قصيده ليوم الثاني من محرم
من ديوان عطاء الرحمن رثاء في بيت الأحزان جزء الاول


المستهل

سار الظعن سار لأرض المنايه
من درب الأخطار تحجي الروايه
---------------------------'------
تروي الأحاديث،، عن سير الأبطال
من قول مأثور ،، تذكر للأجيال
حسين الأجل دين،،من الوطن شال
متعني للموت وماخذ هدايه
------------------------'--------
• أغلى الهدايه،،وأثمن هالأرواح
حسين اليزفهه،،والارض الكدر راح
جن ناعي الموت،،يم كربله صاح
انتم يالأبطال برضي ضحايه
--------------------------'---------
نزلو يهوسون ،،ماهمهم الموت
صيحه يصيحون ،،كلهم فرد صوت
للزهره وحسين،، لجهنم نفوت
ندري اليطفيهه حب الهدايه
-------------------------'---------
حبكم يطفي،،جهنم والأهوال
نضحي الأجل دين،، حته بهلأطفال
حطنه على يمناك ،،أبكل الأحوال
هذا الكمر هذا يلبيه الكفايه
-------------------------'---------
قائدنه عباس،، ونعمه المسيره
نمشي علمسراه،،بدر العشيره
خاضع للحسين،، وطايع تدبيره
ومخلي قانون بأسمج يارايه
-----------------------'--------
أبطال ويسيرون،،سير الفداءي
كلهم يصيحون،، هذا نداءي
البيك مولاي،،حسين بدمأي
انضحي بالروح الحد النهايه
-----------------------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

حديث اليوم الثاني ونعي للمسير

صلى الله عليك يامولاي وابن مولاي يا ابا عبد الله يا من نحره منحورا وصدره الشريف يا بعد صدري بحوافر الخيل مكسورا وراسه الشريف على قناه يدارا ونسائه سبايا من بلد الى بلد تدورا
عيني تبكي لمصابك
و كيف العين لا تبكي
من عاش سنينا في حزنك
والقلم عن طفك يحكي
كأني ارى بالفلا تسير قافلتك
واسمع فيها صوت الى ربها تشكي
--------------------------
ابيات ابوذيه

ليالي الخير جن راحن ولا جن
و مهجنه بكربلا حامن ولا جن
علينه الليل لو اظلم ولا جن

نمد ارگابنه الحد الثانيه
--------
زفير العطش من الچبد ينفت
وكل ساعه ابدليلي سهم ينفت
من ذكرك گلبي يا مظلوم ينفت
مهجتي وخيمتك شبن سويه

للشاعر الاديب جابر الكاظمي

نعي 😭😭

آه يمه تگول زينب

الاوطان من اجل دينك عاف الاوطان
خويه حسين حسين يا رايه الايمان
يا ربي ادخيل حفظه من جور الزمان
----------
ووووي يا ابن امي
عاف النزل من اجل دينه
وجاب الحرم و جايب بنينه
وين اليعين حسين وينه
----------
سار الضعن واحنه وياه
و اغراب البين اليوم شفناه
والخاطر الاخوان نزل الاهل عفناه
-------------+-------------
الحديث
سارو والمنايه تسير معهم ها كذا قال الحسين عليه السلام عندما وصلوا الى الثعلبيه و حطوا رحالهم حتى يستريحوا هومت عيناه ابا عبد الله بالنوم ساعه وانتبه وهو يقول انا لله وانا اليه راجعون فاقبل عليه علي الاكبر عليه السلام وقال له
يا ابي لم استرجعت لا اراك الله سوء
فقال( ع) يا ولدي خفقت خفقه فرايت فارسا وهو يقول القوم يسيرون والمنايا تسير معهم
فقال له ٠
يا ابتي الاسنا على حق؟
قال بلى نحن والله على الحق
فقال علي الاكبر ( ع) والله لا نبالي
فلما اصبح صلى صلاه الفجر ثم عجل بالركوب وسار الى ارض المنايا ولكن كانت القافله تمشي بهيبه وجلاله
لسان الحال يقول عنهم

