لوحة!❤️

كان عندي اليوم 8 ساعات دراسة ✨
أنهيت 4 ساعات (بفواصل قصيرة للراحة) وبقالي 4 ❤️
حآخذ بريك (حلقة من مسلسلي)
وأتغدا
وأرجع أكمل

إذا كنتوا تدرسون على مكتب
أو تقضون ساعات طِوال بالعمل المكتبي أو أي نشاط مكتبي.
ضروري بين كل ساعة والثانية إنو تحركون جسمكم وتسوون أي نشاط جَسدي بسيط، أو مجرد تگومون تتمشون لدقائق وتدرسون.
أو تمارسون تمارين العمل المكتبي للظهر والأقدام والرَقبة.

لتستغنون عن هالشيء أبد ❤️

{‏فَإِنِّي قَرِيبٌ}

نستمر لو لا؟! 👍

للي يسأل شو بعد مَتنزلين كتب أو اقتباسات من كتبج...

أنا لا زلت أقرأ، لكن التوجه اختلف: صارت الكتب أغلبها وبنسبة 99% هي كتب عن تخصصي ومفردات دراستي، كَون دراسة الماستر تتطلب من عندنا بحث وإطلاع مُستمر ودائم عن مفردات الدراسة.

فهيج المسألة د تكون حاليًا.

يعني عندي كتاب ورواية، بلشت بيهن بشهر 9 ولسة ما نهيتهن! 🤣
د أمشي بيهن تاتة تواتة، بس المهم الاستمرارية 😭😂
وبقية قراءاتي هي كتب منهجية ودراسية.
اكو بيهن كتب عامّة-تثقيفية، لكن لهن مساس مباشرة بمفردات الدراسة.

هاي بشهر 8 اشتركت بتطبيق أبجد للكتب، اشتراك ل 6 شهور.
حسبت حساب هاللحظة 😂
والحمد لله أغلب المصادر د ألگيهن بي، لأن مرات ما ألگيهن متوفرات pdf بشكل عام.

فلفتة ذكية مني هذه صراحة 😂❤️