-
‏المسافة لا تلغي حقيقة شعوري
أنت دائمًا
موجود بشكلٍ ما

..

-
الليلة ايضاً ، افتقدُكَ.

الآن أدركت معنى نفسي وذاتي
شعرت بقيمة هذه الفتاة التي أسمها انا..
لم أعد كما انا ، بل أصبح افضل واجمل واوعى..
حدثت من أفكاري،صغرتُ دائرة علاقاتي،اصبحت اتعامل بالحدود والرسمية مع جميع من اشعر انهم عبئٍ زائد في حياتي..
تغيير جذري لم أكن أتوقع حدوثه ، لكنه كان يجب ان يحدث!
لم اعد انتظر أحد ، بل اريد الذي هو ينتظرني
لم اعد اسعى لأحد ، لأني انا التي استحق ان يُسعى اليَّ
لم اعد افتقد احد ، اريد ذلك الذي يفتقدني
لم اعد اشتاق ، انا التي سيُشتاق لي
لم اعد اهتم ، من يهمه أمري يهتم بي
لم اعد بحاجة للكلام مع من لا يسمع
لم اعد اشرح لمن لا يفهمني من نظرتي
لم اعد اقابل لمن لا يشتاق لظلي قبل رؤية وجهي
لم اعد اثرثر لمن لا يحب صمتي قبل ثرثرتي
لم اعد ابرر لمن يشكك بأمري ولو لمرة ولايصدقني
لم اعد احتاج ذلك الذي افلت يدي بأعز تمسكي
لم اعد احاول النداء لمن ادار لي ظهره ومشى
ببساطة لم اعد انا..
من الآن لن أمشي خطوة لأحد دون أن يمشي لي الدرب بكامله ..
من بيده باقة ورود وطلبت منه وردة واعطاك يختلف كثيراً عن الذي يحارب الدنيا حتى يعطيك وردة دون ان تطلب وان كانت المحاربة لأجل وردة بسيطة .. الإثبات بالفعل والكلام مجرد حروف تختفي بلمح البصر!

سِدرا
13/9/2025

-
‏قلبي مُلتاع
‏أظنهُ سببُ كافي
‏كي لا أُحاوِل.

-
‏يحق لي أن أُذكرك
بأني ميتة بين حين وآخر.
لكني أنهض أحياناً
أفكر في كل فرصي
أقيس بقايا الطريق
أنظر لوجهك
أعمل،
أتوجع
ابتلع مسكنات
أحبّك.

كان معو حق وائل لما غنى عايز اتطمن عليك..فاهمة شعوره يلي كان وصلان الو..وكمية الشوق يلي عبّر عنه من خلال أغنية..المهم،أنا بجد عايزة أتطمن عليك وعمري مانسيتك ولا هقدر!
19/9/2025.

سما اليوم مغيّمة..وقمرها يا دوب مبيّن..
هالطقس بيذكّرني بكتير لحظات بينّا..
لحظات مليانة لهفة..براءة..حُبّ..شوق..ضحكات..شعور الفراشات..وتضحيّات..
من سنة...بمتل هالأيام ولهلأ عم حاول دوّر على أيّ شي بتحبّه..وعم غوص بكلّ شي بيخصّك..
أنا بصراحة لهلأ بتذكّر..سألت حالي..
أنتِ شو عم تعملي؟
واعية على حالك!
كأنك عم تغرقي..فــ وقفي أفضل إلك…
وبتذكر كمان إني جاوبت حالي..
والله الهيئة عم اغرق…لك بس الشعور كتير حلو إنه الواحد يغرق!
وقررت إني رح امشي بالقصة قد ما بقدر.. طول ما قلبي هيك بده..
من سنين..بمتل هالأيام كنت عم أحمي حالي وحاول كون اوعى ووقّف كلّ شي ممكن يغرّقني بهالدرب ، درب الحب ..
وإنه لازم أختار الشخص الصح..لازم وقّف المشاعر اذا كانت بوقت غلط والشخص غلط..
لهلأ بتذكّر كيف كنت انصح حالي ..
حالياً أنا عم حاكي حالي وصورتك قدامي..
كنت عم ابتسملك وقول والله حرام هالوجه أنحرم منه هالوجه لازم يكون هون قدامي وعم يبتسملي!
من سنة .. بمتل هالأيام كنت عم امشي معك الصبح بكير وايدي بأيدك ..وعم نسمع فيروز بوقتا قلتلي أديش ايدي صغيرة جنب ايدك وضحكنا وبعدها وعدتني ما تترك ايدك ايدي.. 
حالياً انا بدرب الحب يلي خفت امشيه
وحالياً انت مختفي ما بعرف وينك ..
لهلأ بتذكّر..كنت عم قول بيني وبين حالي..قدّ ما طوّل..رح يرجع.. ويلاقيني هون ناطرته..
بمتل هالأيام كانت كلّ أبواب الدنيا عم تتفتح بوجهي وقلبي عم يفرفح لأنك قريب وبلحظة كلّ شي تغيّر تسكرت الأبواب وتسكر قلبي معهن..
عم بسأل حالي أنا بحلم أو بعلم..وانت وينك هلأ؟
من سنة..كنت فراشة طايرة وبهالوقت انا عم عيش بسببك أكبر خذلان ممكن يصيب الإنسان..
لأنك كنت الاستثناء الوحيد بحياتي..
عم قوّي حالي..وصبّر نفسي..واحضنها لأني خذلتها باختياراتي.. لأنو اخترت بدون ما فكر اذا غلط او صح
حطّمت قلبي وزرعت جرح فيني..ما في شي عم يشفيه..
اليوم..أنا ما بشبه ولا شخصية من الشخصيات اللي كانت بكل هالسنين..
ما بعرف مين أنا اليوم..وشو رح اسأل حالي وشو رح تجاوبني!
بس اللي بعرفه إنه الألم اليوم كبير…ومن قلبي بتمنى هالألم يختفي..لأنه صار عبء كبير عليّ..وأنا تعبت..وما بقا فيني قوّة لاتحمله…
بتمنى.. بتمنى.. السنة الجايّة..ما اتذكّر شو سألت حالي ولا شو جاوبتني…
بتمنى شي وحيد..
إني اتعافى إني ما ارجع حب لأنو متأكدة حبك بهالسنة رح يكون حب العمر الحزين!
20/9/2025