نعي

سار الظعن وحنه ابتعدنه
وفارگناچ يا نزل اهلنه
وتبعتك يا الكلك محنه
---------------
حنين الولي وانه تبعته
وبيتي ونزل الاهل عفته
للعازات والشده ردته
-----------------
حلوه رفجه الوليان حلوه
ايميلونه من غير نخوه
اخاف يفرگني الدهر گوه
-----------------
اشحلاته الاخو وما احلى رفجته
طول الدرب عينه على أخته
شلون الحنين اللي ضيعته

ووووي عيوني الأهل زينب لأعميهن عيون
ـــــــــــــــــــــــــــــــــــ

✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

قصيده للنزول اليوم الثالث من محرم
من ديوان عطاء الرحمن في رثاء بيت الأحزان الجزء الاول

بيوم ثالث من وگفنه بالفله
ناده اخوي حسين نزلو القافله
----------------------------'--------
بيوم ثالث من عثر مهر الولي

گال أخوي حسين نزلو هنا هلي

گامو الشبان نصبوخيمه الي

ودگو الأوتاد بأرض أم البله

--------------------------'------
نصبو الخيمات وصاحو ياگمر

بيدك بهيده نزل أم الخدر

ضل گلبي محتار يلهب بي جمر

على شلون اسباع واهل المرجله
-----------------------'----------
على هيج اسباع انه خايفه

ماگعدت ابگاع ابقى واگفه

روحي علأفكار ضلت زاحفه

أعرف شيصير بأرض كربله
-----------------------------'-------
يزيد تفكيري من اشوفن هالتراب

أعرف اشيصير أبذيج الشباب

اطوي صفحةالشباب من الكتاب

نوب افكر باليسده عالعايله
----------------------'---------
مره افكر بالأطفال والحرم

گلبي المهموم يعصره الالم

وساعه ادير العين الراعي الشيم

أخيي أجيت وياه امشي امدلله
-------------------------'-------
تاه مني الراي وملاني الفكر

من شفت الحسين عثر بيه المهر

شلون روحي تهيد يمه وستقر

وانه اشوف الموت حسين استقبله
--------بيت الدعاء-----------------
ابجي المصاب الحسين ومحنته

اقسم على الباري بذيج ذبحته

ضل طول العمر انه ابخدمته

شرف اخدم ابن سيد المله
----------------------------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

حديث يوم ثالث ونعي للنزول
من ديوان عطاء الرحمن في رثاء بيت الأحزان جزء الاول

صلى الله عليك يا مولاي يا ابا عبد الله يا صاحب الدمعه الساكبه والمصيبه الراتبه السلام على شيبك الخضيب و جسمك السليب وخدك التريب يا ابا عبد الله يا غريب كربلاء،
حر قلبي لنزول الحسين بكربلاء
والي حيرته في هذاك اليوم الصعيبوا
لما عثر المهر في ارضها وقال
يا قوم ما اسم هذه الأرض فاجيبوا
فقالوأنها الغاضريه ثم نينوى وشاطئ الفرات
يا لها من اسماء تصيب القلب بالنحيبوا
قالوا تسمى بكرب و بلاء فعند ذلك
تنفس الحسين الصعداء وهو كئيبوا
نعي😭😭

