أجيتَك طَافح انحَرني
بطَرگ حَزني
بطَرگ شَوگي
السَهر والخَوف
والوّهواس والظَلمة
كُلهَن مَن أذكرَك ينچفَن فوگي .

مو تعودني عليك وتمشي مني
خل اكلك كلشي عني
اني طيب ما انام
من اسمع حچاية تغثني
چي وفي محد فهمني
اني يمكن رقم واحد
بالحزن بس جاي اكابر
الوطن خلص شباب
المنطقة وخلاني حاير
استراح وياك اجيتك
مَحني من ثگل الچوادر
تعبي واضح ،
تكدر تعيشني بيدك
تكدر تموتني بيدك
اني احبك من امس
واليوم وباچر
ولحد ماموت اريدك .

اذا متريدني ومابيك جَيّة
وما مر بيك ضيم المار بيَة
لَتخليني حاير بين الـ ثنين
لو اتانيك لو اتاني المنَية
آنه اتمنى اگلك عايش بخير
بس المشكلة مبين عليه

يا كِل الي بگلبي
وانتَ لو مابِي .
چَا هَسه اني خالي
وكِلشي مَاعنِدي
إنتظرتك،وأنتضِر
وعِيوني وكِت الموت
انطِيهن الواحد
ينتضر بَعدي

تضيگ ريتي
وخلگي والدنيا
مِن أحن
كُلشي بـ عَيوني
عدى عَيونك سجن ..

راجع
بطرگ الحزن
خسران مدري انبعت
بس الجرح تذكار
راجع وطن
من حرب
حزني أعله گد الچثث
ميت و ادور ثار

اليموت وداعتك بس الله ربه
واليصلي اعلئ الجنازه بكيف كلبه
انطوني سم ...
الليله اريد ارتاح وتوكل واشربه
الليله اريد اخذلي فرة اعلئ المكابر
ياكبر يعجبني اطبه.

يعجبني الجرح لو لاگي شِمات
يضم روحه بحيث يبين إلتَم
وتعجبني السيوف بجف السباع
يحمرها الخجل لوما لِگت دم
شوف الفِلح من تموت الورود
بغير ورود هي تروح تشتم
شوف أصعب وجه تقراه العيون
لكن بالگلب بس الله يعلم
گلبي گزاز بس تسحگة خسران
اذا هو إنكسر إنْتَ التِصب دم
الحسب عقلة يحب صدگني يرتاح
الحسب گلبة يحب صدگني يندم .

مِن ثِكل بية انتظارَك
سافِرتلك وانحِنيت
سافرِت لآخر محطة
بيها مصلوب الوِداع
وما لكيت رسوِم حِزني
شكد بچيت
شكد دمَع ذلنيِ ونِسيت
شچَم هلا انذبحت بروُحي
وما أجيت .

الغلط مو چي كتبت هواي شغلات
الغلط چي حاط روحه بكل قصيده
ومن ايدي الخطأ لكن حرامات
چنت من هاي ايده لهاي ايده
المهم هاي العلاقه انتهت وبخير
وبعد لا اريد جيته ولا اريده
انتهت قصتنه بس وكافي لهنا
وحزن ماليهه لايامي السعيده
وصح مو يمي هو وهسه مرتاح
بس ماضاع تعبي اختار زينين
موفق بختياراته الجديده ..

يطيفك لا نشد لا مر

يا موال اليعَتب ماحچَيته وياك
وضَلت بَس تعال وتريد أغنيلك
قطار البي رحَت خنكول نيتهَ وداع
زَين شبي حمد من كام يبجيلك من
شفت الشمس سومرت خدك حيل
ضحيت بحياتي وكلت أفيلك عَاشرتك
نده ونتلاكه ورده وماي بعاكوله أنبعت
جا شتريد اسويلك شني كلبك قطار شكثر
شايل ناس بَس بطيحتك محد يشيلك !

تغطيت وبعدني الليلة بردان
لأن مو أنتَ يمي فراشي بارد
وينك يادفو ياجمر الأحزان ؟
أحس بدمي بالشريان جامد
تعال أوزن همومي وجيب ميزان
وشوف شگد عذاب الروح زايد
سواد الليل يبقى وتطفى الألوان
وأعيد بذكرياتك والمشاهد
إذا كل طير عنده أثنين جنحان
أنا مكسور وعشت بجناح واحد .

الليل يبديّ
وأبدي
أدور الشگگتهن
حتىٰ كلماته
التغثني
استاحشتهن.

ياذله المشتاك ذله
من يهون واحد ما يكله
لا ولتفشل مو خله وكوه على روحه يصير خله
من ادنه عنك ردني
امنيتي اشبكك ماتهدني
كلبك جذب ما يوم حبني
ذبه فلس بأمام ذبني
ياكلبي جنك شو توازيت
وليله من غروب حنيت
مصوب مطروح ضليت
طبك وجع مادام حبيت
هضيمه الزلم بالشوك تنهان
ويبلع لسانه الجان ابو لسان
جيله عدو ولا ضيم نسوان
عوف رسايل لا تاني
كلبي التريده يريد ثاني
موت ؏ جكاير ولاغاني
اليله ضايع مني اني

گِون كُِل شـارع إشوفك
جا گضيت آلعمُر إمشي
وگون آكابل مرة وجهك
إلة أعميهن إذا ينطبگ رمشي
مو مُچرد صدفة أنته
ولآ محطة ويمها إگعد وأستراح
أنتَ ڪُلشـي !