدخل لهنا

حور: عزا عمة بس لا نسيتي هذا بيتي لازم نسيتي من تخرجت سجلة بأسمي؟ اشوفج الطابو عادي والله تدللين

سمر: سوااااهااا النذل سجلة بأسمج؟ يعني ما يشااااقة

حور: لا والله ما يشاقة حتى عندي سويج سيارة هدا مع الكيكة الي كال هذا الج وحتى بس يرجع اخلي يعلمني ع سياقة

سكتت ضايجة كامت وتركتنا هي لو تدري شلون بالغرفة يتيب الشباك حتى ما اباوع للحديقة الا تغمني مو انوب اسوق يمكن ينجلط من صدك
15

دخلت فهيمة تضرب باب المطبخ وتصيح

فهيمة: اطلعي سمر الـ... شوفيني وجهج
1

فتحت الباب الها دفعتني لزمت كتفي

فهيمة: امشي ع اخيج واكف ع باب

طلعت وهي دخلت باوعتلة ضربني راجدي بخفة سحلني من شعري

رصار: خوش تمثلين

حور: شسوي غصاغ والله خفت تحجي وقيسغ امني ع أوغاق

رصار: عفية عليج يا بعد كلبي

احتضن وجهي بيده بأسني بخدي

حور: اكللك شنو يعني قصدك من كلتلة اهفيك وغى الشمس

رصار: يعني كلمة وتنكال وهاي هيَّ

حك انفة سمعت من أيهم الي يحك انفة وهو يحجي يعني يكذب

حور: غصاغ انتَ هم مجغم مثل أيهم؟

فتح عيونة ضحك وخفة ضحكتة

رصار: اجيت من الجامع ورجعت للبيت
1

حور: تصلي؟ بس ما اذن من اجيتنا؟

رصار: مو جنت اقرأ قران طاح حظك أيهم شو كولي رصار

حور: مُتنمغ؟

رصار: لاااا بس هيج كولي

حور: انتَ هم مُتنمغ؟

ضحك ومسح ذقنة هز راسة أي شوية وحجه بجدية

رصار: تكدرين تخلين الأوراق عندج لو لا؟ اذا ما تكدرين خليهن بيدي

حور: لا والله ما أكدر خليهن عندك أحسن

خليتهن بيده خلاهن بجيبة دنك عليَّ حجه بهمس

رصار: سويلي مجال ادخل للغرفة بسرعة

حور: ليش

رصار: انتِ بس اصعدي

هزيت راسي أي انطيت خبر للبنات وهن دخلن للصالة وسدن الباب وهو صعد لغرفتي صعدت وراه جر الحاسبة معرف شيسوي طلع الجنطة من جوه الجرباية كمز بسرعة طفى الكاميرات طلع كفوف من جيبة لبسهن طلع المفتاح من الجنطة فتح كنتور أيهم خلة شكو شي بكنتورة بالجنطة بسرعة يباوع للساعة كأنما يغالب الوقت خلة الجنطة ع صفحة ندار الي ما فاهمة شي

رصار: طلعي نص من ملابسج وملابسة

طلعتلة الملابس اخذهن بيده خلاهن بالكنتور أخذ العطر من المراية رش ملابسنا فتح الجرارات طلع كلبشة اخذها للجنطة باوع للحايط جر الساعة دارها اله طلع فلاش صغير عض شفتة كأنما حصل ع شي مهم خلاه بجيبة رجع الساعة لمكانها أخذ صندوك جبير شوية فتح الكنتور طلع ملابس أيهم السود خلاهن بالجنطة واخذ اللثامات الي دائماً يلبسهن وياهن للجنطة خلة ملابس أيهم العسكرية كدام الباب بحيث من ينفتح الباب بسرعة يطلعن من كدام خلاهن كلهن ابتعد شوية باوعلهن وسد الكنتور
1

رصار: لا تفتحين هل كنتور أبد خلي مثل ما أنا سويتة

حور: بس هو ما يقبل أحد يفتح هل كنتور

فتح عيونة مصدوم تقرب الي سد حلكي بيده حجه بحده خفت منه

رصار: أششش لا تحجين هيج جدام أحد ياهو الي يسألج جاوبي عادي ما عنده شي خاص مفهوم؟

هزيت راسي أي خايفة منه حضني من كتفي مبتسم

رصار: احسنتِ

لزم اكتافي باوع لوجهي غير روحي انمردت

رصار: تنزلين هسه بدون كلام ولا حتى صوت تشوفين أحد موجود جوه واذا لكيتي أحد موجود خليهن بغرفة وحدة واقفلي الباب مفهوم؟

حور: أي

دفعني من كتفي طلعت بسرعة باوعت محد ما موجود صعدت اله واكف يباوع للجنطة ويدخن

حور: ماكو احد البنات كلهن بالصالة مزدود الباب

كرص خدي أخذ الجنطة ونزل نزلت ورا خلة الجنطة بالهول طلع للحديقة باوع بتركيز شوية واخذ الجنطة لسيارتة قفل الباب زين تقرب الي خلة بيدي موبايل حجه بهمس

رصار: يبقى عندج بي ارقامنا كلنا كل واحد مكتوب علية اسمه بس يصير شي هنا بسرعة تخابريني أو أي واحد من الولد لا تشوفين الموبايل لحد شوية وأنا راجعلج وهذولة عمامة الهتلية راحو انكبرو ببيوتهم امني واي شي صار هسه يبقى بيني بينج

حور: تمام

بأسني وراح شغل السيارة وطلع دخلت جوه خليت الموبايل بصدري دكيت باب الصالة فتحتة نجود كعدت وياهن وسمر كمزت تحجي

سمر: ها كمل دورتو بالبيت

حور: أي

باوعت لعمة ضحى كاعده ع صفحة ما حجت ولا طلع الها صوت بس دموعها ينزلن بصمت

سمر: ابجي عبالك راح يموت
1

ضحى: الموت بكلبج أن شاء الله عليمن مفاولة علية

سمر: والله لو هسه يجيبونة الي مجفن ما انزل دمعة عليه جلب ومات
17

فهيمة: .... شترجة منج
1

سمر: شبيج يوم شحجيت

فهيمة: شلون تحجين هيج ع ابنج

سمر: والله ما جذبت يا يُمة هذا صنف أبو من دون اخوانة لا عبالج المرض تعبة وهدا لا هسه تلكينة كلشي ما بي عار يرجع وما علية شي
8