گال يخوتي نزلوا هنا أهلنه
وهنا يا النشامه نصبوا خيمنه
و بنص الفله نزلـــــو ضــــعنه
-------------------------
ينزلون وأنـــــه ا تنـوعلهم
وگلبي نـــــزل ويه حملهم
گلتله يادهر لا تفرگني عنهم
------------------------
نزلوا و الخيم گامو ينصبوها
صاحوا زينب خــــــل ينزلوها
لا تخاف خل تنزل بزود اخوها
-----------------------
الحديث
في يوم الثالث من محرم لما نزلوا الى كربلاء ونصبو الخيام فبانت نيت القوم الظالمين بني ميه لعنة الله عليهم فمن اليوم الثالث ضيقوا على الحسين وسدو طريق المشرعه ولما اصبح الصباح نظر الحسين عليه السلام الى القوم واذا هم زحفوا اليه
فدعا (ع) براحلته وركبها واقبل على القوم ونادي باعلى صوته صار يكلمهم و يعظهم بكلام رسول الله(ص)،
فقال قيس بن الاشعث عليه اللعنه انزل على حكم الامير ابن زياد فما ترى الا ما تحب،
قال الحسين(ع) والله لا اعطي بيدي اعطاء الذليل ولا افر فرار العبيد، هكذا هو الحسين ابن الرساله المحمديه التي حافظ عليها بدمائه الطاهره ودماء الاطهار فقال لا يبايع مثلي شارب الخمر و راكب الفجور وأن فعلت كفرت وأن أبيت قلت
صدقت يا ابن الرساله فقتلته مظلوما شهيدا واماماه واحسيناه
-------------------
😭😭نعي

ضحى برگبته وضحى بعياله
لاجل دينك يا محمد والرساله
دمع عيني من اليوم ساله
----------------

يوم ثالــث تحـــــــــير الولي
وناده الخــــوان نزلو هنا هلي
ويگلي صبري اخوي يا بنت علي
------------------
ووووي شلون الصبر ياعيوني
آه يوصيني

جنه اخيي من اليوم يوصيني
يباوعلي بهظم ويحط عينه بعيني
آااااه اعذريني
احس بي يگلي خوي اعذريني
------------------------
اجيت من الوطن خوي وياك
و نزلت الكربله وانـــــه بحماك
يل دگيت صدرك گلبي ينعاك
------------------------
نصب خيمتي ورايته ترفع عليه
وثنه ركبته ويلزمنـــي من أيديه
يگلي بختي يا بت حامي الحميه
-------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

فزاعيه للنزول

من ديوان عطاء الرحمن في رثاء بيت الأحزان جزء الاول


وصلو كربله الشجعان
والريات علگوها
-------------------
وصلو كربله الطيبين
النشر دين بس ناوين
لكن گوم الملاعين
غدر وحرب سووها
-------------------
طبو طبت الهيبه
كلهه سباع بالنيبه
هذا الماي نجيبه
والجل حسين هاي رگاب يفدوها
------------------
نزلو نزله هلشجعان
ونصبو خيمه للنسوان
ولتمو على العطشان
حسين عداك هذا اليوم بجوها
-------------------
بثالث يوم المچنه
لحد المشرعه تعنه
والجيش ارتهب منه
حصار المشرعه بساع فكوها
-------------------
بيوم الثالث بعاشور
زينب ضل گلبها يفور
تشوف العده گام يدور
تخاف من العده بخوتهه يفجعوها
-----------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

قصيده للعليله. ( ع)
طور ثكيل
من ديوان عطاء الرحمن في رثاء بيت الأحزان جزء الاول


أريد الأم أناشدهه
يلي فارگت بتهه
امي ألي فارگتني عليله ومنشدت عني
عليله ومنشدت عني
-----------------------'--------
امي ألي فارگتني وأنه ماأحمل الفرگه
يلمضيعه بنيتهه خلهه خل تون حگهه
شلون امي المشت عني الله يساعد گلبهه
عالمريضه شلون حالتهه اريد الأم أناشدهه

وانه اجهر ابوني
عليله ومنشدت عني
------------------------'------
اون يمه بتالي اليل ماسمعتي وناتي
أريدن وحده تغطيني وحده من حبيباتي
اصيح بعالي الصوت هليله عندي باتي

منهو الي يساعدهه أريد الأم أناشدهه

وانه بليل تركتني
عليله ومنشدت عني
--------------------------'--------
بالمريضه اسمعنه تجي يمهه أهاليهه
وعلى المرض والونه حبيبه ألي تسليهه
ماتنهجر يــــاناس وحدهه بمبانيهه
شلون البت تركتهه أريد الأم أناشدهه


