‏يوم ألرحت
مني أنخطَف لوني
طلع دخان من كلِبي
وعمَه عيوني !

على كلشي احترك ما سومرت مرتاح
ولو هو السمار ملوحه السنبل
ابن ادم ع الخبز يحرك كلب تنور
من تحرك بكلب الناس شتحصل
لا مأذي بشر لا الي وجه مكروه
صح غيبت وجهي حته ما ازعل
عزيز ولا يكلي شغيرك وشبيك
واصل حال حته المني بيه يمل

ذكرياتك ظلت بگلبي
شَخابيط بسجن
والرَسايل كِلهن
انكِتبن عَليك
وانت ذاك
الماشِفتهن
وچم ظرف وديت
وعيونَك جِزتهن
وانتَ ذاك الشككت گلبي
وشگگتهن ...

يا عود كُلك حزن ما للفرح
حُصة ؟ويصير نگضي العُمر
غصة بأثر غصة ؟ گلبي نضج
موسمة خُذ منجل وگُصة
يا عود وين الصدگ
ضاعت قياساتي وناسي
الأحبهم صفو أسباب مأساتي ..

عني شتعرف انت وعن معاناتي
كمان يون على صدر الكمنجاتي
عني شتعرف انت وعن خفاياي
انا جروح الربابه وبحه الناس
انا مثل الطبل على الراس
واشوف الناس تتسلى على بلواي
ياعود اعزف صبا راحن ايام الصبا
واحد يعذبه الوكت
وواحد اهله تعذبه
ياعود ماخالفت
بس خالفوا خلتي
زرعوني وسط الجمر
وتنطروا شجرتي

موبس الصواب النفس هم كتال.

يا گلبي الحزن مو باب
الحزن ناعور لو دولاب
لو عين انچفت ع الباب
يا گلبي الحزن غيمة
واذا مو غيم
من يغسل ذنوب الباب
يا گلبي الحزن ليلة
واذا مو ليل
چا ليش الغروب صواب
الحزن اذا يكبر يشيب يموت
شعجب حزن المگابر شاب
يا گلبي الحزن محراب
الحزن كلساع يذبنه باب
الحزن من تچهب الصحره
وتصد عنك وانت تراب
الحزن هم فرح بس چذاب .

"عَانَقتُ كُلّ الحَائِرينَ مُواسيًا
وَقَلبِي هُنا بينَ الحَنَايا غَّريقُ"

انطيته ظهري،
وسَكته ضل يحجي الترف
وميزيته بلايه صوت
سوالف الطعنه عرّف
وانا گايلها گبل واليوم اگول
دچه مغيّسل ولا دچه ولّف . .

أگابل عَيونك الحِلوة و أَغني
و كُل الـ يوجعنك يوجعني
إِذا تنجرح أنا أنجرح وياك
مثل ما أنا مِنك انتَ مِني ..

لا تخطف بثوب أسود على الميتين
فك حزنك گبل متموت

-أفك حزني گبل ما أموت ؟
چا هوّه الحزن گلّي جلد حيّه
وتريده ينّزع بسكوت ؟

شغيرني
وشغيرك؟
چا والوعد وينه!
نتسالم ونفترگ ، محد ترف عينه!
تدري
اصفن الوحدي واحترگ
ويه الـتتن
واتوسف ايامك
وابجي مــن اكلب الصور
حتى احلى شكلي گبل مــن چنت بأحلامك
چا شوگي مـا فززك؟
عـمـري ؟ السحكته ورحت ماعرض كدامك؟
ڪل ذكرياتي صدگ
هيج انتهت عـادَي؟
وتنسه الضحك والبچي البعيد ميلادي؟
لاطيفي
لامحبسي!
ولا دمعه لا شبكه؟
چا هو باب العشگ وبكيفك تطبگه؟
چا صدرك
شبي حجر؟ لـوَ هـَـم گلب بي دم؟
چا لـَيش عكبك اون ونات المسمم
هـَـم جنه
نزعل گبل
بَـس نرد نتراضه
وتجرحني
وانه اجرحك
ونسكت ونتغاضه
هلمره شــوو مــن صـدُك طول زعلنه
وحدك ووحدي شكثر شمات شافونا
لا والكاتلني
الحجي تتناقله الغربه
هذا الاحساس الابد ماحسب نجربه
هسـه أنــي اريد افتهم عزة نفس لـوَ كره؟
حتى اشتهي موتتي لابالقرار اشتبه .

مدرِي شصَاب گلبيّ ومادرِي شصَابة
فقَد شُوگة وحَنينة ولذَة عتَابة
بَچيت بّلا حِزن بَچية عيُون المَاي
وضحَكت بّلا فَرح ضحكَة اللعابَة .

١١:١١