..

-
قلب المُحبِّ قناديلٌ من نور يتفيّأ بها ليصل سدرة فؤاده.

-
لا يؤتمن شخص هُنت على قلبه مرةً وتجرَّأ على التفريط فيما بينكما، وأدار ظهره لك ببساطة عند أول فرصة وأول زلّة
لا يؤتمن شخص يتخذ سبيل مغادرتك أول حلوله بأي موقف، ويغترَّ بقدرته على الخصام والبُعاد
لا يؤتمن ولا يُؤسَف عليه.

-
و كانَ إذا غلبه البُكاء ، و عَجز عَن دفعه قال :
” ما أمرّ الزكام “

1/10/2025
‏- أينَ يَتجِه المَرء إذا أرادَ أن يَطمئِن ؟

_

تاريخ هاد اليوم مميز كتير ، بهاد اليوم بالتحديد انكتبلي أعيش أحلى قصة حب مع اكتر أنسان حبيته بحياتي ،
عالساعة 11 ومع نسمات الهوا والهدوء والطبيعة تلاقينا ..
كنت كذّب مقولة أكتوبر شهر الوقوع بالحب لحتى وقعت بحبك ..
بوقتها فراشات الحب كلها أتجمعت بمشاعري وضحكة الخجل انرسمت ع ملامحي ومع هيك عيوني كانت ثابتة بعيونك..
بتذكّر كل حرف حكيتلي ياه ، وكل تفصيل صار لهلأ ساكن خيالي ..
بتتذكر صدمتنا لما عرفنا تاريخ ميلادنا وطلعنا توأم انولد بنفس اليوم؟
ضحكتنا بوقتها وكأنو عم نقول أنكتبنا لبعض!
متل اليوم من سنتين عرفتك ومتل اليوم من سنة كنت معي واليوم انا وحيدة بدونك..
ما بتتخيل شعوري وخيبتي وكسر قلبي لما أجيت ابعتلك وتذكرت أنو مافي أنتَ..
شردت وأنا عم أسمع فيروز وغصيت .. مابقدر أعمل شي غير أبكي وعبر عن وجعي بالدموع..
مفكرني نسيتك؟وانا والله عاهدت حالي ما حب بعدك وما أنسى حبك..
مهما تفرقنا ، بعدّنا ، نجرحنا ، بس بتبقى انت الأساسي وبحبك من الأساس
وبسأل حالي ياترى كيفك أنتَ ؟
ملّا أنتَ؟
وعلى فكرة وبمناسبة الذكرى السنوية لألنا كتير طالع ع بالي نرجع انا وياك وتمنيتْ ودعيتْ وأيه في أمل .
2/10/2025

سِدرا

-
أينَ نَجِد أشباهَنا فِي هٰذا العَالم يا تُرىٰ ؟

-
ياخفي الألطاف نجينا مما نخاف
يارب تلطف بعبادك واصرف عنا كل شر وبلية واذى 💔

-

-
لم يُحاول من أجلي
فقط كان يقول " أحبّكِ"
وكانت المرأة التي تنوح بداخلي
كلما سمعت " أُحبّكِ "
كفكفت دموعها
وأعطته فرصة أخرى
ليُبرهن هذا الحبّ.

وهكذا تدور الدائرة..
من دمعةٍ إلى فرصةٍ جديدة
مرورًا بأُحبّكِ
ودموعٍ أكثر!

-
الصحة النفسية لا تُزرع في العيادات، بل تُنبت في البيوت التي يُسمع فيها الحب ويُرى فيها الأمان.
تبدأ من كلمة حانية، وصبر، واحتواءٍ صادق لمن نحب.
فأسلوبنا في التعامل هو أول علاج، وأجمل وقاية.