تصيح وين اليسمعني
عليله ومنشدت عني
---------------------------'--------
شلون البنيه تنعاف وحــدهه بانزل
لا اخو ولا خيـه ولا أم اليمهه تضل
عافوني ومشوكلهم وخذو حته هلطفل
ماگالو يضل عدهه أريد الأم أناشدهه

وانه الفرگه كتلتني
عليله ومنشدت عني
-----------------------------'------
يالفارگتـــــــي ابنيه ذكري هالعليله اليوم
ونوحي على الفرگه نوحي بگلب ملجوم
بيت النبوه ياناس صبح علعليله مهدوم
راح حسين هيبتهه أريد الأم أناشدهه
بعده الفرحه هجرتني
عليله ومنشدت عني
-------------------------------------------

✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
هدائها إلى روح
زهره ناجي عبد الرضا
https://www.tg-me.com/fuieqtiot

فاطمه العليله عليها السلام
تودع الحسين ع
عله لحن عليمن جاييني العيد
مله باسم
❀ ┉♔❃🖤❃♔┉❀

يبويه حسين لتروح
ابوداعك ذابت الروح
منو الها العليله….. بعدك تشتكيله
يبويه حسين لتروح

❀ ┉♔❃🖤❃♔┉❀

برحيلك انه يحسين دمعتي تضل جريه
عليله وجسمي نحلان وتسليني رقيه
من اشوفك خاطري ايطيب ترد روحي اليه
يبويه خلافك الموت والله اهون عليه

البيت ابدونك اظلم
وحياتي تخلص ابهم

واوادعها العقيله… .منو الها العليله
يبويه حسين لتروح


✍ رؤى السلامي

❀ ┉♔❃🖤❃♔┉❀

يبويه العمر بعدك شلي انه بسنينه

تعوف ابنيتك شلون عمر متفاركينه

اخذت وياك اخوتي ورحت ويه الضعينه

سكنه اريدها اوياي ام روح الحنينه

دمعي عليك يهمل
وداعك بويه يكتل

عفتوني نحيله منو الها العليله
يبويه حسين لتروح

العلويه ام محمد الخطيب

❀ ┉♔❃🖤❃♔┉❀

ابغيابك بويه يا ريت تاخذني المنيه

من بعدك يغالي يا هو اليمر بيه

عليله وحدي ضليت توحشني المسيه

انه تمنيت انه اوياك ارحل لو بديه

عليه موحش البيت
بحزن وهموم ضليت

والفركه ثجيله ....منو الها العليله

يبويه حسين لتروح

ام سجاد الصبيحاوي…

❀ ┉♔❃🖤❃♔┉❀

وداعك عذب الروح وابقه الكم اتاني

يمن فرگاك يصعب والله والماني

ما احمل غيابك يبويه لو ثواني

يالفگدك يوالي دوهني او عماني

اضل امساهره الليل
يبويه وبايد الحيل

بعادك مالي حيله ،، منو الها العليله

يبويه حسين لتروح

ام سجاد العسكري

❀ ┉♔❃🖤❃♔┉❀

يبويه لو اجه الليل تضل جروحي تدي

اتذكر حجيكم واصد للدار وحدي

اشم عطر الغوالي واخلي ايدي عله خدي

مرض وهموم وافراك احس الدنيا ضدي

لتمشي هنا يغالي
وتتغير احوالي

ودمع العين اسيله منو الها العقيله

يبويه حسين لتروح

ام علي البابلي

❀ ┉♔❃🖤❃♔┉❀

يبويه اوداعت الله توصل بالسلامه

لجن يا بويه يحسين اتركت بيه علامه

انوح اعليك للدوم مثل نوح الحمامه

الدهر شد حيله وياي صوبني ابسهامه

وحشه ومظلمه الدار
اله بكل كتر تذكار

همي من يشيله. منو الها العليله

يبويه حسين لتروح

متيمة عبدالله الرضيع

❀ ┉♔❃🖤❃♔┉❀

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
https://www.tg-me.com/fuieqtiot

