الفقد لو مر الجمل خلّا الجمل مفتور حيل/
وش عاد في قلب آدمي خيّب الواقع رجاه*

بدون اعذار راح ورحت انا مثله بدون اعذار
سلكنا كلنا نفس الطريق وصعب نتواجه.

‏"أنا لو ما يشفع لي معك حظّي المنحوس
شفع لي وفاي وكبر شاني وثقل أسمي"

‏«لي قلب من شيمته لامن نسته القلوب
صدّ ومعه كلمةٍ تجرح، ولا قالها.»

عـارف إنك من بيوت المكارم سليلة
‏بنتٍ أطهر من الماء في بطون السحايب

‏أشوفك عمر وسنينٍ على الكيف وعلى المشهاة
‏و أشوفك في عيون أعداي حلمٍ ما يطولونه

الصباح اللّي فيه حسّك يا منوة المتمني
والله أنه ابَرك صباحاّت العرب وأحسنها

‏«قلبي اللي يستغل أدناة فرصه في طريقه
يوم جاته فرصة العمر الوحيده ماعرفها»
— فارس عمر

من لايحس بقيمتك وانت موجود
ماهو بناشد عنك لاصرت غايب

حاول تفرّق بيض الأيام والسود
ياقلب ما كل الحبايب حبايب

واللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك ورود
ماجاك لو انك من ادنى القرايب .

‏يوم خيّرني الزمن فالناس سهّلت إختياري
كنت أشوفك كل هالدنيا بـ عيني كل حزه

ما عشقتك نزوه و عذبتك بـ طول إنتظاري
جيتك أسرع من جناح الطير لا عجَّل مفزه

لا توقفني على حفة شموخي و إنكساري
ولا تساومني على العزه مدام إن لي معزه

‏«مْا عاد تغريني حياة، المغريّات
هذا شعوري صدق ماني، ناكره

من زود ماقلبي أسيَّر الذكريات
صرت أتمنى إني فقدت الذاكره»

‏«بكرة غصون ملقانا تعود هشيم-
حاول إن السوالف ما تجي جارحة»

‏"أذكر إني قبل أعرفك داعي الله عصر جمعة
وجابك الله، والله أعلم وافقت وقت إستجابة"

‏"يا الله لا تاه الكلام وضاقت رحابي/
سخّر لي إنسان يدعي لي مع الجمعة"

ياما على غيبته قد عبّرت عيني..
واخصّ له بالدعاء عصريّة الجمعة*

‏«ما دام غبت بساعة أم المعارك،
مالي ليا زال الخطر حاجةٍ فيك»
–فرحان بن قيران

‏ما عاد تعني لي ولا حاجة
روح جعل ربي يوفقك و يوفقني

من بعد ما كنت نور العمر وسراجه
اليوم صرت الظلام اللي يطوقني

عطيتك أكثر من اللي كنت تحتاجه
أسرفت في الحب لين الحب وهقني

لاتلتفت كمل طريق الجفا وامش
انا دروبي عن دروبك تناحت

والدمعة اللي حولت من ورى الرمش
هذي لها عامين واليوم طاحت

- ناصر الحمادين

‏"الحق على اللي بقى لك من قدر واحترام
والّا المحبّة؟ عسى ما تْروح مرواحها."
–عبدالرحمن بن جزا

‏" حر قيض وحر جّوف .. وحر فرقا "