Таваккул ва қаноат қилиб ҳолига рози бўлган кишига дунёвий нарсалар сўрамаса ҳам келаверади.

(Ҳасан Басрий роҳимаҳуллоҳ)

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

***
Дейсан, қачон ақли расо топилгай,
Эгилган қад учун асо топилгай.
Бир пок қудрат билан яралганки чарх,
Ҳар бир Фиръавн учун Мусо топилгай.

Ғайрат Мажид

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

***
Дилми, гулдан кўнгул узолмагайдир,
Агар шул дард бўлса тузалмагайдир.
Аллоҳ истамаса, неки ғаним бор,
Ўргимчак тўрин ҳам бузолмагайдир.

Ғайрат Мажид

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

Bugun: yakshanba
Hijriy 1443 yil 24 sha'bon
Мelodiy 2022 yil 27 mart

Rabbimiz Alloh yangi kunni butun ummat uchun, jumladan, bizlar uchun ham xayrli, barokatli – muborak ayla!

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

ҲИКМАТ

🌹Ризқнинг даражалари:
🌷Мол-дунё: У ризқнинг энг паст даражасидир.
🌷Саломатлик: У ризқнинг энг олий, юқори даражасидир.
🌷Фарзандлар салоҳияти: У ризқнинг афзалидир.
🌷Роббул аламийн- Аллоҳ таолонинг розилиги: У энг мукаммал, тамомий ризқдир.

Шаъровий раҳимаҳуллоҳ

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

✒️Кўп кулишни тарк этганга ҳайбат берилади.
✒️Кўп гапиришни тарк этганга ҳикмат берилади.
✒️Кўп емоқни тарк этганга ибодат лаззати берилади.
✒️Дунё муҳаббатини тарк этганга охират лаззати берилади.

Умар розияллоҳу анҳу

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

Аввал, ўз нафсингга, насиҳатли бўл, кейин бошқаларга насиҳат қил.

Али розияллоҳу анҳу

«Ҳикматлар – саодатга етаклар» китобидан

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

РАМАЗОН ЯҚИН...

Рўзанинг таърифи, унинг турлари, шартлари, ҳукми, Кимларга вожиб бўлиши, дуруст бўлиш шартлари, рўзани бузувчи амаллар, каффорат, рўзани бузмайдиган амаллар ва унинг макруҳлари ҳамда суннатлари ҳақида.

1) Рўзанинг таърифи нима?
«Рўза» деб луғатда бир нарсадан ўзини тийишга айтилади.
Шариатда эса тонг отгандан то қуёш ботгунга қадар Аллоҳ таолога ибодат қилишни ният қилган ҳолда емоқ, ичмоқ ва жимоъ қилмоқ(жинсий алоқа)дан тийилмоқдир.

2) Рўза неча турга бўлинади?
Уч турга бўлинади:
а) фарз рўза;
б) вожиб рўза;
в) нафл рўза.

3) Фарз рўза қандай рўза?
Фарз рўза Аллоҳ таоло томонидан қатъий буюрилган бўлиб, у икки турга бўлинади:
а) Муайян (маълум вақтга тайинланган) фарз рўзаси. Бунга Рамазон рўзаси мисол бўлади. Чунки бу рўза Рамазон ойига тайин қилинган.
б) Муайян бўлмаган фарз рўзаси.
Масалан, каффорат ва Рамазоннинг қазо рўзаси.

4) Вожиб рўза неча турга бўлинади?
Икки турга бўлинади.
а) Муайян (маълум вақтга тайинланган) вожиб рўзаси.
Масалан, муайян назр рўзаси. Бир киши шу ҳафтанинг пайшанба куни рўза тутишни назр қилдим деса, муайян назр рўзани ният қилган бўлади. Чунки у назр рўзани пайшанба кунга тайин қилди.
б) Муайян бўлмаган вожиб рўза.
Масалан, муайян бўлмаган назр рўзаси.

Бир киши бир кун рўза ту тишни назр қилдим деса, муайян бўлмаган назр рўзани ният қилган бўлади ва қайси кунда бўлса ҳам тутса бўлади.

5) Нафл рўза неча турга бўлинади?
Нафл рўзаларнинг барчаси бир турлидир.

6) Бизга қайси рўза фарз?
Бизга Рамазон ойидаги рўза фарз.

7) Фарзлигининг далили нима?
Аллоҳ таоло шундай марҳамат қилади: «Эй иймон келтирганлар! Сизлардан аввалгиларга фарз қилинганидек, сизларга ҳам рўза фарз қилинди. Шоядки, тақво қилсангиз». (Бақара сураси 183-оят).