قصيده اليوم الخامس من محرم لمسلم ابن عقيل ( ع)

تقرأ على طور رگضة طويريج للمله باسم الكربلائي


صوت ناده يهتف من الكوفه
أنغدر لو أنكتل ما أعوفه
--------------------------------'----
صوت ناده من صميم العاطفه

واثق ودارس كل المعرفه

تعبت ياناس بيش اوصفه

شحجي عن شجاعته المعروفه
------------------------------'----
يهتف من الكوفه هل صوت الشجاع

ماتهمني أهل الغدر وهاي الوضاع

بس ألاميرحسين هذا الگلب طاع

ما يهمني ابن زيادوصفوفه
------------------------------'-----
حسين وداني ويانعمه الأمير

خادم أتمنه انه لجله اصير

ياشرف شلته وصرت انه سفير

اشيل بيدي ارسالته الموصوفه
----------------------------'------
وده بيدي حسين هاي ارسالته

يعرف يخونوه گوم الرسلته

أجيت للكوفه انفذ غايته

أنقذ ناس البلظلم مجروفه
---------------------------'----
أنه أجيت اليوم أنفذ غايتي

بس الأبن خير العمل بيعتي

بايعوا ياناس ابن التي

بذيالهه أهل الشرف ملفوفه
----------------------------'-----
ليش خنتوا حسين يا أهل الظلم

ضيف مسلم وبأرضكم ماسلم

هلشجاعه اله اكبر وسم

والشهاده عدهم مألوفه
---------------------------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

لطميه شجاعيه بحق مسلم ابن عقيل (ع )
من ديوان عطاء الرحمن في رثاء بيت الأحزان جزء الاول


اليوم هدت مسلم أعرفناها
                       للشرف والغيره معناها
                    -----------------
للشرف والغيره  صارت هدته
              يفدى دون حسين  هاي رگبته
كل جيوش اميه  ماهمته
                 الكوفه ساحه حرب سواها
                    ---------------
من دخل  للحومه بچاهازلم
                شي تطيح  وشي گامت تنهزم
من يهد  هدات ابد ما يلزم
                   احتارت اليا صوب منواها
                   ------------------
يحد سيفه بروسهم عند الضرب
                       ويله ويل اليوم يمه الگرب
صاحو الجيمان يالله للهرب
                       ثوب الهزيمه لبست خلاها
                       ------------------
انسلبت جيوش الدعيه عنانهه
                    وگامت الفرسان تجر   أبذانهه
اليوم  اسوه  مسلم  بميدانهه
                         حتى عروش الدعي هزاها
                    ---------------
ارتعد أبن زياد من لمن سمع
                   گال واحد هذا أشلون بجمع
أشلون  بحسين وخيه السبع
                        لو  وصل كربلاء و تعناها
                       ----------------
ظل يجر  حسبات و يدير الفكر
                     هذا  أبن زياد عايش بالغدر
گال  بيرهنا المسلم ينحفر
                     ومسلم المهيوب ما شافها
--------------

✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

حديث وموعظه، لمسلم ابن عقيل

انا لله وانا اليه راجعون اصبت قلوبنا يا حبيب قلوبنا فما اعظم المصيبه التي حلت علينا بفقدك يا سفير الحسين و ياحبيبه يا من شد أزر الحسين بالمصائب ودارة عليه الكوفه بالنوائب فعليك اليوم العين تبكي والقلب ناحب،

لي اخوه كانوا وكنت بقربهم
أحمي النزيل وامنع الجيرانا
واليوم أسال عنهم البيض التي
صارت نحورهم لها اجفانا
واليوم أسال عنهم السمر التي
صارت رؤوسهم لها تيجانا
واليوم أسال عنهم الخيل التي
صارت صدورهم لها ميدانا

