#من_رسائلكم
مرحبا
أول شي شكراً على هالمبادرات اللطيفة منكم وبنشكر الله انو في هيك اشخاص بيدعمونا بمسيرتنا التعليمية 💚

تاني شي صديقي طالب باكالوريا ل 2023 بده مساعدتكن بحل جذري لمشكلته اللي هيي كالتالي :
انا متعود ادرس بالليل وبحكم مواعيد الأساتذة والظروف عم ركز وعم لاقي وقت لأدرس أكتر شي من 11 ل2 تقريبا بالليل ...
الأساتذة عم يقولولي أنت كطالب باك لازم تعود حالك من هلق تفيق عال 5 صبح تدرس ولا تدرس ليلاً ابدا ..منشان تركز بفترة الأمتحانات لانو الأمتحانات بتكون الصبح واذا بقيت تدرس بالليل ما حتعرف تكتب شي بالأمتحانات النهائية ...انا حاولت اعمل هيك بس ما قدرت استيقظ الصبح وحتى لو فقت عم يضيع الوقت ومافي تركيز ....
أغير طريقة دراستي ؟ وعنجد اذا بقيت ادرس ليلاً وأنام الصبح ما رح ركز بإمتحاناتي ؟

#الرد ⬇️💚
اهلا وسهلا
منعتذر عن الرد المتأخر 🤍

بالنسبة للدراسة كل شخص ومتعود ع شي معين
انا بدرس الصبح مو ضروري انت تدرس الصبح
انت بتدرس المسا برضو مو ضروري انا كون متلك
وع هاد المقياس ..
فمثلا صديقك متعود بهي الساعات يكون تركيزو عالي فخلص ينظم وقتو ويدرس بالوقت لي يناسبه 👍🏻

أما بالنسبة لوقت الامتحانات حينتظم وبيقدر يفيق بكير..
لأنه بيكون تقريبا خالص دروس وخصوصي فبيكون عندو وقت ينام ويفيق بنشاط وهيك بشهرين بيكون متعود ومتأقلم تماما انو يركز

وبالنهاية كل حدا بيرتاح بشي معين فيكمل فيها 🤍
#Asmaa
@futuredoctorbacalorea

#من_رسائلكم
صباح الورد🥺🌸💜
أنا بكالوريا ل 2023 وحرة مالي مدرسة سجلت بمعهد بداية السنة كنت كتير متحمسة وهلأ بلشت مل وفقدت الحماس ومالي قدرانة ادرس شي وكتير عم حس بالذنب لانو ماعم ادرس وصار علي شوية تراكم💔بس ما عم اقدر شجع حالي وكمل وفي نقطة مهمة انو كتير ناس بتحكي قدامي عن الاحباط وبأثروا فيني وهنن ولا كأنو حكوا شي كيف بدي ابتعد عن هالناس السلبية ومااسمع لحكين!!!شو النصيحة😇!؟
وشكرا كتير لنصايحكن الحلوة الي بشوفا عطول جد بتفيد🥺⛅️💜💜💜

#الرد ⬇️💚

صباح النور 💚
الاحساس بالذنب شي كتير منيح...
بس ما بفيد اذا ما لحقو تعويض ودافع من جواتك...
مافي شي اسمو فقدت الحماس لانو القرار اللي اخدتيه إنك تدرسي حرّة هاد لحالو تحدي...
ف تلقائيأً انتي حماسك جواتك...
هلق انتي ضعف الحماس جواتك... طيب كيف رح ترجعي هالحماس؟؟!
حطي هدفك وحلمك قدامك واكتبيه على ورقة شو ما كان... حطي ببالك فرحة أهلك وقديش رح ينبسطوا... نظمي وقتك بشكل يناسب دراستك لقدام وتعوضي اللي راح منك...
شوفي فيديوهات وكلام تحفيز بشرط ما يأثر على وقتك...
بعدي عن جهازك قدر الإمكان واذا فينك تلغيه كلياً...

