🇺🇿🇺🇿🇺🇿🇺🇿

🌟Kadastr agentligi va 🇰🇷Koreyaning LX konsorsiumi o‘rtasida “O‘zbekistonda Milliy fazoviy axborot salohiyatini kompleks mustahkamlash tizimini tashkil etish” loyihasining joriy holati yuzasidan navbatdagi uchrashuvlar bo‘lib o‘tdi.

Uchrashuv kun tartibidan:
- kadrlar tayyorlash bosh rejasining batafsil muhokamasi;
- trenerlar uchun treninglar, jumladan, dekabr oyida trenerlar tomonidan amalga oshiriladigan pilot malaka oshirish kurslari
- Rivojlanishga rasmiy yordam (ODA) loyihalarining amalga oshirish muddati va strategiyasidagi o‘zgarishlar muhokama qilindi.

Shuningdek, koreyalik mutaxassislar tomonidan “O‘zbekistonda Milliy fazoviy axborot salohiyatini kompleks mustahkamlash tizimini tashkil etish” grant loyihasi doirasida Kadastr agentligiga amaliy mashg‘ulotlarda foydalanish uchun maxsus kamera va Lidar texnologiyasi bilan jihozlangan DJI Matrice 350 RTK modelidagi dronni topshirdi.

DJI Matrice 350 RTK - yuqori aniqlikdagi xaritalash va 3D modellashtirish, monitoring ishlarini amalga oshirish, shuningdek, qidiruv-qutqaruv va qishloq xo'jaligi ishlari kabi professional yo‘nalishlarga mo'ljallangan ko'p qirrali UUA modeli hisoblanadi.

Asosiy afzalliklari - RTK tizimi tufayli yuqori joylashish aniqligi, uzoq parvoz masofasi, mustahkam dizayn va turli xil foydali amaliyotlar uchun ( termal tasvirlar, skanerlar) bilan ajralib turadi.

#Kadastr_agentligi #xalqaro_aloqalar

📩 Telegram   |  📩 Instagram    |  📩YouTube    | 📩 Facebook       | 📩 Web-sayt