‎ ምንም ባንዛመድ በደም እና ስጋ
‎ ብንኖር ለየቅል እዚጋና እዛጋ
‎ ከተዋደደ ልብ ከተቀራረበ
‎     አንድ ሆኖ ካሰበ
‎ ወንድም እና ወንድም
‎   እህት እና እህት
‎ ወንድም እና እህት
‎             ለመሆን ከበቃ
‎ መወለድ ቋንቋ ነው
‎             እህቴ ነሽ በቃ።
‎
‎ ዮኒ
‎      ኣታን @yonatoz

@getem
@getem
@getem

ሆያ ሆዬ .....ሆ!
ሆያ ሆዬ.......ሆ!
°°°°°•••••°°°°°•••••
ተቀሰቀሰብኝ ቡሄ ትዝታዬ
ልቤ ስትፈነጥዝ ስትሰክር በፌሽታ
ከእኩዮቼ ጋራ በቡሄ ጨዋታ
በዛ ላይ ነፃነት አይቆጡም ጌታ፡፡
ገመድ እየገመድኩ ጅራፍ ስሰራ
በጩኸቱ ሳበስር ወጥቼ ከጋራ
በሆያሆዬ ዜማ በሞቀው ጭፈራ
ደሞ ይመሽና ችቦዬን ሳበራ
በልጅነት ፍቅር ወረት በማያውቀው
በጭፈራ ወጀብ ልብን በሚያሞቀው
የጌቶችን በር አፍ ሚያበስረው ደርሶ
ባባቶች ምርቃት ሙልሙል ፍቅር ቆርሶ
በእናቶች ስጦታ ከመቀነታቸው
በታቦሩ ብርሃን ሞልቶ ሰላማቸው
አስታቅፈውን ሙልሙል ሲፈስስ ፈገግታቸው
አይ ልጅነት ደጉ ምን አለ ከዚህ በላይ
ችቦ ተለኩሶ ፍቅር በርቶ ሲታይ፡፡
                  እንኳን አደረሰን!
           
By  @Abuugida

@getem
@getem
@getem

እግረ-መንገድ
_ _ _ _ _ _ _ _

ጡሩንባውን ሰምተኸ፤
እንደ አጋጣሚ...
ከድንኳኑ ዘልቀኸ፤
ከሟች ፎቶግራፍ
ፊትለፊት ተቀምጠኸ፤
በጨዋታ መሐል
ድንገት ቀና ብለኸ፤
ያየኸው እንደሆን፤
ከሳሎን ያኖርከው
ያንተ ፎቶግራፍ
ትዝ ብሎ ይሆን?!

ያ... የልደትኸ ፎቶ
ያ... የምርቃትኸ ፎቶ
ያ... የሠርግኸ ፎቶ፤
የቤትኸን ግርግም
ግድግዳውን ሞልቶ፤
ዙ..ሪ..ያ..ው..ን ያለው፤
አለ'ለት ቀራኒዮ
ከድንኳኑ የሚሰቅለው።

   ሳሙኤል አለሙ
@yeketemawmenagn

@getem
@getem
@getem

◌◌◌◌◌◌◌◌◌◌◌◌◌◌◌◌

በል እንግዲህ እግዜር
መዝገብህን ክፈት| ጆሮህን ቀስር
ብሶት ልንገርህ| ስጋና አጥንት ሚሰረስር

፩
❛❛እዚህ እታች ሰፈር
ማዳበሪውን እንዳነገተ
ሀይላድ ሲለቅም
መኪና ገጭቶት| አንድ ህጻን ሞተ
ይሙት ግድ የለም
"ነበር አልን እንጂ"
የኖረው ህይወት| ህይወት አይደለም
ትራፊ እንጀራ ለዕልፍ አዕላፍ ያራቀራመተ
ባርከው እያለህ
ሳትባርክለት እርቦት የሞተ