هلق بالنسبة للعالم اللي عم تسمعك كلام إحباط...
انتي بإيدك الموضوع، انتي بتقرري شو بتاخدي من العالم، حاولي قدر الإمكان تبعدي عن هالأشخاص...
بعدين رح أسألك سؤال لنفترض انو أحد أفراد عيلتك عطاكي بسكوتة او شي اكلة ما بتحبيها... رح تاخديها وتاكليها؟؟.
نفس الشي مع الأشخاص المحبطين اذا ولا بد مافينك تبعدي عنن وخدي من كل شخص الكلام اللي يناسبك فقط 🙏🏻♥️
بالتوفيق ان شاء الله ♥️
#𝒯_𝒜ℒ𝒜𝒜ٰٰٰ_𝒮
#نبض_الطب 🩺💙
#Medicinepulse 💉🧬

#من_رسائلكم
يعطيك العافية ❤❤
لو سمحتي سؤالي هو هل شعور الإنسان دائما صادق
يعني أنا هلأ خلصت فحص بالجامعة ودائما عندي شعور مرة رح اترفع ومرة رح ارسب كتير ضايعة بهالموضوع وعايشة على أعصابي وإذا لا سمح الله رسبت أكيد رح تروح سنة من عمري وازعل ما عارفة شو اعمل من هون لحتى تطلع كل المواد والله كتير متدايقة وماني حابة أظهر هاد الشي لأهلي يعني أخي عم يدرس طب ودائما أنا بشوف علامتو وبفرحو وبفرح أهلي ومبارح عم يقول لأهلي ما تحكوا بهالموضوع كتير منشان ما ازعل و حدا من قرابيني بنت ترفعت على سنة تانية عنجد حسيت بحسرة يمكن ما عيش هل الشعور ...
بعتذر على الإطالة بس حبيت أحكي لحدا ويعطي نصيحة ولو سمحتي ممكن الرد يكون فقط على البوت ❤
🌷🌷🌷
#الرد ⬇️💚
الله يعافيكِ يارب 🤍

عادي أي طالب جامعة يخاف ويحس بهالشعور ..
ولسا مانزّل كل العلمات لتعرفي انك ترفعتي ولا لأ...

وأي شي عم يصير معك وأي تقصير ما صار إلا لتتعلمي منو لقدام وتقوي أكتر ..

وبما أنك سنة أولى فأكيد كتييير تجااارب جديدة مرّت عليكِ

واهلك من خلال الحكي لي حكيتيه هنن معك فهي نقطة كتير منيحة 🤍

" في أشخاص مثلًا اذا حملو مادة بتقوم القيامة عليهم من قِبل أهلهم فما بالك بسنة كاملة؟!! "
فهي لحالها نعمة كبييرة 🤍

بالعكس أهلك حاسين فيكِ وبيفرحو فيكي اذا انتي بينتي انو المواد لي رفعتيها انجاز بالنسبة ألك
لما يشوفو القناعة بعيونك لح يفتخرو فيكِ

وبالنسبة انو عم تحكي انو اذا راحت سنة من عمرك رب العالمين أعلم بهي السنة لي هيك قدرلك
" لو اطلعتم ع الغيب لرضيتم بالواقع "

في أشخاص خلال الأزمة راح عليها مو بس سنة سنين وليكها عم تكمل فهاد مو مقياس

بعرف اديه هالشعور صعب بس
"" تفائلو بالخير تجدوه ""


ودااائمًا طلعي ع الجانب الايجابي ولو كان ٥%
ماتخلي الجانب السلبي يسيطر عليكِ

وتذكري انو كل شخص وألو ظروفه النفسية ظروفه مع حاله وأهلو
فأبدًا مالازم تقارني نفسك مع غيرك ..
لأنك انتِ غيرهم ...
وتذكري انو كل شي عم يصير معك في خيير كبير
وربك مخبيلك الأحسن
ورب العالمين أرحم من أمك وأبوكِ عليكِ فوكّلي أمرك ألو وان شاء الله بيغمر قلبك بالرضا 🤍
بالتوفيق ياارب
وعقبال وقت بترفعي السنة يارب وبتشوفي انو هالافكار بس وساوس شيطان مو اكتر 💚
موفقة
#Asmaa
@futuredoctorbacalorea

#من_رسائلكم
سلام ❤️
انا بدي احكي عن مشكلتي، حاولت بكل ما فيني حلها الدورة الأولى بس ضل في الها آثار عليي، كانت انه مل من الدراسة وحط انه في ناس احسن مني متاكدة وانا ما بطلع شي قدامهن وهالشي غلط مليار بالمية بس بيضل هالافكار ببالي
المهم بعد ما خلصت من الدورة الأولى كنت مستعدة أقدم رياضيات وعلوم وكيميا واجيب فيهن علامات ممتازة بس من بعد ما قدمت رياضيات بردت لانه كنت متوقعة جيب علامات ممتازة واخطائي تافهة
وعم يمشي الوقت وانا عم فكر بالعلوم وكيف بدي مشيها وجيب التامة فيها
بحاول كتيررر اني كمل بس ما بغدر بعد ما كنت بالدورة الأولى خلص اللي عليي بهالفترة ولسا اكتر بس مدري كيف صرت هيك ولا كيف رح ارجع متل ما كنت
هي هية مشكلتي 😢😢😢
آسفة لأني طولت بس عنجد شي بيتعب البال
وشكراً كتيررررر لكم سلفاً ❤️❤️