عهد: كمت استحي اكول هاي امي

فهيمة: لا تحجن وياها هاي مريضة اتركنها

دخل ليث بيده علاكة كعد يمي طلع حلويات يأكل

حور: بعد لا تطلع

ليث: حاضر

ضحى: هسه يشرد برا

سمر: ع ابو هم هيج نكس وصخ فالح بس بالشردات

سكت ليث هزيت راسي ما يفيد هل حرمة مصيبة
كام من مكانة كعد يمها قربلها كيكة دفعت ايده

سمر: كوم ولي من يمي

ليث: شبيج جده

طلع باب الصالة صحت ورا جاوبني وهو يباوع لسمر

حور: وين رايح

ليث: للمطبخ أكل تفاحة واجي

ماكو دقائق ودخل بيده شي صغير يطك بالكاع صوتة عالي ذبة ع سمر خلاها تطافر من مكانها وهو يكمز ع قنفات ويصح وكف كلبي وفهيمة تضحك

ليث: تحاااالف تحاااالف سمورة
15

ضحى: ولك وتالي

جربتة الي خزرتة صاير فرد مره لا يستحي ولا يخجل ولسانة طويل شكو كلمة خامطها من قيسر وهو يشجعة فرحان بي ضجت منه بعده صغير ابد مو مال هل سوالف ولا حلو طبع الوكاحة لو حتى مدلل بس مو يتمرد ع عالم والله اهلة مدللينة لا يصير احد يحاجي

اباوع للبنات لازمات ضحكتهن وسمر مخلية ايدها على صدرها فاتحة عيونها تخزره

سمر: محد ما رباك يا....

ليث: وييي
12

سمر: باوع لوجهك شكد سمي

ليث: ههه

سمر: شكد حيوان

راد يحجي اشرتلة بعيوني يسكت سكت هو يباوعلها بخزره وهي تخزره

حور: منو اشترالك؟

ليث: صاص
14

حور: صاص؟
1

ليث: اهو يوم شبيج اقصد خالي رصار

حور: لسانك شطولة ياربي

ليث: تأكلين كيك

حور: لا حياتي أكل انتَ الف عافية

ليث: ع كلبج
13

مر سبوعين والبيت كئيب لدرجة ومرعب محد ما اجانا كلهم اختفو بس علاء يجي شوية بالليل مجرد ما يطلع الصبح يروح قيسر ملتهي بأيهم حالتة حرجة وبالكوة ينطونة الجُرعات اخواني كل يوم واحد عدنا ع باب صح ما يدخلون بس شوية أمان من تحس اكو احد جبير ع باب عمة ضحى عازلة روحها ما تحجي ولا تضحك بس ملاحكة علاء ورصار تريد واحد منهم يأخذها للمستشفى ع أيهم وهم يسكتونها بكم كلمة ويختفون سمر موتتني عبالها الأوراق بعدها عندي حلا بقت عدنا كاظم ساكن المستشفى ما مهتم لشي بس عهد رجعت لبيتها

ياسمين: ليث راح

حور: أي اخذه رصار للروضة

ياسمين: لسانة طولان

حور: يحجي كلام اكبر منه يخليني اصفن

نجود: والله فقير بس انتو معرف شبيكم

ياسمين: اكص ايدي اذا هذا طفل

نجود: دكصيها

ياسمين: اوكفي خلي اجيب الساطورة بس منين ما عدنا احد عنده ساطورة هنا؟
18

نجود: دبري روحج بالسجينة

صعدت وتركتهن يحجن خليت قمر ع كتفي ونزلت أسمع باربي تبجي دخلت الها لازمة بطنها وتغلط روحها طافرة من التقيأ حملها صعب من أول أيام وهيج صار بحالها وجها أحمر وذبلانة

باربي: تالي بعد كل هل عذاب يطلع الطفل ازرك وصخ ولسانة يلط اذانة
2

حور: هههههه اخذتي علاجج

باربي: لا والله ما يفيد

خليت قمر يمها طلعت علاجها اخذت المي الها شربتة ونامت بدون ما تأكل شي مثل كل مرة غطيتها باوعت لقمر نايمة ضحكت بهدوء حياتها عبارة عن نوم بس تصحى خمس دقائق وخمسة ساعات نايمة

غطيتها مع باربي سمعت صوت علاء يحجي مع ياسمين دخلو سوا باوع لباربي وجه تعبان

علاء: شلونج حوحو

حور: بخير الحمدلله انتَ شلونك ولو مبين عليك تعبان

علاء: أي والله مهدود من التعب بس أحسن من كبل شوية باربي بعدها ع حالتها

حور: أي

كعد يمها دنك يبوسها استحيت ابقى يمهم طلعت برا وعمة ضحى لابسة العباية واكفة على صفحة تنتظر علاء طلع علاء وياه باربي باوع لـ امة مسح وجه تقرب الها

علاء: يوم والله ممنوعة الزيارة علية

ضحى: لا يُمة أنا اتوسل بيهم والله ابوس ايديهم ورجليهم بس اروحن اله
8

علاء: بس باوعي أخذج بأجر هسه ادخلي جوه

لزم اكتافها يدخلها جوه وهي تبجي كعدت بالكاع تلطم ع رجليها خلة ايده على خصرة خطية مبين علية تعبان
2

حور: عمة هو حالتة صارت شوية أحسن بس ما يخلون احد يزورة لأن ممنوع شخص مو مصاب بهل مرض يدخل للمريض لا سامح الله تلوحج جراثيم من هذا المرض وانتِ عندج سُكري مناعتج ضعيفة واذا هو شافج هناك راح يترك العلاج ويطلع الج وبالنهاية تنتكس حالتة مرة الثانية وما راح يطيب
4

ضحى: ما اروح ما اروح

كامت ودخلت جوه تمسح وجها وتستغفر كعد ع كرسي حيلة مهدود تقربت منه باربي خلت ايدها ع كتفة

باربي: ميخالف تحملها من قهرها علية تبجي خطية أن شاء الله يرجع وهو بكامل صحتة واحسن من قبل

حور: شلون صار علاء؟

رفع راسة يباوعلي خيط أحمر داخل بياض عيونة

علاء: مو زينة حالتة ما جاي تتحسن حتى الجرعات ما يستقبلها جسمة هلك هلاك صار هيكل عظمي من التعب والوجع

صبيتلة مي قدمتة اله أخذ الكلاص مني ما شرب بس صافن ع كاع كعدت مقابيلة شبكت ايدي معرف شحجي شكول

حور: الحمدلله ع كل حال التعب مو نهاية حياة الشخص وكلشي يمر بي البشر اله حكمة حتى الدموع التنزل رب العالمين يحسبها رحمة المرض؟ مو اقوى من روح الانسان ولا من كلوبنا الي تدعيلة بكل وقت
7