«Рамазон ойи унда одамларга ҳидоят ҳамда ҳидояту фурқондан иборат очиқ-ойдин ҳужжатлар бўлиб, Қуръон нозил қилинган. Сизлардан ким бу ойда ҳозир бўлса, рўзасини тутсин».

«Расулуллоҳ соллаллоҳу алайҳи ва саллам: «Ислом беш нарса устига бино қилинган: «Лаа илааҳа иллаллоҳу, Муҳаммадур Расулуллоҳ» деб шаҳодат келтириш, намозни тўкис адо этиш, закот бериш, ҳаж қилиш ва Рамазон рўзасини тутиш», дедилар». Имом Бухорий, Муслим, Термизий ва Насоий ривоят қилган.

8) Рўза тутиш вақти қачон?
Субҳи содиқ(тонг отган)дан то қуёш ботгунча.

9) Бир киши ҳали тонг отмади деган гумон билан саҳарлик қилса-ю, тонг отган бўлса ёки қуёш ботган деган гумон билан ифторлик қилса-ю, қуёш ботмаган бўлса, нима қилади?
Ўша кунги рўзасининг қазосини тутади, каффорат бермайди. Чунки у қасддан емади.

10) Бир киши тонг отган-отмаганлиги ҳақида шакка тушса, нима қилади?
Емаслиги афзалроқдир. Бордию еса, бироқ тонг отганидан кейин еганига аниқ ишонч ҳосил қилмаса, рўзаси тугал бўлади. Кейин қазосини тутиб қўяди.

11) Рўзаниг шартлари нималар?
Рўзанинг шартлари уч турли бўлади:
1. Рўзанинг вожиб бўлиш шартлари.
Улар:
а) Мусулмон бўлиш.
б) Ақлли бўлиш.
в) Балоғатга етган бўлиш.
2. Рўзани адо этишни вожиб қиладиган шартлар.
а) соғлом бўлиш.
б) муқим бўлиш, яъни сафарда бўлмаслик.
Агар соғлом ёки муқим бўлмаган киши ҳам Рамазон рўзасини тутса, рўзаси ўтади. Лекин унга рўза тутиши фарз эмас. Соғайганидан кейин ёки сафардан келгач, Рамазондан бошқа кунларда тутиб берса ҳам бўлади.
3. Рўзанинг адо бўлиш шартлари.
а) ният;
б) ҳайз ва нифосдан пок бўлиш;
в) рўзани бузадиган амаллар содир бўлмаслиги.
Агар киши рўзани ният қилмаса ёки аёл киши ҳайз ва нифосдан пок бўлмай рўза тутса, рўзаси адо бўлмайди, яъни ўтмайди.

12) Рўзанинг нияти нима?
Қалби билан рўза тутишни қасд қилмоқ ёки саҳарлик учун уйғонишни азму қарор қилишдир. Тил билан талаффуз қилиш шарт эмас. Балки у суннатдир.

"Ҳанафий фиқҳидан савол-жавоблар" китобидан.

Эслатинг! Зеро, эслатма мўъминларга манфаат етказур. (Зориёт сураси 55 оят).

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

***

Синглим,
Омонмисан,
Юрибсанми тинч,
Мен ҳамон йўлдаман, тугамайди йўл.
Қийналсам ичимга ютаман дардни,
Қийналган кишига узатаман қўл.

Тилин биласизми гулу тошларни,
Ёруғ саволларга кўмардинг буткул.
Менинг ўйларимга нима бўлдийкин,
Сенинг хаёлларинг сўлим атиргул.

Отам оқ халатни устига ташлаб,
Умид бағишларди ҳар хаста жонга.
Уни ўхшатардик ўзи сўйлаган
Эртакларидаги зўр қаҳрамонга.

Онамни эслайман, оппоқ саҳарда –
Қаймоқмас, оқ тонгни берарди бизга,
Қанийди шундайин пок бўлса олам,
Аммо хаёл – ўзга,
Бу ҳаёт – ўзга.

Дунё ишларига тушунмай гоҳо
Юракка кўмилган қанча ҳасрат, доғ.
Чин дўст орзулари кўнглимда мудом,
Мушкул иш бўлса ҳам дўст топиш, бироқ.

Дунё эски қўшиқ, ғариб қўшиқдир,
Шартми уни такрор қилмоқ овоза.
Синглим, ғуборларга тўлиқ бу олам,
Сенинг ўйларингдан олсин андоза.

Синглим,
Омонмисан,
Юрибсанми тинч,
Мен ҳамон йўлдаман, тугамайди йўл.
Қийналсам ичимга ютаман дардни,
Қийналган кишига узатаман қўл.

