صباح تسجيل المواد الجديدة ♥️🪄
متحمسة إلهن وحاسة رح تكون دراستهن ممتعة
أسأل الله التوفيق ✨

ما بعرف شو وضع الناس يلي مستكثرة علينا فرحتنا برفع العقوبات؟
عارفين شو الوضع المادي والاقتصادي للناس وكمية الجوع يلي لاحقهم؟
إذا أنت شبعان وعم تلاقي أكلك يومياً في ناس عم تنام وولادها بتبكي من الجوع..

مبارح وأني طالعة بالسرفيس طلعت وحدة عمرها بالستينات ومعها حفيدها
وخلال الطريق قعدت تحكي هي وحفيدها إنو قرب موعد كرتونة المعونة يلي بستلموها
اجا الولد لمعوا عيونه وقعد يدعي يارب يطلع فيها علبة مرتديلا بصوت عالي وطفولي وحماسي
بعدين رجع قال تخيلي يطلع فيها بسكوت
عفكرة ما بتعرفي ممكن يطلع فيها بسكوت الي بس يشوفوا دفتر عيلتنا وهي تحكيله خلص يا حبيبي فضحتنا
حتى اجت بنت عطته حلويات وسكاكر وحكتله شايف انت دعيت وكنت طموح وطلع معي هدول إلك.

يالله شو الولد انبسطت فيهن، وجعني إنه أحلام الأطفال هيك
علبة مرتديلا! بسكوتة!

في نص بقول:
‏ردود فعل الناس لمناسباتك "السعيدة" تختصر لك كل ما أنت بحاجة لمعرفته عن شعورهم وأفكارهم تجاهك.
و حرفياً صحححح ☺️
و من عادتي اني بغير ترتيب الشخص عندي لو كان مقرب و ما كان معي وقت سعادتي و فرحتي وشاركني فيهن، بما إني مو حدا بشارك أحزانه كثير
رغم إني مو من الأشخاص يلي بتستنى دعم و لا تشجيع من حدا، بس عالأقل خليني حس إنك بتحبني و بتحب تشوفني ناجحة و سعيدة و إنو هالشعور متبادل بيننا ..

صباح يوم مليان بالمهام ويارب يمضى على خير 😭
شو لازم أعمل اليوم:
ـ أكتب مقالة عن النسب المالية وأحلل قوائم شركة
ـ أكتب مقالة بالاقتصاد الجزئي عن التكلفة والإنتاج
- أحضر كورس TOT يلي سجلت فيه وطنشت 😐
- أسمع محادثة باللغة الانكليزية ٢٠ د
- أراجع قرآن من الحفظ القديم
- أرتب خزانتي
ـ أطلع مع خواتي مشوار
- أكتب منشورين للقناة

📌 كورس تدريبي عن بعد

كورس مبادئ المحاسبة للمبتدئين (تأسيس من الصفر)

محتوى الكورس:
- تعريف المحاسبة وأهدافها
- التسجيل في دفتر اليومية
- الترحيل إلى دفتر الأستاذ
- إعداد ميزان المراجعة والقوائم المالية الختامية
- بيع وشراء الأصول الثابتة
- المصاريف والايرادات

مين يلي رح يستفيد من الكورس؟
- طلاب كلية الاقتصاد/المعهد المصرفي/المعهد التجاري
- الطلاب يلي بدهم يفهموا مادة المحاسبة ١ بالتفصيل
- غير الاختصاصين ويلي حابين يشتغلوا بمجال المحاسبة

◽️الكورس اونلاين على برنامج التلغرام
◽️نظام فردي
◽️الوقت والتاريخ بتم تنسيقه بيني وبين الطالب حسب وقته
◽️عدد الجلسات: ١٠ جلسات بمعدل ساعة لكل جلسة
◽️التكلفة: ٦٠ ألف ل.س
للتواصل: @a27ya3a

صباح الخير ♥️🪄
تذكير صباحي: لازم نخلق مساحة استراحة بيومنا وننعزل فيها مع الأشياء يلي بنحبها، وبحب أسمي هالفقرة من اليوم "إعادة شحن" لطاقتي وعقلي وروحي.

مُحاولة مني لإنقاذ لغتي الانكليزية المتدمرة بسبب إهمالي إلها بالفترة الأخيرة
سجلت كورس على كورسيرا بتوصية من شخص فهمان بمتطلبات سوق العمل وبوثق فيه ..
الكورس بحكي عن ٥ محاور أساسية وهي:
البحث عن وظيفة
كتابة السيرة الذاتية
كتابة رسالة دافع
التواصل
مقابلات العمل
وخلال كل هاد بتتعلم معهن قواعد ومفردات جديدة (المقارنة، الأزمنة..الخ)

جاهزين حتى أشاركه معكم المسا؟ ♥️

بعد في حدا ما بعرف شو هو موقع كورسيرا وما بعرف شلون بقدر يسجل على منحة وياخذ كلشي مجاني (كورسات قد ما بدك مع شهادة)؟
لأني صرعت الدنيا فيه يعني 😂