علاء: والنعم بالله بس تعب تعب هل انسان تعب هواي حور محد ما عاش الي عاشة أيهم ولا شهد ع حزنة أنا جنت مفكر بس يتعالج من حالتة النفسية ويرتاح بس هسه كلشي اختلف شيتعالج شيخلي لا وحدة ولا ثنين كلهن يدكن بالصدر لا اعتراض ع حكمتك ربي

حور: أكثر شي يطمن كلب الأنسان انو هو يعرف اكو رب يشوفه ويشوف وجعة ويسمع انينه لو حتى ما كدر ينطق بي وهو مو وحدة كلنا وياه وننتظر منه يرجع ويبتسم ويكول الحمدلله عدت ورجعت اقوى بفضل الله
1

علاء: ما اضن يا حور استغفر الله حالتة فرد مره منتكسة كل يوم اخاف علية من بأجر يوم اسوء من يوم بحالتة

حور: لا تخاف اليوم يعدي وبأجر يعني مثل الي قبلة واذكرك بيها اليوم انتَ هلكان وهو تعبان من حالتة بس يمكن بأجر نسولف عن الي راح ومَر وعن شمس تضوي من جديد وهو مو وحده بس أقوى من المرض وان شاء الله تعدي هل غيمة كلشي راح يصير زين مو لأن نتمنى بس نؤمن أن الله ما ينسى عبد صبر ولا كلب نوى الشفا ولا روح ظلت تدعي حتى وهي تنكسر بس انتَ لا تضعف ترا هواي ناس صار بيهم هل مرض والحمدلله تشافو منه بس يرادلة وقت وصبر
6

علاء: الله يسمع منج أنا ما خايف من شي بس من عنادة البارحة يصرخ هجم المستشفى علينا يريد يرجع للبيت يكول ما يفيد العلاج أنا ميت ميت خلوني اموت بيتي

باربي: لا اسم الله

حور: لا تهتم مادام دخل للمستشفى وقيسر وكاظم وياه بعد هيهات يطلع منها اطمن لأن قيسر عنيد وما يسمعلة يسوي الي براسة

ضحك بخفة باوع لباربي وباوعلي مسح ع حاجبة

علاء: البارحة فطن عليج
2

حور: اني؟

علاء: أي

حور: يا ستار

باربي: احجيلها عليك الله

باوع لباربي يضحك وهي تكمكم ضحكتها

علاء: جان تعبان فاقد كمخ قيسر والدكتور يريد يطلع قيسر بس طبك ع خط يضحك

باربي: يكول لقيسر لعبتو بكيفكم تاخذونها لخلودة وفشر فشورة جبيرة هواي

نزلت راسي بخجل هسه بلا الواحد شيحجي

حور: حلمان بيَّ

علاء: هههههه لا جان فاقد القميص ما قبل يذبة

باربي: أنا اكللج ليش لأن واشم عيونج ع صدرة ويكول الهتلية يباوعولها قيور فديتك والله البيت بلا مالة معنى لعد شبي علاء لا يوشم عيوني ولا ايدي بس فالح يبوسني بخدي عبالك بنتة الصغيرة
عمي هي شني ما ناوي توشم خشمي ع خشمك اشو هذا أيهم حتى بأسمها يغلط بين العالم مرة واشم عيونها مرة يباوعلها وهي تأكل ادري أنا أكل فاصوليا وما تشتهي تباوعلي بس ميخالف راح أحاول أكل نستلة وحليب وباوعلي لبين ما الله يفرجها
11

علاء يعض شفتة يريدها تسكت وهي ما سكتت شكو شي حجتة اريدها بس تسكت متت بمكاني من الخجل وهي ابد ولا همها تحجي براحة

علاء: اوشم الفاصوليا الج تردينها

باربي: أي عفية

علاء: قدي ولا أحب الوشم يوصخ الجسم 
13

باربي: همداني اكللك ليش ما توشم طبعة من العلك الي بي طبعة صغيرة اوشمها حتى اكول والله رجلي يوشم

علاء: الا وشم

باربي: يححح انتَ بس اوشم وما عليك

عضت شفتها خفيت ضحكتي كمز من مكانة

علاء: دخيلج يلزهرة

باربي: تعال حبيبي افيدك والله

لحكتة وهو شرد برا شوية ودخلت تضحك باوعتلي من الباب

باربي: نروح نطمن ع بيبي طالعة مع زوجي حبيبي و ابو ابني عينج ع بيت بغيابي وعينج ع عراق والدنيا و..

دخل علاء سحلها من ملابسها دفعت ايده وهو لزمها اقوى هز ايده بملل

علاء: صبح ليل نايمة لو العراق يبقى ع ايدج الا يفطس ازيد من هسه
1

باربي: أيهم جان يكول داح العراق هسه فهمت كلامة بوجودك وبوجود امثالك فعلاً داح..

علاء: امشي امشي ام الفاصوليا

دفعها وهو يضحك وهي تهدد اخذو ليث وياهم طلعو من البيت صعدت لغرفتي نضفتها بس ما قربت للكنتور بس للباب الي بي ملابسنا من النص دخلت اسبح طلعت من الحمام مشطت شعري لبست جادر الصلاة صليت وقريت قران ما نسيتة بدعائي هل مرض خبيث يكسر البشر بس ما صعب عند رب العالمين يشافي منه

دخلت نجود باوعتلي ذبيت الجادر مني

نجود: تعالي انزلي شمس اجت وكالت صيحيها الي

حور: شمس؟

نجود: أي

حور: والله والله اجت

نجود: أي والله اجت كاعده جوه تنتظرج

نزلت ركض حسيت نفسي ريشة ابد ما ثكيلة ونجود تضحك دخلت الها والضحكة مرسومة ع وجهي كامت من مكانها حضنتها بقوى صارلها هواي لا اعرف اخبارها ولا هي اجتني كعدت وياها والبنات استأذنن وطلعن باوعتلها بقلق تعبانة ومتغيرة هواي جوه عيونها السواد وايدها بيها كانونة بس بعدها ع ملامحها

حور: بيج شي؟ شصاير بحالج

شمس: أبد ما بيَّ شي بس اجيت اشوفج خابرت أيهم ومقفول جهازهة كالو بالمستشفى لهذا اجيت عليج بعد شكد وتولدين
1