ቀብሮት ወንድሙን
ከአይኑ አብሶ የእንባ ደሙኑ
ኑሮን ሊጋፋ
ለሀይላንድ ልቃሚ አንገት ቢደፋ
ያው እንደወጣ አልተመለሰም
እንደ ጥያቄው እንደ ምኞቱ
የሱን አልን እንጂ
ታሪኩ እራሱ ታሪክ ነው የስንቱ❜❜

በል እንግዲ እግዜር
መዝገብክን ክፈት| ጆሮህን ቀስር
ብሶት ልንገርህ| ስጋና አጥንት የሚሰረስር

፪
ደሞም አንዲት ሴት
የቀሚስ ቅዷ የጭኗ ቁስል
የአርብ ዕለት ጌጥክን ግርፋት ምስል
እንደከተበ
አይኗ በምሬት
የራሄል እንባ እያዘነበ
ስታልጎመጉም እንዲ ትል ነበር
❛❛የጫንክብኝን የህይወት ቀንበር

ችዬ ስጋፋው
ስለምን ወንዱን ስሜት አስከፋው
የገፋ ባሌን
ዝሙት ሀጥያቱን ገና ሳለምደው
ከሞት መራራ
ብልቱ መርቶ የሚያራምደው
በእናቱ እንጀራ
በሰባ እጆቹ ጨፍልቆ ይዞ
የሴት ገላዬን በቁም ገንዞ
በድን ሲያስቀረኝ

ቂም እንዳይመስልህ
በእንባ ዘለላ የሚያናግረኝ
ይልቅ መዳፍክን
የአንገት ማህተቤን| ወሰድ ከህይወቴ
አንቆ ሲደፍረኝ
ምስለ ስዕልህ ገዝፎ ከቤቴ
ተስፋ እንዳይሆነኝ ?
ስንቅ እንዳይሆነኝ ?
ኖረህ ዝምታ እያስደፈረኝ
ሆድ ይፍጀው እንጂ
ችዬ ያልነገርኩህ ብዙ ነበረኝ።❜❜

በል እንግዲህ እግዜር
መዝገብህን ክፈት| ጆሮህን ቀስር
ብሶት ልንገርህ| ስጋና አጥንት የሚሰረስር

፫
ደግሞ'ም ትዝ አለኝ
አንዱ ፈላስፋ የተናገረው
ከትቦ ያኖረው
❛❛የዚህ አለም ቁስል የዚህ አለም ብሶት
ውርቂያኖስ በእንባ እንደመለካት
ተጠማው ያለን በሀሞት ማርካት
እየቀበሩ
ማማረር ሀጥያት ብሎ መመካት
ነድያን አልፎ
ዲያቆን ፍለጋ መቅድስ ማንኳኳት❜❜
ደሞም ትዝ አለኝ
ትዝ አለኝ ብዙ.  .  .  .

በሀረግ በስንኝ እንዴት ይቋጠር ?
ጋን ተሸክሞል ሰው እንደጠጠር!
ይልቅ ዝም ነው !
ሁሌም ዝም .  .  .  .ዝም

የዚህ አለም ቁስል የዚህ አለም ብሶት
የትኛው ጠቢብ| ደራሲ ደርሶት ?
የትኛው አምላክ| እንባን አብሶት ?

ይልቅ ዝም ነው!
ሁሌም ዝም..... ዝም
ሰሚ ሳይኖረን አንናዘዝም!።

፬
እናም በል እግዜር
መዝገብህን ዝጋው| ጆሮ ዳባ አልብስ
የሰማ ሳይሆን
ስሙኝ ያለ ነው የሚያደባብስ!.  .  .

by የአብስራ_ሳሙኤል

@getem
@getem
@getem

- Jop position : site forman
- Requirement: diploma in masonry,      concrete, electricity or survey coc not to expired
- Salary: by negotiation
- Work location: Asella

Inbox me @paappii

◌◌◌◌◌◌◌◌◌◌◌◌◌◌◌◌◌◌◌◌◌◌
ያው እንደምታውቂው
ሀገርሽ ሀገሬው እንቆቅልሽ ለምዶ
ሀገር ልስጥሽ ይላል ለመልሱ ተሰዶ
ውል አልባ ጥያቄ
ምላሽ አልባ ምኞት እንደ አደይ ይፈልቃል
መፈለጉን እንጂ ማግኘቱን ማን ያውቃል?
°
ያው እንደምታውቂው
አንቺም እንቆቅልሽ ለጉድ ትወጃለሽ
እንቆቅልህ . . . ምን አውቅልሽ?

