يدري إن ما يقتله شوق وغياب وحنين
«التفاصيل الصغيره» هي اللي تقتله
– بندر الدويش

‏«حالي معه مثل حال الشعب الايراني
يشوف شيب العيون ولا معه حيله»

— سفر الدغيلبي

الصمت يكفي و يشفي صدر راعيه
لاصار كلّ الحكي ماله معاني

والقلب ماعاد تعنيه المشاريه
والعين ماعاد تغريها الأماني

ياليت حزني مجرد دمع وأبكيه
ماهو عايش معي بين المحاني

ماهو يظهر عليّ وأحاول أخفيه
وتصير نظرات حزني هي لساني

مدري ذكّرني زمان كنت ناسيه
مدري ذكّرت الزمان اللّي نساني

‏من وين ما تشرق علي شمسك أقول
اصبحت احبك واصبح المُلك لله❣

‏شروق الشمس مايعني رجوع الحبّ والآمال
يجوز انه وداع الليل لأحلامي بمرثيّة

أحبك من أول الدنيا الين النشور
وأشوفك الروح وأشوفك مقاديرها

شعوري إنك معي ، حتى بليا حضور
يسوى المشاعر من أولها إلى أخرها

-سعد العلوش

رجعت أدوّرك بين الرسايل و الصور و أدعيك
و أنا مدري وش اللي من يد النسيان رجّعني

معي كلمة عتاب أكبر من اني فاقدك و أبغيك
ذرفت حروفها أوّل ما عرفت انك ما تسمعني

خليتني مرهون ذكرى الأمس
ووقايعك ف الواقع الملموس

حتى على حزّة مغيب الشمس
ماداني المسحوب والمنكوس

مع عقرب الساااعه لا قرّب 5
ضلوع صدري قوس يقرب قوس

حرمتني حتى ودااع الخمس
اللّٰه لا يحرم وجهك الفردوس

—عناد القثامي.

إن مر طيفي على بالك بـ ليلة ربوع
اسأل غرورك.. وش الدنيا بليّا متاع؟

المشكلة لا هروبٍ منّك إلا إليك
أودّعك صبح و الليل أنتظر جيّتك
- سعود بن مبارك

‏«أنا لو ضاعت الدنيا وراي و زادت الأتعاب
اجي كني صباحٍ كل هالعالم تهذري به »
- محمد السلطان

وصلت بهواجيسي بلاد العجم والروم
وأنا حوش بيتي ماتعدّيت بيبانه

‏"تاركٍ لي ذكريات ومداهيلٍ وراي
خاطري فيها .. وانا مقدر اعوّد ورا"

‏"بدا دور الليالي ولا أنا معك انتهى دوري
ومعك معاد تنفع شرهتي وحكاي بالمرّه"

إن فقدتك في مشاوير السنين البرق، من لي؟
وإن ذكرتك ما علي من الزمن خيره وشرّه
— مشاري محمد

الحظيظ اللي لقى بعيونك النجلا قبوله
من يلومه لا زهد فالأمنيات وفالليالي ؟

‏"من يسلّف صمتي الموحش كلام
داخلي فوضى تسولف دون صوت"

«جابتك ركعة ضحى وقْيام ليل
وراح بك تقصير عبدٍ ما زهـد»

معه نفس لا عافت تفارق ماعاد تشين
فلا تختبر صبره معك طالبك طلبه

يحبك ، لكن ماوده انك تعرفه زين
ولا ودّه تشوف الموازين منقلبه

ليا صد ماعاده مع الذكريات يلين
لو ان " الهوى غلاب " ماتقدر تغلبه

ولو حنّ لك قلبه و رفّت عليك العين
يدّه سكرت عينه و رجله وطتّ قلبه

‏«ولا أنا يّاوجد روحي على هاك القبال
وجد من يضمىْ على شوفك، ولا يرتويّك»
—مزيد الوسمي