شلون احبك ؟
‏يا طريقة التغري گلبك
‏تريد بخيوط الشَمس
‏يمتزج شعرك
‏تريد ارسملَك نجوم
‏شوية حُمرة بلون خدك
‏تحب اجيبنلك حواري
‏يحضرنّلك حتى اكلك
‏اني حاضر ؛ گُلي هسه
‏شلون احبك ؟

ياحَبيبي وصاحبي وحِزن القَصيدة
أنتَ أول ضيَم يچويني وَأريده

أنتهينهَ وأنتهَى
الما ينِتهي وخلص حَجِينا

١١:١١

تعال اشمر حجايه وكول مشتاك
لتحسسني عندك مالي قيمه
لتخليني أتاني وجرحي مفتوح
مثل فطر الحياطين القديمه

- محَد شَم عطر مِني ،
- وبقى بـ ريتة ؟
- محَد معتبرني ،
- بِيوم أُمنيتة ؟
- رِدت ذاك النِصة ،
- بِصوتة وعِلة بِصيتة ،
- رِدت ذاك اليحط اسمي ،
- بَدال اسمة إِعلة جِنسيتة ،
- رِدت ذيچ التِملڪني ،
- وبَعدها تصيح يَا ريتة ،
- رِدت ذيچ أُم ڪَلب ينباك ،
- سِجني يحِسة حُريتة ،
- العراق شما تِبوڪة ،
- يڪوم يعتَز بحَراميتة .

طاحَن بالخَريف أوراقي كَلت تهون
تانيت الربيع وطاحَت الشجره
أجر بيها بسناسل ما اجت وياي
ويَه الغير أجت بخيوط بكره .

يلدوختني وبيك حيران
بعيونك انه الليله غركان
مَن كتلي أحبك لسه بردان
وبَلا خمر رديت سكران .

انا ويهَ الليل ثَاري طلابتي طلابَه
أسيّر ع السَهر كُل يوم أدگ بابَه
أضُمَّن بالحَچي اليكتل
أخاف تروح
أخاف تمِل
أخاف أحچي
وأرد فَشلان بَـ "شجابَه"
انا شمِدريني گلبي شيوجعَه
وشنهي اليلچِم صوابَه !
تَره المَصيوب من گلبه
يضل كِل عُمره يتلَوه
ويرِد مِستثگل ثيابهَ .

‏مَا غوتنِي عيوُن غيرَك
وأنتَ تدرِي
عيوُنك وَلاية الغُربتي
وَلا گلِت لأحَد يروحُي
أنتَ روحُي .

وانه خايف لا يحِن حّزني على حزنك

حَبينة وغلطنِة
وبعَد مِا تنعَاد
ومِا ننطَي گلُبنة
للمِا يقَدرونة
ضَيعنة بعُمرنة
أيَام تسوىٰ سنِين
المِا ضَاگوا الحَنضل
لِا يسَمونة
بِس دمعَتنة
الطاحِت بگَد النِيل
مَن غِير السهَر
والمِا تعَرفونة
نشبَة صرنِا حَال
الساكنِين گبوُر
الهوىٰ بصفهُم
ولكَن مِا يشَمونة
بِس هَوا الصدِگ
مَن عِدنا الصوُچ
اليرَخص العشِگ
كَثر ليگوُلونة
الحُب يَموت لمِن
الأهتَمام يزِيد
بيّت الطِين يوُگع
مَن يلمونِة .

وإضُمنك تعَب چادود
وبعازة فَرحتي أتمايزك
يَسمر يا أبيض مَن نوايا الروحَ
وأصفى مَن الزلال ومَلمس المَرمر .

يا حبيبي..
تراب الولاية حزين بغير جدمك
والضباب شما ترسني وتيهتني ألگاني يمك
چنت أظنّ يگودني الشباچ لچفوفك وألزمك
لا تروح الدنيا مو مثلي تبچيني وأرسمك..
آنه بدموعي أرسمك"

- ياسر الأنصاري

اچيك من المرض
مهزوم
واشوف العافيه بلونك
عليه مبين الخذلان
بس ما خيب ضنونك
انا الما عشت وياك
وانا الميت بدونك

بالليل جرحي رطب
‏بس الصبح ناشف
‏واضحك بكل قوتي
‏ماچني ذاك الچنت
‏بالليل متراجف
‏والخوف ماكلني اكل
‏بس ما مبين ابد
‏وتعرفني كلها القوي
‏بس بالصدك خايف .

تكلهـم ما وفالي ضحكتني بهاي
هسه انت حبيبي بالوفه شلونك؟
اگدر اوصله ، بَس انتو روحوله
وباليعجبكم شتردون گلوله
واذا يذكر ايامي بوجه لا تضحكون
وعلى رجعتنه واهس لا تسووله !
و الـ تركني احجي ويه روحي
شرايد احجي وياه؟
الـ نكرني و دز بطايق هجر
للشمات و كلهم عايفه
و مبروك كلولهه.
شترجهه بشر بس كتله الله وياك
كامت ما تبين لمعه حجوله!

گبل جنت انه أذوب بـ ذيج العيون
وأموت بـ طولك و اعشك سمارك