፩ (ጥያቄ)
ከለምለም ሰርዶ ከጤዛው
ተማሪ እረኛ ተኝቷል
የአይኖቹን መክደን ጠብቆም
ተኩላውም በጎቹን በልቷል

የኔታም ከዋርካው ግርጌ
ይሄንን እያጣመሩ
እንዲህ የሚል ቅኔ አስተማሩ:

፪(መልሱ)
በጉም! እረኛ አለኝ ብሎ ጠባቂን አመነ
የተኩላ እራት ሆነ
(እናም ተማሪ ሆይ)
ጠባቂ አለኝ ብለህ
አዳኝ አለኝ ብለህ ከእሳት አታመልጥም
ይልቅስ ለትግሉ
ሰይፍህን አዘጋጅ ክንድህን አፈርጥም!

@getem
@getem
@getem

,          ( ደጅሽ ፀናሁ )

     ለለመነ ሁሉ ለጠዬቀ ሁሉ
ይሰጣል ስለሚል የክርስቶስ ቃሉ

በርሽን አንኳኳሁ መጣሁ ልለምንሽ
ዳግም ደጅሽ ፀናሁ ቆምኩና ከጎንሽ
እኔማ ወዳጅሽን እኔንማ አፍቃሪሽ

ጭንቅና ህመሜን ቀርበሽ ብታይልይ
ድንገት እግዚሔር ፈቅዶ ልብሽ ቢራራልይ
           ሱባኤ ገብቼ
አርባ ቀን አርባ ሌት በስምሽ ላፀልይ
      አወ እገባለሁ አወ እፀልያለሁ
ብትመጭም ባትመጭም እውነት እልሻለሁ
       በስምሽ ደግሼ ገና እዘክራለሁ

ይልቅ አቡዬና ስላሴን በሩን ተሳልመሽ
  ጧፍና ሻማሽን መዕባሽን ሰተሽ
ዳግም ለእመብርሃን ጧፍን ተስለሽ
ከፍቅራችን ፅዋ መተሽ ተቋደሽ

By Habtamu dama

@getem
@getem
@getem

-------- ብልግና --------

በኛ ሀገር ቀመር
በኛ ሀገር ፎርሙላ፣

ብልግና ተብሎ
ሚሰጠዉ እዎቅና፤

ለእንደ እኛ አይነት ምስኪን
ውግዝ ሲሆን ክልክል፣

ለባለ ገንዘቦች፣
ተከታይ ላላቸዉ
ማረግ ነው ያለ እክል።

@getem
@getem
@paappii

‎ናተይ ኩሉ
‎ መዋደዳችንን እስካመነው ድረስ
‎ ነይ ኪዳን እንሰር በቃል እንታነፅ
እቲ ዓውዲ ስድራቤት ዘይኮነስ አንዳችም ጥም
‎ ፍቅር ካለ ሀገር አለ በኢትዮጵያ ተስፋ አንቆርጥም
ድሕሪ ሓደ ቦታ ኣብ ኣቦ ዕዳ
‎ በደማችን እርቅ ይወርዳል መዓልቲ ሞት ግንባር ሓዳ
‎ናተይ ከሉ
‎ እንዋደድ የለ....እንፋቀር የለ
‎ ልክ እንዳምናው እንደበስቲያ ትላንትና
ዘይንጡፍ ኣይኮነን: ዝተፈላለየ ፍቕሪ አሉንና
‎ አንቺን ከኔ ቢያርቁሽም ቢነጥሉሽ ከብሌኔ
‎ ተስፋ አትቁረጪ ፍቅሬ
‎            ተስፋ አልቆርጥም እኔ
‎ ነገንም እንኑር ዛሬም አለንና
     ‎ ሐደ እንሁንና