Ғайрат МАЖИД

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

Bugun: juma
Hijriy 1443 yil 29 sha'bon
Мelodiy 2022 yil 1 aprel

Rabbimiz Alloh yangi kunni butun ummat uchun, jumladan, bizlar uchun ham xayrli, barokatli – muborak ayla!

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

***
Айтгин, мужгонимда мавжланган шабнам,
Кўзимда юрагим қуёшдай балқир.
Мен ҳали боламан, мен ёш боламан,
Мени ёмон кўриб бўлмайди, ахир!

Шафқатни билмайди дунёйи беҳис,
Муҳаббат бечора, муҳаббат сағир.
Сенинг руҳинг наргис, вужудинг наргис,
Мени ёмон кўриб бўлмайди, ахир!

Қирққизда қирқта гул бепарво ухлар,
Руҳимда гуллаган бир исм тақдир.
Кўзимда аҳли кул тебраниб йиғлар,
Мени ёмон кўриб бўлмайди, ахир!

Дил – жомда товланган атиргулдай ол,
Менинг ҳаётимдан сўйлайди чоғир.
Хазонларни кўкка учирган шамол,
Мени ёмон кўриб бўлмайди, ахир!

Билмайман, чулдираб сўйладим нени,
Бу не ҳолатдирки, кўнглумда содир.
Аслида менимас, аслида сени...
Сени ёмон кўриб бўлмайди, ахир!

Ғайрат МАЖИД

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

Bugun: shanba
Hijriy 1443 yil 1 ramazon
Мelodiy 2022 yil 2 aprel

Rabbimiz Alloh yangi kunni butun ummat uchun, jumladan, bizlar uchun ham xayrli, barokatli – muborak ayla!

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

МАРҲАБО ШАҲРИ РАМАЗОН

Меҳрибон, Раҳмли Раҳмонга салом,
Ҳабиби – хуршиди жаҳонга салом,
Нозили ҳам хатми Қуръонга салом,
Марҳабо, марҳабо шаҳри Рамазон.

Саҳрода сув топмай чанқаган каби,
Сен оби ҳаётсан, кўнглим матлаби,
Дийдорга етказди умр маркаби,
Марҳабо, марҳабо шаҳри Рамазон.

Ҳаққа етиб борсин, зор юрак оҳи,
Ҳузури олийда аён гуноҳи,
Ўзинг васила бўл, ойларнинг шоҳи,
Марҳабо, марҳабо шаҳри Рамазон.

Эй тоза сакинат, раҳмат айёми,
Саховат, қаноат, тоқат айёми,
Имтиҳон, итоат, тоат айёми,
Марҳабо, марҳабо шаҳри Рамазон.

Покиза илмдан маърифат ҳосил,
Жоним эгасидан муҳаббат ҳосил,
Тавба айлаганга мағфират ҳосил,
Марҳабо, марҳабо шаҳри Рамазон.

Холис Аллоҳ учун кимки рўзадор,
Ўт-олов – азобдан, унга парда бор,
Етти юз савобдан ҳар дил умидвор,
Марҳабо, марҳабо шаҳри Рамазон.

Кўнглимни ошиқ қил, айла мўътабар,
Маҳшарда, Ўзинг бер, Раййондан хабар,
Кўзим оч, мисоли “Мазоғ ал басар”*,
Марҳабо, марҳабо шаҳри Рамазон.

Меҳрибон, Раҳмли Раҳмонга салом,
Ҳабиби – хуршиди жаҳонга салом,
Нозили ҳам хатми Қуръонга салом,
Марҳабо, марҳабо шаҳри Рамазон.

Ғайрат МАЖИД

* “Нажм” сураси, 17-оятдан. Оят мазмуни: Нигоҳ бурилмади ҳам, ҳаддидан ошмади ҳам. Тафсири: Муҳаммад алийҳиссаломнинг нигоҳлари бурилиб, меърожда ортиқча нарсаларни кўрганлари йўқ. Шунингдек, ҳаддиларидан ошиб, амр бўлмаган нарсаларни ҳам кўрганлари йўқ.
Шайх Муҳаммад Содиқ Муҳаммад Юсуф. “Тафсири Ҳилол”. Тошкент – 2007.

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

МУБОРАК РАМАЗОН ОЙИНИ
ҚАНДАЙ ЎТКАЗАМИЗ?

Бисмиллаҳир-Роҳманир-Роҳийм.

