⭐️ «ALTERNATIV SKORING»: YANGI KREDIT MAʼLUMOTLARI HISOBOTI ISHGA TUSHMOQDA!

2025-yil 23 iyundan boshlab Kredit-axborot tahliliy markazi «Alternativ skoring» nomli yangi hisobot xizmatini ishga tushiradi. Bu xizmat rasmiy daromadi ko‘rinmaydigan fuqarolarga ham kredit olish imkoniyatini kengaytirishga xizmat qiladi.

Endi bank hamda moliya tashkilotlari qarz oluvchining to‘lov qobiliyatini quyidagi manbalar bo‘yicha baholashi mumkin:
➖ so‘nggi 12 oydagi bank kartasi tranzaksiyalari
➖ majburiy ijro byurosi maʼlumotlari (jumladan aliment to‘lovlari)
➖ oxirgi 12 oyda amalga oshirilgan kommunal to‘lovlar

💡 Shu maʼlumotlar asosida mijozning to‘lov imkoniyatini ko‘rsatuvchi skoring bali shakllanadi va banklar aynan shu balni inobatga olib qaror qabul qiladi.

Yangi hisobot bank va nobank tashkilotlariga mijoz haqidagi maʼlumotni to‘liqroq ko‘rish va qaror qabul qilish jarayonini osonlashtiradi.

Bu tizim aholiga nima beradi? Rasmiy daromadi bo‘lmagan fuqarolar ham kredit ola oladi. Lekin yodda tuting: har bir kechiktirilgan to‘lovingiz kredit skoring reytingiga ta’sir qiladi. Moliyaviy intizom – sizning yangi "garov"ingiz

🌐@finlituzb | 🌐@finlituzb_ru

💳 Raqamli bank xizmatlari — vaqtingiz ham, pullaringiz ham nazoratda!

Hisobingizni tekshiring, to‘lovlarni amalga oshiring, kredit oling yoki omonat joylashtiring — barchasi bir ilovada.

📱 Bank xizmatlaridan tez, qulay va xavfsiz foydalaning. Navbatlar, hujjatlar, ortiqcha harakatlar — endi ortda qoldi.

🌐@finlituzb | 🌐@finlituzb_ru

Moliyaviy yastiq yaratish bo‘yicha yo‘riqnoma 🧾

1-qadam – Moliyaviy yastiq summasini aniqlang:
➖ Oylik xarajatlaringizni hisoblang: ijara, oziq-ovqat, kommunal to‘lovlar va boshka majburiy to‘lovlar. Buni 3-6 oyga ko‘paytiring - bu sizning moliyaviy yostig‘ingiz hajmi bo‘ladi.

2-qadam - Maqsad qo‘ying:
➖ Masalan, 12 oyda 45 000 000 so‘m jamg‘arish. Bu summani qismlarga bo‘ling: oyiga 3 750 000 so‘m.

3-qadam – Zahira yaratish uchun yo‘llar toping:
➖ Keraksiz xarajatlarni kamaytiring: ko‘chada ovqatlanish, taksi xizmati o‘rniga jamoat transportdian foydalanish, rejasiz xaridlar. Tejalgan summaning barchasi - moliyaviy yostiq uchun!

4-qadam - Alohida hisobdan foydalaning:
➖ Pullar sarflanmasligi uchun jamg‘arma oching yoki aloxida xamyonda saqlang.

🌐@finlituzb | 🌐@finlituzb_ru

Mobil ilovalar orqali moliyani boshqarish: raqamli savodxonlikning yangi bosqichi

Bugungi kunda bank ilovalari oddiy balansni ko‘rish vositasi emas — ular to‘liq moliyaviy boshqaruv markaziga aylandi.