للشيخ المرحوم محسن ابو الحب
---------------------------------
لجل عز النفس نفسه ضحاها
ابغرب وانحرم من جاري ضحاها
الكوفه غدرته اباليله وضحاها
وكشف مسلم نواياها الخفيه
------------
نياب الكوفه عضنه ولاچن
غريب ولا أهل عنده ولچن
ابنهضته يريد عزتهم ولاچن
تريد الغدر والاطماع هيه


الشاعر الاديب جابر الكاظمي
-----------------------------------
السلام عليك يا مسلم بن عقيل يا غريب يامظلوم بارض كوفان ويا غريب الاهل والاوطان والغسل والاكفان مثل ابن عمك لا غسلت ولا كفنت ومت عطشانا لكن كان غسلكم من مسك و ريحانا وتركتم الدنيا ولذاتها وضحيتم بأنفسكم من أجل الدين والايمانا
قال الامام الصادق (عليه السلام)( الدنيا سجن المؤمن .والصبر حصنه والجنه مأواه والدنيا جنه الكافر .والقبر سجنه والنار مأواه):
يعلمنا الامام الصادق ماهي الدنيا ألا سجن للمؤمن وجنه للكافر يوضح لنا ذلك كيف يتحمل المؤمن سجن الدنيا يتحصن بالصبر( الصبر حصنه) يصبر على بلائها و امتحاناتها وشهواتها ولذاتها في جميع الأمور يكون الصبرحصنه فيكون قريب لله وتصبح الجنه مأواه.
والكافر حقيقه يرى الدنيا جنه ما لذه له من المحارم وشهواتها ولذاتها يصبح القبر سجنه من اعماله الرديئه و ينال عقابه فجزاءه النار ماواه
كلنا نعرف تضحيه مسلم بن عقيل ولا يخفي التاريخ عن صلب ايمانه وشجاعته وصبره وتقواه فلما بقى وحيدا في الكوفه بعد ما نكثوا البيعه كان مواطنا على الصبر( الصبر حصنه) فلا يرى شيئأ للدنيا ألا أنها سجنا،
فجاهد بنفسه وماله وترك عياله من أجل الدين وهذه التضحيه ليست خافيه عن القارئ والسامع ولكل يعرف بتضحيه مسلم ابن عقيل في أخر لحظات عمره وهو على قصر الاماره وأرادو قطع راسه ورميه من القصر فقالوا له اوصي
ولكن لم يوصي لا بنفسه ولا بعياله ،وصى من اجل الحسين أن لا يأتي لهذه الكوفه الغادره والحفاظ على الحسين وعلى الدين، يستحق هذا البطل المغوار الونه والعبره آاااااه
نعي
آ الدمعه
على امصابه يستاهل الدمعه
و يلي على مسلم بيا حال وضعه
آااااااااه ضلعه
مثل حسين رضوا ظلعه
-------------------------------
مثل حسين غريب أبرض كوفان
وماضاگ الميه ومات عطشان
وجسمه بلا غسل وبلايه اچفان
-----------------
جسم حسين دارت عليه الخيل والخيال
وجسم مسلم يجرونه بالحبال
هذا الحال يشبه هذاك الحال
----------------
نعي بطور البحراني
لمصابك يامسلم مابطل النوح
أذكر رقيه وي حميده ولگلب مجروح
رقيه نامت على راس ابوها والدمع مسفوح
وحميده شبگت عمامتك يامسلم يامذبوح
اعيالك واعيال حسين مچتفه راح تروح

✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

#قصيده شجاعيه بحق سيدي مسلم ابن عقيل ع

المستهل

أول ضحيه للغاضريه
بهل سفره مولاي بيهه المنيه
---------------------
مسلم الريسان
گاصد الكوفان
وعايف هلوطان
بهاي المسيه
------------------
شايل رساله
من بيت الجلاله
حسين أمتثاله
ورافع تحيه
--------------------
سفرته بيهه غايه
بحكمه ودرايه
الحد المنايه
أيدي الوصيه
-------------------
وصيته من الحسين
يضحي الجل دين
كلنه محبين
وننصبلك عزيه
----------------------
مسلم سفاره
يا لرايد اشاره
بالكوفه مزاره
من الله هديه
------------بيت الدعاء
احلفك يا مسلم
بلضلع التهشم
طول عمري اخدم
الزهره الزجيه
---------------------------✏️
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