1. Рамазон – Қуръон ойи. Бу муборак ойда бир марта хатми Қуръон қилиш суннатдир. Аввало бу ойни Қуръон ўқиш билан ўтказамиз
– Қуръони каримни ўқишни билганлар Китоб юзидан ўқиб хатми Қуръон қиладилар.
– Ўқишни билганлар ҳам, билмаганлар ҳам (эркаклар) масжидларда таровиҳ намозида имомга эргашиб, хатми Қуръон қиладилар.
– Аёллар ўқишни билган ўғил-қизлари, умр йўлдошлари, ака-ука, опа-сингиллари ва бошқа яқинларига Қуръонни ўқитиб, ўзлари сомеъ бўлиб (эшитиб) хатми Қуръон қиладилар.

2. Таровиҳ намозини (20 ракъат) канда қилмаймиз.

3. Севикли Пайғамбаримизга (соллаллоҳу алайҳи ва саллам) салавот айтишни кўпайтирамиз. Аллоҳ таоло марҳамат қилади (Аҳзоб сураси, 56-ояти маъноси): “Дарҳақиқат, Аллоҳ ва Унинг фаришталари Пайғамбарга саловот айтурлар (шарафини юксалтиб, шонини улуғлаб ёд этурлар). Эй иймон келтирганлар! Сизлар ҳам у зотга (тўлиқ таслимият билан) салоту салом йўлланглар!”

Расулуллоҳ соллаллоҳу алайҳи ва саллам айтадилар: «Қиёмат кунида инсонларнинг менга энг яқини менга энг кўп салавот айтганидир» (“Сунани Термизий”, 352-боб, 484-ҳадис).

– Ер юзидаги саккиз миллиард инсоннинг саноғича саловот айтамиз ва тўпланган саловотлар саноғини ушбу манзилга юбориб турамиз: Телеграм рақами: +99897 755 55 51 Жамшидхон Насриддинов.

– Энг афзал саловот: «Аллоҳумма солли ъало Муҳаммадин ва ъало оли Муҳаммад, камо соллайта ъало Иброҳийма ва ъало оли Иброҳийм, иннака Ҳамийдум-Мажийд. Ва борик ъало Муҳаммадин ва ъало оли Муҳаммад, камо борокта ъало Иброҳийма ва ъало оли Иброҳийм, иннака Ҳамийдум-Мажийд» («Саҳиҳи Бухорий», 4797; «Сунани Термизий», 351-боб, 483-ҳадис)

– Яхши саловот: «Аллоҳумма солли ъало Муҳаммадин-ин-Набий¬йил-умиййи ва ъало оли Муҳаммад» (Абу Довуд, “Салот”, 183\981); Аҳмад ибн Ҳанбал, IV.119).

– Қисқа саловот: «Аллоҳумма солли ва саллим ва борик ъало сай¬йидино Муҳаммадин ва ъало олиҳи ва соҳбиҳи ажмаъийн» (“Ал-адъийатул-воридату фил-ойотил-каримати вал-аҳодисиш-шарифаҳ”, 149-с).

– Энг қисқа саловот: «Аллоҳумма солли ъало саййидино Муҳаммадин ва ъало оли саййидино Муҳаммад».

3. Кечаси ётишдан олдин хуфтон (фарзи, суннати), таровиҳ ва витр намозидан ташқари камида (икки ракъатдан) тўрт ракъат намоз ўқишни одат қиламиз. Кимки шундай қилса, унга бутун кеча ибодат қилганнинг савоби ёзилади. Фаришталар уни тонггача дуо қилишади. Шайтон унга яқин йўлай олмайди. Агар ўлса, иймонли ўтишига сабаб бўлади (Маҳмуд Асъад Жўшон ҳазратлари).

4. Таҳажжад намозининг фазилати: “Қиёми рамазон – рамазонни турғизиш уйқудан олдин ўқиладиган нафллар, яъни таровиҳлардир. Қиёми лайл – кечани иҳё қилиш эса йил бўйи ўқиладиган таҳажжуд намозларидир. Таровиҳ намозларини ўқиса, рамазон кечаларини бедор ўтказганлик савобини топади, таҳажжуд намозларини ўқиса, кечани бедор ўтказганлик савобига эга бўлади”( Шайхул-ҳадис Саъид Аҳмад Полонпурий, “Туҳфатул-алмаъий).

5. Имкон борича (кечаси имкон бўлмаса, кундузи) тасбиҳ намози ўқиб борамиз. Тасбиҳ намози фазилати: Инсоннинг гуноҳлари (қумлари энг кўп бўлган) Олиж (қумтепаси) қумларининг саноғича бўлса ҳам, Аллоҳ кечиради (“Сунани Термизий”, 482-ҳадис).

6. Ҳар кун Қуръони карим маънолари таржимаси “Файзул-Фурқон”дан бир пора (ёки икмон бўлса 2-3 пора) ўқиб боришга ҳаракат қиламиз.

