لحن (ساعة سفر)
بصوت
ملا صادق هاشم
بغداد

((ايام الاميره))


كــــان ماكان المــخيم بيّ فراشات الزجيه
كان كل وحده اميره هسه كل وحده سبيه
لا مخــيم لا أمـــيـره
هسه عالهزله اسيره ...

"""""""""""""""""""""""""""""""""""''''''''''

گبل اذكر عدنه خيمه معلگه بيها شيلةّ أمي
جماغ ابوي وسيفه بيها حسين والعباس يمي
وعباس إيســــــير لَيه
وتگعد بــعــيونه رقيه
وينشدني عن احوالي
بمتنه مـــشمر الچفيه

بجالك مأمنه يغاتي وحيل مرتاحه بوجودك
برايتك خويه آنه اشوفك وبالعمود معلگه جودك
جنت عالوادم چبيره
هسه عالهزله اسـيره ...

"""""""""""""""""""""""""""""""""""''''''''''

گبل خيمتنه چبيره بيها اخوي حسين گاعد
وبيها عون وليدي واگف ينضر الخاله ويشاهد
بســكته ومـن يحــاچيني
يمــه يگــلي وضَـيّ عيني
خـــــالي لو رايد روحـــي
أنطي روحي ويه اسنيني

عفيه بعد امك وتسلم يا بزر روحي العفيفه
سهري ماضاع اعله مهدك ادري بروحك شريفه
حالي ما حال بنظيره
هسه عالهــزله اسيره ...

"""""""""""""""""""""""""""""""""""''''''''''

ليله والأكبر يجولي وتلتم أعليه خواته
يگلي عمه وآنه اصفن تطلع العمه بحلاته

وايــديّ يجــرها يــقبلها
بعــطره الخـيمه يجملها
ويبوس عيـــوني وراسي
وحتــى الشــيله يعــدلها

وآنه احبنه اعله خده روح ابو الحسنين عده
يشبه بكلشي محمد وطالع بكلشي أعله جده
وجمره ماعندي سعيره
هسه عـــــالهزله اسيره ...

"""""""""""""""""""""""""""""""""""''''''''''

رمله والعريس جاسم الگعده وياهم طويله
نـذكر ايــام الـمــدينه ونــذكر ايــام الـعـليله

ودت يمــــته ونتلاگه
نـــقرا بعــبره الخناگه
ودت ياعــــمه شلونچ
حسين وموتني فراگه

وجاسم ينشف دمعتي يگول هلبت نرجعلها
لو تشوف الضعن عمه يخفف أعليها حملها

والزمن بث بهجـيره
هسه عالهزله اسيره ...

"""""""""""""""""""""""""""""""""""''''''''''

والرباب تمر عليه والطفل بچفوفي اشيله
اباب خيمتنه ابو فاضل وآنه ارگض من اجيله
يدنگ من ينضر طولي
خويه يگلي وبس گولي
خــدامـــچ آنـــــه وأمي
وخــوانچ يمــــچ ذولي

خويه خاف تروح عيني انتي فص عيني وضواها
خويه خاف تروح روحي انتي روحي ومحتواها
وخلصــت ايام الأميره
هـسه عــالهزله اسيره ...


عبد زينب
محمد الابراهيمي

لحن(ايام الاميره)
بصوت
ملا خالد الفيصل
بصره

((ياحلم))


ياحـلم دوم اعــله رمشي
بيا درب هسه انته تمشي
الشوفه منك تسوه كلشي

جرح يتبــع جرح أبدي الشوفتك
وأعيش آنه بأمل أحصل نضرتك

أنه مناطر مـن مهدي
لحد جرحي وبالحدي
أنـــــه الأندب يامهدي .. يامولاي

يامولاي .. يامولاي

"""""""""""""""""""""""""""""""""""''''''''''

