O‘ZBEK KELAYOTIR...

Yana xayol uzra tashbehlar xil-xil,
Bir payg‘om vasliga talpinar dadil.
Ilhom parisining xushxabaridan
Sarxush sandug‘ochday yayramoqda dil –
O‘zbek kelayotir tarix qaʼridan!

Asrab naʼrasini, yangroq sasini –
Qadim Xorazmning xazinasini,
Ikki yarim, uch ming yillar naridan
Opichlab Avesto dafinasini,
O‘zbek kelayotir tarix qaʼridan!

Bir qanot – Alpomish, bir qanot – Shiroq,
Bir yon – Alp Er Tunga, yengilmas tuproq.
O‘t olib mangulik samandaridan,
To‘marislar qalbin yoritgan chiroq –
O‘zbek kelayotir tarix qaʼridan!

Dahosining sonsiz mevasi bilan,
Samarqand, Buxoro, Xivasi bilan,
Qancha tosh bitikning o‘yiq bag‘ridan,
Shoshga tengdosh bo‘lgan shevasi bilan,
O‘zbek kelayotir tarix qaʼridan!

Azaldan zakovat nuriga yolchib,
Zulmatlarga irfon yog‘dusin sochib,
Turib, tunu kunning tutash yeridan,
Ne-ne sayyoralar, qitʼalar ochib,
O‘zbek kelayotir tarix qaʼridan!

Chiqarib nurafshon yo‘lga karvonin,
Boshiga ko‘tarib tengsiz sarbonin,
Kuch olib istiqlol zafarlaridan,
Yana yulduzlarga taqab narvonin,
O‘zbek kelayotir tarix qaʼridan!

Yo‘l bo‘shat, dillarda muzlagan armon!
Yo‘l bo‘shat, mensimay xor qilgan nodon!
Yana ming yillikning tongotaridan,
Yo‘l bo‘shat, zamona! Yo‘l bo‘shat, jahon! –
O‘zbek kelayotir tarix qaʼridan!

Akif Bag‘ir, ozar shoiri

@fikrat

ERTAGA NAVOIY SHAHRIDA JONLI UCHRASHUV

⏱ Vaqti: 13-iyul (yakshanba) kuni soat 10:30 da
Manzil: Navoiy shahri

“Fikrat” tahliliy dasturi eksperti siyosatshunos Hamid Sodiq va tarixchi, professor G‘aybulla Boboyorov ishtirokida ochiq suhbat bo‘lib o‘tadi.

Bu uchrashuvda siz:
🔗 Bevosita savol bera olasiz
🔗 Dolzarb mavzularda fikr almashasiz

⚠️ Joylar soni cheklangan!

➡️ Ro‘yxatdan o‘tish va batafsil ma’lumot:
@NurbekGofurov
📞 +998909204978