خليت ايدي على بطني بخوف

حور: بعد بس مو هواي الوقت دا يخلص بسرعة

شمس: هههه وعليش خايفة؟

حور: مثل كل مرة

شمس: يلا عادي تولدين وتكومين بالسلامة مثل ما خلفتي هل مرعوص ليث

حور: عزا حجه وياج شي

شمس: لا بس بيده زنابير يطكطكهن جوه الرجلين ويصيح تحالف
5

حور: يا

شمس: مرتاحة هنا؟ لو أخذج وياي؟

حور: لا الحمدلله مرتاحة

شمس: وضعج ما عاجبني ابد عليمن تعبانة هلكد؟ سمر دا تحاجيج؟ أحد مضوجج

حور: لا والله خطية كلهم زينين وياي وحتى عمة سمر ما اهتملها متعودة عليها

شمس: لا يا روح امج متعودة عليها شنو مجبورة تتحملينها

كامت من مكانها جريتها من ايدها باوعتلي ما عاجبها تصرفي

حور: عفية مو وقتها والله عدنا مريض والبيت كئيب وحالة عمة ضحى مو زينة خطية والبنات ضايجات ع اخوهن خليها بغير مرة عفية

شمس: دروحي بكل مرة تكليلي مو وكتها راح تقوم الساعة وانتِ تصيحين مو وكتها أريد فد يوم تكولين اجى وكتها

حكيت حاجبي بفشلة كعدت وجرتني الها

حور: لعد نشهل وينة اشو ما اجى وياج هل مرة

ضحكت بخبث ما جاوبتني

حور: اسم الله شبيج

شمس: مابيَّ شي كلبي انتِ

حور: احد من خواني جابج لهنا؟

ركصت حواجبها بلا رجعت ظهرها لورا خلت رجل ع رجل تباوعلي

حور: والله بيج شي

شمس: يا

حور: شصار ع ابنج؟

شمس: عمت عيني مات المكرود
8

فرغت شفتي بصدمة كلبي دك بقهر

حور: عليج الله لا

شمس: خطية كال هاي امي؟ غدي ولا اجي للدنيا
2

حور: انتِ شنو سالفتج اليوم والله احتاريت

شمس: اتركينا من هاي اكللج يا حلوة

حور: كولي

شمس: تحبين أيهم؟

حور: والله معرف
2

شمس: وأنا اكول ليش الرجال مرض صح اكرهة بس انتِ مطينة عيشتة

حور: والله والله ما سويتلة شي

شمس: اخذج تشوفينة؟

حور: أي

باوعتلي بنضرات مطولة نفخت خدها بحيرة

شمس: همم كومي جهزي نفسج انتظرج

حور: لا انتِ مبين عليج تعبانة ارتاحي وبعدين اكول لرصار بس شلون طرحتي

شمس: كعدت لكيت نفسي غركانة بالدم عرفتة طاح

حور: بس انتِ مكملة اشهر وهو جبير شلون يعني؟

شمس: طفرت روحة مني كومي غيري ملابسج يلا كومي

حور: لا ما اروح

شمس: عليش؟

حور: هسه يحجون عليَّ رصار وعسكر خليني كاعده وساكتة أحسن

شمس: كال خايفة من عسكر خطية ترجف

حور: دغوحي ما تصدكين بس اغيد اغوح

شمس: يا حياتي تقلبات مزاجج مثل تقلبات الطقس ما تستقر ع شي

حور: لا ما اروح

شمس: كومي من يمي لا اهفج براجدي اخلي وجهج ينصفك صفكتين
1

حور: ما اروح بس اسكتي

اندك الباب بقوى كامت من مكانها مستغربة طلعت وراها وعمة ضحى طلعت ويانا

شمس: وجعت الله أي والله وجع اجينا

أول ما فتحتة صار بوجها صفوان وياه زلم راد يدفع الباب ويدخل وكفت بنص الباب حجبت علية الطريق خزرها عفست وجها تباوعلة بأستهزاء ما مهتمتلة خرطت العافية وضحى صافنة عليهم
1

شمس: خير شصاير

صفوان: وخري من الباب بنتي تفتيش

شمس: تفتيش شنو؟ شكو بس علينا؟

دفعها واحد منهم دخل جوه صاحت ورا وكف يباوعلها

شمس: لحظة وين داخل هو احنا و حدنا نسوان بالبيت شنو ما عندك حشيمة داخل جوه؟

صفوان: اسكتي بنتي هذا تفتيش وتبليغ عليكم

شمس: تبليغ شنو؟

::- سلامح ما مرخص و ممنوعات وهسه خلينا نشوف شغلنا

صعدو بدون ما ينطوها مجال مسحت وجها جرتني من ايدي خفت رجعت لورا وهي تهمس

شمس: صحيح هل كلام

حور: معرف والله بس رصار أخذ اوراق واغراض و....
4

شمس: أششش أششش كافي يلا فوتي جوه

حور: لا أريد اصعد وياج

ركضت وراهم واني صعدت وياها هاجمين الغرفة ما مخلين شي صاحي بيها واحد منهم شغل الكاميرات باوعو لبعض مستغربين رجعو انضارهم لصفوان الي وجه صار أصفر

شمس: ليكتو شي؟

صفوان: أكيد شايلهن ما مخلي شي هذا ذكي أنا أعرف شايلهن بـ..

شمس: شايل شنو شهل جذب جاين تتبلون علينا كل يوم اتهام جذب نكثتو البيت علينا حتى للحمامات دخلتو وما عدكم احترام داخلين ع بيت بس نسوان

صفوان: أنا موجود هنا وهذا بيت اخوية بنتي لا تخافين

بعدهم يحجون والزلم طشرو الأغراض حتى الصورة يفتشون بيها فتح الكنتور باوعو لملابس أيهم واحد يباوع للثاني ذبوهن بالكاع الكنتور فرغ طشرو الملابس بالكاع فتحو الجراراة نزلو جوه وهي وراهم حتى الصالة خربوها بيدهم جهاز مشو ع طول الدرج ارتجت ع حايط تباوعلهم وكفن البنات ع صفحة وسمر وجها بهت وكفو بنص الصالة والباقين طلعو من الغرف باوعو لواحد يباوع للبيت بترقيب

::- ما لكينا شي

::- متأكدين

::- أي نعم

باوعو لصفوان كتف ايده صوتة عالي

::- هاي ثاني مرة نعيد التفتيش وما لكينا شي

صفوان: بس شلون أنا متأكد يشتغل مع أهل النظام وعنده اسحلة ما مرخصة ولا حتى قانونية

الولد باوع لشمس توترت هواي حبست انفاسي الموقف مرعب ورهيب حسيتة يباوعلي مو يباوعلها وهي نترت بوجهم

شمس: ثاني مرة تدخلون لهنا بدون استأذان وتعرفون هل بيت مابي بس نسوان تعديتو حدودكم كسرتو الأغراض ما احترمتو وجودكم رغم محد ما عارض تدخلون لهنا وتفتشون وبلاغاتكم هواي علينا وهسه اطلع وياكم للوزارة دعسة وحدة ارفع عليكن دعوى تشلع روسكم من مناصبكم مو كل مرة الناس تسكت من الخوف اكو ناس اذا قل وياها الصبر تصير نار تأكل الكُل
4