#الرد ⬇️🤍
ما في حدا احسن من حدا
لازم تكون إنسان مؤمن بنفسه و بقدراته
هلق الشي يلي رح قولو صعب بس بدك تعود حالك عليه
مزاجك او حالتك النفسية هاد اخر شي بتفكر فيه
مابكفي انك تدرس بس لما بكون عبالك تدرس
بوقت راحتك او فراغك
هالشي
حط ببالك هالشي مابكفي ليوصلك لحلمك وحط ببالك انك بالوقت يلي مالك فيه مزاج عالدراسة خصمك بيكون عم يستغل هاد الوقت وعم يطور من حالو وعم يشتغل اكتر منك
حلمك كبير كتير
بيستحق منك انك تضحي بمزاجك كرمالو
بيستحق تطحن حالك طحن كرمال توصلو
ولما بتكون حاطط ببالك انو الوصول لحلمك هو مسألة حياة او موت بالنسبة لألك
لما بتكون عم تتنفس حلمك وقتا بس بتكون قادر تدرس بكل المزاجات وبكل الظروف
حاجتك لحلمك لازم تكون متل حاجتك للتنفس
صح صعبة بس بتستحق💙
درب حالك عليها رح تعتادها وتصير اسلوب حياة بالنسبة لألك💙💙

#أحمَد
@futuredoctorbacalorea

#من_رسائلكم
شو بتنصحوا طالبة بكالوريا 2023 "إعادة"؟؟

#الرد ⬇️🤍
" إِذَا عَزَمتَ فَتَوكَّل عَلَى اللَّهِ إِنَّ اللَّهَ يُحِبُّ المُتَوكِّلِينَ "💚
أنا كمان كنت معيدة السنة الماضية 2022...
و رح اتركلك رابط تجربتي الشخصية بال2021 فيها كتير نصائح كتبتها و اتبعتها و الحمدلله نتيجتي كانت مرضية..
بس رح ضيف عليها انك لازم تطلعي ع سلم التصيح و ملاحظاتو كلها و تقدمي كل مذاكراتك كأنك بالامتحان الأخير
+ ابتعدي عن الناس السلبيين و لو انجبرتي تبعدي عن الكل
المهم يا ناس إيجابيين و بيحبولنا الخير ..يا بلاهم خالص..
و اي سؤال او استفسار نحن بالخدمة
بالتوفيق🤍

هاد رابط تجربتي..:👇

https://www.tg-me.com/doseofoptimismforbacalorea/6159

#Amira
@futuredoctorbacalorea

#من_رسائلكم
السلام عليكم انا طالبة 23 انا منشان الحق ادرس صايرة عم فيق بكير متل الساعة 5 وبتصير الساعة 10 هون بحس بنعس مو طبيعي يعني كانو مالي نايمة بس انا بكون نايمة شي 7 ساعات بدي نصايح حتى اضل فايقة وما انعس خلال وقت قصير لانو هاد الشي كتير عم اثر على دراستي وشكرا الكن كتير💕

#الرد ⬇️💙
وعليكم السلام ورحمة الله وبركاته
كويس
خدي فترة استراحة بين كل ساعة والتانية
غيري مكان دراستك او طريقة دراستك
وانتي وعم تحفظي خلي صوتك مسموع طبعا هالشي بساعد ع التركيز
أول ما تفيقي من النوم لا تحسسي حالك قايمة غصب عنك وانك مجبورة ع الفيقة لا بالعكس قومي توضي وصلي وادعي واعملي كاسة نسكافيه وانتي مبسوطة ومتفائلة🤍🤍🌸
#Saja
@futuredoctorbacalorea

