‏"ما عذَّرب اللولو مدى الأعماق/
لا صرت عارف يا غالي الأثمان بحرك"

‏«على القلوب المصدِّه ما يفيْد العتاب
كنّك تسولف؛ على الأموات في قبورها»

‏«حسبتك لا عطيتك دم قلبي تحفظ المعروف
حميتك بالنوايا ما هقيتك تنوي إتلافيّ»

ذكرتك تحت قمرا في ديارٍ ما بها طرياك
‏و لمح بـ الذاكرة وجهك عسى الأيام تأتي به

جعل دربٍ مرّته خطوة حبيبي
مايجف من المطر عشرين ليلة
—عبدالله ناصر.

‏جيت بين الضلوع الخاليه وأعتليت
ضلعٍ يرحبّ فيك وضلعٍ يهلي❣

عوّدت نفسي ما أتحسف على شي
لأن العمر ما يحتمل للحسايف

بعيش لحظات الفرح دامني حي
وبزرع الضحكه بجرد الشفايف

ولا ألحق الشرهات شيٍ ماهو لي
ولا عدت اجزع من فراق الولايف

إن غاب غالي فالحزن باخذ شوي
أيام وتروح علومه طرايف

موصي قلبي لا شفت الخطا عي
اما تعدلها و تصد عايف

في زاويةٍ من زوايا صدري المهمله
يبقى لك من الغلا مايستحق الرجوع
—عبدالله ال لزيوح

‏«ماتعودت إني آرخي مسمعي ولا سلاحي
الطمآنينة ماعمري كنت واحد من ذويها»
— عبدالله السراهيد

يموت الصمت بلسان الكلام اللي بدون أسباب
ويحيا قلب متأمل يكافح رغم تغريبه

يمد النور كفينه على هيئة وجيه أحباب
واقلطهم وكلٍ باسمه أرحب وأهليّ به

وأشد ازري وأحسب حساب للي يحسبون حساب
لطاريي وتسعى للنعم والنعم تحري به

ولو أن الظروف تحطني مابين ضرس وناب
أنا حرٍ يطق الضرس والناب بمخاليبه

صدور الناس فيها أسرار ما تدري بها الألباب
وبعض الناس حتى أخوه في أسراره ما يدري به

طواري الغايب اللي كل ما هب الهوى تنتاب
ضميري والضمير الغايب أصلًا ساس تأنيبه

جذبك لخاطري تفكيري اللي ما نساك وتاب
يعاتبك الغلا في بعدك ويسأل عن الغيبه

نديمي.. لو تبعدنا الليالي فالقلوب أقراب
يمر الوقت! والدنيا تلهيّنا ما ندري به

تأكد بأنك الحاضر في بالي لو وجودك غاب
ولو لرجعتك قيمة ياكل المال افادي به

لك في قوس الضلوع مشيدٍ بيت ومشرّع باب
ما يقلط وسطه إلا حضرتك وأنت من اصاحيبه

يمرون الطراقي مالهم لا أهلًا ولا ترحاب
لو أنها عيب في سلوم الرجال وذنب ومصيبه

تساوو في عيوني عقبك الحضّار و الغيّاب
وبديت أشكك أن عيوني الثنتين.. تركيبه

- فهد بن بجاد

أدور لجرحك من يدين الطبيب ضماد
وأثر مايضمِّد جرحك إلا سكاكينه

أنا قبل أعرفك كان قلبي عيوف وصاد
وبعدك ماصرت أعرف غير الله يعينه

أسرح مع الغنم لجل أنساك
و مع كل وجه عنز اتذكرك

على رصيف الصبر ملّ المنتظر طول الوقوف
وين الحياة اللي تخيّلت و لمحت أوصافها ؟

وكل أمرك للكريم ويسمح امرك
كل ما دكت على صدرك روابع

وإفرد همومك على سجاد صدرك
لا تضيّقها وحلم الله واسع

ولا تطاول في قصير الشبر شبرك
ولا تنازل عن شيّمك ولا تراجع

ولا تواضع للوضيع يضيع قدرك
منت مجبورٍ على بعض التواضع

–مساعد الرشيدي

«يقدّيني ضميرٍ حي، وقلبٍ يجسر الصعبات/
يكفيني لو إني بس أنا من يكسب إعجابي»

دوس المخاطر ولا تخشى عواقبها
الموت واحد ولا عنه الحذر جالي

‏«يقولون الوصال ألذ من طعم الشهد والتوت
وأقول الهجر، أخير من الكلام إللي تقولونه»

ياحبيبي قلبي ترا اليوم ناسيك
خاب الرجا منك وخيبت ظني

غدرت قلبٍ كان بالحيل يغليك
غرك كلامي العذب مع صغر سني

كنت احسبك سيفي اذا ضقت اناديك
اثر البلا سيفي هو اللي طعني

أحيان أعسف الصعب و أعقده و أحله
و أحيان حتى الهبوب يجرح فؤادي

يسوقني طاريك لمشاهدك سوق
وأشفق على لمسة يدينك شفـاقه

زرعت لك زرع له أثمار وعروق
وقدمت لك من زهرة العمّر بـاقه

والصبر زين وكل مطرود ملحوق
وشرهة قدم رجلي على عظم ساقه

وأن كان عندك شك لاناشك العوق
في قلبي اللي لك يزيد إشتيـاقه

الشوق مشتاقلك أكثر من الشوق
شوق بدوي ضاعت أغلى نيـاقه .
–تركي الميزاني