هسه ويــن انته يواحد
بكربله يالمهدي گاعـد
بعينك شتنضر مشاهد

طفل ميت عطش ويذبحه حرمله
صدر شابع سحگ شتشوف بكربله

تضن انسه لا شنــسه
وأنه احسبلك بالهسه
يدين عيونك اتحرسه .. يامولاي

يامولاي .. يامولاي

"""""""""""""""""""""""""""""""""""''''''''''

يا وحيد ودنيا حــيره
والنضر ألمـن تـــديره
وتنضر العمتك أسيره

سبي وسوط ورمح وفواطم عالهزل
دمـه تبچي الصبح اذا تسمع حبـــل

الك جرحك يبـرالك
صحت جدي يعيالك
وأنه الــذنبي چـاتلك .. يامولاي

يامولاي .. يامولاي

"""""""""""""""""""""""""""""""""""''''''''''

جرحك اتشده بدمعتك
عالهزل طـالت صفنتك
للحبـل تطـــلع حسرتك

يمهـــدي بيا صبر عمـر شيب ومحن
عمر راح بحزن الصواني ابن الحسن

شمع جاسـم والحنه
وعلي الاكبر والـونه
العمر يرجع شتضنه .. يامولاي

يامولاي .. يامولاي

عبد زينب
محمد الابراهيمي

لحن (ياحلم)
بصوت
ملا حسين الحلفي
ناصريه

مولاتي العقيله ع

مشونة...
وضهر الهزل مو لختك ايلوگ!!!
وحادي الضعينة اتوسط السوگ!!!
والتمت الشمات عالنوگ!!!!مشونه
**
امن ابعيد اصد يابا الفضل.....بلا راينه اولا رايه
الجمال صاح اتگربو..........حاجات عدنة هواية
يالشام ياهو اليشتري.......شمعة عرس ومراية
من ياخذ احلام الحسن....وايبچي رملة بهاية
**
بچوني!!!
وكدامي باعو سبحة الطين!!!
الذكرة الوحيدة امن ام الحسين!!!
أوين التفكدة العين مبيوگ!!!
*
ماسولفتلك من شفت.......دمع الرباب ايلالي
واحد تعامل عالمهد.... من يمهة صاحت غالي
گلولة شيال الرمح....بي حوبة حضني الخالي
ذبحو دللول الولد...............مدري انذبح دلالي
*
حاجوني!!!!
شجاب الرمح للروس الازغار!!!
عبد الله وينه اوين الاحجار!!!
راح امن ادية اليسوة الطلوك!!!
*
ماندري دولاب الوكت...........لا وين يفتر بينه
اخلاف الترفرف عالخدر.........دخانة التغطينه
السلاب من كض رايتك.....دارلنه طارف عينة
وكلما اينزل بالسعر.......تنزل دموع اسكينة
**
دولابي!!
غربة وسبي ومجتوفة اذراع!!!
وكل ذكرباتي الحلوة تنباع!!!
جفك وكع وانفكت حلوگ!!!
*****
الجمال يندل الجرح..........يعرف غلاتك عندي
علگ الجود اعلى الرمح..... جودك لهسة ايندي
يمد ايدة يترسهة ويرد.........يم الضعينه ايبدي
وكلساع افرفرح لك عتب..اوصل وصاحو ردي
**
هاخوية!!!
اسياط الدرب من راسك وجاي!!!
وبنضرة عيونك حچي هواي!!!
لا تحچي نحرك خوية مخنوگ!!!
**
كل ذكرياتي اطشرن...........راحن شوية شوية
تكثر دراهمهم وانه...........ايكثرن اجروح البية
وآخر البيش امن انحجت....لجمت إذن مسبية
من شالو المحبس لگو............بي چلبت ترچية
**
معقولة!!!
حتى التراچي يشوفن احلام!!!
بودهة اعلى راس المحبس اتنام!!
وتشكيلة عن لچمات الاحروگ!!!!



