Сунъий интеллект иқтисодиёт, таълим ва бошқарув тизимига тобора кўпроқ таъсир кўрсатмоқда. ICT Week Uzbekistan доирасида мутахассислар технологиялар тараққиётида ахлоқ меъёрлари ва шаффофлик тамойили сақланиб қолиши учун давлат сиёсати қандай бўлиши кераклигини муҳокама қилди.

https://www.gazeta.uz/uz/2025/10/23/ai-strategic-future/

Telegram | Instagram | YouTube

Олий суд болани зўрлагани учун 16 йилга қамалган эркакни манзил-колонияга ўтказиш тўғрисидаги қарор қонунчиликнинг эски таҳрири доирасида қабул қилинганини маълум қилди. Болалар омбудсмани нормаларни кучайтириш таклифини билдирди. Ҳуқуқ ҳимоячиси эса «қонундаги бўшлиқлар»га эътибор қаратди.

https://www.gazeta.uz/uz/2025/10/23/akhangaran-case/

Telegram | Instagram | YouTube

17 октябрда Хитойнинг Уху шаҳрида 2025 йилги Chery фойдаланувчилари саммитининг марказий тадбирларидан бири бўлган Chery бренди оқшоми бўлиб ўтди (реклама).

https://www.gazeta.uz/uz/2025/10/23/adm-global/

Глобал муаммоларга қарамай, Ўзбекистон ишончли иқтисодий ўсишни намоён этмоқда, деди бош вазир ўринбосари Жамшид Қўчқоров. 2025 йилга бориб мамлакат ялпи ички маҳсулоти 7 фоизга ўсиши, аҳоли жон бошига тўғри келадиган ялпи ички маҳсулот эса 3500 доллардан ошиши кутилмоқда.

https://www.gazeta.uz/uz/2025/10/23/gdp-inflation-uzb/

Telegram | Instagram | YouTube

Россиянинг Красноярск ўлкасида 3 ўзбекистонлик Норильск шаҳрига ноқонуний кириб боргани учун қўлга олинди. Улар бу шаҳарга ошпазлик қилиш учун борган. Ватандошлар жарима тўлайдиган ва депортация қилинадиган бўлди. Норильск чет элликлар кириши тартибга солинган ҳудудлардан ҳисобланади.

https://www.gazeta.uz/uz/2025/10/23/norilsk/

Telegram | Instagram | YouTube

Ўзбекистон 2030 йилга келиб BBB+ инвестицион кредит рейтингига эришиш ва 2028 йил охиригача 29 та энг йирик давлат компаниясини хусусийлаштиришни якунлашни мақсад қилган. Йил охиригача давлат корхоналари ва банкларни хусусийлаштириш бўйича 2026−2030 йилларга мўлжалланган стратегия қабул қилинади.

https://www.gazeta.uz/uz/2025/10/23/credit-ranking/

Telegram | Instagram | YouTube

Долларнинг расмий курси кўтарилди

Марказий банк 24 октябрдаги хорижий валюталарнинг сўмга нисбатан расмий курсини эълон қилди.

Унга кўра, 1 АҚШ доллари 28,04 сўмга қимматлаб, 12 129,33 сўм этиб белгиланди. Евро ва рубль курслари ҳам ошди.

Telegram | Instagram | YouTube

Ўзбекистон Миллий банки Жиззах вилояти Зомин туманидаги узунлиги 2 102 метр бўлган «Зомин» дор йўли лойиҳаси бўйича ҳамкорликни таклиф этади (реклама).

https://www.gazeta.uz/uz/2025/10/23/nbu-zomin/

Европа Иттифоқи навбатдаги санкциялар пакетини маъқуллади. Унда Қозоғистон, Қирғизистон ва Тожикистондаги банкларга ҳам санкция қўлланилди. Хусусан, рўйхатга ВТБ-Қозоғистон, «Душанбе Сити банк», «Спитамен банк» ҳамда Қирғизистондаги Евроосиё жамғарма банки киритилган.

https://www.gazeta.uz/uz/2025/10/23/sanctions/

Telegram | Instagram | YouTube

Ўзбекистон молия тизими башорат қилиш мумкин бўлган муҳитга томон силжимоқда, Марказий банк эса асосий ставкани «бозор учун аниқ ва ишончли сигнал»га айлантириш ниятида. Яқин келажакда исломий банкинг тўғрисидаги қонунни қабул қилиш ва муддатли тўлов бозорини тартибга солиш режалаштирилган.

https://www.gazeta.uz/uz/2025/10/23/bank-sector-uzbekistan/

Telegram | Instagram | YouTube

АҚШ президенти Дональд Трамп Будапештда Россия етакчиси Владимир Путин билан яқин икки ҳафта ичида бўлиб ўтиши кутилаётган саммитни бекор қилди. Трампнинг айтишича, у учрашувда «керакли натижага эришишига» ишонч ҳосил қилмаган.