مساكم لطيف ♥️🌱
هاد رابط الكورس يلي حكيت عنه الصبح
"English for career development"

https://www.coursera.org/learn/careerdevelopment

بتمنالكم الاستفادة 🪄

شو هالبنوتات الشطورات يلي بلشوا بالكورس فوراً 🥹💛

صباح الخير ✨
رفيقتي القمر عملت قناة جديدة
رح يكون محتواها مفيد أكيد♥️
انضموا لعندها

https://www.tg-me.com/Mon_Royaume

5ـ متلازمة كاب غراس و الها أسماء عديدة منها: وهم كابجراس/ Capgras syndrome / متلازمة المحتال/وهم كابغرا .
و المُصاب بها يظن أن شخصاً ما يعرفه تم استبداله بشخص آخر مُحتال يشبه بمظهره.

🔴 سبب التسمية :
تعود للطبيب النفسي الفرنسي جوزيف كابجراس الذي وصف هذا الاضطراب لأول مرة بـ 1923.

🔴 شائعة عند النساء أكثر من الرجال ،حيث يصيب 3 نساء مقابل 2 من الرجال.

🔴 الأعراض:
ـ التوهم.
ـ يكون مقتنع اقتناع تام بأن الوهم حقيقة ولا يمكن أن يقتنع بأي طريقة.
ـ يتعامل إما بعنف أو خوف مع من يظن أنه مُستبدل.

🔴 الأسباب:
لا يوجد سبب واضح لكن هناك اعتقادات بأن السبب ناتج عن مشاكل في الدماغ أو اضطرابات المزاج أو تعاطي المخدرات أو خلل هرموني أو بعض الأمراض مثل الزهايمر و انفصام الشخصية أو في حالات نادرة بسبب إصابة الدماغ و خاصة في الجزء الخلفي من نصف الكرة الأيمن لأن هذا المكان مسؤول عن معالجة الصورة بهدف التعرف على الوجه.

🔴 العلاج:
ـ لا يوجد علاج خاص للمتلازمة و لكن إن كان هناك مرض آخر مسبب يتم علاجه على سبيل المثال يتم علاج الفصام أولاً و سيكون هذا سبب في علاج المتلازمة.
ـ العلاج النفسي السلوكي .

#سلسلة_متلازمة_نفسية

شو بتعمل بفترات اليأس والانطفاء؟
أشياء بتساعدك تخفف من هالشعور..
@ay3abot

- الرساله ؛ ايوشي النشيطة الملانة محبة وطاقة..
بأوقات التعب..بسمح لجسمي يتعب..من حقه أحياناً يتعب ويعيش هالشعور..بسمح لنفسي أعيش مشاعري اللي قاعدة برفضها..ولو مطفية.. أنا واثقة بحالي وبعرف أنا مين..وذات الشي أنتي..لازم تعرفي أنتي مين..وكيف انك شخص شغوف وطاقته حلوة غالب الأوقات..فهالشي بخليني دوماً ذكر حالي انو اوكي..فترة ورح تمرق أكيد رح تمرق ورح أرجع متل ماكنت..بس لتمرق رح تكون صعبة..بس رح تمرق.. وطالما رح تمرق..فلا بأس بالقليل من الراحة..واني ماتعّب عقلي بفكرة اني يأسانة وكأنها مشكلة..طالما رح تمرق وأنا مارح أبقى هيك وبعرف حالي..فبسمحلها تمرق برواق وتسامح..ومابضغط حالي كتير..عادي ننسحب من أشياء نحن ماالنا طاقة عليها هلأ..سلامتك يارب من كل شرّ ومن كلشي مزعج وتذكري دوماً مين هية آية اللي كلنا منعرف طاقتها الحلوة🤍🤍🤍

بدي أحفظ هالرسالة هون ♥️

بتعرفوا ايمتى صرت حس حالي ناضجة ومسؤولة؟

- لما صرت أدرس وأشتغل شو ما كانت حالتي النفسية وظروفي الشخصية
وأعمل واجباتي لأني عارفة ما رح حدا يشتغلها عني، ولا حدا رح يقلي خلص إذا مو جاي عبالك أتركيها والحياة رح تعطيكي ميزات ومكافآت لأنك عم تمرقي بظروف صعبة بس ..
ما في هيك شي بالحياة
وخاصة لما تكون ظروفنا دائمة وما إلها حل حالياً

بفكر شو رح أستفيد لو تركت كلشي وقعدت أبكي على جنب؟
ولا شي، الأيام رح تمرق رح تمرق
بس على الأقل خليها تمرق وأني عندي كم شغلة مفيدة عملتها بحياتي.

وبهالمناسبة كتبت هالجملة على دفتري بعد ما كانت عندي مشكلة بس وقتها كملت مقالي يلي لازم أكتبه والدفتر كان كله دموع بس ما رضيت أوقف لأني كنت مُصرة أسلم المقال بوقته شو ما صار:

✨وبعد كل ذلك أدركت أن المرأة القوية ليست تلك التي لا تبكي، إنما التي تبقى واقفة على قدميها، وحتى لو أغرقتها دموعها.✨