📲 Ilovalar nimalarga qodir?
✅ Balans va tranzaksiyalarni real vaqtda kuzatish
✅ To‘lovlar: kommunal, internet, soliqlar
✅ Kreditlar va omonatlarni boshqarish
✅ Budjetni tahlil qilish va sarf-xarajatlar statistikasi
✅ Onlayn to‘lovlar, pul o‘tkazmalari
✅ Keshbek, bonus tizimlari, QR orqali to‘lovlar

🔐 Xavfsizlik haqida unutmang:
— Ilovani faqat rasmiy marketlardan yuklab oling
— PIN, Face ID yoki Touch ID yoqing
— Push-xabarnomalarni faollashtiring — har qanday harakatdan xabardor bo‘ling
— SMS-kod yoki parolingizni hech kimga yubormang

📌 Raqamli moliyaviy savodxonlik — bu zamonaviy hayotning ajralmas qismidir.

🌐@finlituzb | 🌐@finlituzb_ru

🔒 Moliyaviy xavfsizlik — bu sizning moliyaviy hayotingizni himoya qilishning eng muhim qoidasidir.

PIN-kod, SMS orqali kelgan tasdiqlovchi kodlar yoki karta ma’lumotlarini hech kimga aytmang — hatto “bank xodimi” deb tanishtirsa ham. Noma’lum havolalarga bosmang, telefon orqali aytilgan shubhali so‘zlarga ishonmang. Firibgarlar aynan sizning ishonchingizdan foydalanishga harakat qiladi.

📱 Kartangiz, bankingizdagi hisoblaringiz va shaxsiy ma’lumotlaringiz faqat sizga tegishli.

Moliyaviy xavfsizlik qoidalariga rioya qiling — bu firibgarlikdan himoyalanishning eng ishonchli yo‘lidir.

🌐@finlituzb | 🌐@finlituzb_ru

💡 Kredit tarixingiz yomonmi? Bu hali hammasi tugadi degani emas.

Bankdan kredit olish qiyin bo‘lsa, mikromoliya tashkilotlari yoki lombardlarga murojaat qilishingiz mumkin.

Hujjatlar kamroq, talablar yengilroq bo‘ladi.

📌 Ammo kredit olishdan oldin shartlarni diqqat bilan o‘qing: foiz stavkasi, to‘lov muddati va jarimalar haqida to‘liq tushuning.

Xar qanday qarz — bu javobgarlik. Qarz olishdan oldin uni qaytarish rejasini o‘ylab ko‘ring.

Markaziy bank tomonidan 2025-yil I chorak yakuni boʻyicha "Mikromoliya tashkilotlari va lombardlarning moliyaviy holati sharhi" bilan ushbu havola orqali tanishishingiz mumkin

🌐@finlituzb | 🌐@finlituzb_ru

❗️ Banklarni sanatsiya qilish va tugatish tartibi belgilandi

“Banklarni sanatsiya qilish va tugatish to‘g‘risida”gi Qonun
Qonun banklar, banklar guruhlari va bank aksiyalarining nazorat paketiga egalik qiluvchi xolding kompaniyalariga nisbatan tatbiq etiladi.

🏛 Markaziy bank banklarni sanatsiya qilish va tugatish sohasidagi vakolatli davlat organidir.

Quyida sanab o‘tilgan barcha asoslarning mavjudligi bankni sanatsiya qilishni boshlash uchun asos deb hisoblanadi:
➖ bankning to‘lovga qobiliyatsizligi yoki to‘lovga qobiliyatsizlikning yuzaga kelish ehtimoli yuqoriligi
➖ banklar tomonidan ko‘rilgan choralar, shuningdek Markaziy bank tomonidan qo‘llangan nazorat choralari to‘lovga qobiliyatsizlikni bartaraf etishga qodir bo‘lmaganligi yoxud 6 oy ichida buning ehtimoli mavjud emasligi
➖ bankning tizimli ahamiyatga molik ekanligi yoki tizimli ahamiyatga molik bo‘lmagan bankni majburiy tugatish orqali belgilangan maqsadlarga erishib bo‘lmasligi sababli sanatsiya qilish zarurligi

Ma'lumot: Sanatsiya (lotincha: canatio — sogʻlomlashtirish, davolash) — bankrotlik xavfidan qutqarish, korxonalar, firmalar, kompaniya va boshqalarning moliyaviy ahvolini yaxshilashga qaratilgan davlat va bank choratadbirlari tizimi.

🌐@finlituzb | 🌐@finlituzb_ru

Tejamkorlik aslida nima?