علي عبود العبودي

#رئيسية_للخدمة

فصلت الحزن عالروح  وغير الدمعه ما اندل
ياراحه الضعن منهوب ونسوانه على الهِزل

تكتله عبرته  العاشگ خيمه محترگه
يگلبي   حبيبك  اعله اهله كتلته الحرگه



بالحب الوادم مرتاحه
بس اني حبي بلا راحه
غربه وموت  ودم وامتون

حسين العطشان الدامي
امنيتي اسمع بي مو ضامي
وما يوگع من الميمون

اليحبله بشر ضايع تحت خيل ال اميه
الحزن يتربع بگلبه وتخنگه الاعوجيه
مشه الناس العشگ بيها وانه حسين بيه

يمرني الليل وأتذكر ليل اهدعش والوادم
ركضت عالخيم وحسين ضل فوگ الترب نايم

تطشر  توذر   وخيل العسكر تسحگه
الضهيره ينازع  اعله اهله كتلته الحرگه
.
.
.
.

سلبوها اثياب الحبيته
وردو حرگو بالطف بيته
وگطعو خنصر من الايد

واتگلب بالخيل العشره
صبغت رجليهن من صدره
ودنه ياگلبي بعيد

يجيبون العذب يمه ويبدونه أمامه
عدل بعده الخلگ صاحت انهبوهن خيامه
يگوم ويوگع الضامي ويلجمنه سهامه

حسين الجابته الزهره بالطف سبحه واطشر
ومثل ما نهبو العباس بخِيامه نهبت العسكر

الزجيه  لهسه  تلفظ اسمه وتشهگه
وتنادي   فؤادي  اعله اهله كتلته الحرگه
.
.
.
.
ثوبي الاسود ما ابدلنه
الا وجاسم بيده الحنه
ورمله تعلگ  يمه اشموع

والا حسين ايرد بعياله
وما تفتر فوگه الخياله
ورأسه بجسمه وما مگطوع

بعد يا راحه اعيشنها وسبو ضعن العقيله
شِفَرِح گلبي واطوق بالهموم الثكيله
ومسافات الأرض عندي مسافات الهزيله

زغير وامي گالتلي ييمه الخدمه داريها
وعين الما بچت لحسين عميه وخير ما بيها

مقامي  بخدمته  مثل هالنعمه وين الگه
ومنوه  الاشوفه  اعله اهله كتلته الحرگه
.
.
.
.
مهموم حسيني باحزانه
أخذوا عالهزل نسوانه
وفترو من سوگ لسوگ

بسوط وغربه ودم وعبره
يسبوها ابنيات الزهره
وتعرج طول الممشه النوگ

أنه براسي ضعن يفتر وخرابه بلا محامي
ورمح ما تگدر تلوحه رقيه وكله دامي
ويدنگ الها ويگللها يبويه لسه ضامي

مرتاحه بنات ايزيد وبنات حسين مسبيه
وأبوهن عالعرش وحسين ضل بعازة اميه

مخضب  ينازع  ويابس بالفله حلگه
وعيونه الخيامه   اعله اهله كتلته الحرگه
.
.
.
.
عفت الراحه لاهل الراحه
عشت ايامي طف وانياحه
ومن الخدمه ما مليت

ليليه ادموعي تواسيهم
متعافي الما يبچي عليهم
ويلبس حزنه اعله أهل البيت

ابنمن انت اليگلي اگله ابن المجالس
لمحني بغيرته الساگي وصرت مثل العوابس
مثل جونه صبح گلبي واحلى من النوارس

جنت ضايع وگلبي بعيد ومدلي اجفوفه ابو ارقيه
وصرت انسان من الگيت روحي بالحسينيه

قداسه  ترافه  حگها الوادم تعشگه
ودمعها   لانه   اعله اهله كتلته الحرگه


عبدالله الشويلي

لاستشهاد الامام محمد الجواد عليه السلام
(وزن تجليبه)

بغربه خلصت العمر ماتعبت من الصبر
ردوا عليك الفضل سمتك ام الفضل
ماتعبت من الصبر
★★★★★
اشظمالك يبو الهادي الزمان شظم
بعد غربه طويله ونايبات الهم
لااحباب يمك لاشمل ملتم
لا اخوان عندك لا ابن لاعم