تخبلو من حجت وياهم هيج صرخ بوجها واحد بخصرة سلاح وبيده جهاز معرف شنو بس مثل الي كان عند أيهم

::- تشلعين رأس منو هذا بلاغ عليكم راح يصير رسمي عليكم ممنوعات طالعة من البيت وسلاحكم ما مرخص تحجين بحيل صدر بنت منو انتِ لا تهددين مرة الثانية كلامج محسوب عليج

باوعتلة بأستهزاء اشرت علية وحجت بحدة رجفت بخوف رجعت مع البنات مستحيل ما اتحمل كل هل صراخ هسه يغمى عليَّ بنصهم حتى رجليَّ ترجف

شمس: أنا بنت عم اللواء الشهيد ميثم حامد و زوجت العقيد نشهل أحمد بنت عم العقيد كسار جراح والنقيب علي حامد واخت الرائد عسكر خالد واخت الملازم أول وائل خالد واخت الملازم بأسل خالد واذا تعرف انتَ داخل بيت منو  وتفتش بكيفك وترفع صوتك بوجهي هذا بيت المقدم أيهم شاهر تعديتو حدودكم هواي أنا اشوف احسن من وكفتنا هنا نوكف بالمحاكم جدام القاضي واحجيلة شلون تعديت حدودك بالكلام والأفعال وتبليغاتك الي كلها جذب بجذب عدنا ممنوعات؟ وينهااا مااا شفت بيييدك كيسسس واحد يثبت على كلااامك ولا حتى شفت شي غريب بالبيت بس كسرتو الأغراض وتجاوزتو حدودكم ما احترمتو حتى الناس الي ساكنة بي
49

وجه انخطف لونة خزر صفوان اشرلهم يأخذونة وهو يصيح بس ما اهتمو اخذو زلم ثنين وطلعو وهو تقرب لشمس ولا راحت روحي كمت الطم بهمس والله لو تشوفني الا تكتلني

::- نعتذر منكم بس نحنا نمشي حسب الجهات العلية والمفروض يصير تحقق وتنسيق كبل لا ندخل بهذا الشكل والي صار اليوم ما يمثل الاسلوب المتبع ولا يعكس احترامنا للأهالي بس البلاغات عليكم منكم وبيكم واكيد ما ننتظر منكم جواب حتى ندخل نشوف شغلنا

شمس: دخلتو وشفتو شغلكم حصلتو شي؟

::- تأكدنا للمرة الثانية وما حصلنا أي دليل على كلام المُبلغ راح نرفع اسمكم من سجل المراقبة وراح نرفع تقرير رسمي نوضح بي اللبس الي صار مو توصية مزدود أي إجراء بخصوص البيت وبهل ساعة أنا أتحمل كامل المسؤولية عن الي صار كبل شوية واذا لزم الأمر نوكف جدام القاضي وابرر تجاوزنا

شمس: مالة داعي للقضاية لأن انتَ اديت واجبك بس ما احترمت الي عليك وتجاوزت بصراخك عبالك داخل سجن مو بيت وبي نسوان وجهال تعديتو حدودكم واخذتو راحتكم ع حساب العالم

ابتسم وهو يباوعلها احس غرت عليمن مبتسم بوجها ماكو شي يستحق الابتسامة؟ أول مرة احس بأحساس أيهم من يكول لا تضحكين باوعتلي نجود تأشر علية مصدومة ضجت هواي
10

::- بالنسبة للـ لواء ميثم هو قايدنا اذا عندج علم وهذا الي كسرني شلون تعدينا ع اهلة بهل شكل بس البيت صار مُشتبه عدنا وكثرة الابلاغات صعدت الشك والي صار شي عادي بس لازم نتحمل اضراب الصار نحنا مسؤولين عنة ونعتذر منكم

شمس: تفتشون بيتنا مرتين كسرتو الاثاث وتصيحون بوجه نسوان بدون إذن ولا مذكرة وتجي تكلي سوء تنسيق؟ هذا تجاوز ما ينسكت علية أنا ما احجي وياك هيج لأن نعرف مكانتنا بينكم ولا اهددك برتبنا لأن هذا مو ثوبنا بس احجي وياك هيج حتى تعرف انتَ داخل بيت ناس وعالم
الهم قيمة لو حتى جنا بس نسوان بس مو من حقك تصرف بهل همجية لو حتى جنت رجال مسؤول بالقانون

اشرلهم بيده ضغط على روحة بالكلام وهي تجادلة بالكلام ولا سكتت حلا عيونها ع واحك وياسمين تأشرلها تنزل عيونها بس هي لطشت وأني اعاين وياهن ع واهس

::- حقكم عليَّ اعتذر منكم بس راح نغلق الملف لا كلمة زايده ولا حجاية تنكال هسه حتى الاضرار الصارت أنا أتحمل كافت المسؤولية

شمس: ما راح اطلب منك اعتذار شخصي ولا انزل بمستواكم بس هل موضوع ما ينتهي بهل طريقة بس احنا راح نعديها الكم لو غيرنا يمكن يدخلونكم لمكان الي ينحسم بي حسب القانون مو المزاج واذا تكرر دخولكم لهنا بدون اذن أو ترفعون صوتكم بوجه وحدة من أهل البيت صدكني راح يكون الرد أكبر من تقرير واشد من عتاب

هز راسة نزلو الأسلحة من اشرلهم شي بكلبي ارتاح بس حيرني منو الي دا يبلغ..اشرت ع باب وحجت بهدوء

شمس: هسه تفضل الباب يطلع رجال مو ناس تتعدى وتعتذر
4

ابتسم بوسع وطلعو طلعت هي وراهم طبكت الباب
تقربت لسمر الي وجها بلعم حجت بقرف وهي تأشر عليها

شمس: ما خجلتي من روحج؟ من رخصت بناتج بس ما عندج خجل؟ ما استحيتي؟ تتعاونين مع  عدو ابنج ولج أنا دم سنوني أيهم اكرهة كره بحياتي ما كرهت بشر بكده بس انكسر خاطري علية وعلى تعبة والمصيبة فوك تعبة انتِ امه شي مقرف مو صح؟
8

سمر: ما سويت شي احترمي نفسج لا تجاوزين

مسحت ع كتف سمر حجت بحده

شمس: الشغلة مبينة شنو شلون أول ما دخلو البيت صعدو لغرفة أيهم بسرعة؟ بس سؤال شلون عرفو هاي غرفتة وهاي اغراضة؟ لو ما عدهم معلومات كاملة عن البيت وين غرفتة وشلون عرفو
هو جان يشتغل مع أهل النظام وبعينج شفتي شلون دخلو وكسرو البيت تكسر الكنتور انخفس من ضرباتهم لو لازمين ورقة وحده عن ابنج صدكي يأخذونة من المستشفى لو حتى مريض لو ميت يأخذونة ويهينونة جدام الكُل عادي عندج ابنج يخسر رتبتة ومكانة وتعب سنينة بسببج؟
6

