‏ما عاد تعني لي ولا حاجة
روح جعل ربي يوفقك و يوفقني

من بعد ما كنت نور العمر وسراجه
اليوم صرت الظلام اللي يطوقني

عطيتك أكثر من اللي كنت تحتاجه
أسرفت في الحب لين الحب وهقني

لاتلتفت كمل طريق الجفا وامش
انا دروبي عن دروبك تناحت

والدمعة اللي حولت من ورى الرمش
هذي لها عامين واليوم طاحت

- ناصر الحمادين

‏"الحق على اللي بقى لك من قدر واحترام
والّا المحبّة؟ عسى ما تْروح مرواحها."
–عبدالرحمن بن جزا

‏" حر قيض وحر جّوف .. وحر فرقا "

ذكرتك تحت قمرا في ديارٍ ما بها طرياك
‏و لمح بـ الذاكرة وجهك عسى الأيام تأتي به

لهفة الخاطر على شوفتك لهفة غرير
‏مستحيل يْقاوم الشوق مهما يكبته

ودي اتبع ندا قلبي . . وادور لـ طبه
بس عقلي يقول ان تبعة القلب ضيعه

‏عداك الملام وشرهة الولف يا نزّاح
عن دياري اللي منت بأول خسايرها

تبعت السراب الين سلمك للمرواح
ولديت .. وعيوني تزوّر عبايرها

قنعت وتركتك للزمن والزمن فضّاح
على مهله اسرار المخاليق يظهرها

بقى لك معي ذكرى ليا غمّض المرتاح
تمشط بقايا كبدي بروس أظافرها

- عبدالله بن مشهور

بعد سواياك هذي مالي إلا الرحيل
والله لو إنها تمشي كان مشيتها

قلبي هو اللي بكى والدمع عيا يسيل
لو في عيوني دموع تهل هليتها

جيت وكملت جروحك بجرحٍ ثقيل
و أنا الجروح القديمة ما تخطيتها

طحت من عيوني الثنتين في ظرف ليل
والله يا طيحتك هذي ما تمنيتها

‏«ما تركْتِك في توقَّاد الهوى والشوق واعي /
كيف عاد أترك دروبك؛ والزِّمان يْحدّ سيْفه؟»

———محمد السلطان

يوم شفتك للثقل والكبر والهجران ناوي
ما دريت إن عزتي محدٍ من العالم شراها

والله إن تبطي عظم وتموت ما جيتك رجاوي
والمحبه إعتبرها ميته والله يجبر لي عزاها

يقول صالح النشيرا :

قد قلت له تكفى تجودّ في عيوني لا تطيح
إلين طاح تقول كانه طايح له من جبل

وبعد محاولات باتت بالفشل قال /

حيث انه اول شخص يسقط من عيوني مرتين
وأنا عيوني من سقط منها ما عاد تعبره

‏« لا طابت النفس من حاجه تخلّيها
حتى لو الحاجه اللي عفتها قلبي »
—فهد بن بجاد

انا على ماتشتهي نفسي و وين ألقى هواي
محدٍ يحرك وجهة شراعي على السبع البحور

اليا رضيت اطيّر الحاجه واوصلها سماي
واليا زعلت اخلي الحاجه دبورٍ في دبور

«مع إنِّك رحلت بعيد لكن بقى التذكار
ليا شافته عيني تسَابق مدامعها»
—متْعب التركي

‏"لابدّ مِن رِحم القِسا يولد اللين/
ميلاد شمس الصبح عقب الغداري"

‏«عسى صبحٍ نوى كسرك يموت وما طلع به شمس/
وعسى من هو نوى جرّحك يموت الحظ ما طاعه»

‏والتمني ما يحقق هقوة القلب إن تمنّى
بس قلبي ما يداني تبعد الهقوات منه*