اعداك هاي بكل كتر حاقده وكلها غدر
وين تلگه راحتك يوم طالت غربتك
ماتعبت من الصبر
★★★★★
سنين الجور لهل الجور ودنَّك
گلب ملچوم مامرتاح خلنَّك
شتنسه من الهموم المايعوفنَّك
جروح الطف خذن كل العمر منك

بدنيا مالحظه تسر مثل غصن المنكسر
ابلااهل يم الغرب علاهل دمعك يصب
ماتعبت من الصبر
★★★★★
هذا المعتصم من ارسل اذنابه
مراصد شر تراقب طلعته وبابه
من شعت علومه وفاحت اطيابه
خايف من صلاته وصومه وكتابه

العدو مايوم اعتذر شامت وگلبه حجر
ياعمر لون الورد ماشفت بس الحقد
ماتعبت من الصبر
★★★★★
ياكسر الزچيه الزاد من كسرك
وطبرة حيدر المافارگت عمرك
وذبيح حسين لمن وكتك يذكرك
گبل نحره تحس چن منذبح نحرك

ومن دريت ام الخدر ظعونها بيد الشمر
طيحت الاكبر طحت العفا على الدنيا گلت
ماتعبت من الصبر
★★★★★
ليالي على السطح يبن الرضا مطروح
مثل جدك الظل بكربلا مذبوح
لايمك اهل تبجي وعليك تنوح
وياهو بخبر عنك للمدينه يروح

من يروح بهلخبر غاب من هاشم گمر
گمر طاح على الارض ليش محد يعترض
ماتعبت من الصبر

الشاعر حسن لعيبي الحريشاوي

لاستشهاد الامام محمد الجواد عليه السلام (ملمع)

( السلام عليك ياامامي الجواد. )
( السلام عليك يا أمامي الجواد )
٠**
تاسع الاطهار يانعم الولي
بزمرة الاشرار گلبك مبتلي
يا محمد سيدي يابن علي
صوت للحق على الباطل معتلي

(طالبا للسلام داعيا للسداد )
(السلام عليك ياامامي الجواد )

★★★★★
زيارتك من الگلب تمحي التعب
ياوجيه الگلب بيه لله اقترب
والظلام بنورك أَعليه احتجب
شوگي واجب بالعشك مومستحب

(جئت شوقا اليك يبن خير العباد )
( السلام عليك ياامامي الجواد )

★★★★★
عارف بحقك اجيت وملتزم
بشوگ مايعرف حدود ولاحجم
منهجك شلال من نور وعلم
وارث من حسين ثورات وعزم

(واقفا في خشوع قرب باب المراد )
( السلام عليك ياامامي الجواد )

★★★★★
علسطح ايام مرمي عافتك
ام الفضل بالغدرلمن سمتك
مثل ابوها ماتدور راحتك
زادت الغربه عليك بغربتك

(في فؤاد كئيب قد اقمت الحداد )
(السلام عليك ياامامي الجواد )

★★★★★
بعيد عن احبابك ودمعك يهل
بلاذنب مجبور عنهم. ترتحل
شكثر صعبه الدنيا علگلبه سهل
شگد مسامح سيدي وي اليزل

(لك نجري الدموع ولبسنا السواد)
(السلام عليك ياامامي الجواد )

★★★★★
ياوجيه ابزمرة الشر امتحن
الخلوا الدنيا جحيم من الفتن
شموع عمرك حيف بالغربه طفن
خمسه وعشرين باللوعه كظن

(لك حزن عميق في صميم الفؤاد )
(السلام عليك ياامامي الجواد )


الشاعر حسن لعيبي الحريشاوي

ابوذيات عن الامام محمد الجواد عليه السلام

الصبر ثوبك يبو الطيبات ورداك
عشرين على خمسه وذبل ورداك
راواك اللئيم الحتف ورداك
يبو الهادي يبن خير البريه

يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه

الجواد انته الكرم طبعك وجودك
سبب للناس والدنيا وجودك
اشرب جيت من چفك وجودك
يجود وخير بارض الكاظميه

الشاعر حسن لعيبي الحريشاوي

لاستشهاد الامام محمد بن علي الجواد عليه السلام  على وزن  راية محمد  حمزة الصغير

(بالغربه والالام      چبدك تمرد)
(مرن عليك ايام    مامرن احد )
أيام الخليفه السود.  بيهن صرت موعود
مامرن احد
★★★★★

غايات معقوده بمقاصد واسباب  ضدك فعلها
عدوان تطلب چنها من داحي الباب ثارات أهلها
كل مسئله اتحير عقول  وألباب    ميزك حلها
(وبدولة الطاغين  حافل سجلها )
(مرت عليك سنين   ماكو  مثلها)
بيها الأمن مفقود   بيهن صرت موعود
مامرن احد
★★★★★

دمعاتنا لجلك جرت هذا اليوم  تجرح جفنها
بارواحنا يجري الحزن يامسموم واگف زمنها
وگلوبنا طول الوكت يامظلوم   لجلك حزنها
(تتحمل الارجاس    لاجل الرساله )
(بالظلم ماينقاس   وجه العداله )
يا اية المعبود    بيهن صرت موعود
مامرن احد
★★★★★

اتمناها يوم المعتصم والمامون   هاي النهايه
مسموم ماتغمضلك الليله اعيون  لا لك رعايه
ابابك مراصد للخليفه  ينظرون   اهل الوشايه
( سلطة غدر وعناد   علمك يذلهم )
( مابطلوها احقاد   مثل الگبلهم  )
ماغيرك المقصود  بيهن صرت موعود
مامرن احد
★★★★★

لاحتنا نيران المگابر جمرات   سرها وعلنها
بفگد الجواد ارواحنا بالحسرات  لاگت محنها
هاذي السمه وهاي الارض  باللوعات مابطل ونها
(  ذابت يبو الاطياب   زهرة شبابك  )
(  تريد العلم طلاب  وگفت ابابك.  )
بجيش وحرس مرصود   بيهن صرت موعود
مامرن أحد
★★★★★

من سالف الازمان هاي الالام  باقي اثرها
اتبين باهل البيت هاي الايام  كثرة غدرها
الدار الجواد اليوم يبچي الاسلام  غايب گمرها
(غايب گمرها  اليوم    مهظومه  داره )
( وظل الگمر  محروم   غابت  انواره )
عليك المنايا جنود. بيهن صرت موعود
مامرن أحد

الشاعر حسن لعيبي الحريشاوي

لاستشهاد الإمام محمد الجواد
عليه السلام. ( عگيلي )

يابوالهادي جمر غيابك .
چواها بنيران أحبابك
يابو الهادي جمر غيابك
★★★★★
ايامك من غربه الغربه.
مفارگ خلانك والصحبه
جابوك البغداد برهبه .
لاعن شوره  ولاعن رغبه
ملتمه الحراس ابابك
★★★★★
يالهجه الي عدهم ترهم
غير السيف.وجريان الدم
جلمود گلوب الماترحم 
يم دارك عسكرهم ملتم
ماعدهم غير استجوابك
★★★★★
چم خطه الدرسوها بخطه
بالتهديد وفرض السلطه
يلمالك وياهم غلطه.
بجلد الريم الذيب تغطه
بحد السيف يريد اعتابك
★★★★★
بمنطق سلبي وسابق فكره
ظل الحاكم حقده بصدره
يوم الجَمَّع ذيچ الزمره.
كل عالم رد حاير بأمره
خجلَّهم علمك وآدابك
★★★★★
اتواكبهم رادوا چم مره
رادوا تضعف يبن الزهره
علمك اصبح الهم عثره.
غير السم ماعدهم فكره
هز الكون  اليوم مصابك
★★★★★
ياخمسه وعشرين اسنينك.
ناذرهن للباري ودينك
وسفه العدوان مخلينك
ظلمه ورهبه الدنيا بعينك
بالقوة الحاكم من جابك
★★★★★
ناتج  اهل الشر واصحابه
بصدرك نار السم لهابه
مثل حسين ونار مصابه.
حسين بسهم الطف صوابه
وانته بسهم السم صوابك