سمر: وعساااااا يموووووت الله يأخذه الحـ..
4

ما كملت كلامها وشمس ضربتها راجدي خلتها تفتر بمكانها
17

خجلت من البنات بس هن ضاجن من امهن ع اخوهن يحبن أيهم أكثر من سمر وشاهر دائماً يكولن هذا ابوية رغم هن كبار بس ما ينطن ع اخوهن

شمس: جنت اكول خطية مظلومة من شاهر بس طلع الحقد بكلبج الشيطان يخاف منه وما يحقد هل حقد وحدة مريضة نفسياً ومرضتي ابنج وياج

سمر: لاااا تدخلييين بيني وبينه

جرتها من كتفها عصرت فكها بيدها عضيت شفتي بخجل ما يصير تلزمها هيج كدام بناتها
لزمتها أقوى عصرت فكها بيدها تحجي برجفة من عصبيتها
6

شمس: هسه بأشارة وحدة مني اخليج شمس الله ما تلمحينها ولا تعرفين الحرية شنو أي معلومة تطلع عن أيهم منج اخليج تعضين اصابعج ندم ما اخسر بيج كلمة وحدة انيمج بمكانج اخلي الما يشتهي يتفرج عليج عدلي نفسج يا حرمة لا اعدل مايلج
4

نترتها منها وكفت سمر لازمة فكها مصدومة انخلست بمكانها وفهيمة عضت ايدها بقهر

فهيمة: حيييل بيييهااا اخذيها لا تشوفيني وجها لحد ما تربينها زييين وترجعين عقلها برأسهااااا

باوعت للبنات اخذت نفس وزفرتة بتنهيدة خفيفة

شمس: لا تزعلن مني بس سمر ماكو عقل برأسها منطية معلومات عن أيهم لصفوان وأنا متأكدة صفوان هو الي دا يبلغ عليكم

بجت ياسمين كعدت بالكاع تحجي بحركت كلب

ياسمين: يممممه تشوووفينا بيا حااال ابنج واصل الموت الجرعات تطلع من جسمة النووووم ما يعرفة شنوو رايحة تبلغين علية هووو ناقصة قهرر
و ظيم شبيج لخاطر الله مو ابنج مو طلع من رحمج ارحمي حالة جان هسه لازمة السجادة وتدعيلة النفسسسس حصرة علية ماااا جاااي يتنفس حرام عليج والله حرااام ما كفاج عذابة وهو صغير رجعتي لحكتي ع شبابة الي ما عاششة براااحة
8

سمر: الله يأخذه ولا يرفلة كلبي
9

شمس: انتِ تكولين الله يأخذه وهو صحى اليوم كبل ساعات جنت عنده متعدل حالة صاير أحسن من كبل بس متحمسة شلون راح يرجعلج ويسلم عليج طبعاً غير امه؟
3

كعدت ع قنفة تباوع لسمر وتبتسم وسمر ضاجت وجها ينطي الوان دخلت وتركتنا

شمس: كومن نضفن البيت كومن

كامن كلهن واني وياهن بس حلا ما قبلت كالت ابقي مع اختج ما شفتيها زين كعدت مع شمس وياسمين صعدت لغرفتي نضفتها خطية

ضحى: يُمة انتِ بيج شي

شمس: منو حجية انا؟

ضحى: أي انتِ وجهج شاحب وحالج متغير

شمس: أي والله شوية تعبانة

ضحى: حملج متعبج اخذلج اعشاب أحسن من هل علاجات

شمس: هههه تسلمين بس طرحت قبل أيام

ضحى: يا يااا سودة بوجهي ليش طرحتي وأنا اكول هل بنت وجها أصفر كركم

شمس: الطفل تعبان هواي من التدخين

ضحى: يُمة اتركي اتركي هل سم ترا مو زين عليج انتِ بنية تأذين نفسج

شمس: تركتة بس بين اربع أيام أو هيج شي أخذ جكارة وحدة لأن صعبة ما اشرب كلبي يوكف
8

ضحى: يا يا ياااا شكد صلفة

ضحكت شمس سلمت عليهم دا تروح عفست وجهي طلعت وراها للباب اتوسل بيها بس ما أريد الح وتعيط بوجهي
2

حور: ابقي بس اليوم حبابة

شمس: ما أكدر من يصحلي اجيج مرة الثانية ما أطول عليج

حور: اهووو هسه تبقين شكد وما تجين

شمس: لا وعد اجيج

خلت فلوس بيدي ما قبلت اخذهن بس كلعادة كلامها الي يمشي بأستني وطلعت سيارة تنتظرها ع باب دخلت جوه ساعدت البنات طلعنا الصحونة الي انكسرن بالمطبخ بس اريد افتهم شغلة عليمن تفتشون بالمطبخ وتكسرون حرامات راحن المواعين

كعدنا مهدود حيلنا معرف من الهبطة ولا من التعب باوعت لنفسي بأستغراب احس مضيعة شي كمت من مكاني افتر

حلا: شبيج ولج

حور: اطفالي وين؟
4

ياسمين: صدك قمر وين

حور: يا عزا

دخلت للغرفة الي كانت باربي نايمة بيها أخذت قمر بحضني ابوسها فاتحة عيونها تباوع للسقف طلعت وياهن جرتها حلا مني

حلا: عيع شكد حلوة

دخلو باربي وليث بيدهم كيك يأكلون وعلاء يحجي عليهم محترك كلبة

علاء: اطلع غبي اذا اخذكم سوا

باربي: عصب عصب

ليث: ما عليج منه هسه يهدا

علاء: انتَ الثاني اذا ما املص اذاناتك

ضحى: شبيك ولك

علاء: خليتها بالعيادة بس دخلت للبأنزيخانة فولت بأنزين رجعت لكيتهم بالكافتريا حابسهم الزلمة مأكلين وما عدهم فلوس ينطون
15

باربي: أي والله خفت من كال ما تطلعون اسم الله الزهرة

ليث: مو خوش ناس ما نروحلهم بعد

باربي: أي والله ما نروح ما عدهم احترام

ضحى: هسه انتَ ضايج لأن دفعت الفلوس

علاء: ولججج يوووم يا فلوس كاعده بنص الزلم تأكل بس أريد افهم صاحب المحل شلون خلاها تدخل

