بعد لتودي طيفك ليلي مابي شِوك
اجاني وباب چفني بوجهه سديته
اني من الورد ضليت اضم الشوف
لأن كلش يشبهك ما شتميتة
بخيم صدري الزعل عطش هواي حروف
حچيت وماي وجهك ماندليتة !
الك جنت التفت وادري انت ماموجود
اذا ابالك حرف من أسمي عديته
بعد ما التفت لو سمه بظهري طيح
حسبالك گبل؟ لا گلبي چويتة
گُمت اخذ نفس وبريتي ينزل غيم
وندليت علتي وجرحي گضيته
روح الهوه بضهرك اول هويته يروح
مو بس شوفي عنك سمعي غضيتة !
گبل ليلك وخلكي تسابگن بالطول
العلي ماگفة هسه بروحي گفيتة
انه بخد النده تلكاني طايح ماي
وصوت النفس يصهل بذني خليته
هوه بروحي من طلعه الموته يتنفسون
بس عاندت روحي وبيهه خليتة

١١:١١مِ

غير افتهم دنيتي شتريد
من العمر طمت نواعيرة
شو دوم تفتر عكس
معقولة هذا الزمن جف حاقد يديرة؟
كل يوم اوج ونطفي
مثل الفكدلة محب..
كل ما يخنگة الدمع يقره بتصاويرة
محتار اضل لو ارد
تعبني لون الحلم حيرني تفسيرة
خلاني نص الدرب
لا باقي ويا غربتي لا رادني الديرة
اعبر اصيرن نذر
ابقى احترك بالبعد وثنينهن حيرة
كلت استخير النجم
طلعت صبر لو صبر ما واضحة الخيرة

جان عيد
وطاحت المرجوحة بيه
وصارت الونسة بسامير وخشب
اتشككت دشداشتي الحلوة الجديدة
ولملمتها وخفت أكول
وضاع من عيني الدرب
وهاي اول دمعة اليه
ومنها زاعلت اللعب .

تلهث ايامي وعمر تركض وراك
والدقايق غربة واللحظة قطار
دير وجهك ما يهم جروحي خير
واضحة حچاياتي وحروفي نهار
وياي طبعك يشبه اوضاع العراق
خير للغربة وعلى اهله يصير نار
ركّضت شهگاتي ودموعي وراك
شلون ركضة عوزنا بوكت الحصار
فحّطت خلگي وبعد زعلك طويل
ودرب الملاگة عليّة شبُعده صار
روحي مابيها عشگ خلّص عليك
وبسما جروحي حنينك كلّه طار
فرفحت روحي ونكثت جروحي حيل
من سمعت بواهسك يم غيري صار
مشتهيك ومستحي بگد مشتهاي
مغرب بروحي وحچي بلون الخجل
وجوه غربة تنفست من مر ضواك
جرحي خضّر والهوا بروحي ذبل
كل اثر طعنة وجرح وصّيت ليك
گتله ماوصيك تترسهن زعل
الينزل بروحي شمس ماصعده غيم
غير تصعد حتى اكللهم نزل
التمن براسي انعمالله اعلى الصهيل
شوگ ، ملگة ، فراگ ، دمعات وسهر
زارع بروحي قلق سويته ليل
وضوة زارع گبالي مر گمر
الهوا بظهر حچايتي من تمر عليك
غيمت سالفتي مالاحك مطر
حافي يمشي السيف بجروحي وبقيت
لا رحت مني ولا راح الاثر

خايف واحس ظلمة الدرب
بس إلا اغامر وامشي
قابل يموتني الرعب ؟
مو آنه عايش كل شي
مو عمري خلص وحدي
قابل يموت احد علي !
بس آنه أحد ما عندي
خليني اغمض و اعتني
يا روحي منا و ابدي
و الخوف ليهزج بعد
لو انتِ لو هو يعدي
و هاهية مو كل شي انتهى
و العمر ما يتعوض
خلي المخاوف تنتهي
وكافي الگلب شابع رض .

اورث ذكرياتك واشهك اوداع
كل ما ادير بالي ووجهك ادير
بالموادع بروحي يصير تابوت
وبالملاگة هلاهل دمعتي اصير
كلت ملحك بجرحي وغزر وياي
واكلت سنين عمري وما مضن بيك
الله اطاك عمري وعشت وياي
وي غيري اشتظن هم الله ينطيك
جنطة سفر دمعي وماخذة وياي
خلص بأول محطة اگبال طاريك
عليك مخلي بالي وخاف فديوم
تبرد بية حاسب بيش اغطيك
انة موصي الجروح ايلبسن ثياب
مو لاجل الستر بس خاف امر بيك
اكو حضنة ملاگة وحضنة وداع
ياهي تريد منهن من الاگيك ؟

عَليل وفُوگ عّلتي علعِلوني

شوصفلكم
جان آخر لقاء ساكت
شارد من هدوء الموت
كلام هواي ضل لابد
وجم جلمه حدر
جيب القميص تموت
رجعت متيه الشارع
ادليني صور موتى المهم
رديت من عدها
ورجعت من التعب مشلول
بالكوات اغمض عيوني وافتحها
هلي شافوني ونصدمو واحد يسأل
الثاني هاي الجثه نعرفها.

شلي بضحكتك بعد
ماداّمَ وگت العسر وياي ماّشوفك
خليتني بيا ضرف
گصيت أَدية ورحت
حتى من أَودعك ردت ماّسلم جفوفك
وگلشي أَخذة وگت الهجر
لاتنسى شي يمي
بالك أَدور غُلب
راضيتك أَنة بوكت زعلان ويّ أَمي
التختارلة أَنتَ العُطر
جا گلي من شوگت ماينوخُذ شورة
وشگيت ثوبي ولك
وأَنة بحياتي جنت ماّشاكلك صورة
مليت من العتب ماّفاد من أَعتب
مو دوم نفس الحچي
مرات تلگة الصدك عد واحد يچذب
تنساني وأَنة الجنت ملتهي بجرحك يشد
ماّرايف جروحة
حتى أَهلي خافوَ بعد لوماّ أَرد من وگت
كالو گتل روحة

يراد فِوك كلوبنة گلوب
هم يلا تحمل ضيم الغروب
عمرگ گضة وضليت مطلوب
يراد حيل وحيل متعَوب
البارحة ميت لگوني !
ولو ما صورگم جفنوني
من البچي انبحت عيوني
يحسدوني على جيوبي مرات
مادروا تارسهن علاجـات
إنه العدل بس صيحوا مات
گاعد وتابوتي علي فات

اگلهن راح خلي انسجله غياب
اقنع الروح شيقنع النواظر؟
اذا لساعّه وجهك حاضن العين
وشيشلعك نظر بالعين صاير
اسّوي الصفنه صف واطبگ الباب
واسجلك غايب بدرس المشاعر
ومن تخلص صفنتي وأفتح الباب
عله عتبة صفنتي الگاك حاضر
موسهله عليّ واتعلم بساع
وعله افراگك أصير بساع شاطر
جرح بس شمعزتك بين الجروح
خاطر لاتذل ظلّيت اكابر
گمت كل يوم اگولن باجر انساك
ويجي باجر واگولن لا گلت باجر
- جبار رشيد

كل العمر ليلة وفرگتك ليلة
سرابك بالسمة ومفكّر امشيلة

١١:٠٠مَ