#من_رسائلكم
يسعدلي اوقاتكن انا طالبة بكالوريا عم حضر من هلق وخلصت منيح من المنهاج ومنظمة وقتي وكلشي بس شي عم يأثر فيني عاطفتي وقت انزعج من شي ماعاد بدرس وبتدمر نفسيتي وبلتهي كتير ف بس ممكن تنصحوني كيف ارجع ادرس من جديد واترك الشغلات السلبية لانو بس نفسيتي تتعب ماعاد بركز بدراستي وشكرا

#الرد ⬇️💙
أوقاتك أسعد 🤍
صدقيني مافي شي بالحياة بيستاهل تنزعجي عليه ، طالما انك بخير وصحة واهلك والناس الي بتحبيهم حوليكي ، بالنهاية الحياة فانية وما حدا خياخد معو شي للآخرة غير أعمالوا
لا تسمحي لحدا انو يأثر عليكي ولا تسمحي لنفسك تضعف ، قوّي إيمانك بالله تعالى وتوكلي عليه ولا تلجأي لحدا غير الله ،خليكي متفائلة مبسوطة إيجابية ، حبي حالك لأن انتي عايشة لتصنعي حالك ومستقبلك لتتركي أثر حلو وراكي
بالمختصر المفيد قوّي صلتك بالله ساعتها بتكوني متل ما بدك🤍🤍🌸
#Saja
@futuredoctorbacalorea

دعم لصفحة الفريق عالفيس منشورات رح تحبوها و نصائح رح تفيدكم و برامج ممتعة ❤️👇🏻


https://www.facebook.com/dreamhope2022/

السلام عليكم💙
هلا انا خلصت بكلوريا ومجموعي 160 صافي وحلمي ادرس طب بس الظروف يلي صارت معي ما سمحتلي ادخل حلمي في كتير عالم قالتلي ادخلي معهد طبي منها بتوصلي لحلمك اذا كنت من 3 بالمية الاوائل وانا فعلا اقتنعت بس كمان في ناس قالت حكي فاضي لانو الاوائل كلن بالواسطات فا انا ما بعرف حابة ادخل معهد طبي بس مترددة انو ما اترفع للطب ساعدوني💙
شكراً سلف💙

الحل 🌟

أهلا و سهلا صديقتي ....🌸
كل حدا عندو حلم لازم يسعى حتى يحققه .
بس كمان لما رح تدخلي معهد طبي أو صحي حتى تترفعي ع الطب لازم تعرفي أنو الدخول أبدا ما سهل و مو متل ما أنتي متوقعة ....
لأن ٩٩% من الطلاب بالاختصاص داخلين حتى يترفعوا ع كلية الطب ... بالمختصر ( لازم تحطي الاحتمالين بين أنك تترفعي و بين أنك ما تترفعي )
و بالنسبة لمجموعك ١٦٠
خلينا نكون واقعيين : من الصعب جدا أنو يطلعلك على مجموعك لأن إقبال بشكل مو طبيعي على المعاهد الصحية و الطبية
وكل سنة الطلب عليها عم يزيد
أنا ما عم شائمك بس شوفي مثلا مفاضلة السنة الماضية :
هي سنة الماضية
المعهد التقاني الصحي دمشق 199.8
المعهد التقاني الصحي حلب 170
المعهد التقاني الصحي حمص 173.2
المعهد التقاني الصحي طرطوس 162.3
المعهد التقاني الصحي دير الزور 166.5
المعهد التقاني الصحي الحسكة 178
المعهد التقاني الطبي حلب 189.6
المعهد التقاني الطبي اللاذقية 186.5
المعهد التقاني الطبي دمشق 211.2
المعهد التقاني الطبي النبك 191.4
المعهد التقاني الطبي حماه 185.5
وكمان كانت مفاضلة الموازي أعلى من العام مشان يكون عندك علم ....
اذا عندك تكميلية حاولي تشدي منيح و ترتفعي شي 20 علامة ع الاقل حتى تضمني المعهد وأحد اختصاصات يلي بتترفع عالطب
_

