اشتهيك ...
وأحسب ذنوبك باصابعي وأخاف
اشكَد أصابع رايده ذنوبك ...
ونه بجفّين ما تكفي امن اعد
آه والذنب الجبير ...
يريد صفنه بكَد سما الله
ما أضمها اعليك
جم مرّه اشتهيت
وكَلت آراضيك وخفت

- عبدالكريم القصاب
..

أغنية ( بعد بعيوني أثر فرحه )
من أجمل الأغاني التي غناها ( قحطان العطار ) و ( سعدون جابر )
كلمات ( كامل العامري )

بعد بعيوني أثر فرحه
بعد طيفك يمر بيه
يلمصدگ حچي اليحچون
هجرك وين تاليه!
بعدني بروضة احلامك
زهيه الدنيه بعيوني
اعيش بذيچ ايامك
ولا جس هجرك ضنوني
تگول الناس ناسيني..
تنيت وتعبت سنيني
وانا شما مرت ايامي
عليك عوينتي ربيه
عبرت الضيم بشراعك
وانا المتعني لجروفك
تهت والروج دولبني
تعبت واتنخه بچفوفك
شتظل يبخل عليه چفك!
ولا سباحه بجروفك
تگول الناس ناسيني
تنيت وتعبت سنيني
وانا شما مرت ايامي
عليك عوينتي ربيه...

..

حــط الشمــس ثايــه الك
وانصــب مــراجــح عيـــد
وامشــي وي مجــرى النفـــس
دلالــي فــرحـه يريـــد
افــرش زوالي الفـــرح
بلچــت جـروحــي تهـــيد
واهنــاك ســرح الشـــعر
فـــوگ الوجـــن تســـريح
مامــون درب الشمـس
مامــش زلگ وتطــيح
مــر ياضــوه الڪـل ڪتر
لــ خيـــوطك انشــديــت
وامشــي اعلـه چــف الهــوه
مشيــه حمـــامــة بيـــت
تانيــني رڪني الســهر
يا ما ربــع تانــيت
طعــم الشفــايف عســل
ولشــوگهـن حنيــت
جــرحــني درب الهــجر
وما أحــمل التجــريح

- غازي ثجيل
..

مثل دين الربه الشوگ عله اليغيبون
كلما طولو يكثر

ـ عمار سالم

..

غيابك كلمة محزونه
بغيابك أجيس الرغبة مجنونه
وينبع ورد من بين الأصابع والموده تفيّض
بغيابك أجيس الرغبة مجنونة
( مثل كُل يوم )
أمدّ روحي بمسافاتك تصل تالي الحلم وترد


- علي الشباني
..

ولو بارد ثلج،ماگتلك أشاه
ثلج دافي أگول وما أجرحك
عزيز وعوّدتني أستلذ بالآه
شما تعصر بگلبي بوجهك اضحك

- عبد الكريم القصاب
..

الدمعة ماءٌ مسجون
ينتظر الحريّةَ
مِن حُزنٍ.. قادم!

ـ كاظم الحجاج | تحرير

هذا هو الهواء الذي لا يُنسى
إنني من اللحظه أبدي، مضرجا بالوقت والصحه الرديئه

أيها الهواء
يا من وحده يحفظ لنا صداقة البلاد، نحن لك وحدك
كنا نقول :تعبنا ونحن نشاهد خاتمة الأعمى
كنّا نقول :
الان لا ينقصنا غير التاج،
بقليلٍ من السنين سنقتحم الفصول

ـ عقيل علي| مرثية الطفولة

دگني يم خصرك وشم يا طين أهلنه
الصورة من تندگ تعيش

ـ كريم حاشوش

هذا ترابك تارس روحي
وسنين بروحي المبيوكه
ولو تدري بروحي المحروكه
أشكد محروكه

ـ علي الشُباني

( سفر متعب ) طارق ياسين ١٩٦٨

ادور عالتعب بين الكراسي الخاليه من الناس
وابين الكراسي الغاصه بالناس
بين العرگ اليفصل جسدهم عن ملابسهم
بين احلامهم والواقع الفارغ امن البهجه
وبين الفناجين المنقشه بألم كل مهجه
ادور عالتعب عند الطفل
من يلعب ويتمرجح ويتهجه
ادور عالتعب بالشارع المملي بالناس العصر
ادور عالتعب بين النهد والنهد
بين الشفه والشفه
بين الطير وجناحه
بين الألم والراحه
بين الباب والمفتاح
ادور عالتعب باليل من يرتاچ عالذكرى
من اتنگط انجومه على فراشي
ابر تطريز وتخيطني بفراشي
واني والتعب والذكرى والأحلام
أندور عالتعب والذكره ولاحلام
ننلم ننجمع نلتهب نتذره
بين الصوره والايقاع
بين الحلم والرغبه
بين التربه والبذره
بين الجفن والدمعه
ومن ينكسر خاطر ننحني عالخاطر المكسور
على صبر الاحباب اعبر
يكبر بالوصف كلشي
وهذا انه اكتفي بدمعي

..

وتعـده العمر وانگطـع نفـس الـياس

- عريان السيد خلف
..

يمن ما كلفت چفك يطش بليلي حفنه نجوم

- كاظم الرويعي
..

بهيده گلبي لسه ما غنه بعد
بهيده يا اخر نشيد
بهيده مو طاح الفجر
من على اعيوني
وشمسهم ذبلت بليلي البعيد

- شاكر السماوي
..

حزين وما گدرت الگه الفرح بين المواعيد

- عزيز السماوي
..

عالمنارة هلال مكسور الضوه

- شاكر السماوي
..

انت عمرك
نذر چلمه وشمعة مصلوبه اعله باچر

- غازي ثجيل
..

كنت اوزع الحب في القلوب
كما يوزعون الرصاص
كنت انثر الاغاني في الطرق الجبلية
كما ينثرون الالغام..

ـ رياض الصالح الحسين

وأطفح بروحك، وجد روحي خلص، نهر مايه سنين، وبچفي نِگَص
والگلب عصفور طاير، شايل بروحه قفص

ـ عامر عاصي

شفت دجلة شمس لليل
بيها انجوم فوگ انجوم
فوگ انجوم غرگانه وتضوي الليل
وفراغ گلوبنا مابيه صدى ولاصوت
مد ايدك وحس الطين
وانطينه عله وجه الماي حلم وشراع
وادفع كل سفينه اللچت فوگ الگاع

- طارق ياسين
..