الشاعر حسن لعيبي الحريشاوي

لاستشهاد الامام محمد الجواد عليه السلام

شلون حاله بهلمسيه   ثامن اولاد الزچيه
صارت الدنيا ظلام  من بعد سم  الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه.  ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم  الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه.  بلوعته وشوگه وحنينه
الدنيا ماتسوه ملام.  من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه.  ينگطع نسل الامامه
عنده غايات ومرام.  من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت.    الدين وجماله
عاجلت بالسم على نهج العداله     
من طبع جعده ومثلها  هزت الكون بفعلها
ياعذر عدها وكلام.  . من بعد سم الامام
ثامن اولاد الزچيه

الشاعر حسن لعيبي الحريشاوي

لاستشهاد الإمام محمد الجواد عليه السلام.  ( ميمر)

وگفت جميع الافلاك.  تجري الدمع لغيابه
★★★★★
لايمه أهله    ولاقريب العنده
برض العدة تچوي المدامع خده
ارض المدينه موحشه من بعده
ماوصلت الاهله اخبار ومحد وصل يم بابه
★★★★★
محد گدر علدين       ينكر فضله
اصحاب واعادي   بالعلم تشهدله
باصعب مسائلها.  الخلگ ترجعله
عالم ابسر الرحمان. وكل مايخص اكتابه
★★★★★
الناظرك يقصد تنحرج من يسئل
يلگه الجواب بكل جهاته امفصل
يمك عواصيها    المسائل. تنحل
والحسب بيهن تحتار. خايب رجع بحسابه
★★★★★
عونك محمد يلمحمد جدك
يامن خزائن كل علومه عندك
أيدلي التحير بالمسائل ردك
الطالب علم من كل صوب. يمك يحط ارچابه
★★★★★
يبن الرضا للناس. يابو الهادي
من الضلاله للمعارف حادي
لمن لگيت الخلگ كلمن وادي
المعتصم راد  الموضوع  حالا تزول اسبابه
★★★★★
ام الفضل مثل الاهل عادتها
شمعة الدين.  بهلغدر طفتها
ايام جثه على السطح عافتها
لاعرفت بحاله الناس   لامن دروا احبابه

الشاعر حسن لعيبي الحربشاوي

لشهادة الامام محمد الجواد عليه السلام( ملمع)

(لك يبن الكرام      ياامامي الجواد)
(باكيأ في خشوع.  قد اقمت الحداد)

★★★★★
جيت انوح أعليك  ياتاسع العتره
ما اتيهن دربك يدليني  عطره
يلي من عطفك ردت مولاي نظره
گلب المفارگ يظل ملتهب جمره

(لهفة في العيون لوعة في الفؤاد)
(لك يبن الكرام. ياأمامي الجواد. )

★★★★★
اعتله الشوگ الروح وجروحي لچمها
روحي لمصابك. ولايرحل هظمها
گاطع دروب السفر    كّطعني  همها
عرفت معنى الروح يمك  من عدمها

(ليس لي من هجوع. ليس لي من رقاد)
(لك يبن الكرام       ياأمامي الجواد.  )

★★★★★
يبو الهادي من الرضا طبعه وصفاته
كملّت درب العلم ساعة  وفاته
ناظرت كلمن اجاك ابمعظلاته
رجع متّحير عليه تاهت  جهاته

(عصفت بي تدور  عاتيات الوداد)
(لك يبن الكرام.   ياأمامي الجواد)

★★★★★
وين ابن اكثم نواياه اكشفتها
حرج نفسه والمسائل  فسرتها
لهلسبب  احقاد منهم واجهتها
كل نوايا المعتصم   انته اعرفتها

( شره مستطير.    شره بازدياد)
(لك يبن الكرام  ياأمامي الجواد)