أنا أحد الناس متلك سنة الماضية ما قدرت جيب علامات تأهلني للتحضيرية و قررت أدخل هاد المجال و دخلت معهد صحي و اختصيت طوارئ .....
الوضع أبدا مو سهل و المعهد بدو دراسة يومية يعني لا تردي على يلي بقلك انو ادرسي قبل المادة و بترفعيها ....
اذا داخلة لتترفعي لازم تكون عيونك عشرة على عشرة و تعرفي الدكتور كيف عم بفكر مشان تكوني جاهزة لأي سؤال
و طبعا عندك حضور يومي و تسميع و مذاكرتين بالفصل لكل مادة
بالنسبة للواسطة : أنا كتير سمعت هيك و أنو ما رح تترفع إلا اذا كان عندك واسطة بس توكلت على الله و قلت يلي بيتعب بصدق رح يلاقي
و الحمد لله كانت علاماتي كلها فوق 90
و الحمد لله من أوائل المعهد
يعني تعبت كتير حتى وصلت لهون
بالنسبة للفحص في حال ما طلعتي منيحة اول دورة فيكي تشطبي ع الورقة و تتركيها للدورة التكميلية مشان تحسني علامتك ....
يعني بالمختصر الشغلة بدها تعب كتير و صبر
الله يوفقك و يحقق حلمك🌸

#asmaa
@futuredoctorbacalorea

مرحبا..هلا انا طالبة بكالوريا2023 ومسجلة معهد ومبلشين النا فترة منيحة تقريبا من الشهر الاول..فأخدنا كمية منيحة وبلش يصير علي ضغط وتراكم وخصوصا انو جاية المدرسة بعد شهر تقريبا..واكيد في كتيير بالقناة متلي منن مبلشين ومنن لا..فممكن نصائح كيف نبدا المدرسة كيف هلا اللي أهمل شوي الفترة الماضية هلا بدو يرجع يشد..ياترى الفترة الجاية كيف؟ رح يصير علينا ضغط اكتر ولاكيف النظام يعني؟ شوية توضيح للي جايينا هلا كيف نتعامل مع دوام المدرسة اللي اغلبنا رافضينه..شوية تحفيز وانو ياترى رح نلحق اللي راح علينا ولارح يزيد الضغط اكتر الفترة الجاية ورح يصير تراكم علينا..عم فكر حاول أستغل هالشهر خلص التقصير اللي علي لو مو كلو انو قبل المدرسة لانو عندي تصور انو رح ننضغط بس تجي المدرسة ويزيد الإعطاء..وشكرا كتير عنجد عتحملكن النا وعهالقناة الرائعة والله يجزيكن كل خير عن كل طالب ارتفعت معنوياتو وارتاح لما قرأ كلماتكن المحفزة المطمئنة🤍🤍

واسفة اني طولت لكن حاسة حالي ضايعة بين كل هالتراكم هاد وبين طموحاتي العالية اللي واثقة اني رح اوصللا..يعني حاسة لسا قدامي فرصة لكن فرصة صغيرة مو متل الفرصة اللي كانت قدامي قبل ولازم استغلا وبلش بالجد بقا..بس حاسة حالي تأخرت..وشكرا عنجد واسفة عالإطالة لكن لإني بحاجة حدا يسمعني ويرشدني🤍

#الحل ❤️

اهلا وسهلا يا رند
من كلامك واضح إنك شخص طموح ومُصِّر
الله يوفقك يا رب و تحققي يلي ببالك ان شاء الله

لازم تعرفي بالبداية انو البطولة بالبكلوريا مش إنو ما يتراكم عليكِ كم درس.....لأنو بالتأكيد كل طلاب البكلوريا حيمروا بهل عقبة....لكن البطولة بتظهر بكيفية تعاملك مع هالمشكلة
👈في طلاب بتكتئب و بتضل بأرضها وهيك بزيد فوق التراكم تراكم ❌
👈وفي طلاب متلك بيعرفوا انو هالشي طبيعي نصادفوا أحيانا بهل سنة وبكون رد فعلهم مختلف كليا.....
رح أعطيكِ خطة عملية بسيطة لتتجاوزي هالمشكلة وأنتِ مبسوطة👌

حلك بكون بالتنظيم والتخطيط اليومي
يعني قبل ما تنامي حطي #جدول_لليوم_التالي
راعي فيه انك تدرسي الجديد وتراجعي شوي قديم ( على قدر همتك)
صدقيني وجود جدول يومي بحياتك حيعمل فرق كبير كتير....رح تلحقي كل التراكم وتعرفي كتير عن طاقاتك وتنظمي وقتك وتستثمريه بأحسن شكل

#الزبدة : تقبلي مشكلة التراكم و تعاملي معها بالشكل الصحيح (جدول تحطي فيه دراسة الجديد و تقليل التراكم وكمان تراعي اوقات الراحة اكيد)

👈ونعم ببداية السنة الدراسية بصير شوية ضغط (كونه بتزيد موادك) بس طالما عندك جدول مخططة فيه رح تتجاوزي هالضغط عادي

ويُفضل انك تتابعي المادة مع استاذ واحد
مثلا: عم تاخدي رياضيات خصوصي او معهد وامورك ماشية.... خلص ما مهم تكرري مع المدرسة ❌ مشان ما تتشوشي.....

