كملت هالاسبوع إعداد 3 برزنتيشنات ☺️❤️
وما بغينا 😭😂

هسة يبقى إنو أدرس امتحاني يوم الاثنين! 🤓

محاضراتي لسة مَدارستهم هالاسبوع 🥲

عندي 15 دقيقة أرتب بيها الغرفة والملابس، وأبلش دراسة..

المهم، اللي تعلّمته هو إني مو لازم أظن الناس عندها محيط يشابه محيطي بأفكاره..انا يمكن محيطي كله عن الصحة و الوعي الصحي و أقرأ و اتعلّم و أطبّق فأضل أسوي generalization لأفكاري على كافة الناس و أضل أكول معقولة كل هالوعي المنتشر و بعدها الناس ما تعرف!

و هالشيء مو صح و لا منطقي..الوعي منتشر فقط بمحيطي أنا، و اللي إختاريته يكون بهالشكل. الناس محيطها يختلف كلياً عن محيطي و ممكن العكس.


فعلاً ،الإنسان يشوف العالم من نظارته الخاصة و من أفكاره، لكن ببعض الأحيان يحتاج نشوف العالم بدون نظارة،لا نظارتنا و لا نظارة غيريا،لازم نشوفه كما هو بحقيقته حتى نقلل توقعات غير عقلانية تجاه العالم و الناس♥️

طلعت تمشيت بالشارع، وگلبي انتعش ❤️
الهواء عَذب وبي لفحة برودة،
والأضواء الصفرا، وصوت الناس، والمحال، والبقالة، وزيارات الناس لأحبابها وجوارينها، والأطفال يلعبون بالشارع ويتوقفون من تمر جنبهم (أحب هالتهذيب إلي عندهم)، ومشاركة محبوبك بالمَشي.
والحياة حلوة ومستقرة وهانئة. الحمد لله ❤️

على كذا مرة من أشوف شخص مَمكمل دراسة، نصيحتي الاولى له هي (كمل دراسة وامضي بيها)

يگلولي: انتِ د تدرسين ماستر، وصعب ويبهذل، فشلون إلج واهس تنصحين الناس بالدراسة؟!

اني إنسانة متفائلة ومبتسمة
وأنظر للمواضيع بإتزان، لأن أعرف أنظم خطواتي وأرتبها، وأعرف أقدرها. وأؤمن إنو لكل شخص طريقه الخاص وتجربته الخاصة مع الشيء.
وبطبعي، ما أحب أشكي وألطم، إنما "أجد حلول، وأبتكر" وأكون مبتسمة على طول الرِحلة والطريق.
وأعرف شلون أرتاح، ومتى، وبأي طريقة، وأعرف شلون أكمل بدربي.

فالشكوى والبكوى مو تخصصي! 😂


صارلي شهرين بدراسة الماستر، واحس: من أفضل تجارب الدراسة إلي خضتها بحياتي لحد الآن. رغم بيها تحديات وتحتاج جهد، بس أحس بكل مرة أكبر وأعدّي مرحلة دراسية، يصير الأمر أكثر وضوح ونضج لي، وآخذها من باب مُتعة وعلم جديد، أكثر مما هي نجاح ودرجات ووو!
سمعت كلام من الدفعات إلي قبلي، ناس تشكي وتبكي من الماستر، وناس تگول هينة ويسيرة، فما خليت صوتهم يحدد ويحجّم عليه تجربتي بي، لأنها تجربتي أنا وحدي.


فهذا صوتي، وبكلّي اگول لك: كمل دراسة إذا كنت متردد تأخذ هالخطوة.
وادرس ماجستير سواء كنت متزوج أو عندك أطفال أو أعزب.
وكمل دكتوراه، وادرس تخصص ثاني وثالث، ادرس خارجي وكمل، ارجع لجامعتك كملها إذا تركتها...

بكل مرة تدرس مرحلة، حتنضج لدراسة المرحلة إلي وراها. ✨

طالعة من برزنتيشن
بهرت التدريسية والطلاب، وطلعت 😂❤️

امتحاني بكرا إحصاء
وعندنا 24 قانون لمختلف مواضيع المادة.
وعقلي صار عبارة عن رموز وأرقام
وواحد تداخل مع الثاني
وبكرا شو شلون! 😂


د احس نفسي مثل فيديو المحاكاة إلي يطلعوه بأفلام الكرتون، من يمثلون رموز وأرقام طايرة بالهوا 😂😂

ساعة دراسة (صارت ساعتين) ❤️

صباح الخير جدًا 😂❤️