باربي: لا هو ما قبل بس توسلت بي ودخلنا اشو ما قبل نطلع لحد ما ندفع فلوس وكع كلبي كلت هسه علاء يطلكني

كتم ضحكتة وهي تحجي بجدية مبين عليها خايفة من صدك وليث وجه صاير نومة

علاء: ليش الجام مكسور؟

باوع لجام المطبخ من الباب وحلا حجت وياه

حلا: دخل عمي صفوان وياه ضابط وزلم هواي فتشو البيت وكسرو الاثاث تكسر حتى بالقنفة يفتشون يكولون اجانا تبليغ عليكم عدكم ممنوعات و اسلحة ما مرخصة وحتى عرفو أيهم يشتغل مع أهل النظام

جمد بمكانة يباوعلها ما حجه شي طلع بسرعة وعمة ضحى صاحت ورا وهي خايفة

ضحى: تعال ولك لا تتخبل وين رايح

علاء: نامي يوم هسه ارجع بس عندي شغلة ضرورية

طلع وتركنا ساعة ورجع وياه الحراس نفسهم دخلو سيارات أيهم وسيارات السياق ثنين بالكراج جودرو سيارة أيهم والثانية الي يروح بيها للشغل
وكلشي رجع كما هو دخلو طخم جديد قنفات رتبو بالصالة و عدلو الشبابيك الي كسروهن راد يطلع علاء كان فرحان محد ما يعرف شنو سبب ضحكتة عكس من طلع كان ضايج لزمتة عمة ضحى تريده يأخذها لـ أيهم وهو يسايرها لحد ما خلاها تسكت اخذت قمر وليث سبحتهم ونيمتهم بمكانهم نمت ع جرباية رن الموبايل طلعت رقم رصار يدك فتحت الخط اريد انام ما أعرف حتى شلون رديت علية كمزت من عيط بوجهي ضجت ياهو الاجه وعيط بوجهي

رصار: دكوووميييي صحصحي

حور: ها

رصار: منو اجاكم اليوم؟

حور: ناس هواي طبو للبيت

رصار: أنا مو خليت الموبايل بيدج؟ مو كلت بس يصير شي دكي عليَّ
1

حور: أي صح

رصار: ولججج چا ما تنطيني خبر

حور: ليش احجيلك كلشي انتهى وفضت الشغلة الحمدلله
1

رصار: فضت الشغلة؟

حور: أي الحمدلله

رصار: الحمدلله الحمدلله نامي حور نامي
3

حور: أي هو دا أنام

رصار: عفية نامي كبل لا انجلط

حور: يا عزا انتَ هم راح تنجلط
12

رصار: ولججج ناااامي ناااامي
1

حور: تمام

فصلت الخط بوجه معرف شبي يصيح حتى عيب علية والله باوعت للعلاج طنشتة ما شربتة لفيت راسي ونمت
10

ما كعدت للصبح نزلت احظر الريوك تريكو كلهم واني ما اكلت معرف شبية بطني توجعني مر شهر وعشرين يوم ولا لمحنا لا أيهم ولا قيسر ولا حتى عمام أيهم ولا شفت شمس ولا عرفت اخبارها حتى اخواني قليل يترددون للبيت والبيت شبه مهجور بس علاء يجي بالليل من عمة ضحى تنام يكعد ويانة شوية من نسألة ع حالة أيهم يسكت يبقى ساعتين يسوك للبيت ويجيب النواقص للبيت ويطلع حتى عهد ما اجت ولا حلا

كعدت أوكل قمر بسكت وجاي وهي تصفك
دخل رصار متوتر طلعتلة للحوش حجه بسرعة

رصار: البسي ملابسج نطلع.

حور: وين

رصار: ابوية يريد يشوفج

حور: بس شمس ما تقبل اكعد وياه

رصار: ولج بوية هذا ابوج شعليج من شمس

حور: لا والله ما تقبل خابرها وتأكد منها حباب

عض اصبعة طلع الموبايل دك عليها شوية وقفل الموبايل خلاه بجيبة

رصار: كالت أي يلا امشي

حور: يعني اروح

رصار: أي تفضلي

حور: تمام بس خلي البس وانتَ لا تروح ابقى انتظرني
2

رصار: والحسيييين والعباااس ما اروح منتظرج هناااا

صعدت ركض لبست ملابسي وخليت ليث وقمر عند
عمة ضحى ما اخذهم لهناك طلعت مع رصار بعدنا باب البيت وطبكت سيارة كاظم وطلعت حلا نزل راسة رصار سلم ع كاظم جر ايدي صعدنا بالسيارة عدل المراية باوعت للأتجاه الي يباوعلة عيونة ع سيارة كاظم تحركو وراحو طلع جكارة ايده ترجف عيونة خبطن حمر
4

رفعت النقاب بنص الطريق درت وجهي اله

حور: مبين عليك تعبان

رصار: أنا؟ لا

حور: لعد شنو هذا السواد الي جوه عيونك

رصار: من الشغل شوية تعب وسهر

حور: عيونك ع حلا؟

باوعلي بصدمة نفى براسة لا لعدت مرات بس ما صدكتة

رصار: لا متوهمة

حور: شلون متوهمة وانتَ تخربطت احوالك حتى من جبت طاريها

بلع ريكة ضحك بخفة

رصار: منيلج هل كلام

حور: كلشي واضح

رصار: العالم درت بيَّ وهي لا

حور: يعني صدك تحبها؟

باوعلي رجع انضارة للطريق تنهد بضجر زفر انفاسة بعصبية حيرني وياه

رصار: أي
3

حور: يا عزا بس شلون وهي تزوجت

رصار: كبل ما تزوج ولا حتى تنخطب أنا هويتها من أول مرة شفتها وهي مع امها بالسوك

حور: ليش ما حجيت

رصار: ما ردت افشل نفسي اعرف كلبها هاوي و أيهم ما ينطيها الي

حور: ليش ما ينطيك؟ وهو وافق ع ياسمين وعسكر؟

رصار: ههه شلون ينطي اختة لواحد مشى بدرب الغلط؟

حور: بس ليش درب غلط ما فهمت؟

نظرتة اختلفت عن قبل شوية وجه احتقن وصوتة انخفض أكثر كانة يحجي عن شي يخجل منه

رصار: جنت مراهق بعمر الـ... تركت الدراسة ومحد ما جان قابل ع تصرفي مشيت مع اصدقاء السوء
شوية ودخلوني بشغلهم دخلت معاهم وحسيت نفسي تورطت بس ما اهتميت من شفت نفسي بمكان عالي والكُل يحسبلي حساب تعلمت منهم اشياء ما جنت أعرفها ما جنت أعرف خطوة وحدة تخرب حياتي كلها غضب وطيش ولعب وفلوس وحياة العز  انجرفت وياهم أنا اعترف خربت حياتي بيدي
1