https://www.gazeta.uz/uz/2025/10/23/trump-putin/

Telegram | Instagram | YouTube

Тошкентда «Табассум» инклюзив устахонаси каттароқ масштабда иш бошлади. Устахона 20 кишига мўлжалланган бўлиб, аутизм ва Даун синдроми бор ёшларнинг ҳунар ўрганиб, жамият ҳаётида фаол иштирок этишига кўмаклашади. У ерда кулолчилик, тикувчилик, шам ва совун тайёрлаш кабилар ўргатилмоқда. Репортаж.

https://www.gazeta.uz/uz/2025/10/23/tabassum/

Telegram | Instagram | YouTube

Хитойнинг PetroChina, Sinopec, CNOOC ва Zhenhua Oil давлат нефть компаниялари санкциялардан хавотир туфайли ҳеч бўлмаганда қисқа муддатга денгиз орқали Россия нефтини сотиб олишни тўхтатди, деб ёзмоқда Reuters. Хитой денгиз орқали кунига 1,4 млн баррелга яқин Россия нефтини импорт қилади.

https://www.gazeta.uz/uz/2025/10/23/china/

Telegram | Instagram | YouTube

Шавкат Мирзиёевнинг Брюсселга ташрифи чоғида Ўзбекистон ва Европа Иттифоқи ўртасидаги муносабатларда янги фундаментал ҳужжат — Кенгайтирилган шериклик ва ҳамкорлик тўғрисидаги битим имзоланиши режалаштирилмоқда. Gazeta янги келишув амалдагидан нимаси билан фарқ қилишини тушунтиради.

https://www.gazeta.uz/uz/2025/10/23/epca-eu/

Telegram | Instagram | YouTube

Сентябрь бошида Сурхондарё ва Қашқадарёдаги 100 та мактаб учун алоҳида автобус қатновлари йўлга қўйилгани маълум қилинганди. Gazeta ўрганишларига кўра, Сурхондарёдаги белгиланган мактабларнинг ўқувчилари автобуслар эмас, балки Damas’ларда ташиляпти. Шунда ҳам бу ишлар тўлақонли ташкил этилмаган.

https://www.gazeta.uz/uz/2025/10/23/school-bus/

Telegram | Instagram | YouTube

Ўзбекистонда 2025 йилнинг январь-сентябрида асосий капиталга 443,6 трлн сўмлик инвестициялар ўзлаштирилди — ўтган йил шу давридан 15,2% кўп. Ўсиш суръати биринчи яримйилликдагидан уч карра юқори бўлган бўлса-да, кўрсаткич деярли 39% ошган ўтган йилдагидан сезиларли даражада паст.

https://www.gazeta.uz/uz/2025/10/23/investments/

Telegram | Instagram | YouTube

Тошкентда йигит тўйдан олдин ўзи куёв бўлаётган оиланинг уйини алдов йўли билан сотиб юборди. У қизнинг уйини гаровга қўйиб туришини айтиб, уни бошқа фуқарога 240 000 долларга сотиб юборган. Ҳолат юзасидан жиноий иш очилиб, суд жараёнлари олиб борилмоқда.

https://www.gazeta.uz/uz/2025/10/24/firibgarlik/

Telegram | Instagram | YouTube

Ўзбекистонда 22 октябрь ҳолатига кўра қуёш ва шамол электр станциялари томонидан 2025 йилда ишлаб чиқарилган электр энергияси 9 млрд кВт·соатга етди. Бу бутун 2024 йилда шундай станцияларда ишлаб чиқарилган қувватдан деярли 2 карра кўп.

https://www.gazeta.uz/uz/2025/10/24/green-energy/

Telegram | Instagram | YouTube

Марказий банк бошқаруви асосий ставкани ўзгаришсиз — 14 фоиз даражасида сақлаб қолди. Йил якуни бўйича инфляция прогнози пасайиш томонга қайта кўриб чиқилган ва 8 фоиз атрофида шаклланиши кутилмоқда.

https://www.gazeta.uz/uz/2025/10/24/rate/

Telegram | Instagram | YouTube

Ўзбекистонда 2026 йилдан янги қурилаётган турар жой мажмуалари номлари давлат тилида — ўзбекча бўлиши талаб этилади. Шунингдек, объект паспорти, пешлавҳа ва қурилиш майдони тўсиқларидаги бошқа ёзувлар давлат тилида бўлиши, унга оид реклама ва эълонларда ўзбекчадан фойдаланиш мажбурий бўлади.

https://www.gazeta.uz/uz/2025/10/24/uzbek-language/

Telegram | Instagram | YouTube