ዮኒ
    ኣታን  @yonatoz

@getem
@getem
@getem

▵∘∘∘∘∘▴∘⊙⊙⊙⊙⊙⊙⊙⊙⊙
ስንወቃቀስ እድሜያችን ሸሸ
ስንገፋፋ ቀናችን መሸ
በመውደድ አጥቢያ በቦረቅንበት
የመለያየት ሰርዶ በቀለ
ፍቅራችን በቂም እየጠለሸ
¹
(በርግጥ...)
ሄጃለው ካልሺኝ አትመለሺም
እኔም እንዳምናው አልጠብቅሽም
ማነው ባለበት ያልተቀየረ ?
ከጊዜ ጋራ ውሎ እያደረ!
መዋደድ ማለት
ትናንት መምስል ፍጹም አይደለም!
ዛሬ ላይ ሆነም ትናንትን ማለም
ከህይወት ጋር ሰርክ እያደሩ
ለጋ ህልሞቼ ደጅሽ ነበሩ
²
(እናም...)
ያመነው እውነት ከሚነጥለን
በመለያየት ከምንከፋ
ህይወት አንዴ ናት
ጨበጥናት ስንል የምትጠፋ

ተይው ክስሽን አናሸንፍም ድል አንረታ
ከልቡ በላይ ዳኛ የለውም ወዶ የተረታ
³
(ደግሞም...)
ካለኔ በዕንባ መኖርሽን
አልፎ ሄጅ ንፋስ ነገረኝ
አውቃለሁ እንደምትወጂኝ
ጥላቻሽ እንደማይሽረኝ

ከኔም ዘንድ መተይሽ ባየሽው
የመኖር ምኞቴ ረግፏል
ሄጃለሁ ካልሺኝ ጀመሮ
ክንፎቼ ላባ ተገፏል

አድባሩም አውዱም አስጠላኝ
ወዳጆች ካልኳቸው ሸሸሁ
ዋልሽበት ባሉኝ እየዋልኩ
በራፍሽን ስከል አመሸሁ
⁴
(እናም...)
በመሸ ቀን በሌት ጀንበር 
ስንካስስ ባስረፈድነው 
በሰከነ ህያው ፍቅር 
ስንራራቅ ባበረድነው…

የቀረንን ነጣላ እድሜ 
እንኑራት በፈገግታ 
አረፍ ብዬ ልጠብቅሽ 
ከትናንቱ ከአምናው ቦታ!

#የአብስራ_ሳሙኤል
@YabisraSamuel

@getem
@getem
@getem

እናቴ 🥰
.
.
.
ቢጨላልም ንጋት ቀኗ፤
ሲደካክም ወገብ ጎኗ፤

ማጀት ቤቷ ቢጎድልባት፤
ስቃይ ችግር ቢደቁሳት፤

በሀዘን ጊዜ በደስታዋ፤
አይከደን ሁሌም ጥርስዋ፤

ብትከፋ ምን ቢያደማት፤
ፈገግታ ነዉ የሚቀድማት።
......................................
በዔደን ታደሰ
@topazionnn
@getem
@getem

‎#Akka_Qossaatti
‎
‎ባካል ግብር ሳንገናኝ
‎ያይንን ውሃ ሳንረዳ
‎ቴሌግራም አስተዋውቆን
‎ሳንተያይ እንደባዳ
‎እንዳፍለኞች ሳናወራ
‎ሳታቀብጠኝ ሳላቀብጣት
‎ድብርት ቢጤ እየጫራ
‎ሳላገኛት እሷን ማጣት
‎ውለን አድረን መጨቃጨቅ
‎መተራረብ ለፍቅር ቃል
‎ኢመንት ነው መተያየት
‎መቀራረብ ብዙ ያዘልቃል
‎
‎ከጎኔ እንዳለች ሰው
‎ሳይሰማኝ ሩቅ ያለሽ
‎አጠገቤ እንዳለሽ
‎ተቃርበሺው ይህን ቀልቤን
‎Waggaan tokko akka qossaatti darbe
‎
‎ሳይታወቀኝ ሳይታወቅሽ
‎ቀናት ወርን እየተደገፈ
‎እንደ ቀልድ
‎እንደ ዋዛ አንድ አመት አለፈ።
‎
‎ እንኳን አደረሰን🍾 ለኔና ላንቺ ብቻ😁
‎
‎ ዮኒ
‎      ኣታን @yonatoz

