‏و إن عاد ودك بي ؟ على العسر و اللين
الحق علي و إن طاب خاطرك قلها

أبطيت جدا و البطا ما هو بـ زين
و وعدت و وعودك معي يحتملها

بـ زين فيني يا ضمى الخافق بـ زين
العين قد هي لـ أجل شوفتك ولهى

البعد يبعد بك وذا الناس ملهين
و أنا أخاف إنك مع الوقت تلهى

‏مايجيبك طيب حظ ولا تجيبك طيب سمعة
‏أنت نعمة ما تجيبك غير دعوة مستجابة

‏أذكر أني قبل أعرفك داعي الله عصر جمعة
‏وجابك الله والله أعلم وافقت وقت استجابة❤️
‏

واليوم يا مصغرك والحب يا كبره
ودّعتني يوم حبّك ما يوّدعني

بعتبرك الميّت اللي في وسط قبره
لو كان دنياي يمكن فيك تجمعني

‏"يامهجة القلب مالي عن حنانك غناة
عن لوعة الفقد وصدوف الزمن خبني

تستغرب الموت في وجهٍ مليته حياة
واستغرب إنك تْخاف الموت وتحبني"

- سعود مبارك

الغلا اللي منت قد إرضاه خلّه
لا تسولف عن غلاي ان كنت بايع

لا تبرر موقفك وتقول زله
الكلام اللي مع شرواك ضايع

لا توصلها معي حدّ الجنون
لعنبو جد الغلا ما أشتقت لي !
—بدر الضمني

سمحت من الهوى وأنت الهوىَ وياك ماينعاف
عزوفي كان عزله عن دروب أستنزفت عطفي

‏«هايم ٍ تشفيه نفحات الصبابة
لو تورّيه الشقاء ما قال توبة»،
—سعود مهدي.

قلوب البشر ماني على ودها مكلوف
رضاها علي . . ماهو مدخلني الجنّه

عسى الله يبيض وجه من يذكر المعروف
يماري بـ راعي الطيب لا من حكـو عنـه

بوقت أشوف الناس تخرج عن المألوف
تكب الصحيح و تترك الفرض و السنّه

نعاف المكان اللي حشم هرجة الملقوف
و نعاف الجميل . . اللي يجي من وراه منّه

‏«متى تنفرج وأفرّ من حزني القتّال؟
وأراهن على مستقبلي وأنطل أحزاني»

جيتك بقايا حي كل أكثره مات
ووصلت لك بآخر رمق من حياتي

أستجير من الوله بالشعر لين أعماني
أحسب إنه يخفي العلّه وهو يظهرها

وأنت تجاهلني وانا وضعي من أسبابك خطير
والحب ذنبٍ مايكفره التجاهل والسكات

واجه فديتك واحسم الموقف يصير اللي
يصير ولا تعلقني على أمَل نجومٍ ساريات

وأبقّى على قول البدو لولا الأمل مات الفقير
ياصاحبي يا أغلى السنين المقبّلة والماضيات

يا أعزّ و أغلى من على الدنيا برجلينه يسير
لا تحسب إني جاهل بعض الأمور الخافيات .

- ضيدان بن قضعان.

ما نسيتك بالدعاء والدنيا جفاف
‏ كيف أبنساك والدنيا مطر؟

‏"أسج وأضحك وأتظاهر للعيون أني نسيت
والا أنت شيٍ تبطي أيامه وهو في الذاكرة"

‏« جعل شمس الحظ لها مع الشروق إشراق
تنفض غبار الأمنيات وتنوّر عتمة أحلامي »

”احس كل شيء يبتسم لي ليا لدّيت /
واحس ان نور الصّبح يطلع على شاني“

‏"تغانم مابقى لك قبل تاخذني الدروب بعيد
وأنا مثل العمر لا رحت ماتقدر ترجعني"

أجلس مع الجلّاس ..لو هم ثمانين /
و يشرد بي الهاجوس كنّي لحالي