انا بين هاي الناس مريت
مثل قارب ورق والموج ضده
المنطي عيوني يگلي شنطيت
انا الماتركت الشوف وحده
انا حتى ع اليشمتون حنيت
واصبر الگاعدين بجرحي كعده
اذا ظلت ع الشمات ياريت
لكن لوعتي من الـ انا اوده

اي متعوب
واضحك گد مايجيني غروب
واطير وية الهوى
واصحى إعلى ذاك الصوب
ولا أتاني بمحطة شوگ
وآدم كل حچيها ذنوب
يلتم التعب بية واگول إيام
وتعدي
أكابر والجرح يكبر
چبيرة جروحي مو گدي

اتمنه اعرف شنو اليرضيك ويفرحك
وياك احذر لان شفاف
حته الهوا يأذيك ويجرحك
غير انت مامنتبه من گتلي
صاير حلو ليهسا جاي اضحك

يمعودين ما ناسي
و گلت ناسي !
و براسي سوالف
مالهن رداد
على يا ساعة
أفرّغ مخزن براسي

يا روح الگلب
يا عزّة الروح
يا دمعاتنا وهمنا وسهرنا
يا أول عهد يا تالي الايام
يا لعب صبانة يا شيبة كبرنا
منين نجيب مثلك حتى ننساك!
ومنو المثلَك يعوضك لو خِسرنا
ألشبه كل أربعين .. حچاية تنگال
ولو واحد يِصحْ چان إنتظرنا

وَاللَّيْلُ إِشْتَكىٰ سَهَرِيّ وَمَلّ .

مشتاقين

ليلية اتيه الروح بشراع الحِزن
‏ والگاك حِزني

بهت لوني وبِده بيه الوجِع ينشاف

كِلشي بإيامي خَشن
من غير ايديك

ما بيهن دمع ذبلانة الجفون
واذا ما بجت ما اسميهن عيون
بعد ما اشوف بيهن لا تجوني
خلص مايهن راحن عيوني

ياللي ابتديت الحب معاك
عمري الحقيقي ابتدى وياك..

إني بشوقٍ متى الأيامُ تجمعنا
وأسعد فُؤادي بقربي من مُحياكِ
والطيرُ يشدو بهمسٍ حينَ يسمعُنا
وجاوب الدمعُ من عينيّ عيناكِ
أهيمُ فيكِ ونارُ البُعدِ تُؤلمني
وقلبيَ الخَفاقُ بالأشواقِ ناداكِ…