ما زعلتك وكِتلك شنو ألتحتاج
هاگ رويحتَي وبگيفك أستنگة
حِبيتك صدگ وأدري الجذب مريود
گبل لا تِرمي غير أتجرب التفگة ؟
أنة من ادك بابك ارد اشم طرواگ
وأنة المو طلابة وبابگ تسرگة
ليش تعوفني وتنسة المسامر ذاك
وليش تخون واحد ماهوه الفرگة
ولك ما تلگة بِشر شايل گلوب النوگ
روح اكلب الدنيا ومثلي ماتلگة !
أنة غيمة مطر سيرت عِل بستان
مو ذاك اليطب للگلب ويحرگة
صح راح انهضَم بس النفس وياي
أنة بعازة الشهگة وأنتة مو شهگة

‏صوتك ماي
سولفلي إعلى كيفك
مشتهي اتبلل

لا حسبالك من تروح اني أخسر
وإذا عيونك خضر؟
بيرغ عمامي أخضر
سكارة اختلفوا وحاجوزهُم سكران
مو مكدر أعوفك ما أريد أكدر
عرفتك ويَ واحد كاعد وتسهر
كلت مشتاكَلك ما كلتلي اني أكثر!
وصلت لمرحلة!! من خلصوا أهل البيت
بلكي الله وترجعك نخوتي بقمبر
ولك مو مال بيك كبالك أتعير
ولك حتى لو مطر لاكَيني وأتطشر
تتعب رجلي رايد من ادور عليك؟
رجل دوار ما أتعب شكد أفتر
حسبالك ضجت كلتلي يلا أطلع؟
الجاهل من تشمره يبتسم يرجع
تطلعني ردت منك تحشم الناس؟
منك ماطلع لو فتوة من مرجع

ليَهمك حجِي النَاس
رگز بية بس وَحدي
محد مثلي بيك يموت
لا قِبلي ولا بِعدي
أواجه كُلشي أنا وياك
لو كُل شي ضـَدي ..

ولو خبر منك يجيني
الناس تِعدَل مِن جديد
الضِوه يبين مِن بعيد
مُطر ينزل
شمس تضحك للمشانق
تنصب مرجوحة لأطفال الشهيد
الورد يطلع بالجماجُم لو تجيني
وأقدملك اعتذاري
وإنكساري
وكِل حنيني

مو كتلي انه وياك
نكضي العمر راي عيون
نفس الطيف حلمانة؟
ومن افتح جفنك الخجلان
تطشر حلاة البيك
جن فاتحلي رمانة
شجاك وصرت جنك ريح
تاخذ عطر ياهو الجان
لو تعبر على امجانه؟

ابقى بين ضلوعي خنجر
وانجان ما ترتاح افتر
كطع شمتريد كطع

غير أنتَ ماتنجرِع
غير أنتَ چنك سَجَن
ولابو اليحن للصُور
ولعُيونك وللحُضن
بَس هي مُطرت بعد
شحجيلك اعلى الگلب
معذُور لازم يحِن
شو أنت مُثل الوطن
اختارك بكِل وَقت
ومَاليني هَم وحِزن .

وثاري الرسايل جذب
من كتلي ماعوفك ؟
منها وكرهت العصر
من عصرو اجفوفك
بس اني صوجي صدك
لو حارك اظروفك
جازيت گلبي بفطر
جا ناسي خايب ولك ؟
من جنا نطلع سوه
ونخلي نفس العطر

اله اشلع گلبي بشرايينه
واجمع نار وأحرگ كلشي من بالي

المفروض هسه الأيد بـ الأيد
وبكل دقيقة شوگنا يزيد
چا حلوه خربانين بالعيد

والمراجيح التغني بعيدنا
صارت مشانق
والحبل محد يگطعة

چَنت اخاف تروح مني
‏والخفت من عندة صّار
‏اني تانيتك لحَد ما
‏زهگ مَني الإنتظار
‏اني قَررت الرحَيل
‏وانتَ لسة بلا قَرار
‏انتَ عَشت بكل خسارة
‏واني عَشت الانتصار
‏اني الك غار الرسَول
‏وانت للحَلوات غار
‏انتَ من شاماتي اسود
‏واني اضوة مَن النهار .

انه ناذر إذا طارش يجيني
مو بس بابي جا حنيت عيني
شوفو معزتكم البيه
حتى الرساله احسبها جيه
خاف انه عايز منكم ذنوب
غنيتلك وي وكت الغروب
كون الدمع يشريه واحد
جان صرت تاجر وآنه كاعد

خلاني احبه وطلع جذاب
وتعنه ليه ويقفل الباب
اتمنه ينطق وينطي الأسباب
رديتله وكتله العمر فات
والبشر مايرجع ذا مات
طاحله كلشي ورد حرامات
ومتندم ، متندم
بكد ماهويته شكله حلو
بس سوده نيته
ريت اسحب الحجيي الحچيتة
وإنسة العشگتة وإنسة بيتة