هيك كانت نصيحتي إلك في حال في شي بده توضيح تفضلي وبالتوفيق يا رب


@futuredoctorbacalorea

مبارك من القلب ❤️ أشاوس #السنة_التحضيرية😍

لجنود فريقنا المجهولين من ساعدوكم من وراء الستار و حل مشاكلكم الدراسية و غيرها 😍😍😍😍

عبد الله ١_ عبد الله ٢. طب أسنان 😍🦷
زينب طب بشري 😍🩺


#بناة_المستقبل_نحو_الحلم ❤️

#بناة_المستقبل_نحو_الحلم
#السنة_التحضيرية_الدفعة_الثامنة

مرحبا للكل❤️❤️

💙طلاب السنة التحضيرية الدفعة الثامنة
💙أكيد الكل هلا محتار كيف يبلش وكيف طرق الدراسة وكيف رح يتعامل مع المواد وشو هيي أفضل الطرق للدراسة الصحيحة
💙لهيك ليوم عملنا غروب خاص لطلاب التحضيرية بإشراف دكاترة وطلاب طب بشري🔥🔥
💙 رح يكونو معكن خطوة بخطوة ليعرفوكن أكتر وبالتفصيل عن هي السنة
ويعطوكن من خبرتن وتجربتن بهي السنة🔥🔥

🔴شو رح تقدملكن هالقناة:

✍️شروحات لكافة المواد
✍️تجميعات لكل الفصول للمراجعة
✍️أهم الأفكار الامتحانية
✍️ملاحظات هامة ممكن تورد بأسئلة الامتحان
✍️أتمتات واختبارات لكل المواد
✍️متابعة يومية للرد على جميع الأسئلة والاستفسارات
✍️تعليمات امتحانية هامة
✍️طرق بتسهل عليكن الدراسة

💙رح نكون معكن خطوة بخطوة عالقناة وغروب المناقشة وأي سؤال بيخطر على بالكن فيكن تسألوا بأي وقت❤️❤️

🔴رابط قناة الفريق:
https://www.tg-me.com/+GNKV26vDsWo5NTc8

🔴رابط غروب المناقشة:
https://www.tg-me.com/+9O9D97z0Zz5kZTg8

🔴انضموا للقناة وابعتوا الرابط لرفقاتكن حتى يستفادوا و نبلش بأسرع وقت❤️❤️

بالتوفيق للكل❤️❤️

#من_رسائلكم

انا عندي مشكله بحفظ العلوم

عم يطول معي حفظ

الدرس شو الحل 🥺💔

#الحل

أهلين فيك وشكراً لمشاركتك.
العلوم مادة فعلا بتحتاج حفظ ولكن لابد من الفهم والتصور والتخيل، المشكلة ما دايماً في انك تاخد وقت في الحفظ بس هل انت فعلاً بتحفظ صح؟
بتستفيد؟ ولا الموضوع ماخد وقت على الفاضي؟
في مواد بتحتاج مع الحفظ تركيز كبير فعشان كدا بتاخد وقت زي العلوم، فما تنزعج طالما انت بتستفيد، وعشان تتخلص من الانزعاج دا والقلق اتجاه الوقت البتاخدو معاك المادة، حدد يوم في الاسبوع خاص للمادة، تاخد راحتك فيها وتذاكرها بدون توتر وانت مرتاح، يعني حتى لو أخدت معاك 8ساعات ماوراك شي غيرها.
وباقي الايام تكون لباقي المواد، عشان انت بتكون محدد جزء من المواد في اليوم ومعاهم مادة العلوم فبالتالي بتلقى نفسك أخدت وقت طويل واليوم عدَ وقدامك مواد أكتر فبتنزعج ويبدا التوتر يزيد.
أهم شي نستفاد سواء أخدنا 10دقايق او 10ساعات، وكل انسان بيختلف من التاني في كمية الوقت ال هو بيستهلكو لإنجاز أي شي.
بالتوفيق ليك ان شاء الله
وآسفين على التأخير.




#Baraa_Nasir🩺🌸
@futuredoctorbacalorea