حور: بس شنو اشتغلت؟

رصار: اشتغلت مع جماعة تابعة لهل النظام مو شغل رسمي بس هم يشتغلون تحت غطى الـ....
تهريب تخويف أخذ خاوات وأنا جان دوري ارافقهم كـ حماية جانت حياتي خاصة وهيبتي تعلى بس كلبي؟
ظل ينزل ينزل لحد ما صار جليد من السواد

حور: طلعت منهم؟

رصار: لا الي يدخل وياهم مو سهل يطلع منها ما طلعت تورطت بيوم طاح بيدي ملف شفت بي اسم أيهم جانو يراقبونة بخطواتة انطيتة خبر وهو ابو جان يشتغل مع أهل النظام ومن قرر يطلع منهم كتلو وخلو ع وجه كيس أسود مكتوب علية النظام
وانتهى شاهر بس لأن حاول يطلع ويخلص روحة منهم بس أيهم جان صديق و اخ حاول يخلصني منهم بس ما كدر هو هم جان يشتغل وياهم بس تركهم وهم مخلينة ع راحتة هو مسايرهم الزعيم محبس بأصبع أيهم لأن متأكد أيهم ما يغدرهم بس العكس صحيح
2

حور: وشنو صار بعدها؟

رصار: غبت عنهم ايام وتركتهم صارت التهديدات عليَّ مثل المطر اذا ما ارجع عائلتي تموت جدامي وكفت الكُل وما خليت أيهم يرجعج النا كبرتي وما قبلت أحد يشوفج وخصوصاً أهل النظام ما ردت يعرفونج انتِ اختي لأن كافي عليَّ تهديداتهم لاوين ذراعي بعفرا وراما و أي تهديد منهم هو حقيقة مو مجرد تهديد جان أيهم مخلي حرس حتى محد ما يعرفج وحابسج حتى محد ما يعرفج كبرتي وعقد عليج عسكر ما وافق ولا حتى وائل وكلهم ضاجو حتى أيهم ما جان مفكر تصيرين زوجتة لأن من جنتي صغيرة جابج النا وكال هاي بنتكم بس أنا صديتج وخليتج ترجعين وياه والأدهى من كل هذا مرة خليناج يمنا بس طفرتينا بنص الليل تريدين أيهم ما جنت أعرف من تزوجج سوا بيج كل هذا جان بكل يوم يجينا يكول اخذوها راح تموت يحصل ضرب من عسكر واخواني يتعبون بس ماكو فائده لا هو ينطي بيهم ولا هم جان مريض نحنا شايفين حالتة وعسكر جان يطحن بروحة ما اجذب عليج و اكول ما جنا نعرف بشي لا كلنا نعرف بكلشي بس امي و ابوية ما يعرفون بشي عسكر الوحيد الي جان دائماً يكول هو مريض ومخلينها عنده دمرها بس بنفس الوكت ما نكدر نرجعج النا اذا عرفو انتِ اختي بدون كلام يأخذونج لو مو الحرس لو الدنيا كلها يأخذونج يا حور
7

بلع ريكة همس بصوت واهن ومبحوح وهو يعصر ايدي بيده مع كل كلمة يحجيها كلبي تزيد دكاتة معرف شحجي صافنة عليه اعتب علية وهو اعز واحد بكلبي ميل راسة ع كشن يباوعلي بترقب وكف السيارة بمكانها نطق بهمس مثل الطير المذبوح
3

رصار: بالنهاية خربت حياتي وحياتج بيدي

حور: كُل هذا سويتة وأني معتبرتك اعز واحد بكلبي من دون اخواني كلهم

رصار: أعرف أعرف انتِ مالج ذنب بشي بس والله خفت عليج نار باردة ولا جهنم الحمرة

حور: يعني انتَ الكنت واكف من لزمت العقد؟ وانتَ الي سمعتني وأني ابجي وخايفة؟ تدري شنو كنت اتمنى بذيج اللخظة؟

قبض على ايدي أقوى عصرها بين ايده

رصار: أعرف حتى احساسج بهذيج اللحظة شنو

حور: كنت اتمنى عندي اخوان يوكفون الي دا يصير يوكفون دماري واخلص وارتاح واحس عندي سند بظهري بس ما كنت أعرف سندي يطعن بظهري

رصار: ما اعرف شلون اعتذر منج وأنا بنفسي ضيعت سنين عمرج بيدي أنا اكللج لا تسامحيني ولا تعترفين بيَّ أبد لأن ما استاهلج بس لا تشيلين بكلبج ع باقي اخوانج هم مالهم ذنب بشي ملتزمين ومحتفظين بنفسهم يستاهلون منج كلمة حلوة

جريت ايدي منه مسحت دمعتي الطاحت لجم كلبي بكلامة

حور: وصلني لخالد

ما حجه شي نزل غسل وجه من بطل المي باوعتلة كلبي انمرد علية ما أعرف اقسى ولا اقوى أعرف اصرف بالي يأمرني علية كلبي ما امشي ورا عقلي دائماً اسمع لكلبي أعرف بنفسي راح ابقى تعبانة
بس احبه يبقى اخوية ما أكدر احقد صح ما انسى الصار بس مستحيل احقد كم مرة حاولت اقسى و ابين الهم أني نابذتهم بس بكل مرة افشل وارجع أحاول بس تركت هل شي لأن هاي شخصيتي وهذا نمط حياتي الي تربيت علية وزحمة اغيره بيوم وليلة

صعد هو لزمت ايده باوعلي مصدوم ما متوقع حركتي بس ادارك التصرف وعدل نفسة بس ما انسى من لحمت شبه ابتسامة ع ثغره حاول يخفيها بس ما كدر

حور: وتالي راح تبقون وياهم؟

رصار: قصدج ايهم يعني يبقى وياهم؟

حور: وانتَ!؟

رصار: أنا؟

حور: أي انتَ.

رصار: راح نخلص منهم بس مو هسه بعد ينراد وكت

حور: وجواد؟

فتح عيونة نتر بوجهي غميت نفسي هذا لحالة طكة ونص

رصار: وانتتتتتِ شعليييج؟؟؟؟ شني جواد شنييي؟
كلشييي مابي بس كتلو
9

شغل السيارة ضايج

حور: يعني شلون كتلو؟

صرخ بوجهي لزكت نفسي بالباب

رصار: يعنيييي هسسسه اكتلج واطبق عليج الكتلة واشوفج شلون انكتل انلصمي حور انلصمي
5

حور: اسم الله الغحمان
1