@getem
@getem
@getem

ትዝታ ወልዴ✍


@Tizita21
@getem

ቅዳጅ ሃሳቦች
ለመድብል ያልጣፈው ቀርቶ ባጭር ጉዞ
አያለሁ ወረቀት ቅዳጅ ሃሳብ ይዞ፡፡
ለመድፋት ሲኳትን ጭራሽ ሲፈርስበት
ሃሳብ በምጥ ወልዶ በኖ ሲጠፋበት፤
ከግጥም ጥመኛው ከዛ ከአብሮ አደጌ
እልፍ ቅዳጅ አለ ከማረፊያው ግርጌ፡፡
የሀሳብ ቁርጥራጭ የወረቀት ቅዳጅ
ፍቅር የተራበ ያጣ ዘመድ ወዳጅ
የሚጮህ ዝምታ በእንባ የታጀበ
በጉንጭ ሸራ ላይ በዕድሜ የነተበ፤
እልፍ ሀሳብ ይዞ ጠጥቶ አዋራ
ሰሚ በሌለበት በጩኸት ሚጣራ
ከዛ ከሱሰኛው ከአብሮ አደጌ ጓዳ
ጉም መሳይ ህልሙ በራሱ የተቀዳ
አያለሁ ዘወትር ጭምድድ ወረቀቶች
በጅምር የቀሩ ቅንጥብጣብ ትንቢቶች፡፡
          
By @Abuugida

@getem
@getem
@getem

ቦግ.....እልም
.
.
ጭላንጭል ብርሃን በጽልመት ተከባ፤
ቦግ...እልም ስትል ስትወጣ ስትገባ፤
አለች እንዳይሏት በርታ ትጠፋለች፤
ከሰመችም ሲሏት ከሩቅ ትታያለች፤

ቦግ.......እልም፤
ጭልም......ጭልምልም፤
ብልጭ.....ድርግም፤

የኔም ህይወት እንዲሁ......

አይሆንላት ተሸነፈች፤
አይሳካም ተሰበረች፤

አበቃላት ወድቃ ቀረች፤
ብለዉ ሲናገሩኝ..........

የሩቋ ወጋገን ጎልታ 'ምትታየኝ፤
በተነሳሁ ቁጥር ወደኔ 'ምትቀርበኝ፤
ጠፍታ የማትጠፋዉ ያቺ ብርሃን ነኝ።
..............................
በዔደን ታደሰ
@topazionnn
@getem
@getem

አልጋዬ የምኞት በሀር ወዝሽ የፈሰሰበት
ማጀቴ የፈኖስ ብርሀን ሳቅሽ የደመቀበት
የጂጂ የመውደድ ዜማ
ተቃቅፈን የደነስንበት
ጎዳናው የተጓዝንበት
#አንቺን_ያስታውሰኛል!
¹
የታክሲው ጥግ ላይ ወንበር
ከፍተሽ የምተገቢው በር
የቡና የዕጣን አውዱ
የቤተስክያን አጸዱ
የጧፏ ደቂቅ ብልጭታ
ያስቀደስንበት ቦታ
#አንቺን_ያስታውሰኛል!
²
የትኩስ መቃብር ሽታ የተቆፈረ አፈር
ድንኳን የተጣለበት ሰፈር
የአበባ እቅፎች መቃብር ግርጌ የረገፉ
የዕድር ጥሩንባዋች ሞት የሚለፍፉ
#አንቺን_ያስታውሰኛል!