فزاعيه مسلم ابن عقيل ( ع)

حميده تگول واسيني رقيه
ابوي الشال من هسه من أديه
-----------------------
گعدن هلبنات يصبن دموع
علشايل وابوها گلبي موجوع
بنات أزغار ويلي بعمري الشموع
صاحت يا الابو خيمه عليه
-----------------
نادت يالأبو ويهل دمعها
زغيره والدهر بمصابه فجعها
عگب عينك تشكي المن وضعها
يا مسلم يا ابو نفس الأبيه
------------------
صبت دمعتي الهاي الهضيمه
يتيمه گاعده اتعازي يتيمه
المسلم هل عزه گالن نقيمه
ونصبن تعزيه بالغاضريه
-------------------
حميده صدت لرقيه وتگول
باچر هم ابوچ يروح مكتول
وهاي الخيل تبقى علينه تجول
يشدوهن حبل ايدچ واديه
----------------------
اخاف تروح مني كل الحيود
لا عباس لا لحسين موجود
ومسلم نام ويلي بوسط اللحود
واحنه ننضرب بسياط اميه
-------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

القصيده يوم السادس من محرم الاولاد مسلم ابن عقيل عليه السلام

المستهل

مظلم هل سجن ، ،،وولادي ازغار
فروا بالبراري ،،،،،،والوكت حار
--------------------------'------
أولاد أزغار وهذا السجن مضلم
عمت عيني على أولادك يامسلم
ماعدهم بقى لاخال لاعم

أهاليهم بقت على الرمل طشار
-------------------------------'-------
من بعد الحياده أولادي ضاعوا
أطفال وشافو النيران خافوا
على وجه البراري عزازي فروا

شلون أثنين يمه ابدور وأقمار
-----------------------'----------
شلون أثنين يمــه ضيعتهم
عمت عيني عليهم فارگتهم
بس ضلت تون يمي أختهم

أصدلهه حميده وشتعل نار
------------------------'---------
أصدلهه ياويلي وتبجينـــــي
تصيح ياخوي طاهر ماتجيني
من بعدك يابويه مفارگيــــــني

خويه تصيح ومنهه الدمع نثار
----------------------------'----------
ياطاهر يمطهر أعزاز گلبي
من بعد الابو انتم سند لي
ماأدري الدهر بيكم فجعني
ضل ابجي عليكم ليل ونهار
------------
أرثي امصيبت أولادج يازينب
كل بيت ألأكتبه دموعي تصب
انه ابجاهم ينمحي كل ذنب
تنجيني ياألاهي من لهيب النار
---------------------------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

حديث يوم سادس ونعي

صلى الله عليك يامولاي وابن مولاي يا رحمة الله الواسعه وياباب نجاة الأمة يا غريب كربلاء ويا سليب العمامه والرداء ويامقطع الأعضاء أسفاعلى دهرا سال فيه دماءكم ويتم اطفالكم وابكا حرائركم ساعدالله قلبكم.
لك قلب ما ضاق وسعا برزء
لم تطق حمله قلوب العوالم
فبكاه من في السماء ومن في
الارض حتى لقد بكته البهائم
ولكم كنت إذ تعانين ضعفا
من لغوب تبدين اقوى العزائم
جدت بالجهد كلما تستطيعين
وبذل القوى لحفظ الفواطم
لك عين ترى اليتامى وتبكي
للأيامى وما اغتدت عين نائم
للخطيب الشيخ حسين الطرفي
-----------------------------
ابيات ابوذيه
اصيحن آه يبني عليك منآه
و دليلي الموت من بعدتك مناه
نهاري الراح گلت أخلصت مناه
لفاني الليل أشد وعظم عليه
------------------
حنيني والنحب والنوح للظن
ونيرانه بسويد احشاي لظن
لا تظن يبني انساكم لا تظن
انسه الجره بوادي الغاضريه