7. Имкони бор киши Рамазон ойининг охирги ўн кунлигида масжидда (ўн-кеча-кундуз тўлиқ) эътикоф ўтиради.

8. Энг хайрли амал инсонларга манфаат етказишдир: ота-онанинг хизматини қилиб, дуосини олиш; қавм-қариндошларни йўқлаш, беморлар ҳолидан хабар олиш, муҳтожларга қарашиш, инсонларга ва жонворларга шафқатли бўлиш, дуони кўпайтириш, жамиятга фойда етказиш.

Аллоҳ таоло рамазон ойингизни ва бутун умрингизни файзу баракотга тўлдирсин!

Фақир Мирзо Кенжабек.

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

Bugun: yakshanba
Hijriy 1443 yil 2 ramazon
Мelodiy 2022 yil 3 aprel

Rabbimiz Alloh yangi kunni butun ummat uchun, jumladan, bizlar uchun ham xayrli, barokatli – muborak ayla!

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

ИШОНЧ

Исҳоқ ибн Ибод Басрий айтади:
"Бир куни туш кўрдим. Тушимда бир киши менга: "Қийналган кишига ёрдам бер!", деди. Туриб уйдагиларга: "Қарангларчи, қўшнилар ичида муҳтожи борми?", дедим. Улар: "Йўқ", дейишди. Мен эртаси ҳам шунақа туш кўрдим. Тушимда бир овоз: "Қийналганга ёрдам бермасдан ётаверасанми?!", деди. Туриб хизматкоримга: "Отни эгарла!", дедим. Ўзим билан 300 дирҳам олдим. Сўнгра отни миниб жиловини қўйиб юбордим. От мени бир масжидга олиб борди. У ерда жаноза намози ўқилаётган экан. Отим ўша ерда тўхтади.
Масжидда бир кишининг намоз ўқиётганини кўриб қолдим. Намоз вақти эмас эди. У мени кўриб олдимга келди. Мен ундан сўрадим:
- Бу пайтда, бу жойга сени чиқишга нима мажбур қилди?
У деди:
- Мен сават тўқийдиган ҳунармандман. 100 дирҳам сармоям бор эди. У қўлимдан кетиб яна 200 дирҳам қарз бўлиб қолдим.
Мен чўнтагимдан 300 дирҳамни чиқариб унга бердим ва сўрадим:
- Мени танийсанми?
У:
- Йўқ, деди.
Мен дедим:
- Мен Исҳоқ ибн Ибод бўламан. Муҳтож бўлиб қолсанг менинг олдимга бор. Сенга ёрдам бераман. Уйим фалон жойда.
У деди:
- Аллоҳ сизга раҳм қилсин! Бошимга кулфат тушса сизни шу пайтда уйингиздан чиқариб менинг олдимга олиб келган Зотга мурожаат қиламан!

Мен ўзимга "Аллоҳга бўлган ишонч қандай гўзал!", дедим".

Имом Байҳақий роҳимаҳуллоҳнинг "Шуъабул иймон" китобидан.

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•

Садақасини яширган киши

Бир куни Расулуллоҳ саллоллоҳу алайҳи ва саллам саҳобаларга етти нафар Аршнинг соясидан жой оладиган тоифа ҳақида гапирдилар. Улар орасида яширин садақа қиладиган, ўнг қўли берган садақани чап қўли билмайдиган киши ҳам борлигини айтдилар.
Зайнул Обидин роҳимаҳуллоҳ кечалари фақирларникига садақа ташир эдилар. Уни фақирлар, бевалар, мискинларнинг уйлари эшиги олдида қўйиб кетар, фақирлар уни ким ташлаб кетганини билмасдан қолишар эди. Зайнул Обидин роҳимаҳуллоҳ бу ишларни ўзи қилар, бу ишларга ходим ёки дўстини жалб қилмас эди. Буни ҳеч ким билмаслигини мақсад қилган эди. Узоқ йиллар шундай бўлиб қолди. У зот вафот қилганида уни ювган кишилар унинг елкаларида кўтарган қопларининг изларини кўришди. У вафот қилиши билан ҳалиги фақир, мискин ва беваларникига нарса бормай қўйди. Шундан билишдики, бу ишларни Зайнул Обидин қилар экан.

•┈┈• ❀ 🌷☘️🌷 ❀ •┈┈•
Kanalimizga a'zo bo‘ling va do‘stlaringizga ulashing. 👇👇👇
www.tg-me.com/gayratmajidijodi
•┈┈• ❀ 🌷☘️🌷 ❀ •┈┈•