#የአብስራ_ሳሙኤል
@YabisraSamuel

@getem
@getem
@getem

ሁሉም ይለወጣል

በአበባ ይተካል
ሸክሙም ቀንበሩም፤
ዘንበል ይሉልኛል
ድንግዝግዝ ቀናቶች፡
ችክ እንዳሉ አይቀሩም።

አምናለሁኝ እኮ፡
በኔ ላይ ይሆናል
ፍፁም የማይሆነው! ፤
እኔን የጨነቀኝ፡
እንዴት አድርጌ ነው
የማመሰግነው ?።

By @mikiyas_feyisa

@getem
@getem
@paappii

------- ቀን --------

ቀን ቀንን አርግዞ
ቀን እየወለደ፣
አንድ ቀን ሌላን ቀን
አልፎት እየሄደ፤

በቀናት መካከል
ቀናት ተደራርቦ፣
የቀናት ክምችት
የቀናት ርብራቦ፤

ቀናቶች ስንቆጥር
ቀናት ስንመነዝር፣
ቀናት ስንዘራዝር
ቀናቶች ስንገብር፤

ቀኖች እያሰብን
ዝክር ስናዋጣ፣
ቀንን ሳንጠቀም
ምፅአት ቀን መጣ።

@getem
@getem
@paappii

ጥርሷ ሰዋሪ
ሳቋ ነዳፊ ፤
ከንፈሯ ገዳይ
ዐይኗ ገራፊ ፤

ፀጉሯ ሐመልማል
ልብሷ ደመና ፤
ገላዋ አበባ
ቃናዋ ናና ፤

ልክ እንደ ሰንደል
ልክ እንደ ብርጉድ ፤
የቀመሷት ለት የምታስብል ጉድ !

ከሰማይ በቀር
የምድር አፈር የማይመጥናት ፤
ከመለዓክ በቀር
በሳር በቅጠል የማይመስሏት ፤

ልጅማ ልጅ ናት !

ጨረቃ ኮኮብ የሚሰግዱላት
አበቦች ከዱር የሚያረግዱላት ፤

የሚገድሉላት
የሚሞቱላት
ከአንቺ ጋ አድሬ ሲነጋ ልሙት የሚዘፍኑላት ፤

ልጅማ ልጅ ናት !

ሲሻት በምድር
ሲሻት በሰማይ የምታበራ ፤
ነፍስ የምታስት ስትስቅ ስትኮራ ፤

እንኳን ለአዘቦት
ለክት ለዓመት ባል የሚሸሽጓት ፤
እንኳን በፀሐይ
ሌት በጨረቃ በሩቅ የሚያውቋት ፤

ልጅማ ልጅ ናት !

እንኳን ቁሞ ሃጅ
ሙቶ የተኛን ታሳብዳለች ፤
እንኳን የሰው ዘር
ባህሩን ወንዙን ታስረግዳለች ፤

ከፍቅር በቀር
ሌላ አይችላትም ፤
ከራሷ በቀር
የቱም አበባ አይመጥናትም ፤

የምድር ዕንቁ ናት
የምድር አበባ ፤
እንዲሁ ታይታ ዐይን የምትገባ ፤

እንዲሁ ታይታ ቀን ታፈካለች ፤
በዐይኖቿ ብቻ
ውኃን ወደ ወይን ትቀይራለች ፤

ለባህር ዛጎል
ለሰማይ ኮኮብ
ለምድር አደይ ናት ፤

እንኳንስ ቁሜ
ስሞት ከጎኔ ትብቀል የሚሏት ፤

ልጅማ ልጅ ናት
ከአንድ እኔ በቀር
ሌላ የሰው ዘር የማይመጥናት ።

by Tewodros Kassa

@getem
@getem
@paappii

ሰላም ወዳጆች ዛሬ 9:30 አራት ኪሎ በዋልያ ቡክስ አዳራሽ የወዳጄ የኪሩቤልን መፅሐፍ እናስመርቃለን።

የምትችሉ እዛው እንገናኝ።

ማስታወሻ የኔን ምስል እዚ ውስጥ ፈልጎ ላገኘ የመጀመሪያው ሰው መፅሐፉን እሸልማለሁ...😅🙏