للشاعر الاديب جابر الكاظمي
-----------------------
نعي
آاااه انساكم
أزغار و اعزاز يمه شلون انساكم
ووي فرگاكم على أمكم صعب فرگاكم
آااااه ملگاكم
يا شهر يا يوم يصير ملگاكم آااااااه
------------
اظلم الليل وخاف تخافون
ولا يمكم أهل ألهم تروحون
خوالك و عمامك نومه بالكون
--------------
بالحرايب ناموا أهلكم بالحرايب
وانتم فريت والگلب ذايب
آااااه عجايب
كربله راوت أمكم عجايب
----------------
لما حرقوا مخيم الحسين قالت زينب(ع) عمه علي يا ابن اخي يا بقية الله قلنا ماذا نصنع والقوم هجموا علينا. والخيام تحترق بنا. والخيل يحاوطنا.
فقال علي السجاد(ع)
عمه اخرجوا من الخيام وفروا الى وجه البيداء.
ففروا في ذلك اليوم الصعيب الذي ليس كمثله يوم اندهشت النساء من خوفها وحيرتها فرت الاطفال من بين ايديها مرعوبه ومن جملتهم اولاد مسلم بن عقيل امهم رقيه بنت امير المؤمنين علي(ع)
ساعد الله قلبك يامولاتي بمسلم ثم باولادك كأني برقيه ام طاهر تخاطب زينب (ع)وخيه اين اولادي
لسان الحال يقول آاااه ضيعته
نعي
آااااه يمه ضيعته
خيه تاه الولد وضيعته
وووي ما لگيته
دورت عليه ومالگيته
طاح الكفيل وسحگو ثنيته
--------------
اثنين موش واحد امضيعه
طاهر يا يمه مطهر شلون وضعه
أزغير وعلى امه يهل دمعه
----------
على أمكم يا ويلي يهل دمعكم
لا عم لا خال الفزع ألكم
آااااه خبركم
گولولي وين صاير خبركم
-------------
اآاااه وين صرتو
بيا ديره و بيا كتر وين صرتو
أزغار يمه تعبتو
من الخوف والمشي جنكم تعبتو
والوكت حار وظنكم عطشتو
------------
بچيتو على امكم وصحتو يمه
شلون لو جاكم الليل والليل ظلمه
گلبي عليكم ما يبطل بعد همه

هلي يا دمعتي الاولاد مسلم هلي

✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot

قصيده اليوم السادس ألاولاد مسلم ابن عقيل ( ع )

فزاعيه جنوبي

يمه بيا كتر يا طاهر تنام
لو رحتوا يا يمه بحرگ الخيام
--------------------
هجم هالخيل يمه وضيعتكم
مرعوبه بين النار محتاره وأ دوركم
انادي بصوت ما حد سمع حسكم

ما اشوف الدرب بس خيل وزلام
-----------------------
ظلت حايره ودير الافكار
ابنهه وين مدري وين چاصار
جوه الخيل لو لهبته النار

بوجه للبراري هل ولد هام
-------------------
يا ويلي اثنين مو احد فگدنه
من طاح لولي واحن انشدهنه
دورت الولد ويست منه

اخافنكم يا يمه بيد ظلام
-------------------
اخوك أزغير يا طاهر ألزمه
يبچي يخاف من الليل ظلمه
طفل ينام كله بحضن امه

وانتم علرمل هليله نيام
------------------
يا ترفين هذا الرمل حار
تعبتو من المشي و رجليكم أزغار
وعلى روسكم بين هالغبار

رحمو بحالهم يا أهل الاسلام
----------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://www.tg-me.com/fuieqtiot