🌐@finlituzb | 🌐@finlituzb_ru

🎉 Bugun — Yoshlar kuni!

Bayramingiz muborak, aziz yoshlar! Sizlar kelajak egalarisiz, shuning uchun o‘zingizni rivojlantirish, bilim olish va moliyaviy jihatdan mustaqil bo‘lish — eng to‘g‘ri qaror.

📚 Ko‘p yoshlarni o‘ylantiradigan masala — o‘qishga kontrakt to‘lovi. Ba’zilar hatto o‘qishni orzu qiladi-yu, ammo oilaviy sharoit yetmay qolishi mumkin. Shunday vaziyatlarda sizlar uchun maxsus ta’lim kreditlari bor. Ular orqali kontrakt to‘lovini birdaniga emas, balki bo‘lib-bo‘lib, bir necha yil davomida to‘lashingiz mumkin. Bu esa o‘zingizga sarmoya kiritishning qulay usuli.

Bugungi kunning asosiy yangiligi va yoshlar uchun yana bir motivatsiya: banklar top-300 talik oliygohga kirgan yoshlarga "El-yurt umidi" jamg'armasi tomonidan 20 ming dollargacha imtiyozli ta’lim krediti beradi

🚀 Yoshlik — orzularni amalga oshirish va tajriba yig‘ish davri. Sizlar uchun barcha eshiklar ochiq, faqat o‘zingiz ustida ishlang, imkoniyatlarni o‘tkazib yubormang va moliyaviy jihatdan ham xatolardan saqlaning.

#yoshlarkuni #moliyaviysavodxonlik #talimkrediti

🌐@finlituzb | 🌐@finlituzb_ru

🇺🇿 1-iyul - O‘zbekiston Respublikasi milliy valyutasi tashkil etilgan kun

So‘m haqida qiziqarli ma’lumotlar:

💡 1993 yilda to‘lov vositasi sifatida "sum-kuponlar" joriy etilgan

💡 Turli yillarda turli muhim voqealarga bag‘ishlangan esdalik tangalari chiqariladi. Shunday qilib, hozirda Alisher Navoiy tavalludining 580 yilligiga bag‘ishlangan oltin esdalik tangalari sotuvga qo‘yilgan

😉 Oramizda milliy valyutaning tengdoshlari bormi?

🌐@finlituzb | 🌐@finlituzb_ru

Bayramlarda hammaga sovg‘a ulashiladi-ku, shunday ekan biz ham sizga 🎁 sovg‘a ulashmoqchimiz!

👀 Izohlarda savolimizga javob yozing va sovg‘alarni yutib oling!

⏰ G‘oliblarni 3-iyul kuni e’lon qilamiz. Ishtirok etib, bayram kayfiyatini biz bilan bo‘lishing!

#som #konkurs #bayram

🌐@finlituzb | 🌐@finlituzb_ru

❗️Firibgarlardan himoyalanishda yana bir ishonchli qadam!

Endilikda siz nomingizga kredit rasmiylashtirilishiga osongina taqiq qo‘yishingiz mumkin! Kredit tashkilotlari esa qarz berishdan oldin, fuqaro o‘ziga kredit ajratilishiga taqiq qo‘yganmi-yo‘qmi, tekshirishga majbur. Agar taqiq aniqlansa, sizning nomingizga kredit ajratilmaydi!

🗣Ushbu qulaylikdan foydalanishning usullari:
1. "Kredit bitimini tuzishga taqiq qo‘yish yoki taqiqlashni olib tashlash" xizmati.
2. Kredit byurosining rasmiy veb-sayti 🌐 portal.infokredit.uz

Eng muhimi: mazkur xizmatdan foydalanish mutlaqo bepul!

🌐@finlituzb | 🌐@finlituzb_ru

🇺🇿 O‘zbekistonda endi kreditlar bo‘yicha o‘rtacha foiz stavkalari muntazam e’lon qilinadi

🔈 2025-yil 2-iyuldan boshlab kredit turlari bo‘yicha banklarning o‘rtacha foiz stavkalari bilan tanishib borish imkoniyati yaratildi.