★★★★★
عارف بحقك   اجيتك   معتنيلك
بين اشوفك سيدي وبين اشتكيلك
من زماني ومن ذنوبي انا دخيلك
اقبلني خادم سيدي واشكر جميلك

(ذاب قلبي أسى.  وغدا كالرماد)
(لك يبن الكرام. ياأمامي الجواد. )

الشاعر حسن لعيبي الحريشاوي

استشهاد  الامام محمد بن علي  (الجواد ) عليه السلام

بدمعتي ولطم الصدر     وجمر گلبي المستعر
بحسرة جيتك يلجواد    اعلن عليك الحداد
     بدمعتي  ولطم الصدر

★★★★★

بالحقد عدهم وعد.      وعد ثابت للابد
للابد هذا الحسد     حسد علعترة انقصد
انقصد من شخصك سجد  سجد للباري وعبد
بدمعتي ونار الگلب   اعتني ومشي الدرب
لابس اليوم السواد     اعلن عليك الحداد
     بدمعتي  ولطم الصدر
★★★★★

ياابن خير العمل        للعلم مضرب مثل
عن علم لوعن جدل    الناقشك رد ابفشل
للعلم شخصك يضل    هو مضمون وامل
الرادوا الحق ينهزم     واجهتهم بالعلم
ياابن خير العباد    اعلن عليك الحداد
     بدمعتي  ولطم الصدر
★★★★★

وين ابن اكثم صفه     اليدعي بالمعرفه
حرج اصبح موقفه      سيل علمك صادفه
عنه ماغاب وخفه           جدك انته المصطفى
عرف نفسه بياحجم       الما اله مثلك علم
بالحقد لاچنه زاد           اعلن عليك الحداد
     بدمعتي  ولطم الصدر
★★★★★

القصد  منك ينتقم        خصم معروف الاسم
ينتقم من العلم              هذا فعل المعتصم
قصد عمرك ينختم      بكل وسيله  وينحسم
هلجريمه بالفعل    نفذتها ام الفضل
من ظلم اهل العناد    اعلن عليك الحداد
     بدمعتي  ولطم الصدر
★★★★★

دوروها بكل شكل     سيرتك ماتكتمل
توارثوا هذا الفعل.  عن اهل طبق الاصل
هذا طبع ام الفضل   هيئت سم القتل
بساعه لمن سمّتك      تعاني وحدك خلّتك
حولّت چبدك رماد        اعلن عليك الحداد
     بدمعتي  ولطم الصدر

الشاعر حسن لعيبي الحريشاوي

لاستشهاد الامام محمد الجواد عليه السلام
(وزن الدارمي )

ياروحي زيدي النوح  وأبچي لمصابه
أبن الرضا سموه      بأول شبابه
★★★★★
أبچي على البلكون  تبچيله الاملاك
وگفت بحيره أليوم محبوسه الافلاك
ياگلبي ظل مهموم   وابچي على مولاك
لجله الشرع مفجوع   نهجه وكتابه
★★★★★
زادوا بني العباس   جور واذيه
اكثر ظلم  وإجرام   من آل أميه
مقصدهم يعذبون   ولد الزچيه
ابدور السمه الصافيين واهل النجابه
★★★★★
فاگد أبوه الچان  خيمه ومحنه
غربه ومواجع  شاف  من صغر سنه
بدار الغرب مهظوم  ماغمض جفنه
الفاگد اعزاز شلون   يخلص عذابه
★★★★★
لا  غفر رب الكون  إلهم ذنب يوم
الخلوه  عليل الحال   والچبده مسموم
إلهم عذاب النار   وكت الحشر دوم
المعتصم يوم الدين    شنهي جوابه
★★★★★
شنهي جوابه يصير  يوم القيامه
الخلاها  تلهب نار   چبدة أمامه
بحبل الكفر  والجور   چان التزامه
الخان الجواد النار  باچر أحسابه

الشاعر حسن لعيبي الحريشاوي