كل الاباريق تسكب عمري فـ كوبك
واخاف تشربني وماعاد تضمّاني !

‏من لايودك صادقٍ لا تودّه
‏ومن لايداري خاطرك لاتداريه

‏القلب يجفل من وجيهٍ مصدّه
‏وانا اشهد ان القلب دليل راعيه

‏وسيلٍ جرى عن مدرجه لاتحدّه
‏جنب وخل السيل يضرب مجاريه

‏ومافات من دنياك صعبٍ مردّه
‏خذلك من الماضي عباره وتوجيه .

انت من غر المزون اللي نشت من قبله
‏ ولا من نور الامل واحلامي الورديه .

" مري شمال كان ودتس تمرين " .

تمر سنين عمري كنّها من سرعها قبل أمس
‏تغيّـر كل شي إلّا أنا عجزت أغيـر شي

‏ذبل ورد وكبر جرح وبكت قمرا وغابت شمس
‏وأنا أردد مصير الحي يا قلبي يشوف الحي .

‏أختفي عن العالم وأنام عشرين ساعه
‏وأتواصل مع الشعر .. والناس ناسيها

‏عندي هواجيس وبقلبي عالمٍ ملتاعه
‏وماعندي كلام واللجّه بصدري راميها

‏تصحصحني الدلّه وصوت خالد وسماعّه
‏وتهديني السجّه عن ناسٍ ماني مدانيها

‏هذي أوضاعي وبالي مدري وش أوضاعه
‏لكن الأكيد .. الناس هذي ما أدانيها .

* يا أغلى شـي جابتـه الايام لـي .

ابتسم وجه الليال الموحشه وأيقنت
‏تفاصيل العمر لولا وجودك مالها قيمه .

‏عسى ذكرياتي في عيونك خفيفة ظل؟
‏عيونك هي اللي لا أزال أستحي منها

‏تشرّه ولا تعذر، ترى ظروفي أخذ وخل
‏مخاوف سنيني (غيبتك) كانت أزمنها
‏

يا ريحة العود / والكاديّ ونبت الزهر
‏يا منبـع الطيب كله يالجنابّ النزيه ♥️.