💡 Bu sizning moliyaviy savodxonligingiz uchun nima uchun muhim?

✅ Fuqarolar turli banklar takliflarini oson taqqoslab, o‘zlari uchun eng qulay va foydalisini tanlay oladilar.

✅ Bozor yanada shaffoflashadi, ma’lumotlardagi noaniqlik kamayadi va ongli moliyaviy qarorlar qabul qilish imkoniyati oshadi.

✅ Ushbu ma’lumotlar asossiz yuqori stavkalardan qochishga yordam beradi hamda sog‘lom raqobatni rivojlantiradi.

📊 Ma’lumotlar Markaziy bankning Kredit axboroti davlat reestri bazasi asosida shakllantirilib, davriy ravishda yangilanib boriladi.

🚀 Hozircha ushbu amaliyot sinov tariqasida yo‘lga qo‘yilgan bo‘lib, kelgusida tushayotgan taklif va fikrlar asosida bosqichma-bosqich takomillashtiriladi.

#moliyaviysavodxonlik #foizstavkalari #shaxsiymoliya

🌐@finlituzb | 🌐@finlituzb_ru

Moliyaviy xavfsizlikning asosiy qoidalari.

#xavfsizlik #moliyaviyxavfsizlik #moliyaviysavodxonlik

🌐@finlituzb | 🌐@finlituzb_ru

🎓 Moliyaviy savodxonlik ambassadorlari – yangi avlodni moliyaviy bilimlar bilan qo‘llab-quvvatlash loyihasi

O‘zbekiston Respublikasi Markaziy banki hamda “UZCARD” milliy to‘lov tizimi hamkorligida amalga oshirilayotgan “Moliyaviy savodxonlik ambassadorlari” loyihasining birinchi sikli muvaffaqiyatli yakunlandi

«Moliyaviy savodxonlik ambassadorlari» loyihasi orqali yurtimiz bo‘ylab yuzlab talabalar moliyaviy bilimlarni oshirmoqda!

Loyiha orqali mazkur muassasalarda moliyaviy savodxonlik bo‘yicha tizimli ta’lim yo‘lga qo‘yildi. Tanlov asosida saralab olingan 32 nafar ilg‘or pedagog “ambassador” sifatida tayinlanib, talabalarga moliyaviy bilim va ko‘nikmalarni yetkazish vazifasini o‘z zimmasiga oldi.

📚 Loyiha formati: 1–4-bosqich talabalari uchun maxsus kurslar
👥 Qamrov: 32 ta oliy ta’lim muassasasi, 6 tasi Toshkent shahrida
🗓 Muddat: 2025 yil aprel – dekabr
📈 Qamrov: 996 nafar talabani qamrab olgan

🔜 Avgustda oyidan boshlab maxsus treninglar o‘tkazilib, ikkinchi va uchinchi siklga tayyorgarlik boshlanadi.

🟢 Loyiha orqali talabalar nafaqat moliyaviy bilimlarga ega bo‘lmoqda, balki o‘z tengdoshlariga o‘rnak bo‘lish imkoniyatiga ham kengaymoqda.

🌐@finlituzb | 🌐@finlituzb_ru

📣 BUGUNDAN BOSHLAB IPOTEKA KREDITLARI UCHUN SUBSIDIYA OLISH BO‘YICHA ARIZALAR QABULI BOSHLANDI!

❓ Qayerga va qanday qilib murojaat qilish mumkin?
☑️ Yaqindagi Davlat xizmatlari markaziga borib yoki my.gov.uz sayti orqali onlayn: my.gov.uz/oz/service/325

☑️ Subsidiya olish uchun quyidagilar talab etiladi:
▪️30 balldan kam bo‘lmagan ijtimoiy reyting (ballar to‘g‘risida my.gov.uz saytida ma’lumot beriladi)

▪️Daromad chegaralari:
— Viloyatlar va Qoraqalpog‘istonda: 3,1 mln so‘mdan 9,2 mln so‘mgacha
— Toshkent shahrida: 3,1 mln so‘mdan 10,6 mln so‘mgacha

🌐@finlituzb | 🌐@finlituzb_ru